لحم حلال Halal Meat

07:59 AM June, 08 2018

سودانيز اون لاين
Mohamed Adam-
مكتبتى
رابط مختصر

ما هي مواصفات اللحم الحلال ؟

"اللحوم و مشتقاتها التي يستخدمها الإنسان المسلم في أكله
و طعامه لا بُدَّ و أن تَتَّصِفَ بوصفين أساسيين حتى تصبح حلالاً
و طاهرةً يجوز أكلها و إستخدامها في الأكل و الطعام ، و
الوصفان هما :
1 . أن يكون اللحم أو مُشتقَّاته من حيوانٍ حلال اللحم .
2. أن يُذَكَّى الحيوان المُحَلَّل وفقاً للشريعة الإسلامية.و
للتذكية شروط لا بد أن تتوفر في الذَّبيحة و الذَّابح و آلة الذَّبح
حال الذَّبح".(الوقت لايسمح لتفاصيلها) تجدها
بموقع، Islam4u.com:

يبقي ممكن نقول:
لحم لكنه مذبوح بمواصفات إسلامية.
كما يعني:
ضمنيا، لحم باقي الديانات الأخري حرااام.

نواصل.

النتيجة:
أي طعام يتم تجهيزه من غير مشتقات تلك اللحوم يكون
حرام 100%.كما في الإقتباس أدناه:
"إذن كل لحم لم تتوفر فيه الشروط المذكورة يحرم أكله
أو استخدامه في الطعام ، و لا بد للمسلم من التأكد من اللحم
الذي يستهلكه هل هو حرام أم حلال إذا كان في بلد غير إسلامي ،
إذ لا يكفي في ذلك الاعتماد على الكتابة الموجودة على العلب
و الأكياس بأنها ذبحت على الطريقة الإسلامية ، نعم إذا كان
مصدر هذه اللحوم بلداً إسلامياً أو شركة اسلامية فهي
محكومة بالطهارة .".

نواصل.

وفي نفس الوقت قال الله:
اليوم أحل لكم الطيبات وطعام الذين أوتوا الكتاب حل
لكم وطعامكم حل لهم… المائدة: 5.

ول ابا..حبابك يا صديقي

كل سنة وانت طيب..

كتر خيرك على طرح الفكرة..

ننتظر لغاية اكمال الفكرة ، وبعدها نضيف شوية تساؤلات وحكاوي..

كبر

سلامات يا محمد آدم .
كِدي هاك الرآبط دا لآمن نجيّك،
Re: لـحـمـ حـلآل ...Re: لـحـمـ حـلآل ...

معاوية المدير
جملة طريفة في حكايتك خلت يومي الليلة مفروش بالورد وهي ؛:
"ماسكينها لينا ..انتو ناس اتبرا حتى في امريكا الشمالية ساكنين القطر ولو في طريقة كان سطحوا ..""
ونستلف اوسكار امتثال ونقول ليك اوسكار...
رجع البوست الروعة مرة ثانية ..والتحية لصاحب البوست وراجعة ليكم بحكاية اللحم الحلال واستهبال التجار المسلمين في أوروبا وأمريكا..
ودمتم بخير وصحة وعافية

واذا رجعنا لموضوع محمد عن اللحم الحلال يتبادر في خاطرنا أول سؤال وهو ليه سعر اللحم في دكاكين اللحم الحلال الرطل ب ٦ دولارات وفي السيوبرماركت العادي ٣ دولارات فقط..والفرق شنو بين الاثنين..وبرجع ليكم براي من أحد فقهاء المسلمين في هذا الشأن...
وكل سنة وانت طيب

مرحب أخونا ومولانا محمد النور كبر.

Quote: ننتظر لغاية اكمال الفكرة ، وبعدها نضيف شوية تساؤلات وحكاوي

الفكرة:
أولا:
الشغلانة يا اخوي كبر، برمتها، بزنس في بزنس الدين بريئ
منها، براءة الذئب من دم يوسف الجميل!!
أنا عايش في الغرب، ثلاثة عقود زمنية، لما كنت بآكل لحم، ما
قاعد آخدو من دكاكين "حلال ميت" بل كنت بآخدو من
السيوبر ماركت لأنه نظيف ومستوفي لكل مواصفات السلامة .وبرضو حلال بموجب أنه لحم إخوتنا الكتابيين وزد علي ذلك
نحن كمسلمين قاعدين نقول، بسم الله قبل الزرد، ودا يكفينا
أي "هاااسال" آخر تخوفنا به، الجماعات الملتحية بتاعت
البزنس السياسي علي وزن(الإسلام السياسي).

مابدخل دكاكين "حلال ميت" إلا لو عايز صنف، مابلقاهو
في المحلات "الوطنية" وأقصد هنا، أصنافنا السودانية!!

ثالثا:
حلال ميت في الغالب(كيري) وفي نفس الوكت غالي زي الدهب
بس عشان خاتمين فيه الأربعه أحرف بتاعت"حلال" ديا!!!

مودتي.

الشيخ القرضاوي عنده فتوى ويقول ان الناس العايشين في امريكا الشمالية وأوروبا ليس عليهم اي حرج في أن يشتروا اللحم من السيوبرماركت العادي وان لا يذهبوا الى دكاكين الحلال ميت halal meat والذين يستغلون حاجة المسلمين و يبيعوا اللحم بضعف السعر بحجة أنه حلال ..وقال ان طعام أهل الذمة وهم أهل الكتب السماوية حلال ..وان اللحم الحرام هو فقط ما أهل لغير الله ...يعني واحد صلح خروف وقال هذا الخروف قربان لصنم أو ما شابه ذلك ...يعني نحن حتعرف الدين أكثر من الشيخ القرضاوي

Quote: سلامات يا محمد آدم . كِدي هاك الرآبط دا لآمن نجيّك، Re: لـحـمـ حـلآل ...Re: لـحـمـ حـلآل ...

تسلم يا أخوي ود المدير.
دائما إنت سباق، أوعدك سأدخل ذلك البوست.

ول ابا محمد ادم..حبابك يا صديقي

بالضبط الخلاصة هي بزنس في بزنس..وتجارة في الدين..

الحكاية التي وعدت بها هي طريقة الذبح..
في مصانع لحم البقر..الطريقة هي ضرب البهيمة في رأسها بواسطة بندقية هوائية..بعد داك البهيمة بتتعلق من ارجلها ، وهناك مجموعة شايلة سكاكين طويلة بتنحر البهيمة (بعد ما يطخوها بالبندقية) ، والبهيمة بتلف في السير ..تتسلخ ..الراس ينقطع (بمكنة)..العفشة تمرق (بمكنة) ، وبعد داك البهيمة تتشق لنصفين..ثم تمشي التلاجة وتقعد تلاتة ايام ، ثم تمرق وتتقطع حتة حتة..
لاحظ المصنع في وردية تمانية ساعات بيضبح ما بين اربعة الى ستة الف راس..!
بتجي شركات اصغر..وبتقوم باعادة التعبئة..وعندها استيكرات جاهزة مكتوب عليها (حلال)..وبتلصقها في العبوة وبتنزلها للمستهلك..!!
الفراخ قصة مرعبة للغاية..الجدادة بتكون حية وبتترمي في غلاية موية ..وبتمرق ممعوطة..المكنات بتقوم بتشقها وتتطلع العفشة..والباقي بيمشي في السير..بيدخل التلاجة وبيقعد مدة ما بين عشرة الى اطناشر ساعة..وبتمرق تاني تتقطع لقطع صغيرة وتعبأ في اكياس..برضك هناك استيكرات مكتوب عليها (حلال)..بيتم لصقها على كيس العبوة وبتمشي المستهلك..!
مصنع الفراخ في وردية تمانية ساعات بيضبح (او بيفطس) ما بين ستين الى خمس وسبعين الف فرخة..!
مشروعية الإستيكير المكتوب عليهو حلال..طبعا الخواجات امينين وعندهم شوية اخلاق..قاموا سألوا:ماهو اهم شرط في طريقة الذبح الإسلامية؟..
الجماعة قالوا ليهم قول البسلمة قبل العملية..
ناس مصنع البقر جابوا ليهم مجموعة من الشيوخ المسلمين وحوموهم في المصنع وشافوا طريقة تفطيس البقر..وقالوا ليهم الحكاية دي اقرب لمفهوم النحر..بس محتاجين زول يقول بسم الله..!
اها ناس المصنع طوالي اتقيدوا بالشرط ده وبيجبوا عمال مسلمين :سودانيين ، عراقيين ، ماليزيين..الخ..ولأن العملية دي مرهقة للغاية فالعامل المسكين بيقول البسلمة مع اول بيهمة ..لاحظ ده ممكن في الوردية يطخ ليهو الفين راس..!
ناس مصنع الفراخ..برضك جابوا مجموعة من علماء المسلمين وحاموا المصنع وطلعوا بفتوى انو طريقة تفطيس الفراخ عبر الموية المغلية هي طريق اسلامية والمصنع من حقو يخت استيكر بتاع حلال..واصحابنا قبضوا الفيهو النصيب واتخارجوا..والأهم مرقوا بصفقة انو يجوا كل خمس سنين للمتابعة والتأكد من حكاية (حلال) دي..!
طبعا بالتأكيد الجماعة لمن يمرقوا ح يمشوا الجوامع ويقولوا الشركة الفلانية لحمها حلال لأنو مذبوح بالطريقة الإسلامية..يعني نظام اشتروا منها فقط..!!
بعض دكاكين القطاع (عندنا مجموعة هنا في كالقري)..افضل شوية..بتقوم تمشي المزارع ، وبيكون معاها زول بيعرف طريقة الذبح الإسلامية..وبعمل الشغل ..يعني سليم الى حد ما..
مثل هذه الدكاكين ما عندها استيكرات..لأن الزبائن محدودين وعارفين ان طريقة الذبح صحيحة..طبعا موضوع ثقة فقط لأنو مافي زول بيشوف عيانا بيانا الذبح تم كيف..!
اذكر حينما كنا في ريجاينا ستي..كنا بنتعامل مع مزرعة تملكها زولة يهودية..وتعاملها راقي للغاية..لمن تعرف انك مسلم بتقوم بتجهز ليك السكاكين وبتقول ليك اضبح بالطريقة الإسلامية لأنو عندكم طريقة محددة وفقا لشريعتكم..!
في نفس الفترة في ريجاينا ، كان عندنا اسرة صديقة من السلفادور..جربوا لحمة الضان..والرجل سألني:ما هو سبب الإختلاف؟..طبعا اكد لي انو في فرق من لحمة الضان البيشتريها من السوبر استور ولحمة الضان بتاعتنا..!
طبعا ان بهت وحرت اجابة..والحيكومة توشك دخلت شمال وقالت ليهو:لأنو ذبيح على الطريقة الإسلامية..!
الحكاية ما ركبت في راسي..قمت سألت قريبنا بيطري من ناس توريت (له التحية) وشرح لي وقال لي: طريقة الذبيح الإسلامية بتخلي الدم يتجفف من جسم البهيمة..عشان كده ما بتشم فيها ريحة الزفارة..ام طريقة الذبح في المصانع ما بتدي البهيمة فرصة عشان الدم يجف منها..يعني لسع اللحمة بيكون فيها شوية دم عشان كده لم تطبخها بتشم الزفارة..!
غايتو يا محمد لو الناس شافت اللحمة البيعملوا منها البريقر..على بالحلال كل ما يشوفوا بيرقر يطرشو لمن يأمنوا..!!

خلاصة القول..فعلا الأمر يا صديقي تجارة بالدين والأخلاق واستغلال البسطاء الطيبون والطيبات..!

كبر

الاخ / محمد آدم وضيوفه الكرام مساء الخير ورمضان كريم
غير الخنزير كل انواع طعام اهل الكتاب حلال بالكتاب والسنة ( ابعد من الخنزير واضرب باقى الاصناف )
لقوله تعالى ( وَطَعَامُ الَّذِينَ أُوتُوا الْكِتَابَ حِلٌّ لَكُمْ وَطَعَامُكُمْ حِلٌّ لَهُمْ )5 المائدة

و سبحانه وتعالى حرّم علينا الخنزير لقوله تعالى ﴿ إِنَّمَا حَرَّمَ عَلَيْكُمُ الْمَيْتَةَ وَالدَّمَ وَلَحْمَ الْخِنْزِيرِ وَمَا أُهِلَّ بِهِ لِغَيْرِ الله ﴾ 173 البقرة

وكل سنة وانتو طيبين .

سلام عليكم
السؤال مهم فى الدول التى يعتنق اهلهاا الديانات الارضيه كالبوذيه وضروره تحرى البحث عن لحم حلال .
اما فى دول اهلها اهل كتاب فحكايه لحم حلال ليست الا تجاره واستغلال العاطفه الدينيه فى الغربه.
.
سؤال حول الموضوع من صفحه الشيخ بن باز
السؤال: الرسالة الأولى وصلت إلى البرنامج من الأخ فخري عبدالوهاب آل جعفر من الجمهورية العراقية، محافظة الأنبار، يقول في رسالته وفي بدايتها: بسم الله الرحمن الرحيم، إن الله قال في كتابه العزيز: بسم الله الرحمن الرحيم:( طعامكم حل لهم وطعامهم حل لكم ) ولكن الذين يتخذون المسيح ابن الله وبقولهم: هو ثالث ثلاثة: الابن، والأب، وروح القدس، هل يؤكل ذبحهم أم لا؟ أفيدونا أفادكم الله؟
.
الجواب: بسم الله الرحمن الرحيم، الحمد لله رب العالمين، والعاقبة للمتقين، والصلاة والسلام على عبده ورسوله، وأمينه على وحيه، وصفوته من خلقه، نبينا وإمامنا وسيدنا محمد بن عبد الله، وعلى آله وأصحابه ومن سلك سبيله واهتدى بهداه إلى يوم الدين.
أما بعد: فالسائل لم يذكر الآية على لفظها، ولفظها يقول الله : (الْيَوْمَ أُحِلَّ لَكُمُ الطَّيِّبَاتُ وَطَعَامُ الَّذِينَ أُوتُوا الْكِتَابَ حِلٌّ لَكُمْ وَطَعَامُكُمْ حِلٌّ لَهُمْ )[المائدة:5]، فالله  أحل لنا معشر الأمة المحمدية الطيبات من المآكل والمشارب والملابس وغير ذلك، وأحل لنا طعام الذين أوتوا الكتاب، والذين أوتوا الكتاب هم اليهود والنصارى، يقال لهم: أهل الكتاب، فطعامهم حل لنا، والطعام هو الذبائح كما قال ابن عباس وغيره طعامهم ذبائحهم، فإذا ذبحوا إبلاً، أو بقراً، أو غنماً، أو غيرها مما أباح الله من الصيود والدجاج ونحو ذلك، فهو حل لنا، وطعامنا حل لهم، طعام المسلمين حل لهم أيضاً، وهذا كله إذا لم نعلم أنهم ذبحوه على غير الشرع، أما إذا علمنا أنهم أهلوه بغير الله، فهو حرام علينا؛ لأن الله حرم علينا ما أهل به لغير الله، إذا علمنا أن هذه الذبيحة ذبحوها للمسيح ، أو ذبحوها لأمه، أو ذبحوها لآلهتهم المعبودة من دون الله لم تحل لنا، وهكذا إذا علمنا أنهم خنقوها خنقاً، ما ذبحوها، خنقوها، فالمنخنقة محرمة علينا، وهكذا إذا علمنا أنهم ذبحوها على طريقة أخرى غير شرعية فلا تحل لنا، كالوقيذة التي يضربونها بالعمود أو بغيره، أو بالصرع الكهربائي، هذه لا تحل لنا.
أما إذا كنا لا نعلم فذبيحتهم حل لنا، إذا جاءنا طعامهم من بلادهم أو جلبوه إلينا فإنا نشتريه ونأكله إلا إذا علمنا أنهم فعلوه على غير الطريقة الشرعية، يعني: ذبحوه على غير الطريقة الشرعية، وإلا فالأصل أنه حل لنا؛ لقول الله : (وَطَعَامُ الَّذِينَ أُوتُوا الْكِتَابَ حِلٌّ لَكُمْ وَطَعَامُكُمْ حِلٌّ لَهُمْ )[المائدة:5] هذا هو المعتمد في هذه المسألة. نعم.

حضرت مرة محاضرة بتتكلم عن الحكمة من الذبح وقد ذكر فيها ان دم البهيمة بيحتوي على نسبة كبيرة من المكروبات ولذلك فان عملية الذبح بتأدي للتخلص من 80% من الدم المحتوي على تلك المكروبات ...
تم التطرق ايضا الى ان السمك بيحتوي على ما نسبته 20% من الدم وهي النسبة المعقولة لأكله ميتا دون اللجوء الى ذبحه ...
.
.
رابط بوست مهم للاخ Munir يصب في نفس اتجاه البوست ...
.

بلجيكا تمنع ذبيح الأضاحي علي الطريقة الإسلامية .. أنظروا تعذيب الحيوانات في مسالخهم !!!!.. بلجيكا تمنع ذبيح الأضاحي علي الطريقة الإسلامية .. أنظروا تعذيب الحيوانات في مسالخهم !!!!..


.
.
تحاياي Muhammed Adam

مرحب بالزميلة بسمات

Quote: الشيخ القرضاوي عنده فتوى

في بعض المسائل أصلو ماتحتاج لفتوي من شيخ او شاب
عشان تعرف صحتها من عدمها.. فقط... الزول يشتغل بنظرية:
أفتي نفسك ولو أفتوك.

رمضانك كريم.

Quote: معاوية المدير جملة طريفة في حكايتك خلت يومي الليلة مفروش بالورد وهي ؛: "ماسكينها لينا ..انتو ناس اتبرا حتى في امريكا الشمالية ساكنين القطر ولو في طريقة كان سطحوا ..""

بنتنا بسمات كيف أحوالِك وأخبارِك ؟.
هل تصدقي نحن فقط الوصلنا من نيويورك لكندا بالقطر ؤ كلنا
كنا من عطبرة ولم يحصل بيننا أيّ إتفاق ! ولا قبلنا ولا حتي بعدنا
تاني مافي زول وصل بالقطر !.

تحياتي لإمتثال وأميرة ...

Quote: ابعد من الخنزير واضرب باقى الاصناف

بالضبط كدا يا أخونا علاء ودا كلام حتي القرضاوي "أفتي
"فيهو بمعني طعام اهل الكتاب حل لكم، بس زي ماقلته أبعد
من الخنزير وأضرب.