Post: #2
Title: Re: ولا تنسوا الفضل بينكم
Author: عبدالحفيظ ابوسن
Date: 04-20-2018, 04:42 AM
Parent: #1
اخوك كان رميتو قوم منو
مثل سوداني
|
Post: #3
Title: Re: ولا تنسوا الفضل بينكم
Author: عبدالحفيظ ابوسن
Date: 04-20-2018, 04:43 AM
Parent: #2
اخوك كان كتلك بجرك للضل
مثل سوداني
|
Post: #4
Title: Re: ولا تنسوا الفضل بينكم
Author: امتثال عبدالله
Date: 04-20-2018, 04:48 AM
Parent: #3
الله كلام جميل ودرر نفيسة وغالية
والأهم..ولا تنسوا الفضل بينكم ...
مع وافر التقدير والاحترام
|
Post: #5
Title: Re: ولا تنسوا الفضل بينكم
Author: عبدالحفيظ ابوسن
Date: 04-20-2018, 04:51 AM
Parent: #3
عاب علي بعض الصحاب ايرادي آية الفضل في امر يخص نزاع حول حقوق مادية كما يرونه
وكأني اقول عفى الله عما سلف
وباركوها
لارتباطها بتاريخ سياسي يقنن للفساد والافلات من العقاب
هذا ما ظننته وليس ما صرحوا به
تقديري للامر .
الفضل لايعني تجاهل الحقوق ابدا ولا مبدأ الحساب . مالوا ناكل اخوان ونتحاسب اخوان
حساب الاخوان فيهو الفضل وفيهو الاقالة وفيهو التسامح
نتحاسب بي طيبة نفس وعدم تجاوز للخوة والعشرة والانسانية
نتحاسب لامن نصل لنهاية الحساب وبعد داك يجي الفضل
نثبت الحق ونفتح مساحات الفضل والعشرة والخوة
|
Post: #6
Title: Re: ولا تنسوا الفضل بينكم
Author: عبدالحفيظ ابوسن
Date: 04-20-2018, 05:10 AM
Parent: #5
تعرفي يا امتثال رياضة المصارعة والقتال اليدوي . بكون فيها بطل والانتصار مرات بتم انو المهزوم برفع يدو بس لتقديراتو انو ما بنتصر وممكن يتضرر جسديا
ولا اللجنة المنظمة بتري انها توقف القتال كونه خرج من الضوابط وبرضو خوف علي الضرر
لكن
شفت في السينما واليوتيوب رياضة قتال حتي الموت
تكتل الزول مش تنتصر عليهو . المدهش في نظري عندها معجبين .
هل وصل الامر ارض الواقع ولا تمثيل في تمثيل ؟
ف شنو
مشاهدة اذلال شخص او احراجه من المواقف المؤذية للروح
|
Post: #7
Title: Re: ولا تنسوا الفضل بينكم
Author: معاوية الزبير
Date: 04-20-2018, 06:46 AM
Parent: #6
.. وجاء في الأثر عن المصطفى صلى الله عليه وسلم:
احبب حبيبك هوناً ما، عسى أن يكون بغيضك يوماً ما
وابغض بغيضك هونا ما، عسى أن يكون حبيبك يوما ما
يمكن الناس تتصالح يوما ما، فيلتقون والواحد فيهم خجلان مما قاله في الآخر
|
Post: #8
Title: Re: ولا تنسوا الفضل بينكم
Author: عبدالحفيظ ابوسن
Date: 04-20-2018, 07:02 AM
Parent: #7
وتصديقا لكلام الرسول يا معاوية
اهلنا بقولو
لو حبيت ما تكمل ولو كرهت ما تكمل خلي فرقة
وبقولو
التريدو والتابا تكوس لي ليمو ما تلقا
|
Post: #9
Title: Re: ولا تنسوا الفضل بينكم
Author: Hamid Elsawi
Date: 04-20-2018, 07:21 AM
Parent: #8
عزيزي عبد الحفيظ
كتبت و لم يجف مدادي
في بوست مجاور
سنبني و طن جميل عندما نُجيد لغة التخاطب مع بعضنا البعض
سنبني وطن مُعافي عندما نتخلص من لُغة النياصة
سنبني وطن متعدد الثقافات و اللغات و الديانات عندما ننبذ العنف
سنبني وطن صافي عندما نتصافي و نتصالح مع نفسنا أولاً و مع الجميع
بعث و إشعال الطاقة الإيجابية في شِعْبِنا الأبي
لا يُشْعُلها الا العُظَماء
أتمني أن يسع لي الوقت للمواصلة
لصاحب البوست و الضيوف
كل الود
|
Post: #10
Title: Re: ولا تنسوا الفضل بينكم
Author: عبدالحفيظ ابوسن
Date: 04-20-2018, 08:10 AM
Parent: #9
نرجاك يا الصاوي
ومعك من اجل المحبة
ونحن اصلنا ناس محبة
اقبلني لأقبلك
واول مراحل القبول حسن المخاطبة
|
Post: #11
Title: Re: ولا تنسوا الفضل بينكم
Author: Nasser Amin
Date: 04-20-2018, 09:19 AM
Parent: #10
مالو لو الناس مارست الاختلاف بطيبة و محبة ؟
للاسف التشهير،اغتيال الشخصية، نهش الاعراض اصبحت
عنوان للمرحلة.
الصوفية ديل عندهم حاجات سمحة
التسامح و المحبة البدون سقف و شروط
(الما عندو محبة ما عندو الحبة)
تحياتي لك و لضيوفك الكرام
|
Post: #12
Title: Re: ولا تنسوا الفضل بينكم
Author: عبدالحفيظ ابوسن
Date: 04-20-2018, 01:07 PM
Parent: #11
صحي ناصر
السماحة في الاقتضاء
|
|