Post: #2
Title: Re: هروب صفحات المنبر
Author: فرح الطاهر ابو روضة
Date: 06-06-2018, 11:01 AM
Parent: #1
مع اني ممكون وصابر
والوحيح غالبني السكات
دخلت المنبر وفي راسي شي البوست ابو نقط
اول ابو اصفار
ولبوست التصريح الصحفي
وبوست التهنئة لود شيقوق
وكم بوست
لكن قلت بدل الردحي احسن
شي اني اقوم اعمل لي كرنفال
وقلة شغلة مني ساكت
هي الكرنفالات والاحتفالات اصلا بقروش
ولا محتاجه شي
كم عضو كده بشوية تظارف من خلال قروب
واتساب او مكالمة تلفونية
بلقي الكرنفال عمر
وهاك يا صفقة
وهاك يا خمج
والمافي شنو
ويا سيرفر كن بردا وسلاما
علي بوستات المساكين
|
Post: #3
Title: Re: هروب صفحات المنبر
Author: أيوب خليل
Date: 06-06-2018, 11:02 AM
Parent: #1
اين شتت صفحات المنبر
|
Post: #4
Title: Re: هروب صفحات المنبر
Author: محمد المسلمي
Date: 06-06-2018, 11:14 AM
Parent: #3
ابومحجوب شريف سلامات
تعمل بحث في قوقل باسم البوست يجيك تعمل مداخلتك وترفع في الصفحة الاولي المافي شنو 🤣🤣
|
Post: #6
Title: Re: هروب صفحات المنبر
Author: فرح الطاهر ابو روضة
Date: 06-06-2018, 11:18 AM
Parent: #4
يا ود المسلمي
هو انحنا بدون قوقل
مطششين
جابت ليها قوقل وبحث ورفع
بالمناسبة من امس
المنبر متحيل
تقول مسكون تفتح المنبر
تجيك حاجات لا حكت لا وبقت
وما ليك غير تقول
حسبنا الله ونعم الوكيل
|
Post: #5
Title: Re: هروب صفحات المنبر
Author: فرح الطاهر ابو روضة
Date: 06-06-2018, 11:15 AM
Parent: #3
مرحبا ايوب خليل
في لحظة من لحظات الهروب الكبير
والي أن ياتي إلينا الهدهد
بخبر يقين
نخمج خمجنا
ونعمر ونستنا لربما ما بعد ذلك
حشر ومكر وحشد
عظيم
وانحنا منتظرين
والمطرودة ملحوقة علي قول اهلنا السمحيين
ندق النوبة
ونعمر حلقة الذكر
دروايش عشق
للحقيقة الفي ضمير الكمل الصالحين
يلحقونا ويفزعونا
وياهم ديل سراي الليل
وفي الاوراد شادين الحيل
ورد في الاثر انو الناس ديل ناس علم باطن
وسرهم باتع
والمالي يدو ببهم
اصلا ما ندمان
فيض من قيم بلدنا وتسامح بلدنا
وصفاء نيلنا وخضرة وجروفنا
وتاهت خطاوي صفحات المنبر
كما كما الوزين متمايلا علي الضفاف
شكرا لمرورك الكريم
وصبرك علي هضرباتي الرمضانية
مع خالص التقدير والاحترام
|
|