ياسعادة السفير السودانى بدولة قطر المركز الثقافى

04:32 AM April, 19 2018

سودانيز اون لاين
بدر الدين الأمير-دولة قطر
مكتبتى
رابط مختصر

من هذا الجهلول الجبتو مدير للمركز الثقافى السودانى بدولة قطر

سوف احكى
........

عطل المركز الثقافى وعطل كل فعل ثقافى اوبداعى بالمركز الثقافى
وانت شاهد ياسعادة السفير وساكت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

رفقا يا الأمير ألم تسمع تصريحات غندور؟!

أحكي

إنتو البيوديكم محلات زي دي شنو؟

السفراء ديل ارخوهم شوية الايام دي ....خلو عندكم شوية رحمة

تحياتي

أحكي
ـــــــــــــــــــــــــــــــــــــــ
دينق تعال انت احكى وقد سبق وان اشدت انت بقدوم سعادة السفير فتح الرحمن
وقلت حايكون افضل كثير من سابقه ياسر ولعلك تشهد حال المركز الذى حوله
ابوسن لديوان خاص به يطرد ويعين ويعطل ولعلك تابعت كتابات الجعلى عن
المركز على الفيسبوك وعلى اثر كتابات الجعلى اشطت ابوسن وعمل تنوير
وياله من تنوير انه المضحك المبكى وبجيك لتفاصيله

إنتو البيوديكم محلات زي دي شنو؟
ـــــــــــــــــــــــــــــــــــــــــــــــــــــــ
ابو الريش ياصديقى هذا المركز حق الجالية السودانية بدولة قطر ومركز ثقافى وليس دا للمؤتمر الوطنى
اتى ابوسن وحوله لحاجة خاصه به والى اقلية المؤتمر الوطنى والمركز الثقافى عبارة عن اتفاقية شعبية
بين الشعب القطرى و الشعب السودانى بكل ثقافاته تخيل نحن الجالية السودانية بدولة قطر نقارب الستين الف يجى
واحد زى ابوسن يتعامل مع المركز بذ بطريقت الحاكم بامره

يا زول والله مطعم الحوش عندهم باسطة ولبن مقنن قمة في الثقافة

السفراء ديل ارخوهم شوية الايام دي ....خلو عندكم شوية رحمة
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ههههه وياود جبره لقد سبق السيف العزل

يا زول والله مطعم الحوش عندهم باسطة ولبن مقنن قمة في الثقافة
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
منتصر ونسيت الليدو

و عرضات الصقرية من أهلنا اللحويين،
أجدع ناس. أها تاني عاد شن دايرين ؟!!

و عرضات الصقرية من أهلنا اللحويين،
أجدع ناس. أها تاني عاد شن دايرين ؟!!
ــــــــــــــــــــــــــــــــــــــــــــــــــــــــــــــــ
ياود دفع الله اوعى تقولى العرضة معاها بطان

رد الظلامي معتز القريش.

يا بدر الدين.

الكيزان ديل أي حاجة يسيطرو عليها فلازم يخربوها.

أمسك السودان كدولة وقيس على ذلك.

و عرضات الصقرية من أهلنا اللحويين،
أجدع ناس. أها تاني عاد شن دايرين ؟!!
ــــــــــــــــــــــــــــــــــــــــــــــــــــــــــــــ
ياديق شفت خبط العشواء
معتز يقول له طردتنا بصورة مهينة يرد بقوله لا ماطرتك طيب مكان تخبرنا قبل الايقاف
يشكر معتز ويقول علاقته بالسمؤال وال القريش طيبة وبنفس الطريقة المزلة
طرد من على المسرح شقيق معتز كان يعزف اكورديون
لانو كانت في فنانة بتغنى طردها برضو مالمركز حقو
وفي انجازاته ذكر من ضمنها
ان الفنان الكبير محمد السنى قدم محاضرة عن المسرح وهو نفسه من طرد محمد السنى
ومحمد السنى اقسم وبحضور السفير انه لن يدخل المركز الثقافى السودانى طوال ماعبدالاله مديرا له
لانه طلع محمد السنى كضاب في جمع من الحضور والسنى كان حاضر ومن ثم يفاخر بالوظايف التى عينه
فيها المؤتمر والطنى كجانب من انجازاته



تنهدات : يادينق العشواء هى الناقة العمياء

يا ود الأمير ياخي بالغت و زعلتني منك
عديييل كدا. بتشرح لأخوناDeng في(العشواء)؟!
ياخي دا ناقش أي حاجة و كمان لو في (بٌطان)
ح ينزل الساحة أول واحد و يركز للصباح.

عفوا يا بدر اولا جهلول ليست من أدبياتنا ..


نرجع للمركز الثقافي

الذى لم يؤدى دوره و لم يدع للآخرين بمساعدته ..

بل و منع قيام اى فعالية فى قطر دون الحصول على اذن من السفارة ..

و مع تعطيل الجمعيات و الروابط المهنية و منظمات المجتمع صار النشاط كما يشتهي "منو" ..!!

يا ود الأمير ياخي بالغت و زعلتني منك
عديييل كدا. بتشرح لأخوناDeng في(العشواء)؟!
ياخي دا ناقش أي حاجة و كمان لو في (بٌطان)
ح ينزل الساحة أول واحد و يركز للصباح.
ــــــــــــــــــــــــــــــــــــــــــــــــــــــــــــــــــــــــــــ
ياود دفع الله دينق دا بكلام الخلايجة ماخود خيرو



تنهدات: لود فع الله ودينق كلمة ماخود خيرو تعنى ( شكل بلامضمون او اثر )

عفوا يا بدر اولا جهلول ليست من أدبياتنا ..


نرجع للمركز الثقافي

الذى لم يؤدى دوره و لم يدع للآخرين بمساعدته ..

بل و منع قيام اى فعالية فى قطر دون الحصول على اذن من السفارة ..

و مع تعطيل الجمعيات و الروابط المهنية و منظمات المجتمع صار النشاط كما يشتهي "منو" ..!!
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ياود الطاهر
جهللة وكضب
ياخى دا كضب حتى في عاصم الجاك المستشار بالسفارة راجع التسجيل الذى اورده دينق عن تنويره
خليك من عطل وعطل دا عاطل عن اي شىْ وسعادة السفير خاتى الخمسة فوق الواحد

يتضح من سياسة ونهج ادارة المركز الثقافى هو تعطيل الانشطة بدعوى تصحيحها او برمجتها او اى مفردة نرد

و لكن الحقيقة ان هناك امران
1- اختلاف داخل السفارة و الادارة
2- اتفاق على تجميد اى نشاط ثقافى كنهج نظام


متوقع
فى ظل سياسة الخارجية بترشيد/تقليل الصرف على السفارات الغاء هذه الوظيفة.

متوقع
فى ظل سياسة الخارجية بترشيد/تقليل الصرف على السفارات الغاء هذه الوظيفة.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ود الطاهر
ماتكون حالم ياهندسة وظيفة يشغلها كوز وفى الخليج ونحن من يدفع تكاليفها ودايرهم
يلغوها
وعجبى

.