Post: #1
Title: اصرف بركاوى لنظام برلمانى
Author: محمد بدرالدين
Date: 05-21-2018, 09:12 PM
Parent: #0
09:12 PM May, 21 2018 سودانيز اون لاين
محمد بدرالدين-السعودية-الرياض
مكتبتى
رابط مختصر قالو اهم خمس حاجات ف العسكرية
تلاتة
الظبط و الربط
...و واحد المافى غيرو
و واجب المرحلة الان
نظام حكم برلمانى
|
Post: #2
Title: Re: اصرف بركاوى لنظام برلمانى
Author: محمد بدرالدين
Date: 05-21-2018, 09:18 PM
Parent: #1
و
انتقال سلس للسلطة
و كل واحد ف محلو
بكرى رئيس وزراء
و الريس ف مكانو ريس شرفى زى عمنا الله يرحمه احمد المرغنى
و مساعدى الرئيس زى ما هم .. واحد للتشريفات .. و واحد بتاع يوم واحد يجى ياخد راتبه و يفرتك .. و واحد للكلام
وبكدة ننهى قصة المحكمة و الربس الذى لا يستطيع ان يقابل الاجانب او يوقع على العقود
قدر اخف من قدر
.....
رمضان و بشريات رمضان
|
Post: #3
Title: Re: اصرف بركاوى لنظام برلمانى
Author: محمد بدرالدين
Date: 05-22-2018, 08:58 AM
Parent: #2
و افتكرنا و اعتقد الجميع ايام ازمة البترول و دخول الدعم السريع العاصمة بتلك الصورة
ان هناك تغيير جذرى سيحدث ..
\و لكن .. كالعادة تمخض الجبل عن لا شىء
تغيير بعض المواقع بسذاجة لا تحدث حتى ف افلام الكرتون
انا شخصيا توقعت نظام برلمانى يحفظ للريس كرامته و يبقيه ف السلطة و يحميه من المحكمة .
و يطلق عنان بكرى بحزمه الذى يقال عنه .. و يمكن يضرب الوزرا كمان زى قريبه نميرى ..
.. و يمهد لانتخابات القوائم النسبية .. دة لو اطال الله ف عمر الانقاذ..
و لكن ..
اعطوا الاشارة الخضراء لجماهير الشعب و معارضيهم للانتفاضة الشاملة
لان الفهم ليس تغيير مواقع و افراد بقدر ما هو تغيير منهج و سلوك و ربط قيم السماء بالارض كما كانت دعوتهم ف زمن ما ...
و رمضان كريم ... و البشريات ف هذا الشهر الكريم باذن الله
و دعواتنا دائما بالخير و الامن و السلام للوطن العشق
و صلى اللهم على كامل النور
|
Post: #4
Title: Re: اصرف بركاوى لنظام برلمانى
Author: محمد بدرالدين
Date: 05-22-2018, 10:19 PM
Parent: #3
و بكرى حينحاز للجيش
و يعيد له بريقه و القه و سطوته
و حيضم لحظيرة الجيش كل الاشكال و الجهات المسلحة من دعم سريع لدفاع شعبى الخ
و بكدة كمان نضمن انضواء كل المسلحين و اسحلتهم تحت جناح و سيطرة القوات المسلحة .
و نضمن للوطن الامن و السلام و عدم الانفلات الامنى ..
...
و رمضانكم كريم
|
Post: #5
Title: Re: اصرف بركاوى لنظام برلمانى
Author: محمد المسلمي
Date: 05-22-2018, 10:46 PM
Parent: #4
الاستاذ محمد بدرالدين رمضان مبارك وينعاد عليك بالخير والبركة
لن يحدث تغير حقيقي في ظل الصراع الخفي بين جناحي الحزب
الحاكم . اقولها عن متابعة وقرب للأحداث الموتمر الوطني يريد ان
يمشط الشعرة بقملتها . الاستمرار في السلطة لاي جناح مع
الاستقراء بالأخر .جناح ضد ترشيح البشير 20/20 وجناح
يريد استمرار البشير حتي ربنا ياخد امانته .. الكل يسعي
للوجود أزمات غلاء موت كله مامهم علي المواطن المهم السلطة
وباي ثمن . كذي الف نواب ووزراء ومسؤولي دولة مرتبات
حوافز علاج مجاني بيوت للسكن عربات خدمة تأمين بالله
عليك مايصرف من هذا ماكان حل لينا مشكلة العلاج
ولا عمل لينا بنية تحتية 😡😡😡😡😡😡😡
الله فرجيني
|
Post: #6
Title: Re: اصرف بركاوى لنظام برلمانى
Author: محمد بدرالدين
Date: 05-22-2018, 11:19 PM
Parent: #5
شكرا الحبيب محمد للمداخلة الثرة
و رمضان كريم
كلامك صحيح ... من واقع الاحداث هناك تكتلات و كيمان داخل الحزب الحاكم
و هذا ما نخاف منه ...لانه ربما لا قدر الله يصل لمرحلة عليا و على اعدائى ..
و سيطرة المال و الجاه و المصالح اقوى ...
نسال الله لهم الهداية ف هذا الشهر الكريم و ان يجعل الوطن همهم الاول ..
مودتى و تقديرى
|
Post: #7
Title: Re: اصرف بركاوى لنظام برلمانى
Author: محمد بدرالدين
Date: 05-28-2018, 11:21 AM
Parent: #6
قالو الوصفة دى قيد النظر
...
اللهم اجعله خير
و اللهم صلى على كامل النور
بدران
|
Post: #8
Title: Re: اصرف بركاوى لنظام برلمانى
Author: محمد بدرالدين
Date: 05-30-2018, 09:28 PM
Parent: #7
يقال :
ادروب كان فتح حساب ف بنك الثروة الحيوانية
و لحظه وقع ف يد موظفة رائعة ما قصرت ف خدمة العميل ( ادروب)
صحبك اتكيف جدا
و بقى كل يوم يمشى للبنك و يطمئن عليهم
اها كيفكم اليوم .. نعل حرامى ما جاكم ..
اها القروش شغال كويس ....الخ الخ الخ
و يوم جا و ما لقى الموظفة ... سال موظف وين سلوى ؟
رد بانها نقلت لفرع اخر
رد بعفويتهم المعهودة : ثروة تنقل حيوان تخلى ...
....
و مهاتير محمد يعود تانى ..
و عندنا مهاترات مهاترات بس ...
بدران
|
Post: #9
Title: Re: اصرف بركاوى لنظام برلمانى
Author: محمد بدرالدين
Date: 06-02-2018, 08:45 AM
Parent: #8
وزير يشيلوه و يلف و يجيك تانى ف نفس محلو
الساقية مدورة
و الرائع ناجى القدسى مات
و استغرب يجيبوا ناس قبائل التماس ف وزاراتنا السيادية
بل كتيرين من شاغلى المناصب لديهم جوازات مذدوجة ..
يوم ما يزنقوا يبرزوا الجوازات البديلة
و قصة الفريق طه مائلة امامنا
ما عرفنا شالوه ليه ... و خلا خشم الشالوه ملح ملح
و دة بيخلى و بل خلى المسئولين اياهم يتفسحوا و يبرطوا زى ما عايزين
... غايتو انقاذنا دة دخل موسوعة غينس من اوسع ابوابو ..
...
وين ( القوى الامين) المقتبس من (إِنَّ خَيْرَ مَنِ اسْتَأْجَرْتَ الْقَوِيُّ الْأَمِينُ)
ام ذهب ادراج الرياج زى المشروع الحضارى .. و فاتورة السكر الى اتشرطت و و
و اللهم صلى على كامل النور
بدران
|
Post: #10
Title: Re: اصرف بركاوى لنظام برلمانى
Author: محمد بدرالدين
Date: 06-03-2018, 09:37 PM
Parent: #9
الدعم السريع ما يحيمك
لو لفوا العاصمة خشرمائة مرة
صدقنى ديل ما بيخوفوا الا نفسهم ..
انت امام شعب عملاق !!!
فكن مثلهم
و خليك كبير
و احمى نفسك بالعدل و رد المظالم
عندها سيحميك الشعب ...
|
Post: #11
Title: Re: اصرف بركاوى لنظام برلمانى
Author: محمد بدرالدين
Date: 07-30-2018, 06:15 AM
و ما زلنا ف الانتظار
|
Post: #12
Title: Re: اصرف بركاوى لنظام برلمانى
Author: عبدالله الشقليني
Date: 07-31-2018, 08:31 AM
Parent: #11
الأكرم : محمد
تحياتي
ليس علي عتراض عما بداخل الملف ، ولكن لدي تحفظ على العنوان
المقتبس من مصطلحات العميد عمر
تقبل شكري
|
Post: #13
Title: Re: اصرف بركاوى لنظام برلمانى
Author: محمد بدرالدين
Date: 08-01-2018, 09:05 AM
Parent: #12
الحبيب عبدالله .. لك الود و التقدير
العميد الذي اصبح رئيسا بفهم اذهب للقصر رئيسا و انا للسجن حبيسا ..و به تم حبس الشعب و انطلقوا لتطبيق نظرياتهم التي افضت لانقسامهم للشعبي و الوطني .. ثم آلت البلاد الي ما نحن فيه الان ...
و اقتبست العنوان زي ما قلت من كلامه .. لنسقيه من ذات الكاس ..زي ما صرف للخواجية نحن كمان نصرف ليه ... بفهم و رؤية و ربما كان مخرجا لفك قيود الشعب و انطلاقته لبناء دولة العدل و القانون ...
و وطن عافي و عالي
مودتي و تقديري
و اللهم صلي علي كامل النور
|
|