Post: #1
Title: تبت من البركاوي
Author: عبداللطيف حسن علي
Date: 04-22-2018, 08:09 PM
08:09 PM April, 22 2018 سودانيز اون لاين
عبداللطيف حسن علي-
مكتبتى
رابط مختصر الولد جا داخل فرحااان وقال لابوهو انا خلاص قررت اتزوج.الابو قام من رقدتو وقال لي اوع تكون شلت قروش العشا خرشت بيها.عرس شنو يا رمتالي يا اب جلحات.لقيت القرض الهندي الرايح ولا شنو؟ كدي صلح الرقشة الخليتها واقفة زي المزيرة دي اول. الولد قال ليهو يا ابوي انا ما حاكلفك حاجه أصلا اتفقت مع امي تديني صرفتها حقت الصندوق. الاب وباآخر نفس:داير تعرس بصرفة صندوق امك؟اها والعروس بوتاجاز بعينين ولا خلاطة؟.قوم من قدامي يا زول انا تبت من البركاوي.
الولد بكل هدوء قال ليهو انا لقيت واحدة أصغر من امي حبة لكن يا أبوي صابون كامي بس مرطبة لمن غلط. وقالت بتقوم بكل تكاليف العرس من جلابية القيدومة لغاية عداد هدى عربي.وقروش الصندوق حامشي بيها الحلاق وساونا وصنفرة على الاقل احس اني شاركت.الابو تاني رقد وطلع الكيس واخد لي سفة ثم نظر ثم عبس وقال للولد اها وحيرقصوك في البيت ولا عادي في الصالة 😂😂
|
Post: #2
Title: Re: تبت من البركاوي
Author: عبداللطيف حسن علي
Date: 04-22-2018, 08:17 PM
Parent: #1
تردي اخلاقي معيب ، من المسؤول عن التفاهات الحاصلة دي
|
Post: #3
Title: Re: تبت من البركاوي
Author: عبداللطيف حسن علي
Date: 04-22-2018, 08:22 PM
Parent: #2
ظاهرة الزواج من (الخالات !) او كما يسميها العطالة
من كل شاكلة ولون !
النكتة اعلاه ، تعتبر عمل درامي او مشروع عمل درامي
اذا وجد المؤلف المبدع والمسرح الهادف
|
Post: #4
Title: Re: تبت من البركاوي
Author: عبداللطيف حسن علي
Date: 04-28-2018, 10:11 AM
Parent: #3
الشباب الضائع دا لما يلقي تكاليف الزواج اصبحت تحتاج
لمعجزة او عمل خارق ، وجد الحل السهل في الزواج
من مطلقة او عانسة وضعها جيد ومروقة بلغتهم
لكن من الناحية الاخري يعتبر وضع غير اخلاقي ومخجل
وغير متكافئ او رمتالي بلغة الشارع ....
بمعني اخر الاخلاق باعتبارها بنية فوقية لها علاقة وثيقة بالبنية
التحتية الاقتصادية وعلاقات الانتاج ، الاخلاق ماسابحة في الفضاء
وموجودة غريزيا
|
Post: #5
Title: Re: تبت من البركاوي
Author: aosman
Date: 04-28-2018, 11:08 AM
Parent: #1
زمان كان عيب الواحد يتزوج إمرأة عشان قروشها, هسي بقى عادي الواحد يتزوج واحدة في عمر أمه عشان قروشها.
|
Post: #6
Title: Re: تبت من البركاوي
Author: عبداللطيف حسن علي
Date: 04-28-2018, 11:27 AM
Parent: #5
[QUOTE
زمان كان عيب الواحد يتزوج إمرأة عشان قروشها, هسي بقى عادي الواحد يتزوج واحدة في عمر أمه عشان قروشها |
شكرا عثمان علي المساهمة ، الحاجيات الاجتماعية المتعلقة بالزواج والاسرة لم تكن
متنوعة ومكلفة وكان الموضوع غاية البساطة ...
مع نمو الطبقة الطفيلية المتاسلمة وعادات البذخ المرتبطة بالفساد ومجاراة المفسدين تغيرت
الاخلاق الاجتماعية وبما ان التناسل سمة طبيعية لابد ان تستمر ، كان علي هؤلاء الشباب
الطائش ضحية الاوضاع الشاذة ، ان يكون هو نفسه شاذا ، لا احد منهم يفكر في الخلاص
بمفهومه العام ويبحثون في الخلاص الفردي ، حتي لو الواحد يبقي ملطشة للمجتمع ومنبوذ
|
