مرات أقول أديلو كلمة تزعله : عن إذنك دقايق يا الجابري و اعتذر

10:49 PM May, 23 2018

سودانيز اون لاين
محمد عبد الله الحسين-
مكتبتى
رابط مختصر

مرات أقول أديلو كلمة تزعله : عن إذنك دقايق يا الجابري و اعتذر

معقولة ياخ؟ للدرجة دي؟

‏ ياخ معليش....ما في داعي اصلاً..‏

مرات تضطر ان تكظم غيظك..ليس لسبب إلا احتراما لذاتك و احتراما ‏لآخرين فوق مستوى الترهات و الهبل.‏

خاصة لما تشوف كلمات شاذة و عبارات نافرة و مستفزة ما في داعي ‏لها اصلا >>>>


......و لكنها تخرج من نفس بيئسة و رغبة كئيبة في تلوين العالم ‏بالكآبة و النتانة.‏

هي كلمات تطلع من روح مريضة..‏
روح تمارس في حقدٍ سادية متوحشة..‏
سادية في حد ذاتها رد فعل لإحساس قديم و متجذر بالضعف الداخلي..‏
تعويض بالانتقام من قسوة سابقة لربما في الطفولة..‏
روح منهزمة..روح مدمِرة لأنها مدمَّرة..فاشلة ساقطة
روح يسيئها أن ترى النجاح و الود و الوئام و الحب...‏

معقولة في ناس بهذا المستوى من الخراب و الانهزام و الحقد؟؟
تخيّل شكل المنبر لو كل الناس تمارس هذه اللغة الهابطة و العبارات ‏البايخة...و الصيد في الماء العكر و التربص؟
طبعا ما صعبة إنه أي زول يعمل كده..‏

‏.....لأنها ليست شطارة و لكنها نذالة.... و ليست شجاعة و لكنها جبن ‏‏(متواري)...

....و ليس ذكاء و لكنها خسة و فراغ يُزْجى في التتبع و القرصنة ‏و التربص الخبيث الذي لا يليق إلا بصاحبه...‏

و لكن النفوس الطيبة تشمئز من هذا المنحى... ‏

تحياتي الطيبات للأرواح السمحة و النفوس الطيبة التي تحن و تدعو ‏للحب و الخير و الجمال...‏

شفاك الله من أمراضك!‏

عافاكم الله و تحياتي للجميع

‏ و رمضان كريم ‏

سلام،

كملها عشان ترتاح:


لكنى قبال ابدا بلحظات اقيف اتاملو
الضحكة واللفته البتاخد من عيونى النوم شهور وتجفلو
وانسى العتاب الكنت ناوى اقوله وارجع منهزم

بالفعل يا أستاذ محمد عبدالله انت زول نضيف وقلبك أبيض لكنك بتتخيل الدنيا دي كلها قلوبها صافية زيك
للأسف في هذا الفضاء الذي لا يتواجه الناس فيه وجهاً لوجه
تجد هنالك دوماً من يعكر صفو مزاجك قصباً عنك
هنالك نفوس مليئة بالعقد وتفرغ ما في داخلها في المنبر حتى تنتقم من كل من يبدو عليه راحة النفس والبال
أنسى يا حبيب فهم المرضى وليس انت فلا تعطهم الفرصة ليوصلوا نكدهم اليك
وودي

الأخ بو الريش
تحياتي

خلاص حأكمّلها عشان خاطرك :
(لكنى قبال ابدا بلحظات اقيف اتاملو
الضحكة واللفته البتاخد من عيونى النوم شهور وتجفلو
وانسى العتاب الكنت ناوى اقوله وارجع منهزم)
عشان خاطرك بس لأنه الأنوع دي ما عنده احساس ..لايوق و لزجزي مكا قال اخونا ابوسن في بوست جديد...
العتاب للناس البينك و بينهم مودة..الناس المحترمة، الناس البتحس ، الناس اولادالناس، مش الناس(......)
اعوذ بالله من الشيطان الرجيم الدنيا رمضان..

الأخ الوريف
عبدالغني
اشكرك كثيرا على كلماتك المعزية:و على احساسك العالي:

(للأسف في هذا الفضاء الذي لا يتواجه الناس فيه وجهاً لوجه
تجد هنالك دوماً من يعكر صفو مزاجك قصباً عنك
هنالك نفوس مليئة بالعقد وتفرغ ما في داخلها في المنبر حتى تنتقم من كل من يبدو عليه راحة النفس والبال
أنسى يا حبيب فهم المرضى وليس انت فلا تعطهم الفرصة ليوصلوا نكدهم اليك
وودي)
مودتي

Quote: أديلو

كامل عبدالماجد ما قال كدا
ولا الجابري قال كدا
ولا زمراوي ولا مبارك الجابري ولا محمود عبدالعزيز ولا مصطفى حمزة ولا نسرين هندي ولا فرفور
ولا حتى الأولاد الصغار ناس كبسون اسماعيل و عبدالخالق الدولي ما قالوا كدا
فعليك الله ما تخرب الغُنا

بس كده؟

دي الحاجة الوحيدة البتستحق التعليق في موضوعك دا
لكن طالما ما إستقليت كلامي دا خليني أزيدو ليك بسؤال صغير

Quote: هي كلمات تطلع من روح مريضة..‏ روح تمارس في حقدٍ سادية متوحشة..‏ سادية في حد ذاتها رد فعل لإحساس قديم و متجذر بالضعف الداخلي..‏

إنت كبف عرفت إنك مستثنى من الحاجات دي؟

هسه زي ده يقولوا عليه شنو؟؟ ‏ثقالة؟ بياخة؟ لآمة..قلة...؟
(كامل عبدالماجد ما قال كدا‎ ولا الجابري قال كدا‎ ولا زمراوي ولا مبارك الجابري ولا محمود عبدالعزيز ولا مصطفى حمزة ولا ‏نسرين هندي ولا فرفور‎ ولا حتى الأولاد الصغار ناس كبسون اسماعيل و عبدالخالق الدولي ما قالوا كدا‎ فعليك الله ما تخرب الغُنا)‏لم استقليك...زي ما ذكرت لكن فضلت في الأول ألا أعلق على كلامك(الما ‏بتهضم أصلا )بما مفروض أعلق عليه...و لكن طالما لفّيت و جيت بقولها ليك... ‏كلامك و تعليقك لا يستحق أساسا...بدل تذكر فلان و فلان و فلان ده ...‏طيّب إنت مقوم نفسك فوق كم؟ انا ما غنّيت الأغنية عشان اخربها ..و تانيا انت ما ‏الشاعر عشان تحتج..و تالتا أنا مخيّر اكتبها زي ما عايز؟؟
شكلك عايز ليك موضوع من مافي..بالله بطّل هيافة و لزوجة لياقة (من لايوق) و مواضيع فارغة..
و لو سمحت و شوف ليك محل تاني غير بوستي ‏ده تنفث فيه ما بداخلك..و تقضّي فيه وقت فراغك و تقول ليك حاجة مفيدة ‏للناس..

و اقول ‏لغاية هنا كفاية...‏

Quote: ثقالة بياخة لآمة ..قلة... (المقصود بالثلاث نقاط كلمة أدب لتُقرأ قلة أدب) هيافة لزوجة لياقة (من لايوق) فارغة

دي كلماتك القلتها لي في مداخلة واحدة
سؤالي ليك بطريقة تانية
العبارات النافرة و المستفزة، مثل التي في الإقتباس أعلاه، لما تطلع منك إنت، كيف نعرف إنها ما طالعة من نفس بيئسة و رغبة كئيبة في تلوين العالم ‏بالكآبة و النتانة؟

ثقالة
بياخة
لآمة
..قلة...

ديل سحبتهم مالك؟
أليست كلمات تدعو ‏للحب و الخير و الجمال؟

سلامات استاذ محمد و مولانا حافظ

احياناً الهدف واحد و السبل مختلفة، لكن لان الكلمات لا تملك وجهاً و ملامح،

فأن سوء الفهم يصبح سيد الموقف . يا مولانا هذا أيضاً ماحدث هناك، حيث

قلت لنفسي: كيف لمولانا أن يعدم المجني عليه؟

و لكنه سوء الفهم، فعذراً يا مولانا.

الأخ محمد عبدالله لكم التقدير و الإحترام.

أخونا ود الحسين
قول بسم الله ،،، مالك يا خوي ؟
الموضوع ما يستاهل حد الحرابة الكتبتوا دا
وذي ما قالوا ( أعذب الشعر أكذبه ) أو كما قيل على الرغم من أن القيل ما فيهو عذوبة ولا يحزنون

غايتو بالغتا بيليغ ما بعده بيليغ
تيك إت إيزي يا حبيب

مرات زعل الحبيب بحرك الفتورالحاصل في العلاقة
وبوري مدى غلاة وتقدير الطرف الآخر في حالة تقبله للكلام البزعل من عدمه
وممكن ما يكون كلام بزعل،،،، يمكن يكون نقد بسيط
ودا برجع لتقدير الطرف المُنتقد


نهارك سعيد مع الأماني بإفطاراً هنياً شهياً
وصوماً مقبولا

الأخت نعمات
شكرا لمبادرتك الكريمة و لروحك السمحة و حسن الخصائل و السجايا..‏
جئنا لهذه الدنيا و للمنبر لنقول ما يفيد و لنكسب الصداقات لا العداءات...و المنبر ‏يشهد..‏
ترفعت في الأول على ألا أرد على من ظلمني و هو يقصد...‏
فاضطررت... ...و من اضطر غير باغ و لا عاد فلا إثم عليه..‏
و لا ألجأ للكلمة النابية أو السخرية أو الشتم و لا أحب الجهر بالسوء...‏
و الله يقول:‏
‏( لَّا يُحِبُّ اللَّهُ الْجَهْرَ بِالسُّوءِ مِنَ الْقَوْلِ إِلَّا مَن ظُلِمَ ۚ وَكَانَ اللَّهُ سَمِيعًا عَلِيمًا)‏
أشكر لك مسعاك
و لا مشكلة لدي فيدي بيضاء و قلبي أبيض..‏
مودتي

الأخ سيف
تحياتي
شكرا على كلماتك الطيبة و على شعورك النبيل...
أنا لم ابالغ...فإذا تابعت تسلسل البوست ترى ذلك...
طبعا البوست لم أقصده هو...بالاساس يعني...و ما عندي معاه أي حاجة..
و للآن ما عنده معاه حاجة لكنه اتعود كم مرة يدخل دخول خشن و حاولت اتفاده لكنه مصر...
يعني هسه دخولف تعليقه الاولاني ده في داعي ليه لو زول متلقي حجج؟؟؟ ارجو راجع كلامه..
في الختام أشكرك على حسن ظنك
مودتي

شكراً الأخ الدكتور محمد

انتو الأثنين قلوبكم نقية و طيبة . و زي ما قلتم نسأل الله ان يوفقنا لما ينفع و يقينا شر أنفسنا. تحياتي للأخ سيف و ضيوفك الكرام .
مودتي.

شكرا الأخت نعمات
ما دام هو كما قلتِ...فأنا أقدم اعتذاري و تراجعي عن كل ما قلته له...
و أنا أساسا لما الواحد يزعل مني أو أزعله أو يزعلني ما بكون مرتاح...

شكرا ليك
و احتراما للأخت نعمات و الأخ سيف

أقول يا أخ حافظ اعتذر لك و لا أحمل لك حاليا أي ضغينة أو أي شيء..

الأخ محمد عبدالله الحسين،
أعتذر عن مداخلتي الأولى،
الحقيقة ظننت أنك تناقش كلمات أغنية الجابري، ولم أعرف أنك تسقطها على موقف أو حالة بعينها، وإلاّ لم أكن لأتداخل.

عذراً.

Quote: كيف لمولانا أن يعدم المجني عليه؟

سلام أختنا نعمات حماد
مولانا أصلاً ضد الإعدام كعقوبة و يظن مولانا أنه توجد معالجات أفضل بكثير من الإقصاء.
لا يوجد ما يتطلب الإعتذار يا دكتورة و سوء الفهم مُبَرَر في جو ذلك البوست المشحون بالتوتر.
و بالمناسبة أنا ذاتي من الناس البريمة ساكيهم و قال داير يربطهم في كراع عنقريب.

الأخ ابو الريش

شكرا لروحك الجميلة.. ما في مشكلة يا صديق ...انت ما علطت و مرحب في أي وقت..

Quote: الأخ محمد عبدالله الحسين، أعتذر عن مداخلتي الأولى، الحقيقة ظننت أنك تناقش كلمات أغنية الجابري، ولم أعرف أنك تسقطها على موقف أو حالة بعينها، وإلاّ لم أكن لأتداخل. عذراً..

لك مودتي

لكن يا مجيدو هي وينها لكن

لكن يا مجيدو هي وينها لكن

حبيبنا abas تصسوم وتفطر على خير رمضان خش العضام والله شنو ؟؟؟

حذفت للتكرار

Quote: أقول يا أخ حافظ اعتذر لك و لا أحمل لك حاليا أي ضغينة أو أي شيء..

شكراً للإعتذار على كل حال
ولكن حقيقة أنا لم أفكر في أنك تحمل لي ضغينة لا حالياً و لا مسبقاً
الموضوع برمته عندي ليس شخصي.
و لكنه إختلاف بين رأيي و رأييك
قد لا يعجبني رأييك و ليس بالضرورة أن أحترمه لأني قد أراه غير جدير بذلك و لكن قطعاً عليَّ أن أحترم حقك في إبداء رأيك و علاوة على ذلك حكمي يكون على رأييك محل خلافي معك فقط و لا ينصرف إلى شخصك و لا يتعدى إلى بقية آرائك و كتاباتك.
فشخصك محل كل إحترامي و تقديري في كل الأحوال.
أضف إلى ذلك أنني أعبر عن رأيي بالطريقة التي أختارها أنا وليس بالضرورة أن تناسبك هذه الطريقة، واجبي فقط أن لا أعتدي عليك و لكن أن أدخل مدخلاً ناعماً او خشناً هذه مسألة أختارها أنا.

موضوع بوستك هو إستياءك من العنف الفظي المستشري في المنبر.
واحدة من مشكلات هذا المنبر هو عدم القدرة على تحمل الآخر المختلف.. لذلك يسرع الناس للعنف اللفظي عند إختلافهم. بالطبع هذا أمر غير محمود.
دخلت هذا البوست لأقول لك أنك أيضاً قليل القدرة على تحمل الآخر المختلف. وأن اول مداخلة لك فيه تشي بضيقك بالآخر المختلف.
و أن بوستك هذا لا يعدو أن يكون محاولة للتجمُل على حساب الآخرين.

بيشتكي من العنف اللفظي الليلة بتاع البورنو وناديا هيلتون دا؟

______
"أديلو" دي بيكون لقطها من الغاهرة، يزبط بيها اللغة الزايغة.

انا اعتذرت ليس لأني غلطان و لكن لمناشدة بعض الأعضاء خاصة الأخت نعمات..‏

اعتقد أي عضو المفروض يحترم رالعضو الآخر حتى و إن لم تتفق معه لأنه ليس ‏بالضرورة..كما أنه ليس من حق العضو أن يدخل البوست و يفرض رأيه أو يفرض على ‏صاحب البوست أن يغيّر رأيهاحتراما له و لوجهة نظره ..هذه اساسيات..هذه كمن يدخل ‏دار شخص و يفرض عليه شيء.و انت مولانا كما عرفت فلا أظن هذه تفوت عليك.‏
إذا اختلفت مع وجهة نظر معينة بسرد وجهة نظري بكل ذوق و احترام و بلغة تحترم ‏الجميع..بعد ذلك إذا أنا مصر على وجهة نظري المعارضة بفتح بوست اعرض فيها ‏وجهة نظري المخالفة و لكن لا أفرض على صاحب البوست تغيير اراءه.‏

اللغة الخشنة و المخاشنات و الملاسنات و التعبيرات غير المنضبطة بتقود لمشاحنات و ‏لردود أفعال كالتي نعاني منها..‏
‏ أنا في كل البوستات أي إنسان محترم بيعرض وجهة نظره بشكل محترم بقبل وجهة ‏نظره و إن كان مخالفة..هذا أدب الحوار..الإنسان ليس حر في اختيار أسلوب حديثه مع ‏الآخرين لابد من الاحتام و اختيار الألفاظ اللائقة..الالفاظ الخارجة مكانها الشوارع..‏
‏ في الختام اعتقد كل واحد طرح وجهة نظره و الموضوع أخذ أكثر مما يجب..‏
مع احترامي

الأخ حاتم
لو استخدمت أي مفردة أو نعت من قاموس(.......)لأصفك به فهو سيليق بك تماما ..
tأنت اصبحت lملطشة و مطرودا كالأجرب من كل البوستات و أصبحت كالكلب العقور الذي يلهث ‏في باب كل بوست>>>

و آسف لكي أصفك بهذا الوصف احتراما للكلب..‏

إذن
أنت تحدثنا عن الفضيلة في بوست تطارد فيه أخبار ممثلات البورنو!
ثم تشتم كالكلب العقور في بوست تتظاهر فيه بتعففك عن خشن الألفاظ!

Too bad example

يا محمد عبد الله الحسين
ماي ميشن في البوست دا إنتهت لما إتفضح إسترزاقك من الكلام المجاني
حكاية تعمل فيها إنك بتعاين للزملاء في المنبر من برجك العالي الفوق مستوى الترهات و في اول ملف تنبهل شتايم و إساءات شخصية و غير موضوعية.. الكلام دا بيوضح إدعاءك الكاذب.
ذيس إز ماي ميشن في البوست دا
كونك تستفيد من التجربة او ما تستفيد دا خارج الميشن بتاعتي
فكل الذي عليَّ هو نحت القوافي في مدارجها و ما عليَّ إن لم تفهم البقر
I can lead a horse to water, but I can't make it drink

المداخلة دي خارج الميشن بتاعتي و كتبتها ليك إنت مخصوص عشان شايفك قطعت ليك مداخلة من نص راسك دا و رديت عليها بإعتبار إنها مداخلتي

Quote: في الختام اعتقد كل واحد طرح وجهة نظره و الموضوع أخذ أكثر مما يجب.‏

طبيعة هذا المنبر تفاعلية، أنت تطرح وجهة نظر و من حق الأعضاء التفاعل معها سلباً او أيجاباً. ليس من حقك منع الأعضاء من التداخل و لا تحديد عدد مداخلاتهم. و إذا مغالطني أسأل بكري سيد الحوش.

Quote: أنا في كل البوستات أي إنسان محترم بيعرض وجهة نظره بشكل محترم بقبل وجهة ‏نظره و إن كان مخالفة..هذا أدب الحوار..الإنسان ليس حر في اختيار أسلوب حديثه مع ‏الآخرين لابد من الاحتام و اختيار الألفاظ اللائقة..الالفاظ الخارجة مكانها الشوارع..‏

أنا لم أقل أن الإنسان حر حرية مطلقة في إختيار أسلوب حواره و إستراتيجيته بل قيدت هذه الحرية بعدم الإعتداء على الآخرين. و أتحداك تطلع من مداخلاتي أي كلمة مسيئة لك بصورة شخصية.
مسألة تقديرك لما هو لائق من الفاظ أم لا مسألة ترجع لك و أنت حر في حكمك على الألفاظ و لكني غير مقيد بأحكامك.
لا أهتم كثيراً بإحترامك او عدم إحترامك لي او لوجهة نظري. و لكني أتمسك بحقي في عرض وجهة نظري و أطالبك بإحترام هذا الحق.

Quote: إذا اختلفت مع وجهة نظر معينة بسرد وجهة نظري بكل ذوق و احترام و بلغة تحترم ‏الجميع.بعد ذلك إذا أنا مصر على وجهة نظري المعارضة بفتح بوست اعرض فيها ‏وجهة نظري المخالفة و لكن لا أفرض على صاحب البوست تغيير اراءه.‏‏

أنا لم أجد وجهة نظرك تحترم الجميع و لذلك تداخلت.. و لا أظن أن الإحترام يتأتى مع وصف للأعضاء بأنهم أصحاب نفوس مريضة و عقد متجذرة من زمن الطفولة.. و لا أظن أن حواراً محترماً يمكن أن يتجاوز الموضوعي إلى الذاتي.
أنت حر في إختيارك لأسلوب أن تفتح بوست منفصل لطرح وجهة نظرك المخالفة و لكن لا تفرض عليَّ إختيارك. فأنا أفضل أن أكمل كل نقاش في البوست الذي إبتدأ فيه لأن في ذلك ترتيب لوجهات النظر المختلفة في مكان واحد.
أنا لا أفرض عليك تغيير أرائك و أنت كشخص واحد لست محور إهتمامي مطلقاً. أنا أعرض بضاعتي لكل من يشتري. أما أنت فكما قلت لك قول البحتري سابقاً

Quote: انا اعتذرت ليس لأني غلطان و لكن لمناشدة بعض الأعضاء خاصة الأخت نعمات‏

أنا أصلاً قلت لك أن لا حوجة للإعتذار سواء كان نابع من ذاتك او إستجابة لطلب زملاء آخرين.
و لا يوجد بيني و بينك ما يتطلب الإعتذار.
في أي وقت تطرح وجهة نظر و أشوف إني ممكن أعلق عليها حأعلق.. إنت تزعل، تبكي، تكورك، تفتح بوست تاني، إنت حر و بطريقتك.

Quote: حكاية تعمل فيها إنك بتعاين للزملاء في المنبر من برجك العالي الفوق مستوى الترهات و في اول ملف تنبهل شتايم و إساءات شخصية و غير موضوعية.. الكلام دا بيوضح إدعاءك الكاذب.

مش كدة بالله!
مدعي خلاس أبو جذوة حية دا، وغير راشد أبداً.

___
بيذكرني الخطباء بتاعين السوق ديلك، يقربوا يبكوا في الوعظ، وفي اللعن قوم منهم جاري.

نعتذر للاخوة المتابعين للتكرار و اللزوجة و عدم وجود موضوع..

Quote: مولانا حافظ

اوسكار ... ههههههههه

الأخ صلاح
تحياتي
شكرا للمرور و للاوسكار..

صباح الخير على الجميع ‏
أصبحنا و أصبح الملك لله..‏
طبعا (يا مولانا) قريت ردك و استغربت...‏
شكلك فاكر إنه اللغة الوعرة إياها بتغلب ليها زول.. بس الواحد ما بيلجأ ليها إلا إذا أضطر لذلك.‏
فيا أخوي ما تكتّر المحلبية و تدق صدرك في الفارغة و مقدودة..‏
انت طالما في منبر فيه أعضاء لازم تحترم الجميع و تحترم رأيهم كمان..دي بديهيات التعامل مع البشر..‏
و ده أدب الحوار و التفاعل و التواصل مع الناس. ‏
لأنه الناس لما دخلوا هنا ما أظن عشان يوروا الناس عضلاتهم اللغوية و مساختهم و لماضتهم و لآمتهم و بياختهم..‏
لأنه دي آخر شيء بيلجأ ليه الناس المحترمين..‏

و في بوستاتي أنا بحترم الجميع بشهادة الجميع طالما التزم الشخص بالاحترام..و احترام نفسه في المقام الأول ‏
و من الآخر كده...أما يدخل لي واحد بأسلوب غير محترم، أؤكد أنه حأرده غصبا عنه و سيظل غير محترم..‏
و برضه إذا عايز يتفولح و يتعنتر بالوكالة و يشيل وش القباحة عن (القبيحين) سيجد عندي ما يستحقه..‏
و صدق من قال الطيور على أشكالها تقع.. ‏

سمح (الجابرك) على كوموفلاج اللطافة الرخيس دا شنو؟
خليك عادي وروج لبضاعتك دي في مكانها الصحيح

لأنو بالأمس انتهينا من منافق، واحد.

___
أنت ناديا هيلتون دي بتبقى لباريس هيلتون شنو؟

حاتم و من لفّ لفّه:

Quote: سمح (الجابرك) على كوموفلاج اللطافة الرخيس دا شنو؟ خليك عادي وروج لبضاعتك دي في مكانها الصحيح .

دي بضاعة خاصة ..لمن يستجقها..و ده مكانها..تشبهك و تشبه البشبهوك.

أبداً، لا (بستجقها) ولا بعرف (البستجقوها)!
أنا شخصياً بميز بين المنافق والما منافق، من أول سطر
بضاعتك مرفوضة لأنها مغشوشة.




___
“You have been weighed; you have been measured; and you have been found wanting.”

محمد عبدالله اليوزر (المريض) ... علاجه انك (تسفهو)....
الحالات (المرضية) زي دي عندها متخصصين بعرفو كيف اتعاملو معاها ....
احسن حاجة انك تطنشو .....

Quote: الحالات (المرضية) زي دي عندها متخصصين بعرفو كيف اتعاملو معاها ....

في دي صدقتَ وحات الله ...