Post: #2
Title: Re: وصول والي الشمالية الجديدبالتاكسي الجوي
Author: علي عبدالوهاب عثمان
Date: 05-21-2018, 12:42 PM
Parent: #1
ويرافق الوالي من الخرطوم عدد من الوزراء الاتحاديين على رأسهم الدكتور أحمد بلال عثمان وزير الإعلام
والسيد إبراهيم الميرغني وزير الدولة بالاتصالات ووزير الدولةبالمالية دكتور عبدالرحمن ضرار وعدد من قيادات
واعيان الولاية الشمالية بالخرطوم
==================
شكراً زهير ..
ولماذا هذا الجمع من الضيوف
من وين الفطور والضيافة المهم يغادرو قبل العشاء .. هو أهلنا ناقصين
كمان بالتكسي الجوي ..
كان أحسن عن طريق شريان الشمال ليعرف مآسي الشمالية
من أول يوم راكب الاعالي ..
طائرة خاصة وركاب ورفقة وتهيأة المطار والصالة
هذا الوالي يبدو عليه عدم الفطنة .. الانطباع الأول هو المهم
وسائل التواصل شغالة الوالي بطائرة خاصة ..
قلة ذكاء
تحياتي زهير ..
|
Post: #3
Title: Re: وصول والي الشمالية الجديدبالتاكسي الجوي
Author: السر عبدالله
Date: 05-21-2018, 01:24 PM
Parent: #2
من الانطباع الاول لطريقة استقبال هذا الوالي عرفنا انه سيفشل فشلا ذريعا في حل مشاكل الولاية الشمالية وان خزينة الولاية ستكون قاعا صفصفا في الصرف على اشياء هامشية لا علاقة لها بمصالح مواطني الولاية...
اولا وصوله بطائرة القوات الجوية غلط...كان عليه ان يستقل البص السفري العادي مع المواطنين العاديين ويستمع الى شكواهم وفيما اذا كانت هناك اي معاناة خلال السفرية .
ثانيا ولماذا هذا الوفد الكبير الذي يرافقه....فاذا كان لا بد من وفد فالاولى ان يرافقه وزير التربية والتعليم ووزير الصحة للتعرف على مشاكل التعليم والصحة في الولاية
.ثالثا كان على الوالي الجديد وقبل ان يجلس في مكتبه ان يطوف على جميع قرى ومدن الولاية ويستمع لمشاكل المواطنين وخاصة مشاكل الكهرباء والمياه والمشاريع الزراعية التي تعتمد عليها الولاية في دعم اقتصادها وزيارة المستشفيات بطريقة سرية كما فعل ايلا والي الجزيرة الناجح ، والذي زار مستشفى مدني ووجد اهمالا شديدا في الادارة ووضع نظم جديدة لادارة المستشفى ،،وجاب شوارع مدني وفي خلال شهور قليلة تغير وجه عاصمة الجزيرة...فهل يا ترى سنرى وجها جديدا لحاضرة الولاية الشمالية دنقلا...
|
Post: #4
Title: Re: وصول والي الشمالية الجديدبالتاكسي الجوي
Author: علي عبدالوهاب عثمان
Date: 05-21-2018, 01:33 PM
Parent: #3
حبيبنا السر .. تحياتي ..
أؤيد كلامك فوق ..
الظاهر أن هذا الشاب سوف لن يستطيع الاقامة في دنقلا
ما أظن يستحمل كتاحة أمشير ..
المهم الانطباع الأول محبط جداً
الله يكون في عون أهلنا ..
|
Post: #5
Title: Re: وصول والي الشمالية الجديدبالتاكسي الجوي
Author: السر عبدالله
Date: 05-21-2018, 01:51 PM
Parent: #4
نحن لا نعرف كيفية اختيار الولاة ولا نعرف كيف يختار الرئيس ولاة الولايات ...وكان عليه قبل ان يختار والي الشمالية
ان ياتي بنفسه ويزور المشاريع الزراعية في ارقو وكرمة ويذهب الى سمت وكبدي وابو فاطمة وبدين وارتقاشة وسيجد
طلبة جامعيين يزرعون المشاريع ويزرعون مختلف المحاصيل بانفسهم وجلاليبهم ملطخة بالطين ويمسكون الكوريك ويحفرون
الجداول ، ويختار احدهم ويقول له عينتك والي للشمالية فاذهب وحل مشاكل الولاية ...ولا يساله عن اتجاهه الحزبي والسياسي ..
فكفاية حكاية الولاء قبل الكفاءة ...فبالكفاءات تتقدم الشعوب.
|
Post: #6
Title: Re: وصول والي الشمالية الجديدبالتاكسي الجوي
Author: جمال ود القوز
Date: 05-21-2018, 02:58 PM
ياسر يوسف شن علاقته بالشماليةانضب معين ابناء الشمال من واحد يصلح كوالي حتى يجيبوا لينا ياسر يوسف المامعروف من وين ده
بعدين اشمعنى الناس ده كلها تكورك كان عينوا ليهم واحد من الشمال فيشوفوا لينا والي احسن من الزول الماسورة ده ما دايرنو والي لينا
|
Post: #7
Title: Re: وصول والي الشمالية الجديدبالتاكسي الجوي
Author: Mirghani Taitawi
Date: 05-21-2018, 04:56 PM
Parent: #6
| Quote: ياسر يوسف شن علاقته بالشماليةانضب معين ابناء الشمال من واحد يصلح كوالي حتى يجيبوا لينا ياسر يوسف المامعروف من وين ده |
جمال القوز يا حبيب .. رمضان كريم .. تصوم وتفطر على خير.
أبناء الولاية الشمالية قدموا شنو لما كانوا ولاة للشمالية .. ولا شئ.
الولاية الشمالية متضررة من أبنائها ممن جلسوا على كرسي الوالي .. لم يقدموا شئ.
اتنين فى الولاية الشمالية مافي داعي ليهم .. الوالي ووزير الصحة.
|
Post: #8
Title: Re: وصول والي الشمالية الجديدبالتاكسي الجوي
Author: Yasser Ali
Date: 05-21-2018, 08:19 PM
Parent: #7
رمضان كريم يا جماعة اول حاجة
لا حول ولا قوة الا بالله ، ياسر يوسف الانتهازي المتملق الزول الما عندو مبدأ بقى والي الشمالية عديل
عاصرته في الجامعة بالله اسالو منو غيري دا لا يصلح لأي حاجة
هي بالله الشمالية ناقصة دمار ؟ وكمان جاي بتاكسي جوي
|
Post: #9
Title: Re: وصول والي الشمالية الجديدبالتاكسي الجوي
Author: علاء سيداحمد
Date: 05-21-2018, 09:57 PM
Parent: #8
احمد زى حاج احمد
ياسر يوسف مثله ومثل من سبقه من الولاة حيث سبقه ثلاثة من ابناء الولاية الشمالية :
( ميرغنى صالح - عادل عوض - فتحى خليل ) والثلاثة لم يقدموا اى شئ للولاية انما كانوا عالة عليها
ولم نجد لاى واحد منهم صرحا تنموياً فى الولاية او حتى صيانة لمرافق موجودة .
وياسر يوسف من المؤكد انه سوف لن يقدم شيئاً للولاية .
واصلا و عبر الحقب والعصور ابناء الولاية الشمالية يقومون بانشاء وصيانة صروحهم التنموية بالعون الذاتى .
الله يفتح على الانجليز بنو لينا مدرستى دنقلا والبرقيق الوسطى واسسو لينا مشروع البرقيق الزراعى .. وعبود بنى لينا مستشفى البرقيق .
|
Post: #10
Title: Re: وصول والي الشمالية الجديدبالتاكسي الجوي
Author: Mirghani Taitawi
Date: 05-21-2018, 10:15 PM
Parent: #9
| Quote: ( ميرغنى صالح - عادل عوض - فتحى خليل ) |
نسيت بدوي الخير .. كلهم زي بعض لم يقدموا شئ للولاية.
الوالي الجديد يهتم شوية بنظافة المستشفيات وإعادة تأهيلهاوتدريب العاملين فيها يكون ما قصر.
دنقلا كـ عاصمة للولاية بشكل عام بحاجة لنظافة وعمل كبير فى كل المجالات.
|
Post: #11
Title: Re: وصول والي الشمالية الجديدبالتاكسي الجوي
Author: Mohammed Alhasan Mohammed
Date: 05-22-2018, 06:47 AM
Parent: #10
الناكسى الجوى ...القوات الجوية السودانية ؟؟؟؟
|
Post: #12
Title: Re: وصول والي الشمالية الجديدبالتاكسي الجوي
Author: wadalzain
Date: 05-22-2018, 08:32 AM
Parent: #11
ولاة الانقاذ
ما مهم من وين حتى لو من ارتقاشة او عبرى او مروى او القدار او القولد او من كبكابية او درديب او من الدمازين او من المناقل كلهم من طينة الانقاذ لا يستطيغ الوالى ان يقدم صرفا ولا عدلا لأنهم محكومون بعقيدة الانقاذ وسياساتها وعنجهيتها وقصر نظرها وميزانيتها وعقلهم القاصر فلا تتوقعوا شيئا جديدا فكلهم سواء ابن البلد او غيره من خارج البلد فما دام هو ابن هذه السلطة الحاكمة فهو اسير ايدلوجيتها ونظامها ، لقد تغير حجر وجىء بحجر جديد مكانه
اما هذا الوالى الجديد ياسر فهو معروف فى الجامعة انه كان عضوا بمؤتمر الطلاب المستقلين فترة كبيرة ثم خرج يوما للطلاب واعلن عبر مكرفون انه كان مدسوس فيهم وانه عضو مؤتمر وطنى واتجاه اسلامى عتيد ، ولا غرابة فى ذلك فقد تعلم هذا الخداع من ابيه الكبير الترابى الذى قال لعمر البشير اذهب رئيسا وانا سوف اذهب حبيسا لنموه على الشعب بأن هذه السلطة لا تتبع لنا
|
Post: #13
Title: Re: وصول والي الشمالية الجديدبالتاكسي الجوي
Author: عبد الباقي الجيلي
Date: 05-22-2018, 10:27 AM
Parent: #12
أثرى غيره من القطط السمان ...
فما باله يفوته المولد ....
عمل ممنهج في الفساد
نسمع قرارات كهذه ونظنه عملا طائشا ...
نحن الطاشين والله ...
الجماعة فسادهم ممنهج ....
|
Post: #14
Title: Re: وصول والي الشمالية الجديدبالتاكسي الجوي
Author: منتصر عبد الباسط
Date: 05-22-2018, 11:56 AM
Parent: #13
مهام شنو البستلموها ديل !!
هم ذاااتهم هم كبير جدا لا يوجد أكبر منه
نعطي هذا الوالي وحشوده ورفقائه الغير رشيدين
المبددين للمال العام والمزدرين بمن يدعون كذبا أنهم
يديرون تولي مهامه .
وهي صورة للرئيس النمساوي وهو راكبا للمترو ليصل
بمكان عمله لا طيارة ولا سيارة ولا طريق قافلاه شرطة المرور
وقالوا نحن مسلمين أها دا ما مسلم!
الإسلام والإنسانية بعامة بريئة منكم
|
Post: #15
Title: Re: وصول والي الشمالية الجديدبالتاكسي الجوي
Author: السنجك عثمان
Date: 05-22-2018, 01:12 PM
Parent: #14
الفلاتى نجح هذا الياسر من الذين اتو للسودان محمولين على ظهور امهاتهم
|
Post: #16
Title: Re: وصول والي الشمالية الجديدبالتاكسي الجوي
Author: علي عبدالوهاب عثمان
Date: 05-22-2018, 01:18 PM
Parent: #15
وهي صورة للرئيس النمساوي وهو راكبا للمترو ليصل
بمكان عمله لا طيارة ولا سيارة ولا طريق قافلاه شرطة المرور
وقالوا نحن مسلمين أها دا ما مسلم!
الإسلام والإنسانية بعامة بريئة منكم
==============
تحياتي الحبيب منتصر .. نموذج للانسانية والعدل والنزاهة
الرجل واثق من نفسه لأنه عادل ونزيه .. هذا الرئيس الرائع ( النمسا )
==============
والغريب كمان يا منتصر العرض العسكري
كأن الوالي ذهب إلى دولة أخرى
ما عارف يمكن كان في سلام جمهوري
معقول والي يستقبلوه بعرض عسكري
تهوين للجيش نفسه ..
تحياتي ورمضان كريم ..
|
Post: #17
Title: Re: وصول والي الشمالية الجديدبالتاكسي الجوي
Author: منتصر عبد الباسط
Date: 05-22-2018, 01:44 PM
Parent: #16
الله سبحانه قال الناس ديل بولع بيهم نار جهنم
لأنهم أوسخ وأكذب وأضل من الكفار
رحم الله من قال من أين جاء هؤلاء؟!
|
Post: #18
Title: Re: وصول والي الشمالية الجديدبالتاكسي الجوي
Author: منتصر عبد الباسط
Date: 05-22-2018, 01:51 PM
Parent: #17
لمن كنا بنحاول نضرب المثل للعدل بعمر بن الخطاب
أو عمر بن عبد العزيز.
يرد علينا الحمقى و الرعن بقولهم ذاك عمر من مثله!!
أماتة الرعونة والحمق علينا كل خير وعقل ولم تبقي شيئا
حتى أصبحنا نضطر لضرب المثل بغير المسلم!
لأن ضرب المثل بالمسلم لا يروق للجميع كل بحجته
وبحظه من الحمق والرعونة
|
Post: #19
Title: Re: وصول والي الشمالية الجديدبالتاكسي الجوي
Author: منتصر عبد الباسط
Date: 05-22-2018, 01:52 PM
Parent: #18
أو حظه من الخبث والمكر إن كان كوزا
|
Post: #20
Title: Re: وصول والي الشمالية الجديدبالتاكسي الجوي
Author: محمد محمد قاضي
Date: 05-22-2018, 02:26 PM
Parent: #1
ولاة الإنقاذ بدون إستثناء ولاءهم للسلطة ولمؤتمرهم اللا وطني
أفسد وأوسخ من مشوا علي الأرض هم الكيزان تجار الدين
نحن أهل الولاية الشمالية - خاصة أهلي النوبة عرفنا التعاونيات
والعون الذاتي ونصرة بعضنا البعض منذ الأزل وما زلنا علي
هذا المنوال ولو لا هذا الترابط والتماسك والتلاحم والتعاون
كان إنقرضنا وإنتهينا ولكننا الحمد لله بخير رغم أنف الخائنين.
كل عام وإنتم بخير جميعا
__________________________
أخ السنجك عثمان كلامك قبيح جدا ولايليق
|
Post: #21
Title: Re: وصول والي الشمالية الجديدبالتاكسي الجوي
Author: عبد الباقي الجيلي
Date: 05-23-2018, 12:14 PM
Parent: #20
أخ السنجك عثمان كلامك قبيح جدا ولايليق
|
Post: #22
Title: Re: وصول والي الشمالية الجديدبالتاكسي الجوي
Author: الصادق اسماعيل
Date: 05-23-2018, 10:07 PM
Parent: #21
كلامه ما قبيح
كلامه كلام زول عنصري ومفتكر انه السودان دا بتاعه براه
والسنجك بيكون شايف نفسه احسن من الفلاتة وارقى من النوبة
والجنوبيين ديك احتمال يكون كان شايف انهم ما سودانيين ذاتو
السنجك اعقل يا اخوي الدنيا اتغيرت زمان كلامك دا الناس بقوا
يخجلوا منه
|
Post: #23
Title: Re: وصول والي الشمالية الجديدبالتاكسي الجوي
Author: أمين محمد سليمان
Date: 05-23-2018, 10:45 PM
Parent: #22
بعدين قال ليك من الذين اتوا محمولين عل ظهور أمهاتهم !
ياخي السودان الشقيق ده فيه مبدعين والله 
------------
الصادق ازيك ياخ
|
|
