الليلة مكارم بشير اتزلطت في اغنية العطبراوي

07:32 PM May, 31 2018

سودانيز اون لاين
Osman Musa-
مكتبتى
رابط مختصر

اتزلطت شديد . البت كانت حاضرة من مجاميعو . في القعدة
والهندمة و العناية بي كل الحاجات . حتي عمك قدور اتمحن في موهبة البنية
العسل .

مكام تعجبك بي الانفعال الصادق و التعايش مع الاغنيات .
وفي اغنية العطبراوي فصفصت و ترجمعت المقاطع حرف حرف .
وشتتت فيها ضريرة صندل عكلت عكلة جميلة في مقطع الختمة .
عفارم عليك يا عسل . والله جد خليتي الامة تسرح في المسافة
البين الدامر وعطبرة .

الاغنية كانت تحية ماكنة لي ذكري العطبراوي قايد القيادة في مناطق الحناجر الذهبية في الوديان النيلية بين كبوشية والمكابراب و قبقبة ونازل . وياريت لو عمك قدور جدع لي مكارم عشرة دقايق من زمنو كانت سوت ليها نمة من شغل الدرويش بابكر الزكار و ما ادراك ما قطار الشوق . كان القيامة قامت . رحم الله سيدنا العطبراوي . ورحم الله عمنا مادح الرسول الحاج قدور والد الخال استاذ السر قدور .
لهم جميعا الرحمة .
ولعن الله من باعوا الفلنكة وسرقوا صفافير الصنفور

ياخ انت زول اضانك نضيفة مالك دايرني اغير رأى فيك!؟
مكارم كويسه بس الأغنية دي تحديداً اشتغلت فيها حق الباص بس و السبب انها حاولت فيها تعمل فيها العطبراوي و انها تتقمص شخصية صوتو ودي مسأله قاسية عليها شديد يعني لو غنت بطريقته هي كان اخير ليها.
رحم الله حسن خليفة العطبراوي.

اخونا الفرجيني الاصيل سفيان سلامات
اكيد العطبروي كوم الغناء الكبير داك براو براو . لكن مكارم بت
مجتهدة و حتتعلم وهي ما بعيدة من نواحي التعليم .
قبل ايام يا سفيان قابلتها في رحلة بين الخرطوم و دبي و معاها
اهلها . جيت قعد جمبها انضم عن شغلها قبل سنة في اغاني واغاني
وشكرت ناس المنابر علي التشجيع و النقد و قالت بي روح رياضية
هي تستفيد من كتابات كل الناس و تحاول دايما تعمل التقدر
عليهو . والله يا سفيان لقيت مكارم شابة عندها طموح جيد

بلاي يا شبيبة كدي زول يتحرفن و يجيب لينا الاغنية
مع كتير الشكر

بعد الحلقة ما انتهت جاتني تلفونات تولول من عطبرة التحت .
من السودنة و من داخلة العمدة السرور و من الحصاية فوق . المكالمات كلها
عن كيف تجدعت مكارم في اغنية حبيب شعوب مدينة النار .
شعوب عطبرة شعوب شيمتها الوفاء للفنان المناضل ابو علي .
من المكالمات المستهبلة واحد قال لي في الدقيقة ٣ من عمر
تنهدات مكارم في الاغنية عمك قدور دمع نفس دمعة المصري
محمد صلاح بعد نزال راموس هههههها

حظنا الليلة كان مجلي . حصلت ظروف حالت دون متابعة
برنامج اغاني واغاني اليوم . والله كنت مشتاق اتبابعو اليوم
واعرف الحاصل .

يا سلام عليها مكارم .
في الحلقة السادسة عشر .
الليلة نقرت باب جديد و كانت بي الجاكت الرمادي الخايل عليها
في كامل اناقتها .

امس الشابة انصاف صاحبة الابتسامة الجزابة كانت في العلالي .
انصاف صاحبة الطلة الخجولة امس كانت صوت وصورة وقمة التهذيب .
..
الليلة منتظرنك يا مكارم

الليلة برضو فاتت علي الحلقة . بعد الفطور طوالي ساقتني كرعيني
لي زيارة مريض و الزمن بين زمن زيارة المريض و موعد الصلاة ضايق
شديد . فما كان في طريقة لمتابعة البرنامج .

نتابع ابداعات الشباب

مكارم الليلة في القمة .
في البيت البقول ( الحنة المندون نشادر شالت ) هنا يقيف
الكلام . هنا يقيف حد الوصف . وده هو الشعر البخلي شعرة جلد
الدنيا كلها تكلب . هيع يا مكارم والله

نتابع

الليلة ح تكسر الدنيا

متابعنك