Post: #2 Title: Re: رشّ النسوان فى رمضان (فديو) Author: عبدالعظيم عثمان Date: 06-04-2018, 08:22 PM Parent: #1
معقولة الكلام دا؟ دا منتهي التخلف والإستعباط والإستغفال سلامات يا ابو السيوف دا نكته من وين ديل مجموعة مجرمين ومرضى مكانهم المستشفيات
Post: #3 Title: Re: رشّ النسوان فى رمضان (فديو) Author: سيف اليزل سعد عمر Date: 06-04-2018, 08:31 PM Parent: #2
Quote: دا نكته من وين
سلام يا عبد العظيم.. لى زى ثلاثة يوم بتزاوغ من الفديو ده.. فى النهاية قلت انشره واشوف الناس حتشفوا كيف..
لاحظ مكنة الرش تستخدم فى غسيل السيارات.. تم استخدامها هنا لرش هؤلاء النساء البسطاء... لاحظ ميدان الكورة تم تاجيره للقيام بعملية الرش..
الفديو من مدينة برعو جنوب شرق مدينة هرقيسا فى صوماليلاند
عملية الرش دى تمت بقروش..يعنى النسوان ديل دفعوا للمشعوذ معتقدين انه ممكن يشفيهم بالجملة كده...
Post: #4 Title: Re: رشّ النسوان فى رمضان (فديو) Author: سفيان بشير نابرى Date: 06-04-2018, 08:45 PM Parent: #3
حولاااااا و الله كلام ازيك يا صاحبي
Post: #5 Title: Re: رشّ النسوان فى رمضان (فديو) Author: حامد بدري Date: 06-04-2018, 08:53 PM Parent: #4
هههههههههههههههههههه كاااااااااااااك الواحد جاي طابي جلابتو قنا الكيزان بقو يرشو بالجملة كان زمان فرادي الرشة دي مع رمضان فخمة
Post: #6 Title: Re: رشّ النسوان فى رمضان (فديو) Author: سيف اليزل سعد عمر Date: 06-04-2018, 09:22 PM Parent: #5
Quote: زيك يا صاحبي
سوفى... مستمتع بوجودك في البورد..
Post: #7 Title: Re: رشّ النسوان فى رمضان (فديو) Author: Abureesh Date: 06-04-2018, 09:35 PM Parent: #6
مستهبلات.. رمضان سخن عاوزات يتبلبلن. لكن موش أكرم ليهم بدل يتجلدن فى السودان بالآلاف؟
Post: #8 Title: Re: رشّ النسوان فى رمضان (فديو) Author: سيف اليزل سعد عمر Date: 06-04-2018, 09:41 PM Parent: #7
Quote: مستهبلات.. رمضان سخن عاوزات يتبلبلن. لكن موش أكرم ليهم بدل يتجلدن فى السودان بالآلاف؟
مستهبلات كيف يا ابو الريش..؟؟؟ عينك فى الزول البرش تطعن فى المرشوش؟؟
بعدين ليه انت مجرمهم من اساسه؟ وكمان داير تجلدهن؟
ابو الريش انت شفت الفديو ولا حكمت مغمض ساي..؟؟ الصين رفعت الحظر عن اليوتيوب؟
Post: #9 Title: Re: رشّ النسوان فى رمضان (فديو) Author: Asim Ali Date: 06-04-2018, 09:42 PM Parent: #5
سلام عليكم المرش دا ذكرنى بى ناس الجمكسين زمان. فى الحاج يوسف الوحده فى الساحه غرب مبانى المنظمه (نفس محل المصارعه )فى شيخ برضو نفس المنظر ومن سنيني ولغايه الان حتى بعد ما المكان محصور بمحلات وبقى ضمن السوق. .وبالمانسبه اسلوب (العلاج الجماعى) دا بقى منتشر فى افريقيا ووخرج من الشيوخ ختى (بعض) رجال الدين المسيحى بمارسو الاسلوب دا. وبالمناسبه حكايه الصراخ والاغماء دى بتكون من ناس من ضمن طاقم الشيخ عشان يحرر سوقو .
Post: #10 Title: Re: رشّ النسوان فى رمضان (فديو) Author: Abureesh Date: 06-04-2018, 09:51 PM Parent: #9
سلام يا سيف.. لا اتحدث عن شخصياتهم وانما عن جنسهم كنساء.. فى السودان الحكومة تجلد المرأة امام الملأ . ونحن شايلين كيبورداتنا وحايمين فى العالم.. هذا ماء صافى والدنيا حر وهم صايمين.. والرسوم ما اجبارية خاتين مول عين جمع القروش براميل البلاستيك مثل الفى الجوامع. يعنى الواحدة تبل توبها وترطب وترمى الفيها النصيب او تمشى ساى.. ولو فى واحدة عندها كبت نفسى فى بلد ما فيها متنفس تقوم تنقز وتدردق وما عندها مشكلة مع المجتمع.. لقت حل تفرق الكبت بدون عقوبة إجتماعية مثل الظار. دا التحليل للظاهرة مهما لبست لبوس الطقوس والشعوذة.
Post: #11 Title: Re: رشّ النسوان فى رمضان (فديو) Author: سيف اليزل سعد عمر Date: 06-04-2018, 09:54 PM Parent: #9
Quote: لرشة دي مع رمضان فخمة
شكلها مهين جدا لكن..
Post: #12 Title: Re: رشّ النسوان فى رمضان (فديو) Author: سيف اليزل سعد عمر Date: 06-05-2018, 05:47 AM Parent: #11
Quote: وبالمناسبه حكايه الصراخ والاغماء دى بتكون من ناس من ضمن طاقم الشيخ عشان يحرر سوقو
فعلا الراجل المشعوذ ده عنده طاقم كبير من المساعدين لتحرير السوق.
Post: #13 Title: Re: رشّ النسوان فى رمضان (فديو) Author: عبدالحفيظ ابوسن Date: 06-05-2018, 06:10 AM Parent: #12
تحياتي سيف وضيوفه تخيل كنت مركز مع عدد النساء تقدير للعدد نسبة ما بسيطة ابدا وتؤكد لابد من بذل مزيدا من الوعي لابد من الثورة علي كثير من المفاهيم وتحرير العقول
Post: #14 Title: Re: رشّ النسوان فى رمضان (فديو) Author: سفيان بشير نابرى Date: 06-05-2018, 06:41 AM Parent: #13
الموضوع دا فيهو جلد وبساطين ولا انا رمضان دعمش عيوني!؟
Post: #15 Title: Re: رشّ النسوان فى رمضان (فديو) Author: Asim Ali Date: 06-05-2018, 07:06 AM Parent: #14
دا زول سوق سته بالحاج يوسف الوحده لاحظ الفيديو الاول من قناتو على يوتيوب !!!!
Post: #16 Title: Re: رشّ النسوان فى رمضان (فديو) Author: سيف اليزل سعد عمر Date: 06-05-2018, 01:09 PM Parent: #15
Quote: لابد من بذل مزيدا من الوعي لابد من الثورة علي كثير من المفاهيم وتحرير العقول
نعم يا ابوسن المسألة كلها تتعلق بتحرير العقول ورفع الوعى.
اتفق معاك تماما..
Post: #17 Title: Re: رشّ النسوان فى رمضان (فديو) Author: سيف اليزل سعد عمر Date: 06-05-2018, 06:06 PM Parent: #16
Quote: فى السودان الحكومة تجلد المرأة امام الملأ
والله يا أبوالريش لو الوضوع رش ساي مالو.. ياخى معاه جلد ومعاه دجل كمان..هسا لو كان رش ساي من غير الراجل الدجال ده كان طلعوه حرام وكيف الراجل يرش النسوان وكمان فى رمضان..
Post: #18 Title: Re: رشّ النسوان فى رمضان (فديو) Author: سيف اليزل سعد عمر Date: 06-05-2018, 09:37 PM Parent: #17
Quote: الموضوع دا فيهو جلد وبساطين ولا انا رمضان دعمش عيوني!؟
للأسف نعم هناك جلد لهؤلاء النساء ايضا...
Post: #19 Title: Re: رشّ النسوان فى رمضان (فديو) Author: سيف اليزل سعد عمر Date: 06-10-2018, 02:56 PM Parent: #18
Quote: دا زول سوق سته بالحاج يوسف الوحده
سلام يا عاصم.. آسف للتاخير لبعض الظروف القاهرة... الدجالين ياهم الدجالين..عيال ام قطية دنقرهم واحد.. التثميل واضح فى الزول الرشوه بالموية فى الفديو الاول..
يسود الدجل وسط الجهل....
Post: #20 Title: Re: رشّ النسوان فى رمضان (فديو) Author: محمد حمزة الحسين Date: 06-11-2018, 01:45 PM Parent: #19
أخي سيف اليزل رمضان كريم وكل عام وانت وضيوفك بالف خير مقدماً دا نوع من الرقيه الجماعيه منتشر ومفيد مع بعض التركيز علي الاوراد ... رغم إني لم اتبين التلاوه هي قرآن صريح ام مخلوط ببعض العبارات الشيطانيه ... اللهم رب الناس إذهب البأس اشف أنت الشافي يا الله ... الرقيه الشرعيه في دول العالم الثالث المسلم صارت قبله للإستشفاء حتي غلاء ثمنها كمثل التدواي بالاعشاب والتطبيب لذا ابتدعو الرقيه الجماعيه لمساهمتها البسيطة كعمليه استكشافيه وبعدها تقدر تحدد انت عايز تتعالج من شنو بالضبط ... الرقيه الشرعيه سنه نبويه حسنة ومعمول بها عند اهل القبل الاربعه المسلمه ... غاباً هذا الماء يكون ماء زعفران او ماء ملح لما لهم من ميزة ازعاج الجن الذي يسكن البني أدم ...
: : : : مع التحيات لله الزاكيات
Post: #21 Title: Re: رشّ النسوان فى رمضان (فديو) Author: سيف اليزل سعد عمر Date: 06-12-2018, 08:44 PM Parent: #20
سلام يا محمد حمزة
الله اكرم وتقبل الله صيام الجميع..
للأسف ده نوع من الدجل متفشي فى مجتمعات متخلفة فشل حكامها فى توفير العلاج والمأكل والمشرب فى دول تصف نفسها بأنها دول إسلامية..
تحيانى
Post: #22 Title: Re: رشّ النسوان فى رمضان (فديو) Author: nour tawir Date: 06-12-2018, 11:08 PM Parent: #21
اللهم لا نسألك رد القضاء.. و لكن نسألك اللطف فيه... اللهم لا تحاسبنا بما فعل السفهاء منا...
Post: #23 Title: Re: رشّ النسوان فى رمضان (فديو) Author: ترهاقا Date: 06-13-2018, 00:29 AM Parent: #22
يا جماعة معقول كدة؟ كان عندي إحساس إنو الناس وعت والخزعبلات دي اختفت
Post: #24 Title: Re: رشّ النسوان فى رمضان (فديو) Author: سيف اليزل سعد عمر Date: 06-13-2018, 06:56 AM Parent: #23
Quote: اللهم لا تحاسبنا بما فعل السفهاء منا...
اللهم آمين
Post: #25 Title: Re: رشّ النسوان فى رمضان (فديو) Author: محمد حمزة الحسين Date: 06-25-2018, 11:04 AM Parent: #24
Quote: للأسف ده نوع من الدجل متفشي فى مجتمعات متخلفة فشل حكامها فى توفير العلاج والمأكل والمشرب فى دول تصف نفسها بأنها دول إسلامية..
الاخ سيف اليزل الرقيه الشرعية حق ولها اثر نفسي وعلاجي باهر رغم إعتقادي الحق والجازم في ذلك ... إلا إني اتفق معك ان الجهل حاصل وفي ظل غلاء التواصل والتطبيب في المشافي وارتفاع قيمة الادويه انتشرت ظاهرة عيادات الرقية الشرعيه وصارت في كل لفه عيادة رقيه شرعيه وفي كل عمارة شقه للتدواي بالرقيه الشرعيه ... رغم إن الأمر بسيط ويمكن لكل مؤمن ان يقوم به لنفسه او اسرته او معارفه ويبتقي الاجر من الله ... عدة الشغل:- الطهاره... سورة الفاتحه ... سور الاخلاص والفلق والناس ... والصلاة علي النبي صلّ الله عليه وسلم والدعاء للتحصين صباح ومساء هنالك اياتلإبطال السحر وايات لإبطال التفريق بين الازواج يمكن حفظها والمداومه عليها وسيظهر الاثر الايجابي علي المداوم من سبعةايام الي اربعين يوم ... هناك مسوحات صحيه زيت السمسم مع الحبه السوداء او زيت الزيتون وهو خيار ثاني لانو اغلي ولكنه سريع التأثر والـاثير ... هناك مشروبات مثل عسل النحل مخلوط مع الحبه السوداء مع تلاوة البقرة والصافات والاخلاص والفلق والناس والنفس علي إناء العسل او الزيت ... وبإذن الله يحصل الشفاء بدون رش وزوبعه عندي تجارب ونماذج افضي شويه وافتح بوست منفصل بإذن الله .... : : : : : مع التحيات لله الزاكيات
Post: #26 Title: Re: رشّ النسوان فى رمضان (فديو) Author: Asim Fageary Date: 06-25-2018, 11:17 AM Parent: #25
سلام مربع أخي محمد حمزة الحسين
خلاص يقفلوا كليات الطب والصيدلة والمستشفيات والعيادات ويتم الغاءها بالكامل
وتستبدل بالشيوخ للمارسة الرقية وبكدا تكون الدول وفرت أموال طائلة
وحملة تصوير المستشفيات المدورة اليومين ديل لفضح وزارة الصحة السودانية يكون مافي داعي ليها طالما المسألة بالبساطة دي
معاً من أجل التخلص من كافة أشكال العلوم الطبية الدنيوية التي دخلتنا في جحر ضب .. وفالنتوجه للعلاج بالشيوخ
تحياتي
Post: #27 Title: Re: رشّ النسوان فى رمضان (فديو) Author: محمد حمزة الحسين Date: 06-26-2018, 02:45 PM Parent: #26
Quote: خلاص يقفلوا كليات الطب والصيدلة والمستشفيات والعيادات ويتم الغاءها بالكامل
وتستبدل بالشيوخ للمارسة الرقية وبكدا تكون الدول وفرت أموال طائلة
أخي عاصم فقيري لك من التحايا اعظمها واجلها ... دولة شنو توفر اموال طائلة للمغلوبين يا عاصم ... والله رغم إني أنا واسرتي نتمتع بتأمين طبي علي افخم المستشفيات التي يتعالج بها الأخ والصديق علي الكنزي ... طبعاً الراجل شباب وعريس فطرنا معاه في رمضان لكن والله راحتي وعلاجي في الرقيه بس انا برقي نفسي واسرتي ... بالمناسبة اليوم زوجتي لدغتها عقرب رقيتا ....
بعدين يا فقيري سؤال بالجنبه عندك شك في الرقيه نردمك بالادله والبراهين الناجعه ههههههههههههه
بعدين يا عاصم المستشفيات دي بجففو فيها لصالح المستوصفات والمستشفيات الخاصه ما شايف جنابو حولوه شفاهةً للمستوصف ماتستبعد الدكتور يلحق الكاونتر ياخد عمولتو ... ولسان حالو يقول حولنا ليكم جنابو دا جاكم ادونا حقنا لوووول
