هيثم و قريمان و سفه قوم

09:01 PM May, 20 2018

سودانيز اون لاين
جلالدونا-
مكتبتى
رابط مختصر

اولا اسجل اعتراضى الكامل على طبل البوست المعنى

و تلقوهو هنا

الموضوع واضح وضوح الشمس و ما داير اى اجتهاد
اتهام من زميل لى زميل كما فى ادناههيثم طه
سلامات قريمان وعساك طيب
اشهد انك فصيح الانجليزية وتلوي بحرف الـ R كما خلقه الفرنجة الامريكان
---
طبعا الشهادة دي من ملاقاتي ليك قبل اكثر من عقد ونيف - عندما غررت بنا و نحن خريجين جداد باكذوبة الهجرة الي مانيتوبا و نهبت اموالنا واختفيت !!
غايتو انا سامحتك كما كتبت لك في الايميل لكن ما اظن باقي الشباب !!
مع ملاحظة ان هيثم لم يكن وحده بل معه اخرين

هيا دا! كنت نايم ولاّ شنو
جاي بعد جبرنا و رفعنا الفراش و رجعّنا الصيوان و اخدنا الأمنية!

هوى ها
قال نايم قال
بعاين و مراعى للبوست تماما
تصدق قلت اعمل زى ما عملت سيدتنا مريم العذرا
و انذر صوما عن الوات و سودانيز
لكن طبلة البوست حرقتنى والله
المهم شايف رماديتك كانت بمبية
و طلعت براءة من الحشف و سوء الكيل

كان بجر سنبهار لكن لم تم النزول لقى سيد البرتيتة القروبير ذات نفسه دكاها

كان بجر سنبهار لكن لم تم النزول لقى سيد البرتيتة القروبير ذات نفسه دكاها
انت بتعرف الفُخ و لا زاملت عبد الله اب كتِف ؟

جبت الكلام ده من وين يا مونتا ؟

يخِيييييييييييي، بصراحة قفلت البوست تطمِم
البطُن من المنبر ...

بحكوا لينا الكبار ناس عمو عووضة وأب سن بتاع كوستي

حرآم عليك يا مونتي اب سِن سِغيييير
ؤ جاهل البيجيبو لعووضة شنو !...

تعرف يا جلال
المنبر ده فيهو حاجات عجيبة، علي الرغم من حذري الشديد في (جنس) بوستات المطاردة والمطاعنة! الا ان مداخلتي بتاعة تنبيه الناس لمألات ممكن تكون غير محمودة.

المنبر ده تصفية الحسابات ليس لها قاع، وهو قد يكون امتداد لونسات اللساتك تحت قعر الحيشان، ولكن الفرق الوحيد بينها انو كلامك البتكتبو بيكون(مكبشر) زي ماهو!

علاوة علي ان المنبر ده في ناس حارسينو زي ام رخم الله 24X7 وده طبعا نتيجة لتوفر زمن ما اتوفر لينا مع مجابدة الحياة زيادة علي انو التفاوت القيمي والاخلاقي للبعض ، فمثلا في ناس بتفكتر شغل تتبع هفوات الناس ومطارتهم نوع من التلذذ والبعض لا تروقهم هذه القضايا باعتبارها خصم من رصيدهم الاخلاقي، ودي هي الحياة.

بخصوص الطيب قريمان، بعد اطلاعي علي بوستاتو ومداخلاتو المكتوبة والمسحوبة والمطبولة تكونت لدي فكرة عن شخصية هذا الرجل وهو زول مسكين ودرويش (سااي) واعتقد ان مستوي الذكاء الاجتماعي بتاعو في الحد الادني وهو بذلك لا يختلف كثيرا عن اولئك البيطاردو فيهو.

هناك مشكلة مركبة عند قريمان وهي مشكلة مجتمعية اكثر من انها فردية ، ودي انا بسميها (الجلبطة الدينية) واعراض المشكلة دي بتلقي الزول عامل فيها متدين وبيعمل السبعة وزمتا، يعني ممكن يغشك ويكضب عليك ولسانو يلهج بان شاء الله وغيرها مع العبارات الدينية وممكن يحلف ليك قسم (غليد) وهو كاذب!

الدنيا دي فيها (لخبته) كتيرة، لكن مما (تتجلبط) بالدين بتبقي كوز راسها عدل

موضوع هيثم طه، مؤسف للغاية، ومن مداخلتو الاخيرة اعتقد انو عداهو العيب وله نضوج فكري ومجتمعي اهنئه علية ، مؤسف لانو مطالبة حق لم يتسني له الحصول علي تفسيرات مقنعة من قبل الطيب رغم المدة الزمنية التي تطاولت، واتمني حصوله علي امواله كاملة غير منقوصة
.

قريمان علي الرغم من (طرطشتو) البائنة واكلو لمال الزول بدون وجه حق الا انني ادين التداخل العنصري من قبل البعض كما ورد في بوست الاخ عارف ناشد نقلا عن صفجة اخري بهذا الموقع التي بها محاولة تجريده من سودانيتو .
الطيب قريمان انا ما بعرفو من اي المناطق في السودان ينتمي او ولد وممكن نجردو من كل القيم لكن لا نستطيع ان نجردو من سودانيتو!

بخصوص الكيزان من عيال المسلمي وغيرهم من الهتيفة فديل الواحد بيرثي لحالهم ، فمثلا زي محمد المسلمي ده زول درويش سااي واظنو زول وصولي مرات تلقاهو وهابي ومرات هلفوت سااي ومرات كويز صغيرون، علي الرغم من صداقتي مع المرحوم العوض التي كانت امتداد للعلاقات الاسرية بين جدي وجده الا ان الشفع ديل ما بيهم ريحة الابوات.


نعود للطيب ووصفي ليهو بتدني ذكائه الاجتماعي وهو عدم معرفته بحساسية الناس في السودان تجاه المتاجرة بالدين، وهو الامر الذي استغله مطاردون بعناية، واعتقد ايضا ان هناك امور غائبة عنا ومنها ان بعض المطاردات الهنا لها ابعاد تاريخية وثارية منها ما يتعلق بالرق والحروب العبثية التي قامت في البلاد في فترات خلت والاصطفاف الاثني والجهوي لبعض المطاردين والمطرودين


ده. هو السودان

يا السنوسي انت أسوأ عنصري في المنبر لاننسي وصفك للأستاذة تراجي انها خويدم
وبعدين الزميل حاتم جاب اسم معني السنوسي هنا وعملت منها الرايح 🤣🤣🤣
كمية من العقد تمشي بين الناس انت .. لا أتشرف بمعرفتك ومن تكون



غفرانك

Quote: وبعدين الزميل حاتم جاب اسم معني السنوسي هنا وعملت منها الرايح 🤣🤣🤣

المطرطش محمد المسلمي
اها قول اسم السنوسي طلع من الكنغو ولا من جنوب افريقيا ولا من المانيا ح يفرق شنو !هههههههه

اتا حتي التاريخ ساقط فيهو ياكافي البلا

اها بعد وهابي وكوز وهلفوت محطتك الجاية شنو!!!



——-
شايف يا جلال

كلم منص دة يا مدير وإذكان داير شهادة الميلاد موجودة ولا شهادة من الروضة برضو في . وصور تخرج الروضة وانا بطوطح في الطوطاحة قاااعدة
تعرف يا جلال
طلعت بحقيقة كئيبة بالنسبة لي انو سودانيز ليست مكانا صالحا لنشر الوعي .. اي وعي ان شاء الله الوعي الجنسي حتا
وقفلت البوست كانت خاطئة جدا وليست سليمة
يعني معقول أي زول ورقو كعب يخرخر ويدكها
عندي بوست غميس في دة

عايز أقول كلام عام عن سياسة إغلاق البوستات

المفروض عندما يتم إغلاق بوست (أي بوست)
يكون هناك توضيح للأسباب التي دعت لذلك ثم اعتذار
الاعتذار لأنو بعض البوستات المغلقة بكون فيها جهد كبير
وإغلاق البوست يحرم الناس من حصد النتائج أو الاطلاع عليها
لكن الواقع يقول إنو مدير المنبر ما فاضي لكل هذه التفاصيل

بس المشكلة هي عدم وجود معايير يتم بموجبها إغلاق البوستات
فهناك بوستات تطفح بالسباب الشخص وغيره من إساءات
وتكون مستمرة لعشرات الصفحات
بينما بعض البوستات تغلق لمجرد الهبشة
لأنو هناك ناس قليبُن رهيف وما بقدر على الهبباي في عز الصوم

كما قال بكري عباس 😆
قفلة البوست وليس قفلت البوست
قل ولا تقل 😆😆

صاحب البوست .. هو من طلب أغلاقه .. هو حر كما فتحه يمكنه قفله .. ولا شنو؟

خطوة موفقة جداً في نظري .. قدم وجهة نظره كاملة .. وبقية العت واللكن ما عنده به شغله.

بريمة

السنوسى بدر .. راجع .. كلامك ده .. كويس و فكر فيما كتبت ..

انتا فاكر كل الدنيا فى المنبر و بس .. شنو يعنى زكاء اجتماعى و كلام مشقلب كله ..

انا اشرف و اكبر و اعز من ان امد يدى لحق الغير .. يجب ان تعقل الكلام ده كويس ..

بعدين .. من اين انا فى السودان دى ليس قضية من اى مكان .. اين المشكلة هنا ..

انت من وين .. انا لا يهمنى ..

قرمه يا رهيب

.

المدعو جورج بوك / الذى يكتب باسم دينق زورا ..

جورج بوك انت سوداني جنوبي ..
هذا المنبر كان فيه عدد من الاعضاء من دولة جنوب السودان .. قرر جميعهم الخروج من المنبر لانفصال الجنوب بكل ادب و احترام .. انت يا جورج بوك ظللت موجود فى المنبر .. لماذا ..!؟
لذلك ظن الكثيرون ان اسم دينق اسم حركى يكتب به الكثيرون "شبح" و يستغلونه ..
انا فى تقديرى ان الامر غير ذلك ... !!
و ظل جورج بوك / دينق فى المنبر كل عمله مطاردة .. الشرفاء من الاعضاء .. بكلام سطحي و غير منطقي و لا عقلاني ..
و ذلك لان جورج بوك / دينق لا علم له و لا معرفة ..
غير بعض الكلمات و العبارات التي يكتبها في كل البوستات .. و الدليل على ذلك انه لم يفتح بوست و احد فقط .. كتبه من الالف الى الياء .. و انما النقل .. و النقل أمر يسير يمكن تفعله ابنتي التي لم تتجاوز الرابعة من عمرها ... !!
جورج بوك / دينق ظل يروج للعلمانية و الشيوعية التي لا يعرف منها الا اسمها .. و واضح انه يطارد و يكره كل ما هو إسلامي و دينى .. و للعلم فان بيننا احد الاعضاء المسيحيين في هذا المنبر نكن له كل تقدير و احترام .. عمنا ارنست العجوز .. يدعوا و يروج للدين المسيحي و يجد كل الاحترام و التقدير...!!
للعلم .. لا مشكلة لي مع المسيحي او المجوسي او غير ذلك .. لدى اصدقاء و زملاء في كل مراحل تعليمي من الابتدائية الى الجامعة من قبائل السودان المختلفة بما في ذلك قبائل الجنوب .. و من بينهم أهل و معارف و اسرة ... !!
ان كان في المدعو جورج بوك / دينق خير .. له ان يعمل الخير فى اهله و قبيلته و مواطني جنوب السودان الذين ابادتهم الحرب ... !!
من لا مبادئ له .. لا اخلاق له .. و لا نتوقع منه حتى ان يحترم نفسه ناهيك عن الاخرين ... !!
و اخيرا .. أعمل خير فى نفسك .. ان كانم فيك خير .. و اترك اهل السودان فى حالهم ... !!
فاهم أعمل خير فى نفسك يعنى شنو ... !؟
يا لك من جاهل و غبى ..
تبا لك ..

قرمه أعصابك ما نموت سمبلا
والله قصة

غلق البوست جاء في توقيته تماما

وشكرا

Quote: علي الرغم من صداقتي مع المرحوم العوض التي كانت امتداد للعلاقات الاسرية بين جدي وجده الا ان الشفع ديل ما بيهم ريحة الابوات

قللةالأدب أظنها بقت سنة ماضية في هذا المنبر وممكن عادي أولاد الناس يسمعوا من اليسوى والمابسوى .. فبالله شوفوا العجيل دا يشكر في المرحوم ويفتخر بصداقته عشان يسي لينا نحن اخوانو إستعباط وصفاقة غريبة جدا .. ياسنوسي إنت كائن عندك عقد نفسية كتيرة جدا ومنها الإحساس بالدونية عشان كدا كل مرة بتجي ناطي غلط لما يوم تقع وتكسر رقبتك .. وتفااااهتك وعنصريتك المنبر دا كلو شاهد عليها منذ إنضمامك اليه الي يومنا هذا .. فدحين أمشي شوف محل تاني كب فيهو غباينك الماليها حد دي ، وسيب دربنا دا .. ولا يغرنك حلمنا مع بعض التافهين المنحطين امثال دينق وغيرهم نحن اي زول بنكيل ليهو بعبار مختلف من التاني .. العايز سفاهة .. بنتسافه معاهو والعايز دق بندقو .. والأغلف الزيك كدا ممكن نمسكوا ونرفع ليهو كرعيهو ونطهروا علي سنة الله ورسوله .. فأرعي مقيد وماتتعلق فينا ساكت والله والله والله التشوفو بي عينك أكتر من المتسمعوا ..
ها قد حذرتك .. فأمشي مارس صع لقتك في مكان أخر غيرنا .

....
جلالدونا .. الموضوع دا قتل بحثا
فماتعيدو لينا البوست المقفول بالبطئ 😁

الشكر لكل الاخوة المتداخلين و رمضان كريم و تصوموا و تفطروا على خير
و سأعود للرد على مداخلاتكم
_____
عشان تكتمل الصورة اسمحوا لى بنقل المداخلاات الاساسية موضوع البوست هنا
و هنا رد قريمان على مداخلة هيثم التى جاءت فى صدر البوستتحياتى و تقديرى لك اخى هيثم طه ..
_______
اشكر لك حضورك ..

Quote: سلامات قريمان وعساك طيب اشهد انك فصيح الانجليزية وتلوي بحرف الـ R كما خلقه الفرنجة الامريكان --- طبعا الشهادة دي من ملاقاتي ليك قبل اكثر من عقد ونيف - عندما غررت بنا و نحن خريجين جداد باكذوبة الهجرة الي مانيتوبا و نهبت اموالنا واختفيت !! غايتو انا سامحتك كما كتبت لك في الايميل لكن ما اظن باقي الشباب !!

بحق اننى بذلت جهدا كبيرا لمساعدتك و أخرين للهجرة الى كندا .. فأنا لم اغرر بك و لا بغيرك .. و لم انهب مالا .. و لا قرشا واحدا ..
و لقد قمت باللازم تجاه اوراقك و تقدمت بها للجهات المعنية كاملة كما استلمتها منك عن طريق الحد الاخوة فى كندا .. و فيما بعد عللمت انها لم تقدمت ..
لظروف محيطة بذلك الشخص .. و قبل ان اجد رسالتك التى اشرت اليها .. حاولت التواصل معك .. دون جدوى .. لارد اليك مالك "قروشك" .. و الله لا اذكر كم .. المبلغ الذى استلمته منك ..
و اذكر جيدا أنك اعطيتنى اياه و انا امام صالة المغادرة .. مطار الخرطوم .. العام الذى يليه ذهبت الى كندا .. و قدمت ورقك كاملا للادارة المعنية .. قدمته بنفسى ..
حرصا على الوقوف بجانبك و مساعدتك .. !!

أما ان تبهتنى و توجه لى تهمة يا هيثم .. و تقول اننى غررت بكم و نهبت أموالا .. فهذا كذب بواح و بهتان مبين ... !!

و من هنا و عبرك أنت يا هيثم .. أن يتقدم كائن من كان .. من الذين اشرت لهم للحصول على حقه كاملا دون نقصان .. !!

فان لم يتقدم احد و لا تستطيع انت اثبات ذلك فعليك الاعتذار .. عن هذه التهمة التى انا برئ منها .. و فى هذا المكان .. !!

و أنا أعلم علم اليقين .. اننى لم اسلم قرشا واحدا قط .. من أى شخص غيرك يا هيثم .. و لا أنا فى حاجة لان اغرر بك و لا بغيرك من الناس ...

أنا فى انتظارك .. و الله على ما أقول شهيد ... !!

و هنا رد هيثم الثانى على مداخلة على مدااخلة قريمان
______
قريمان ازيك ياخ !!
بصراحة احييك علي الامانة بتاعتك والله قايلك ح تنكر الموضوع حطب --و صدقني لاني زول ما مشاكس شديد وما خبير في المساككة المنبرية كنت ح انسي الموضوع لو كنت نكرتو !!
والحاجة الظريفة فيك انك زول ما لئيم -- بس قد تكون ما كنت smart enough في مداخلتك !!
شوف كمية التناقضات والجغمسة في المداخلة !!
عموما عشان الموضوع ما يتشرا ح اتكلم باسمي لانو دا انت اثبتو ! وعلي هذا الاساس اعتذر لك اعتذار كامل الدسم عن كلامي عن الاخرين !! اها قصرت معاك !
طيب نجي لموضوعي : اولا عليك الله يا قريمان الحنك بتاع حاولت ارد ليك قروشك وحاولت التواصل معك دون جدوي دا كلام فارغ ساي --(يعني اطلع ليك اخر الايميلك ومنو القطع من المراسلة !!) - ياخي ان شاء الله كان تجي تديها للزول الجابنا ليك !!
طيب يا قريمان انت زول شلت قروش من زول و ما رجعت ليهو بحجة ما قدرت تتواصل معاهو - كيف ما ابهتك بالغرران(ما لقيت المصدر من غرر هههه) وكيف ما اتهمك - وكيف كلامي يكون كذب بواح وكمان بهتان مبين هههه
واصلا اذا انت كنت قدمت الاوراق ليه كنت داير ترجع لي القروش !!
عليك الله يا قريمان لو عندك نية ترد علي المداخلة - خلي ردك يكون ذكي و consistent ---
---
اها حسع عرفت كيف تصلني -- في امكانية ترجع لي قروشي ههههه مش قلت (و من هنا و عبرك أنت يا هيثم .. أن يتقدم كائن من كان ) اها اتقدمت انا
بالمناسبة انا ما بعيد من كندا
----
يا زول العفو والعافية بالجد

و هنا رد قريمان بعد ان اقتبس مداحلة هيثم اعلاه

Quote: اشكرك اخى هيثم ..

وحسنا فعل هيثم اذ توقف تماما عن الاشارة لهذا الموضوع
وده على الاقل بالنسبة لى حسب متابعتى للمنبر

البوست رجع بالحركة البراحه هنا دا ههههه

Quote: وبقية العت واللكن ما عنده به شغله. بريمة

بريمة يا اخوي الذكرتهم فوق ذيل منو!؟

فوق 😁

رمضان كريم يا جلجل

إنبثاقاتك بتحكي قصة أيامك معايا

يا قريمان ياخ تقفل بوستيك وتجي تعلق في بوست جلال؟ أيعقل هذا

ذكرتني القالو بمطر التمباك يقفل حُقتو ويشتري من تمباك جارو

اللهم إني صائم

.
.
قالوا ...
قلة (المشاط) بتعلم (الشغلة) ...
.
.

( صوموا تصحوا )

Quote: بريمة يا اخوي الذكرتهم فوق ذيل منو!؟

أبي تفوتها يا سوفي؟

طيب يا قريمان من المداخلات بينك و بين هيثم الفوق دى ح اكتفى بى سطور داعمة لطرح سؤالى الاول
هيثم

Quote: طبعا الشهادة دي من ملاقاتي ليك قبل اكثر من عقد ونيف - عندما غررت بنا و نحن خريجين جداد باكذوبة الهجرة الي مانيتوبا و نهبت اموالنا واختفيت !!

الطيب

Quote: و أنا أعلم علم اليقين .. اننى لم اسلم قرشا واحدا قط .. من أى شخص غيرك يا هيثم .. و لا أنا فى حاجة لان اغرر بك و لا بغيرك من الناس ... أنا فى انتظارك .. و الله على ما أقول شهيد ... !!

هيثم

Quote: يا زول العفو والعافية بالجد

من الاقتباسات الفوق دى اى عاقل بيعرف انو ده تعامل مالى شخصى بين اتنين
و انو الموضوع انتهى بالعفو و العافية و لو فى تفاصيل تانية مكان التواصل الشخصى بيناتكم
سؤالى .. دافعك شنو عشان تانى تمشى تفتح بوستات على شاكلة بيان للناس و استدعاء لى هيثم
عشان تعيد اجترار الموضوع و تدخل فى انكار و حليفة و لت و عجن ما ليهو معنى غير لنّو يقدح فى مصداقيتك
___
السيد المسلمى ... شكرا على رفع البوست
و سؤالى التانى ليك و بالمرة متذكر جدا انك عاوزنى فى موضوع

يا جلي في سردك لتسلسل الاحداث اغفلت اهم نقطة واعتقد هي الدفعت قريمان للتهور وهي مطاعنة ومطاردة اعداء قريمان له بالموضوع دا، دينق فتح ليه بوست عديل باسم محتال كندا، حينها لم يكن الكثيرين يعرفون التفاصيل او سمعوا حتى باسم هيثم.
هذا قد يكون فيه اجابة لتساؤلك عن سبب فتح قريمان للبوستات واجترار الموضوع
لكن هذه المكاردة وتدخل الآخرين ليس ابدا مبررا لقريمان لعدم انهاء الموضوع الاصلي مع هيثم.
ربما هذه المطاردة لها جانب ايجابي وحيد وهو اعادة الموضوع للسطح ليحسم في ابنهاية فلا اعتقد ان هيثم بعد قولة العفو والعافيودة بالجد كان سيعيد ذكر الموضوع مرة اخرى

يا جلي في سردك لتسلسل الاحداث اغفلت اهم نقطة واعتقد هي الدفعت قريمان للتهور وهي مطاعنة ومطاردة اعداء قريمان له بالموضوع دا، دينق فتح ليه بوست عديل باسم محتال كندا، حينها لم يكن الكثيرين يعرفون التفاصيل او سمعوا حتى باسم هيثم.
هذا قد يكون فيه اجابة لتساؤلك عن سبب فتح قريمان للبوستات واجترار الموضوع
لكن هذه المكاردة وتدخل الآخرين ليس ابدا مبررا لقريمان لعدم انهاء الموضوع الاصلي مع هيثم.
ربما هذه المطاردة لها جانب ايجابي وحيد وهو اعادة الموضوع للسطح ليحسم في ابنهاية فلا اعتقد ان هيثم بعد قولة العفو والعافيودة بالجد كان سيعيد ذكر الموضوع مرة اخرى

يا مونتي ما تسمع كلام
ود المدير دا،،،،لسه فيهو ريحة الكيزان
عشان كدا لسة ما قادر يبطل الكضب
انا عارف تاريخه كويس

اتفق تماما معاك انو هيثم ما كان ح يجيب السيرة دى بعد قدّم العفو و العافية
لكن قبل المطاردات الطيب تصرف تصرف غير موفق بسحب مداخلات هيثم و مداخلاته فى البوست الاول
بل و خانه ذكاؤه حين قام بسحب البوست و اعاد كتابته
الحته دى هى السبب الاساسى فى المطاردات الحصلت
حتى ان بعض الاخوة استدعى الذاكرة ليقول شهادته
ده كلو ما مهم ...
المهم خانه ذكاؤه للمرة الثانية فى ردة فعله
كان بكل بساطة يكون الرد لى دينق بالاتى
يا دينق ..
الموضوع ده اتناقش و حصل فىهو عفو و عافية
و لو فى بعض التفاصيل ح اناقشا مع صاحب الموضوع فى الخاص
و من هنا و لى قدام الموضوع ده لا يعنيك او يعنى غيرك لا من قريب او بعيد
ف ياريت ما تفرض نفسك فى شأن خاص و شكرا
بى كده كان حسم حاجات كتيرة
الشى الفايت عليهو الان هو ان امنجية و كيزان المنبر ختوهو فى حتة يحرق نفسو براهو
و هم يشيلو و يهبّو فى النيران

اوعى يكون المستنير من الفئتين الباغيتين ديل

لكن يا معاوية زولك إنبرى دفاع لامن حيّر قريمان زاتو.

جلال كل عام وانت بخير

الموضوع ده اتناقش و حصل فىهو عفو و عافية
و لو فى بعض التفاصيل ح اناقشا مع صاحب الموضوع فى الخاص
و من هنا و لى قدام الموضوع ده لا يعنيك او يعنى غيرك لا من قريب او بعيد
ف ياريت ما تفرض نفسك فى شأن خاص و شكرا

والله لو كلنا قرطنا على كدا وادينا الاتنين الفرصة ينهو الموضوع بيناتهم يكون اجمل شيء

خاصة ونحن في شهر العفو والمغفرة والطاعات

ولا تنسوا افضل بينكم

تحياتى