Post: #2 Title: Re: بيان من أصدقاء الخطوط الجوية السودانية(سف Author: ghariba Date: 05-19-2018, 09:02 PM Parent: #1
التغيير: صالح عمار
أفلحت تهديدات مسؤولون سودانيون لفنان شاب في سحب أحدث أغانيه من موقع يوتوب يوم الجمعة بعد تصنيفها كنشاطٍ معادى للسلطة وذلك بعد ساعات من بثها.
والاغنية من كلمات الشاعر والفنان طارق الامين وتتحدث عن إفلاس وإغلاق الخطوط الجوية السودانية التي تاسست في العام 1947 وقبل أسابيع أعلنت الحكومة رسمياً إغلاقها نتيجة الخسائر المالية. ومطلع الاغنية “سودانير خلاص ياناس ما اعلنوا الإفلاس” ووردت فيها إشارات لعبارة المشير عمر البشير الشهيرة “صرفت ليها بركاوي” ووزير النقل عوض مكاوي ومدير سودانير ياسر تيمو .
وأكدت مصادر مطلعة ان السفير السوداني في مصر عبدالمحمود عبدالحليم إتصل هاتفياً بالفنان الشاب أحمد عبدالله (احمدون) المقيم في القاهرة وأبلغه ان وزيراً بالقصر الجمهوري بجانب قيادات امنية في الخرطوم صنفت الاغنية “كنشاط معادٍ للسلطة” وأن عليه سحب الاغنية فوراً من موقع (يوتوب) وإلا فإن الامر سيتسبب له في ضررٍ بالغ. وأكدت المصادر ان السفير وعد “بتقنين وضع الفنان ومساعدته وتسهيل أوضاعه إذا استجاب للطلب”.
واضافت المصادر أن إتصالات تلفونية أخرى من طاقم السفارة السودانية بمصر حملت تهديدات اكثر حدة للفنان (أحمدون) مما اضطره لسحب الاغنية من موقع (يوتوب).
وفيما يلي النصَّ الكامل لكلمات الاغنية التى صاغها الشاعر طارق الامين:
سودانير خلاص ياناس .. ما أعلنوا الإفلاس
الحال يجنن حاوي .. سودانير ملانه بلاوي
الغنية دي كروباوي .. عشان نصرف البركاوي
بركاوي اول لينا .. عشان سكتنا رضينا
بركاوي يامكاوي .. ياهو المطلع عينا
مكاوي كك ياكيمو .. جاب لينا ياسر تيمو
لاعرفنا شن تعليمو .. ولاشفنا زي فلهيمو
لاحاول اصلا يوفي .. لا اداهم البيكفي
لاشال معاهم سيلفي ..
بس شال معاهم فاتحة .. وداهم احمد شرفي
ياحليلا سودانير الكنا بيها نطير
كل ما يجيها وزير يأذيها بالتنظير
باكر بلدنا تضوي رغم الكلاب بتهوي
ونسوي ياما نسوي قضبان وطيران جوي
سودانير خلاص ياناس مكاوي اعلن الإفلاس
Post: #3 Title: Re: بيان من أصدقاء الخطوط الجوية السودانية(سف Author: يحي قباني Date: 05-19-2018, 09:05 PM Parent: #1
الفيديو ده اسمو ( وهمة ) موظفي سودانير ... ههههه
Post: #4 Title: Re: بيان من أصدقاء الخطوط الجوية السودانية(سف Author: يحي قباني Date: 05-19-2018, 09:06 PM Parent: #3
