غايتو (بلحه) دا ممتع شعبه متعة ما عادية .... تفتح التلفزيون تلقاه بتكلم جهز الضحك و انتظر ... و الله اصلو ما بخيب املك ... لا تقول لي عادل امام و لا اسماعيل ياسين و لا حتى شارلي شابلن زاتو ....
السيسي قام بانقلاب عسكري لحرمان الإخوان المسلمين من الحكم والبشير قام بانقلاب عسكري لتمكين الإخوان من الحكم فتأمل!!
Post: #9 Title: Re: Re: ***** قال ليك الصواريخ البلاستيكية .... ***** Author: ABUHUSSEIN Date: 04-16-2018, 06:26 AM Parent: #8
Quote: إفتكرتك قاصد بلحة بتاعنا ...
قلت يمكن طور الدفاع بالنظر للدفاع بالبلاستيك.
يا زول هوي نحن ما عندنا بلحة ..... نحن عندنا جنينة تمر عديل .... أسي في بالك الشعب المصري دا لو مشى منو (بلحة) دا بلقوا ليهم بلحة زيو تاني ... ***********************************
Quote: كورتك فكت بقيت متابع جيد للواتس
إنت لسه في وهمك دا ...؟؟؟؟؟ ياخ دا خبر تناقلته وكالات الأنباء العالمية .... كدي أمشي اليوتيوب و أكتب (بلحة) .... و الله الضحك يشرطك ..... **************************
Quote: هههه.. لماح يا ابو حسين برضو لاحظتها فى وقتها .. بالمناسبة بالعربية تقول البالستية.. وليس البلاستيكية.
يا أبو الريش الشعب المصري عايش حياتو بالطول و العرض ..... شعب يحكمه (بلحة) لن يجد العبس إلى وجهه طريقاً .... *************************
Quote: السيسي قام بانقلاب عسكري لحرمان الإخوان المسلمين من الحكم والبشير قام بانقلاب عسكري لتمكين الإخوان من الحكم فتأمل!!
و لا خير في هذا و لا ذاك .... الإتنين لو خلطوهم ما تطلع منهم مراسلة في أصغر مكتب ... ناهيك عن رئيس دولة ... ما بتدي حريف يا ود الزبير ....
Post: #10 Title: Re: Re: ***** قال ليك الصواريخ البلاستيكية .... ***** Author: زينب محمد عبدالله Date: 04-16-2018, 11:38 AM Parent: #9
الزول ده قدر ما اشوفو وانا لافي بالريموت بكون لامي ليهو ناس كتيرة كده في قاعة واسعة وقاعد منجعص في كرسي في نص الصف الاول وبتكلم مواجهة المنصة مش مواجه الناس البتكلم معاهم
هسع اذا ما كان عسكري وده مجال تخصصه كان حيقول شنو يعني!!؟؟ الله يكون في عون الشعوب العربية المغلوبة على امرها ، فقد ابتلاها الله برؤساء ليسوا برؤساء ولا جديرون ان يكونوا رؤساء ولكن اتى بهم الحظ العابر كي يذيقوا شعوبهم الويلات. مع وافر التقدير
Quote: جاب الاسم الانجليزي بالعربي Ballistic missile
هههههه لا لا يا ايمن بلحه قال بلاستيكيه عدييييل والفرق واضح بين :- بالاستك وبلاستيكيه ... حتي واضح برضك بالتنقليزي :- Plastic و Ballistic ... دا بلحه القدع واكيد بكون قاصد البلاستيك ... حاج العوض كيف حالك ....
زينب يا اختي (بلحة) عربيهو في تلتلة انجليزي شنو كمان البعرفو ... بعدين (بلحة) قال بلاستيكية ما قال باليستيكية.... *************** اخونا عبدالله صاحبك دا ممتع شعبو متعة ما عادية .. لو لفيت في اليوتيوب حا تلقى ليك مؤنة سنة من الضحك و الفرفشة ****************** اخونا حاج الطيب اهلا بيك ...
يا حليل الحريق وناس الويست البيسنفكوا في القبول ناس معمر..
لكن يا عبدالله في الفيديو بتاعك قال للمصريين بوضوح أنهم ما بتلموا في كيان واحد وهم خارج مصر كالسودانيين وهذه تحمد له ، ما تسمع كلام أبوحسين بلحه وبركاوي وهلمجرا..
Quote: هسع اذا ما كان عسكري وده مجال تخصصه كان حيقول شنو يعني!!؟؟ الله يكون في عون الشعوب العربية المغلوبة على امرها ، فقد ابتلاها الله برؤساء ليسوا برؤساء ولا جديرون ان يكونوا رؤساء ولكن اتى بهم الحظ العابر كي يذيقوا شعوبهم الويلات. مع وافر التقدير
حظ شنو يا امتثال ...؟؟؟ السيسي دا كان مفروض يكون في الطائرة اللي سقطت بعد اقلاعها من احد المطارات الامريكية و كان فيها عدد كبير من ضباط الجيش المصري الوحيد اللي اتخلف (بلحة) دا ... و هو كان في المخابرات و وزير دفاع يعني زول ما هين ... ********************
Quote: ما تسمع كلام أبوحسين بلحه وبركاوي وهلمجرا..
سلامات أبوحسين يا باليستي..
و عليكم السلام كمان يا ابو اكرم بتشكك في بلوحية (بلحة) ..؟؟؟
تحياتي و احترامي للجميع
Post: #17 Title: Re: Re: ***** قال ليك الصواريخ البلاستيكية .... ***** Author: سيف النصر محي الدين Date: 04-17-2018, 02:53 AM
صحيح هو راجل اهبل لكن في الجيش المصري بقولوا الصواريخ البلاستيكية، ما معقولة كمان يكون ما بيعرف شغله يا ابو حسين.
ابو حسين كيف ما يكون السيسي محظوظ اذا كان هو الوحيد الذي تخلف من الطائرة التي سقطت ومات جميع ضباط الجيش المصري الذين كانوا على متنها، بالعكس هو اكتر زول محظوظ ،،، يعني اذا هو كان مع الضباط الذين لقوا حتفهم في تلك الطائرة كان محمد مرسي الجبهجي الاخو المسلم حاكم لمصر حتى الان..وبالطبع كان حيرجع حلايب للسودان واحتمال كان يعمل وحدة بين مصر والسودان باعتبار حكام الدولتين ينتمون لنفس تنظيم الاخوان المسلمين وشوية شوية يعملوا وحدة مع ليبيا وتونس والجزائر وشوية شوية كمان مع قطر وبعد داك يثيروا الفتن في السعودية والامارات وعمان ويستولى الاخوان المسلمين على نظم الحكم هناك وينضموا للوحدة وبذلك تكون هناك دولة عربية واحدة دولة متحدة وقوية وتكون القوة الرابعة بعد روسيا وامريكا والصين...ويغرق السودان في الخيرات وتزدهر البلاد والجنيه السوداني الواحد يساوي ٥ دولارات.... ابو حسين :: ما تغرق في الحلم ده ساكت ،،نحن كنا حنرفض هذه الوحدة رفضا تاما لاننا لسنا بعرب،، وكنا حنرفض الوحدة حتى ولو متنا من الجوع...اها رايك شنو في السيناريو ده !؟
مع وافر التقدير والاحترام
Post: #19 Title: Re: Re: ***** قال ليك الصواريخ البلاستيكية .... ***** Author: ABUHUSSEIN Date: 04-17-2018, 06:05 AM Parent: #18
Quote: صحيح هو راجل اهبل لكن في الجيش المصري بقولوا الصواريخ البلاستيكية، ما معقولة كمان يكون ما بيعرف شغله يا ابو حسين.
صدقني يا دكتور حكاية في الجيش المصري بقولو كدا دي طلعت اليومين ديل لأنو أعوان (بلحة) قالو الأخوان هم اللي عايزين يشوهو صورة (بلحة) بعدين باليستيكية ما بلاستيكية زي ما قال (بلحة) .... (بلحة) دا ما بنقدر .... *********************************************
Quote: كيف ما يكون السيسي محظوظ اذا كان هو الوحيد الذي تخلف من الطائرة التي سقطت ومات جميع ضباط الجيش المصري الذين كانوا على متنها، بالعكس هو اكتر زول محظوظ ،،،
إمتثال يا بت الناس (بلحة) ما إتخلف حظ (بلحة) خلفوه جماعتكم لأنهم عارفين مصير باقي الطائرة ..... حا تدخلينا في مشاكل يا إمتثال ياخ ....
Post: #20 Title: Re: Re: ***** قال ليك الصواريخ البلاستيكية .... ***** Author: Mohammed Alhasan Mohammed Date: 04-17-2018, 06:12 AM Parent: #19
أبو حسين يا كافي البلا إنت يوم قسمو للناس حس الفكاهة و الدعابة كنت نايم؟ ناس دمكم تقيل و ربنا إبتلانا بيكم. السيسي راجل دمو خفيف و قاصد بلاستيكية للتقليل من قدرة صواريخ الحوثي القتالية في وجود الدفاعات السعودية،، يعني داير يقول للحوثي صواريخكم دي صواريخ بتاعة بلاستيك ساي ما بتسوي شي.
Post: #22 Title: Re: Re: ***** قال ليك الصواريخ البلاستيكية .... ***** Author: محمد البشرى الخضر Date: 04-17-2018, 07:25 AM Parent: #21
Quote: كان فيها عدد كبير من ضباط الجيش المصري
شرطة يا قريبك وفي رواية ان السيسي لم يكن في قائمة الركاب ولا علاقة له بالحادث
Post: #23 Title: Re: Re: ***** قال ليك الصواريخ البلاستيكية .... ***** Author: Abdullah Idrees Date: 04-17-2018, 07:54 AM Parent: #22
Quote: يا حليل الحريق وناس الويست البيسنفكوا في القبول ناس معمر.. لكن يا عبدالله في الفيديو بتاعك قال للمصريين بوضوح أنهم ما بتلموا في كيان واحد وهم خارج مصر كالسودانيين وهذه تحمد له ، ما تسمع كلام أبوحسين بلحه وبركاوي وهلمجرا..
مرتضى كيفك قذافي فقد والله .. كأنو طالع من مسرحية كوميدية تأليف واخراج عيدي امين !
انا المزعلني بتاعنا ده ، بي قرفو وبلاويهو دي كلها دمو تقيل زي زيت المكنة
Post: #24 Title: Re: Re: ***** قال ليك الصواريخ البلاستيكية .... ***** Author: ABUHUSSEIN Date: 04-17-2018, 09:14 AM Parent: #23
Quote: غايتو الزول الرقد بى اخوان مصر دا..
مش بلحة................ دا نخلة عديل...
يا زول (بلحة) بدوها ليه جاااااااااااااهزة و مقشرة و مقنطرة و حاتك إنت مرات بجليها بقومو يشوتوها هم ....... (بلحة) دا كومبارس على المسرح و الممثلين خلف الكواليس ... **********************************
Quote: أبو حسين يا كافي البلا إنت يوم قسمو للناس حس الفكاهة و الدعابة كنت نايم؟ ناس دمكم تقيل و ربنا إبتلانا بيكم. السيسي راجل دمو خفيف و قاصد بلاستيكية للتقليل من قدرة صواريخ الحوثي القتالية في وجود الدفاعات السعودية،، يعني داير يقول للحوثي صواريخكم دي صواريخ بتاعة بلاستيك ساي ما بتسوي شي.
تصدق و تآمن تفوقت على المصريين زاتم .... غايتو تنفع في فريق (بلحة) ..... تبريرك دا المصريين زاتم ما بكونو فكروا فيه ... رأيك شنو أشوف ليك واسطة تشتغل معاهم .... **************************************
Quote: شرطة يا قريبك وفي رواية ان السيسي لم يكن في قائمة الركاب ولا علاقة له بالحادث
يشرط شنو أقول ليك .....!!!!!!! 51 ضابط منهم كم ضابط في المخابرات و إتخلف منهم السيسي بحجة قضاء بعض الأمور الخاصة .....
Post: #25 Title: Re: Re: ***** قال ليك الصواريخ البلاستيكية .... ***** Author: محمد البشرى الخضر Date: 04-17-2018, 09:58 AM Parent: #24
كلامك صاح فعلا بخثت لقيت مكتوب عسكريين في الجيش و المخابرا ت بالإضافة لعلماء في مجال النفط و الذرّة لكن بغالط في قصة تخلف السيسي دي كذبة طلعوها الاخوان المسلمين .. أها
