الزول الأسمو عمر عثمان دا و ما اظن ح يمر أسوأ منه ابدا غايتو و اسطته قوية... بالله بس العتود الدغاي
Post: #2 Title: Re: اكعب مغني مر علي برنامج اغاني و أغاني عبر � Author: Faisal Saad Date: 06-09-2018, 02:45 AM Parent: #1
سلامات يا سفيان و رأيك مقدر، و برضو في نجوم كتار رغم شهرتهم لم يوفقوا في هذا البرنامج،، أحمد الصادق نموذجا.. ياخي ما تورينا الزمبعور منو ينوبك ثواب،، عشان ما نشوت ضفاري،، العيد قرب، ههههه..
يديك العافية..
Post: #3 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-09-2018, 03:38 AM Parent: #2
اوووو فيصل سعد ياخ كيفنك!؟ احمد الصادق كعب اي و الله بس عمر عثمان دا اكعب منو و ميت يرفس هههههههه يا فيصل و الله الزمبعور دا كان اتلحك تاني ما بتتحلى منو حتى لو حمار الوادي هنق
Post: #4 Title: Re: اكعب مغني مر علي برنامج اغاني و أغاني عبر � Author: Faisal Saad Date: 06-09-2018, 05:17 AM Parent: #3
طيب يا حبوب أسوأ مغنية مرت على البرنامج منو غير مني مجدي؟؟ خليك تفتيحة لطرد العقلية و الفكر الذكوري من طريقك، و كمان عشان ما تدي الزمبعور فرصة يجي ناطي ليك في الأيام المباركة دي، هههه
لقدام..
Post: #5 Title: Re: اكعب مغني مر علي برنامج اغاني و أغاني عبر � Author: أبوبكر عباس Date: 06-09-2018, 05:36 AM Parent: #4
غايتو يا فيصل، أنا شاكي انو الزمبعو دا إما أنا أو جورج بوك ما في زول لايوق وعبيط أكتر مننا
Post: #6 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-09-2018, 05:42 AM Parent: #5
انت لايوق و غير مستنير بس ما ذمبعور.
Post: #7 Title: Re: اكعب مغني مر علي برنامج اغاني و أغاني عبر � Author: أبوبكر عباس Date: 06-09-2018, 05:45 AM Parent: #6
دا يعني جورج بوك هو الزمبعور شكراً سفيان
Post: #8 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-09-2018, 06:05 AM Parent: #7
Quote: دا يعني جورج بوك هو الزمبعور شكراً سفيان
طبعاً دا حسب فهمك الخلاك تتعتبر نفسك مستنير
Post: #13 Title: Re: اكعب مغني مر علي برنامج اغاني و أغاني عبر � Author: Faisal Saad Date: 06-09-2018, 08:50 AM Parent: #8
يا سفيان شايفك زايغ بالدو و مركز مع المستنير و مجلينا و مجلي مداخلاتنا معاك حول أسوأ مغنيات البرنامج و جلينا موضوع الزمبعور،، بنخمن و نعرفوا برانا و كدا..
لقدام..
Post: #27 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-09-2018, 06:49 PM Parent: #13
Quote: يا سفيان شايفك زايغ بالدو و مركز مع المستنير و مجلينا و مجلي مداخلاتنا معاك حول أسوأ مغنيات البرنامج و جلينا موضوع الزمبعور،، بنخمن و نعرفوا برانا و كدا..
لقدام..
ابدا يا فيصل ما طناش و الله... مني مجدي انا شخصياً ما بتغطي معاي كصوت بيغني و لا بيعجبني طريقة غناها و كمان شايفه متكلفة شديد و حركة تفاعله لا تشبه الأغنية البتغني فيها أبدا.
Post: #12 Title: Re: اكعب مغني مر علي برنامج اغاني و أغاني عبر � Author: Faisal Saad Date: 06-09-2018, 08:42 AM Parent: #5
سلامات يا بكور يا جافى،، غايتو محظوظ و ما عندك عوجة لو لقب المستنير طار منك حتكون بابكر عباس لمن استطاع اليه سبيلا بمزاج و استحقاق كامل الدسم،، بعدين ياخي لواييق حبابا لكن العبط بعيد منكم و من كافة الزملاء و الزميلات هنا.. و برضكم ما بتلحقوا حبيبنا ود البشري "ودو" صاحب التكنيك العالي في النط في الحلاقيم و مغالطة اجعص جعيص بكل أريحية و مودة، و هذه الفنون تكتسب بالمثابرة و الجهد و التوقيت المناسب، و أعتقد الغلاط عنده علاقة بالاستنارة يا مستنير.. و انا و الله شهيد بستمتع شديد في مغالطاته مع الأعضاء هنا و خصوصا الحبيب ود أب سن،، مافي زعل و حنبكة بالله عليكم و خلوا روحكم رياضية بلا سناير بلا برالمة معاكم، قوموا لفوا،، هههه..
ارقدوا عافية..
Post: #9 Title: Re: اكعب مغني مر علي برنامج اغاني و أغاني عبر � Author: عبدالله محمد أحمد Date: 06-09-2018, 07:51 AM Parent: #1
سفيان تحياتي هذه المسائل نسبية و تقديرها يتفاوت من شخص لاخر، و عمر عثمان ما وصل لهذا البرنامج لو لا ان له معجبين. كما ان السر قدور ليس بهذا الغباء او الجهل الفني ليقحم شخص قبيح الصوت لبرنامجه. انا ارى ان عمر عثمان غنى اغنية عثمان حسين نورا افضل من عثمان حسين.
Post: #10 Title: Re: اكعب مغني مر علي برنامج اغاني و أغاني عبر � Author: محمد حيدر المشرف Date: 06-09-2018, 08:13 AM Parent: #9
سفيان سلامات مثل هذا النقد الانطباعي وبهذه الكيفية مؤذي جدا لهذا المغني الشاب
Post: #15 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-09-2018, 08:56 AM Parent: #10
Quote: سفيان سلامات مثل هذا النقد الانطباعي وبهذه الكيفية مؤذي جدا لهذا المغني الشاب
حباب الحبيب المشرف... يا صاحبي الزول دا اذينا أذية لا ليها اول لا آخر و بغني و فاكيها في روحو انو خطير
Post: #16 Title: Re: اكعب مغني مر علي برنامج اغاني و أغاني عبر � Author: Faisal Saad Date: 06-09-2018, 08:57 AM Parent: #10
سلامات اخ محمد، لا أعتقد أي نقد يؤذي الفنان، و حب الناس مذاهب،، و الفنان الحقيقي سيقفز فوق كل المطبات على ما اعتقد..
ابقى طيب..
Post: #14 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-09-2018, 08:53 AM Parent: #9
Quote: هذه المسائل نسبية و تقديرها يتفاوت من شخص لاخر، و عمر عثمان ما وصل لهذا البرنامج لو لا ان له معجبين. كما ان السر قدور ليس بهذا الغباء او الجهل الفني ليقحم شخص قبيح الصوت لبرنامجه. انا ارى ان عمر عثمان غنى اغنية عثمان حسين نورا افضل من عثمان حسين.
مرحب يا عبد الله النسبي هو محبتك لفنان أو صوت لكن كونو صوت سمح أو كعب دي ما حاجة نسبية ابدا بمعنى انك من حقك تحب صوت كعب بمعياره العلمي. أما بخصوص دخول مثل عمر عثمان للبرنامج فيقول ليك عن معرفة و دراية كاملة انو البرنامج دا بيحكمه المعارف و العلاقات و هسي في الموسم دا في فنان تم الحاقه الحق عديل كده. كن بخير
Post: #11 Title: Re: اكعب مغني مر علي برنامج اغاني و أغاني عبر � Author: Khalid Abbas Date: 06-09-2018, 08:28 AM Parent: #1
هدى عربى
Post: #17 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-09-2018, 08:57 AM Parent: #11
Quote: هدى عربى
خالد يا صاحبي هدى مالا!؟
Post: #18 Title: Re: اكعب مغني مر علي برنامج اغاني و أغاني عبر � Author: سيف الدين محجوب Date: 06-09-2018, 09:10 AM Parent: #17
عزيزنا سفيان الفنان أؤيدك بشدة بخصوص الولد دا ،،، فعلاً يخربو ما عندوالتكتح لكن بالله رأيك شنو في العلة الأسمها مني مجدي دي خليك من تقليدها الشين وسواطتها وخرمجتها للغناء ومن أول حلقة لما بشتنت عصافير الخريف بشتنة السواد بعدين نفسي أعرف حركة يدها اليمين أثناء الغناء دي شنو ؟
غايتو البركة والعوض في مهاب عثمان الفنان
إحنرامي سيدي
Post: #28 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-09-2018, 07:00 PM Parent: #18
Quote: عزيزنا سفيان الفنان أؤيدك بشدة بخصوص الولد دا ،،، فعلاً يخربو ما عندوالتكتح لكن بالله رأيك شنو في العلة الأسمها مني مجدي دي خليك من تقليدها الشين وسواطتها وخرمجتها للغناء ومن أول حلقة لما بشتنت عصافير الخريف بشتنة السواد بعدين نفسي أعرف حركة يدها اليمين أثناء الغناء دي شنو ؟
غايتو البركة والعوض في مهاب عثمان الفنان
إحنرامي سيدي
سيف محجوب حبابك يا صديق... كويس اننا متفقين ، تعرف يا سيف انا المحيرني شنو في موضوع مني مجدي دا!؟ انا محتار انو مني بتغني بطريقته الأكاديمية الدرسوها ليها لعدة سنوات و هي ملتزمة تمام بيها ودي ما مشكلة المشكلة انو نمط البرنامج و صاحب البرنامج السر قدور هو نمط يرفض تمام طريقة الغناء الأكاديمي و اسلوبيته بل ويفرض فقط أن يكون المغني مؤدي فقط و يغني بنفس طرائق الأداء القديمة للاغنيات التي يتم تقديمها في البرنامج و اقول لك بصريح العبارة انا اعرف فنانين تم ابعادهم و آخرين تم رفضهم لأنهم رفضوا الانصياع للأداء بالأسلوب الذي يفرضه البرنامج. لذا تجدني في حيرة من موضوع وجود مني مجدي. محبتي لك.
Post: #20 Title: Re: اكعب مغني مر علي برنامج اغاني و أغاني عبر � Author: Khalid Abbas Date: 06-09-2018, 09:21 AM Parent: #17
Quote: هدى مالا
هدى اكعب مغنية مر على برنامج اغانى واغانى
Post: #29 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-09-2018, 07:03 PM Parent: #20
Quote: هدى اكعب مغنية مر على برنامج اغانى واغانى
يا خالد فكرة البرنامج هي انو تجيب مؤديين يغنو الغناء القديم بذات طريقته القديمة و على ذلك فإن هدى عربي أفضل موصل و مؤدي مر علي البرنامج فهي ملتزمة بنمط و طريقة الغناء القديم.
Post: #19 Title: Re: اكعب مغني مر علي برنامج اغاني و أغاني عبر � Author: Osman Musa Date: 06-09-2018, 09:13 AM Parent: #11
عزيزنا سفيان سلامات امريكا تصرف في السنة علي برامج المواهب قدر صرف حكومة السودان علي القمح و الفيتريتا عشرين مره في السنة . وانت براك شايف العصر و النفض و الصراحة الحاصلة في برامج زي ذا فويز و امريكان ايدول و امربكان غيت تالنتيد .
الشاب عمر اجتهد في اغنية العايش في دواخل الامة عثمان حسبن . اجتهد وفي الدقيقة ٤ قطع جاز . و حاول بالمنفلة لامن طرش . علي كل حال يا سفيان الشاب اجتهد نجح في قطع و فحط و اطرطش في مقاطع . لكن الوجع الجد جد بجيك يا سفيان من العنبلوك داك . ياخ اقوليك حاجة ؟ البرنامج ده بدون عمك السر و مامون دهب ومكارم و انصاف فتحي . بكون زي الكسرة المره في فطور رمصان ههههههها
Post: #21 Title: Re: اكعب مغني مر علي برنامج اغاني و أغاني عبر � Author: Haytham Ghaly Date: 06-09-2018, 10:12 AM Parent: #19
والله يا نابري الشاب دا نحنا ظلمناهو
انا زاتي كنت شايفو الاسوأ وكنت مفتكر انو
قاعد يتصنع خامة الصوت العجيبة دي
لكن بعد سمعتو في اغنية عثمان حسين يا نورا
اتأكدت انو دا صوتو الطبيعي واداها اداء خرافي
وجميل بمعنى الكلمة
عندو بعض الشطحات والصرخات العالية الغير مبررة
لكن لو لقى متخصص ووجهو حا يكون ليهو شأن في الساحة الفنية
بالله اسمع اغنية يا نورا الغناها اول امس بقلب مفتوح وبدون انطباعية
واحكم براااك
تحياتي
Post: #31 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-09-2018, 07:14 PM Parent: #21
Quote: والله يا نابري الشاب دا نحنا ظلمناهو
انا زاتي كنت شايفو الاسوأ وكنت مفتكر انو
قاعد يتصنع خامة الصوت العجيبة دي
لكن بعد سمعتو في اغنية عثمان حسين يا نورا
اتأكدت انو دا صوتو الطبيعي واداها اداء خرافي
وجميل بمعنى الكلمة
عندو بعض الشطحات والصرخات العالية الغير مبررة
لكن لو لقى متخصص ووجهو حا يكون ليهو شأن في الساحة الفنية
بالله اسمع اغنية يا نورا الغناها اول امس بقلب مفتوح وبدون انطباعية
واحكم براااك
هيثم يا غالي مشتاقين ياخ ابدا انا ما ظالمو ولا شي ههههههههه ياخ صبرته ليهو وصورته ليهو لحدي ما بهدل عثمان حسين بعد داك غلبني أصبر ياخ الزول دا كعب و اصلا ما ممكن يتصلح بعد دا عارف ليه!؟ لانو و جودو في برنامج زي دا ولمدة شهر كامل خلاص بخليهو يصدق انو خطير و يستحيل انو يسمع اي كلام عشان مسيرته تتعدل يعني خلاص نحنا ح يفرض علينا هذا الشخص زي ما انفرض علينا فرفور و منو و منو ديلاك.
Post: #22 Title: Re: اكعب مغني مر علي برنامج اغاني و أغاني عبر � Author: Nasruddin Al Basheer Date: 06-09-2018, 10:14 AM Parent: #19
عطفاً على هذا البوست، أخشى أن نطالع بعد أيام في الصحف اليومية (البرلمان يستدعي الفنان الشاب عمر عثمان).. البرلمان الذي صار مثل كبسور
Post: #32 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-09-2018, 07:15 PM Parent: #22
Quote: عطفاً على هذا البوست، أخشى أن نطالع بعد أيام في الصحف اليومية (البرلمان يستدعي الفنان الشاب عمر عثمان).. البرلمان الذي صار مثل كبسور
و الله ياهو يا نصر الدين
Post: #30 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-09-2018, 07:08 PM Parent: #19
Quote: عزيزنا سفيان سلامات امريكا تصرف في السنة علي برامج المواهب قدر صرف حكومة السودان علي القمح و الفيتريتا عشرين مره في السنة . وانت براك شايف العصر و النفض و الصراحة الحاصلة في برامج زي ذا فويز و امريكان ايدول و امربكان غيت تالنتيد .
الشاب عمر اجتهد في اغنية العايش في دواخل الامة عثمان حسبن . اجتهد وفي الدقيقة ٤ قطع جاز . و حاول بالمنفلة لامن طرش . علي كل حال يا سفيان الشاب اجتهد نجح في قطع و فحط و اطرطش في مقاطع . لكن الوجع الجد جد بجيك يا سفيان من العنبلوك داك . ياخ اقوليك حاجة ؟ البرنامج ده بدون عمك السر و مامون دهب ومكارم و انصاف فتحي . بكون زي الكسرة المره في فطور رمصان ههههههها
حبيبنا عتمان ياخ و الله زريبة شوك مليانه عتتن هههههههه يازول يمين بالله عمر عثمان دا ما ينجح في اي جزء أما بخصوص أمريكا فياخ ما تبالغ ههههههههه خلينا في كسرتنا المرة دي هههههههه
Post: #23 Title: Re: اكعب مغني مر علي برنامج اغاني و أغاني عبر � Author: Amira Hussien Date: 06-09-2018, 11:54 AM Parent: #1
استاذ سفيان قلت الحقيقة .......انا كتبت الكلام ده فى بوست سابق ، الزول صوتو ما عندو هوية ولا شخصيتو يمكن لو غنى طبيعى يكون عندو صوت كويس ومميز ،ده بيقلد حشرجة احمد الصادق ولابس زى هانى داك وحركة أيدينو زى عاصم البنا المهم زول هلامى ما مميز . السر قدور يشكر اى زول ما قادرين نفهم هل هو غبى ولا بيتغابا قدور ليس مقياس يعتمد عليهو ، وتانيا قدور بيسمع ديل وين وهو عايش فى مصر ديل بجيبوهم ناس مسيطرين على هذا البرنامج
Post: #24 Title: Re: اكعب مغني مر علي برنامج اغاني و أغاني عبر � Author: Ahmed Yassin Date: 06-09-2018, 01:33 PM Parent: #23
نابري وشركاه اكعب مغني دي كتيرة يا سفيان ياخوي اصلا السمع والتقبل بيختلف من شخص لأخر واحتمال في واحد شايفو افضل مغني مر على البرنامج بعضهم يقول (حشرجة) صوت احمد الصادق مع العلم أن حفلاته دائما (فل) والحضور يردد ويستمتع ومنسجم ويتمايل ويتراقص ويبدع معاهو طيب .. منى مجدي مع أنها دارسة صوت في كلية الموسيقى والدراما ولها خبرة من بداية الكورال إلا أنها في هذه النسخة من البرنامج (باهتة) جدا ومصطفى السنى في أخر نسخة شارك فيها تحس انه بعيد عن الاغنية وكان ضعيف جدا في أداء أي اغنية خارج نطاق ابوداؤد . يا سفيان البرنامج دا شارك فيهو كمية كبيرة ليس هناك وقت لحصرها ..من الوجوه الشابة انا شخصيا لا استمع اطلاقا لجمال فرفور أو ياسر تمتام مع انهم يغنوا قرابة (40) عام متواصلة هل هناك جديد في أداء أي منهم؟ أو حتى تطور في ترديدهم لاغاني الغير الراحلين منهم والباقون؟
Post: #25 Title: Re: اكعب مغني مر علي برنامج اغاني و أغاني عبر � Author: MOHAMMED ELSHEIKH Date: 06-09-2018, 03:37 PM Parent: #24
احمد يا سين انا شفت الزمبارة اتخلعت.
انا موافقك جدا في الأتنين ديل بس اضف عندك انصاف فتحي
Post: #26 Title: Re: اكعب مغني مر علي برنامج اغاني و أغاني عبر � Author: حمد عبد الغفار عمر Date: 06-09-2018, 04:08 PM Parent: #25
سلام
Quote: من الوجوه الشابة انا شخصيا لا استمع اطلاقا لجمال فرفور أو ياسر تمتام مع انهم يغنوا قرابة (40) عام متواصلة هل هناك جديد في أداء أي منهم؟ أو حتى تطور في ترديدهم لاغاني الغير الراحلين منهم والباقون؟
غايتو يا احمد ياسين يا قاعد تستلف مني أضان واحدة يا أنا قاعد استلف منك اضنيك الاتنين الجوز دا عجيب
أما عمر عثمان يا سفيان صدق ما هو الأسوأ عندو حاجات كويسة بس شكلو كدا زي البشرد في الغنا احيانا
Post: #35 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-09-2018, 07:30 PM Parent: #26
Quote: ما عمر عثمان يا سفيان صدق ما هو الأسوأ عندو حاجات كويسة بس شكلو كدا زي البشرد في الغنا احيانا
حمد لبد يشرد شنو يا فنان الزول دا صوت ما عندو في حتات كتيييرة
Post: #34 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-09-2018, 07:28 PM Parent: #24
Quote: اكعب مغني دي كتيرة يا سفيان ياخوي اصلا السمع والتقبل بيختلف من شخص لأخر واحتمال في واحد شايفو افضل مغني مر على البرنامج بعضهم يقول (حشرجة) صوت احمد الصادق مع العلم أن حفلاته دائما (فل) والحضور يردد ويستمتع ومنسجم ويتمايل ويتراقص ويبدع معاهو طيب .. منى مجدي مع أنها دارسة صوت في كلية الموسيقى والدراما ولها خبرة من بداية الكورال إلا أنها في هذه النسخة من البرنامج (باهتة) جدا ومصطفى السنى في أخر نسخة شارك فيها تحس انه بعيد عن الاغنية وكان ضعيف جدا في أداء أي اغنية خارج نطاق ابوداؤد . يا سفيان البرنامج دا شارك فيهو كمية كبيرة ليس هناك وقت لحصرها ..من الوجوه الشابة انا شخصيا لا استمع اطلاقا لجمال فرفور أو ياسر تمتام مع انهم يغنوا قرابة (40) عام متواصلة هل هناك جديد في أداء أي منهم؟ أو حتى تطور في ترديدهم لاغاني الغير الراحلين منهم والباقون؟
سلامات يا احمد كعب يا احمد لانو شخصيته باهتة و صوتو كذلك زي ما قالت اميرة... و بتفق معاك تمام في موضع ناس فرفور و تمام بس عارف ليه هم لسه عايشين!؟ لأنهم بيغنو الغناء المسموع و بنفس طريقته عشان كده ح يقعدو عاهة. مرات كتيرة اضنينا ديل بيرفضو النمط الغنائي الجديد عشان كده بتلقانا واقفين ضد ناس زي محمد الفاتح و مجاهد عثمان و منتصر هلالية و شباب آخرين... القصة طويلة يا صاحبي عشان كده بتلقي زي عمر جعفر ما استمر في البرنامج دا ولا معتز صباحي ممكن ينجح فيهو ابدا. تحياتي
Post: #33 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-09-2018, 07:20 PM Parent: #23
Quote: استاذ سفيان قلت الحقيقة .......انا كتبت الكلام ده فى بوست سابق ، الزول صوتو ما عندو هوية ولا شخصيتو يمكن لو غنى طبيعى يكون عندو صوت كويس ومميز ،ده بيقلد حشرجة احمد الصادق ولابس زى هانى داك وحركة أيدينو زى عاصم البنا المهم زول هلامى ما مميز . السر قدور يشكر اى زول ما قادرين نفهم هل هو غبى ولا بيتغابا قدور ليس مقياس يعتمد عليهو ، وتانيا قدور بيسمع ديل وين وهو عايش فى مصر ديل بجيبوهم ناس مسيطرين على هذا البرنامج
شكراً يا اميرة على الاتفاق بس اعفيني يا اختي من استاذ دي ههههههه بعدين عمك السر لا غبي لا بيتغابا عمك السر مستفيد من البرنامج و ما عايز يخسر عشان كده ما بيقيف ضد الناس البيجيبو مغنيين و يفرضوهم على البرنامج بس عمك بيلزم المغني الجديد انو يلتزم بنمط وطريقة الأداء بتاع البرنامج و انو ما يخرج عنها. تحياتي
Post: #36 Title: Re: اكعب مغني مر علي برنامج اغاني و أغاني عبر � Author: ترهاقا Date: 06-09-2018, 07:46 PM Parent: #33
سمعونا معاكم عشان نحكم معاكم، لاني حقيقة لي زمن ما بتعامل مع كثير القنوات السودانية اللي بقت تسد النفس
عندي أمل كبير في قناة سوداني 24
Post: #37 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-09-2018, 08:21 PM Parent: #36
ترهاقا يا فنان كيفك!؟ اخوك شغال من تلفون عشان كده ما عندي طريقة ارفع حاجة بس امشي يوتيوب و اكتب عمر عثمان و اسمع و تعال ورينا رايك كزول دا شغلك. تحياتي
Post: #38 Title: Re: اكعب مغني مر علي برنامج اغاني و أغاني عبر � Author: Ali Abdalla Date: 06-09-2018, 08:51 PM Parent: #37
التحية لصاحب البوست ولضيوفه
أخي سفيان: لماذا لم تراع الجانب الانساني عندما فكّرت في كتابة هذا البوست.
جعلتني افكر كثيراُ في الهدف من هذا البوست:
أهو نقد؟...
إنطباع؟..
هجوم؟..
تبخيس؟..
مزاج؟..
دكتور المشرّف اطلق علي فكرة صاحب البوست بالنقد الإنطباعي المؤذي كما ورد في المقتبس أدناه:
............................................................................................................................... سفيان سلامات مثل هذا النقد الانطباعي وبهذه الكيفية مؤذي جدا لهذا المغني الشاب ..............................................................................................................................
أنا اتفق مع دكتور المشرّف علي أنه إنطباع أو هجوم قاتل لإنسان في بداية مشواره
وليس نقد لأنه في النقد لا يتم التركيز فقط علي السلبيات إن وجدت،
بل يتم ذكر الايجابيات أولاً ويصاحب ذلك ذكر السلبيات من اجل التطوير والتحسين و التشجيع والدفع للأمام
وإلاّ أصبح هجوم يغلب عليه المزاجية وهو مؤذي للغاية ومثبط للهمم.
كما ذهب الكثيرين أنّ هذا الشاب "عمر عثمان" غنى اغنية عثمان حسين نورا بطريقة ممتازة.
أري أن عمر عثمان "رأي شخصي" سوف يكون أحسن مؤدي لأغاني القامة عثمان حسين،
أخي سفيان: فكّر كيف تساعد هذا الشاب بل وكل الشباب معنوياً لينهضوا بدلاً من دفعهم الي الأسفل.
تحياتي
Post: #39 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-10-2018, 08:44 AM Parent: #38
Quote: تحية لصاحب البوست ولضيوفه
أخي سفيان: لماذا لم تراع الجانب الانساني عندما فكّرت في كتابة هذا البوست.
جعلتني افكر كثيراُ في الهدف من هذا البوست:
أهو نقد؟...
إنطباع؟..
هجوم؟..
تبخيس؟..
مزاج؟..
دكتور المشرّف اطلق علي فكرة صاحب البوست بالنقد الإنطباعي المؤذي كما ورد في المقتبس أدناه:
............................................................................................................................... سفيان سلامات مثل هذا النقد الانطباعي وبهذه الكيفية مؤذي جدا لهذا المغني الشاب ..............................................................................................................................
أنا اتفق مع دكتور المشرّف علي أنه إنطباع أو هجوم قاتل لإنسان في بداية مشواره
وليس نقد لأنه في النقد لا يتم التركيز فقط علي السلبيات إن وجدت،
بل يتم ذكر الايجابيات أولاً ويصاحب ذلك ذكر السلبيات من اجل التطوير والتحسين و التشجيع والدفع للأمام
وإلاّ أصبح هجوم يغلب عليه المزاجية وهو مؤذي للغاية ومثبط للهمم.
كما ذهب الكثيرين أنّ هذا الشاب "عمر عثمان" غنى اغنية عثمان حسين نورا بطريقة ممتازة.
أري أن عمر عثمان "رأي شخصي" سوف يكون أحسن مؤدي لأغاني القامة عثمان حسين،
أخي سفيان: فكّر كيف تساعد هذا الشاب بل وكل الشباب معنوياً لينهضوا بدلاً من دفعهم الي الأسفل.
تحياتي
سلام اخي العزيز على عبد الله... القصد من البوست هو وصفي لصوت هذا الشخص حسب ما سمعته في أكثر من عمل ، بعدين ليه انت وأخي المشرف ما فكرتو في الأذية البيسببه لينا الزول دا بفعايلو دي!؟ وزي ما قلته انا فوق انو الشاب دا بعد تسليط الضوء عليه يستحيل يتصلح لانو خلاص فاكر نفسو وصل.
Post: #40 Title: Re: اكعب مغني مر علي برنامج اغاني و أغاني عبر � Author: Ahmed Yassin Date: 06-10-2018, 12:29 PM Parent: #39
اخوي محمد الشيخ
Quote: احمد يا سين انا شفت الزمبارة اتخلعت انا موافقك جدا في الأتنين ديل بس اضف عندك انصاف فتحي
ودالشيخ اتخلعت ؟ اومال لو كان ساكسفون كان عملت شنو ؟ ياخي انت تنفع في الدعم الفوري فعلا انا نسيت انصاف دي
Post: #41 Title: Re: اكعب مغني مر علي برنامج اغاني و أغاني عبر � Author: Ahmed Yassin Date: 06-10-2018, 12:30 PM Parent: #40
اخونا حمد عبدالغفار
Quote: غايتو يا احمد ياسين يا قاعد تستلف مني أضان واحدة يا أنا قاعد استلف منك اضنيك الاتنين الجوز دا عجيب
يا اخوي حمد انا من متابعتي ليك عرفت أن اضنينك الاتنين ما ساهلات لو لاقيتك حاشيل منك واحدة
Post: #42 Title: Re: اكعب مغني مر علي برنامج اغاني و أغاني عبر � Author: سيف اليزل سعد عمر Date: 06-10-2018, 03:09 PM Parent: #41
لم استمع ليهو بعد لكن ساستمع واحكم.. انت زول طبعا اضانك بتسمع كويسة...
Post: #43 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-10-2018, 06:41 PM Parent: #42
Quote: لم استمع ليهو بعد لكن ساستمع واحكم.. انت زول طبعا اضانك بتسمع كويسة...
اي بالله يا صاحبي اسمعوا و كان قدرته تجي يكون تمام ههههه
Post: #44 Title: Re: اكعب مغني مر علي برنامج اغاني و أغاني عبر � Author: محمد أبوالعزائم أبوالريش Date: 06-10-2018, 07:17 PM Parent: #43
يا سوفي ياخ ما تدينا أمثلة عشان نحكم ...
ما عرفت الزول البتتكلم عنه وما عندي اخلاق لي اغاني واغاني
Post: #45 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-10-2018, 07:24 PM Parent: #44
Quote: ما عرفت الزول البتتكلم عنه وما عندي اخلاق لي اغاني واغاني
يا صاحبي العزيز عليك الله امشي يوتيوب و اكتب عمر عثمان بتلقي البلاوي.
Post: #46 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-10-2018, 07:26 PM Parent: #44
Quote: ما عرفت الزول البتتكلم عنه وما عندي اخلاق لي اغاني واغاني
يا صاحبي العزيز عليك الله امشي يوتيوب و اكتب عمر عثمان بتلقي البلاوي.
Post: #47 Title: Re: اكعب مغني مر علي برنامج اغاني و أغاني عبر � Author: abas Date: 06-11-2018, 02:45 PM Parent: #46
الاغنيه دي يا سفيان نهائي ما حقتو عامل صوتو زي القلع عبد الحفيظ دي اغاني عاوزه صوت شجن
عليك الله عاين الفرق
Post: #48 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-11-2018, 07:07 PM Parent: #47
شكراً يا عباس ياخ و زمن يا صاحبي... ياخ زول أذية بمعنى الكلمة الزول دا
Post: #49 Title: Re: اكعب مغني مر علي برنامج اغاني و أغاني عبر � Author: كمال علي الزين Date: 06-11-2018, 08:17 PM
(*)
مافي أكعب من عمر عثمان و منى مجدي إلا عمر عطور
Post: #50 Title: Re: اكعب مغني مر علي برنامج اغاني و أغاني عبر � Author: بلدى يا حبوب Date: 06-11-2018, 08:43 PM Parent: #49
سفيان سلامى واحترامى اتفق معاك فى كل ما قلته الواسطة واضحه فى اختيار الفنانيين تحياتى
Post: #53 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-12-2018, 00:10 AM Parent: #49
Quote:
(*)
مافي أكعب من عمر عثمان و منى مجدي إلا عمر عطور
هههههههههههههههاي يا كمال عليك الله تعال متعنا بقصة عطور دا
Post: #51 Title: Re: اكعب مغني مر علي برنامج اغاني و أغاني عبر � Author: محمد محمد قاضي Date: 06-11-2018, 09:02 PM Parent: #1
تعرف يا سفيان أنا ما بسمع أغاني عثمان حسين إلا من عثمان حسين أي فنان يمكن يتقلد بس عثمان حسين يقلده عثمان حسين فقط (الله يرحمه)
حتي ملك التقليد الفنان عصام محمد نور ما قدر يقلد أبو عفان
بس السلطانة سميرة تطربني أكتر من غيرها في أغاني المرحوم أبو عفان
Post: #54 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-12-2018, 00:15 AM Parent: #51
Quote: تعرف يا سفيان أنا ما بسمع أغاني عثمان حسين إلا من عثمان حسين أي فنان يمكن يتقلد بس عثمان حسين يقلده عثمان حسين فقط (الله يرحمه)
حتي ملك التقليد الفنان عصام محمد نور ما قدر يقلد أبو عفان
بس السلطانة سميرة تطربني أكتر من غيرها في أغاني المرحوم أبو عفان
شكراً يا محمد قاضي لأنك ختيت صورة واضحة لعثمان حسين ربي يرحمه و اتفق معاك في كل شي حتى سلطنة سميرة دنيا. ياخ عمر عثمان بهدل اغاني عثمان حسين و بعد دا في ناس تقول غناء نورا احسن من عثمان حسين!!!!.
Post: #52 Title: Re: اكعب مغني مر علي برنامج اغاني و أغاني عبر � Author: Amira Hussien Date: 06-11-2018, 09:48 PM Parent: #1
وسميرة بتأدى بى طريقتا لذلك أبدعت
Post: #55 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-12-2018, 00:18 AM Parent: #52
Quote: وسميرة بتأدى بى طريقتا لذلك أبدعت
صح يا اميرة وهذا ما يميزها
Post: #56 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-12-2018, 06:43 AM Parent: #55
ياخ الليلة عمر عثمان انتهى ليك من أغنية حسن عطية و انتهى من حسن عطية كلو كلو
Post: #57 Title: Re: اكعب مغني مر علي برنامج اغاني و أغاني عبر � Author: Faisal Saad Date: 06-12-2018, 08:06 AM Parent: #56
سلامات يا سفيان و عساك طيب :
انا شايف انه النجم المتألق مأمون سوار الدهب لم يغني بامتياز و روعة العام الماضي، و لم يوفق في أداء اغنية "ربيع الدنيا "!! رأيك شنو؟؟
Post: #58 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-12-2018, 08:12 AM Parent: #57
Quote: سلامات يا سفيان و عساك طيب :
انا شايف انه النجم المتألق مأمون سوار الدهب لم يغني بامتياز و روعة العام الماضي، و لم يوفق في أداء اغنية "ربيع الدنيا "!! رأيك شنو؟؟
الف مرحب يا فيصل... اتفق معاك مية المية في ملاحظتك و بقول انو خلاس مأمون سوار الدهب تم تعليبه في إطار ترديد الاغاني القديمة الكبيرة و انتهى على كده.
Post: #59 Title: Re: اكعب مغني مر علي برنامج اغاني و أغاني عبر � Author: Osman Musa Date: 06-12-2018, 08:20 AM Parent: #57
سلامات اخ سفيان انا لو بكان عمك قدور كنت خجيت ليك البرنامج ده فوق تحت . ولا ح اشتغل ليك بي اجاويد قناة الجزيرة . خج الفرقة الموسيقية . وين الزول الفاهم سليمان اكرت ؟ في عازفين يخلوا الكمنجات تنضم . وبعدين هدي عربي دي كفاية . الشاب عمر كفاية . الشابة ام لهجة مصرية كفاية . دايرين برنامج حي وقوي زي برنامج ذا فويز . يجيب ناس تغني واقفة وبي حرارة فترنا من غناء قاعد يا جماعة . الغناء الان في العالم كلو بقي مربوط بي النشاط وبي الحرارة و الرشاقة .
Post: #60 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-12-2018, 08:26 AM Parent: #59
و الله يا عثمان من بدأ البرنامج انا فاقد صوت عمنا اكرت في الركوديون ياخ دا بقى واحد بس من ريحة الغناء العتيق. أما فكرتك عن رج البرنامج فصدقني عمك قدور ما بيعمله لأنها عايزة زول غير قدور زول يكون الغناء القديم العتيق دا زيو زي اي غناء جديد بدون تقديس.
Post: #61 Title: Re: اكعب مغني مر علي برنامج اغاني و أغاني عبر � Author: يحي قباني Date: 06-12-2018, 08:30 AM Parent: #60
سفيان ...
مالك قارش ملحتو الود ده ...
الود بغني اخير من كم زول ... غناهو كويس ما عنده اَي عوجة ...
Post: #62 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-12-2018, 08:35 AM Parent: #61
Quote: مالك قارش ملحتو الود ده ...
الود بغني اخير من كم زول ... غناهو كويس ما عنده اَي عوجة ...
ملحت شنو العند الولد دا يا قباني ياخ يخربو من أي شي و غناهو كويس كيف يعني انت ما سمعته عمايلو و صوتو الاكعب من عبد الحفيظ القلع!!! ؟
Post: #63 Title: Re: اكعب مغني مر علي برنامج اغاني و أغاني عبر � Author: عبد اللطيف بكري أحمد Date: 06-12-2018, 10:15 AM Parent: #62
ياصديقي سفيان اسمع الاغنية دي بسماعة كويسة وبتركيز عالي
والله بعد عثمان حسين مافي زول أجاد الأغنية دي زي عمر عثمان دا،،
الود متمكن والله وزمنو ممتاز ،
الاغنية سمعتها اكتر من مرة والله لأنها الوحيدة الكانت في الحلقة ،،
عمر عثمان صغير في العمر ولسه صوته حيتشكل كمان وكمان وحيكون ليهو شأن،،
نورة أغنية صعبة جداً وزمنها عجيب مختوت في التمنية لو مازول متمكن مابيقدر عليها ،،
اديهو فرصة تانية ياحبيب واسمعها تاني
Post: #64 Title: Re: اكعب مغني مر علي برنامج اغاني و أغاني عبر � Author: ABUHUSSEIN Date: 06-12-2018, 10:37 AM Parent: #63
Quote: عبد الحفيظ القلع
وصلت مرحلة تقلبن الأسامي ...؟؟؟؟ كُر عليك صغير و جاهل ......
Post: #65 Title: Re: اكعب مغني مر علي برنامج اغاني و أغاني عبر � Author: Ahmed Yassin Date: 06-12-2018, 11:44 AM Parent: #64
محمد محمد قاضي نمرة واحد
Quote: أي فنان يمكن يتقلد بس عثمان حسين يقلده عثمان حسين فقط
نمرة واحد برضو
Quote: بس السلطانة سميرة تطربني أكتر من غيرها في أغاني المرحوم أبو عفان
نصدق الفوق ولا التحت... اثبت انك ما بتعرف تسمع عثمان حسين او مقام (فا) السوداني الكبير
Post: #66 Title: Re: اكعب مغني مر علي برنامج اغاني و أغاني عبر � Author: جلالدونا Date: 06-12-2018, 11:52 AM Parent: #65
يا اخوانّا الشاب ده صوتو مخنوووووووق اسمعوهو فى الباقى باقى يمين الله حنيت عليهو قطع شك حبال صوتو لو ما اتقطططعن صبحو ورمانات ______ السوفيانى ما شاءالله عليك بقيت تفهم فى الغنا خايف يسحروك
Post: #67 Title: Re: اكعب مغني مر علي برنامج اغاني و أغاني عبر � Author: Faisal Saad Date: 06-12-2018, 12:12 PM Parent: #66
سلامات يا شباب.. برنامج هذا العام في نهايته و أعتقد النجومية و التفرد تكون لمكارم و مهاب على الأداء الجميل..
تخريمة: افتكر أفضل من يقلد اغاني الراحل عثمان حسين له الرحمة، هو الفنان فيصل الصحافة..
Post: #68 Title: Re: اكعب مغني مر علي برنامج اغاني و أغاني عبر � Author: عزيز Date: 06-12-2018, 12:15 PM Parent: #66
الشاب عمر عثمان متأثر جداً بأسلوب المديح في طريقة الأداء وفهمه لأداء الحليات (التطريب) 1/ عنده مشكلة في عدم الحفاظ على فتحة حنجرته وذلك يوثر في مستوى الصوت الطالع.. 2/ والمشكلة الواضحة في طريقة إستخراجه للهواء حيث يتكور الهواء في منطقة الحجاب الحاجز فيقطع الهواء الخارج وبالتالي يقطع صوته.. 3/ وكبريات مشاكله أنه لا يعرف حدود مداه الصوتي وبالتالي يؤدي أغاني أكبر من إمكانيات مداه الصوتي في تأليفها في أعلى وأدني صوت في الأغنية كما فعل في أغنية صلاح بن البادية!!
Post: #69 Title: Re: اكعب مغني مر علي برنامج اغاني و أغاني عبر � Author: جلالدونا Date: 06-12-2018, 12:20 PM Parent: #68
سعيد يا عزيز يا اسطى يا كبير انك توافقنى الرأى الصحيح اوافقك الراى بس معليش رصة الكلام جات كده
Post: #70 Title: Re: اكعب مغني مر علي برنامج اغاني و أغاني عبر � Author: فرح الطاهر ابو روضة Date: 06-12-2018, 12:33 PM Parent: #69
بالنسبة لي جمال فرفور وعاصم البنا باعتبارهم قدام في البرنامج وما قدموا اي اضافة تذكر للبرنامج نسخ كربونية متكررة لدرجة الملل الفرق بين علصم وفرفور انه عاصم بعرف يلبس الاولاد الصغار ديل اننا نحكم عليهم من خلال عدد من الحلقات اجحاف عليهم وياهو عزيز بشي من التخصصية فصد ليه مشاكلو لو قدر اشتغل عليها ممكن يلحق نفسه ولو كمان افتكر روحو فنان لمجرد انه غني مع السر قدور وظهر في البرنامج حيذهب من حيث اتي تحياتي صاحب البوست وضيوفه
Post: #72 Title: Re: اكعب مغني مر علي برنامج اغاني و أغاني عبر � Author: عزيز Date: 06-12-2018, 12:57 PM Parent: #70
Quote: وياهو عزيز بشي من التخصصية فصد ليه مشاكلو لو قدر اشتغل عليها ممكن يلحق نفسه ولو كمان افتكر روحو فنان لمجرد انه غني مع السر قدور وظهر في البرنامج حيذهب من حيث اتي تحياتي صاحب البوست وضيوفه
أخي فرح كل عام وانت في سعادة وهناء
مشكلة هؤلاء الشباب سوار وعمر عثمان وغيرهم بكونوا بسطاء جداً في كل شيء وأولاد حله عاديين أول ما ينزل برومو برنامج أغاني وأغاني الواحد بفتح باب بيتهم الصباح بلقي الناس كلها بتشير ليهو بالنجومية لم يستعدوا لها ولم يتدرجوا في الوسط الفني ولم يكتسبوا خبرة الأداء والتعامل مع فن الغناء والموسيقى بحرفية ولا مع الجمهور لأنهم مازالوا هواة. الغناء يحتاج ممارسة كثيرة وتجريب الى أن يجد المغنى ما يناسب إمكانياته وهذا يتم بالإحتكاك والإستماع الكثير للتجارب السابقة ومساعدة العازفين في سمكرة طريقة الأداء، وكذلك كثرة الغناء يلين الصوت ويطوعه ويصبح قادراً على التنويع في الأداء والتطريب.
للأسف هؤلاء الشباب بدخلوا في شخصية الفنانيين الكبار والنجوم الساطعة ويكبروا على المعرفة ولا يقبلوا النقد والتوجيه! ولذلك يصعب تطورهم وفي البرنامج بعض من هؤلاء
Post: #86 Title: Re: اكعب مغني مر علي برنامج اغاني و أغاني عبر � Author: فرح الطاهر ابو روضة Date: 06-12-2018, 07:44 PM Parent: #72
شكرا عزيز واصلا لو المواهب دي بتستمع للنقد الهادف وتشتغل عليه ما بتضيع ليها عوجة لكن علي قولك يا عزيز عضم البرنامج نفسه مدمر للموهبة لانه عمك السر قدور مع احترامنا لاهتمامه بالتوثيق للاغنية السودانية ما عنده اي اهتمام لمساندة المواهب دي وقراية أدائهم بطريقة مفيدة خاصة اذا كانت فكرة البرنامج غير التوثيق وتجديد اغاني الحقيبة اضافة مواهب للساحة الفنية وتسليط الضوء عليهم تبقي حكاية كويس يا ولدي وهائل والله يديك العافية البنسمع فيها من اكثر من عشرة سنوات دي ما ظابطة عاصم وفرفور بوصفهم قدامي لو في البرنامج او في الساحة الفنية قدموا شنو للمواهب دي وظهر علي أدائهم ؟؟؟؟ وبامكانهم يعملوا شنو ليهم مش علي الاقل المفروض يساهموا في اختيار الاغنيات البتتطابق مع مقدرات الشباب ديل قبل تسجيل الحلقة لانه ده فن وتوثيق واهتمام بمواهب قبل اي حاجة تانية ؟؟ الحاجات دي لو اهتم بيها البرنامج ممكن يكون قديم متجدد اما بالاسلوب الشغال بيه ده البرنامج ممكن نعتبروا ترفيهي وفيه مساحة إعلانية كويسة لك خالص التقدير والاحترام.
Post: #87 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-12-2018, 07:47 PM Parent: #72
Quote: مشكلة هؤلاء الشباب سوار وعمر عثمان وغيرهم بكونوا بسطاء جداً في كل شيء وأولاد حله عاديين أول ما ينزل برومو برنامج أغاني وأغاني الواحد بفتح باب بيتهم الصباح بلقي الناس كلها بتشير ليهو بالنجومية لم يستعدوا لها ولم يتدرجوا في الوسط الفني ولم يكتسبوا خبرة الأداء والتعامل مع فن الغناء والموسيقى بحرفية ولا مع الجمهور لأنهم مازالوا هواة. الغناء يحتاج ممارسة كثيرة وتجريب الى أن يجد المغنى ما يناسب إمكانياته وهذا يتم بالإحتكاك والإستماع الكثير للتجارب السابقة ومساعدة العازفين في سمكرة طريقة الأداء، وكذلك كثرة الغناء يلين الصوت ويطوعه ويصبح قادراً على التنويع في الأداء والتطريب.
للأسف هؤلاء الشباب بدخلوا في شخصية الفنانيين الكبار والنجوم الساطعة ويكبروا على المعرفة ولا يقبلوا النقد والتوجيه! ولذلك يصعب تطورهم وفي البرنامج بعض من هؤلاء
شكراً يا يا عزيز كعادتك تقول الحقيقة بوضوح و هي أكبر المشاكل انهم خلاص بيفتكرو انهم وصلو القمة و بي سبب هذا لن يطورو ابدا.
Post: #84 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-12-2018, 07:36 PM Parent: #70
Quote: بالنسبة لي جمال فرفور وعاصم البنا باعتبارهم قدام في البرنامج وما قدموا اي اضافة تذكر للبرنامج نسخ كربونية متكررة لدرجة الملل الفرق بين علصم وفرفور انه عاصم بعرف يلبس الاولاد الصغار ديل اننا نحكم عليهم من خلال عدد من الحلقات اجحاف عليهم وياهو عزيز بشي من التخصصية فصد ليه مشاكلو لو قدر اشتغل عليها ممكن يلحق نفسه ولو كمان افتكر روحو فنان لمجرد انه غني مع السر قدور وظهر في البرنامج حيذهب من حيث اتي تحياتي صاحب البوست وضيوفه
مرحب يا ابو روضة... المشكلة انو الاولاد ديل لأنهم ظهروا في حلقات مسلط عليها الضوء خلاص تاني ما ح يسمعوا اي شي و خلاص صدقوا انهم انجم نجوم.
Post: #89 Title: Re: اكعب مغني مر علي برنامج اغاني و أغاني عبر � Author: فرح الطاهر ابو روضة Date: 06-12-2018, 07:53 PM Parent: #84
كتيرين ظهروا يا سفيان في البرنامج ده واختفوا زي رقوة الصابون تبقي الموهبة المصنوعة صناعة بدون اي مجهود غير بدلة وحلاقة سمحة وكاميرا لا يمكن أن تصنع فنان والبوست ده استفتاء حقيقي وفيه قرايات موفقة تستحق المتابعة
Post: #71 Title: Re: اكعب مغني مر علي برنامج اغاني و أغاني عبر � Author: عزيز Date: 06-12-2018, 12:40 PM Parent: #69
Quote: سعيد يا عزيز يا اسطى يا كبير انك توافقنى الرأى الصحيح اوافقك الراى بس معليش رصة الكلام جات كده
جلال يا حبيب
كل عام وانت بكل الخير
وتغمرني السعادة كذلك بتطابق الرؤى يا غالي
Post: #73 Title: Re: اكعب مغني مر علي برنامج اغاني و أغاني عبر � Author: MOHAMMED ELSHEIKH Date: 06-12-2018, 01:04 PM Parent: #71
يا سفسفة انا بقيت اغني " رجعنالك" كاملة وصحيحة في الفرقة مابين انزل من العربية لغاية اصل المكتب كل يوم الصباح
اها ما بنفع في اي حاجة رمضان الجايي؟
Post: #88 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-12-2018, 07:51 PM Parent: #73
Quote: يا سفسفة انا بقيت اغني " رجعنالك" كاملة وصحيحة في الفرقة مابين انزل من العربية لغاية اصل المكتب كل يوم الصباح
اها ما بنفع في اي حاجة رمضان الجايي؟
يا ود الشيخ كدي في نزلتك الجاية ابدا بالرحل في جناين الباوقة بعديها نشوف هههه
Post: #82 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-12-2018, 07:32 PM Parent: #68
Quote: الشاب عمر عثمان متأثر جداً بأسلوب المديح في طريقة الأداء وفهمه لأداء الحليات (التطريب) 1/ عنده مشكلة في عدم الحفاظ على فتحة حنجرته وذلك يوثر في مستوى الصوت الطالع.. 2/ والمشكلة الواضحة في طريقة إستخراجه للهواء حيث يتكور الهواء في منطقة الحجاب الحاجز فيقطع الهواء الخارج وبالتالي يقطع صوته.. 3/ وكبريات مشاكله أنه لا يعرف حدود مداه الصوتي وبالتالي يؤدي أغاني أكبر من إمكانيات مداه الصوتي في تأليفها في أعلى وأدني صوت في الأغنية كما فعل في أغنية صلاح بن البادية!!
سلامات يا أعز عزيز... و شكراً لأنك قعدته الكلام في علبه العلمية و هو نفس ما قصدته لكني صراحة من كترت انزعاجي و ضيقي من الولد دا ما مان عندي اي نفس اتكلم عن توزيع الهواء الطالع من الحجاب الحاجز و شغله مع التكنيك مابين الصوت الانفي و صوت الحنجرة و انت براك شايف الشاب دا عندو خلط بين الأنف و الحنجرة شديد و المايك دائماً في النخرة فوق. مداخلتك التانية هي ذاته من أهم النقاط الأنا ذكرتها و هي أنه اي شاب يظهر و تتسلط عليه الأضواء في بداية مسيرته خلاص بيفكها في نفسو و تاني ما بيسمع اي كلام يطور فيهو و عشان انا مقتنع بي كده ما عندي اي أخلاق اضيع زمن في نصيحة لي ناس مش ح تسمع... المهم مداخلتك التانية ح ارجع ليها في حتته
Post: #81 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-12-2018, 06:43 PM Parent: #66
Quote: يا اخوانّا الشاب ده صوتو مخنوووووووق اسمعوهو فى الباقى باقى يمين الله حنيت عليهو قطع شك حبال صوتو لو ما اتقطططعن صبحو ورمانات ______ السوفيانى ما شاءالله عليك بقيت تفهم فى الغنا خايف يسحروك
ههههههه انا فهمي خلو انت بقيت تفتي عديييل في الغناء و كمان تتفق مع المتخصصين دا كلو عشان بتعرف فقط الكنينة بالعود! ؟
Post: #80 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-12-2018, 06:39 PM Parent: #64
Quote: وصلت مرحلة تقلبن الأسامي ...؟؟؟؟ كُر عليك صغير و جاهل ......
هوي ها هو الخاتين عديل شن طعمو!؟ عرف يغني يعني؟
Post: #79 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-12-2018, 06:36 PM Parent: #63
Quote: ياصديقي سفيان اسمع الاغنية دي بسماعة كويسة وبتركيز عالي
والله بعد عثمان حسين مافي زول أجاد الأغنية دي زي عمر عثمان دا،،
الود متمكن والله وزمنو ممتاز ،
الاغنية سمعتها اكتر من مرة والله لأنها الوحيدة الكانت في الحلقة ،،
عمر عثمان صغير في العمر ولسه صوته حيتشكل كمان وكمان وحيكون ليهو شأن،،
نورة أغنية صعبة جداً وزمنها عجيب مختوت في التمنية لو مازول متمكن مابيقدر عليها ،،
اديهو فرصة تانية ياحبيب واسمعها تاني
صاحبي الفنان عبد اللطيف كيفك!؟ تصدق انا ما ادخرته شي في صبري على الزول دا و كلو ما نفع.
Post: #74 Title: Re: اكعب مغني مر علي برنامج اغاني و أغاني عبر � Author: محمد محمد قاضي Date: 06-12-2018, 02:10 PM Parent: #1
أحمد ياسين قال اصلا السمع والتقبل بيختلف من شخص لأخر
تاني قال اثبت انك ما بتعرف تسمع عثمان حسين او مقام (فا) السوداني الكبير
معقول كدة يا أحمد ... طيب ما تسلفنا أضانك نسمع بيها شوية وعشان كونك متخصص
في الموسيقي وكده حسب ما سمعت بالله أشرح لينا مقام (فا) السوداني الكبير ينوبك ثواب
وكل عام وأنتم بخير
Post: #75 Title: Re: اكعب مغني مر علي برنامج اغاني و أغاني عبر � Author: Ahmed Yassin Date: 06-12-2018, 02:58 PM Parent: #74
محمد قاضي كل سنة وانت طيب كنت ماشي كويس في البداية في حتة عثمان حسين ما بتقلد... ودا كلام صاح
Post: #76 Title: Re: اكعب مغني مر علي برنامج اغاني و أغاني عبر � Author: محمد محمد قاضي Date: 06-12-2018, 03:23 PM Parent: #1
هلا أبو حميد أنا فعلاُ مقتنع إنو ما واحد بقدر يقلد عثمان حسين
يعني شوف الناس قلدت كل عمالقة الفن السوداني محمد وردي الكابلي محمد الأمين أبو داوود الجابري إبن البادية سيد خليفة وووو
بل هناك من أجاد وغني أحسن من صاحب الأغنية إلا عثمان حسين هونسيج وحده
تعرف في أي برنامج بمجرد ما يقولو نسمع فلان في أغنية لعثمان حسين أنا طوالي بحول القناة لي محطة تانية
مستحيل أسمع ناس عمر عثمان وفاطمة عثمان ومني عثمان وهدي عثمان وحبشية ما عارف إسمها منو كدة ما عارف يخربو في أغاني عثمان حسين بس السلطانة سميرة ما بتقلد تلقد لا لا .. السلطانة بتغني بي مزاجها هي وبي اسلوبها هي وبتأدي أي أغنية بسهولة وبدون تكلف ومقابضة باليدين هههه
برضو ما وريتنا الفا بتاع الغناء السوداني الكبير ... بالجد عايزة شرح ... نحن ناس سمع بس
Post: #77 Title: Re: اكعب مغني مر علي برنامج اغاني و أغاني عبر � Author: Ahmed Yassin Date: 06-12-2018, 04:06 PM Parent: #76
الله على طريقة كرومة ود مستورة بت عرضو. يا محمد ياود محمد قاضي. محمد اﻻمين في اﻻغاني الكبيرة مستحيل يتقلد خاصة في بتتعلم من اﻻيام ابوعركي لو عايز تفشل حاول قلدو وبرضو الخالدي..والجابري عثمان حسين من عازف عود خلف عبدالحميد يوسف الى فنان السودان اﻻول..الى رائد المقدمات الموسيقية الى جمال وثراء الكلمة واللحن والصوت الباص بجيك بعدين
Post: #78 Title: Re: اكعب مغني مر علي برنامج اغاني و أغاني عبر � Author: aosman Date: 06-12-2018, 04:36 PM Parent: #1
الأخ سيف بشير أنا شخصيا ما بفهم في الغناء لكن لمن سمعت زولك ده ما حبيتو خاااااااااالص, بس قلت إحتمال الزول ده بعرف يغني وعشان ان كيشة في الغناء عشان كده شايفه كعب, لكن إنت كده بردت لي بطني,, شكرا ليك
Post: #83 Title: Re: اكعب مغني مر علي برنامج اغاني و أغاني عبر � Author: جلالدونا Date: 06-12-2018, 07:33 PM Parent: #78
غايتو يا قاضى لولا رمضان ده كان فشيت فيك مغستى ياخى انت التقول ما سمعت ناس بتغنى قبل ده كدى امشى قوقل اسم عباس تلودى ياخى تلودى ده زيى واحد.. بنحب نغنى لى رويحتنا دى لكن ما عندنا شغلة بالاعلام تقوقل شنو كمان هاك اسمع دى ... انا و النجم و المساء انا و الليل و المساء و بالعود كمان بعد تسمع كان ما مشيت عدلت مداخلاتك الفوق ديك لا تلومن الا نفسك ___ قال الكنينة قال والله ياهو الفضل ,, عاوزين تغالتونا فى غنانا كمان ___ الاسطى عزيز يديك العافية ياخى و تسلم لينا
Post: #85 Title: Re: اكعب مغني مر علي برنامج اغاني و أغاني عبر � Author: جلالدونا Date: 06-12-2018, 07:43 PM Parent: #78
عدّل للتكرار الكنزى هرشنا ياخ
Post: #91 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-12-2018, 08:04 PM Parent: #85
Quote: عدّل للتكرار الكنزى هرشنا ياخ
يازول ها ما تذكر اسم الزول دا هنا مالك علينا!! ؟
Post: #90 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-12-2018, 07:57 PM Parent: #78
Quote: الأخ سيف بشير أنا شخصيا ما بفهم في الغناء لكن لمن سمعت زولك ده ما حبيتو خاااااااااالص, بس قلت إحتمال الزول ده بعرف يغني وعشان ان كيشة في الغناء عشان كده شايفه كعب, لكن إنت كده بردت لي بطني,, شكرا ليك
اها يا عثمان بعد كلامك طلع مطابق للأستاذ الموسيقار عزيز نحنا منتظرين منك بوست نقدي ههههههه
Post: #92 Title: Re: اكعب مغني مر علي برنامج اغاني و أغاني عبر � Author: إبراهيم عبد الحليم Date: 06-12-2018, 10:59 PM Parent: #90
الحبيب سفيان
من الصعب الحكم على زول فى مقتبل العمر وامامه الكثير. حتى ولو كانت البداية خطاء. قد يتجاوز المشار اليه محطة اغانى واغانى اللهى اساسا ليست محطة جادة فهى دردشة رمضانية وونسة لغناء زمان وكل الذين غنو ويغنو بالبرنامج هم يغنون بصورة ارتجالية بدون خارطة طريق وفكرة تطويرية تجديدية.. يغنون اغانى اصحابه تعبو فيه شهور وسنوات حتى عملو منها لوحات فنية نادرة وارث فنى راقى. قد يتجاوز الشاب اخونا المحطة ويبداء فى مشروع فنى جاد مستفيدا من عثرات تجربته ويدهشك فى سنوات. الحكم على زول فى مقدرته على الغناء لاخرين صعب وهو بهذه المقدرات القليلة كل الذى جلبه للبرنامج عدد الكليكات باليوتيوب او تواجده وغنائه بمعدية مراسى الشوق عمل له شعبية وسط الجامعات.
الخيل الحرة بتجى فى اللفة.
رمضان كريم
Post: #94 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-12-2018, 11:41 PM Parent: #92
Quote: الحبيب سفيان
من الصعب الحكم على زول فى مقتبل العمر وامامه الكثير. حتى ولو كانت البداية خطاء. قد يتجاوز المشار اليه محطة اغانى واغانى اللهى اساسا ليست محطة جادة فهى دردشة رمضانية وونسة لغناء زمان وكل الذين غنو ويغنو بالبرنامج هم يغنون بصورة ارتجالية بدون خارطة طريق وفكرة تطويرية تجديدية.. يغنون اغانى اصحابه تعبو فيه شهور وسنوات حتى عملو منها لوحات فنية نادرة وارث فنى راقى. قد يتجاوز الشاب اخونا المحطة ويبداء فى مشروع فنى جاد مستفيدا من عثرات تجربته ويدهشك فى سنوات. الحكم على زول فى مقدرته على الغناء لاخرين صعب وهو بهذه المقدرات القليلة كل الذى جلبه للبرنامج عدد الكليكات باليوتيوب او تواجده وغنائه بمعدية مراسى الشوق عمل له شعبية وسط الجامعات.
الخيل الحرة بتجى فى اللفة.
رمضان كريم
الأخ العزيز ابراهيم عبد الحليم كيفك و الله أكرم ياخ... كلامك دا كلو على العين والراس بس راجع كلام أخونا عزيز بتاع انو الشباب ديل فهمهم للظهور من خلال التلفزيون فهم خطأ و مفهومهم للنجومية أكبر خطأ و يستحيل بعديها يتقبلو اي نقد أو كلام و أهو الدلائل قدامك كتير زي فرفور و عاصم البنا ليهم 30 سنة غناء وناسه ما اتعلمو.
Post: #93 Title: Re: اكعب مغني مر علي برنامج اغاني و أغاني عبر � Author: محمد محمد قاضي Date: 06-12-2018, 11:31 PM Parent: #1
والله يا أخونا جلال الفنان عباس تلودي خطير بالعود وما فيه كلام وكيفني برضو في أغنية تيه واتاكا لكن لكن بصراحة أنا أغاني عثمان حسين مااااااا بسمعها من فنان غيره .. موش الناس معادن؟؟؟ طيب
ياجماعة كل سنة وإنتو طيبين
Post: #95 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-12-2018, 11:59 PM Parent: #93
Quote: والله يا أخونا جلال الفنان عباس تلودي خطير بالعود وما فيه كلام وكيفني برضو في أغنية تيه واتاكا لكن لكن بصراحة أنا أغاني عثمان حسين مااااااا بسمعها من فنان غيره .. موش الناس معادن؟؟؟ طيب
ياجماعة كل سنة وإنتو طيبين
و انت بالف خير يا محمد قاضي بس اسمعه مني عثمان حسين كان و احدا وذهب لرب رحيم زي ما بادي كان واحد وذهب مافي اي زول يقنعك انو ممكن يقلد عثمان حسين هذا محال (يوم لو الله هون و اتونسنا بوريك ليه ما بيتقلد). أما أخونا عباس تلودي دا فهو فنان قعدات عود ساااي و رحل و أصحاب زيو زي جلالدونا بس الفرق انو تلودي عندو أغنيات كتيرة حافظه و جلالدونا ياها الكنينة و الذكريات بتاعة الشفيع و القربو يحنن و احدة كده للخالدي تاني يخربو ههههههه
Post: #96 Title: Re: اكعب مغني مر علي برنامج اغاني و أغاني عبر � Author: Ahmed Yassin Date: 06-13-2018, 10:49 AM Parent: #95
الفنان الجميل ابراهيم عبدالحليم احمد الزبير ماشاء الله دائما ذكي في دراستك وغناك واختياراتك وفي كلامك التحت دا فعلا كلام ممكن يلخص الموضوع
Quote: وكل الذين غنو ويغنو بالبرنامج هم يغنون بصورة ارتجالية بدون خارطة طريق وفكرة تطويرية تجديدية.. يغنون اغانى اصحابه تعبو فيه شهور وسنوات حتى عملو منها لوحات فنية نادرة وارث فنى راقى. قد يتجاوز الشاب اخونا المحطة ويبداء فى مشروع فنى جاد مستفيدا من عثرات تجربته ويدهشك فى سنوات. الحكم على زول فى مقدرته على الغناء لاخرين صعب وهو بهذه المقدرات القليلة
Post: #97 Title: Re: اكعب مغني مر علي برنامج اغاني و أغاني عبر � Author: Khalid Basheer Date: 06-13-2018, 03:25 PM Parent: #96
هههه يا سفيان ... كتار في البرنامج تلزمهم نصيحة سبت دودو لي ود الشايقي
قال ليه ما معناه: داير نصيحتي ؟ الكورة دي خليها.
.................... يا خي في واحد اسمه سيف الدين حسان ، صوته جميل جدا بس ما عارف ليه ما بجيبوا و ما ظاهر.
Post: #98 Title: Re: اكعب مغني مر علي برنامج اغاني و أغاني عبر � Author: سفيان بشير نابرى Date: 06-13-2018, 06:33 PM Parent: #97
Quote: هههه يا سفيان ... كتار في البرنامج تلزمهم نصيحة سبت دودو لي ود الشايقي
قال ليه ما معناه: داير نصيحتي ؟ الكورة دي خليها.
.................... يا خي في واحد اسمه سيف الدين حسان ، صوته جميل جدا بس ما عارف ليه ما بجيبوا و ما ظاهر.
جدو خالد بشير منو سبت دودو و ود الشايقي ديل!؟ هههههههههههههههههههههههههههههههههههههه
و الله سيف الدين حسان غناي غناي مافي شك لكن خلاس دمر نفسو لانو بقى مغني فقط ضمن مجموعة غنائية راح ليها الدرب اسمه عقد الجلاد.
