بواخر البترول والقطط الحصل عليهم شنو ؟

08:18 AM April, 25 2018

سودانيز اون لاين
فرح الطاهر ابو روضة-...................
مكتبتى
رابط مختصر

امس شايف في بوستات بتتكلم عن قرب وصول
البواخر محملة بمشتقات النفط
بعضها تحدث عن قرب وصولها مدينة الابيض
شكلها التعليمات بشان هذه البوستات التي عمت كافة
وسائل التواصل الاجتماعي كانت مستعلجة
ويا ناس الابيض مبروك عليكم البحر

ايام حديث عمر حسن احمد البشير
عن انه مزارع بسيط ويمتلك مزرعة
وبيت في كافوري
وبيت في الكدرو
علي ما اذكر صرح بانه الدولة ما فيها فساد
وبانه كل التجاوزات في المال العام لم تتجاوز كذا
تم ارجاعها لخزينة الدولة
بعد اقل من تلاتة سنوات من اللقاء ده بقي في حديث عن فساد وعلي اعلي مستوي اعلامي تابع للدولة واستضافة متخصصين بشان معالجة الازمة الاقتصادية ودغمسة من امها وما علينا المهم عندنا في حلتنا عمن لينا متخصص في قنص القطط الكبار (( كديس الخلا ))أنا بقترح تعينه لمتابعة قضايا المال العام وقنص هذه القطط التي عصفت بهيبة الدولة خاصة وتعينه لا يكلف الدولة
وزارة ولا هيئة ولا لجان .فقط شوال وسفروق
وسكين في الضراع

٥٧ من المؤسسة العسكرية تمت اقالتهم
قالوا عادي
طيب عادي وصحي بتحصل في كل الدولة
ما عندنا ولا كلمة
طيب ال ٢٠٠
من موظفين سودانير ديل مالهم
ماتين عامل في فد مره
وبرضه عادي
مع تحياتنا
لصاحب أغنية عادي جدا انت تقسي وانحنا ننسي
وعادي جدا

الخبر ده برضه عادي

نشرت صحف الخرطوم اليوم أرقام مختلفة 12 ،7 ، لبواخر ذكرت أنها بميناء بورتسودان محملة بالوقود .
العالم تغير ، والمعلومات متاحة بقليل جهد ، والحقيقة ليس بمقدور أحد أين كان ، حجبها .
Worldwide Ship And Yacht Tracking In Real-time
الموقع العالمي لتعقب حركة السفن واليخوت يُكذب إدعاءات صحف الخرطوم .
الموضح في الصورة عدد السفن التي ترسو حاليا بميناء بورتسودان أو متجهة إلي السودان .
اللون الأصفر لسفن البضائع
اللون الأخضر لسفن الركاب
اللون البرتغالي لسفن ناقلات البترول .
بعض السفن التي تحمل الوقود موجودة منذ بداية الشهر ، مما يعني أن ( الفلس ) يمنع إفراغ حمولتها .
ما عليك الا دخول الموقع والتأكد بنفسك من السفن ، وكل المعلومات عنها متوفرة بكثرة منذ تاريخ إبحار السفينة لأول مرة ، ولا تخدعك صحف الخرطوم .

https://shiptracker.live/vesselfinder/؟gclid=CjwKCAjwq_vWBRACEiwAEReprGp1HIxlskqqw1jLTsk_VUn0usmdzKWdnhNv7Om1nohk63knbP44PRoC0T4QAvD_BwEhttps://shiptracker.live/vesselfinder/؟gclid=CjwKCAjwq_vWBRACEiwAEReprGp1HIxlskqqw1jLTsk_VUn0usmdzKWdnhNv7Om1nohk63knbP44PRoC0T4QAvD_BwE

التحايا و التقدير ابو روضة
هههههه تمساح الابيض الياكلك ...
قالو البواخر بيطاقشن زى اهداف محمد صلاح و باصات محمد صلاح
و باصات الوالى حيشتغلن ....
مودتى و احترامى

يا محمد بدر الدين كيفك
انت من زمن التماسيح بتاكل هههههه الاكل
بقي قطط لو قلت لي القط الياكلك
كان زعلت منك
التماسيح حققت الاكتفاء الذاتي يا حبيب
ومحمد صلاح حريف وبعرف الطريق للمرمي
في نفس الوقت دفاعه محمي
ياخ ديل دفاعهم تعبان والقون صفاية
واهدافهم كلها تسلل صفارة الحكم واقفة ليهم
في عارضاتهم
وربنا يقطع طاري العوارض
المهم يا ابو حميد
اني اري شجرا يسير
واضيف من عندي عنقلة ساكت
فلنستظل بظله
وبمناسبة العنقلة دي
القط مدير شركة الاقطان المقال الحصل عليه شنو
ونتابع

وكالة السودان للأنباء: القبض على إمرأتين تخبئان قرابة 2 طن ذهب في ملابسهن الداخلية لتهريبها للإمارات http://www.alnilin.com/12933908.htmhttp://www.alnilin.com/12933908.htm

واحد علق وكالة السودان للانباء بالغت الطن ده فيه
الف كيلو
وعادي يبقي طن وكالات انباء الانقاذ
بعرفوه براهم
وما علينا

يا جماعة
خبر جبل النيزك الطلع الماس
الحصل عليه شنو ،؟؟؟؟؟؟
نتائج الفحص يا رب تكون طلعت ايجابية
يبقي عندنا اضافة
لجبل مره
وتوتيل
يا ما انت كريم يا رب
جبل الماس النيزكي هههههههه
وجبال التاكا
وقلبي اتالم معاك
وين
يا منقة

يا حبيبنا .. ف احدى الدول العربية قالو عملو حساب فى بنك
حساب خاص و قالو مافى حد يسال المودع .. ليه اودع و لماذا و كيف و من اين ..
قالو حساب تحلل ....زى فقه التحلل بتاع الجماعة ..
الفرق .. انك تودع ما سرقته .. او ما اخذته دون وجه حق .. سواء كان حق خاص و لاّ عام ..
.. الفكرة دى بتجى ف راسى و بتروح .. و عاوز اكلم قريبى حج على المحسى المرشح لرئاسة الجمهورية ياخذه ف الحسبان ..
لانو والله لو اتعمل محاكم بعد الانقاذ تخمساية سنة ما حتكفي ..
دة زاتو ف حد زاتو مشكلة ... يجيبو ليهم قضاة و محامين من وين ...
عمنا قال : نخليهم كدة عشان يطلع زيتهم و يهوهوى زى الكلاب و ان تركته ايضا يلهث
و اللهم لا شماته
ههههههه قلت لى التمساح شبع و نام قفا ...
كل التقدير و الاحترام

كده حتلقي نفسك مجبر علي إيواء معدمين واصحاب حاجة لانهم حيقشطوا وبلحقوا دبلوماسين عمك غندور
وحتكلف الدولة نفقات توفيق اوضاع
للانتقال لحياة العفة والامانة والاعتماد علي عرق الجبين
المهم خليني مرشحكم ده يعمل دراسة جدوي للموضوع ده
ما يتورط ساكت
وعندي اقتراح برضه لمرشحكم ده
انه يقود مبادرة بشان الدبلوماسيين
تحت شعار من اطعم دبلومسيا
لانه شايف الجكس السوداني ما قصر تفاعل مع الحالة العاضة دي ونجر ليهم حبيبي الدبلوماسي
يا ملك احساسي
وانا ذاتي عندي محاولات شعرية تضامنا مع غندور
اوب علي فاض بي
والبرلمان ما شفع لي
يا بشه الما فهمتني
وطوالي طيرتني
اها لقيتني كيف بنفع اكون شاعر اقوم اتجاسر
وانزل قصيدة
يا كتمتا
ههههه

افتتح الأخ زهير بوست :-

Quote: أكتشاف كذب صحف النظام - لا بواخر ولاشيء يا ودالباوقه

وكان ذلك بتاريخ :-

Quote: 25-04-2018, 08:47 AM زهير عثمان حمد

http://sudaneseonline.com/board/499/msg/%d8%a3%d9%83%d8%aa%d8%b4%d8%a7%d9%81-%d9%83%d8%b0%d8%a8-%d8%b5%d8%ad%d9%81-%d8%a7%d9%84%d9%86%d8%b8%...%87--1524642429.html

وكتبت انت هذه المشاركه :-
http://sudaneseonline.com/msg/board/499/msg/1524640719/rn/4.html

بتاريخ :-

Quote: 25-04-2018, 08:55 AM فرح الطاهر ابو روضة

كان تحفظ للراجل حقو يا ابو ورطه او كان تتكرم بنسخ الرابط ...
:
:
:
:
مع التحيات لله الزاكيات

شايفك شغال فاولات ساكت ههههه
المهم
انا طبعا ما محتاج اقول ليك البوست ده ما لبه علاقة
ببوست زميل المنبر المحترم زهير
ويعني انت ده الربنا قدرت عليه
اشتغلت محامي لزهير مبروك عليك المنصب الجديد
وافيدكم معاليكم علما بانه لو جاء زهير هنا وقال البوست
ده بشبه بوسته او انا اخدته من متاوقة من بوست خاص بيه
انا مستعد اتنازل ليه منه
دون الحوجة لدفاعات
لكن انت يا المتقدر العجزان
اخبار بواخر الابيض وقطط الانقاذ شنو
ده موضوع البوست
بقيت تجليها واقفة يا محمد
شايفك شغال فاولات من امها
ههههههههههه

🎤🎤🎤

*بردلب وقع*
ههههههههههههههههه
والله صحي
الحصل ده يا احبابنا واهلنا واصحابنا وشفاتتنا
ما بنفع معاه اي وصف
غير الجقلبة والبردبة
مشاهد هزلية وربكة وكبكبة ورجرجة من علي مسرح الانقاذ
استمتعوا بهم قبل سقوطهم الاخير
ونصيحة ليكم
خلو مصارينكم معاكم في البيت وتعالوا لينا ومعاكم شماتتكم
الفضائح كيزانية
وغندور ركب التونسية
وجابها قوية
وعقبال للبقية
والثورة سودانية
لا مرهونة عند الراسمال ولا منتظره الارزقية
اها دحين سمعتوا غندرة
قالوا ردح جنس ردحي في البرلمان ههههههه
غايتو يا غندره ما عرفت ليه دحين علاقة البرلمان كجهة تشريعية مع صرف المرتبات شنو ؟؟
ولا قلت تفش غبينة فيهم
وتصرف ليهم (( التشتاش الفي الفشفاش ))
علي قول حبوبأتنا الله يوسدهن البارده
والله حكاية
عموما انتم السابقون وهم اللاحقون يا غندور فمن لم تكنسه منكم جقلبة زنقة الانقاذ الايام دي كنسته ثورة شعب حر اب لحما مر
اها شايف لي كم جدادة ومواقع بتتكلم عن انه بريطانيا حذرت الحكومة السودانية من المساس بمواطنها غندور
صح الخبر او فبركة هي محاولة مسك زمن بينا 😰
غندور مالو الانقاذ بتلاحقو ؟؟؟؟
كشف عن فساد السلطة يا ربي ؟؟
ولا قاد مسيرة ضد ميزانية الفساد والفقر والجوع ؟؟
ولا قدم نقد ذاتي عن تدمير النقابات واعتذر للعمال ؟؟
واحد في الحاجات دي عملها مافي ولا بقدر اصلا
كل ما حصل تصفية حسابات ودارت الدائرة علي غندرة وضاقت بيه فقال كده احسن يموت وهو يدافع عن حقوق دبلوماسيين ودبلوماسية فاشلة ومترهلة وفاسدة كل مهامهم تقوية اواصر علاقات العهر والبارات بين الشعوب
وفي دي
لا انا بفسر ولا انتو مقصرين هههههه
وهم كلهم بالمناسبة البمتلك جنسية دولة تانية او مكتفي بالجنسية السودانية بشبهونا في شنو ؟؟
وحقيقة هم اصلا ما من شعبنا لو ذهب غندور الي بريطانيا وفعلها كما طه الدلاهة الزنزانة منتظراهو مع البقية
وما تنسو برضه ممكن جدا بكرة تلقو غندرة في وزارة تانية بديلة زي ما حصل مع قوش وكتيرين
ديل ناس بشبهو نفسهم براهم ومتساوين في القبح وعدم الكرامة
ده كله كوم
وتسريب تسجيل الكوز الطاهر بتاع قناة كم وعشرين داك كوم
وجدادتي كيكت وبيضت
في راس كوز

*وثورة ثورة حتي النصر*

*💐زول شفاتي*💐