إقتراح لكتّاب المنبر

06:55 PM May, 11 2018

سودانيز اون لاين
محمد أبوالعزائم أبوالريش-
مكتبتى
رابط مختصر

دون الدخول في جدل هل المنبر إخباري أم تفاعلي أم تحليلي ..... إلخ.

الواتساب (قدّس الله سره) بيشوت الأخبار بسرعة البرق يمين وشمال وتصل عبره الأخبار لأعداد تفوق أعداد من يطّلع على منبر سودانيز بمراحل.

لذلك - في رأيي - ليس هناك فائدة تجنى من نقل الأخبار (حقيقة أو إشاعة) من الواتساب.

فأيه رأيكم .... نترك ما للواتساب للواتساب؟

لك التحية يا كلس ..


فأيه رأيكم .... نترك ما للواتساب للواتساب؟
وحتي لو كانت اخبار في قمة الاهمية . وبتدعم موقفك
في كتير من المواضيع ؟

طيب سؤال ؟
ما المستحسن النقل من الراكوبة وباقي المنابر ولا الواتساب ؟


ولك التشكرات ,,,

لا اوافق!
لو اللفاحين بطلوا اللفحي نعمل شنو احنا
ونتونس ونبرمج بي منو!

ود البشري مساء الفل .

اسمعني انت اخبارك بتجيبها من وين ؟
لا اوافق! لو اللفاحين بطلوا اللفحي
نعمل شنو احنا ونتونس ونبرمج بي منو!

منتظرو الرد .

وكالات الانباء و القنوات الاخبارية و الصحف الرسمية

+1

Quote: وحتي لو كانت اخبار في قمة الاهمية . وبتدعم موقفك في كتير من المواضيع ؟ طيب سؤال ؟ ما المستحسن النقل من الراكوبة وباقي المنابر ولا الواتساب ؟

شكراً يا منى،
ممكن طبعاً الواحد ينقل خبر بعينه كأساس لوجهة نظر عايز يطرحها.
لكن نقل خبر من الواتساب (كخبر) ... ما شايف ليهو جدوى.

تحياتي ابوالريش
وضيوفه
موقع تفاعلي
غربلة الحدث والنقاش حوله وقراءة ما وراء الحدث
مثلا خبر وفاة مواطن في صف البنزين بكوستي . دة خبر في مدينتي . سمعتو من كم نفر ولم انشره إلا بعد التأكد من اسمه ومكان سكنه وهل هو حقيقي ولا شتل ساي
ودة خبر ما بنقري بمعزل عن ازمة الوقود وامكانية معالجتها .
ننقل الخبر لكن نتأكد منو اول بشكل صارم . لإكساب الموقع المصداقية
الاستعجال هو اس المشاكل

Quote: لو اللفاحين بطلوا اللفحي نعمل شنو احنا

ما بتغلب حيلة
أبو حتوت عارفينو ما بيتحيّر.

حتى لو يرجع لي أسابيع البورد (مش إسمها كده؟)

سلام يا ابو الريش

من الضرورة بمكان التأكد من صحة الخبر ثم بعد ذلك النشر للتداول والمناقشة .
لان المنبر منبر رأى ,

انا متفقة معاك يا ابو الريش...
اخبار الواتساب ثلاثة ارباعها اشاعات وغير حقيقية ...واحسن نبعد من الواتساب ونركز على منابر التواصل الأخرى
مع وافر التقدير والاحترام

Quote: +1

ما فهمنا يا أبوريش،
دي موافقة على الطرح؟

لا أوافق
فأنا أستفيد فائدة عظيمة من الأخبار التي ينقلها الأخوة هنا من المواقع الأخرى بغض النظر عن أسمائها خاصة الوتساب لأنني ليس من زبائنه
الأخبار التي يأتي بها زهير مفيدة للغاية لي وفي النهاية يذهب الزبد جفاء ومل ينفع الناس يمكث في الأرض
المشكلة أنني أعاني مع خبيرنا الثقافي والإعلامي أبوالريش من تناقص وضآلة المواضيع النقدية والفكرية التحليلية في المنبر
وبالتالي إضرار ذلك بالقيمة الكبيرة التي صنعها كتاب المنبر ومنهم مفكرون وباحثون ذو وزن كبير
عندك في الفن مثلاً الموج وقباني وسفيان والليندي وعبير وطارق ميرغني واحمد يس والمرتضى وأحمد
لكن المشكلة أن كثير من عضوية المنبر الجديدة هي أكثر إنجذاباً ولمواضيع الواتساب من المواضيع الفكرية

حباب أبوسن،

Quote: ودة خبر ما بنقري بمعزل عن ازمة الوقود وامكانية معالجتها .

أنا ما عندي مشكلة مع تحليل الخبر،
لكن منبر سودانيز ما عاد مكان لسبق صحفي.

.سلام لصاحب الطرح و ضيوفه أولا. ثم تعقيبا
عليك تحديدا الأخ الگريم/ عبد الغني الحاج:
ملاحظ (الأنا و أنت) طاغية على المنبر. و إليك
مثالا لا حصرا، مواضيع فگرية ثقافية مطروحة
لديگ الآن و هي للأسف، أوگار تشگو قلة فئرانها.
1) عنتر و أبله(يناقش جدلية الهامش و المركز)؛
2) شوارد من حظيرة بنت عدنان( بائن من عنوانه);
3) شاطر ومشطور و بينهما طازج(يعالج قضية التعريب)
4) لكل فولة مدودة گيال أعور(يحارب آفة السحر الاسود)
5) تاءات تأنيث متحرگة (يتناول مناصرة لحقوق المرأة).
6) بين رهباني و إرهابي(تصدي للميوعة و للتنطع بالدين)
ليتنا فقط نتنبه لموضوعية الطرح، بغض الطرف عن
گاتبه، و لناخذ حكمتنا و لو من أفواه العابربن.

تحياتي ود الأصيل
الخمس أمثلة الجبتهن موضوعات انت صاحبها, فا قد تكون المشكلة لديك, ما رايك لو تكتب بوست للزملاء قولهم اسألكم قبل ان تفقدوني ليه ما بتزوروا و تشاركوا في مواضيعي
وأكيد الفيد باك سيكون مفيد لك لربما هناك امور تزعج القارئ ويمكنك تجنبها وكدا

مرحب علاء سيد احمد،

Quote: من الضرورة بمكان التأكد من صحة الخبر ثم بعد ذلك النشر للتداول والمناقشة .

ما مختلفين ...
المشكلة إنو في ناس بيتعاملوا مع المنبر كجهة ممكن يعملوا فيه سبق صحفي.
الكلام ده يمكن كان في الماضي .. لكن زي ما قلت حكاية سبق صحفي ما بتاكل عيش مع الفيسبوك والواتساب.

شكراً إمتثال

Quote: تحياتي ود الأصيل الخمس أمثلة الجبتهن موضوعات انت صاحبها, فا قد تكون المشكلة لديك, ما رايك لو تكتب بوست للزملاء قولهم اسألكم قبل ان تفقدوني ليه ما بتزوروا و تشاركوا في مواضيعي وأكيد الفيد باك سيكون مفيد لك لربما هناك امور تزعج القارئ ويمكنك تجنبها وكدا

أحييگ ود البشرى. و بالطبع، لا أرى
بأسا بالفيد باگ. و ليس الهدف أن يداخلني
الناس في ما أگتب. فهذه عادتي و قدري: إن
تحمل علي أكتب أو تتركني أكتب. و إنما أوردت
ذلك في معرض رد على مر شكوى البعض جراء
خلو وفاض المنبر من شيء ذي مغزى . و لقد بح
صوتتا و نحن نقرع ناقوس الخطر لوجود آفتين
هنا كانتا گفيلتين بنسف مواقع عملاقة شتى و
ذهاب ريحها سدى ، هما الشللية و الأنا و أنت.

من الناحية دي اطمئن على المنبر و لا تخاف عليه, فمنبر سودانيز اونلاين يختلف عن بقية منابر الترتر السودانية! تؤثر فيه الشللية ربّما لكن لا تسقطه
للمنبر طبيعة مختلفة عن بقية المنابر فرغم ما يردده البعض عن اعمدة المنبر و مش عارف ايه لكن احد اهم ما يمّيزه ان قطاره لا يتوقف أو ينتظر من تخلّف عنه, نعم ربما الناس تلتفت للخلف قليلا وتفتقد البعض لكن قطار المنبر لا يتوقف
انت بس افتح البوست و ان شاء الله تجد ما يسرك ويعسنك من فيد باك

و هذا لَعَمْرِي عينُ ما نصبو إليه.
و لكن ما قصدته بالشللية ليس تملمُلاً من
أن يتفاقدَ الناسُ بعضهم بعضاً.هذا و النفوس
البشرية بطبيعة حالها، ما تقارب منها عادةً ما
يأتلِفُو ما يتباعبد يختفلِفُ. و إنما نحذر فقط،
من وجها البغيض بأن تقولب الناس فتحشرهم في
كيمان كيمان ، كرهبان في صوامعهم في حواكير و قرىً
محصنةٍ بحيث لا يأتيها الزوار من بين يديها و لا من خلفها.
عموماً ، إن كان على بوستاتي ، فها هي ذي تظل مُشْرَعةً على
مصارع أبوبها الثمانية للغاشي و الماشي و لستٌ في عجلةٍ من
أمري. خاصةً إذا علمتَ أخي ود البُشْرَى ، بأنني بالأساس كاتب
من ظراز دايناصوري من سلالةٍ شبه منقرضٍةٍ. و أميل بطبعي
إلى التطويل بالسرد و التفصسل. ولكن ألا تشاطرني و لو نصف
الرأي بان كل هذا ليس مانعاً طبيعياً أمام من يريد فسحَ فرجةٍ
بين مناكب و أقدام بنات أفكاري و في ظل تشابه أبقاري،
لكي يصوبني حيث أخطأتُ أو يوافقنيحيث وُفِقْتُ؟!
هذا مجرد سؤال،و لكَ خالص مودتي العامرة.

بالطبع هذا ليس مانعا يا ود الاصيل لمن يريد المشاركة, لذا اقترحت عليك تخصيص بوست لهذا الغرض لتعرف ما الموانع.
أديك مثال انا تزعجني العلامات الغريبة و الرموز التي تضعها في العناوين وأحيانا بديلا لعلامات التسلسل, لكن ما ممكن اعلق تعليق على هذا النحو في بوست انت كتبته لغرض آخر وإلاّ تكون مجرد انصرافية مني ساي
لكن في محله المناسب ممكن جدا أعلّق وغيري يعلّق لتعرف العلّة (مكانا وين) ههه
المهم يا زول اتوكل و افتح البوست وكان ما فتحته بفتحه ليك انا اصلو روحي محرقاني النصيحة لله

أستاذي ود البشرى، يا صديق، لكم طال توقي
لمن يشاطرني الكلام إلى أن كدث أقطع العشم !
ثم ها أنت ذا تطلع لي أنت من غاباتٍ .. فجأة متل شعاع
شمش نعسانة تحت رقراق نيمة متكية..متل تقابة شعر دوبيت
في قعدة جبنة عصرية. متل صوت طفلة وسط اللمّة منسية. معاك
يجيني زمن أمتع نفسي بالدهشة و طبول بتدق ..و ساحات لفرح نور
و جمل للحزن ممشى ..متل قبطان دافر في العتامير ليل و متوكل عليك
يا الله تاكل الحيل، ..بناطح موج بحرْ لجيْ و يفتش لزورق ألحاني في فجة
لي مرسى..سعيد أنا ببشرى وجودي في معيتك، مما يحفزني لنوغل معاً
برفق عبر تراجيديا " تداعي دايناميكا الأشياء".و لأنني مستثقلعلى
نفسي فتح بوست مخصوص لتمحور حول ما أكتب فدعك من
هذه الخطوة، و يكفينا شرفاً أننا كسبنا إيدك معانا.

هههه حنكك سنين يا ود الأصيل
خلاص كان ابو الريش أذن لينا نفتّو هنا

لا لا يا ود البشرى ، كفاية ل حدت هنا
الراجل ياخ اتحملنا على أعصابو كتير، خلانا
سرحنا و مرحنا و برطعنا زييين . و ترك لنا الحبل
على الغارب لدرجة كأنما هو و نايه بقو هم الضيوفُ
و نحنُ أرباب المنزلِ. عمومن لو مشيت فتحتو بغادي
غيتو إنتا ما تفسر، و أنا معاك ما بقصر. تقبل اندهاشي
لطول حبال صبرك على الحنك و ياهو طبعن ،
صنعتنا ا لبنعرف لها و سعيتنا مع الناس.

سلام ود الأصيل وود البشرى،

Quote: لا لا يا ود البشرى ، كفاية ل حدت هنا الراجل ياخ اتحملنا على أعصابو كتير، خلانا سرحنا و مرحنا و برطعنا زييين . و ترك لنا الحبل على الغارب

عادةً أرد على المتداخلين حسب أسبقية المداخلة .... لكن نكسر العادة المرة دي.

إتحملتكم شنو ياخ .... إنداحوا واستلموا البوست وانا متفرج .. لو حبيت أتداخل بستأذن.

بالنسبة لجذب البوستات للأعضاء، بالإضافة للعلامات الذكرها ود البشرى (كنت مفتكرها حالة خاصة بي أنا) ... في حاجة تانية مهمة، وهي عنوان البوست. في تقديري العنوان مفروض يكون مختصر ويوضح موضوع البوست عشان يجذب القارئ. عن نفسي بيهمني العنوان في البداية، بعدها إسم الكاتب.

Quote: المشكلة أنني أعاني مع خبيرنا الثقافي والإعلامي أبوالريش من تناقص وضآلة المواضيع النقدية والفكرية التحليلية في المنبر

ما فهمتك يا عبدالغني،
ما أذكر إني طرحت نفسي خبير في أي مجال .... فما قصدك؟

تعظيم سلام مربع لأبي الريش الكلس كما تحلو مناداتك
لبت عمسيب. بالنسبة لجذب القارئ دي و الله ح تستغرب لو
قلت لك بدون موبالغة قناعتي بإنو (الدنيا حظوظ). والدليل
على ذلك ربما أسوقه إليك من كلامك عاليه: فمنطق أن يهمك
العنوان دي بما مبلوعة إلى حدٍ ما؛ و أما اسم الكاتب فهنا يكون
بيت قصيدي و مربط بعيري في مربع( الصحوبية) الأول

إسم الكاتب يجي بعد العنوان.

في ناس بيكتبوا بلغة رصينة وناس بيوصلوا فكرتهم بلغة فكهة وهكذا ...
بعض الأخوة بيعسّموا الكتابة ودي بصراحة ما عندي ليها أخلاق (مشكلة عندي أنا).

طبعاً من العنوان بتدخل وانت مهيأ لقراءة موضوع أدبي يختلف عن دخولك لموضوع سياسي أو دخولك للمناقرة والونسة ... إلخ.