عمر دفع الله. مالك يا رجل؟

09:49 AM May, 16 2018

سودانيز اون لاين
Abureesh-أمريكا
مكتبتى
رابط مختصر

خريطة السودان فى رسمتك اعلى المنبر.. لماذا تضع حلايب بين حدودين؟
هل رأيت هذه الخارطة فى هيئة المساحة السودانية؟ هل رأيتها فى خرائط الجغرافيا فى مقررات المدارس الابتدائية التى درستها مجانا؟
هل تريد ان تقول للمصريين اننا انفسنا غير متأكدين من تبعية حلايب ونقدر إدعاء المصريين تبعيتها؟
ام انها الغفلة فى عهد الضياع الوطنى والسذاجة السياسية؟
ولكن دعنى اقول لا الومك.. فكيف تتأكد من حدود السودان قبل ان تتأكد من هوية سكانه. السودان ربما البلد الوحيد فى العالم الذى لا يعرف جزء كبير من سكانه من هم؟

يا للاسف.

Quote: السودان ربما البلد الوحيد فى العالم الذى لا يعرف جزء كبير من سكانه من هم؟

رمضان كريم أخينا ابو الريش ...
ولكنك متأكد تماما" بأن سكان مصر هم أهلنا
ولا يجوز إلحاق الضرر بهم حتي ولو احتلوا
حلايب او أجزاء أخري من السودان ...
ألست من قال ذلك يا اخونا ابو الريش في
اضابير هذا المنبر .....

"رمضان كريم أخينا ابو الريش ...
ولكنك متأكد تماما" بأن سكان مصر هم أهلنا
ولا يجوز إلحاق الضرر بهم حتي ولو احتلوا
حلايب او أجزاء أخري من السودان ...
ألست من قال ذلك يا اخونا ابو الريش في
اضابير هذا المنبر ...."

اخونا صلاح.. سلام ورمضان مبارك.
اولا ما علاقة هذا الموضوع بالرسمة وتعليقى عليها؟
هل نحترم ونعطى اعتبار لوجهة نظرهم فى تبعية جزء من عصرنا حتى لا نلحق الضرر بهم ونجرح شعورهم؟

ثم هات الدليل انى قلت هذا الذى نسبته الى:
"رمضان كريم أخينا ابو الريش ...
ولكنك متأكد تماما" بأن سكان مصر هم أهلنا
ولا يجوز إلحاق الضرر بهم حتي ولو احتلوا
حلايب او أجزاء أخري من السودان ...
ألست من قال ذلك يا اخونا ابو الريش في
اضابير هذا المنبر ...."

واذكرك اختصارا للوقت انى فى بوست ماضى عارضت توجه بعض المتحاورين الذين تحدثوا عن ضرب السد العالى.. فلماذا لا تأتى بالنص كاملا؟
انا حتى الان ضد مجرد التفكير فى مثل هذا العمل الذى يمثل جريمة إنسانية لا يبررها حتى احتلال الارض بواسطة حكومة مصر. شعب مصر من المدنيين لا ذنب لهم فيما تقوم به حكوماتهم. ولكن مرة اخرى.. ما علاقة كل هذا برسم خارطة للسودان بواسطة سودانى تظهره بمظهر مؤسسة دولية محايدة تجاه الصراعات الحدودية بين الدول. هل السودانى محايد فى موضوع حلايب والتين؟

تحياتى

Quote: اولا ما علاقة هذا الموضوع بالرسمة وتعليقى عليها؟

تحياتي ابو الريش ...
ياخوي الجابني هنا كلامك المقتبس في مداخلتي
الاولي والتي تنكر فيها معرفتنا بي من نحن ...
المفارقة هنا إذا كنا لانعرف من نحن فأكيد لن
نعرف أهلنا إذا كانو من مصر ولا الواغ واغ ...

Quote: شعب مصر من المدنيين لا ذنب لهم فيما تقوم به حكوماتهم.

كلام الاضابير هو نفسو كلامك المقتبس
اعلاه بس بي تفصيل شويه ...
يعني المقتبس اعلاه يقرأ:-

Quote: شعب مصر من النوبه والصعايده هم أهلنا ولا ذنب لهم فيما تقوم به حكوماتهم.

فيما يخص خريطة الفنان عمر ... أظن
وبعض الظن إثم بعضهم من لجأ للغرب
وضمن مكان بنوم ... قام بحرق كل ما
يربطه بي جنسيته السابقه حتي ولو
كانت حقائق واضحه ... الفنان عمر من
سنه وشوي فقد البوصله والاتجاه معا"
بإسم محاربة الإخوان المسلمين .... ولكنه
يحارب في السودان الوطن ...

رمضان كريم أخينا ابو الريش ...
ولكنك متأكد تماما" بأن سكان مصر هم أهلنا
ولا يجوز إلحاق الضرر بهم حتي ولو احتلوا
حلايب او أجزاء أخري من السودان ...
ألست من قال ذلك يا اخونا ابو الريش في
اضابير هذا المنبر .....
-------------------------
انت فاهم غلط يا ودالزبير ..
ابوالريش بيقصد إنو في عشرات الآلاف من السودانيين
قاعدين يشتروا شقق ومتاجر من حر مالهم في مصر وفي بعض الاسر
انجبوا اولادهم ووكبروا وتزوجوا هناك ولو يشاهدو السودان .
وناس حلايب لقوها باردة ، مستشفيات ومدارس مجانية وسلع تعاونيات
شبه مجانية ولا صف بنزين ولا صف رغيف ولا يحزنون .
اما موضوع الخريطة دا فالاخ ابوريش
يطمح في ان يجعل منه ( أيقونة ) ، مثل ( مفتاح الفلسطينيين ) وكدا.
قرابة السبعين سنة والفلسطينيين حايمين بالمفتاح من منفى الى منفى
وفي النهاية قبلوا بحل الدولتين وبرضو اسرائيل ما عايزا ..
اها انا لامن ترجع حلايب تحت الادارة السودانية بالحرب او بالسلم
ساعتها سأرسم الخريطة زي ما كانت قبل محاولة اغتيال مبارك ......اها انا قصرّت في شي يا ودالزبير ؟ ........سلام

رمضان كريم يا عمر وشكرا على الطلة.

الخارطة مرسومة بس كسودانى متوقع انك تنقلها من الخرائط السودانية وليست خرائط الامم المتحدة.. لأنك طرف فى النزاع ولست محايدا مثل الأمم المتحدة. اما حكاية صفوف البنزين والشفخانات وما عارف شنو.. طيب اعرض قريتكم للمصريين واضمن لك ان صفوف البنزين ستختفى.اما تمثيل اهل الشرق بحملة مفاتيح فلسطين فيعنى ان الشرق غريب عنك ولا تنتمى إليه. ماقشتك فى هذا الموضوع من قبل. حتى عصافير الحجاز يعرفون معنى الوطن اكثر من كثيرين منا.هب جنة الخلد اليمن....لا شيئ يعدل الوطن.ابدل اليمن بمصر.

كمان بقيت استاذ تربية وطنية يا ابو الريش ؟
اها ناس حلتنا العندهم قروش اشتروا شقق في مصر من زمان
وما منتظرين المصريين يجوا لعندهم زي ناس حلايب .
انت يا ابو الريش تتكلم عن امانى .
لو كانت حلايب تمتلك غاز دولة قطر وكان هناك عدل في الدنيا
خارج موازين القوى العسكرية ويسمح لاهل حلايب بتقرير مصيرهم
لاختاروا دولتهم المستقلة واستأثروا بثروتهم لوحدهم .
حلايب اليوم هي مسؤولية حكومة الاخوان المسلمين التى سمحت
للجيش المصرى بإحتلالها دون حتى ادنى مقاومة وعندما تذهب حكومة الاخوان
وتأتى مكانها حكومة تمثل اهل السودان وتتكون بإختارهم الحر ، ساعتها يمكنك
ان تناقشنا بدون حركات الابتزاز بتاعتك دى .
ياخى انت شدة ما زول بائس لدرجة انك تفرح وقت شفت غندور في مرة نفش ريشو على المصريين
ونسيت انو غندور ينتمى الى الجماعة التى كانت السبب في ضياع حلايب ، بل ونسيت انو غندور
كان وراء اكبر عمل كارثى في تاريخ السودان السياسى الحديث ، بتفكيكه للنقابات السودانية .

فيما يخص خريطة الفنان عمر ... أظن
وبعض الظن إثم بعضهم من لجأ للغرب
وضمن مكان بنوم ... قام بحرق كل ما
يربطه بي جنسيته السابقه حتي ولو
كانت حقائق واضحه ... الفنان عمر من
سنه وشوي فقد البوصله والاتجاه معا"
بإسم محاربة الإخوان المسلمين .... ولكنه
يحارب في السودان الوطن ...
----------------------
انت هسي فرقك من ابو الريش شنو يا ودالزبير؟
اي واحد فيكم قاعد يوزع في صكوك الوطنية على طريقته .
انت لسه ما عارف مشكلة حلايب ( مكانا وين !)

هلا صلاح
رغم انى لم اعرف العلاقة بين النقاش الدائر وبين مداخلتك الاخيرة إلا انى توقفت عند العبارة:
" ولكنه يحارب في السودان الوطن "
لم افهم معناها.. انت تقول ان الاخ عمر فى السودان ويحارب من هناك.. فهل تعنى ان اللاجئين فى الخارج لا يحق لهم ان يتحدثوا فى الشأن السودانى واللا الراى شنو؟ استفسار بس.
بعدين حكاية (بعض السودانيين) الما عارفين هم منو.. انا ما عارف ليه اعتبرت نفسك واحد منهم . ما علينا.. لكن المهم دا ما كلامى انا.. بس شوف الأرشيف كلو نقاشات من سنة تأسس. نحن عرب.. لا نحن أفارقة.. لا نحن مسلمين.. لا نحن كوشيين.

"وعندما تذهب حكومة الاخوان وتأتى مكانها حكومة تمثل اهل السودان وتتكون بإختارهم الحر ، ساعتها يمكنك ان تناقشنا"

بس برضو ساعتها اتذكر تصلح خريطة السودان وتخت حلايب كلها داخل الحدود بالله .. وياريت لو كمان مرة واحدة تشيل خط 22

الكراكتبر لا يتم الا بهذه الجزئية ..
قراءتي ان عمر يريد ان يصف الحال الذي اوصلت الانقاذ البلد ليهو .. وطن ممزق وقابل للنهب والتمزيق الاضاقي .. ولو لم نتدارك الحال فستتمزق هذه الخارطة من جديد .. ومكان رهيفة مرشح للقد اكثر من غيرو

ثم يا ابا الريش انت زايد العيار حبة في مسالة حلايب .. وقاعد تزايد بيها كثيرا على وطنية الناس

كن بخير
وتقبل احترامي

"ثم يا ابا الريش انت زايد العيار حبة في مسالة حلايب .. وقاعد تزايد بيها كثيرا على وطنية الناس"

هلا محمد
ممكن شرحو؟
وين العيار الزايد.. بصورة موضوعية وبنص محدد من كلامى.

تحياتى

حلايب في رسم الأخ عمر دفع الله داخل حدود السودان وإن كان بين الوطن الأم وحلايب حاجزا أو سلكا شائكا - حاجز بفعل الإحتلال !وهو أمر حادث واقعيا- حلايب جزء من التراب الوطني يقف بيننا
وبينها حاجز مصنوع
إنتهي الكلام الموجه لأبوريش والكلام التالي - عام - لايعنيه بالضرورة!
* لايملك أي شخص المزائدة علي وطنية عمر دفع الله أو إحتكار صكوك الوطنية وحجبها عمن يعارض سلطة الإنقاذ!
* إن كان هناك خائن فهو البشير ونظامه فهو من فرط في حلايب وعجز عن إستردادها حربا أو سلما - ومع هذا التفريط في التراب والسيادة
- تجد البشير يتبرع بالأراضي الزراعية لمصر ويهبها خمسة الف رأس من الماشية لها ويمنح منتخب مصر لكرة القدم عشرات السيارات وعشرات اللالاف من الدولارات !
ومع هذا يتواطئ البعض بالصمت تجاه هذه الخيانة السافرة والذل والهوان ويحجب عنها كروت التخوين المستحقة بينما يشهرها في وجه الشرفاء ممن يعارض السلطة ويحرص علي
قدسية التراب والسيادة الوطنية!
* يستخدم خونة الإنقاذ جيشنا - لتنفيذ أجندة لاتعنينا في حرب اليمن بحيث يقاتل ويموت من مصالح الغير وأجندة أمراء النفط مقابل حفنة دراهم يستولي عليها سماسرة الموت ولوردات
الحرب في الخرطوم وسط تهليل أبواق الإنقاذ والصمت المهين للبعض!
...

كمال عباس كتب:
"* إن كان هناك خائن فهو البشير ونظامه فهو من فرط في حلايب وعجز عن إستردادها حربا أو سلما - ومع هذا التفريط في التراب والسيادة "

تذكرت طريقة الرئيس ترامب.. كلما سألوه عن سياساته أتكلم عن اوباما وهليرى كلنتون.

أبو الريش
(كمال عباس كتب:
"* إن كان هناك خائن فهو البشير ونظامه فهو من فرط في حلايب وعجز عن إستردادها حربا أو سلما - ومع هذا التفريط في التراب والسيادة "

تذكرت طريقة الرئيس ترامب.. كلما سألوه عن سياساته أتكلم عن اوباما وهليرى كلنتون.)
مافي مقارنة !
نحن ثبتنا سودانية حلايب ودافعنا عنها -ورفضنا التمصير- بعقلانية والحقائق ولكن بموضوعية وبلا عواطف فجة!
التقييم الموضوعي يتطلب أن
نبثت خيانة نظام البشير وتفريطه في التراب والسيادة وماقدمه للمحتل من تنازلات بكل ذل وهوان
- ونرفض التمصير وتكريس الآحتلال وندين عجز النظام في مواجهة التمصير( خدمات وعلاج وتعليم
وسطوة إعلامية وثقافية مصرية) يقابلها تقاعس وتهاون إنقاذي !
.........
من يسكت علي خيانة البشير أو يبرر لتفريطه في التراب الوطني أو لمواقفه المخزية يمكن أن
يكون خائنا مثله أو علي متواطئ بالصمت أو متهاون أو أو!

"نحن ثبتنا سودانية حلايب ودافعنا عنها -ورفضنا التمصير "

لا مؤاخذة يا كمال.. انا قاعد اناقش قروب ام الاخ عمر فى موضوع محدد عن الكاريكاتير؟

وهل تجهل أسس الحوار والياته في المنابر التفاعلية المفتوحة؟
أنت إفترعت بوست وطرحت فهمك ونقدك لكاريكاتير عمر دفع الله وهذا حقك! ومن باب الرأي الآخر وحق التعبير تداخل الآخر طارحا فهما مغائرا لفهمك حيث قلت حرفيا.
.( حلايب في رسم الأخ عمر دفع الله داخل حدود السودان وإن كان بين الوطن الأم وحلايب حاجزا أو سلكا شائكا - حاجز بفعل الإحتلال !وهو أمر حادث واقعيا- حلايب جزء من التراب الوطني يقف بيننا وبينها حاجز مصنوع إنتهي الكلام الموجه لأبوريش والكلام التالي - عام - لايعنيه بالضرورة!)
فمالخطأ في حديثي في أعلاه ؟؟
مسألة " نحن" قلنا دي way of speech ولاتعني بالضرورة الحديث نيابة عن جماعة أو تيار!

وبالواضح قلت إني كلامي الموجه لك إنتهي ومايليه كلام عام!إنت من تداخلت وعلقت علي الجزء الأخير من كلامي !ومالذي يزعجك أصلا في وصفنا للبشير بالخيانة والتفريط في السيادة والتراب؟؟ .......

"فمالخطأ في حديثي في أعلاه ؟؟

ما فى خطأ per se وكان ممكن افهمه لو دافعت عن الكاريكاتير او عن عمر رغم انه يناقش ويستطيع الدفاع عن نفسه.. لكن رغم ذلك لتفهمت.. ولكن ان تقول (نحن اثبتنا حلايب سودانية) ثم تحرف الموضوع لنقاش موقف حكومة الانقاذ والبشر .. وتصرفه عن نقد الكاريكاتير فهذا ما لم افهمه.
تكلمنى عن اسس الحوار؟

The UN map

https://www.0zz0.com

نعم يا كوستاوى وأظنك ربما لم تقرا كل مداخلات هذا الخيط.
نعم هذه خريطة الامم المتحدة. وهى لا تتبنى موقفا لان الحدود فيها
صراع لذلك دمجت خريطة السودان مع خريطة مصر.. ولهذا السبب
جاءت الحدود متشابكة.. الخلاصة: خرائط السودان تظهر منذ 1956 حلايب
داخل حدود السودان بدون اى اظهار لإدعاءت مصر.. والمصريون يظهرون خط 22 دون إظهار الحدود المعتمدة من السودان.. الامم المتحدة تظهر الحدودين كما تكرمت بالخارطة.. لذلك اى سودانى تلقائيا متوقع منه الاعتماد على الخرائط السودانية. اى شخص غير سودانى وغير مصرى عليه الحياد ويعتمد على خرائط الامم المتحدة. هذه بديهيات لكن تقول شنو ولمنو.

يا أبوريش قول بإسم الله دا كلامي حول كاركتير عمر دفع الله
(( حلايب في رسم الأخ عمر دفع الله داخل حدود السودان وإن كان بين الوطن الأم وحلايب حاجزا أو سلكا شائكا - حاجز بفعل الإحتلال !وهو أمر حادث واقعيا- حلايب جزء من التراب الوطني يقف بيننا وبينها حاجز مصنوع )
يعني حلايب في الرسم تقع ضمن السودان لاحظ خط تقسيم الحدود العريض ولون المساحة
وهناك حاجز مابين حلايب والوطن يشبه السلك الشائك أو الوضع المصنوع وهو ربما - إشارة
للحال الماثل ( المرفوض) !

الحدود طبعاً مسألة عاطفية خصوصاً الحدد الاستعماريةويمكن عشان كدا افريقيا اعتمدت الحدود الاستعمارية

والافارقة بشكل عام انفقوا الكثير من المال والدماء في الدفاع عن التركة الاستعمارية دي.
طبعاً الحل في التكامل والتعاون الاقتصادي بدل من الحروب والاحتقانات الما عندها معنى دي

بالطبع السوداني الحالي هو نتاج التجميع الذي فعلته التركية واعقبتها بريطانيا لذلك الافضل هو محاولة حل الخلافات حول الاراضي
والحدود بشكل سلمي يعتمد على الاستفادة من العلاقات بين البلدان المتجاورة في مشاريع اقتصادية تعود بالنفع للشعوب الافريقية.


طبعاً دي مداخلة لاثراء النقاش بشكل عام اا علاقة لها بموضوع الكاركتير

اخونا الصادق.. رمضان مبارك

الفرق شنو بين الاستعمار التركى والاستعمار المصرى.لو احتلينا اسوان هل المصريين حيقولوا خلاص نعملها منطقة تكامل؟لماذا احتل المصريون حلايب بالقوة ولم (يقترحوا) ان تكون منطقة تكامل؟من قال ان المصريين الذين احتلوا بقوة السلاح ارضك يقبلون الإستجداء ان تكون منطقة تكامل؟لو الزول متأكد من حقه لا يطلب تمانل او مناصفة.. تتذكر المرتين الإتشاكلوا ف. طفل.. القاضى قال خلاص نقسمه على اتنين.. ام الطفل الحقيقية تنازلت عنه رحمة بطفلها فحكم القاضى لها وطرد التى قبلت بقسمته.

ابو الريش كيفك

أنا بتكلم بشكل عام إنه الأفارقة يبتعدوا عن الحروب بسبب حدود هي منحة وهبة من المُستعمر.

يعني حدود السودان أو مصر أو أنغولا لم يتم الاتفاق عليها بين المواطنين أنفسهم إنما الاستعمار
كوّن معظم الدول (اثيوبيا لم تتعرض لاحتلال) وبالتالي الحروب تصبح عبثية. والأكثر عبثية هو تحريك جيوش لاحتلال منطقة باعتبارها أرضنا التي ورثناها من الاستعمار كما فعلت مصر
ثم نحرك نحن الجيوش لاستعادة جزء من أرضنا التي صنعها لنا الاستعمار، وارتريا واثيوبيا يقتلان ١٥٠ الف روح من أجل الحدود التي صنعها الاستعمار ولم يشاورهم فيها.

دي نظرتي للموضوع بشكل أكبر ولذلك أميل للحل السلمي دوماً، وإن استعصى فالاستفتاء على حق تقرير المصير
لأن هذه الحدود عبثية واعتباطية

لذلك فالاسئلة المتعلقة بالوضع الحالي لحلايب ليست هي نقطتي خصوصاً. لكن على العموم وجهة نظري أن موضوع حلايب يجب أن يتم سلمياً ما أمكن ذلك
وتجنب الحرب ما أمكن ذلك
وعلى اعتقد أن تعقيدات الموضوع بتاع حلايب في الوقت الحالي كبيرة وربما بسبب المصالح في المستقبل تتنازل مصر عبر تسوية عن حلايب وعن ادعاءتها
بملكيتها خصوصاً في ظل احتياج مصر للسودان كمورد غذائي يحل ازمتها بطريقة غير مكلفة فهي سوق كبير ويمكن للسودان استغلاله لتحسين اقتصاده
وفي نفس الوقت حماية مصالحه واراضيه

فى مفهوم الحدود والاستعمار يحتاج مراجعة.. الاستعمار لم يقسم المناطق الجغرافية ويخلق منها دول.. وانما حدد تلك الحدود ورسمها وخططها. شفت الفرق.. حتى الحيوانات فى الغابة عندها مقاطعات معروفة.. حتى حيوانات من نوع واحد مثل القرود عندها مقاطعات ومناطق خاصة بكل مجموعة.. فلو. قلت ثمار منطقة فإنها تحاول غزو منطقة اخرى وتقوم حرب بين المجموعتين.. حرب منظمة مجموعات. تخيل قبل الاستعمار لو الانقسنا حاولوا والاستيطان فى البطانة.. تعتقد البجا كانوا يسمحوا ليهم وعندهم المقدرة لصدمة. وحين غزا عبدالله بن ابى السحر مصر.. وغزا عمر الشام.. لماذا الغزو لو كانوا دولة واحدة.
بخصوص حلايب هى ارض البجا وخيراتها ملكهم.. والمصريين غرباء عنهم.. غريب الوجه واليد واللسان كما قال الشاعر. ورغم ذلك لا اقول بالحرب.. وبالمناسبة زمن الحرب انتهى او كاد. وتوجد وسائل كثيرة اخرى... والاهم من هذا كله تثبيت الحق. فرنسا كانت مؤجرة جزيرة لليونان بفرانك واحد فى السنة.. عارف الفرانك الفى الاتفاقية هو الذى اعاد لهم جزيرة كاملة. بس تثبيت الحق يكون واضح وصريح وبإصرار.

فيما يخص خريطة الفنان عمر ... أظن
وبعض الظن إثم بعضهم من لجأ للغرب
وضمن مكان بنوم ... قام بحرق كل ما
يربطه بي جنسيته السابقه حتي ولو
كانت حقائق واضحه ... الفنان عمر من
سنه وشوي فقد البوصله والاتجاه معا"
بإسم محاربة الإخوان المسلمين .... ولكنه
يحارب في السودان الوطن ...
----------------------------

اخونا ود الزبير
تعال وريني انا قاعد احارب في السودان الوطن كيف ؟
فقدان البوصلة والاتجاه دي حاجات بتتعالج ومسامحك فيه .
انت يا ودالزبير موقفك من الاخوان المسلمين مدغمس
وعشان تدارى وتحجب موقفك الحقيقى والصريح منهم ، قاعد دائما تحاول
ان تضعهم بين الطيف السياسى وتهاجم الجميع ، بعثيين على احزاب طائفية على شيوعيين .
اعرف الكثير من الناس ممن فقدوا الامل في اصلاح الحال على يد الاخوان المسلمين
يحاولون توزيع فشل الاخوان على الجميع لخلط الحابل بالنابل .
هل تعلم يا ودالزبير ان اكثر الاسلاميين وخاصة من القيادات ، هم من حملة الجنسيات الاجنبية .
وهم اكثر الناس حرصا على ان يحصل اولادهم وبناتهم على الجنسيات الاجنبية .
عندما تخرجت من كلية الفنون كان مبلغ حلمى وفي سقفه الاعلى ان امتلك مجلة صغيرة للاطفال بالابيض والاسود
وعندما خرجت بعد الانقلاب كنت ابحث عن مأوى وملاذ ، شأنى شأن مئات الآلاف الذين تركوا البلد
ثم قادتنى خطايا الى حيث انا الآن .

حديثك اثارى غضبى
وهسي فضيت ليك تماما .... اتفضل واشرح اتهامك لي بمحاربة وطنى ......

كلام صلاح الزبير كلام جافي جدا وقبيح
وبصراحة ما دام في ناس بتفكر كدة والله لينا حق يحكومننا اعداء الانسانية والحرية .

Quote: حديثك اثارى غضبى

عمر الفنان .... صاحبي ....
ياخي رمضان كريم وربنا يديك الصحة والعافية ...
بعدين الحديث البزعلك نسحبو فورا" ونعتذر
عنو اتا قايل شنو ...
باقي كلامك نجيهو ونفرتكو ليك شعبه شعبه ..
اسامه تحياتي وتصوم وتفطر علي خير ...
الاخ مساعد ولا رفيق ساي ...
جايييكم اللتنين بس صبرا" يبل اللابري ...

.

Quote: تعال وريني انا قاعد احارب في السودان الوطن كيف ؟ فقدان البوصلة والاتجاه دي حاجات بتتعالج ومسامحك فيه .

يا عمر يا فنان بالرجوع للتاريخ القريب
جدا" ومع بداية حملة تاديب وحصار قطر
جند عمر الفنان نفسه وأظنه تخيل بأنه في
خندق واحد مع MBS و MBZ في محاربة
(التنظيم العالمي) وعندما اكتشف إنو الموضوع
في الخليج لا يعدو أحد الملفات من بين العديد
من الملفات والأهم منها ... طفقت تشتم من
طرف بدون تحديد اي سقف للمحظورات ...
إبتداء من رمز سيادة البلد (غصبا"عنك وعني)
مرورا" بي جيش البلد (غصبا" عنك وعني)
انتهاءا" بي (مكانا وين) ..... وفي كتير من
المواقف وصفتا نفسك مع الشعب السوداني
كعبيد لي آل سعود كما أشرت في العديد من
الشخبطاط ...
يا عمر وهم التنظيم العالمي تقولو في
فرعياتكم واجتماعاتكم لكن الواقع المعروف
لدي من يعرف من أبناء السودان يقول ان
الحركة الإسلامية السودانية لا ترتبط بالتنظيم
العالمي للاخوان بأي رباط ... ياخي مجهودك
البازلو عشان التنظيم العالمي لو كتا ركزتو في
سياسات النظام كنتا هسع طلعتا بي نتيجة.
سنة كاملة واتا ساكي السراب ...
اتمني تكون وصلت ليك فكرة فقدان
البوصلة وضياع الطريق وصرت مسخرا"
بي رضاك او غصبا" عنك في محاربة نفسك
وأهلك ووطنك ...
تحياتي ...

طفقت تشتم من
طرف بدون تحديد اي سقف للمحظورات ...
إبتداء من رمز سيادة البلد (غصبا"عنك وعني)
-----------------------------------باقى الكلامك ليس له قيمة وسأكتفى بذلك .

وصلت الفكرة تماما يا ودالزبير ..................................... فتك بعافية .