Post: #1
Title: آخر التطورات .... بدون زيادة ولا نقصان ولا تحليل .
Author: مني عمسيب
Date: 05-09-2018, 10:07 AM
10:07 AM May, 09 2018 سودانيز اون لاين
مني عمسيب- هولندا
مكتبتى
رابط مختصر
بدون زيادة ولا نقصان ولا تحليل:
أمس يوم السبت 5/مايو، بالتخطيط الإستراتيجي تداعى كبار مسئولي مؤسسات الدولة من منسوبي المؤتمر الوطني لسماع تنوير لمستجدات وضع البلاد الأمني والسياسي والاقتصادي.
قدم التنوير أحد كبار ضباط الأمن (أ. ه. أ) (A. H. A) شمل التنوير النقاط التالية:
1/ السعوديون والقطريون والاماراتيون تلقوا توجيهاً أمريكياً بعدم تزويد نظام البشير بأي مساعدات نفطية ولا مالية.
2/ تلقى الرئيس البشير هذه الحقيقة وأصبح أكثر تمسكاً بكرسي الرئاسة وبعد أن لمس أن جميع كوادر الحزب والمسؤولين بالدولة ينتظرون منه قراراً شجاعاً بالتنحي، الأمر الذي جعله يحشد قوات الدعم السريع لاستعراض القوة وإرسال إشارات أنه يقف على أرض صلبة.
3/ ويواصل أ.ه.أ. أن آخر ما تبقى للبشير هو قوات الدعم السريع، ومن المتوقع انهيار الأوضاع السياسية والاقتصادية قبل رمضان أو خلاله.
4/ سألت أنا خالد أحمد أحد حضور هذا التنوير إذا ما كان الضابط أ.ه.أ. تطرق للخطوة التي تلي انهيار الأوضاع أم لا؟
فكانت الإجابة أنه أمتنع من الخوض في الخطوة التالية لكنه قال أنهم كجهاز أمن لن يتركوا الدولة تنهار لتدخل في فوضى.
انتهى الحديث عن التنوير ....
ملحوظة:
تشهد الخرطوم حراك دؤوب تقوم به الأجنحة المتصارعة داخل النظام، اجتماعات تنعقد وأخرى تنفض ولقاءات مكثفة في قصور كبار المسئولين وفي المزارع والمنتجعات.
أتفق الجميع على أن ذهاب البشير هو الحل. بينما للبشير رأي آخر ربما يربك به المشهد ويدخل البلاد في تعقيدات جديدة.
|
Post: #2
Title: Re: آخر التطورات .... بدون زيادة ولا نقصان ولا ت
Author: مني عمسيب
Date: 05-09-2018, 10:11 AM
Parent: #1
في تسجيل حايم ما قادرة انزله هنا بدعم الكلام دا
حا امشي افتش لي زول ينزله ليكم هنا . كلام في
غاية الاهمية .
|
Post: #3
Title: Re: آخر التطورات .... بدون زيادة ولا نقصان ولا ت
Author: محمد المسلمي
Date: 05-09-2018, 10:27 AM
Parent: #1
بت عمسيب سلامات
بدون اي زيادة او اي رتوش البشير قاعد لا حزب لا غيره يستطيع منعه من الترشح
انا نقلت الواقع من خلال المتابعة
|
Post: #4
Title: Re: آخر التطورات .... بدون زيادة ولا نقصان ولا ت
Author: عمر دهب
Date: 05-09-2018, 01:50 PM
Parent: #3
اذا كان تغيروا غلب الجميع
الله بغيروا
|
Post: #5
Title: Re: آخر التطورات .... بدون زيادة ولا نقصان ولا ت
Author: عبد اللطيف السيدح
Date: 05-09-2018, 02:26 PM
Parent: #4
ده ضابط شنو البشتت كلامو في الهوا
عشان تلم فيه بت عمسيب وتجيبو للمنبر
تطير عيشتو ضابط السجم والرماد ده
|
Post: #6
Title: Re: آخر التطورات .... بدون زيادة ولا نقصان ولا ت
Author: nour tawir
Date: 05-09-2018, 04:02 PM
Parent: #5
بت عمسيب سلامات
بدون اي زيادة او اي رتوش البشير قاعد لا حزب لا غيره يستطيع منعه من الترشح
انا نقلت الواقع من خلال المتابعة
....
المسلمى يا منى و كذلك عبداللطيف السيدح و كووول منسوبى الانقاذ...
مستعدين يقولوا ليكى يوم جمعة فى شهر مارس عز الضهر فى الخرطوم...
أنو الشمس ما طلعت الليلة و أتى كضابة...
تطلع روحهم فردا فردا بحق جاه الحبيب المصطفى...
|
Post: #7
Title: Re: آخر التطورات .... بدون زيادة ولا نقصان ولا ت
Author: مني عمسيب
Date: 05-11-2018, 04:15 PM
Parent: #1
مرحب يا مسلمي ..
شر البلية ما يضحك ! هههههه
بدون اي زيادة او اي رتوش البشير قاعد لا حزب لا غيره يستطيع منعه من الترشح انا نقلت الواقع من خلال المتابعة
اسمعني يا مسلمي كلام الانتخابات دا بالنسبة لي
كلام في قمة السذاجة ! وكلام مضاعفات حمي
الوضع والحاصل ! كدي خلونا من الانتخابات ..
خلوا البشير يطلع من الوضع الراهن دا !!!!!!
بعدين الواحد وسبعين ضابط التم اعتقالهم قبال
كم يوم ديل وراءهم الاف اخرين .. حتت تجيني
جاري بي خبر مفبرك دا كلام آكل الدهر عليه ..
وبقي ما بفوت علي الشعب .. بعدين تمني منك
الابتعاد عن حتت الانتخابات دي لانها بقت ..
عبارة عن اضحوكة !
اللهم نسألك الخلاص العاجل .
|
Post: #8
Title: Re: آخر التطورات .... بدون زيادة ولا نقصان ولا ت
Author: مني عمسيب
Date: 05-11-2018, 04:18 PM
Parent: #1
لك التحية اخي الفاضل \ عمر دهب ..
يمهل ولا يهمل ..
اذا كان تغيروا غلب الجميع الله بغيروا
ويرونه بعيد ونراه قريب .
ولك وافر التقدير ..
|
Post: #9
Title: Re: آخر التطورات .... بدون زيادة ولا نقصان ولا ت
Author: مني عمسيب
Date: 05-11-2018, 04:26 PM
Parent: #1
كتب الكوز بوق النظام النت \ السيد حمد :!
دا ضابط شنو ؟
ده ضابط شنو البشتت كلامو في الهوا عشان تلم فيه بت عمسيب وتجيبو للمنبر تطير عيشتو ضابط السجم والرماد ده
دا نفس الضابط الكلمك بتوزيع الوزرات لما اديتو
تراجي مصطفي منهم وزارة !!! يا كضاب يا منافق !
ومعروف الكضاب زيك ما بصدق الآخرين .
تبآ لكم ... وقاتلكم الله .
|
Post: #10
Title: Re: آخر التطورات .... بدون زيادة ولا نقصان ولا ت
Author: مني عمسيب
Date: 05-11-2018, 04:40 PM
Parent: #1
لك التحية والتقدير \ بت تاور ..
وزارتنا البركة ..
ديل يا حبيبة الابواق المأجورة الماعندها حياء
همها كلوووو في مصلحتها الخاصة ! ومهما
كلفها الآمر من عدم عزة وكرامة لنفسها زيها
وزي حكومة النشالين المبارناها ! الله لا كسبهم .
المسلمى يا منى و كذلك عبداللطيف السيدح و كووول منسوبى الانقاذ... مستعدين يقولوا ليكى يوم جمعة فى شهر مارس عز الضهر فى الخرطوم... أنو الشمس ما طلعت الليلة و أتى كضابة... تطلع روحهم فردا فردا بحق جاه الحبيب المصطفى...
امييييييييييييييييييييين .
تطلع روحهم فردا فردا
تسلمي يا حبيبة ومشكورة علي الحضور .
|
Post: #11
Title: Re: آخر التطورات .... بدون زيادة ولا نقصان ولا ت
Author: Abdullah Idrees
Date: 05-11-2018, 05:33 PM
Parent: #10
كلام واقعي جدا
لو ارادت دول الخليج مسااعدة السودان فماا اقرب ميناء بورتسودان وما اكثر ناقلاتها في البحر الاحمر !
الازمة دي لو السعودية عايزة تحلها بتحلها في 8 ساعات فقط مش 3 اسابيع ولا شيء في الافق ، ومش ممكن نفكر في انو السعودية تدي السودان قروش وهي اكتر دولة بتبيع بترول
كلام مش منطقي ابدا ، امتناع دول الخليج عن المساعدة واضح جدا واحتمال دخول امريكا طرف في الموضوع هو الارجح بالذات اليومين ديل بعد توتر الاوضاع في سوريا بشكل
غير مسبوق بين ايران واسرائيل ..
اما الانتخابات فلا اعتقد انها من اولويات المرحلة ولا اهتمامات حكومة البشير
|
Post: #12
Title: Re: آخر التطورات .... بدون زيادة ولا نقصان ولا ت
Author: محمد بدرالدين
Date: 05-12-2018, 08:35 AM
Parent: #11
التحايا و التقدير
همهمة بين الناس ان البشير تحصن بالدعم السريع..
و انه و انه و انه
و الانقاذيون ف حيرة
و اصحاب المصالح الخائفون يبحثون عن عن القوى الذى يحميهم ..
و ان الجبهجية ف الطريق السريع للتخلى و التخلص من الريس حتى لو كان بحادث كارو
هكذا الفسدة ...نهاياتهم مؤلمة و مظلمة
و اللهم لا شماتة ... نسال السلامة
منى شوف لينا اخر الاخبار
مودتى و تقديرى
و اللهم صلى على كامل النور
|
Post: #13
Title: Re: آخر التطورات .... بدون زيادة ولا نقصان ولا ت
Author: مني عمسيب
Date: 05-12-2018, 02:14 PM
Parent: #1
لكم التحية اخوتي الكلوس .. ود ادريس ود بدر .
ومشكورين علي المرور ودعم اهلنا بالداخل في محنتهم .
ونرجو دعواتكم المباركة في هذه الايام المباركة لازالة
هذا الطاغوت والمفسدين عنهم .
ودمتم اخوتي ابناء وطني الحبيب ...
|
Post: #14
Title: Re: آخر التطورات .... بدون زيادة ولا نقصان ولا ت
Author: مني عمسيب
Date: 05-12-2018, 02:15 PM
Parent: #1
آخر التطورات .
الخبر اليقين؛
١/ تداعيات الأحداث على المشهد السياسي، أفرزت توافق قسري بين دكتور نافع وعلي عثمان، للبحث عن خلف للبشير يحفظ للمؤتمر الوطني قبضته على مفاصل الدولة.
والأخبار تتواتر على تولي بكري حسن صالح فترة انتقالية تجرى بعدها انتخابات رئاسية وبرلمانية تشارك فيها كل القوى السياسية.
٢/ المحاولة الإنقلابية خطط لها ٤٠ ضابط من ظباط الجيش كانوا يحشدون في إسناد لهم بالجنود وسط تواطؤ من الاستخبارات العسكرية وبعض كبار ضباط هيئة الأركان (عبدالمعروف).
لكن تم كشفها بواسطة جهاز المخابرات ويؤكد مصدر مقرّب أن المؤتمر الشعبي كان على علم بالمحاولة، (وربما تكون الأجهزة الأمنية للشعبي هي التي مررت المعلومات لجهاز المخابرات).
٣/ وصل قبل أسبوع للسفارة الأمريكية في الخرطوم الملحق العسكري الأمريكي في سفارة أمريكا بالقاهرة السيد جون موبيو، وأكمل وصول 200 عنصر من المارينز لسفارة أمريكا في الخرطوم، يقال أنهم بمثابة لواء أو فرقة من حيث التدريب والكفاءة.
٤/ مجموعة نافع/علي أو الحلف الجديد داخل حزب الحكومة أوصل الرسالة واضحة جليّة للرئيس البشير أن يسلّم صلاحياته لنائبه بكري، ويجنب البلاد أزمات قد تدخلها في فوضى لا يمكن السيطرة عليها.
٥/ البشير مازال غير مقتنع ولم يتبقى له غير قوات الدعم السريع، والجهود متواصلة لتجنب مواجهات مع الدعم السريع الذي قد لا تحمد عقباه.
٦/ المباحثات مع الرئيس وصلت مرحلة بحث الضمانات المقبولة له للتخلي عن الرئاسة. وما زال الرئيس غير مقتنع بالضمانات التي قدمت له، خاصة أن الرئيس لا يثق في الضمانات الأمريكية.
٧/ البحث جاري في إمكانية إشراك اردوغان/بوتين لإقناع الرجل وتقديم ضمانات له.
منقول ...
|
Post: #15
Title: Re: آخر التطورات .... بدون زيادة ولا نقصان ولا ت
Author: محمد بدرالدين
Date: 05-12-2018, 02:32 PM
Parent: #14
مراحب بالمناضلة منى ..
اخر اخبارك عن الوضع ... مقنع لحد كبير جدا ..
خصوصا احتفاظ نافع/على على مصالح الجماعة من خلال الفبض على مقاليد الامور
تمرير معلومة الانقلاب من الشعبى للمخابرات لضمان حقهم ف الحكومة القادمة
البشير مضغوط من اشقائه و زوجته الجديدة ..
...... و منصب وزارة الخارجية الشاغرة حتى الان ينبىء ان ما هناك اكبر و اعظم جللا من وزارة سيادية مهمة ... هههههه المشكلة ف ابو القدح زاتو ... يعنى الكلام دخل ( الحوش)
انا قلت الحوش بس ... ما قلت حوش بانقا ...
.....
و لله الامر من قبل و من بعد .... و يعز من يشاء و يذل من يشاء
و لو عرفوا ما فيه ( الشعب) من راحة بال و سكينة و ايمان بالله .. لتركوا مناصبهم و هرولوا الينا ...
و لا نقول الا ( اللهم ردهم اليك ردا جميلا) ليندموا على افعالهم و يردوا المظالم ..
و اللهم جنب بلادى الفتن ما ظهر منها وما بطن .. و احفظه .
و اللهم صلى على كامل النور
و
|
Post: #16
Title: Re: آخر التطورات .... بدون زيادة ولا نقصان ولا ت
Author: مني عمسيب
Date: 05-12-2018, 02:38 PM
Parent: #1
حابك ود امي ود بدر ..
انت عارف يا ود بدر البحصل دا كلوووو استدراج من رب العالمين
ربنا بنظم وبرتب . وايماني القاطع حتي سكوت الشعب من ضمن ...
برمجة العزيز الجبار .. اللهم لك الحمد والشكر حتي ترض .
و لله الامر من قبل و من بعد .... و يعز من يشاء و يذل من يشاء
ونعم بالله ... واللهم ارينا فيهم عزيز قدرتك وجبروتك
انهم لايعجزونك .
وتشكرات خاصة ..
|
Post: #17
Title: Re: آخر التطورات .... بدون زيادة ولا نقصان ولا ت
Author: محمد بدرالدين
Date: 05-12-2018, 02:54 PM
Parent: #16
الوجع واحد
الهم واحد
الالم واحد
الفرع واحد
كما الوطن واحد
نعم قضاء الله و قدره ما يجعل هذا الشعب صامتا .. ليذوقوا وبال امرهم
تخيل حسع لو كان فى مسيرات و مظاهرات ... كان هم الحكومة واحد .. كلهم حيجتمعوا و يتفقوا بكل سهولة و بانسيابية لفض المسيرات
ناس الشرطة و مكافحة الشغب يشوفو شغلهم الروتينى ... و هم ينوموا قفا ...
لكن صمت الشعب .. جهجهم
نعم لله تصريفه و عدل حكمه ..
و عند الغرغرة لا ينفع التوبة !!!
و اللهم صلى على كامل النور
بدران
|
Post: #18
Title: Re: آخر التطورات .... بدون زيادة ولا نقصان ولا ت
Author: احمد الشيخ
Date: 05-16-2018, 07:34 AM
Parent: #17
الكنداكا منى تحياتي ليك وانتي بتواصل حمل هم الوطن دون كلل او ملل رغم الظروف
انا عن نفسي بصدق التطورات دي لأنه شواهد الواقع تدعمها
لكن الخوف انه نتائج التطورات دي تؤدي لحصول انقلاب داخلي منهم وفيهم يتم فيه استبدال احمد بحاج احمد
عشان كدا لازم يحصل ضغط شعبي يرفض كل من ينتمي للفصيل الحاكم الآن ويؤثر في مسيرة التطورات نحو تغيير يستبعد تماما اي تغيير للوجوه الظاهرية مع بقاء المنهج
لأنه بدون تحرك شعبي حيكون الناتج عمر البشير آخر باسم جديد
|
Post: #19
Title: Re: آخر التطورات .... بدون زيادة ولا نقصان ولا ت
Author: ناصر حسين محمد
Date: 05-16-2018, 07:46 AM
Parent: #18
كلام حقيقي تشهد عليه الاحوال الانية
|
|