يعرسوا بالجوز و الثلاث و الرباع ... و حاجات تانية حامياني ...
و يجوا يقولوا ليك مشروع الفرار الى الله !!! سمح ما تفروا انتو بالأول !!!
يمين الله ده بقيتوا ليو في رقبتو ...
Post: #2 Title: Re: مشروع الفرار الى الله .. و الدعاء و التضرع � Author: يحي قباني Date: 05-14-2018, 05:19 AM Parent: #1
دايرين الناس تفر ...
و هم في غيهم ...
Post: #3 Title: Re: مشروع الفرار الى الله .. و الدعاء و التضرع � Author: ولياب Date: 05-14-2018, 05:28 AM Parent: #2
وما إلى الفرار من سبيل بعد أن قصقصت الأجنحة .
ولكثير منهم أجنحة ذات (أعداد) فمن الأولى أنهم يفروا .
Post: #4 Title: Re: مشروع الفرار الى الله .. و الدعاء و التضرع � Author: يحي قباني Date: 05-14-2018, 05:32 AM Parent: #3
Quote: وما إلى الفرار من سبيل بعد أن قصقصت الأجنحة .
ولكثير منهم أجنحة ذات (أعداد) فمن الأولى أنهم يفروا
الفرار الى ماليزيا ...
حيث يكنزون ذهبهم و فضتهم ...
Post: #5 Title: Re: مشروع الفرار الى الله .. و الدعاء و التضرع � Author: يحي قباني Date: 05-14-2018, 05:35 AM Parent: #4
دشنت الهيئة الشعبية للثقافة والوفاء والسلام، مشروع (الفرار إلى الله) ، بتشريف رئيس المجلس الأعلى للدعوة والإرشاد بولاية الخرطوم، د.”جابر إدريس عويشة”، و بحضور رجالات الطرق الصوفية وقيادات المجاهدين وعشرات مئات المواطنين. وامتدح “عويشة”، خلال مخاطبته الفعالية، التي أقيمت بالساحة الخضراء، (الخميس)، المبادرة، و طالب بتعميمها في كل بقاع السودان، وقال إنها عمل صالح لاستنزال رحمة الله، و أشار إلى العبادة في وقت الغفلة أحب إلى الله، وأضاف: (الفرار إلى الله سُنة الأنبياء والخلفاء والصالحين). وقال رئيس الهيئة الشعبية للثقافة والوفاء والسلام: “أبوبكر عبد الله بكير”، إن تجربة الفرار إلى الله لم تكن الأولى في السودان ولن تكون الأخيرة، وطالب بتعميم الاستغفار الذي سماه بالسلاح الفتاك إلى كل السودان لينعم بالاستقرار والسلام والوئام.
Post: #6 Title: Re: مشروع الفرار الى الله .. و الدعاء و التضرع � Author: هشام المجمر Date: 05-14-2018, 06:00 AM Parent: #5
حلوة استنزال دي
استنزال رحمة الله قاليك
و الله يا يحي الناس دي مافي فرق ابدا بينهم و بين الجماعة البينزلو الفلوس
Post: #7 Title: Re: مشروع الفرار الى الله .. و الدعاء و التضرع � Author: MOHAMMED ELSHEIKH Date: 05-14-2018, 06:00 AM Parent: #5
بوبكر عبد الله بكير
-----------------------------
ههههه اتذكرت بكور الليلنا الواحد دا
قلت يمكن غير رايو وفر
Post: #8 Title: Re: مشروع الفرار الى الله .. و الدعاء و التضرع � Author: يحي قباني Date: 05-14-2018, 06:01 AM Parent: #5
إن تجربة الفرار إلى الله لم تكن الأولى في السودان ولن تكون الأخيرة، وطالب بتعميم الاستغفار الذي سماه بالسلاح الفتاك إلى كل السودان لينعم بالاستقرار والسلام والوئام.
اي سوداني ( فرّ ) من البلد في عهدكم ... ففراره هو فرار الى الله هرباً من جحيم الانقاذ ...
بعدين تجربة الفرار الى الله لم تكن الاولى و لن تكون الاخيرة ... يعني شنو .؟
يعني حصل شنو المرة القبل دي ؟
Post: #9 Title: Re: مشروع الفرار الى الله .. و الدعاء و التضرع � Author: يحي قباني Date: 05-14-2018, 06:07 AM Parent: #8
حلوة استنزال دي استنزال رحمة الله قاليك و الله يا يحي الناس دي مافي فرق ابدا بينهم و بين الجماعة البينزلو الفلوس
ههه ...
استنزال دي من قلب قاموسهم يا صديقي ...
كلمتهم ... استصحبنا و استفضلنا و استحسنا ... خليك مع الزمن يا ( شيخنا ) ...
Post: #10 Title: Re: مشروع الفرار الى الله .. و الدعاء و التضرع � Author: يحي قباني Date: 05-14-2018, 06:08 AM Parent: #9
ود الشيخ يا دفعة ...
قال ليك المشروع يحتوي على ( حسبنة ) ...
Post: #11 Title: Re: مشروع الفرار الى الله .. و الدعاء و التضرع � Author: معاوية الزبير Date: 05-14-2018, 06:21 AM Parent: #10
هو السودانيين ديل كان عارفين مكان الله وين، كانوا انتظروا دعوة الحكومة يمين تلقاهم واقفين على بابو زي نهارات الصبر
Post: #12 Title: Re: مشروع الفرار الى الله .. و الدعاء و التضرع � Author: أيمن نواى على Date: 05-14-2018, 06:23 AM Parent: #10
سلام قبااذا كان مطعمهم حرام ومشربهم حرام وملبسهم كيف يستجاب لهم كدى خليهم اول يجيبوا قروشهم من ماليزيا و دبى وتركيا و أروبا .... بعدين يدعوا شوف لو ما استجاب ليهم الله
Post: #13 Title: Re: مشروع الفرار الى الله .. و الدعاء و التضرع � Author: Asim Fageary Date: 05-14-2018, 06:36 AM Parent: #12
هو السودانيين ديل كان عارفين مكان الله وين، كانوا انتظروا دعوة الحكومة يمين تلقاهم واقفين على بابو زي نهارات الصبر
You made my day
تحياتي
Post: #14 Title: Re: مشروع الفرار الى الله .. و الدعاء و التضرع � Author: معاوية الزبير Date: 05-14-2018, 07:07 AM Parent: #13
الكتيابي يا فقيري ياخ، عندو جنس فلتات هسي ده كلام شاعر: وكم طائر بعد نتّف جناحو وراك.. لملم حَر ندامتو و فات قطع شامة هواك من قلبو.. إلا هواك نبت تاني وعلِى بابك وقف تاني
Post: #15 Title: Re: مشروع الفرار الى الله .. و الدعاء و التضرع � Author: Asim Fageary Date: 05-14-2018, 07:15 AM Parent: #14
بعد إذن أخونا قباني
البوست دا ممكن يفتح موضوعات كتيرة يا معاوية الزبير
والبوست هذا يؤكد أن الكيزان لا يعرفون الله
لأنهم بطريقتهم بتاع الفرار و وصفه دي هم ماخدينها بصورة بتشبه حاجاتهم الدنيوية
كأنما الفرار إلى الله يكون بديلاً للعمل والمطالبة بالحقوق وما إلى ذلك من معافرات الحياة
هو الله دا إذا هم عارفين إنه خلق البشر بما فيهم الكيزان
المفروض يعرفوا إنه عارف طبيعة البشر شنو
والبشر في الأرض دي فيهم من يمارس الظلم وفيهم من يناهض الظلم
أها البمارس الظلم دا هو لا يفر إلى الله بل يفر من الله
والذي يناهض الظلم هو الذي يفر إلى الله بمناهضته للظلم
بإختصار إن أرادوا أن يفروا إلى الله فليناهضوا الظلم ولكن هيهات وهم الظالمون !
تحياتي
Post: #16 Title: Re: مشروع الفرار الى الله .. و الدعاء و التضرع � Author: عمر دهب Date: 05-14-2018, 08:29 AM Parent: #15
سلام يحيى تلاته ايام لاتوجد مياه فى كل بحرى خاصه شمبات انبوبه الغاز رجعت فاضيه بعد مشاوير طويله ندمت انى عملت خروج نهائى للمدام عشان تكون مع الاولاد فى الحاله المنيله دى .
Post: #17 Title: Re: مشروع الفرار الى الله .. و الدعاء و التضرع � Author: عمر دهب Date: 05-14-2018, 08:42 AM Parent: #16
الحاله صباح اليوم لاتطاق . تخيل من الصباح يجيك تلفون يابوى مافى غاز فى كل بحرى تقولهم فروا الى الفحم . الفحم مازاتوا داير جاز .
Post: #18 Title: Re: مشروع الفرار الى الله .. و الدعاء و التضرع � Author: Asim Fageary Date: 05-14-2018, 08:46 AM Parent: #17
إنتوا يا زنادقة المنبر .. زمان كدا مش في كان عبارة بتقول أرجوا الله في الكريبة ؟
قدر ما مشينا الكريبة وقعدنا فوق رصيف الترعة ما شفناهو
ورونا التعبير دا أساسو شنو ؟
Post: #19 Title: Re: مشروع الفرار الى الله .. و الدعاء و التضرع � Author: يحي قباني Date: 05-14-2018, 01:55 PM Parent: #18
هو السودانيين ديل كان عارفين مكان الله وين، كانوا انتظروا دعوة الحكومة يمين تلقاهم واقفين على بابو زي نهارات الصبر
و الله طول عمرنا عارفين مكانو يا معاوية ...
الا جماعتك ضللونا ...
ديل يا صاحبي قال فيهم هاشم ...
وكت قولهم كلام الله و فعالهم ما فعال صالحين كتير فيهم عديل حقار و بالقرآن كمان تجار و كضابين
Post: #20 Title: Re: مشروع الفرار الى الله .. و الدعاء و التضرع � Author: Hani Arabi Mohamed Date: 05-14-2018, 02:09 PM Parent: #1
هل ما زالت هذه البضاعة تجد من يشتريها ؟
Post: #21 Title: Re: مشروع الفرار الى الله .. و الدعاء و التضرع � Author: عمر سعيد علي Date: 05-14-2018, 03:39 PM Parent: #20
(دشنت الهيئة الشعبية للثقافة والوفاء والسلام)
استهبال على اصولو يا قباني . .!؟
Post: #22 Title: Re: مشروع الفرار الى الله .. و الدعاء و التضرع � Author: يحي قباني Date: 05-15-2018, 05:23 AM Parent: #21
أيمن نواي ...
ديل ما بعرفوا الحرام يا صديق ...
حلّلوا و تحللوا ...
Post: #23 Title: Re: مشروع الفرار الى الله .. و الدعاء و التضرع � Author: Hamid Elsawi Date: 05-15-2018, 05:54 AM Parent: #22
1/ صلاة حاجة و استغفار صلاة استغفار مقبولة لكن صلاة حاجة دي جديدة علي هم محتاجين شنو؟ 2/ الحسبنة دي من حسبي الله و نعم الوكيل يا يحيي ما تندهش و مفروض يقولها الزول الغلبان لكن هم سبقوهو و قالوها في مهرجان عشان ربنا يسمعها منهم قبل الآخرين 3/ الصلاة علي النبي صلي الله علية و سلم و الدعاء و التضرع بنية حفظ البلاد و العباد و فتح أبواب الخير و إغلاق ابوا الشر و أُمك جِلد و أبوك أب صلعة وِلِد
Post: #24 Title: Re: مشروع الفرار الى الله .. و الدعاء و التضرع � Author: يحي قباني Date: 05-16-2018, 06:24 AM Parent: #23
يا فقيري انت مالك و مال الأمور الاسلاموانقاذية دي ...
ما تنزلق مع المنزلقين ... خليك حريف ... :)
Post: #25 Title: Re: مشروع الفرار الى الله .. و الدعاء و التضرع � Author: Asim Fageary Date: 05-16-2018, 06:29 AM Parent: #24
يا يحي قبني .. عليك أمان الله .. في واحد قراها .. الفرار .. الزي الفاس داك
سألتوا قال لي اختلاف روايات في القراية
Post: #26 Title: Re: مشروع الفرار الى الله .. و الدعاء و التضرع � Author: Haytham Ghaly Date: 05-16-2018, 07:51 AM Parent: #25
Quote: مشروع الفرار الى الله ..
الظاهر يا قبة في خطأ مطبعي في الجملة دي
هم اظنهم وليس كل الظن اثم قاصدين ( الفرار من الله)
باقيلك عمايلهم دي عمايل يقابلوبا الله
Post: #27 Title: Re: مشروع الفرار الى الله .. و الدعاء و التضرع � Author: يحي قباني Date: 05-19-2018, 08:51 PM Parent: #26
سلام يحيى تلاته ايام لاتوجد مياه فى كل بحرى خاصه شمبات انبوبه الغاز رجعت فاضيه بعد مشاوير طويله ندمت انى عملت خروج نهائى للمدام عشان تكون مع الاولاد فى الحاله المنيله دى .
مافي موية يا عمر لان العباد ابتعدوا عن الدين ...
لذلك فروا الى الله يرحمكم الله ...
Post: #28 Title: Re: مشروع الفرار الى الله .. و الدعاء و التضرع � Author: Hani Arabi Mohamed Date: 05-20-2018, 02:50 AM Parent: #1
الفرار الى ابليس حقوق المصطلح محفوظة لزميل المنبر د. عمر التاج
Post: #29 Title: Re: مشروع الفرار الى الله .. و الدعاء و التضرع � Author: يحي قباني Date: 05-20-2018, 04:52 AM Parent: #28
هل ما زالت هذه البضاعة تجد من يشتريها ؟ بزنس يا هاني ....
اكل عيش ... و جاتوه كمان بالنسبة ليهم ...
Post: #30 Title: Re: مشروع الفرار الى الله .. و الدعاء و التضرع � Author: يحي قباني Date: 05-20-2018, 04:55 AM
(دشنت الهيئة الشعبية للثقافة والوفاء والسلام) استهبال على اصولو يا قباني . .!؟
يمين يا عمر الاسماء و المصطلحات و القاموس الجابوه الناس ديل ...
غرق السودان في محلة يمرقو منها الجليل الرحيم بس ...
و الله من يوم كنا نسمعهم في ايام الجامعة في اواخر السبعينات و اول التمانينات ...
يقولوا نوع ( يا شيخنا ) ... و ( نحتسب ) عرفنا انو الناس ديل كان لقوا السلطة ... القصة انتهت ...
