Post: #2 Title: Re: مكان الميلاد : حوش بانقا .. قيمة الثروة : 1 ب� Author: يحي قباني Date: 05-12-2018, 00:49 AM Parent: #1
لاهاي
يا سايق البوباي أووب على وواي أنا ال...ان رجيت ال Veto من شنغهاي، وفي ساعات، أنا الرقاص أنا الممنوح هدية عيد وسام قناص، أنا الحوطني شيخ كدباس أنا الغناي بقيت بكاي أخش بي جاي أكورك واي وحلقيdry كلامي كبار كلام خرخار كلام خارم كلام بارم كلام زول شارب نبيذ تسفاي أسوي شنو؟ من أمريكا، من بلجيكا، من موسكو، ومن طوكيو وصلني اللوم جفاني النوم قعدت براي ِحردت الشاي ندهت الفقرا من سنار ولي السقاي. ينجوني يغتوني ويلغوا السفرة لي لآهاي يا تو زعيم بيدور لاهاي؟ والله العظيم، و الله العظيم، والله العظيم وحرم ما بزورا براى لابد من خمسين يسافروا معاي فينا فلان Plus علان وموسى هناي نقول للصولجان باي باي نسيب السلطة وآ أسفاي
تسيب عرس الشهيد والعرضة يا مولاي وتمشي عديل سجون لاهاي؟ ود أم زقده يا الحداث وما سواي ود أم زقده يا العند المحن جراي ود أم زقده يا مارشالنا
يا حاكمنا يا تيس ود بانقا الخراي ود أم زقده يا سارق الخزن حراق بنوك زوار صكوك معدوم الضمير و الرأي واللهِ الليلة ود أم زقده: كان يرقص ال Flamingo كان يسطل شهور بالبنقو كان يطلب لجوء في الكونغو لابد من لاهاي ياسايق البوباي لالفة جاي لاجاي ودى الزعيم لاهاي
Post: #3 Title: Re: مكان الميلاد : حوش بانقا .. قيمة الثروة : 1 ب� Author: يحي قباني Date: 05-12-2018, 00:56 AM Parent: #2
هديمك يا وليد مقدود و صابحنا الفقر و الجوع
صبح باب التكل مسدود كمل حتي الملح في البيت
وشن همّ الملح في البيت وكت ملح الدموع موجود؟
دحين يا وليد هو ديل موُ قالوا ناس إنجاز ؟!!
وشن سّولنا مما جونا غير حرقو الفضل بالجاز ؟
كّل شيتا صعب في السوق من الكبريتة للطايوق
و كان جانا البخت تموين رطيل سكر و صابونتين
نجيب من وين ؟ واخوك مرفود و عدمان الشهر ملين ؟
أمس زازيت اكوس الدين مشيت لسمية بت مامون
لقيت جابولها تلفزيون سمح بالحيل تشوف الصورة بى كم لون
وكت في نشرة ألأخبار ظهر مك البلد يضحك جضومو كبار
مزازي الكرش بزرار لا مهموم لا مغموم لا زعلان
و شيهو يراري بالألوان وقّد في حشايا تباق نار
طريت رفد الوليد و الجوع و سال دمع الغبينة الحار
اريتك يا ملك فد يوم يخلى الجوع عينيك ما تنوم
أريتك يا ملك فد يوم تحس بي غصة المظلوم
دحين يا وليد هو ديل ما لهم و مال الدين
وكت قولهم كلام الله و فعالهم ما فعال صالحين
كتير فيهم عديل حقار و بالقرآن كمان تجار و كضابين
أكان بنزين عدم أو جاز وتعبوُ الناس و ضاقو خلاص
صفوف واقفين يقولولك إرادة الله
وكان عدم الرخيص و الغالى في التموين
يقولولك ده . غضب الله
و كان الموية صبحت طين يقولولك ده من امريكا والعملا
حمونا الشب ولاد الكـــــــــــلب عشان الشعب يحرن تب
يقبّل من صراط الدين
دحين يا وليد هو ديل ما لهم و مال الدين
أكان كنزو الدهب و المال بلايينهم تسوى جبال
وعرباتهم تخطف العين و بناياتم قصور في قصور
وحاة الله و كتاب الله أكان ادونا طوب فد سور
كان سوينا الف أويضة لي مسكين
فترنا من الخطب يا وليد و من طيش العقيد وعميد
و من قل القرشفي الايد ومن تعب الوقوفو في الصف
ومن غبن الرصع بالكف و من حفر الدروب و اللف
و من خت الحلم في الرف كل يوماَ نقيحنا يزيد
دحين يا وليد هو كم دغشاَ عشان نلقاهو دافرنا
و تعبنا شديد؟ و كم حولا صيامنا صبر
عشان يشرق هلال العيد ؟
اح ح يا وليد لا حتى الخبيز إنضاق و لا هدما كسانا جديد
و شوف المغسة يا وليد سموُ شقانا صالح عام
و كل دمعاَ نزل من عين و كل جوعاَ سكت بالدين
و كل زيناَ محاهو الشين ختو وقعيتو في الإسلام
حرامهم يا وليدي حلال وا نحنا حلالنا كلو حرام
يقلبو الدين نصّل سكين و ناسين الحساب قدام
اخر زمن يا وليد نشوف كل البشاتن لون
يفوت هولاكو دوب نرتاح ينط في الكرسي نابليون
اريتك يا أمير حالي جعيص في الكرسي في الخرتوم
و ساويلك الف والي نبايعك للظلم و الجوع
نبايعك وكل ضيم مشروع نبايعك و جيتنا جيش و دروع
نبايعك و الحكم مقلوع نبايعك و القسم مخدوع
نبايعك من سجن عالى
أخر زمن يا وليد حصيف العين يلاقى و يشوف
زمان ظلم السلف بالسيف و حسه السيف كلاشينكوف
غير زمن الهوان و الجوع كمان طالع زمان الخوف
ديل ما برتو لى إنسان كم ولداَ وقع نشفان
وكم زهراَ كِتل و اتحت في رمضان
لا شهراَ حرام إتصان لا كفنا ستر صبيان
لا شاهد قبر معروف لا اماَ برد نارها سكت و إرتاح
نزيف الجوف دحين يا وليد أ كان حسع ده ديش مصعب
و أكان بيرق علي الكرار منو الكفار ؟!!!
منو القاصدينو بالتكبير و بالتهليل و ضرب النار؟!
اخاف نحنا و أكان نحنا أخير نضحك
كتير سبب الضحك بخته
شوف المغسة يا وليدي ديل ما حسه ناس حُقار؟
ده ذى دق الطبول للموت وذي وقد البلد بالنار
إلا نشوف أ كان ساهرين معاك يا جوع
و أ كان ضيقنا إتحفر في ضلوع
و أكان صابرين علي الفجار
وحاة الله و كتاب الله وكت نغلي و نكوس التار
لا سوراَ بقيف في وش و لا لهب الغبن بترش
و لا صفاَ يميل بالقش كل ظالماَ يقع و يندش
و سيل دمع البلد ينقش
لا بحبس حلقنا الخوف و لا بترجع اكان لعلع كلاشينكوف
هديمك يا وليد مقدود و صابحنا الفقر و الجوع
صبح جلد البطن مشدود شن بتسو و أخيك من شهر مرفود
قالو صالح عام عشان قال العوج في العود نان ما يقول
أريت يقول عديل يا زول هديك البغلة في الابريق
ما هامينا صالح عام وديش مصعب و لا الحجاج
و لا بكتل قلبنا الجوع و موت منقذنا ولا الضاج
خلي الضيق يزيد يا وليد
بكرة الضيق يخلى الناس تبقى عُصّار علي الحقار
و تبقي حريق
قريب يا وليد صيامنا يتم و يهل و يشرق هلال العيد
نحس طعم الخبيز و يتبدل هدمنا جديد
Post: #4 Title: Re: مكان الميلاد : حوش بانقا .. قيمة الثروة : 1 ب�نا يلعنك وينتقم منك يا عمر حسن احمد اللشير Author: Hani Arabi Mohamed Date: 05-12-2018, 03:32 AM Parent: #3
ربنا يلعنك وينتقم منك يا عمر حسن احمد البشير ضيعت البلد وضيعتنا معاك
Post: #5 Title: Re: مكان الميلاد : حوش بانقا .. قيمة الثروة : 1 ب� Author: يحي قباني Date: 05-12-2018, 06:49 AM Parent: #4
Post: #6 Title: Re: مكان الميلاد : حوش بانقا .. قيمة الثروة : 1 ب� Author: يحي قباني Date: 05-12-2018, 06:51 AM Parent: #5
قال ليك يا هاني
انا عمر حسن احمد البشير رئيس الجمهورية
عندي بيت في كافوري رقم كده ...
Post: #7 Title: Re: مكان الميلاد : حوش بانقا .. قيمة الثروة : 1 ب� Author: يحي قباني Date: 05-12-2018, 06:56 AM Parent: #6
قال احنا عندنا ظروفنا الخاصة ...
و ما كنا متخيلين انو في انسان ينتحر عشان يأذي زول تاني !!!!
دي ادارة بلد و لا مسلسل ...
Post: #8 Title: Re: مكان الميلاد : حوش بانقا .. قيمة الثروة : 1 ب� Author: muntasir Date: 05-12-2018, 06:57 AM Parent: #6
غايتو حسادة السودانيين يمكن ورثها أو إحتمال باعوا المزرعة ودكان الحلاق ما شفت عمر ودالباوقة قال ليهو كفاية يا بشة خايفوا يبيع مسجد النور
Post: #10 Title: Re: مكان الميلاد : حوش بانقا .. قيمة الثروة : 1 ب� Author: يحي قباني Date: 05-12-2018, 07:03 AM Parent: #8
تيس بانقا قال الناس بقولوا اهلوا حشمانين يا منتصر ....
اذا كان رب البيت للدف ضارباً :...
Post: #9 Title: Re: مكان الميلاد : حوش بانقا .. قيمة الثروة : 1 ب� Author: عماد الدين الطيب عمر Date: 05-12-2018, 07:01 AM Parent: #1
بعد كدة لاهاي ما تنفع دا يتقطّع هو و بطانته قطعة قطعة و يتعلّقوا في كل شوارع مدن و قرى السودان و لحمهم يأكله الضبّان
Post: #11 Title: Re: مكان الميلاد : حوش بانقا .. قيمة الثروة : 1 ب� Author: يحي قباني Date: 05-12-2018, 07:10 AM Parent: #9
يا عماد ...
قال الشعار بتاعنا نخلة لكل بجاوي ...
و النخلة بتشيل خمسة شتلات ...
يشيلن تاني يشتلن ... و بكره يبيعها و ياكل عجوة و يبيع الباقي ...
ذكرني السوداني القال شغل مخك تاكل جداد ...
Post: #12 Title: Re: مكان الميلاد : حوش بانقا .. قيمة الثروة : 1 ب� Author: يحي قباني Date: 05-12-2018, 07:15 AM Parent: #11
السفاح البشير قال :
ما في زول حينظلم يا جماعة ...
لو اي زول ما اخد اكتر من حقه ... بعد داك لوموني و اشكوني لي الله ...
و انحنا ما خايفين من زول .. و لا طمعانين في صندوق انتخابات و لا غيرو ...
انحنا العمل ده بنعملوا ارضاء لله سبحانه و تعالى !!!!
عملك اسود ان شاء الله ... يمين الله ده ذاتو حيرتو في رقبتو ...
Post: #13 Title: Re: مكان الميلاد : حوش بانقا .. قيمة الثروة : 1 ب� Author: يحي قباني Date: 05-12-2018, 07:15 AM Parent: #12
و هنا المصيبة الأكبر !!!!
Post: #14 Title: Re: مكان الميلاد : حوش بانقا .. قيمة الثروة : 1 ب� Author: محمد بدرالدين Date: 05-12-2018, 07:50 AM Parent: #11
القبانى يحي العزيز عندما اقرأ لك يسبقنى جمال الاحاسيس .. حتى لو كانت ( لقائد) الانقاذ .. و هذه الفديوهات .. فيجعلنى ارى الجمال فيه عبرك ... جمال الانسان السودانى الصابر على هذا الذى( لم يكضب عليهم) ... و تحمله لترهاته و اباطليه .. كان ممكن يدوه طلقة صغيرة . لكنه جمال الانسان السودانى ... الذى هو الذخر و العتاد و دنيا تفيض بالانغام .. لغد مشرق و لقلب حزين حيلقى السعادة... مودتى و تقديرى و اللهم صلى على كامل النور
Post: #15 Title: Re: مكان الميلاد : حوش بانقا .. قيمة الثروة : 1 ب� Author: يحي قباني Date: 05-14-2018, 01:57 PM Parent: #14
القبانى يحي العزيز عندما اقرأ لك يسبقنى جمال الاحاسيس .. حتى لو كانت ( لقائد) الانقاذ .. و هذه الفديوهات .. فيجعلنى ارى الجمال فيه عبرك ... جمال الانسان السودانى الصابر على هذا الذى( لم يكضب عليهم) ... و تحمله لترهاته و اباطليه .. كان ممكن يدوه طلقة صغيرة . لكنه جمال الانسان السودانى ... الذى هو الذخر و العتاد و دنيا تفيض بالانغام .. لغد مشرق و لقلب حزين حيلقى السعادة... مودتى و تقديرى و اللهم صلى على كامل النور ود بدر الدين ...