عمل أخر في القناة الكويتية يستهزي بنا - هؤلاء الذين بالامس مرغ أنوفهم صدام حسين بالار

عمل أخر في القناة الكويتية يستهزي بنا - هؤلاء الذين بالامس مرغ أنوفهم صدام حسين بالار


05-25-2018, 11:18 AM


  » http://sudaneseonline.com/cgi-bin/sdb/2bb.cgi?seq=msg&board=499&msg=1527243488&rn=37


Post: #1
Title: عمل أخر في القناة الكويتية يستهزي بنا - هؤلاء الذين بالامس مرغ أنوفهم صدام حسين بالار
Author: زهير عثمان حمد
Date: 05-25-2018, 11:18 AM
Parent: #0

11:18 AM May, 25 2018

سودانيز اون لاين
زهير عثمان حمد-السودان الخرطوم
مكتبتى
رابط مختصر



عمل درامي يبث علي القناة الكويتية ويستهزئ بالشعب السوداني وبالشخصية السودانية جسد العمل شخصية السوداني على أنه كسول وينام باستمرار ويتصرف بسذاجة وغباء و لا يستطيع الحديث الا بمساعدة كلمة اي


https://c.top4top.net/m_8752w0of1.mp4https://c.top4top.net/m_8752w0of1.mp4

بالله عبقري أيجي يعالج العنصرية دي

Post: #2
Title: Re: عمل أخر في القناة الكويتية يستهزي بنا - هؤ�
Author: Yasir Elsharif
Date: 05-26-2018, 05:25 PM
Parent: #1

منتهى البلاهة والهبالة وثقل الدم

Post: #3
Title: Re: عمل أخر في القناة الكويتية يستهزي بنا - هؤ�
Author: Bashasha
Date: 05-26-2018, 05:34 PM
Parent: #2

قرقرقرقرقر!
Love it!0

Post: #4
Title: Re: عمل أخر في القناة الكويتية يستهزي بنا - هؤ�
Author: Abureesh
Date: 05-26-2018, 05:55 PM
Parent: #3

ياخ دا سخف لا يستحق التعليق.. لا يمت للفن بصلة لذلك لن يحترمه احد.
الناس عادة تنجذب للإخراج الفنى القريب من الواقع حتى لو بواحد فى المائة وبستهلكوا الدعاية المدسوسة.. لكن صدقنى ما فى زول حيتاثر بالغثاء هذا

Post: #5
Title: Re: عمل أخر في القناة الكويتية يستهزي بنا - هؤ�
Author: MOHAMMED ELSHEIKH
Date: 05-26-2018, 06:52 PM
Parent: #4

فتحت البورد من كل ما املك ويملك اهل الدار من اجهزة فلم نعثر عليه ورونا مكانو وين؟

Post: #6
Title: Re: عمل أخر في القناة الكويتية يستهزي بنا - هؤ�
Author: MOHAMMED ELSHEIKH
Date: 05-26-2018, 07:08 PM
Parent: #5

تحصلت على السخف في يوتيوب. لا اصدق انو تلفزيون دولة محترم ممكن يعرض مثل هذا الهراء

Post: #7
Title: Re: عمل أخر في القناة الكويتية يستهزي بنا - هؤ�
Author: سيف النصر محي الدين
Date: 05-26-2018, 07:41 PM
Parent: #6

قرقرقرقرقر
عيييييك.

Post: #8
Title: Re: عمل أخر في القناة الكويتية يستهزي بنا - هؤ�
Author: أيمن الفاضل
Date: 05-26-2018, 08:08 PM
Parent: #7

سلام
الكويتيين ديل حالتو احسن من باقي الخليجيين من ناحية تقافة وفهم
لكن لمن الموضوع يكون عن السودانيين فالعرب كلهم واحد

Post: #9
Title: Re: عمل أخر في القناة الكويتية يستهزي بنا - هؤ�
Author: Shaker Hamid
Date: 05-27-2018, 08:57 AM
Parent: #8

يجب المعاملة بالمثل ونترك الادانة والشجب .. يجب ان تقوم وزارة الاعلام بتمويل عمل دارمى يمجد غزو صدام للكويت وهروب الكوييتين واظهار جبنهم واستنجادهم بالامريكان


Post: #10
Title: Re: عمل أخر في القناة الكويتية يستهزي بنا - هؤ�
Author: حاتم إبراهيم
Date: 05-27-2018, 12:04 PM
Parent: #1

ما غلطوا في أي حاجة!
ياها طريقة الكلام وياهو الواقع عند الكثيرين في البلد.

أي بيت فيهو السراير في أي غرفة وفي الحوش، البيت زي عنبر الباطنية
وحالياً مكاتب الدولة فيها السراير، تاني شنو؟
ينعتوكم بالنشاط كيف؟

ولا ما دايرين تسمعوا إلا (أمين وطيب وخدوم)؟

___
أصلاً انتو العلمكم العربي منو؟

Post: #11
Title: Re: عمل أخر في القناة الكويتية يستهزي بنا - هؤ�
Author: حاتم إبراهيم
Date: 05-28-2018, 06:45 AM
Parent: #1




لأنهم ببساطة بيكونوا اطلعوا على الدراما التلفزيونية عندنا وأغلبها كوميدي على نسق مسرحي
وبالكاد فارقوا معظم ملامحها بل أجادوا في الديكور والخلفيات والمواقع، وكترة السراير

بس نحنا ما بنقول (زتة، زبعة، دزعة) بل بنقول (تزعة، إزبوع، مستيفى، هيسم)، فمشوها ليهم بكرة يصححوها

___
كمان آآآي دي طويلة، اليقصروها شوية، لكن الباقي مزبوط مافي كلام.

Post: #12
Title: Re: عمل أخر في القناة الكويتية يستهزي بنا - هؤ�
Author: حاتم إبراهيم
Date: 05-28-2018, 12:43 PM
Parent: #1

قارنوا بين المشاهد في الدراما الكويتية والعمل السوداني أدناه، هل من فروقات؟







___
فالسرير يكاد يكون هو البطل الأول في معظم أعمال الدراما السودانية.

Post: #13
Title: Re: عمل أخر في القناة الكويتية يستهزي بنا - هؤ�
Author: علي عبدالوهاب عثمان
Date: 05-28-2018, 12:49 PM
Parent: #12

وحالياً مكاتب الدولة فيها السراير، تاني شنو؟
ينعتوكم بالنشاط كيف؟

==========
حبيبنا حاتم .. لقد أصبت الهدف
كلام في الصميم ..
بلد مليانة خيرات وموارد طبيعية
ونحن نايمين .. ونطلب الصدقات من الخليجيين وغيرهم

شكراً حاتم ..

Post: #14
Title: Re: عمل أخر في القناة الكويتية يستهزي بنا - هؤ�
Author: Deng
Date: 05-28-2018, 12:57 PM
Parent: #13

سؤال مهم جدا للذين يدعون العروبة في السودان.

لماذا تأتي العنصرية والتنميط من الدول العربية فقط تجاه السودان والسودانيين؟؟

Post: #59
Title: Re: عمل أخر في القناة الكويتية يستهزي بنا - هؤ�
Author: NEWSUDANI
Date: 06-02-2018, 08:54 AM
Parent: #14

سؤال مهم جدا للذين يدعون العروبة في السودان.

لماذا تأتي العنصرية والتنميط من الدول العربية فقط تجاه السودان والسودانيين؟؟

ببساطة لانه السودانيين مصرين على الانتماء لمنطقة لايمتون بصلة لها ،،،،، الان لو لم يدعي السوانيين العروبة الزائفة وألتفتوا لسودانيتهم هل كان يمكن للاعلام العربي عامة تنميط السوداني ؟؟؟؟ أم كانوا سيتحدثوا عن موضوع آخر وتنميط الصومال أو جيبوتي أو جزر القمر For that matter

الخلل في العقليةو الذهنية المستعربة السودانية ليست الأعلام العربي




Post: #16
Title: Re: عمل أخر في القناة الكويتية يستهزي بنا - هؤ�
Author: حاتم إبراهيم
Date: 05-28-2018, 01:04 PM
Parent: #1

دي نوع الدراما البتطلع برة وتتحدث عن السودانيين، مليانة سراير وعمم، ليه تزعلوا لما الآخرين يقلدوها؟




أبو سن عندو مثل معبر أو مرة سمعتو منه: البسوم أمه بيلقى البيشتريها، ونحنا بعنا أمنا وبعنا أهلنا وجيراننا



___
بدون ما يغلطوا علينا.

Post: #18
Title: Re: عمل أخر في القناة الكويتية يستهزي بنا - هؤ�
Author: Mohd Ibrahim
Date: 05-28-2018, 02:25 PM
Parent: #16

مافي اي علاقة بين العمل المقدم في القناة الكويتية وعمل جمال حسن سعيد فهذا نص قوي وفكرة جذابة اضافة الي انة جسد الواقع تماما في قالب فكاهي لطيف وجذاب ...وبعدين حكاية السراير الفي الحوش دا حاجة جميلة وتبهج الروح ...فيها شنو الزول اذا داخل بيت ناس واتمد في السرير
ومارس بعضا من فن الاسترخاء ....مالخواجات ديل كلهم عندهم الليزي جير والصوفة الاربع وعشرين ساعة راقدين فيها ديل اساسيات وحتي ذاتو مسمنو ليزي يعني كسول بدون لف ودوران لان الكسل في حد ذاتو ماكلو سلبي بس الزيادة فيو سلبية..صاح كمجتمع عندنا مشاكل اكبرها عدم الاهتمام
بالوقت والمجاملات والتراخي لكن مامعناها نخجل من واقعنا لانو برضة عندنا الكويس كتير ...........الناس بتحسس من المجتمعات العربية دي لما تعرض مسلسل عننا لانها عندها احساس (بالدونية) مااكتر من كدا ..فلذلك الناس في الاغلب بتفسر الحاجات دي كانتقاص للشخصية
السودانية والغريب في الموضوع نحنا بنمارس نفس الشئ علي الاجانب العندنا ..اقرب مثال الحبش ..شوفو الحلقة دي تحت من مسلسل اكس لارج لفيصل كبسور ...طبعا نفس الناس دي حتجي تقول انو الحبش الظاهرين هنا ماتقليل لشخصيتهم ويقعدو يبررو مع دا نفس الشي الحاصل بالكربون
لينا في المسلسلات العربية ..شوفو واحكمو من الدقيقة 3 .




Post: #17
Title: Re: عمل أخر في القناة الكويتية يستهزي بنا - هؤ�
Author: حاتم إبراهيم
Date: 05-28-2018, 01:56 PM
Parent: #1

Quote: حبيبنا حاتم .. لقد أصبت الهدف
كلام في الصميم ..
بلد مليانة خيرات وموارد طبيعية
ونحن نايمين .. ونطلب الصدقات من الخليجيين وغيرهم

مرحب يا أخ علي
تخيل بس الموارد والمقارنة دي:

------
المساحة المروية في مشروع الجزيرة تعادل تقريباً مساحة دولة قطر
ويمكن أن تستقبل نفس المساحة كل جزيرة قبرص بسكانها ومياهها الإقليمية
وأن تبلع كل المنطقة المأهولة من شمال إيرلندا بمزارعها وسكانها وقلاعها وسهولها
الأرض المروية هذه يمكن أن تسع تمانية دول بنفس مساحة البحرين
و28 دولة بمساحة مالطا
+++
ودولة مثل هولندا تبيع في مزادات الأزهار ما يعادل 55 مليون دولار يومياً، نعم يومياً
وكل مساحة هولندا 41,543 كيلومتر مربع، أي ما يعادل تقريباً نصف مساحة ولاية القضارف!
-----


ومع ذلك يطلع الواحد من هنا بفيزا راعي عشان يشتغل كراتيه زي بروس لي ولا قلاب هوبة في الأعراس بحكم إنو (قريب) من العرب
ويرجع للشحدة على مستوى الجهاز الرسمي للدولة ومن دول بعضها ما لاحقة مزرعة قياساً بإمكانات الوطن
وبعد دا كل البيزعلهم إنو في دراما صورتهم على حقيقتهم!
ياخي إنعل ديك أبو الفهم!

المفروض نشكرهم أن دلونا على موضع الوجع والمرض.

الدولة كلها بالعقلية السريرية دي يا علي.

___
لغاية ما بقينا نبيع الدم وبكرة الشرف.

=================


Quote: لماذا تأتي العنصرية والتنميط من الدول العربية فقط تجاه السودان والسودانيين؟؟

تأتي بسبب التلصق وصغرة العقل يا دينق، من ناس ما ليهم علاقة بالوطن والوطنية أصلاً.
ومن الكسل المتأصل في عقلية من تعود على تلقي الأوامر والإهانة والمكرمات!

__
بسبب الصنف المستعبد فكرياً.

Post: #19
Title: Re: عمل أخر في القناة الكويتية يستهزي بنا - هؤ�
Author: حاتم إبراهيم
Date: 05-28-2018, 02:45 PM
Parent: #1

Quote: مافي اي علاقة بين العمل المقدم في القناة الكويتية وعمل جمال حسن سعيد فهذا نص قوي وفكرة جذابة اضافة الي انة جسد الواقع تماما في قالب فكاهي لطيف وجذاب ...وبعدين حكاية السراير الفي الحوش دا حاجة جميلة وتبهج الروح ...فيها شنو الزول اذا داخل بيت ناس واتمد في السرير
ومارس بعضا من فن الاسترخاء ....مالخواجات ديل كلهم عندهم الليزي جير والصوفة الاربع وعشرين ساعة راقدين فيها ديل اساسيات وحتي ذاتو مسمنو ليزي يعني كسول بدون لف ودوران لان الكسل في حد ذاتو ماكلو سلبي بس الزيادة فيو سلبية..صاح كمجتمع عندنا مشاكل اكبرها عدم الاهتمام
بالوقت والمجاملات والتراخي لكن مامعناها نخجل من واقعنا لانو برضة عندنا الكويس كتير ...........الناس بتحسس من المجتمعات العربية دي لما تعرض مسلسل عننا لانها عندها احساس (بالدونية) مااكتر من كدا ..فلذلك الناس في الاغلب بتفسر الحاجات دي كانتقاص للشخصية

وهو لما يفكر يسخر منك حيتناول النص القوي والفكرة الجذابة؟

الخواجة (الليزي) دا بيعملها بعد ما ينتهي من واجبه ويضمن معيشته واستقرار اقتصاد بلده وقوة عملته، وأمنه الشخصي والوطني!
انتشار السراير في أي موضع من البيت السوداني ممكن أنت تكلمني وتقول (كرم ضيافة) لكن غيرك شايفو كسل وعليك تقنعه بالعكس،
فلما يشوف السراير جوة الدكاكين وفي مكاتب استقبال المؤسسات الحكومية وفي الأسواق فمن الصعب تبرر ذلك بأي حجة.

المفروض تخجل من واقعك! لو ما خجلت من واقعك الحالي فما تشتكي وتتذمر من الحاصل للسودانيين في المهجر أو في القنوات الفضائية
أنا ما بتكلم عن التراث ولا الفولكلور ولا التاريخ ولا السلوك، بتكلم عن الممارسات غير الناضجة وعن الوعي الناقص والفعل غير المفيد.

وفعلاً كلامك صاح!
الناس البتتحسس من الدراما الناطقة بلسان حالهم عندهم (دونية) أؤيدك تماماً، بل عندهم عمى بصيرة إضافة لذلك
المفروض أصلاً ما يشتكوا، بل يتحسسوا مكان الوجع وهل استحق الضربة فعلاً ولا دا (تعدي) ساكت.

___
الانتقاص حصل وبأيدي سودانية، لو بس تأملت المقارنة في الموارد أعلاه.

Post: #20
Title: Re: عمل أخر في القناة الكويتية يستهزي بنا - هؤ�
Author: Bashasha
Date: 05-28-2018, 03:00 PM
Parent: #19


لكن لمن الموضوع يكون عن السودانيين فالعرب كلهم واحد


عيييييييييييك!!!



Post: #21
Title: Re: عمل أخر في القناة الكويتية يستهزي بنا - هؤ�
Author: عبدالحفيظ ابوسن
Date: 05-28-2018, 03:04 PM
Parent: #19

السرير وملايتو تهبهب يا حاتم بقا جزء اساسي في اثاث كبار المسؤولين
بيض النية واعتبروا لأغراض اخرى غير النوم 😆
وبرضو خلط المتعة بالعمل من اسباب فشل العمل
فتشت للصورة بتاعت مكتب مسؤول كبير يقرب للقمة الا قليلا ما لقيتها . كنت محتفظ بيها
لكن يا حاتم انا عندي فهم آخر وبرضو من السلطة
العمل والجزاء
أكبر المخصصات للذين لايفعلون شيئا . وشغل الحمير للمغضوب عليهم
معروف انك لو اجزلت العطاء للعامل ستحفزه
بعدينك ماتنسي الموظف بجي 8:30 بطلب الجبنة وبنتهي منها 9 بطلع يفطر ويجي راجع حداشر .. بمرق 12 يجهز لصلاة الضهر والدرس .. في اي مصلحة حكومية في مسجد .. ومع رمضان دة بشتغل مسجد واستراحة للنوم
كسل ما اظن لكن سؤ ادارة .. شوف المزارع في حر الهجير ماسك سلوكتو والبنا في سقالتو والعامل ووو
ودة كلو الشغل الخاص

Post: #22
Title: Re: عمل أخر في القناة الكويتية يستهزي بنا - هؤ�
Author: منتصر عبد الباسط
Date: 05-28-2018, 03:04 PM
Parent: #19

أنا أعتقد أن الإستهانة بالشعب السوداني لم تكن في السابق
من قبل شعب دول الخليج أو مسؤوليه
ولكن هذا النظام الكيزاني من قمة هرمه إلا أصغر مسؤول هم من مرغ أنفنا في التراب بسبب مواقفهم غير الرصينة وغير الرشيدة تجاه الدول وتجاه
السودان
فأظهرونا بمظهر بائس أمام هؤلاء الشعوب

Post: #23
Title: Re: عمل أخر في القناة الكويتية يستهزي بنا - هؤ�
Author: منتصر عبد الباسط
Date: 05-28-2018, 05:19 PM
Parent: #22

والشاهد على ما قلت:
هذا هو السودان في نفوس الكويتيين حتى فبراير 1989م
حين احتفالهم بعيدهم الوطني..
قبل أن يحل بالسودان كابوس الكيزان وموقفهم القبيح من احتلال الكويت
ثم تبع ذلك من مواقف وأفعال وحال للمسؤولين والمتسولين
سودت وجه السودان الذي كان وضيئا .


.............

Post: #24
Title: Re: عمل أخر في القناة الكويتية يستهزي بنا - هؤ�
Author: Bashasha
Date: 05-28-2018, 05:35 PM
Parent: #23


سودت وجه السودان

اعلاه منتصر دلق الجواهو!

يا منتصر الاول هو اصل الانطباع العام عن السوداني اي الاسود كماهو في لاشعور امثالك لي روحك

. اما الثاني بتاع الاوبريت فده تمثيل، اي عمل درامي او كده.

غايتو مواهيم العروبة مصيبتكم مع اسيادكم، مصائب!!

Post: #25
Title: Re: عمل أخر في القناة الكويتية يستهزي بنا - هؤ�
Author: حاتم إبراهيم
Date: 05-28-2018, 05:48 PM
Parent: #1

بتفتش في الأعذار للحلوين يا منتصر؟
(في السابق) دي قاصد بيها زمن الأغوات ولا بعده أيام الاتراك؟
ولا سابق جدا من أيام البقط؟

Post: #26
Title: Re: عمل أخر في القناة الكويتية يستهزي بنا - هؤ�
Author: منتصر عبد الباسط
Date: 05-28-2018, 06:19 PM
Parent: #25

Quote: بتفتش في الأعذار للحلوين يا منتصر؟
الحلوين هم ول الكيزان؟!
غايتو بشاشا دا ما كوز

Post: #27
Title: Re: عمل أخر في القناة الكويتية يستهزي بنا - هؤ�
Author: حاتم إبراهيم
Date: 05-28-2018, 06:46 PM
Parent: #26

الحلوين هم طبعا من دفاعك الأغوي دا
مش ديل ياهم ذاتم الأوصيت باستيراد الأخلاق منهم؟

بشاشا ما كوز اذن تبقى انت الكوز
لأنو أنا البعالج بالموز.

انت نسيتني نعلك؟

Post: #28
Title: Re: عمل أخر في القناة الكويتية يستهزي بنا - هؤ�
Author: منتصر عبد الباسط
Date: 05-28-2018, 06:48 PM
Parent: #26

طبعا أنا لم أبحث عن عذر فبأي حال هذا العمل الدرامي الكويتي غير مقبول
ولا عذر لهم مطلقا .
والذي ذكرته ليس عذر للكويتيين
بل هو الشيء الذي جعلهم يجرؤون علينا لما وجدونا ضعفنا و ساءت صورتنا
بسبب إعلام ضعيف وسيطرة كاملة للكيزان المفلسين ثقافيا
هناك واحد كان دكتور محاضر بالجامعات الكويتية في بدايات الثمانينات ألف كتاب يرد فيه على حسن الترابي
ويتعجب كيف يكون رجل كحسن الترابي يتولى منصب رفيع في حكومة نميري ويتزعم حزب!!
وهو رجل مفلس فكريا وأفكاره وفلسفته ركيكة ومدحوضة ووصف أتباع الترابي بالرعاع
فكيف سيكون الحال والنظرة حين يكون حسن الترابي يحكم السودان ويأتي بأتباعه ليحكموا بلد بحجم السودان
ويصفق له الناس ولأتباعه ويهتفون
ألم يجعل هذا كل الشعب رعاع في نظرهم بل وفي نظر العالم؟!
وليس فقط الكويت.



Post: #29
Title: Re: عمل أخر في القناة الكويتية يستهزي بنا - هؤ�
Author: احمد حمودى
Date: 05-28-2018, 08:29 PM
Parent: #28

منتصر كيف الحال وتصوم وتفطر على خير الفيديو دة احتفال دولة الكويت بعيد استقلال السودان قبل غزة الكويت
وما ننسى كمان سفير الكويت فى السودان عبد الله السريع كان مهوس بى جوبا ولم يقبل النقل من السودان
واستمر سفيرا فى السودان لمدة تزيد عن 30 سنة وطبعا بعد موقف الكيزان من الغزو رجع للكويت وتوفى بعد سنة
يعنى ما طول يعنى مات بمغسة الكيزان فى موقفهم الجبان

Post: #30
Title: Re: عمل أخر في القناة الكويتية يستهزي بنا - هؤ�
Author: منتصر عبد الباسط
Date: 05-29-2018, 03:16 AM
Parent: #29

Quote: بشاشا ما كوز اذن تبقى انت الكوز
لأنو أنا البعالج بالموز.

انت نسيتني نعلك؟
إنت قالوليك مجرد إعلان الإلحاد ينفي الكوزنة؟!
لم نراك يوما تنتقدهم ولو بربع كلمة
أو إذا لم تكن كوزا فإنت مسرور وشامت بما فعله الكيزان بالسودانيين
من فرط بغضك لهم الذي لم تستطع أن تخفيه
قلت لك سابقا فليقول الكاذب ما يشاء
وليدعي بطولات وإنتصارات وهمية كما يشاء


Post: #31
Title: Re: عمل أخر في القناة الكويتية يستهزي بنا - هؤ�
Author: زينب محمد عبدالله
Date: 05-29-2018, 05:24 AM
Parent: #30


Post: #32
Title: Re: عمل أخر في القناة الكويتية يستهزي بنا - هؤ�
Author: مدثر صديق
Date: 05-29-2018, 06:37 AM
Parent: #25

سلام

Quote: زمن الأغوات


الاغوات سودانيين ؟؟؟؟؟؟؟؟


Quote: أيام البقط؟


سودان ( البقط ) هو السودان الحالى ؟؟؟

!!!
!

Post: #33
Title: Re: عمل أخر في القناة الكويتية يستهزي بنا - هؤ�
Author: حاتم إبراهيم
Date: 05-29-2018, 07:04 AM
Parent: #1

Quote: الاغوات سودانيين ؟؟؟؟؟؟؟؟

أبداً، مكسيكيين.

To the best of my knowledge!

___
أها.

Post: #34
Title: Re: عمل أخر في القناة الكويتية يستهزي بنا - هؤ�
Author: مدثر صديق
Date: 05-29-2018, 09:15 AM
Parent: #33

الاخ حاتم

Quote: أبداً، مكسيكيين.


الاغوات ما مكسكيين ..........الاغوات من اثيوبيا (الحبشة )

منقول من صحيفة عكاظ
https://www.0zz0.com

Post: #35
Title: Re: عمل أخر في القناة الكويتية يستهزي بنا - هؤ�
Author: حاتم إبراهيم
Date: 05-29-2018, 09:19 AM
Parent: #34

آآآي، خلاس كويس،
أنت صاح.

___
(أحباش) ساكت.

Post: #36
Title: Re: عمل أخر في القناة الكويتية يستهزي بنا - هؤ�
Author: مدثر صديق
Date: 05-29-2018, 09:24 AM
Parent: #35

Quote: شيخ أغوات مكة: بقي منا 8 فقط..


1من أين أتيتم؟ وكيف ترون الاهتمام بالأغوات؟

أصلنا من قرى ومناطق مختلفة في الحبشة، ونتحدث اللغة الحبشية إضافة إلى العربية،


...............



Quote: أنت صاح.


شكرا ياخ ........


Post: #37
Title: Re: عمل أخر في القناة الكويتية يستهزي بنا - هؤ�
Author: Mohamed Adam
Date: 05-29-2018, 11:09 AM
Parent: #36

Quote: عمل درامي يبث علي القناة الكويتية ويستهزئ بالشعب
السوداني وبالشخصية السودانية جسد العمل شخصية
السوداني على أنه كسول وينام باستمرار ويتصرف بسذاجة
وغباء و لا يستطيع الحديث الا بمساعدة كلمة

مادام السوداني، الكويتي، المكسيكي، الإسرائيلي،.. كل واحد،
قاعد يقول هذه حدودي وتلك هي حدودك والكل متمترس
ومؤطر نفسه داخل تلك الجغرافيا الضيقه وينسي أن
للإنسانية جغرافيا لامتناهية، يبقي منطقي جدا نجد مثل
هذا الكويتي، يستهزئ من السوداني والسوداني يستهزئ
من الصومالي وهكذا حروبنا الإنيانية قاعدة تدور فيما بينا من
قديم الزمان وحتي تأريخ هذا اليوم!
لأن حدودك الجغرافية(وطنك، سيادتك، علمك(رايتك)) ليست
هي بحدودي وإنما هي غيرية بالنسبالي وكمان سيادتي
ووطنيتي علي الدوام قاعدة تلقني تمجيدها وتبجيلها
ضاربة الحائط بكل سيادة ووطنية ما سواها واعني هنا ان
وطنيتنا مابتلقنا تمجيد وتبجيل وطنية وسيادة غيرنا)!!

يبقي،تمجيد السيادة الوطنية لايقبل تمجيد سيادتين في آن معا
لأن السيادة وتمجيدها نقص والناقص بطبعه يبحث ليكمل
نقصه في مكان آخر وبأي ثمن!!! 

الكويتي عشان يمجد سيادتو(نقصه) لازم يكون عنده مرجعية 
يقف منها ليكمل نقصه عشان يقدر يشوف نفسه العريانه
الخايف منها لما يكون براهو، وهذه المرجعية مافيش غير
الآخر الخارج حدوده الجغرافية المتمترس داخلها وهنا يمكن
لتعاسة حظ السوداني قام إختاره كمرايا يشوف فيها نفسه
العريانه دي !!

هسع كدا تابعوا رد أفعال الزملاء هنا فرقها شنو من الحرب 
العالمية الأولي والثانية!!

او فرقها شنو من هوشة صدام حسين لما قام إجتاح الكويت!!!

قايتو، في نظري مافي فرق بين هذا الكويتي المسكين وبينا
نحن بهذا البوست او بأي واحد آخر بأمريكا أوبأوروبا من
حيث السلوك والتمترس داخل إكليشيهات صنعناها بأيدينا!

Post: #38
Title: Re: عمل أخر في القناة الكويتية يستهزي بنا - هؤ�
Author: Nasser Amin
Date: 05-29-2018, 01:44 PM


جزء من مسلسل رمضاني "عزمي و أشجان" ح 10
بلا ابن النيل بلا مصير مشترك بلا بطيخ
انصح بالمشاهدة بعد الافطار , عشان التجريح وكدا




.....

Post: #39
Title: Re: عمل أخر في القناة الكويتية يستهزي بنا - هؤ�
Author: منتصر عبد الباسط
Date: 05-29-2018, 10:01 PM
Parent: #38

وأيضا بالنسبة لمصر لم يكن الأمر كما كان في الماضي
هنا الراحل سيد خليفة رحمه الله

ومن قناة المرحوم كباشي الصافي
كان عضوا بالموقع رحمه الله
الراحل المرحوم أحمد المصطفى


...............
وهنا الراحل المرحوم ابراهيم عوض


Post: #40
Title: Re: عمل أخر في القناة الكويتية يستهزي بنا - هؤ�
Author: حاتم إبراهيم
Date: 05-30-2018, 09:10 AM
Parent: #1



==============


منتصر مبسوط عشان أحمد المصطفى غنى مع صباح!

اضطروا يلونوا وشو بالأبيض ونسوا يدو السوداء!
شوف ابتداء من الثانية 48

Quote: سودت وجه السودان الذي كان وضيئا

فهل دا معني (الوجه الوضيء) حسب فهمك؟

Post: #41
Title: Re: عمل أخر في القناة الكويتية يستهزي بنا - هؤ�
Author: محمد عبد القيوم سعد
Date: 05-30-2018, 08:19 PM
Parent: #40



يعني بتاعين الفيديو الفوق دا عاملين مضحكة في اللون الاسود باعتبار قصة التلبط في آل البيت
وكدا
هو بالله آل البيت ديل لونهم شنو ؟

المهم شوية اقتباسات غايتو علها تساعد، علي الاقل بعض مما ورد بخصوص
الوانهم

ابن منظور، لسان العرب

والخُضْرَةُ في أَلوان الناس: السُّمْرَةُ؛ قال اللَّهَبِيُّ:
وأَنا الأَخْضَرُ، من يَعْرِفْني؟
أَخْضَرُ الجِلْدَةِ في بيتِ العَرَبْ
يقول: أَنا خالص لأَن أَلوان العرب السمرة؛ التهذيب: في هذا البيت
قولان: أَحدهما أَنه أَراد أَسود الجلدة؛ قال: قاله أَبو طالب النحوي، وقيل:
أَراد أَنه من خالص العرب وصميمهم لأَن الغالب على أَلوان العرب
الأُدْمَةُ؛ قال ابن بري: نسب الجوهري هذا البيت للهبي، وهو الفضل بن العباس بن
عُتْبَة بن أَبي لَهَبٍ، وأَراد بالخصرة سمرة لونه، وإِنما يريد بذلك خلوص
نسبه وأَنه عربي محض، لأَن العرب تصف أَلوانها بالسواد وتصف أَلوان العجم
بالحمرة. وفي الحديث: بُعثت إِلى الحُمرة والأَسود؛ وهذا المعنى بعينه
هو الذي أَراده مسكين الدارمي في قوله:
أَنا مِسْكِينٌ لمن يَعْرِفُني،
لَوْنِيَ السُّمْرَةُ أَلوانُ العَرَبْ

محمد النفس الزكية
حفيد النبي
قال عن نفسه
“وليس يمت أحد من بني هاشم بمثل الذي نمت به من القرابة والسابقة والفضل …
وإني أوسط بني هاشم نسبا وأصرحهم أبا لم تعرق في العجم ولم تنازع في أمهات
الأولاد فما زال الله يختار لي الآباء والأمهات في الجاهلية والإسلام حتى اختار لي في
النار فأنا ابن أرفع الناس درجة في الجنة وأهونهم عذابا في النار”
الطبري، التاريخ
"قال وحدثني عيسى قال كان محمد "النفس الزكية" آدم شديد الادمة أدلم جسيما عظيما وكان يلقب القارى من أدمته حتى كان أبو جعفر يدعوه محمما"
الطبري، التاريخ
والادمة سواد اللون
==================

Post: #42
Title: Re: عمل أخر في القناة الكويتية يستهزي بنا - هؤ�
Author: حاتم إبراهيم
Date: 05-30-2018, 08:25 PM
Parent: #41

الأخ أسود من آل البيت أو جيرانهم؟

Post: #43
Title: Re: عمل أخر في القناة الكويتية يستهزي بنا - هؤ�
Author: محمد عبد القيوم سعد
Date: 05-30-2018, 09:04 PM
Parent: #42

Quote: الأخ أسود من آل البيت أو جيرانهم؟


او يكون هم الي مننا

شوف دا

سعد بن ابي وقاص
"الواقدي عن بكير بن مسمار عن عائشة بنت سعد قالت كان أبي رجلا قصيرا دحداحا غليظا ذا هامة شثن الأصابع أشعر يخضب بالسواد.
وعن إسماعيل بن محمد بن سعد قال كان سعد جعد الشعر اشعر الجسد آدم (أفطس) طويلا"
الذهبي، سير اعلام النبلاء

Post: #44
Title: Re: عمل أخر في القناة الكويتية يستهزي بنا - هؤ�
Author: حاتم إبراهيم
Date: 05-30-2018, 09:11 PM
Parent: #1

إذن انت معني بالفيديو.

Post: #45
Title: Re: عمل أخر في القناة الكويتية يستهزي بنا - هؤ�
Author: منتصر عبد الباسط
Date: 05-30-2018, 10:27 PM
Parent: #44

ونسيت أن أذكر أن أول فلم سينمائي درامي سوداني
كان أنتاج وإخراج كويتي
فكان هو المخرج الكويتي خالد الصديق
والفلم كان فلم عرس الزين للطيب صالح
كان انتاجه في السبيعنيات من القرن الماضي
وقد قرأت في التسعينيات كتاب ألفه الكويتي خالد الصديق
يحكي فيه قصة اختياره لرواية عرس الزين للأديب الطيب صالح
وكذلك قصة مجيئه للسودان وإختياره للممثلين وإكتشافه لممثلين جدد
منهم على مهدي الذي أدى دور المبروك والفنان التشكيلي الأستاذ ابراهيم الصلحي الذي أدى أحد الأدوار في الفلم
وكان الصلحي وكيل وزارة الثقافة حينها فكان يزوره المخرج خالد الصديق
ليزلل له العقبات فأعجب بطريقة الصلحي في الكلام ووجده يناسب شخصية
رجل وقور في القصة فعرض عليه أن يقوم بالدور فقبل الصلحي .
وكذلك ذكر قصص ومواقف مرت به في اختيار الشخصيات والأدوار والبروفات وزيارة أماكن الأحداث في القصة في شمال السودان.
وقصة اشتعال النار وصناعة الحريق وما حدث من أمور فيها
وذكر أن هناك مرأة اختاروها للقيام بدور معين وسألوها هل بتعرف ركوب الحمير فقالت نعم بكل تأكيد وأنها بتركب الحمير عادة
ولما أرادوا تصوير لقطات ركوبها للحمار وضح لهم أنها لم يسبق لها
أن ركبت حمارا من قبل وتلتلتم تلتلة شديدة.
وهكذا كانت قصة الكتاب الملىء بالإثارة والأحداث
للمخرج الكويتي خالد الصديق


Post: #46
Title: Re: عمل أخر في القناة الكويتية يستهزي بنا - هؤ�
Author: منتصر عبد الباسط
Date: 05-30-2018, 11:37 PM
Parent: #45

Quote: منتصر مبسوط عشان أحمد المصطفى غنى مع صباح
يا حاتم ابراهيم
دا مستوى فهمك أصلا ول بتستهبل؟
علاقة ما أوردته بالإنبساط شنو ؟!
أنا لم أعلق على المشاهد أصلا
لكن كل ماحاول توضيحه هو تبيين
أن النظرة للسوداني والتعامل مع السودانيين
من تلك الدول في انحدار مستمر منذ تولي الكيزان
حكم السودان
وقلت هذا لتلافي الوضع
لكنك لا يعنيك ذلك
فأنت يبدو أنك المبسوط من الحاصل وليس أنا
أنا في غاية الأسف والحزن على ما آل إليه حال السودان


Post: #47
Title: Re: عمل أخر في القناة الكويتية يستهزي بنا - هؤ�
Author: منتصر عبد الباسط
Date: 05-31-2018, 01:03 AM
Parent: #46

مكرر

Post: #48
Title: Re: عمل أخر في القناة الكويتية يستهزي بنا - هؤ�
Author: منتصر عبد الباسط
Date: 05-31-2018, 01:09 AM
Parent: #46

بالنسبة لموضوع الأغوات
طبعا حاتم ابراهيم بسبب جهله وسطحيته
لا يعلم خلفيات نظام الرق وكيف يحدث الإسترقاق
ولا يعلم بأن الرقيق أصلا أسرى حرب
والسودان لم يخوض حرب في الخمسة قرون الأخيرة
مع البلاد الإسلامية بل تكونت دولة اسلامية في سنار
قبل خمسة قرون وقبلها دولة دارفور .
إلا دخول جيشي محمد علي باشا وكتنشر السودان
دونما حدوث استرقاق للسودانيين في معارك دارت بين
جيش المحتل والجيوش السودانية
فلو حتى تم أرسال رق من السودان
فبالتأكيد ليس الرقيق المرسل سودانيين
لأنهم أسرى مسترق نتاج حروب مع دول أخرى
وكذلك الحال مع الرقيق في اتفاقية البغط
هم أسرى لأعداء محاربين للنوبة وليسوا منهم
بالتأكيد .

Post: #49
Title: Re: عمل أخر في القناة الكويتية يستهزي بنا - هؤ�
Author: ترهاقا
Date: 05-31-2018, 03:57 AM
Parent: #48




عير مسألة السخرية وكده، تمثيل ركيك وضعيف يعكس ضعف
الابداع والجماليات في الانسان الكويتي

Post: #50
Title: Re: عمل أخر في القناة الكويتية يستهزي بنا - هؤ�
Author: عبد الصمد محمد
Date: 05-31-2018, 04:08 AM
Parent: #48

حاتم إبراهيم- مسترلخالف تذكر
دايماً تحاول تخم الناس بسيل من الفيديوهات أو الرسومات أو التخطيطات عشان تدعم بيها أي فكرة حتى لو كانت ساذجة وضعيفة
ما أي واحد ممكن ينزل ليك 30 فيديو ولا صورة تتكلم عن مناقب الشعب السوداني عبر التاريخ
مقارنة بتاريخ الأعراب الأجراب زي الشاب الحمش القارن فيها بين السودان في سنة 58 والكويت سنة 58
ولا انت نسيت إنه السودان على قول بشاشا معلم الدنيا ورب الحضارات- ما تجي تديه الفيها النصيب يا بشبش ولا عشان صاحبك
الصورة الرسمتها للسودانيين يا سيدي وبتعكس ظروف مؤقتة ليها أسباب كتيرة مؤقتة وانت سيد العارفين والتاريخ كتاب مفتوح قدامك
دي صورة بتشترك فيها من عدة قرون كل الدول في آسيا وإفريقيا الما قدرت تقوم على رجلينها لا سيما بعد العملوا الإستعمار فيها
يعني بتشترك في الصورة دي معانا إثيوبيا إريتريا تشاد كينيا غينيا وحتى الأعراب الأجراب لو ما البترول كانوا حينتظروا مواسم زي الحج عشان زول زي علي دينار
يجيب كسوة الكعبة وما ثقل من منافع الدنيا الأخرى يقتاتون منها
ثم السودان ما فيه قطاعات من العمالة بتهاجر من الغرب للشرق وتشتغل شغل أشق من أي يفكر فيه الأعراب الأجراب دعك من أن يمارسونه زي الفي مناطق الزراعة الآلية زي القضارف
يعني في مليون زاوية (غير خالف تذكر) كان ممكن تتناول منها الموضوع وتكون موضوعي بدون ما تزيد السياط على ضهر الضحية

Post: #51
Title: Re: عمل أخر في القناة الكويتية يستهزي بنا - هؤ�
Author: حاتم إبراهيم
Date: 05-31-2018, 05:12 AM
Parent: #1

Quote: يعني بتشترك في الصورة دي معانا إثيوبيا إريتريا تشاد كينيا غينيا

انت قاصد ياتو فيديو:
1- بتاع موضوع السراير
2- ولا بتاع الفنان الضربوا وشو بالجير عشان (يأنتم) من الجلد الأبيض المتوسط
3- ولا فيديو (البطاقة والخُمُسَة)

___
للضمان كدي ردي على الاقتباس: ما بنطير برانا

Post: #52
Title: Re: عمل أخر في القناة الكويتية يستهزي بنا - هؤ�
Author: عبد الصمد محمد
Date: 05-31-2018, 05:23 AM
Parent: #51

يا حاتم ياخي ما تخلي نظرتك سطحية
أنا ما ممكن أحكم حكم عام إعتماداً من فيديو واحد ولا صورة واحدة ولا ظاهرة واحدة دا كلام ما علمي
قصدي المجتمعات دي كلها بتعيش نفسية واحدة ومضافة إليها مجتمعات أسيوية كتيرة
لو مشيت إنجمينا ولا أديس ولا كمبالا ولا اسمرا ولا جيت عاوز تقهو (القهوة بالتمر) معانا في السعودية
بتلقى المجتمعات دي كلها القاسم المشترك بينها انها ما عندها حوافز للإنتاج في بلادها
لكن لما الفرد منهم يهاجر لبلد فيها حوافز إنتاج النفسية وبالتالي العقلية بتتغير
وحتشوف سوداني جديد وحبشي جديد وكيني جديد- بني آدمين ممكن الواحد يشتغل 12 ساعة في اليوم و7 أيام في الأسبوع
الغوص في أعماق الظاهرة مهم قبل إصدار الأحكام المتسرعة

Post: #53
Title: Re: عمل أخر في القناة الكويتية يستهزي بنا - هؤ�
Author: حاتم إبراهيم
Date: 05-31-2018, 05:48 AM
Parent: #1

Quote: بتلقى المجتمعات دي كلها القاسم المشترك بينها انها ما عندها حوافز للإنتاج في بلادها
لكن لما الفرد منهم يهاجر لبلد فيها حوافز إنتاج النفسية وبالتالي العقلية بتتغير

حافز أكتر من الجوع؟

___
بقول ليك السراير في مؤسسات الدولة!

Post: #57
Title: Re: عمل أخر في القناة الكويتية يستهزي بنا - هؤ�
Author: عبد الصمد محمد
Date: 05-31-2018, 01:40 PM
Parent: #53

حافز أكتر من الجوع؟

++++++++++++++++++++++++++++
وجا يكحلها عماها
كل يوم يتأكد لي يا حاتم انك زول مدّعي وصعب عليك تضع نفسك موضع انك بشر عادي بغلط ومفروض بشجاعة يعتذر عن غلطه
عقلية عنزة ولو طارت دي ما حلوة ياخ
يقولوا ليك حافز تقول الجوع
كانك ما بتفرق بين السبب والنتيجة
فهم زي دا الناس اتجاوزوته من زمان ياخي
ياخ حتى الجلد منعوه في المدارس
الجوع والالم والفلس وغيرها دي نتايج ما حوافز
الجوع نتيجة يا مافي أكل يا مافي شغل يا مافي حوافز لأي من دا
ممكن النتيجة تحرك الإنسان عشان يتلافى حدوثها ما أكتر
لكن الحوافز دي البتحرك الإنسان من داخل يعني بتشجعه ينتج فوق حدود المطلوب
لأنه مع زيادة الناتج بزيد الحافز بتذيد الدوافع الداخلية
لكن مع الجوع كل عقلك بيكون محصور في حدود ما يزيل الجوع وبس
لما الأرض تكون منتجة مربحة دي ممكن تكون حافز للزراعة وإلا الهجرة للمدن وغسيل العربات أكثر حافزية منها
لو الجوع كان حافز ما كان الناس هاجرت وبذلت أضعاف مضاعفة من الجهد الكان بتبذله في وطنها
حافز يعني motivation


Post: #54
Title: Re: عمل أخر في القناة الكويتية يستهزي بنا - هؤ�
Author: حاتم إبراهيم
Date: 05-31-2018, 05:55 AM
Parent: #1

Quote: او يكون هم الي مننا

شوف دا

سعد بن ابي وقاص
"الواقدي عن بكير بن مسمار عن عائشة بنت سعد قالت كان أبي رجلا قصيرا دحداحا غليظا ذا هامة شثن الأصابع أشعر يخضب بالسواد.
وعن إسماعيل بن محمد بن سعد قال كان سعد جعد الشعر اشعر الجسد آدم (أفطس) طويلا"
الذهبي، سير اعلام النبلاء

يا كمان المذكور والمذكورة أعلاه (قرايبك).

___
فنحن أقرب، أو كما غال داكا

Post: #55
Title: Re: عمل أخر في القناة الكويتية يستهزي بنا - هؤ�
Author: Deng
Date: 05-31-2018, 06:33 AM
Parent: #54


Quote: بالنسبة لموضوع الأغوات
طبعا حاتم ابراهيم بسبب جهله وسطحيته
لا يعلم خلفيات نظام الرق وكيف يحدث الإسترقاق
ولا يعلم بأن الرقيق أصلا أسرى حرب
والسودان لم يخوض حرب في الخمسة قرون الأخيرة
مع البلاد الإسلامية بل كون دولة اسلامية في سنار
وقبلها في دارفور .
فلو حتى تم أرسال رق من السودان
فبالتأكيد ليس الرقيق المرسل سودانيين
لأنهم أسرى مسترق نتاج حروب مع دول أخرى .


منتصر عبد الباسط.

كده قبل ما تصف حاتم بالجهل.

أنت ما سمعت بي معاهدة البقط؟؟


Post: #56
Title: Re: عمل أخر في القناة الكويتية يستهزي بنا - هؤ�
Author: بدرالدين بابكر مصطفى
Date: 05-31-2018, 12:37 PM
Parent: #55

أنت ما سمعت بي معاهدة البقط؟؟

يا دينق .. كدي عليك الله اصبر شوية

Post: #58
Title: Re: عمل أخر في القناة الكويتية يستهزي بنا - هؤ�
Author: منتصر عبد الباسط
Date: 06-01-2018, 03:11 AM
Parent: #56

Quote: منتصر عبد الباسط.

كده قبل ما تصف حاتم بالجهل.

أنت ما سمعت بي معاهدة البقط؟؟
سؤالك دا يجاوب عليه بشاشا
لماذا قبل النوبة حكام الدولة المسيحية دولة المقرة بهذا البند من الإتفاقية
الذي تسأل لأجله ؟!
أعتقد أن النوبة هذا البند لم يكن صعبا عليهم فيبدو أن الرقيق من أسرى الحرب
متوفر عندهم أكثر من غيره فلذلك قبلوا به في حين كان الممكن استبداله
ولكنه ناسبهم كما كان يبدو.
والرق كان منتشر بين كل شعوب وديانات العالم ولم يسلم جنس من الأجناس من الرق
وجماعتك الأمريكان مارسوا الرق بصورة مخالفة وغير مقبولة
من خطف وإذلال للأفارقة الذي كان غالبيتهم من المسلمين حولوهم لنصارى بعد أن كانوا مسلمين
وحولوهم لعبيد بعد أن كانوا أحرار وهم لم يكونا جنود في حرب بل كانوا عزل
فلم يتبع القراصنة هؤلاء ورعاة البقر الأمريكان هؤلاء أي ضوابط شرعية أوعرفية
في ممارستهم للرق .

Post: #60
Title: Re: عمل أخر في القناة الكويتية يستهزي بنا - هؤ�
Author: Ali Alkanzi
Date: 06-02-2018, 04:00 PM
Parent: #58

الاخ الاستاذ زهير
لك ودي وصيام مقبلو
سمعت الاخ حاتم ابراهيم
قال:

Quote: وحالياً مكاتب الدولة فيها السراير، تاني شنو؟

يا راجل سراير بس؟
انا في سنة ٢٠٠٢ كنت اتابع تصديق اجلاس مدارس قريتي والتصديق طلع من الاستاذ علي عثمان طه بصفته نائب رئيس الجمهورية موجها وكيل وزارة التربية والتعليم جبهجي ذو شأن
وبعد داك رقوهو لمرتبة وزير اتحادي وشغل وزارة شغلت الناس كثيراً
اقسمك بالله
خشيت مكتب الوكيل هذا والدنيا منتصف النهار وتعال شوف التلفزيون والجلسة مع المقربين في الوزارة وربما بعض اصدقاء الوكيل بتفرجو في كورة كأس العالم واظنها كانت في اليابان وكوريا
وكان معي شخص آخر واستفزني الموقف المتسيب وغضبت في الوكيل ومن معه مما اضطر مرافقي للانسحاب خوفاً من وصول الامن وحملنا للاعتقال
والله سلم فقد تفهم الناس لغضبي وكانت فرجاً لتسهيل استلامنا للمقاعد الدراسية وكل اثاث له علاقة بثلاث مدارس في قريتي بولاية النيل الابيض
وما زال الاثاث باقياً إلى يومنا هذا في خدمة الطلاب والطالبات بمدارس قريتنا
لهذا يمكن ان تتصور كل شئ في مكتب المسئول الرفيع في السودان
مش سرير بس؟

Post: #61
Title: Re: عمل أخر في القناة الكويتية يستهزي بنا - هؤ�
Author: حاتم إبراهيم
Date: 06-22-2018, 07:58 AM
Parent: #60

فعلاً يا كنزي
سلوك غير مشرف بالمرة
The office is for work

Post: #62
Title: Re: عمل أخر في القناة الكويتية يستهزي بنا - هؤ�
Author: حاتم إبراهيم
Date: 06-22-2018, 08:01 AM
Parent: #1

Quote: سؤالك دا يجاوب عليه بشاشا
لماذا قبل النوبة حكام الدولة المسيحية دولة المقرة بهذا البند من الإتفاقية
الذي تسأل لأجله ؟!
أعتقد أن النوبة هذا البند لم يكن صعبا عليهم فيبدو أن الرقيق من أسرى الحرب
متوفر عندهم أكثر من غيره فلذلك قبلوا به في حين كان الممكن استبداله
ولكنه ناسبهم كما كان يبدو.

ديل ما نحنا
أعتقد إنو بشاشا رد على جنس (محاولتك) دي بأنها (عوارة)
قبل (تزعة) سنوات هنا

Quote:
Quote: فالنوبيين لم يكونوا في يوم من الأيام عبيدا ، بل لي أن أزعم بأنهم كانوا أسيادا مالكين لعبيد


Quote: عجبي!

السيد ولياب،
دي عوارة!
لمعلوميتك، اول من استعبد من بين السود هم النوبيين، وبذلك ماتعرضو له علي مدي اكثر من 2000، من قهر ازلال وابادة، لم تتعرض له، اي مجموعة اخري، في عالم اليوم!

لهذا، اجد نفسي، اقبل حتي ذرات الرمل اللتي تطاها، اقدام اهلي، من افارقة امريكا!

لانهم بصمودهم، العذب، كما اجدادي النوبين، قهرو جلاديهم، لتقتحم ميشيل اوباما، عرين السيادة، البيضاء!

العالم، ضمنيا، يعترف بعظمة مسيرة وقصة حياة الافريقي والافريقية، ميشيل واوباما، الشاقة والطويلة في سبيل الانعتاق والتحرر من نير العبودية!

احساس امثال ولياب بالعار، بدل الاعتداد، كsurviver حقيقة مخجل، ده غير مدمر، بحق وحقيقة!

وياللغرابة، من جانبي، اعشق، قصص مسيرة استعبادنا، كنوبيين، خاصة، وكقوم سود عامة!

هي ملهمة لي، حقيقة!

راجع تاريخ الغرب والانسان الابيض، في مصرنا القديمة!

شامبليون، تعجب بل انبهر، من التقدم الذي احرزه الانسان الابيض، في مسيرته، من اغلال العبودية في مصر القديمة، الذي احتل مؤخرة بشرية ذاك الزمان بامتياز، مصور، كمتوحش، تغطي عورته، قطعة من جلد الثور، والي مصاف الهيمنة المطلقة، في عالم اليوم!

فالحضارات، دول، نعم، تسود لحين مقدر، ثم تنهار، لعجزها علي التاقلم، لتستلم الراية، حضارة اخري، اكثر تاهيل، وهكذا!

فهم ماحدث لنا، ويحدث، في سياقه التاريخي، حرج للغاية!


Re: هل حـقـًا النوبيــون عبـيـــد Re: هل حـقـًا النوبيــون عبـيـــد


فهمت يا جهول ولا تحب يرد عليك بشاشا؟


بخلاف العوارة، أنا عندي ليك إضافة أخرى
لأنو في الحالة دي السؤال: أنت الجبرك شنو تقدم بشر ضحية؟
الطاعة والولاء، مش؟
ولا يمكن الخوف!

عندما قلت (نحن شعب منحط) كنت أقصد الغالبية التي تعتقد في هذا القول أعلاه.
والتي تتملص من إرث العبودية بمثل هذه الحيل القديمة والتي لا تجدي إلا في إثبات الحالة.

الغالبية التي لا ترغب في الحرية وإن فتح لهم بابها
يخافون أن (الله) لم يعطهم عقلاً يعيشون به، كما النمل والنحل!

___
وقع ليك؟