Post: #2
Title: Re: إتو القرفة دي عليكم ؟
Author: زهير عثمان حمد
Date: 06-12-2018, 07:04 AM
Parent: #1
ود ابوسن صباحاتك خير
بس يا زول الكلام صعب والجرسه شينه
ربك يعدل الحال ليك ولينا انشالله
|
Post: #3
Title: Re: إتو القرفة دي عليكم ؟
Author: زهير عثمان حمد
Date: 06-12-2018, 07:08 AM
Parent: #2
نست أقول الحالة
هي معكنان مرضان مجهجه باكي فاقد
عندك ليها دي علاج
|
Post: #4
Title: Re: إتو القرفة دي عليكم ؟
Author: يحي قباني
Date: 06-12-2018, 07:28 AM
Parent: #3
| Quote: lost sense of Cheerful |
lost sense of Cheer
|
Post: #5
Title: Re: إتو القرفة دي عليكم ؟
Author: يوسف الطيب احمد إدريس
Date: 06-12-2018, 07:32 AM
Parent: #4
سلام أب سن وضيوفه
ما عارفين نقول شنو
الله يصلح الحال وكتر من الاستغفار
|
Post: #6
Title: Re: إتو القرفة دي عليكم ؟
Author: عبدالحفيظ ابوسن
Date: 06-12-2018, 07:43 AM
Parent: #5
يا قباني لو نطتت cheerful
|
Post: #7
Title: Re: إتو القرفة دي عليكم ؟
Author: عبدالحفيظ ابوسن
Date: 06-12-2018, 07:53 AM
Parent: #6
دخلت امرأة من الأنصار على عائشة رضي الله عنها في حادثة الإفك، وبكت معها دون أن تنطق بكلمة.
قالت عائشة : لا أنساها لها.
وعندما تاب اللهُ تعالى على كعبٍ بعدما تخلَّف عن تبوك ؛ دخل المسجدَ مستبشراً، فقام إليه طلحةُ يُهرول ثمّ احتضنه.
قال كعب : لا أنساها لِـطلحة !
أحياناً لا تحتاج سِوى لمثل ذلك من أخ قريب صادق لك !
مواقف الجبر في لحظات الانكسار لا تُنسى
اجبروا خواطر من حولكم.
ياخ دة حديث حلو عديل كدة
زول تتكل عليهو راسك وتبكي وهو يمسح في راسك
تبكي قدرتك قدر ما الله اداك
تغسل كل احزانك واحباطك وخوفك علي كتفه
في الارض متسعا
لكل قوافل الموتى
لا تترنحي
اتكئي علي كتفي
ستزدهر الشواطئ من جديد
كما قال كجراي
بدون كلام .. ولا يسألك بتبكي في شنو وعشان شنو
وتحس بحبه وتعاطفه
وتتحويل يده لطاقة من الحب والمحنة تحسها في شعرك ورأسك
ولا يحسسك بالمهانة
كما قال سند
لا تحدث القساة بالهوان
حين يعتريك
فالذي يحس ضعفك الذي تحس
يزرع المدى موانعا
قطيعة
ليتقيك
او مظفر
احتاج صدر امرأة دفء
فأنا دفء
كيف لنا ان نخرج كل تلك الاحباطات والحزن والاسي والخوف
ان نفرغ ذواتنا لنملأها فرحة وامل وغبطة وسرور
|
Post: #8
Title: Re: إتو القرفة دي عليكم ؟
Author: عبدالحفيظ ابوسن
Date: 06-12-2018, 07:56 AM
Parent: #7
سنغني خلف اجفان العيون الخائفة يا زهير
لسنا محصنين ضد الاحباط ولكننا
سندفن موتانا وننهض
|
Post: #9
Title: Re: إتو القرفة دي عليكم ؟
Author: يحي قباني
Date: 06-12-2018, 08:05 AM
Parent: #8
| Quote: يا قباني لو نطتت cheerful |
سنو يا صديقي ...
Cheerful صفة ...
زيها و زي happy
انت داير تقول فقدان الإحساس بالسعادة أو البهجة
Lost sense of cheer or happiness
ما بتقول lost sense of happy
ثم قوم لف ...😉
|
Post: #10
Title: Re: إتو القرفة دي عليكم ؟
Author: عبدالحفيظ ابوسن
Date: 06-12-2018, 08:11 AM
Parent: #9
قباني لو ما بتعرف تنط قول
نخلي واحد يعلمك
|
Post: #11
Title: Re: إتو القرفة دي عليكم ؟
Author: عبدالحفيظ ابوسن
Date: 06-12-2018, 08:13 AM
Parent: #10
تشكر يوسف
استغفر الله
|
Post: #12
Title: Re: إتو القرفة دي عليكم ؟
Author: يحي قباني
Date: 06-12-2018, 08:27 AM
Parent: #11
يا سنو ... كنت من حكماء المنبر و انيقيه ...
مالي اراك مغالطا دون حجة ؟
بعدين عشان نكمل الغلاط ...
حقة اول أمس ديك اسمها جمع تفجيخ و ليس خفيج
|
Post: #13
Title: Re: إتو القرفة دي عليكم ؟
Author: محمد أبوالعزائم أبوالريش
Date: 06-12-2018, 08:37 AM
Parent: #12
| Quote: حقة اول أمس ديك اسمها جمع تفجيخ و ليس خفيج |
ما دام حرفتو البوست عن موضوعو .....
أهلنا في الجزيرة عندهم أجمل قاعدة للجمع .... وهي: أن لا قاعدة.
لو مريت على أسماء القرى في الجزيرة تتكيف:
التكلة (جمع تُكُل) .... كدسة (جمع كديسة).
ياخ الواحد فيهم ممكن يغير ليك جمع حمار (حمير) إلى (حممّر) بس مزاج ساكت كده .... وبدل بنات أو بنّوت يقول (بننّت)
|
Post: #15
Title: Re: إتو القرفة دي عليكم ؟
Author: عبدالحفيظ ابوسن
Date: 06-12-2018, 08:53 AM
Parent: #13
فقدان الرغبة ان لا أكون سعيدا
يا قباني
تختلف عن انعدام السعادة
ممكن تمرق من القاموس شوية
ان تخرج من الشارع المرسوم بدقة لا تشبه دقة الواقع
استاذ اول يوم في رمضان .. ممكن اديك اسمو . صايم الجو سخن .الساعة خمسة ونص طلع من اوضتو ماشي ياخد دش .. يجي دفار مكوش يضرب السلك يرمي زاوية الكهربا الفي البيت . تصادف خروجه من الحمام وتقع في مؤخرة رأسه بالضبط .. يقع مضرجا في دمائه
آمن مستقر في منزله
بيتو مافي شارع رئيسي
ياخ امرق من الشارع
ولا بمرق ليك
رغبة ملحة في الخروج للسهلة
ما تقع فيك
|
Post: #14
Title: Re: إتو القرفة دي عليكم ؟
Author: Faisal Saad
Date: 06-12-2018, 08:50 AM
Parent: #11
سلامات يا عبد الحفيظ ؛؛
أها و كمان معاها صداع نصفي،، السجارة ما نافعة و السفة بقت ما بتظبط الرأس كان بعد شاي كان بعد جبنة، هههه..عندك اي إرشادات لهكذا حالة،، بس ابعدنا من حمير دنقلا ينوبك ثواب.. الوجيه يحي دا حقوا تجيب ليو ود البشري لحسم موضوع الشيير و الشييرفول،، انت ما بتقدر عليو،، ههههه...
أرقدوا عافية..
|
Post: #16
Title: Re: إتو القرفة دي عليكم ؟
Author: معاوية الزبير
Date: 06-12-2018, 08:57 AM
Parent: #14
اوعى يكون ده من هم العيد؟
قلت لي الناس بقت تشيل هم للأفراح!
كل ما نشتل الأفراح تجي (الإنقاذ) تمد إيدها
مع الاعتذار لهاشم ميرغني
---
---
قباني.. الزول براهو قرفان، يقوم يصرف ليك قونديله
في صبحية ليلة القدر دي
|
Post: #17
Title: Re: إتو القرفة دي عليكم ؟
Author: عبدالحفيظ ابوسن
Date: 06-12-2018, 09:00 AM
Parent: #14
المرق منو يا ابوالريش
وحياتك انا في التراك حقي وقباني دة واقف لي في حلقي ياخ
اتا قايل شنو
اتا زاتك خش جوة الشارع ولا بنصرف ليك هسة
تعرف
المنجاوات ؟
طفلي الصغير عندو لغة براهو صارت لغة اسرية
علاء عمرو 3.5 سنة مسمي الكديسة منجاواة ومنجاوات
ولا الكربعة للكهربا
ننطقهن بفرح حتي صار حديثنا مع غيرنا هكذا
ينط ليك واحد يقول ليك منجاوات انت شافع ؟!
اي شافع مالك اتا 😆😆😆
|
Post: #18
Title: Re: إتو القرفة دي عليكم ؟
Author: Khalid Abbas
Date: 06-12-2018, 09:32 AM
Parent: #17
الان بورتسودان دورت مظاهرات عقبال ليكم تتفشوا
|
Post: #19
Title: Re: إتو القرفة دي عليكم ؟
Author: جلالدونا
Date: 06-12-2018, 09:58 AM
Parent: #18
| Quote: حقة اول أمس ديك اسمها جمع تفجيخ و ليس خفيج |
يا قبانى عندنا خفج و فجخ ... ف شنو .. بطل تطاول علينا فى عربينا
يعنى تقول الطيانى خفّج الطين يعنى فجّخو فجخا
اب سن مالك
اتكل همومك على الذى فرّج كرب يونس و هو فى بطن حوت
|
Post: #20
Title: Re: إتو القرفة دي عليكم ؟
Author: عبدالحفيظ ابوسن
Date: 06-12-2018, 10:17 AM
Parent: #19
فيصل صحي وحياة الخوة
يفرق كتير طعم الحلو يوم يبقا مر
سفة الصعوط تشعر بيها تحت شلوفتك زي بعرة الغنم
طعم الحياة زاتو ما اياهو
تحس انك نقطة صغيرة جدا في فضاء يكبر ويتسع كلما امعنت نظرك فيه ويرتد نحوك نظرك كسيفا
احساس انك اصغر ما تكون
احساس بالخواء داخلك . تلك الكآبة المقيتة
تهبش دة تزهج
تفكو تمسك غيرو برضو تزهج
الموسيقي في اذنك ضجيجا
تلك الاصوات كطنين باعوضة
|
Post: #21
Title: Re: إتو القرفة دي عليكم ؟
Author: ABUHUSSEIN
Date: 06-12-2018, 10:42 AM
Parent: #20
بوست بااااااااااااااااااااااااااااااااااااايخ بوخ شديد .....
|
Post: #22
Title: Re: إتو القرفة دي عليكم ؟
Author: معاوية الزبير
Date: 06-12-2018, 10:51 AM
Parent: #21
مافي زول جبرك ياخ. اطلع أمشي بوست دعاك المنقول داك
الظاهر عليهو ما مقبول زاتو.. ياكا في حالك
الجواب من عنوانو والقبر قدامو 
|
Post: #23
Title: Re: إتو القرفة دي عليكم ؟
Author: Faisal Saad
Date: 06-12-2018, 10:55 AM
Parent: #20
و الله على قولك يا ود اب سن، الشغلانة بقت ما تعرف تجابدها من وين،، الله يدي العافية.. التحيات للأستاذ معاوية الزبير "صديق المستنير " على مروره الكريم و تطنيشنا،، ههههه
ابقوا طيبين..
|
Post: #24
Title: Re: إتو القرفة دي عليكم ؟
Author: معاوية الزبير
Date: 06-12-2018, 11:03 AM
Parent: #23
كهربة الاستنارة بتاعت حلتكم جهرتنا فما شفنا.. معليش
|
Post: #25
Title: Re: إتو القرفة دي عليكم ؟
Author: Faisal Saad
Date: 06-12-2018, 11:17 AM
Parent: #24
"عوجات كيها" أخي معاوية،، غايتوا باصر ليك طريقة تقراها صاح،، الكهرباء يا حليلا و حلتنا ذاتها يا حليلا!!يديك العافية..
|
Post: #26
Title: Re: إتو القرفة دي عليكم ؟
Author: ABUHUSSEIN
Date: 06-12-2018, 11:59 AM
Parent: #25
Quote: مافي زول جبرك ياخ. اطلع أمشي بوست دعاك المنقول داك
الظاهر عليهو ما مقبول زاتو.. ياكا في حالك
الجواب من عنوانو والقبر قدامو |
إنت السنة دي صايم و ل شنو ....؟؟؟؟
مالك زعلان كدا باعو ليك البوست البايخ دا ...؟؟؟
بعدين الدعاء الأنا جايبو دا من الكتاب و السنة تقول لي منقول ....؟؟؟
الواحد يجتهد و يدفع الغالي و النفيس لترقيتكم و تعليمكم و الإرتقاء بكم و دا جزاي ....
أستاهل أنا البعلم لي في ناس لا بتقدر العلم ولا بتقدر المعلمين .....
|
Post: #29
Title: Re: إتو القرفة دي عليكم ؟
Author: جلالدونا
Date: 06-12-2018, 12:07 PM
Parent: #26
ابو حسين ده مالو
استعملو معاهو تكتيك اياك اعنى فاسمعى يا هناية
لو جيتوهو بالمباشرة ووووب .... بالمكاشرة ووووبين
____
سنو .. قرفتك دى اشرب ليها قرفة
|
Post: #27
Title: Re: إتو القرفة دي عليكم ؟
Author: عبدالحفيظ ابوسن
Date: 06-12-2018, 12:05 PM
Parent: #25
يا معاوية الزبير اظنو صلاح عبدالصبور من قال
في وطن يتلوى فيه الجوع
كثعبان اعمي في الرمل
لايوجد مستقبل
في وطن تتعرى فيه المرأة كي تأكل
لايوجد مستقبل
رغم سوداوية الابيات التي كنا نتقدها كون انها يائسة ومحبطة ، لكنها احيانا تلامس دواخلنا بشكل قوي . كأنها تعبر عنا لحظة مرض تفاؤلنا واملنا الذي عليه نأول . مش ماقال ومن يكن ذا فم مريض اها نحن حين تمرض دواخلنا نلجأ للشعر الاسود عطفا علي الكوميديا السوداء
هم العيد ؟ قد يكون !
هم التداعيات السياسية والاقتصادية ؟
قد يكون
هم اننا نفتقد البعض ؟ باااااس ياهو زاتو
الاصدقاء والاحباء يجعلون طعم المر حلو
تطعم بهم كوبك فتشرب قهوتك بمزاج
|
Post: #28
Title: Re: إتو القرفة دي عليكم ؟
Author: عبدالحفيظ ابوسن
Date: 06-12-2018, 12:07 PM
Parent: #25
يا معاوية الزبير اظنو صلاح عبدالصبور من قال
في وطن يتلوى فيه الجوع
كثعبان اعمي في الرمل
لايوجد مستقبل
في وطن تتعرى فيه المرأة كي تأكل
لايوجد مستقبل
رغم سوداوية الابيات التي كنا نتقدها كون انها يائسة ومحبطة ، لكنها احيانا تلامس دواخلنا بشكل قوي . كأنها تعبر عنا لحظة مرض تفاؤلنا واملنا الذي عليه نأول . مش ماقال ومن يكن ذا فم مريض اها نحن حين تمرض دواخلنا نلجأ للشعر الاسود عطفا علي الكوميديا السوداء
هم العيد ؟ قد يكون !
هم التداعيات السياسية والاقتصادية ؟
قد يكون
هم اننا نفتقد البعض ؟ باااااس ياهو زاتو
الاصدقاء والاحباء يجعلون طعم المر حلو
تطعم بهم كوبك فتشرب قهوتك بمزاج
|
Post: #30
Title: Re: إتو القرفة دي عليكم ؟
Author: عبدالحفيظ ابوسن
Date: 06-12-2018, 12:11 PM
Parent: #28
يا ابوحسين هاك المثل دة زيادة تعليم فوق لي تعليمك الطلع كرتونة ضاربها مطرة ولم فيها ام سيسي سلمها لام قرنبوع
المتجاورات متعاورات
مثل سوداني
|
Post: #31
Title: Re: إتو القرفة دي عليكم ؟
Author: عبدالحفيظ ابوسن
Date: 06-12-2018, 12:15 PM
Parent: #30
شفت يا خالد صيانة البيت لامن تهملها ما ينفع معاها الا تهدو كلو
وتبني من جديد
تكلفة الصيانة تفوق تكلفة البناء مع ضعف العائد
|
Post: #32
Title: Re: إتو القرفة دي عليكم ؟
Author: عبدالحفيظ ابوسن
Date: 06-12-2018, 12:17 PM
Parent: #31
يا جلال وحياة الخوة مع قرفتي دي ابلع ليك ابوحسين دة بدون موية
جب كدة واترعو ليك بااااااع هوا بس
|
Post: #33
Title: Re: إتو القرفة دي عليكم ؟
Author: عبدالحفيظ ابوسن
Date: 06-12-2018, 12:23 PM
Parent: #32
هي القصة شنو ؟
قرفة للطيش وقيل لل...
خليتها بتطلع ليك في راسك
طلعت في الراس بتغير نضارة شوفك
بتمسح الالوان المشرقة الزاهية
تلك الالوان التي تكاد تضئ من شدة وهجان داخلك
اها
عشان ما تصاب بي عمي الوان مفرحة تقوم تمرقها
امرقها بي اقل خساير محتفظفا بي ود علاقتك مع الاخرين
|
Post: #34
Title: Re: إتو القرفة دي عليكم ؟
Author: جلالدونا
Date: 06-12-2018, 12:23 PM
Parent: #32
كان كده انت ما قرفان
شايلاك جوعة بس
هسة فى ضمتك دى .. ابو حسين ده بى بيببسى بيتبلع
ياخى ده اكّن من الكينين بتاع الملاريا داك
|
Post: #35
Title: Re: إتو القرفة دي عليكم ؟
Author: ABUHUSSEIN
Date: 06-12-2018, 12:44 PM
Parent: #30
| Quote: المتجاورات متعاورات |
ليه المثل دا بي صيغة جمع التأنيث ...!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
دي عنصرية بغيضة منك ...
لي ختيت العوارة في الجنس الناعم...
ليه إختصيت بيها جنس غير جنسك ...
أهو زي كلامك دا هو البخلي الناس تقول علينا مجتمع ذكوري....
عايز تقول المثل دا تغييروا بحيث يكون متسق مع أفكارك و قناعاتك .....
لكن شكلك دي قناعتك كل قبيح ترميه في الجنس الناعم ....
أتمنى من الجميع أخذ الحيطة و الحذر في كل كلمة يكتبوها ....
و يجب علينا جميعاً محاربة مثل هذه التصرفات الفردية التي تكون وبالاً علينا جميعاً ...
كما أتمنى من الجنس الناعم عدم محاسبتنا على مثل هذه التفلتات التي لا تشبهنا و لا تشبه حاضرنا ....
أتمنى إني أكون وصلت الرسالة للذين يحتاجونها ...
و الله يحفظني و يوفقني عشان أنور بصيرة كل من يحتاج إلى تيار كهربائي عشان تولع لمبات بصيرته ....
و أتمنى من كل صاحب بصيرة أن يتأكد من أن لمبات بصيرته سليمة عشان لم نرجع ليه التيار تشتغل اللمبات و ما يضيع جهدنا في الفاضي ....
و أملو الباقات الكهرباء جات و أسي بتقطع .......
*******************************************
Quote: ابو حسين ده مالو
استعملو معاهو تكتيك اياك اعنى فاسمعى يا هناية
لو جيتوهو بالمباشرة ووووب .... بالمكاشرة ووووبين
____
سنو .. قرفتك دى اشرب ليها قرفة |
أبو حسين يا وهم عارف شغلو كويس ....
إنت صاحي لغاية أسي مالك ...؟؟؟؟
********************************************
Quote: يا جلال وحياة الخوة مع قرفتي دي ابلع ليك ابوحسين دة بدون موية
جب كدة واترعو ليك بااااااع هوا بس |
فعلاً كذبة زي دي محتاجة لي حليفة بي خوة جلال .... يعني خوتك أخير منها سفة في الواطة حتى الجداد ما بقرب منها ...
********************************************
Quote: كان كده انت ما قرفان
شايلاك جوعة بس
هسة فى ضمتك دى .. ابو حسين ده بى بيببسى بيتبلع
ياخى ده اكّن من الكينين بتاع الملاريا داك |
هو ما قرفان لكن عندو حاجات كدا بتشبه (الوحم) .....
اسي تلقاه ببزغ ساااااااااااااااااااااااااااكت ....
كل من يمر على هذا البوست و لا يدين مثل صاحب البوست المتجاورات متعاورات أنا بعتبروا شريك في هذه الجريمة ...
تحياتي للجميع ....
|
Post: #36
Title: Re: إتو القرفة دي عليكم ؟
Author: عبدالحفيظ ابوسن
Date: 06-12-2018, 01:50 PM
Parent: #35
ياااا حولاتن
يا جماعة واحد يقعد ابوحسين دة في الواطة ويلزمو الجابرة
وبهدوء كدة ومهلة يشرح ليهو المثل دة
المتجاورات متعاورات
الزول دة يشيل وينقز بيهو وفمنيزم وجندر وبتاع
الزول دة امسكوهو ما يعوق نفسو
سأعود للرد الراتب
|
Post: #37
Title: Re: إتو القرفة دي عليكم ؟
Author: عبدالحفيظ ابوسن
Date: 06-12-2018, 02:18 PM
Parent: #36
اها شوف القرفة دي يا جلال
تبلعو بي مرارتو دي وماتضوق ليهو طعم زاتو 😆
القرفة البتخليك تبلع ساي ، ولا تمر بي حليمات التذوق ديك القالوا كم مليون ديلك
يجي ماري فيها فللي
تقول لي اكن ياخ انا أكن من الصبر زاتو
الزول قال ليهم دخل لينا حرامي في حي الدباغة ، صحيت بيهو وقام فاتح وانا فتحت وراهو
قدر ما يتلفت يلقاني تحت كرعيني
قبضتو ليكم في رفاعة
قال ليهو
طيب والبحر !!؟؟
قال ليهم
حرم مرق من بالي 😆
|
Post: #38
Title: Re: إتو القرفة دي عليكم ؟
Author: يحي قباني
Date: 06-12-2018, 04:12 PM
Parent: #37
Quote: قباني.. الزول براهو قرفان، يقوم يصرف ليك قونديله
في صبحية ليلة القدر دي |
اعمل ليو شنو ...
في داعي كمان يزهج بالانجليزي ؟
و كمان يزهج غلط ؟
|
Post: #39
Title: Re: إتو القرفة دي عليكم ؟
Author: عبدالحفيظ ابوسن
Date: 06-12-2018, 07:35 PM
Parent: #38
تخيل يا قباني يا صديقي
اظنك بعيدا
بعيدا جدا كما يتراءى لي !
|
Post: #40
Title: Re: إتو القرفة دي عليكم ؟
Author: عمر أبوعاقلة
Date: 06-12-2018, 09:02 PM
Parent: #39
بمناسبة القرفة دي يا حفيظ
بشاغل في الوالد قلت ليه والله يابوي أنا تعبت
تعبت ساي من الغربة دي وعاوز أجي أرتاح جنبكم
فتحت خشمه قال لي علي الطلاق أسمع الطلاق دا يا ولد
تجي راجع البلد دي ما أفتح ليك بابي تعتبو
أها هسه نحن نفك القرفة دي وين ؟
الحال من بعضه يابا .. لوك بالصبر
وكان غلبك أعمل ليك لايفات زي حق ودالبشرى داك
وفش غبينتك وقرفتك فيه
مودتي
|
Post: #41
Title: Re: إتو القرفة دي عليكم ؟
Author: جلالدونا
Date: 06-12-2018, 09:28 PM
Parent: #40
سلام يا ود ابو عاقلة و عساك من عوّادو
ياخ مداخلتك دى وقعت لى فى جرح
اسمح لى انقلا لى بوست تانى
عشان اقهم بيها واحد اسمو السيّد المسلمى
زول ظلامى خلّى هز ... الجنبات ... و مسك فى كشفة الراس
___
افتحو ننّو العين و الجنبات دى اقروها كويس... ما تودونا فى داهية كمان
|
Post: #42
Title: Re: إتو القرفة دي عليكم ؟
Author: عبدالحفيظ ابوسن
Date: 06-12-2018, 10:03 PM
Parent: #41
والله يا ابوعاقلة في بيوت مفتوحة بالمغتربين والمهاجرين
مافي زول بنكر دورهم
يشكروا جدا
انها الانقاذ يا صاحب
تبا لها او بالانجليزي حق سيف النصر الكتبو داك
|
Post: #43
Title: Re: إتو القرفة دي عليكم ؟
Author: يحي قباني
Date: 06-12-2018, 11:04 PM
Parent: #42
Quote: تخيل يا قباني يا صديقي
اظنك بعيدا
بعيدا جدا كما يتراءى لي ! |
يا صديقي ...
لو على جملتك الانجليزية الغلط .. فأنا عافي ليك ما دامك مُصر ..
اما عن القرفة ...
فاسمحلي أقول ليك ... قرفة بين اهلك و أحبابك ...
و لا ضحكة في بلدا طيرا عجم ...
|
Post: #44
Title: Re: إتو القرفة دي عليكم ؟
Author: nour tawir
Date: 06-13-2018, 00:57 AM
Parent: #43
احساس ب ال لاجدوي
lost sense of Cheerful
....
لا حول ولا قوة الا بالله العلى العظيم..
أت بالطريقة دى يا ود ابسن أديت الجماعة ديل فرصة يتغلغلوا فى المسامات بتاعتك...
و يدمروا أى حاجة حلوة فى حياتك...
يا اخ مافى زول بيستاهل انو نديه فرصة يعكنن علينا..
أولاد(...) و اللهم انى صايمة...
دايرين الناس يصلوا للحالة دى...
ويسأموا الدنيا بما فيها و من فيها...
عشان هم يتسلطنوا...
فشنو ؟
ذأطلع من الحالة دى فورا ...
و ما تنّولهم مرادهم..
و عيدك سعيد..
|
Post: #45
Title: Re: إتو القرفة دي عليكم ؟
Author: Osman Awoda
Date: 06-13-2018, 01:03 AM
Parent: #1
هوي ها،،هسي وين
القرفة
|
Post: #46
Title: Re: إتو القرفة دي عليكم ؟
Author: محمد محمد قاضي
Date: 06-13-2018, 02:15 AM
Parent: #1
lost sense of Cheerful
lost sense of Cheerfulness
والله أعلم
كل سنة وإنتو طيبين يا شباب
|
Post: #47
Title: Re: إتو القرفة دي عليكم ؟
Author: يحي قباني
Date: 06-13-2018, 02:29 AM
Parent: #46
Cheerfulness شغالة برضو يا قاضي
المهم cheerful حقة صاحبي ما صحيحة في جملته
لكن الرجل قرفان و انا قرفتو زيادة بي كلامي ههههه
|
Post: #48
Title: Re: إتو القرفة دي عليكم ؟
Author: muntasir
Date: 06-13-2018, 04:49 AM
Parent: #47
القرفة دي بتكون بالصباح ولا بعد ما تمغرب ومعاها تنميل ولا ساكت عشان عندي ليك دواها تب
|
Post: #49
Title: Re: إتو القرفة دي عليكم ؟
Author: عبدالحفيظ ابوسن
Date: 06-13-2018, 05:40 AM
Parent: #48
يا قباني ياصاحب
المشكلة اصلا مافي اللغة ابدا ، اللغة دي موصل بس يعتمد علي ذهنية المتلقي والمتكلم ، أكيد في حدود علاقاتنا عندنا الاطفال وبعض الذين حين ينفعلون فرحا او ألما او اي مشاعر اخري يتلعثمون او يحصرون فلا ينطقون لا الكلمات ولا تركيبها بشكل صحيح غض النظر عن معرفتهم .. ونفهمهم ولا نركز كثيرا في صحة لغتهم او خطأها . وبعدها قد تصير طرفة بيننا تحكي
حينها نكون متوجهين نحو الاهم . نحو مشاعرهم لحظتها
نعم خطأ .. كانت خطأ لا جدال ولكن ماوقتو
لذا كنت بعيدا جدا يا صديقي
بعيدا عن احساسك بإحساسي المتنامي بالقرف والضجر والألم .
لنا حق ان نزهج ونغضب ونضجر
حرية ان اتخلص من مشاعر سلبية بالسخط عليها
حرية ان اخطئ
لسنا آلات تعمل في كل الظروف
اننا نعطب احيانا يا صديقي
تتوقف شريان الفرح ان تبث شلالات طاقتها لتهزم جيوش الكآبة
ولكننا نتعافى
وحدنا
او
بمعاونة آخرين
|
Post: #50
Title: Re: إتو القرفة دي عليكم ؟
Author: عبدالحفيظ ابوسن
Date: 06-13-2018, 05:48 AM
Parent: #49
حبابك ستي نور
بنرفض نحن نموت
لن نموت
تحت كمجموع
نحن هذا الشعب
والوطن
لن نمكنه من دواخلنا
سنتراجع لنرمم جراحنا
لنستعيد قوتنا
نحن اهل الفرحة
صناع الحياة
صانعو التاريخ
و
ستبقي الارض لافتة لنا
ولأعداء العصافير كفن
اطمئني
دي الشمش لو طال غيابها
ما بترفض تابا تطلع
بس بتتأخر شوية
سنقاتل
|
Post: #51
Title: Re: إتو القرفة دي عليكم ؟
Author: عبدالحفيظ ابوسن
Date: 06-13-2018, 05:50 AM
Parent: #50
ههههه مرت يا عووضة
ولم تبق سوى اثرا بعد عين
الشهر القبل اكتوبر شهر كم ؟
|
Post: #52
Title: Re: إتو القرفة دي عليكم ؟
Author: عبدالحفيظ ابوسن
Date: 06-13-2018, 05:52 AM
Parent: #51
يا قاضي ما تركز كتير هههه
ياها عرفتنا ياخ
غايتو المتأكد منو ما حيمتحونني فيهو
وما ظنيتو انضم بيهو مع زول 😆😆😆
ياها المكابسة دي
|
Post: #53
Title: Re: إتو القرفة دي عليكم ؟
Author: عبدالحفيظ ابوسن
Date: 06-13-2018, 05:55 AM
Parent: #52
هههه وين يا منص ياخ
الفرح المعبأ في الكبابي
تحولنا لي كائنات اولية
التغذية والتناسل
مافي سكة تفك الدرب
خليك صاحي 😆😆
|
Post: #54
Title: Re: إتو القرفة دي عليكم ؟
Author: محمد البشرى الخضر
Date: 06-13-2018, 06:33 AM
Parent: #53
وقت فكّت و الحمد لله, يبقى الوقت مناسب للتعليق الانصارفي الجاي
Quote: ليه المثل دا بي صيغة جمع التأنيث ...!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
دي عنصرية بغيضة منك ... |
يا فقر نعيد و نكرر ليكم كم مرة!
العنصرية او التمييز العنصري حاجة و التمييز الجندري حاجة تانية خالص!
قول وراي:
العنصرية تعتمد على العنصر و العنصر هنا بمعنى العرق أو الإثنية لا فرق بين ذكر و انثى لكن الفرق بين قوقازي مثلا و افريقي
انتقادك لمثال ابوسن من ناحية التأنيث و التذكير ما كان يجب ان يشير للعنصرية لأن لا محل لها هنا
الأصح ان تقول ذكورية مثلا او جندرية
تمام كدا؟ واضح!
ما اشوفك تاني تليّس و تلخ ساي
لخّاخ دا
|
Post: #55
Title: Re: إتو القرفة دي عليكم ؟
Author: عبدالحفيظ ابوسن
Date: 06-13-2018, 06:54 AM
Parent: #54
صحي يا ودو صاحبك دة يوم بعوق روحو
زي الزول الاشتر يجي يشوت الكورة بشوت الواطة 😆😆😆😅😅😅
بعدينك لسة انا مكربنو يجيب لي معنى المثل
ولا يستعين بي ود المدير ولا موسي العجب ولا العبيد الطيب ولا ايتها زول بعرف
بلتخ ساي
مش عامل زرزار الليلة بزرو زرة عووضة وود البوش و علي دفع الله
سين سؤال
واحد / ما معني المثل ؟
اتنين / اذكر مثال للشرح ؟
ما تعمل رايح
بدل علامة استفهام واحدة ياهون ديل اتنين
كنت داير ألحقهم علامة تعجب خفت بكري عباس يجي يقبقبني😆
|
Post: #56
Title: Re: إتو القرفة دي عليكم ؟
Author: ABUHUSSEIN
Date: 06-13-2018, 09:22 AM
Parent: #55
| Quote: وقت فكّت و الحمد لله, يبقى الوقت مناسب للتعليق الانصارفي الجاي |
دي حالتا فكت ..... ؟؟؟
(الانصارفي) و ل الختمية مافي .... ؟؟؟ 😂😂😂😂😂
صاحب البوست عدل المثل بتاعك دا و بطل ملاوا الكلام دا ما في مصلحتك ...
|
Post: #57
Title: Re: إتو القرفة دي عليكم ؟
Author: عبدالحفيظ ابوسن
Date: 06-13-2018, 09:55 AM
Parent: #56
معاك للكبري القديم 😆😆
كدي اشرح لينا المثل اول
عشان نشرك الجمهور في العوة دي 😆😆
ولا استعين بي آخر 😆😆😆
|
Post: #58
Title: Re: إتو القرفة دي عليكم ؟
Author: Faisal Saad
Date: 06-13-2018, 01:20 PM
Parent: #57
يا ود ابوسن حمد الله على السلامة،،
و كل عام و انتم بخير..
|
Post: #59
Title: Re: إتو القرفة دي عليكم ؟
Author: عبدالحفيظ ابوسن
Date: 06-13-2018, 02:09 PM
Parent: #58
واتا بخير فيصل
ووطن واحد ديمقراطي يسع الجميع
|
Post: #60
Title: Re: إتو القرفة دي عليكم ؟
Author: ABUHUSSEIN
Date: 06-13-2018, 06:23 PM
Parent: #59
Quote: الأصح ان تقول ذكورية مثلا او جندرية
تمام كدا؟ واضح! |
يا فقر طلع في جنس تالت زمااااااان ليه اتجاهلتو ... ؟؟؟؟
الشغلانية عنصرية لي جنسه ... ما تغالط ساي يا غالاط افندي ... 😂😂
*********************
Quote: كدي اشرح لينا المثل اول
عشان نشرك الجمهور في العوة دي |
ياخ انت وهم لمن تحنن ....
انت جبت المثل و انت تشرحو عشان الناس تقدر تحدد ....
يعني لو انت قطعت ليك مثل من راسك المدوقس دا برضو انا مطلوب مني اشرحو ...... !!!!!!
قوم لف ....
الواحد رمضان يسخن بي راسو الزي راس مكنة الهيلمان يجي يتفشى فينا نحن ذنبنا شنو ... ؟؟؟
😂😂😂😂😂😂😂
أَيَّامًا مَّعْدُودَاتٍ ۚ فَمَن كَانَ مِنكُم مَّرِيضًا أَوْ عَلَىٰ سَفَرٍ فَعِدَّةٌ مِّنْ أَيَّامٍ أُخَرَ ۚ وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ ۖ فَمَن تَطَوَّعَ خَيْرًا فَهُوَ خَيْرٌ لَّهُ ۚ وَأَن تَصُومُوا خَيْرٌ لَّكُمْ ۖ إِن كُنتُمْ تَعْلَمُونَ (184) البقرة
دي رخصة عشان ما تجي تمرضنا و تسافر بينا نحن ....
او اعمل زي الجرسة الجا لي اصاحبو فاطر
يا زول كفارة عيان و ل شنو .. ؟؟؟
لا و الله ما عيان..!!!!
طيب مالك فاطر ... ؟؟؟
و الله المرا عيانة ... !!!
و المرا عيانة تفطر انت ... ؟؟؟؟
و الله قدر ما حاولتها عشان تفطر و قلت ليها عندك رخصة ابت تفطر..!!
و طيب ... ؟؟؟؟
و الله قلت استفيد من الرخصة بدل يستفيد بيها زول غيرنا ...
😂😂😂😂😂😂😂😂😂
|
Post: #61
Title: Re: إتو القرفة دي عليكم ؟
Author: أمين محمد سليمان
Date: 06-13-2018, 10:58 PM
Parent: #60
| Quote: دخلت امرأة من الأنصار على عائشة رضي الله عنها في حادثة الإفك، وبكت معها دون أن تنطق بكلمة.قالت عائشة : لا أنساها لها.وعندما تاب اللهُ تعالى على كعبٍ بعدما تخلَّف عن تبوك ؛ دخل المسجدَ مستبشراً، فقام إليه طلحةُ يُهرول ثمّ احتضنه.قال كعب : لا أنساها لِـطلحة !أحياناً لا تحتاج سِوى لمثل ذلك من أخ قريب صادق لك !مواقف الجبر في لحظات الانكسار لا تُنسىاجبروا خواطر من حولكم. |
لعل ذلك من أجمل ما كتب في المنبر !!
|
Post: #62
Title: Re: إتو القرفة دي عليكم ؟
Author: عبدالحفيظ ابوسن
Date: 06-14-2018, 08:00 AM
ههههه يا ابوحسين حنكك ميت ياخ
وحات شيخي ميت موت لامن بي هنك
تسلم امين
نحتاج لكثير من التصالح مع انفسنا ومع الاخرين
وكثيرا من المحبة لنتجاوز اخطاء غيرنا
ثم لنحس بهم في صمتهم
ليس ضروريا ان تمر بذات التجربة لتكتب عنها
اقول لمن سألني مشفقا في الواتس او بالاتصال ومن خارج البورد
انا بخير والله
حارق تش
ولكنها آلام الناس اليوماتي
البشاعة التي اراها والقبح
وكونك عينك فيه والاغلال تكبلك في مكانك فلا تملك سوي النضمي
|
Post: #63
Title: Re: إتو القرفة دي عليكم ؟
Author: جلالدونا
Date: 06-14-2018, 11:14 AM
Parent: #62
| Quote: لعل ذلك من أجمل ما كتب في المنبر !! |
نسيت .. و الله اعلم ... يا روف
____
ابو حسين ما مطالب بى تفسير و شرح المثل و تعليقه صحيح
توكد عنصرية تجاه الجنس التالت كما قال
عشان تحل روحك دى منّو عليك بشرح وجهة نظرك
|
Post: #64
Title: Re: إتو القرفة دي عليكم ؟
Author: ABUHUSSEIN
Date: 06-14-2018, 03:03 PM
Parent: #63
| Quote: نسيت .. و الله اعلم ... يا روف |
روف عديل كدا ... ؟؟؟
Quote: ابو حسين ما مطالب بى تفسير و شرح المثل و تعليقه صحيح
توكد عنصرية تجاه الجنس التالت كما قال
عشان تحل روحك دى منّو عليك بشرح وجهة نظرك |
حاولت اخلق حوار جاد مثمر يستفيد منو و يستفيدو منو كل القراء
قعد يتلولو لي و عملها لي (الكبري القديم) و (حنك ميت) دا شنو دا ..؟؟؟؟
و بي صراحة انا ما بعرف اتعامل مع الالفاظ دي ..... 😂😂😂😂
|
Post: #65
Title: Re: إتو القرفة دي عليكم ؟
Author: جلالدونا
Date: 06-14-2018, 06:39 PM
Parent: #64
لا تبتئس يا ابا حسين و لا عليك به
فانصرف الى جليل امورك و عظيم اعمالك
فأنا كفيل به
قال متعاورات قال
بالله شوفو السكسيزم ده
|
Post: #66
Title: Re: إتو القرفة دي عليكم ؟
Author: أمين محمد سليمان
Date: 06-14-2018, 10:23 PM
Parent: #65
| Quote: نسيت .. و الله اعلم ... يا روف |
"ربما" يا جلال ..."ربما" البديت بيها كلامي لحفيظ تقوم مقام "الله أعلم" ... هذا والله أعلم
-----------
يا اخوانا عايز أفتح لي بوست و عارف ما ح يكون عندي وقت أرد للناس كلها ..و خايف من شيلة الحال ... الدبارة شنو ؟!!
|
Post: #67
Title: Re: إتو القرفة دي عليكم ؟
Author: Hassan Makkawi
Date: 06-15-2018, 01:07 PM
Parent: #66
Quote:
يا اخوانا عايز أفتح لي بوست و عارف ما ح يكون عندي وقت أرد للناس كلها ..و خايف من شيلة الحال ... الدبارة شنو ؟!!
|
يا بروف
اوصيك بإستشارة ود المدير....
ود ابسن
شا الله تكون القرفة فاتت وانتهت يا حبيب
|
Post: #68
Title: Re: إتو القرفة دي عليكم ؟
Author: عبدالحفيظ ابوسن
Date: 06-16-2018, 05:09 AM
Parent: #67
يا ابوحسين
عملت لي شنو في الموضوع ( علامة استفهام ثم تعجب )
او ود مكاوي
مشت تصدق
لازم تمش
|
|