Post: #2
Title: Re: عندما قرقر بشاشا
Author: فرح الطاهر ابو روضة
Date: 05-02-2018, 08:44 AM
Parent: #1
ياخ في زول قبلي
قال ليك انت عضو منبري سقيل خلاص
سقالتي ليك دي طبعا مقتبسة من بوست ود المدير اللسه ضيوفه ما قادرين يقيفوا ليهم علي بر
في حكاية السقلا دي ههههه
الغريبة في بوست السقالة
في سقلا
وما علينا
لكن انت يا بشاشا عضو منبري
سقيل بلحيل
|
Post: #3
Title: Re: عندما قرقر بشاشا
Author: فرح الطاهر ابو روضة
Date: 05-02-2018, 08:51 AM
Parent: #2
سؤال
في سقالة ممكن تكون
ممتعة
عينة السقالة الممتعة دي
باب لربما يحتاج لشرح
وكمين دراسة
يعني ما عايزه ليها هضربة وحكابة
تقوم من نومك وقبل ما تتسوك تجي تصابح
المنبر باي خارم بارم
ورزق اليوم باليوم
|
Post: #4
Title: Re: عندما قرقر بشاشا
Author: فرح الطاهر ابو روضة
Date: 05-02-2018, 09:00 AM
Parent: #3
في بوستات كده
انا واعوذ بالله من كلمة أنا
قررت تكون حقتي براي
لي متعة نفسي الانا سيده دي
علي وتيرة
تكتب علي كيفك
تقيف علي كيفك
تقرا وتتمحن علي كيفك
تفرح علي كيفك
كل شي بكيفك
وقرع ود العباس الكوم بجنيه والزياده قدرو
والمافي شنو
|
Post: #5
Title: Re: عندما قرقر بشاشا
Author: فرح الطاهر ابو روضة
Date: 05-02-2018, 09:09 AM
Parent: #4
من الحاجات اللسه تطوف بالذاكرة
مع انها بقت خربة بعامل السن وكده
حكاية
جدادتي كيكت وببضت في راس زول
ولسه انحنا مكيكين ومبيضين
وبرضه بنحلم بالتغيير
وبنعشق نغني لبكرة
بوجدان
الشتاء الدافي
او كما قال الكتيابي
بدوزنة جنا ود سلفاب الراحل في اقامته فينا
|
Post: #6
Title: Re: عندما قرقر بشاشا
Author: فرح الطاهر ابو روضة
Date: 05-02-2018, 09:20 AM
Parent: #5
حكاية الضعيف بقع والسمين بقيف دي ؟؟؟
هسي اهلنا ديل مش فلاسفة بوش الباب
بس ناقصاهم حاجة واحدة
زول يرفع ليهم ضو
وشارة مرور لتتجاوز فلسفتهم المحلية
الي افاق العالم البقي صغيروني
قالولنا بقي قرية
ويا ماسك الروح ما تروح
|
Post: #7
Title: Re: عندما قرقر بشاشا
Author: فرح الطاهر ابو روضة
Date: 05-02-2018, 09:37 AM
Parent: #6
بالمناسبة
ضمن مشاريعي المستقبلية
بوتيك ابو روضة
للتحميل
تبيض
ترطيب
تلطيف
بشرة
المفاجاة الكبري في المشروع المستقبلي ده
فريق عمل متخصص
في تطيب الخواطر
وانه حيكون شركة مساهمة
تتجاوز الخصخصة واشكالياتها
في واقع دول التبعية والخضوع لهيمنة
الاحتكارات العالمية
انا والنجم والمسا سيم سيم
هههه
|
Post: #8
Title: Re: عندما قرقر بشاشا
Author: فرح الطاهر ابو روضة
Date: 05-02-2018, 09:46 AM
Parent: #7
دردشة
ادرش
واندرش
ولو ما قدرت علي ده
انبرش
الحكاية كيبورد ونقرة اصبع
وكلام في كلام
وانحنا مننا ناس ابو كلام
وابو عرام
وابو لمبة
كمان
ديشك
بردلب وقع
هسي دي لغة شنو
الما مهم عندي خالص
اني اسجل خروج
ولو حيت فيها الزايلة
بنتلاقي ونتلاقي
(( جيباك ))
ويا حليل جنوبنا وانسان جنوبنا
بكرة بجي البوست ده
ومعاي الرداحات
|
Post: #9
Title: Re: عندما قرقر بشاشا
Author: درديري كباشي
Date: 05-02-2018, 09:47 AM
Parent: #7
أبو الروض الظليل
كيفك ؟
شكلك سفرت العيال وبقيت سنقل تهضرب ساي
قلت اشاغلك على بال ما يجيك بشاشة يردمك لمن ما تعرف الباب بوين وشنو الجابك هنا أصلا
|
Post: #10
Title: Re: عندما قرقر بشاشا
Author: فرح الطاهر ابو روضة
Date: 05-02-2018, 09:58 AM
Parent: #9
كويس انك طليتني
ابو الدر الزول الضل
ياخ انا متواصل معاك وجدانيا ههههههههههههههههه
شفت كيف
المثاقفة دي
جوه السطر
والله متابعك وكمان عندي ارشيف كامل
لكل ابداعاتك شفت كيف
ممكن تكون لابداع جواك
او من ناحية شنا جواي
والشين عجبو قاسي
تحياتي دريري كباشي والعيال اصلا
متكوين بي ناره هناك
انحنا لسه نجقلب وما قادرين نقرر
بين قوسين
عدم موضوعية
|
Post: #11
Title: Re: عندما قرقر بشاشا
Author: Bashasha
Date: 05-02-2018, 02:58 PM
Parent: #10
فوووووق
شلوم يا ابوروضة،
من السقيل بالسين بشاشا، لانو العربي لسان اعجمي بالنسبة لينا....
جاييك.
|
Post: #12
Title: Re: عندما قرقر بشاشا
Author: Arif Nashed
Date: 05-02-2018, 06:54 PM
Parent: #11
أبو روضة وضيوفك تحياتي
قرقرت حتى بانت ضروسي الباقيات.
|
Post: #13
Title: Re: عندما قرقر بشاشا
Author: Bashasha
Date: 05-02-2018, 07:03 PM
Parent: #12
خليني اعترف وعلنا ياعزيزي،
انا حقيقة بقرقر علي روحي كسوداني وشمالي تحديدا لما اتامل البنعمل فيهو كجلابة، وفي المقابل الطريقة البشعة المؤلمة البستغلو بيها مستعمرينا كان عرب ولاخواجات طريقة تفكيرنا هذه كشماليين تحديدا!
لهذا بريمة ادم قريب مني شديد او بعزو لاني اري في مراة سذاجتو او عوراتو ذاتي كجلابي، بواب، سفرجي، زي عمي عبدو في قصور مستعبدي وعيي!
نعم بضحك وهذا ارحم من البكا!
شر البلية مايضحك فعلا!
احنا ناس عجيبيين جد جد!
عرش ترهاقا جلس عليهو واحد زي البشير 30 سنة!!!
ياالهي!!
|
Post: #14
Title: Re: عندما قرقر بشاشا
Author: درديري كباشي
Date: 05-03-2018, 05:55 AM
Parent: #13
س : لبشاشة
أنت ليه لابس العنصرية والدونية كنظارة تقرأ بها الواقع بل كل المغروض والمعروض ؟
ومرات بحس أنك تلوي رقبة الموضوع لوي وتكسرها عشان تأخدها في هذا الاتجاه .
الشعب الامريكي يعتبر مجتمع حديث التكوين مقارنة بالشعب السوداني
ومر بمرارات ابشع من التي مرينا بها كشعب سوداني هجين .
بدءا من ابادة الهنود الحمور واستجلاب الزنوج الافارقة واسترقاقهم .
رغما عن ذلك خلال أقل من مائتين عاما وصلوا لمرحلة ينصبوا أحد هؤلاء الزنوج رئيسا عليهم .
السودان مر بنقس مرحلة الهجين هذه لكن قبل ألف وخمسائة سنة ولا زال يتحارب بسبب العرق ويكره بعضه .
وهذه العنصرية والعرقية لن تزول مادامت هي لازالت لغة الطبقة المثقفة والمستنيرة من أمثال أستاذ بشاشا وأستاذ بريمة .
|
|