بشة... كفاية جدا لحدي هنا ......

12:55 PM May, 11 2018

سودانيز اون لاين
ود الباوقة-
مكتبتى
رابط مختصر

.؟

المجاهد ود الباوقة


قلبت بقيت جناح نافع 😡😡😡😡

ود البواقة مكار وماكر زي الثلعب
ممكن يلدي وممكن يبيض
ود الباوقة بقصد بشة بتاع الكاردينال
مش الكاردينال هو الهلال؟

ههههههههههه
الكنزي نفس البوست من قولة تيت

جمعتكم مباركة

صحيح والله كفاهو صبر علي هذا الشعب التعيس
الصبر الاكتسبه خلال 30 سنة بدخلو جنة بتري وملكا لايبلى
بعد كده لو سل سكينه وبدا يضبح في المواطنين ديل واحد واحد ، ما في زول بلومه
ود الباوقة .. سلامات ياخ

المجاهد ود الباوقة سلامات اذا لم تحضر سوف اقوم

1/ اسقاط لقب المجاهد
2/ تحويل ملفك عند الشريف الاعلامي الخبير صلاح غريبة
3/ سوف نطالبك بتسليمنا البطاقة خاصة الحزب فوراً

هههههههه ... ياتو يوم قال بشه ولا البشير
ولا عمر ... ما ياها (سيدي الرئيس) زي
حبوباتنا زمان ما بقولن اسامي جدودنا
حاف كدي ... الزول دا مقرم ركبكم التونسيه ...

اهلا بدكتور احمد أمين
وانت تقول:

Quote: ههههههههههه الكنزي نفس البوست من قولة تيت جمعتكم مباركة

أولاً نسأل الله أن يجعل كل ايامك مباركة خاصة ايام رمضان
ضحكتك حكاية ود الباوقة رجل ماكر كالثعلب
ممكن يبيض وممكن يلدي
بس حقيقة ود الباوقة ما بقصد الرئيس لانه دائما يخاطبه بسيدي
اهلنا لمن يزعلو منك يقول ليك :
أسد ن ي ت ك
بس ود الباوقة دا زول عندو شهية مبالغة لا يجاريها فيه احد من الناس خاصة تجاه سيدو الرئيس

المجاهد ود الباوقة سلامات اذا لم تحضر سوف اقوم

1/ اسقاط لقب المجاهد
2/ تحويل ملفك عند الشريف الاعلامي الخبير صلاح غريبة
3/ سوف نطالبك بتسليمنا البطاقة خاصة الحزب فوراً



التحذير النهائي

شيخي المسلمي

كل اول ليهو اخر

وشكرا

اخطر كلام
اقوى مداخلة
...
صدق الله العظيم حينما قال ( وَتِلْكَ الْأَيَّامُ نُدَاوِلُهَا بَيْنَ النَّاسِ)
يعنى نقول الريس اراح و استراح ؟؟ ام ماذا يا غالى ؟
مودتى و تقديرى
و اللهم صلى على كامل النور

سلام ود الباوقة

هو بشة عندو باسوورد معانا هنا؟

يا بقبق
العداد وقف و لا شنو

رمضان كريم

أديكم السيناريو للفلم ده لا كاردينال لا أنبا الموضوع وما فيه الباسورد ده شايع أكتر من حمارة إن هيت فحيجيكم الحبرتجي ويقول ليكم كنت عند ناس منو ودخلت بكمبيوترهم وما عملت ساين اوت ومنو دخل بحسابي وحيجيهو المجاهد زعيط وشيخو معيط والسح اندح أنبو ويدينو القصة ويواصل الحبرتجي في حركاتو القردية وهذا بيان للناس من منصترداموس بوارو

هههههههه

لعبة قديمة.

ود الباوقة كرجل إنتهازي متملق فهو يعرف جيدا مع من يقف ، وما هو الوقت المناسب لذلك.

طالما البشير يتمسك بالسلطة ، فسوف نجد الإنتهازي ود الباوقة يركع امامه ويلعق حذائه.

ود الباوقة أختشي.

في إتصال هاتفي مع أحد المقربين من الأخ عمر .. اوضح لي أن ود الباوقة لا يستطيع الدخول الي حسابه .. وبعد أن أطلعته علي عنوان البوست أفادني أن من صيغة العنوان يبدو ان المدعو ( دينق ) أو من لف لفه قد يكونو قد سطوا علي باسورده وأرادو أن يوقعوا بينه وبين السيد الرئيس وان يخربوا العامرة .. ولكن هيهات لهم وأنا يكون لهم ذلك وقد هلم القاصي والداني بحب عمر لقائد الركب الميمون ودفاعه عنه في أحلك الظروف ..
أوصاني بأن أقول للجبان الذي يتخفي خلف باسورد المجاهد عمر .. بأن يختشي 😁


......
كدا كيف معاك ياشيخي 😍😍

يا ناس الحقوهو ....بق بق هكروهو

مشكلتك يا muntasir عايز تغالط ساهي سبق وان اعترف الزميل انه دخل بحساب ودالباوقة
وانه كان في زيازة له في الطايف في طريقه الي مكة المكرمة .. والكل شهد علي ذلك داك موضوع
انتهي .. نشوف قصة بشة الجديدة شنو .. اظنك بقيت تجليها واقف ولا المنظار بقي عين مختلفة

مازلت في انتظار المجاهد ود الباوقة لتوضيح موقفه النهائي وإلا سوف أطالبه بالاتي
1/ تسليم بطاقة الحزب فوراً
2/ تسليم البطاقة الاخري مع ألرفت بدون حقوق
3/ سوف يتم نزع مجاهد فوراً
4/ اي إجراءات اخري وفق القانون

-----
دينق اختشي

Quote: مشكلتك يا muntasir عايز تغالط ساهي سبق وان اعترف الزميل انه دخل بحساب ودالباوقة وانه كان في زيازة له في الطايف في طريقه الي مكة المكرمة .. والكل شهد علي ذلك داك موضوع انتهي .. نشوف قصة بشة الجديدة شنو .. اظنك بقيت تجليها واقف ولا المنظار بقي عين مختلفة

ياحاج منتصر دا من اكثر الناس هنا إتساقا وهو زول دغري وممتاز جدا ومابلخبط الكيمان .. رغم مناكفاتنا له .. له التحية اينما كان

صدقوا أهل المَثَل: ال بتسَوِّيهو بي إيدَك بيغلِب أجاويدك ..!


وهكذا كان أخونا ود الباوقة،

جاطت الحكاية في راسو، أو فَزِع ممّا أتاه من تهديدات "دَقَشّم" الكيزان آل-حَيارَى!!
وقد سُنًّت الفراريييير لذبحهم واحداً فواحدا ..


بس آ جنا معل ما بعت "ودّ أعمّك رخييييس" ؟؟!


أمّا عجايب!
لم أتوقّعك "فاراً" سريعاً إلى القفز ما مالتْ السفينة العُمرية..؟! قال بشة آل

فرارير جدّات السواطير، بل من عهدِ عاد..!

شي من "جيرمني" وشيء من "لانغلي" وشيء من سوق "الخور" وآخر من سوق "عِتَيْقَة" ذاتو



ــــــــــــــــــــ
وَ ح تشربوا ما ترووووواThast's it not more or Less

فيزا خروج بلا عودة للبشير ..
عصمت العالم..لندن

سيناريو ازاحة القذافى يطبق فى السودان ...
بنفس الكيفية ونفس الخطوات..ووضعت الخطط على هذه الشاكلة..السفارة الامريكية تراقب وترصد.ورحلات مكوكية لمسؤولين كبار الجنرالات الامريكان.. بين الاسطول الامريكى فى البحر الاحمر و السفاره الامريكية فى الخرطوم..وهناك مسح جوى تم بالاقمار الصناعية على مواقع قوات الدعم السريع وطلعات جوية لمقاتلات لدولة اقليمية ..متزامنة من رفع حالة الاستعداد فى سلاح طيران لدولة مجاورة..والاشارت تعطى دلالة قاطعة ..بان القوات الردع السريع هى المستهدفة ..بتركيز شديد..تخوفا وتحسبا للمستقبل بوجود قوات مقاتلة ومسلحة تسليحا خاصا مما يهدد الامن والسلام الاقليمى والدولى..لان احتمالات الاستيلاء على السلطة فى السودان واردة..بعد اضعاف القوات المسلحة السودانية..بدات بوادر حصار اقتصادى .بعد ان اوقفت امريكا اى تحويلات اكثر من رقم محدد .من الدولار.فى المعاملات الدولية والاقليمية ..كسقف..لكل التحويلات....ثم هنالك تحذير للامريكيين بعدم زيارة السودان فى هذه الايام...ويبدو ان المؤتمر الوطنى .. من المتوقع ان يطلب..من الريس التنحى..وهناك تململ بين الاسلاميين فى القوات المسلحة وهذا مؤشر خطير.. لسيناريو احلال وابدال...لكن يلوح فى الافق بوادى للعصيان المدنى مقرونا بتحرك الجياع مما يضع النظام الحاكم فى مواجهة هو الخسران فيها ان حاول استعمال العنف والبطش بواسطة قوات الدعم السريع..فان ذلك سيكون مدخلا لضربها..او هنالك عملية نوعية سوف تتم ..واشارة تواجد عدد ٢٥٠ من القوات الخاصة الامريكية المتواجدة بالسفارة الامريكية والتى تم نقلها من الاسطول الامريكى بالبحر الاحمر..مرابطة فى مبنى السفارة السودانية. والايام القادمات ..قد تكشف عن مفاجات ..وتوقعات لم يحسب حسابها النظام وهو فى صراع بين احنحته..البلاد على كف عفريت..صابى ومجنون..لكن كل التوقعات تؤكد ان البشير ..مصر على الشبث بالسلطة ..مما يعرضه شخصيا للتصفية الجسدية بقانون مجاهدى الحركة الاسلامية مما يفتح المجال لقوات الردع السريع بان تستولى على السلطة ..لذا كل الاحتياط الامريكية قد تاهبت فى استعداد ترفع درجاته فى متابعة للموقف كل ذلك يكشف ان فيزا الخروج النهايى من السلطة للبشير قد منحت.وان اصر ..ليس له خيار سوى ان يتمترس مع قواته الخاصة التى تسمى الردع السريع...او بين تصفية جسدية مع من يصارعونه من الاسلاميين..فى كلا الحالتين هو الخسران...وهنالك احتمال لانقلاب القصر ..وان نفذ سيتم بواسطة وجوه اسلامية جديدة مهمتها التمهيد للانتقال السلمى ..للسلطة..
وهنالك احتمال ان يحل البشير المؤتمر الوطنى والحكومة ويشكل مجلسا عسكريا برياستة وعضوية محددة من قواته الخاصة ويعلن حالة الطوارىء وحظر التجوال مما يزيد من فرص تصفية الوضع باجمعه..وقرببا سيلعلع الرصاص فى سماء الخرطوم
نسال الله ان يجب بلادنا ويلات القادم فهى لا تحتمل مزيدا من الجراح. نتيجة الانانية وهوس سطوة الحكم والتشبث بكرسى الرياسة..
عصمت العالم لندن


https://www.facebook.com/groups/BDFSudan/؟ref=bookmarkshttps://www.facebook.com/groups/BDFSudan/؟ref=bookmarks

Quote: بشة... كفاية جدا لحدي هنا ...

.
.
واي خلاس ......
.
.

المسألة دي عندها

عمر افتراضي

مش كدا

وشكرا

المسألة دي عندها

عمر افتراضي

مش كدا

وشكرا
-------------------------------------------------------------------------------------
عمر فى ذمتك الزعلك منو؟.... او قولها عديل:سرقوا باسوردى

مازلت في انتظار المجاهد ود الباوقة لتوضيح موقفه النهائي وإلا سوف أطالبه بالاتي
1/ تسليم بطاقة الحزب فوراً
2/ تسليم البطاقة الاخري مع ألرفت بدون حقوق
3/ سوف يتم نزع مجاهد فوراً
4/ اي إجراءات اخري وفق القانون
5/إنذار نهايي لمدة 24 ساعة وإلا سوف اقوم بالازم
-----
دينق اختشي

سوال للاخ المهندس الغايب الزميل الشفيع وراق
ماهي وظيفة عمر ودالباوقة في الموتمر الوطني في الخارج


ارجوا التوضيح

Quote: سوال للاخ المهندس الغايب الزميل الشفيع وراق ماهي وظيفة عمر ودالباوقة في الموتمر الوطني في الخارج

امـــك ... ولعــــت

أنا غايو الفلم دا ما بقع لي
إلا إذا غير صورة البروفايل.

الموضوع منتهي

وشكرا

بق بق اركز ....
افصح لنا عن سيدك الجديد في بوست منفصل
ثم غير صورة بشة الفي بروفايلك بي المعلم الجديد ...
وقرايتك خطيرة يا بق بق ....
بالبنسمعوا ده ما اظن بشة يكمل معانا رمضان ده وهو رئيس

يكون قاصد (بشة) لاعب الهلال بعد اضاعته لهدف مضمون ههههههههههه ، خصة بعد أن قال:( الحكاية دي عندها عمر افتراضي)
ود الباوقة تحياتي

في خطبة جمعة حايمة في الواتساب و كان حاضر فيها البشير و الامام صرف ليهو بالتقيل او قاليهو خلاص كفاية الـ 30 سنة.
تكون قاصد الخطبة ديك؟

الاخوة الاعزاء

شكر الله سعيكم جميعا

وحقيقة لم اخاطب في حياتي فخامة الرئيس الا بسيدي
الرئيس احتراما وتبجيلا له
كونه رمز سيادتنا وتاج رأسنا ومصدر فخرنا وعزنا

بشه الذي اطلب منه الراحة والاعتزال بعد اضاعته لهدف لا يضيع

من لاعب بمثل قامته ومهارته
اما سيدي الرئيس نسأل الله ان يحفظه ويجعله في سدة
الحكم ما بقي العمر
مرة اخرى اكرر شكري لكم جميعا من ظن في الخير
ومن ارتدت توقعاته ودقت في العارضة

انتهى

يا ود الباوقة مد رجولك ساكت
وأقدل وإنت وسيدك .
الله قسم لينا حكام حالهم معلوم وعوجتم ظاهرة
وقسم لينا معارضين قليلين حيلة وقليلين فهم
وشوفهم طشاش.
ويتوهمون خلافات داخل حزب ما يسمى بالمؤتمر الوطني
والحقيقة أنه لا يوجد هناك خلافات أصلا
على عثمان ونافع ليسوا في السجون حتى يتوهم الحمقى
أن هناك ثمة خلافات .
المعارضة رعناء ورؤيتها أقرب للعمى وعقولهم مغلقة تماما
للأسف .
وهذا ما يجعل أمثال ود الباوقة يسخر ويتمسخر
ويضحكون حتى يسقطون على قفاهم على معارضة
بائسة ضعيفة حمقاء فهمهما ركيك وضحل .
وهذا ما جعل هؤلاء الأوغاد تطول أعمارهم
في الحكم دون أدنى قلق ويطبقون كل ما تهوى
أنفسهم المريضة دون أي تحفظ.

المجاهد ودالباوقة شاكر توضيحك ومبايعتك السيد الرئيس مرة اخري

وعليه اوكد للجميع انه تم إرجاع البطاقتين كما في السابق
تم منح لقب المحتسب الي لقبه السابق واصبح المجاهد المحتسب عمر ودالباوقة

على الرغم من اختلافنا الكبير مع بق بق لكن نقر بحبه الرئيس عمر البشير سواء كان مخطئا أو مصيبا ...وعلى الرغم من سياساته التي كادت أن تودي بالوطن موارد الهلاك ..
اذا انا كنت محل عمر البشير كنت عينته والي الخرطوم ..
مع وافر التقدير والاحترام

الحاج حمد الحاج

Quote: يكون قاصد (بشة) لاعب الهلال بعد اضاعته لهدف مضمون ههههههههههه ، خصة بعد أن قال:( الحكاية دي عندها عمر افتراضي) ود الباوقة تحياتي

ود الباوقة

Quote: الاخوة الاعزاء شكر الله سعيكم جميعا وحقيقة لم اخاطب في حياتي فخامة الرئيس الا بسيدي الرئيس احتراما وتبجيلا له كونه رمز سيادتنا وتاج رأسنا ومصدر فخرنا وعزنا بشه الذي اطلب منه الراحة والاعتزال بعد اضاعته لهدف لا يضيع من لاعب بمثل قامته ومهارته اما سيدي الرئيس نسأل الله ان يحفظه ويجعله في سدة الحكم ما بقي العمر مرة اخرى اكرر شكري لكم جميعا من ظن في الخير ومن ارتدت توقعاته ودقت في العارضة

طيب مع توقعي الدخل هدف دا مش مفروض يكون في جائزة جالون بنزين

الحاج

ومن معاه سايفون

اصلي

وشكرا

سلام يا عمر،


والله حكايتك حكاية، تضحـِّــك آل-مَنقاية!!

بالله شوفك بتقول في شنو:

Quote: طيب مع توقعي الدخل هدف دا مش مفروض يكون في جائزة جالون بنزين

يعني خلااااص كدا ..؟! دا هو الصحيح ..؟

ألم تؤذِك القرارات التنشيفية التي قطّتْ بسببها السفارات آل-كناتين؟
ألم تُبخِسك قعدتك بي "غادي" وقد قال أهلوك: ال خلا و(لا) الرّفيق الفَــســْل؟!
أم أن "جالون" أو "نُص" هو ال عملها فيك؟


لقد استقام أمرُ كثيرٍ من الناس، على قولٍ حكيم، فحواه: أنّ دخول ال(حمّام) مُش زي مُروقو
وُ كلامك دا، قول لي زول ما عندو "حديدة" .. ههههه

Quote: تم منح لقب المحتسب الي لقبه السابق واصبح المجاهد المحتسب عمر ودالباوقة

كمان محتسب!!
ذكرتني كلام قريش في صبرهم على عبادة الأصنام
خصوصا وشيخكم سيد قطب بعتبر الحكام الظلمة من الأصنام المقصودة في القرآن في تفسيره الظلال
أما عن صبر قريش على عبادة الأصنام .
قال الله تبارك وتعالى:
((إِن كَادَ لَيُضِلُّنَا عَنْ آلِهَتِنَا لَوْلَا أَن صَبَرْنَا عَلَيْهَا ۚ وَسَوْفَ يَعْلَمُونَ حِينَ يَرَوْنَ الْعَذَابَ مَنْ أَضَلُّ سَبِيلًا (42))
سورة الفرقان آية 42

السغيروني منتصر

شايف جقلبتك كترت في البوست دا

انت واخونا محمد جودة

وشكرا

وأنتَ بــَــتــْــبــَـــتـَّ

جقلبَة بي سببا ولا بتبتة بي كَـعَــبــا


وَ صحيح قد قيل: ال مقدور وقَعْ .. وما بي ينفع الجقلــَــيْب ..!

لكن الصحيح أكتر:

و "الكوز" إنْ وقَع كترة ال "بتابِتْ" عيب

آآآآ صقر البِرِزَّنْ..

تحياتى الحبيب محمد المسلمى ..

طمنا على المواطن ود الباوقة .. !!

انا بستغرب في كيزان المؤتمر الوطني في السعودية مفروض يوقفوا الحبرتجي ده من اللغف لمدة ستة أشهر لأنه دائماً بفتح بوستات يسوق فيها الهبل بالعباطة تكون خلاصتها الشتيمة لولي نعمته وسيده هبل يعني هو أو من كان عنده الحساب ذلك اليم ما ذكر بشة وإلا وهو عارف إنه الناس حتفطن للأسم وحيشتموا البشير ،يا جودة وهل تهتم القرادة بمعاناة من تصم دمه ولرب صقرية بالسعودية فتحت باب مأكلة في تراحيل ناخبين وزي ما قال جويدة يا جودة* ورجعت فى نفس المكان وأخذت أسأل كل يوم عنك موج البحر

السيغروني

منتصر

ماهذا الذي تكتب ؟؟؟؟

وشكرا

Quote: الاخوة الاعزاء شكر الله سعيكم جميعا وحقيقة لم اخاطب في حياتي فخامة الرئيس الا بسيدي الرئيس احتراما وتبجيلا له كونه رمز سيادتنا وتاج رأسنا ومصدر فخرنا وعزنا بشه الذي اطلب منه الراحة والاعتزال بعد اضاعته لهدف لا يضيع من لاعب بمثل قامته ومهارته اما سيدي الرئيس نسأل الله ان يحفظه ويجعله في سدة الحكم ما بقي العمر مرة اخرى اكرر شكري لكم جميعا من ظن في الخير ومن ارتدت توقعاته ودقت في العارضة انتهى

بووووووووووووو....
وكان أمر الله قدراً مقدورا
:
:
:
:
:
:
:
مع التحيات لله الزاكيات

الشهر مبارك عليكم

وشكرا

التحايا العاطرات ثنايا تخايا حوايا بالخير والتهنئات برمضان وما بعد وماقبل وبين بين، عزيزنا شيخنا المنتَصِر بالله، تقول:

Quote: انا بستغرب في كيزان المؤتمر الوطني في السعودية مفروض يوقفوا الحبرتجي ده من اللغف لمدة ستة أشهر ..! لأنه دائماً بفتح بوستات يسوق فيها الهبل بالعباطة تكون خلاصتها الشتيمة لولي نعمته وسيده هبل.. يعني هو أو من كان عنده الحساب ذلك اليوم ما ذكر بشة وإلا وهو عارف إنه الناس حتفطن للأسم وحيشتموا البشير، يا جودة وهل تهتم القرادة بمعاناة من تمص دمه ..؟؟ ولرب صقرية بالسعودية فتحت باب مأكلة في تراحيل ناخبين وزي ما قال جويدة يا جودة* ورجعت فى نفس المكان وأخذت أسأل كل يوم عنك موج البحر

شكراً أخانا المنتصر، وقد ذكّرتني بعض ما قاله الشاعر:

لماذا أراك على كُل شيء؟
كأنّك في الدنيا كُل البِشش(!)

كأنّك دربٌ بغير انتهاء..!
وإنِّي خُلِقتُ لهذا الطّرِش(!)

قد صِرتُ أهربُ منكَ إليك..!
فقُل لي بربّك: أين ال قِرِش ..(؟)

ابو جودة

رمضان كريم

وشكرا

الله تعالى، أعزّ وأكرَم






ــــــــــــــــــــــــــ
تسلم يا عمر أخوي

ولكن!

ما بالُ أخينا المنتصر بالله، لا يأتينا ..؟!

فصدك السغيروني

مش كدا
؟

أتسأل ويحك أين القرش
وحولك كوز كحوت القرش
يمص الدماء ويقرش مخ العظام قرش
علامته دقين الضلال عظيم الجعاب كبير الكرش
اذا رأى مالاً سيان لديه حلال حرام تراه تصوقر وبربر وثم أنكرش
تراه يسبح بحمد البشير وحيناً لطه الوزير تراه تنفقس ثم أنبرش
وقد كان يمص تمور العراق وله في كل حان سرير وبرش
أبو الجود لو ألقى عليك السلام فعد الأصابع ولا ترتعش
وإلا فقدت القميص والشراب وحتى اللباس فلا تبتئس

واحد بكون حجز المزرعة والأولاد
تانى ما تعمل كدة

مرحب بالصديق أيمن نواي،

بالله شفتا ال هنا ال فيهو فلان دا ..؟!


ويا شيخنا المنتصر بالله،
تقول:

Quote: أبو الجود لو ألقى عليك السلام فعد الأصابع ولا ترتعش وإلا فقدت القميص والشراب وحتى اللباس فلا تبتئس

هو فضَل فيها أصابع وللّّا سمبوسة، ما خلااااص! نفضوا البلد نفضة عدوووك!!

يا سلام

سلام جودة
آآآى شفتوا جاء مارى بى هنا .... أدنا تحية ذى المثل بتاع حسن اشترى قندول ... الحقوق محفوظة لزميل المنبر.

مرحب بالأخ الأستاذ أيمن،

والله إنّك لتفهمها طاااااايرة ..


نعم الحقوق محفوظة لي ناس المنبر،

بس "الحقوق" معظمها ماكولة فساداً وإفساداً بواسطة هذه الحكومة ومؤيديها السّنحاء اللّبطاء البُطبَطاء المُبطبطين ..!


فالله أكبر على البطّ البَرّي والداخلي وبتاع ديوان المغتربين..!





ـــــــــــــــــــــــــــــ
وشكراً لمرورك النبيل ..

Quote: يا سلام

هو وووينو السلام ال ممكن تكونوا بتعرفوه إنتو يا فلان ...؟


آل " يا سلام " قال ..!


خلّيها ترجّعلك أثداء الفساد التي كنتَ وصحبك تلتقِم ثم تمصّون مصّا ..!

يمكن مهكر
والهكر لافي في القروب

رمضان كريم

مرحب بيك أخانا ذواليد،

وتصوموا وتفطروا على خير ،، وكل عام وأنتم بخير ..


تقول:

Quote: يمكن مهكر والهكر لافي في القروب

هكَر مين يا أستاذ..!
لقد فاق هؤلاء الرجرجة، في البتاع وَ الهناي، ناهيك عن ســوء الظنّ العريض، حتى الهَكر ذاتو
تقولّلّي مهكّر..!

بيني وبينكم، فالمعروف بيننا في هذا المنبر العام، أن أخانا عمر ود الباوقة، دا

هو "وجه النظام الحكومي" الجاثم في وجوهنا بعَبَلِه ووَشَلِه وفساده وإملاقه وخِفّتِه

وخلوّه من أدنى كِريم الصفات..

بل إنّ أخانا "ود الباوَقة" ظلّ يتصرمَح ويتبربَح ويترنّح بتشكير "رواكيب الخريف"

بل و يتطاوَل: المعارَضة ما في معارضة وشكراً!!!

ها هو الآن قد وقع على عِلاّته ...! أنتركه يَفِرّ بهلوساته الممقوتة تلك ...؟



ـــــــــــــــــــ
على الأقل نورّيهو عوجة رقبتو..

واللّا ما ياهو؟

أمــّــا ....................... جديدة كمان ..!!





ـــــــــــــــــــــــــــ
يا عارض السُّمِّ، يحوم به مُفنجِطا .. ضوقو ضوقو موو حاد..؟؟

شكرا ود عمي ابو جودة

وننتظر منك المزيد

ونحن على اعتاب 2020 باذن الله

وشكرا

سمح







ــــــــــــــــــــــــ
نحيا ونشووووف

بإذن الله