Post: #2 Title: Re: التشتح في التلفزيون Author: محمد البشرى الخضر Date: 06-05-2018, 10:42 AM Parent: #1
هههههههههههههههه
Post: #3 Title: Re: التشتح في التلفزيون Author: عبدالحفيظ ابوسن Date: 06-05-2018, 10:47 AM Parent: #1
لست مشاهدا راتبا لبرنامج اغاني و اغاني بحضر مرات جزء من اغنية او اغنية ، بنادوني اولادي او زوجتي لامن يكون في اغنية وعارفينها بتعجبني امس قاعد معاي ضيف مدمن للبرنامج تحولنا للتلفزيون من قولة تيت اها لازم اتونس معاهو ، ما جا في بالي غير قعدة الفنانين ، قلت ليهو الناس دي مشتحة كدة مالها ؟ قال لي لا ابدا ياخ المقاعد واطية اخدت كلامو ولفت انتباهي قعدة السر قدور ، ضامي كرعينو وقاعد بشكل مهذب والبنات برضو قاعدات بشكل معقول
Post: #4 Title: Re: التشتح في التلفزيون Author: ABUHUSSEIN Date: 06-05-2018, 10:51 AM Parent: #3
Quote: والبنات برضو قاعدات بشكل معقول
عنوان البوست
Quote: التشتح في التلفزيون
Post: #5 Title: Re: التشتح في التلفزيون Author: عبدالحفيظ ابوسن Date: 06-05-2018, 10:52 AM Parent: #4
هسة ال qu ديل مالهم 😆😆😆😆
Post: #6 Title: Re: التشتح في التلفزيون Author: جلالدونا Date: 06-05-2018, 10:54 AM Parent: #4
هههههه رمضان ده خش وين ابو حسين بشكل معقول يعنى بى هدوء
Post: #7 Title: Re: التشتح في التلفزيون Author: معاوية الزبير Date: 06-05-2018, 10:58 AM Parent: #6
طبعا يا ابو سن لن تفوت على فطنتك هاهاهات ود البشرى مع مساعدة الفطنة بشوية سوء ظن.. زمن براءتك خلاص ولى يا قول الأستاذة تماضر
Post: #8 Title: Re: التشتح في التلفزيون Author: عبدالحفيظ ابوسن Date: 06-05-2018, 11:17 AM Parent: #7
يا جلال خش وين ياخ 😆😆😆 زي ما قال الحردلو في ود البصير 😆😆😆
Post: #9 Title: Re: التشتح في التلفزيون Author: عبدالحفيظ ابوسن Date: 06-05-2018, 11:24 AM Parent: #8
Post: #10 Title: Re: التشتح في التلفزيون Author: عبدالحفيظ ابوسن Date: 06-05-2018, 11:35 AM Parent: #9
الليامات الجاية دي حا اتفرغ لمراقبة جلساتهم واظنها صفة ملازمة لكل الضيوف يعني حتي المسؤولين تلقا الواحد نازل بي جسمي لي تحت ، ومادي كرعينو ، وقاعد لا يلوي علي شئ قعدة مبهدلة جدا ولا خاساهو الكمرة الموجهة ليهو
Post: #11 Title: Re: التشتح في التلفزيون Author: معاوية المدير Date: 06-05-2018, 11:51 AM Parent: #10
لم تعُد للأجهزة الإعلآمية هيبة ولا قُدسية منذ أن وطئتها أقدآم المتشتحين، الحال من بعضو يا حفيض .
Post: #22 Title: Re: التشتح في التلفزيون Author: عبدالحفيظ ابوسن Date: 06-05-2018, 01:30 PM Parent: #20
واتا طيب يا علي زمان كان موجعني استكانة الضيوف البستضيفوهم وبرضو المذيع بتاع القناة ديك 😆 هجرتها عشان مصميص شلاليفو ومد ضراعو ويرفع كم الجلابية البترقش حتي كمان جابت ليها تشتح وانفجاخة
Post: #21 Title: Re: التشتح في التلفزيون Author: عبدالمنعم الطيب حسن Date: 06-05-2018, 01:28 PM Parent: #18
اكتر واحد متشتح ومنشتح ومتخفف وخفيف ومنفلخ ومتفلخ هو فرفور؛
.............. القعدة بالانشتاحة الشديدة دي؛ فيها عدم احترام للنفس وللمشاهدين عرف المنشتح ذلك ام لا ............... الله يرحمك يا نادر خضر يا فنان يا محترم
.............. انا بلقط لَقيط يعني من كل يوم يومين بحضر غنوة للبنية مكارم او الود سوار الدهب او معلومة من البق بوس اما فراغيرو ومن لف لفه او لفت فبصراحة مستحيل اسمع ليهم حاجة بس خلاص مداخلة طويلة حالتي كاتبا من أيفون بلص المو خمج
Post: #23 Title: Re: التشتح في التلفزيون Author: عمر التاج Date: 06-05-2018, 01:43 PM Parent: #21
ابوسن سلامات وتحايا ورمضان وعيد مباركين التملخ والتشلخ والتشلح دي طباع من الصعب على من اعتادها الفكاك منها عشان كده بتجي ادوار ناس كتار في البرنامج يعدلوا الاعوج ويرشدوا المشاركين والضيوف للمظهر الحسن لكن جماعتك دي مرات بشتحو اغاني واغاني زاتا خليها كرعيهم
Post: #24 Title: Re: التشتح في التلفزيون Author: عبدالحفيظ ابوسن Date: 06-05-2018, 03:16 PM Parent: #23
حظك يا محمد الشيخ التلفزيون تم الاستيلاء عليه منذ زمن طويل من خلال الاولاد وفي رمضان بتنضم ليهم قوة عظمى امهم يا تحضر البحضرو فيهو ولا تتخارج تشوف ليك برنامج تاني انا غايتو لو وقعت فيهو زول افلام اجنبية بس
Post: #25 Title: Re: التشتح في التلفزيون Author: محمد أبوالعزائم أبوالريش Date: 06-05-2018, 06:13 PM Parent: #24
الشتيح - حسب القدر القليل لمشاهدتي للبرنامج - يبدا وينتهي عند المدعو فرفور
Post: #26 Title: Re: التشتح في التلفزيون Author: سفيان بشير نابرى Date: 06-05-2018, 06:33 PM Parent: #25
كلامك سليم و ملاحظاتك دقيقة في قعدة البنات و هدى عربي و عمك السر. اكتر زول مشتح شديد ويومي هو مأمون سوار الدهب بعديهو فرفور بعديهم الولد العندو نفسيات ظاهرة وهو بيغني الاسمو عمر عثمان بعديهم عاصم مرات مرات.
Post: #27 Title: Re: التشتح في التلفزيون Author: حمد عبد الغفار عمر Date: 06-05-2018, 07:32 PM Parent: #26
سلام ابسن البناطلين الضيقة دي ياها السبب في التشتيحة دي لانو ما بتديهو مجال يخلف رجل او يضمها بلبسوها كيف ما عارف
Post: #28 Title: Re: التشتح في التلفزيون Author: يحي قباني Date: 06-05-2018, 07:54 PM Parent: #27
يا حليلك يا سنو
من السنة الاولى و دي الحالة
دابك لاحظت ليها ...
ياها حالتهم من بدو زي اولاد الطهور ... و لا زي المركبين ليهم قسطرة :)
بعدين ياخ ده عنوان شنو !!
اها عرفتو ليه فقد ألقو !؟؟
Post: #29 Title: Re: التشتح في التلفزيون Author: جلالدونا Date: 06-05-2018, 08:00 PM Parent: #28
تصدق كلامك صاح يا قبّة العنوان تحس بيهو فيهو طروقية كده كان المفروض يكون جلسات الارجل المنفرجة فى التلفزيون حتى يحافظ على ألق المنبر الاناقة هينة بتمشى و تجى
Post: #30 Title: Re: التشتح في التلفزيون Author: عبدالحفيظ ابوسن Date: 06-05-2018, 08:23 PM Parent: #29
تخيل انا زيك كدة يا منعم طفاشي بس القعدة غايتو ما راكبة عدلها ومافيها ذوق . ذوق دي بعد تفكير شديد 😷😷😷 ايفون بلص عديل كدة . يعني بقيت زي وكدة 😆😆 انا بمليهو وهو بكتب براهو 😆😆😆 وانت طيب يا عمر ثبتو خلاس 😧😧😧 ما تكون ذاعتو لنضدن 😆 صحي يا عمر مفروض المخرج يخرج ليهم جلساتهم زاتا وقت بتاع المكياج ما نبهم 😆😆
Post: #31 Title: Re: التشتح في التلفزيون Author: عبدالحفيظ ابوسن Date: 06-05-2018, 08:29 PM Parent: #30
واضف لذلك يا ابوالريش خرب الجلاليب زاتها . بداها حسين خوجلي وتماها فرفور اتفق معاك يا سفيان البت هدي دى متوهطة تمام وقعدتها تعجب يا حمد قالوا بلبسوها بي اكياس البلاستيك حسب ما اخبروني 😆😆 الواحد يلبس كيس النايلون كالشراب ثم يزلق البنطلون لي فوق بقلعوها كيف ؟ ما سألت لكن اظنو بالزيت
Post: #32 Title: Re: التشتح في التلفزيون Author: عبدالحفيظ ابوسن Date: 06-05-2018, 08:29 PM Parent: #30
واضف لذلك يا ابوالريش خرب الجلاليب زاتها . بداها حسين خوجلي وتماها فرفور اتفق معاك يا سفيان البت هدي دى متوهطة تمام وقعدتها تعجب يا حمد قالوا بلبسوها بي اكياس البلاستيك حسب ما اخبروني 😆😆 الواحد يلبس كيس النايلون كالشراب ثم يزلق البنطلون لي فوق بقلعوها كيف ؟ ما سألت لكن اظنو بالزيت
Post: #33 Title: Re: التشتح في التلفزيون Author: عبدالحفيظ ابوسن Date: 06-05-2018, 08:34 PM Parent: #32
يا قباني كنت داير اكتب العنوان التشتح ( squat) 😆 لكن لقيتها ما مضبوطة وبتودر المعني هسة في ذمتك يا قباني الكلمة دى مش اصابت المعني مباشرة يا جلال نبقا زي مجمع اللغة القال شاطر ومشطور داك لولا رمضان كان جبت نكتة المترجم للدكتور الاجنبي والمريض السوداني
Post: #34 Title: Re: التشتح في التلفزيون Author: عمر أبوعاقلة Date: 06-05-2018, 08:49 PM Parent: #33
حفيظ رمضانك كريم ياخ ملاحظة عامة ليست حكرا على أغاني وأغاني حتى المسؤولين وضيوف البرامج البلد كلها متشتحة قدام الكاميرات .. المافي شنو
Post: #35 Title: Re: التشتح في التلفزيون Author: عبدالحفيظ ابوسن Date: 06-06-2018, 07:43 AM Parent: #34
آي صحي يا ابوعاقلة بقعدو علي راحتهم بأي شكل واظن بقصدوها يعني الاولاد قلاحيت ومتعودين علي الكمرة
Post: #36 Title: Re: التشتح في التلفزيون Author: tasneem Date: 06-06-2018, 09:27 AM Parent: #35
في ملاحظة عامة وبيشتكوا منها النساء في المواصلات العامة في كتير من الرجال اذا ركبت جنبو بيشيل تلتين المقعد بنفس طريقة الجلسة دي دي مشكلة بالجد بيعانوا منها النساء في السودان يجب الانتباه اليها ياشباب تحياتي واحترامي
Post: #37 Title: Re: التشتح في التلفزيون Author: Haytham Ghaly Date: 06-06-2018, 09:48 AM Parent: #36
Quote: كلامك سليم و ملاحظاتك دقيقة في قعدة البنات و هدى عربي و عمك السر. اكتر زول مشتح شديد ويومي هو مأمون سوار الدهب بعديهو فرفور بعديهم الولد العندو نفسيات ظاهرة وهو بيغني الاسمو عمر عثمان بعديهم عاصم مرات مرات.
هههههههههههههههههههههههههههه
والله يا نابري كتلتني بالضحك
وفعلاً الشاب دا تصرفاتو غريبة جداً اثناء الغناء
يعني فجأة كدا بدون اي داعي او مقدمات بقوم من مكانو ويمشي يقيف قدام
السر قدور وتاني يجي راجع ساااااي كدا بس
وصوتو غريب جداً غير متناسق مع عمرو نهائي..
==========
يا حفيظ التشتح دا عادة سودانية قديمة جداً وموجودة
بس مفترض فنانين وفي تلفزيون وبرنامج نسبة مشاهدته عالية مفترض ينتبهو للحتة دي
اما المسؤولين وتشحتحهم فلا جناح عليهم فهم يجلسون كما يشتهي المقعد الوثير
ولحوم افخاذهم من فرط السمنة تمنعهم من ضم رجليهم فلهم العذر يا صديقي -----------
تسنيم سلامات
طبعاً اكيد المسألة دي بتضايق البنات وشفتها بي عيني
لكن للامانة في المواصلات في كثير من الاحيان (عشان ما اعمم)
قاعد تكون مقصودة .. الكبت مصيبة يا جماعة .. الكبت كارثة
تودي المجتمعات والبلاد في ستين الف داهية .. والله انه اخطر من الكوارث الطبيعية
كلامي دا ما دعوة للانحلال (نقطع الطريق على اصحاب التابوهات الجاهزة)
لكن الكبت هو اصل كثير من المشكلات في بلدنا ويدخل من ضمن اسباب تأخرنا وتخلفنا
Post: #38 Title: Re: التشتح في التلفزيون Author: معاوية المدير Date: 06-06-2018, 10:10 AM Parent: #37
Quote: ملاحظة عامة ليست حكرا على أغاني وأغاني حتى المسؤولين وضيوف البرامج
هاك أها، ؤ دي مع الإنفتاح الحاصل دا أكيّد بيكون كتل العلي شمالو بالفساء والضراط خسوساً والنومة يبدو إنها عميقة . وحات ربي لآمِن خِجلتلو ...
Post: #39 Title: Re: التشتح في التلفزيون Author: عبد الباقي الجيلي Date: 06-06-2018, 11:17 AM
ود أب سن رمضان كريم ياخ ....
"يا جلال خش وين ياخ 😆😆😆 زي ما قال الحردلو في ود البصير 😆😆😆"
وتاني رمضان كريم ياخ .... ههههههههههههه
غايتو بكري كان عارف ود البصير سوانا في شنو "كما قال الحردلو" ... كان حظرك
بعدين في ناس كده مع التشتح والانفجاخة ... مشاهدتهم بتستوجب القضاء والكفارة ....
إنا لله ياخ .....
Post: #40 Title: Re: التشتح في التلفزيون Author: عبدالحفيظ ابوسن Date: 06-06-2018, 11:26 AM Parent: #39
هوي يا بقة ما تبقا مسخوت 😆😆😆 ما تنكت الجحار تقوم تقرص وسيلينا جنية 😆😆😆 و رمضان كريم تصوم وتفطر علي خير خش فينا من قولت تيت بي نمرة خمسة سخنة ألف قلنا الترية تقع بتبرد قامت وقعت وسخن زيادة قالوا لينا ما صيف الا بعد التريا مولعة عديل انا غايتو قلت الحمد لله بجي بعد الفطور مباشرة .. لكن لو كنت في الجنينة 😆😆 كان مش جرح صيامي كان كتلني عديل خاصة هناية ديك آمنتو بي الله انا لله ياخ توريك ان برضو بسطة الجسم ليه مأول الله لا تاجرك جرحت صيامي يا بقة😆😆 تشكر مع المحبة شفت فطيت الناس ديل كلهم وجيتك خفتك تسويلي جنية بكسرالجيم
Post: #41 Title: Re: التشتح في التلفزيون Author: عبدالحفيظ ابوسن Date: 06-06-2018, 11:43 AM Parent: #40
صحي يا تسنيم امر مخجل ومعيب وفيهو تعدي ورغبة تحرش مفروض الزول يتلم شوية لو جمبو امرأة وهي بتكون مضطرة وما عندها سكة وبخافن عديل كدة
Post: #42 Title: Re: التشتح في التلفزيون Author: الصادق عبدالله الحسن Date: 06-06-2018, 11:44 AM Parent: #40
=
أها يا حفيظ : وماذا أن جاء عمّنا (السر قدور) ومن خلفه بالطبع بقية طاقم (أغاني وأغاني) واقتحم هذا البوست بهجمة مرتّدة وهو يتوكأ على عصاه يطرق بها باب "حوش بكري".
ودعنا نفترض أن حدقات مكارم بشير وأعين هدى عربي ذهبت تُفتش يميناً ويساراً داخل الحوش..
وأن أعين مقدِّم ومخرج البرنامج وأخصائي الماكياج ومسؤول ضبط الجودة جالت هي الأخرى في أرجاء البوست تتفقّد وتتفحّص نماذج الجلسات المثالية "الخالية من الكلوسترول" في منبر سودانيزاونلاين..
حينها ما الذي يُمكن أن نقوله لمكارم بشير إن سقطت أعينها الواسعة فجأة على بروفايل حبيبنا سفيان بشير؟
ولك وللأخ سفيان وبقية الإخوة التحية. ... .. .
Post: #43 Title: Re: التشتح في التلفزيون Author: معاوية المدير Date: 06-06-2018, 12:29 PM Parent: #42
Post: #44 Title: Re: التشتح في التلفزيون Author: Dr. Ahmed Amin Date: 06-06-2018, 12:29 PM Parent: #42
تحياتي عبدالحفيظ وزواركـ الأكارم ..
من وجهة نظري بأن المخــرج هو السبب في كثير من التشوهات التي نشاهدها في كثير من البرامج ويجب أن يمارس صلاحياته بصورة كبيرة بدون مجاملة . ملابس الضيوف وطريقة جلوسهم ... الخ القنوات أصبحت تشاهد في كل العالم ومن جنسيات مختلفة .. فيجب الإنتباه لهذه السلوكيات .. عشان بس ما يجو ناس فلان و علان ويقلدونا وبعدين نزعل ونملا الفضاء بالضجيج ..
التجويد لكل أعمالنا من الألف للياء هو الذي يجب ان يسود في اعلامنا أو غيره
Post: #45 Title: Re: التشتح في التلفزيون Author: عمر عثمان عبد الوهاب Date: 06-06-2018, 12:40 PM Parent: #44
والله ياود اب سن قبل فتره وهنا فتحت لي بوست لاخونا النائب الاول بكري حسن صالح انبهه للحته دي
وبكري كان بيعمله واسعه شديد
الظاهر بعدما قرا البوستن لملمن حبه
Post: #46 Title: Re: التشتح في التلفزيون Author: عبدالحفيظ ابوسن Date: 06-06-2018, 01:22 PM Parent: #45
فعلا والله يا هيثم حسب علمي المخرج بكون عندو راي . لكنها الفوضي والرجل الما مناسب في مكان مفروض مايكون فيهو ياخ المصور بتاع الاستديو بديك نصايح ويغير قعدتك بعدينك اظنها من خصائص طبع الزول ذات نفسو انت لامن تكون جالس وسط مجمع من الناس بتكون حريص تقعد بشكل مهذب ومحترم . وما داير زول يوجهك ودة بكشف نمط حياة الفنانين ديل وسلوكهم وذكاؤهم الاجتماعي
Post: #47 Title: Re: التشتح في التلفزيون Author: عبدالحفيظ ابوسن Date: 06-06-2018, 01:27 PM Parent: #46
تشكر يا مدير يا ملاك بيان بي الصور هسعتي بعد شافو صورهم دي ما بستعدلو شوية 😆 وبعدينك النوم سلطان 😆 النايم في ذمة الصاحي النايم دة ممكن يصدر من اي سلوك ولا ممكن يخت يدو في اي مكان 😆😆 زي الزول البعمل نايم في بص سفري وجارتو امرأة 😷😷😷 ف شنو حقو نرعوى شوية تعلمو كيف تجلسون
Post: #48 Title: Re: التشتح في التلفزيون Author: عبدالحفيظ ابوسن Date: 06-06-2018, 01:31 PM Parent: #47
هههه الصادق يا سفيان صلح قعدتك دي ياخ مليون مرة كلمناك اها جبت لينا الكلام 😆😆😆
Post: #49 Title: Re: التشتح في التلفزيون Author: عبدالحفيظ ابوسن Date: 06-06-2018, 01:33 PM Parent: #48
يا احمد اللمين ديل ناس سوق ساي مالهم ومال الاحترافية ليس ليس يطلع كويس
Post: #50 Title: Re: التشتح في التلفزيون Author: عبدالحفيظ ابوسن Date: 06-06-2018, 01:35 PM Parent: #49
اريتهم لو بقروا يا عمر كان اتعلمو
Post: #51 Title: Re: التشتح في التلفزيون Author: عبدالحفيظ ابوسن Date: 06-06-2018, 07:27 PM Parent: #50
الليلة ركزت في قعداتهم اياها زاتها البنوت قعدتهن محترمة جدا ولا وجه شبه وعملت مقارنة مع المايسترو ناس المايسترو احسن حالا منهم
Post: #52 Title: Re: التشتح في التلفزيون Author: سيف اليزل الماحي Date: 06-07-2018, 02:09 PM Parent: #51
.
هذا زمان التشتيح! وهؤلاء هم المغنين الشتيحة! في مغنية معاهم شغالة تشتيح بيدينها! وتتكى في المقعد في حال الغناء وبدون غناء! حقو تجيب معاها تسالي كمان!!
الله يلعن حظنا ياخ
.
Post: #53 Title: Re: التشتح في التلفزيون Author: عبد الباقي الجيلي Date: 06-07-2018, 02:56 PM Parent: #40
اسه المسخوت والبنكت في الجحًار منو يا ود أب سن
"أب سن" يضحك على أب سنين والله
هههههههههههههههههههههههه
بعدين التريا دي منو؟؟؟؟؟؟؟؟؟
باقي البرنامج فيهو تريات كتااااااار
وبمناسبة التشتح وكده ..
الظاهر التريا بقت عنقريب عديييييييل
"للناطقين بغيرها العنقريب برضو مجموعة من النجوم زي التريا وواحد"
وبالجنبة كده ....
ياخي عندكم زول جميل بشكل لا يوصف حببني في كوستي وناسها
اسمو كمال فقير صالح
تحياتي ليهو بالله ....
Post: #54 Title: Re: التشتح في التلفزيون Author: عبدالحفيظ ابوسن Date: 06-07-2018, 03:11 PM Parent: #53
ههههه وحظنا كلنا يا سيف غايتو لو حضرنا الزمن دة كان بدعنا بدع
Post: #55 Title: Re: التشتح في التلفزيون Author: معاوية الزبير Date: 06-07-2018, 03:21 PM Parent: #54
هسي لو جبنا أناقة وتأدب أحمد المصطفى حسن عطية عثمان حسين --- --- يقولوا ليك جنكم الزمن الجميل والكلام بتاع العجايز أخير نسكت
Post: #56 Title: Re: التشتح في التلفزيون Author: عبدالحفيظ ابوسن Date: 06-07-2018, 03:24 PM Parent: #54
Post: #57 Title: Re: التشتح في التلفزيون Author: عبدالحفيظ ابوسن Date: 06-07-2018, 07:11 PM Parent: #56
تعرف يا معاوية حضرت اول حفلة لوردي بعد الانتفاضة في نادي اتحاد جامعة الخرطوم وغني في حضرة جلالك يطيب الجلوس وجلس وردي وواصل جالسا مهذب امامك يكون الكلام فكتب احدهم في صحيفة عندما سقط وردي ! شفت ناس وردي كانوا بؤسسوا لي شنو وديل بشوفو شنو فعلا يا معاوية مجرد المقارنة بين اولئك وهؤلاء اجحافا في حق ذلك الرعيل المهذب والمهندم جلوسا ووقوفا
Post: #58 Title: Re: التشتح في التلفزيون Author: نادر الفضلى Date: 06-09-2018, 00:30 AM Parent: #57
غايتو قعاد شين .. كويس إنه ما فيهم واحد عنده مواهب مثل الرئيس المصرى السابق محمد مرسى!
Post: #59 Title: Re: التشتح في التلفزيون Author: الصادق عبدالله الحسن Date: 06-09-2018, 02:04 PM Parent: #58
=
Quote: كويس إنه ما فيهم واحد عنده مواهب مثل الرئيس المصرى السابق محمد مرسى!
وما أدراك أن "مواهب الرئيس مرسي" غير متوفرة؟! لعلك تسرعت يا أخي نادر الفضلي..
فإن تمهلت وأمعنت النظر مع فضولي يا فضلي فسوف تجد أن ذات مواهب الدكتور مرسي ظهرت منذ الدقيقة الأولى في هذا الفيديو وتجلّت كأبهى وأبهر ما يكون التجلي:
تحياتي يا نادر ونكرر التحية لحفيظ وضيوفه ... .. .
Post: #60 Title: Re: التشتح في التلفزيون Author: Amin Eltaib Date: 06-10-2018, 00:49 AM Parent: #59
نعيد النظر في لبس الرجل السوداني ...
بالتقليد لبسنا لبس الغرب وهو غير متناسب مع أجوائنا وطبيعتنا وأخلاقنا البناطلين الضيقة دي لا صحية لا جميلة لاساترة اللبس المناسب هو لبس الصحابة والإحرام وأهل اليمن وأندونيسيا وسومطرة والصومال واسكتلندا
يعني يارجال من أجل الرجولة عودوا للإسكيرت وأتركوا البنطال لإمهات العيال .
Post: #61 Title: Re: التشتح في التلفزيون Author: عبدالحفيظ ابوسن Date: 06-10-2018, 07:08 AM Parent: #60
غايتو يا نادر قبل سنة قالوا يحسب ذلك تحرشا
Post: #62 Title: Re: التشتح في التلفزيون Author: عبدالحفيظ ابوسن Date: 06-10-2018, 07:14 AM Parent: #61
ظهرت من قولت تيت يا الصادق تعرف يفترض اي فنان جديد يجيب زول يعلمو الاتوكيت الجلوس والمشي واللبس وكدة غريبة زي ماقال معاوية ناس زمان ولا كان بظهر عليهم رغم انو حكاية الفنان يسكر حتي يغني مشهورة جدا شفتو الفرق !؟
Post: #63 Title: Re: التشتح في التلفزيون Author: عبدالحفيظ ابوسن Date: 06-10-2018, 07:25 AM Parent: #62
ليه يا امين ياخ !!؟ قول لبس العيال ديل بناطلينا ماهلة وانيقة كمان .. بنشبح بيها وبنط بيها الخيران ولا بتنصل كمان لكن قول الشباب ديل امكن اكون تقليدي جدا . لكن بلبسو لبس ضيق حتي تبين محاسنهم 😆😆 لمن هم عندهم 😆 يخجلو عديل واي حاجة خاتيها في جيوبو تظهر تقول مغلفة تغليف بلبسو بي كيس النايلون تصدق ، سألتهم عديل كدة سكين وبودي وجانفنايز ولا شنو ما بعرفو بنطلون تلبسو ياخد شكل الجسد بكل تعرجاتو الجلابية حقيقة ما عملية للشغل وجيهة نعم .. لكن ما تشتغل بيها معليش العراقي والسروال عمليات لكن لا يتناسبن الذوق
Post: #64 Title: Re: التشتح في التلفزيون Author: Amin Eltaib Date: 06-10-2018, 09:25 AM Parent: #63
غايته " على الله " الأنصارية (ما الباكستانية أم سروال طويل دي) مناسبة جداً جداً للسودانيين .
لكن عليك الله الإسكيرت ما مناسب لفرفور برجلينه دي ؟؟؟ 😜
Post: #65 Title: Re: التشتح في التلفزيون Author: عبدالحفيظ ابوسن Date: 06-10-2018, 09:48 AM Parent: #64
تعرف يا امين ما حبيتها كلو كلو ما عارف ليه ؟ مع انها وجيه لكن اظنها مربوطة لي بناس محددين اول ظهورها خياطتها بقت غالية جدا وفيها كمان قصات وموضات دايرة قماش قطني لين فرفور و حسين خوجلي والكيزان افسدوا الجلاليب كلبسات سودانية ياخ مرة جاي ماشي من بعيد شايف بت شابة بتتهاظر مع شباب . استغربت هظار بالايادي لما وصلتهم لقيتو ولد لابس جلابية سودا ترقش وملسا وضيقة .. جلباب زي حق النسوان في سري قلت الله لا بارك فيكم يا .....
Post: #66 Title: Re: التشتح في التلفزيون Author: الصادق عبدالله الحسن Date: 06-10-2018, 10:52 AM Parent: #65
=
ولتنشيط ذاكرة من ليس لديه خلفية عن "مواهب" الرئيس المصري التي ألمح إليها العزيز نادر فإنه وفي مقطع الفيديو في الأدنى يمكن رصد تلك المواهب وبكل وضوح:
ولعل الحظ العاثر لـ"شقي الحال" محمد مرسي هو الذي أوقعه في تلك اللحظة التي كادت تطير بلُبه وتفقده توازنه عند مداهمة رئيسة وزراء استراليا المفاجئة لمكتبه وهي تدخل عليه بلا حجاب، بل ومكشوفة الساقين "أطفالاً خلاسيين" فأصابته الراجفة وتكبكب وتعثر وتعرّق وتصبب فور ملامسته الأسلاك العارية من الساقين البضتين..
لكن السؤال يا حفيظ : ما المثير في (أغاني وأغاني)؟ وماذا دهى هؤلاء الشباب حتى يبرز و(مِن قولة تِيت) ما اندفن من مواهبهم؟
أخيراً وبالعودة لمشروع التكامل (السوداني – المصري).. ولمن فاتته روية "الإنجازات" السودانية عليه العودة إلى فيديو (حلم الصبا) وألا ينشغل بالالتفات لديكور الأستديو أو مراقبة العازفين، ولا حتى التركيز على وجه أو أداء المبدعة مكارم بشير
بل صوِّبوا أنظاركم ،خلال تلك الثوان الخمس، وركزوها بإمعان تجاه الشباب وما "تعزفه" أياديهم وما "تُنقرشه" أصابعهم من "إبداعات" تنطق جميعاً بأحلام اليقظة و"حِلم الصبا".
... .. .
Post: #69 Title: Re: التشتح في التلفزيون Author: فرحات عباس Date: 06-11-2018, 02:25 PM Parent: #21
يا بشيري يا أبو ايفون بلس .... والله أنا عارفك إنتا مكجن فرفور دا من زمان ... وكلما أسمعوا يغني .. أقول والله منعم ما خاتي عليك ... الزول دا يا ريتو كان لعب كورة ... كان أسي أعتزل وبقى مدرب فاشل زي ناس مازدا وارتحنا منو .. برنامج أغاني وأغاني كل سنة المزيد من العاهات .
Post: #67 Title: Re: التشتح في التلفزيون Author: الطيب عباس Date: 06-10-2018, 05:06 PM Parent: #1
امكن لابسين ضيق 🤣
Post: #68 Title: Re: التشتح في التلفزيون Author: الطيب عباس Date: 06-10-2018, 05:06 PM Parent: #1
امكن لابسين ضيق 🤣
Post: #70 Title: Re: التشتح في التلفزيون Author: نادر الفضلى Date: 06-12-2018, 12:52 PM Parent: #68
ود أب سن والصادق عبد الله الحسن تحياتى لكما ولبقية المتداخلين
يا ابو سن عينك لى فيل (التشتح) فى عنوان البوست وتطعن فى ضلو .. البوست من قولة تيت تحرش!!
يا الصادق عبد الله الحسن .. مقارنتك البلفيديو ما واقعة لى .. لو بتقصد الزول أب بنطلوناً بنى فحركته خارج منطقة العمليات فوق قرب الحزام أو عنده، بينما مرسى فى منطقة الركلات الترجيحية!
فى تقديرى التصميم السئ للكراسى هو سبب طريقة جلوس الشباب ديل وتسبب فى إنفراج الساقين .. الكرسى بأبعاده الضيقة وخلفته القصيرة، الواحد لو إتكأ للخلف بلقى ضهره العلوى فى السهلة وبيشعر حيتكفى للوراء، فتلقائياً بعمل حذره للموازنة والتثبيت مستخدماً إنفراج ساقيه خاصة ضيق الكرسى يوحى بإمكانية التشبث بجانبيه عند الضرورة. ولو لاحظتهم حتى بالجلابية الماهلة ود البنا برضو مكبر زاوية الإنفراج. الما بتكل على خلفية الكرسى ما بفرج ساقيه مثال السر قدور ولو إتكا بالتكى على الجنب ومعتمد على عكازه الذى له فيه مأرب أخرى منها ضم الساقين! أحيناً لاحت فرور والبنا بيمدان ساقيها للأمام وظهريهما غير متكآن على خلفية الكرسى الإمتحان!
البنات بطبيعتهن حريصات على الضم وإلتصاق الركبتين ما أمكن .. إتربن على كده منذ الصغر ودى تربية وثقافة عامة لكل بنات حواء فى العالم. عشان كدة تلاحظ المغنيات لا يتكلن ظهورهن على الكرسى وجالست فى وضع إنتباه، وليس إسترح مثل الرجال، معتبراتنه بنبر!
ذكرنى الموضوع حادثة حدثت فى مسابقة ملكة جمال أمريكا عالم 2015 والمستغرب ليه رغم المتنافسات بيظهرن بملابس من ضمنها بكينى فاضح مثل ورقة التوت يعرض الأجسام الجميلة بدون حجاب للتفكر فى روعة خلق الخالق .. ولكن أثناء المسابقة بينما الحسان المتنافسات جالسات على المسرح ولابسات فساتين قصيرة .. فجأة ملكة نبراسكا وبدون أن تقصد فرجت عن ساقيها لثوانى مالت للتناول شيئا .. فلقطتها كاميرات التلفزيونات على الهواء مباشرة، فإنتشرت فى الميديا ووسائل التواصل وتنقالت الفيدوهات وأصبح الحدث الأهم فى تلك الليله عن Flash ملكة نبراسكا .. طغى على خبر من توجت ملكة (الشينة فى نظرى). شفتو البنات مسؤليتن عظيمة كيف .. والرجال ما خدين راحتهم.
والحديث بالحيث يذكر قنوات التلفزيون الأمريكية تتنافس على تقديم برنامج الصباح المبكر وفى العلدة إما تقدمه إمراة لوحدها، أو يضاف لها رجل .. وأكاد أجزم أن من ضمن مؤهلات وشروط العقد للإعلامية أن تظهر ساقيها الجميلتين وتتعمد الكاميرا إظهارهما .. طبعاً الإعلامية مسؤوليتها التاريخية (الضم) وإلا أى حادثة Flash فيديوهاتها سيتناقلها الركبان!
العيد بتين!
Post: #71 Title: Re: التشتح في التلفزيون Author: عبدالحفيظ ابوسن Date: 06-13-2018, 06:01 AM Parent: #70
ههه الصادق لقيتكم لاحظين ملاحيظ 😆 يا فرحات انا غايتو علي قضا وكفارة .. نادوني اسمع عزيز دنيايا وكانت بي فرفور .. عزيز دنيايا بسمعها بسمعها ولو بي صوت جلال او معاوية الزبير هو جنس ضيق يا الطيب لكن نادر دة ما عارف افطر واجيهو ولا اتوكل وارد ليهو واطعم ستين مسكين 😆😆😆
Post: #72 Title: Re: التشتح في التلفزيون Author: نادر الفضلى Date: 06-14-2018, 01:44 AM Parent: #71
يا عبد الحفيظ قال ليك لا حياء فى العلم .. فى علوم الطب بيسمى علم التشريح وفى العلوم النظرية والتطبيقية ومنها الهندسية بعرف بعلوم الفيزياء والميكانيكا وفى العلوم الإنسانية والإجتماعية داخل فيها العادات والتقاليد والثقافات وآداب الجلوس وفن تصميم وإختيار الأزياء .. وألبس ما يعجب الناس وأقعد كما يعجب الناس!
بعد داك يا ر يت تغنى وتطرب الناس بدون بهدلة للغنا السمح!
