Post: #1
Title: جهاز الأمن السوداني يأمر الصحف بعدم تناول أزمة الوقود
Author: عمر التاج
Date: 04-30-2018, 09:20 PM
09:20 PM April, 30 2018 سودانيز اون لاين
عمر التاج-KHT
مكتبتى
رابط مختصر
الاحتمال الراجح أن الأزمة ستطول ويريد الامن تقصيرها
واذا أحسنا الظن نقول أن الأمن أخير اعترف بالأزمة وعرف مكانا وين؟
ونعم الأمن..
|
Post: #2
Title: Re: جهاز الأمن السوداني يأمر الصحف بعدم تناول
Author: عمر التاج
Date: 04-30-2018, 10:11 PM
Parent: #1
الخبر:
أمر جهاز الأمن السوداني، الصحف المحلية بالخرطوم، عدم نشر أي مواد متعلقة بأزمة الوقود ،والإكتفاء بالجهات الرسمية في ذلك.
وأبلغ رئيس تحرير فضل حجب إسمه (حلايب نيوز) عن تلقيهم أوامر من إدارة الإعلام بجهاز الامن يمنع فيها نشر الاخبار بصورة سالبة ،وطالبهم بالإكتفاء بالتصريحات الرسمية من الجهات المختصة ،وكتبت الصحفية في جريدة (التيار ) بصفحتها في الفيس بوك :” الأمن يوجه الصحف بمنع النشر في أزمة الوقود”.
وفي الفترة الماضية أصبحت أزمة الوقود مادة دسمة للصحف اليومية ،تلامس فيها المعاناة التى يتكبدها المواطنون وأصحاب المركبات العامة والخاصة في الحصول على الوقود ،إضافة لتناول أزمة المواصلات الناتجة من الندرة في الجازولين والبنزين في الطلمبات.
من وحي الفسابكة غير المعنيين بالحظر (التعليقات من صفحة الصحفية زميلة المنبر شمائل النور):
Awad Qofran زي ماقال المسطول: هسة دا وضع بدورلو كتابة ؟ اها رايهم شنو حا يدوا العربات تعليمات تمشي من سكات بدون بنزين؟
- غايته ذكرني أغنية هل يخفى القمر في سماهو؟ والاجابة بتاعة الشيالين: ابدااا وطبعننن لا، شفناهو شافناهووو
Diyab Hassan هم مش قالو خلاص اتحلت
طارق قاسم الجاك هى دايرة ليها نشر .. ما براها ناشرة نفسها .. ومال الصفوف دى صفوف رمى الجمرات
أحمد محمدخير شنو بس خلاهم ينشروا؟؟! الا غسيل البيت بس
هشام سعيد خليهم يمنعوا الناس تشوف الصفوف
Ahmed Sulaiman حكومة الفلس وكمان جابت ليها عدم نشر..هو غندور خلي ليهم حاجه.
|
Post: #3
Title: Re: جهاز الأمن السوداني يأمر الصحف بعدم تناول
Author: Hani Arabi Mohamed
Date: 04-30-2018, 10:22 PM
Parent: #1
قول امرو جميع وسائل الاعلام وجميع منسوبيهم بعدم الحديث عن الموضوع
حيعملو شنو عشان يدسو العربات الما لاقية وقود ؟ والصفوف ؟ والمواطنين الما لاقين مواصلات
|
Post: #4
Title: Re: جهاز الأمن السوداني يأمر الصحف بعدم تناول
Author: السنجك عثمان
Date: 04-30-2018, 11:17 PM
Parent: #3
طيب ياناس الامن امشو فرقو الصفوف دى وال قولو دى صفوف كوريا الزمان
|
Post: #5
Title: Re: جهاز الأمن السوداني يأمر الصحف بعدم تناول
Author: عمر التاج
Date: 05-01-2018, 07:08 AM
Parent: #4
تحياتي اخ هاني ..
| Quote: حيعملو شنو عشان يدسو العربات الما لاقية وقود ؟ والصفوف ؟ والمواطنين الما لاقين مواصلات |
الأزمة أكيد أكبر من ان تغطيها تحذيرات الامن وغشاواتهم التي يرمونها على اعين الصحف ، كما أن الشمس لايحجبها الاصبع
فمصفاة الجيلي كما نعلمها لا تغطي اكثر من ثلث احتياجات البلاد ، والبواخر ان وصلت لا تكفي صفوف اليوم واستهلاك الغد
والموارد المالية والفكرية لا تسمح باستهلاك مستدام للعملات الأجنبية ..
|
|