انا لها يا ود البشري ولتصرعنا الحقيقة هنا

01:15 PM May, 22 2018 سودانيز اون لاين
فرح الطاهر ابو روضة-...................
مكتبتى
رابط مختصر

انا فعلا راجعت بوست الاخ عارف وجدت فيه مشاركات منك اشارات وتلميحات الي انه الناس اللباسه طرح دي اعضاء بهذا المنبر
السؤال هل تتهم ابو روضة ضمن من من اشرت اليهم ؟؟؟؟؟
اذا الجواب لا لماذا دعوتني للرجوع للبوست ؟؟
وزي ما قلت ليك ليس هناك ما يدعو لتستر او الخوف من كيزان او مساعداتهم حتئ تتم مخاطبتهم من خلف حجاب
ثالثا
اذا عندك اي معلومة عن الاعضاء ديل يجب أن تذكرها دون اشارات او تلميحات والا حتكون انت وهم يا ود البشري في ميزان واحد لا فرق بين قناع وقناع واذا ما عندك معلومة يبقي البوست بتاع الحساسية لا يخرج من الاطار الذي ذكرته لك

برضه وده مهم جدا اذا كنت ما تهدف اليه من اشارات مبطنة في بوست الحساسية والذي اراه من وجهة نظري بوست بلا احساس وبلا مقومات بانني ساعدت او ساهمت في تاجيج اي صراع عنصري او لمحت بذلك دي متروكة لعقلا المنبر انا اقبل شهادتهم.عبدالحفيظ ابو سن انا اثق فيه جدا معاوية الزبير ود المدير كمال عباس خالد العبيد ودي نماذج لا للحصر اذا دخل هؤلاء النفر المسميين باسمائهم او غيرهم بخلاف الكيزان واذنابهم ومجموعة رماديبن
وأفادوا بالفعل انني ساهمت بمثل هذه الموضوعات بشكل او باخر
انا مستعد للإعتذار وانتقاد هذا الموقف
وما دون ذلك ليس له اي اعتبار بالنسبة لي
العنصرية يا ود البشري شي قبيح جدا وكعب انك ترميها في الهواء ساكت او تستخدمه اداة كدرع واقي
ولك التحيه وللجميع

Quote: انا فعلا راجعت بوست الاخ عارف

حمدالله ع السلامة!! أخيييرا
سلّيت روحي سل ياخ
بس ان شا الله فهمت قصدي بعد دا

Quote: السؤال هل تتهم ابو روضة ضمن من من اشرت اليهم ؟؟؟؟؟

لأ

Quote: اذا الجواب لا لماذا دعوتني للرجوع للبوست ؟؟

يا إله السماوات! فعلا الحياة أقسى من أن تحقق لك كل أمانبك, تمنيت بعد رجوعك للبوست بعد يلّة الروح ان تكون فهمت لماذا طلبت منك ذلك وتحديدا لمداخلتي الأخيرة! لكن .. الله غالب
يا سيدي دعوتك لتقرأ مداخلتي التي اطالب فيها بمسح مداخلة العاطل الاستعار اسمي وكتبها به محاولا محاكاة اسلوبي, وحكينا القصة دي ليه؟
على أمل أن تفهم أنّني لم اكتب تلك المداخلة! طيب وليه تفهم إني لست صاحبها
لأنّك يا ظريف في البوست بتاعي جيت داخل عرض و فاتح سدرك وباني حججك على أنني تداخلت ولم ادن الاسارات العنصرية وعملت رايح وربما زي ما قال عارف خفت وسلمت هههه ثم آتي وانتقد الآخرين بما فيهم أنت !
طيب كدا حجتك الاساسية نفّست , ح تتصرف كيف؟ انا اقترح تستفيد من الـ TIP التانية و تبطل عوارة ما انت برضو عملت وتركز على تصرفك وتقدم نقد ذاتي - دي عشان تقع ليك :)

Quote: وزي ما قلت ليك ليس هناك ما يدعو لتستر او الخوف من كيزان او مساعداتهم حتئ تتم مخاطبتهم من خلف حجاب

لا يا شاب, أمّأل منبر الهكر وناقفذة الفيس بووك كانت عامرة بالضباع ليه
هناك ما يدعو للخوف لكن ما من الكيزان بل على الصورة التي يحاول التقدميين الظراف ريمها انهم ضد العنصرية وضد الذكورية في البورد وكدا قدام الناس لكن في الواقع الواحد جوّاه عفن الدنيا كله زعايز يطلّعه وإلّا ح ينفجر
فا قصة الطرح دي مريحة و الواحد يقدر حتى يشتم بيها امه نفسها و يكون في مأمن من الحرج

Quote: اذا عندك اي معلومة عن الاعضاء ديل يجب أن تذكرها دون اشارات او تلميحات والا حتكون انت وهم يا ود البشري في ميزان واحد لا فرق بين قناع وقناع واذا ما عندك معلومة يبقي البوست بتاع الحساسية لا يخرج من الاطار الذي ذكرته لك

عندي احساس ومقارنة بصمات كتابة و اسلوب و خبرات سابقة وأنه احساس فقط لن اصرح باسم ما لم املك دليل!
ودا لا يجعلني مع هؤلاء في مرتبة واحدة - اللهم إلاّ في ميزانك انت وهو بالطبع لا يعتد به خخخخخ - و بوستي بتاع نقد تجاهلكم للاشارات العنصرية موضوعه مختلف لو ما فهمته او متحسس منه فهذا شانك

المداخلة التانية ما عندها موضوع - هن كلهن ما عندهن لكن دي ما عندها اكتر - فا شنو.. باص

ود البشرى:
رمضان كريم ..
ياخي الراجل جاي نفسو قايم ..
وفي عكاز ولا سيف ما عارف .. كان (وراء السطور )
يشيل ويكتب و يعدل و ينسخ ..
تجي تنفس ليه الحكاية بالبرود دا ؟
وكمان في النهاية (باص ) ؟

ابو روضة :
رمضان كريم ياخي

يا عبداللطيف رمضان كريم
انت يا عبداللطيف الموضوع ما يستحق انا شايف غير كده
انا دخلت مع ود البشري في نقاش في موضوع مطروح
لما يفبدني بمجموعة اشارات وارجع البوست ورابط البوست
وبديك فرصة وشنو ما عارف
دي حاجات ما مقبولة في اي نقاش يناقش موضوع زي العنصرية
ووسط دقداق زي دقداق بريمة
الما ممكن يفوت فرصة الا يرمي بلاويه في الاخرين
عشان كده يا عبداللطيف انك تكون ومباشر
في زي المواضيع دي مهم جدا
دي عنصرية واداة دمرت وطن وانسان وطن
ويا ود البشري
بعد الفطور بجيبك راجع

فرح ابوروضة هل انت عنصري وتدعوا للعنصرية

ابو روضة :
حاشاك آ كلس من العنصرية ..
متابع لكتير من مداخلاتك في البوستات المهمة و لم ألاحظ - لا من بعيد و من قريب - لأي شكل من أشكال ( الحكاية إياها)
طرحك تقدمي جدا و واضح للغاية ..

لكن صحبك ود البشرى دا انا عارفو : هبااااااش
و بتاع لكزات ..
وبعض الأحيان بحاول ( يسخن ) بالمنبر شوية .. بعدما يصيبو بعض الفتور ..

تحياتي لك .. بقدر وعيك و انضباطك و نضالك الثر هنا ..

ود البشرى :
خلي المهابشات ..

تشكر ابوروضة لحسن ظنك بي ولله الحمد والمنة
تعرف عينة البوستات دي لاحكم لها فهي تعتمد اساسا علي الاثارة غض النظر عن المنطق او المبدئية ، التعويل عليها لا يعتد به .
فالامر سجال وتلاعب بالالفاظ والتعابير وحتي الاخطاء الاملائية والنحوية
لم اشهد لك عنصرية حاشا لله . ولكن لك خصومك ومعارك وهاهو ثمنها !!
وهكذا البورد
اصلو كتالك ياهو كتالك
وللاسف الشديد موضوع قريمان وهيثم لم يكن يستحق كل ذلك . فقد اضاعو حق هيثم وقريمان وليس من اجل هيثم وقريمان !!
واعتقد جازما ان قريمان وهيثم قادران علي حل الخلاف بينهما لو لم يكن في المنبر

عبدالحفيظ
رمضان كريم تحياتي ليك وللاسرة الكريمة وشكرا المشاركة وبكل تأكيد مكان اهتمام بالغ

لو جيت للنصحية يا عبداللطيف بوست ود البشري انا طلعت منه بشق الانفس
وبالجد هو بوست مثير للاهتمام
بشكل التواجد الموجود علي مستوي كثافة
الكيزان فيه
او علي مستوي محاولة تغيير دفة حاصل الحاصل
انا الان عندي هم واحد انه التاس دي تهداء وتبرد شوية
ونشوف لينا الية نضغط بيها علي قريمان وانصاره لاسترداد المبلغ
لانه ده اساس كل البوستات الجانبية دي

محمد المسلمي رمضان كريم
ليس هناك من يستطيع أن يحكم علي نفسه الاخرين هم مراتنا الحقيقيين وانت فاكر انا طلبت شهادات الاعضاء ليه ؟؟؟
عشان لو عندنا سلوك عنصري نصححو بدون ملل
رغم اني انا قلت الكيزان شهادتهم غير مقبولة
وانحنا اختلفنا كتير هنا
انت شفت لي سلوك عنصري تجاهك او تجاه اي عضو في المنبر ؟؟
السؤال الصحيح يا محمد المسلمي
إنك تسالني يا ابو روضة هل محمد المسلمي عنصري
بعدين انا عندي ملاحظة
انت ليه يا محمد المسلمي مداخلتك كلها في المنبر
هل
ولماذا
استيضاحات ساي يا كافي البلاء
ههههههههههههههههه
ورمضان كريم

نهارك سعيد ود البشري
بداية
انا دخلت معاك لنقاش موضوع جاد حول العنصرية ومن يسعون لتاجيج نيرانها في المنبر او السودان
فمن باب اولى انك تقدم لي جميع الافادات مش تقول لي يا ابو روضة راجع موقفك
وارجع الرابط
وبديك فرصة تكررت اكتر من مرة
وكمان يدخل العنصري بريمة يقولها صراحة وينسب التهم الي علمانين او شيوعيبن
بانهم اصحاب هذه المشاركات القذرة
ولما ارجع الرابط القي في مشاركة من ود البشري عن طرح واشارات الي اتهامات اعضاء باالمنبر
فانت كنت حتتوقع شنو ؟؟
بعكس لو قلت من البداية يا ابو روضة انا ما صاحب المشاركة المعنية وهناك من انتحل اسمي والكلام ده انا ذكرته في بوست عارف علي طول بقول ليك حاشاك العيب في جزئية انك ما سجلت ادانة في البوست المعني
والان استنادا علي ما ذكرته يا ود البشري بانك ما صاحب تلك المشاركة
انا بسحب جزئية انك لم تدين العنصرية في البوست تماما عشان الحاجات تبقي كويسة
ثانيا
مشاركة الاستاذة نور تور وبانها لم تدين العنصرية في تقديري الشخصي جانبك فيها الصواب وكانت مدخل للجنجويدي بريمة
لتوجيه اتهام لاخرين بغير وجه حق
نور تاور في محاربتها للعنصرية ورفضها لكافة اشكال الإستعلاء العرقي
والثقافي
فمعارضة نور تاور لهذا النظام علي مدي تلاتين عاما كافي لاجهاض مثل هذه الادانة
وليس هناك ما يعيب مشاركة نور تاور في البوست كما انها سجلت اعتراضا على القبح العنصري زي ما اشرت ليك من هناك
اكرر ايضا محاربة العنصرية تتم برفض الداعميين لها وده لم يتم في البوست بما يعني عدم الجدية في الطرح نفسه
فيما يخص الاستنتاجات والبصمات
توجيه التهم لا يتم بالتكهنات والاحاسيس
فلو كان الامر بهذه الطريقة حاديك احساسي
الكيزان خسروا خسارة كبيرة ولم يحسنوا التقدير فيما يخص
قضية اموال هيثم المنهوبة وحاولوا المستحيل لفرار بريمان
من الاتهام الموجه له في سابقة خلت
وجه الواحد فيهم زي الطين
اذن من له المصلحة في تغيير دفة الصراع الي اتجاه اخر
من يعلم علم اليقين بان السلوك العنصري يثير حفيظة كافة
او جل اعضاء المنبر
من يمتلك خبرة كافة في هذا الاتجاه
ما ذكرته لك مجموعة احاسيس واستنتاجات بنفس تقديراتك واحاسيسك ولكنني لا استطيع ان اجزم او اشير الي اتهام شخص
او منسوبي حزب بعينه وربطهم بهذه المشاركات
اذن الموضوع اولا واخيرا يحتاج لدليل قاطع واثبات
متوفر لديك عليك الإتيان به وعلينا الادانة والا تظل مثل هذه التحليلات اقرب تكهنات ضارب الرمل
ولك التحية

Quote: ونشوف لينا الية نضغط بيها علي قريمان وانصاره لاسترداد المبلغ

سلام يا أبو روضة
ما أفتكر إنو من حقنا كأعضاء في المنبر دا الضغط على قريمان او غيره لتنفيذ شيء محدد.
كل الذي لنا و علينا هو إبداء الرأي فقط و النصيحة لأطراف الخلاف.
ثم ما علاقة أنصار قريمان بإسترداد المبلغ؟

ابو روضة

جاوب على سؤال شيخنا المسلمي بشفافية

فالمقام ليس للضحك

جاوب ؟؟

وشكرا

ضحك يا كبير
عملتو شنو في موضوع الكشف القلناهو ليكم

رمضان كريم يا حافظ
مافي ضغط يا حافظ في رغبة واصرار علي انو
الحقوق ما تضيع حنك وفهلوة
وانه تاني الكيزان ما يعتمدوا الحركات الكارثية
الحاولوا بصرار يعملوها هنا
كويسلة للدفاع عن منسوبيهم خاصة
في موضوع الحقوق واسترجاعها

شيوعى ضحل و ملحد .. بدون اخلاق .. اضافة الى انك عنصرى .. و بليد .. هذه هى اوصافك ..

عفوا عزيزي القارئ
المحتال مر من هنا