Post: #2
Title: Re: ابادة خمور توجد صورة
Author: عبدالحفيظ ابوسن
Date: 04-15-2018, 09:32 AM
Parent: #1
الجمارك ابادت خمور مستوردة بي 16 مليار
دة الخبر مع كم صورة
حكاية بي كم دي لا اقطع بصحتها وبرضو ما هاماني
الشد انتباهي امر انصرافي جدا !
|
Post: #3
Title: Re: ابادة خمور توجد صورة
Author: علي عبدالوهاب عثمان
Date: 04-15-2018, 09:33 AM
Parent: #1
حبيبنا ابوسن .. تحياتي ..
بوستاتك جميلة .. تخلينا نعيش الوطن ..
أري الموضوع .. مرتب بطريقة جميلة ..
اللون الابيض مع بعض .. والاحمر مع البعض ..
كل صنف لحاله ..
ما دام الموضوع إبادة لماذا كل هذا التنظيم .. وضياع الوقت
آمن يا زمن .. ليت الشباب يعود يوماً فأخبره بما فعل الانقاذ
مودتي الحبيب أبوسن ..
|
Post: #4
Title: Re: ابادة خمور توجد صورة
Author: عبدالحفيظ ابوسن
Date: 04-15-2018, 09:39 AM
Parent: #3
تشكر علي وكتر خيرك
أصبت الهدف
شوف 18 مليار دي كم قزازة والمساحة الشالتها . والتعب في رصها وفرزها
منظر عديل كدة
لزومو شنو زاتو
الرصاها منو زاتو ؟ وكم نفر واخدت كم ساعة
|
Post: #5
Title: Re: ابادة خمور توجد صورة
Author: علي دفع الله
Date: 04-15-2018, 09:40 AM
Parent: #3
دي نعمة بدفقوها 😂😂
تبا لهم
|
Post: #6
Title: Re: ابادة خمور توجد صورة
Author: عبدالحفيظ ابوسن
Date: 04-15-2018, 09:47 AM
Parent: #5
بعدينك هسة دي طريقة لابادتها ؟
نيشان ولا كيف ؟
يشترو فيها شتير !!
وتاني يجو يلمو القزاز المهروس . ولا بخلو قبلو ؟
مش كان افضل يدفقو ويستفيدو من الفاضي دة ؟
ولا يعملو ليهو اعادة تدوير
وبنفس الرصة الحلوة
القزاز الابيض يبقا مرايات ولا قزاز نوافذ
والملون قزاز نوافذ
ولا يخلو سبيل والله الناس تتخاتفو
بنفع ياخ للنسوان للخمرة وللكركار ولي زيت المسوح
شكلو جميل ومتين
|
Post: #8
Title: Re: ابادة خمور توجد صورة
Author: عبدالحفيظ ابوسن
Date: 04-15-2018, 09:49 AM
Parent: #6
هههه
يا علي واجعني القزاز الجميل دة يتهرس ساي
|
Post: #7
Title: Re: ابادة خمور توجد صورة
Author: علي عبدالوهاب عثمان
Date: 04-15-2018, 09:48 AM
Parent: #5
شوف 18 مليار دي كم قزازة والمساحة الشالتها . والتعب في رصها وفرزها
منظر عديل كدة
لزومو شنو زاتو
الرصاها منو زاتو ؟ وكم نفر واخدت كم ساعة
================
دراسة جميلة .. تكلفة الابادة .. ساعات العمل المهدرة
هل كان من الممكن الاستفادة من الزجاج الفارغ
مع التحية الحبيب أبوسن ..
|
Post: #9
Title: Re: ابادة خمور توجد صورة
Author: محمد الأمين موسى
Date: 04-15-2018, 09:49 AM
Parent: #5
رصة تذكرك باستعراض جيوش كوريا الشمالية!
هل ما يظهر في الصورة: رجم أم تحية عسكرية؟!
|
Post: #10
Title: Re: ابادة خمور توجد صورة
Author: اسامه العريفي
Date: 04-15-2018, 10:01 AM
Parent: #9
ا علي واجعني القزاز الجميل دة يتهرس ساي
والله انا واجعاني القزازة البيضا الفكاها
المتخلف ده
اهمال فايت الحد
|
Post: #11
Title: Re: ابادة خمور توجد صورة
Author: عبدالحفيظ ابوسن
Date: 04-15-2018, 10:03 AM
Parent: #10
|
Post: #12
Title: Re: ابادة خمور توجد صورة
Author: أحمد محمد عمر
Date: 04-15-2018, 10:04 AM
Parent: #9
هاكل شوف معاك الانجاز دة
|
Post: #13
Title: Re: ابادة خمور توجد صورة
Author: أحمد محمد عمر
Date: 04-15-2018, 10:08 AM
Parent: #12
* هاكل = هاك
الصورة التحت منتشرة مع الخبر في الفيسبوك وما بقدر أجزم هل ديل المجرمين المتهمين بتسلق الشجرة وممارسة أفعال فاضحة ولا لأ
غايتو قدر شاغلت شواطيني يدوني فكرة عن ممارسة الفعل الفاضح في فرع شجرة ما أدوني رأي  .. اللهم إلا إذا كان وضع اليد في الكتف دة بستوجب الحد
|
Post: #19
Title: Re: ابادة خمور توجد صورة
Author: Salah Zubeir
Date: 04-15-2018, 10:47 AM
Parent: #13
| Quote: بنفع ياخ للنسوان للخمرة وللكركار ولي زيت المسوح |
الخمره والدهن ديل عرفناهم وبرضو
بتمسحو بيهم لكن زيت المسوح دا قدر
ما حاولتو غلبني ... ياربي يكون
زيت سمسم ولا زيت مكنه ... حليل
النيفيا والفازلين ...
ودعمي جا من البلد يحضر عرسي الذي
وافق اعلان الشريعه وقفيل البارات وكان
يموت في البيره السايدر وفتيل الوسكي
الصغير داك ... نجيبم ليهو يقوم يفتح
علبة السايدر ياخد منها جغمتين وبعداك
يفتح الفتيل ويكبو في علبة السايدر ...
كان بحب الخلطه بالحيل ... اها مشا
مسرح الجريمه في شارع النيل وحضر
تكسير ودفيق النعمه (المرجعيه ود دفع الله)
وبعد رجع سالتو اها كيف ... قالي الله
لا غزا فيهم بركه ... عليك امان الله
جابو الترتر ابو كبيره البخم التراب
ونزلو ليك في علب السايدر والسواسيو
(يقصد فتايل الوسيكي الصغار) جنس
فجيخ والله قالي بكيت عدييييل ....
اب سن ... حالك زين ان شاالله ...
|
Post: #14
Title: Re: ابادة خمور توجد صورة
Author: معاوية الزبير
Date: 04-15-2018, 10:18 AM
Parent: #12
Quote:
يا سادات البذخ الباذخ
يا بعض كروش مليانة فتات
يا نجس الأرض المدعية
يا نسل الأمم المدعيات
ماعون الويسكي الأحمر
علب البيرة الصايدر
مصو الخبث الراكد فيهن
سماً يعشرق ونحنا أدونا الفاضي هدية
يقعد في شمس الله تلات أيام
بطهر منو السيئة
نسلخ منو الدمغة الوصفت عينتو والكمية
تمشي أم أحمد تغسل بطنو وضهرو
ما لازماها وصية
بعضاً ينفع دلو نشال
في بير أم تسعة رجال
تقدلبو بنيتاً سمحة مع الشهلال
تسقينا حلال وزلال
الفاضي الكان مليان أحزان
واطرافو تسيل
إتحول كوب معقود فوق قُـلة
تنقع وراقدة سبيل
وسبيل مسروف مكتوف بمحاية
علي سيالة وراقدة ضليل
الغاشي الماشي الراحل
ونوّخ دابو ودلّ الشيل
الطير الطاير فوق بلداتنا
وناوي رحيل
الولد السادر فوق مشهاد
البرق الشايل
ودربو طويل
وعموم الناس
الفرع الصايدو يباس
وكلاب الحر وبنات الريل
بتشيل بتبل الريق
الموية نواحي السافل موية نيل.. |
|
Post: #15
Title: Re: ابادة خمور توجد صورة
Author: عبدالحفيظ ابوسن
Date: 04-15-2018, 10:29 AM
Parent: #14
آي والله يا علي وبنزين العربات والمسؤولين ابان بدل الخلو شغلهم الممكن يكون في ناس راجينهم وايييك
يا محمد الامين رصة فنية عديل كدة وفيها انسجام وبعد دة كسروهو !
غايتو يا اسامة شايفو شراب مختلف ألوانه وانا مركز مع القزاز تصدق !!
|
Post: #16
Title: Re: ابادة خمور توجد صورة
Author: عبدالحفيظ ابوسن
Date: 04-15-2018, 10:33 AM
Parent: #15
تتصور شنو يا احمد!؟
ديل يفوقون خيال مخرجي هوليود
الخبر ناقص !
مفروض يحددو عينة الشدرة عشان نقدر نتخيل شكل الاسمو ايه دة
بقرأ في الخبر اتذكر نكتة الرجل وناقتو في الغابة
الله يلعنك يا أبليس!!
|
Post: #17
Title: Re: ابادة خمور توجد صورة
Author: عبدالحفيظ ابوسن
Date: 04-15-2018, 10:38 AM
Parent: #16
تعرف يا معاوية زمن القزاز والدنيا بي خيرها 😆😆
شفت كبابي شاي من القزاز . في حركة كدة بعملنها النسوان فيها نار وموية وبي خيط قرن بقطعو القزازة من فوق . قطع متساوي وبتبقا كباية شاي ولا عصير متينة جدا
وبرضو بطريقة ما بعملو حركة كدة بي موية سخنة وقطعة باردة بفصلو قعر القزازة بشكل متساوي وبتتعمل منظر فني
المهم القزاز جوة البيت اصلا ما بخرب بتصرفو معاهو
اهدار طاقة واهدار قزاز
|
Post: #18
Title: Re: ابادة خمور توجد صورة
Author: محمد أبوالعزائم أبوالريش
Date: 04-15-2018, 10:39 AM
Parent: #14
يا عبدالحفيظ، صاحباً لينا من أهل الإنبساط.
أيام صحوة نميري بعد أعلن إسلامو.
وقاموا المهووسين ومطمبرين السلطان لمّوا الشراب الفي البلد كلو(حسب الإعلان الرسمي) وجابوهو في شاطي النيل قدام جنينة الحيوانات ودفقوهو وطلعوا في كراتين البيرة بالبلدوزرات.
بشاغل في صاحبي قلت ليهو ما شفت الحدث في التلفزيون؟
قال لي أنا لا يمكن أكون شاهد على جريمة زي دي.
________
ناسك الفي الصورة ديل بيكونوا شايفين نفسهم بيجاهدوا
|
Post: #20
Title: Re: ابادة خمور توجد صورة
Author: محمد أبوالعزائم أبوالريش
Date: 04-15-2018, 10:56 AM
Parent: #18
Quote: ونزلو ليك في علب السايدر والسواسيو
(يقصد فتايل الوسيكي الصغار) |
يا زول نحن شقينا المغابر ...
السواسيو دي فتايل الكونياك الخدرا.
|
Post: #21
Title: Re: ابادة خمور توجد صورة
Author: Haytham Ghaly
Date: 04-15-2018, 10:56 AM
Parent: #18
Quote: دي نعمة بدفقوها 😂😂
تبا لهم |
بالله يا علي شفت النعمة السالت فوق قيزان الرملة دي
كان يبيعوها ياخي البلد براها في ازمة وروحها مشحتفة
يا حفيظ سلام
باقيلك ابان كروش وبدل البكسرو ديل عرابتم بتكون فاااضية من تلك الزجاجات الجميلة
حتى ولو بغرض الخُمرة ؤ كدا
|
Post: #22
Title: Re: ابادة خمور توجد صورة
Author: معاوية المدير
Date: 04-15-2018, 11:04 AM
Parent: #21
والله خبر !!!...
|
Post: #24
Title: Re: ابادة خمور توجد صورة
Author: Salah Zubeir
Date: 04-15-2018, 11:15 AM
Parent: #22
Quote: يا زول نحن شقينا المغابر ...
السواسيو دي فتايل الكونياك الخدرا. |
ههههه شفتا الفرق ....
في بوست بي هناك انا قتا شقينا الترب
(ضمه فوق التا) واتا شقيت المغابر ...
يعني سواسيونا غير سواسيكم ...
تقدر سواسيكم تنخلط مع السايدر ...
ولا بتشربوها اسكتو ساي ....
تاني تعال شق المغابر ... هههههه
|
Post: #23
Title: Re: ابادة خمور توجد صورة
Author: Hassan Makkawi
Date: 04-15-2018, 11:14 AM
Parent: #21
Quote:
المهم القزاز جوة البيت اصلا ما بخرب بتصرفو معاهو
|
طبعاً يا ابوسن....
التصرف مع القزاز برة البيت بعمل مشاكل...
هسى ال Red Label "المهدر" ما كان يستخدموهو مطهر للجروح؟
طبعاً جروح الروح....
|
Post: #25
Title: Re: ابادة خمور توجد صورة
Author: Hassan Makkawi
Date: 04-15-2018, 11:18 AM
Parent: #23
كلامك صاح عبد الحفيظ
ال Vodka بتولع " الفانوس "
|
Post: #26
Title: Re: ابادة خمور توجد صورة
Author: Osman Mahmoud
Date: 04-15-2018, 11:22 AM
Parent: #1
ضبط خمور بي 18 مليار ..؟ اها الما انضبط والما حاينضبط قدر شنو ..؟
يعني الناس مرتاحة في المدينة الفاضلة .. الحمد لله الخبر سمح شديد من الجانب التاني ..
صورة الخراب مؤلمة شديد والله ..
تحياتي ابوسن وضيوقه الكرام ..
ضيوقه دي من الضواقة .. بالعكس مافي حاجة تسيل اللعاب ولا شيئ، والمقصود من
ضيوقه ضيوفه الكرام ..
---------------------------
المخرباتية القاعدين عكس الهواء ديل اتخيلوا ريحة الدعاش العندهم يكون كيف ..؟
بس ما يكون فاتت عليهم وكلهم شايتين مع الهوا ..!
.
|
Post: #27
Title: Re: ابادة خمور توجد صورة
Author: Mahjob Abdalla
Date: 04-15-2018, 12:00 PM
Parent: #26
ده يا هو البركاوي الصرفو الريس للسيدة روزليندا و اللي بسببو تمنت ان لم تولد لتري هذا المنظر.
|
Post: #28
Title: Re: ابادة خمور توجد صورة
Author: الطيب عباس
Date: 04-15-2018, 12:23 PM
Parent: #1
/IMG]
|
Post: #29
Title: Re: ابادة خمور توجد صورة
Author: علي عبدالوهاب عثمان
Date: 04-15-2018, 01:19 PM
Parent: #28
ده يا هو البركاوي الصرفو الريس للسيدة روزليندا و اللي بسببو تمنت ان لم تولد لتري هذا المنظر.
==================
حبيبنا محجوب .. لا تثير الشجون بالبركاوي ( عرقي التمر )
صدقني رجعتنا للذكريات قبل عشرات السنين للشمال الجميل هناك
في أعماق دنقلا .. آخ يازمن ( ميز المدرسين ) .. آخر العمر بقينا في الكفيل وقلة الادب .
صدقني ياالحبيب محجوب .. إذا الخواجية شربت كاس واحد من النوع أبورغوة
كانت أخذت الجنسية السودانية ..
زمان كان الموضوع معتق وبعدين درجات ( بكر .. وتوليه بوق .. )
خاصة عرقي البركاوي كان زي الاسكوتش ( جون ووكر )
بس كان نادر جداً إلا خاص وبالطلب .. لأن البركاوي غالي
حبيبنا محجوب .. يا اخي مالك أثرت الشجون .. خلاص العمر ( لاعبين في زمن الضائع )
نقوم نمشي على مكة نهاية الاسبوع عمرة بإذن الله ..
تحياتي صاحب البوست حبيبنا أبوسن ..
|
Post: #30
Title: Re: ابادة خمور توجد صورة
Author: Mahjob Abdalla
Date: 04-15-2018, 02:23 PM
Parent: #29
( عرقي التمر )
___________________
الهبيب علي عبدالوهاب
اخوك طبعا برضو من منطقة معروفة برزاعة النخيل و طبعا بالضرورة عندنا انتاج البركاوي الاصلي.
احيانا لما الواحد يرجع بالذكريات الي الزمن الجميل يتذكر حتي رائحة التراب مع مطر الرشاش و رائحة و الوان الزهور في الوديان و الجبال (لاحقا عرفنا انو اسمو فصل الربيع).
زمن جميل فعلا.
بس مع الريس اللي بيصرف البركاوي الاصلي للريح و لا يكرم ضيوفه الا بسوء الالفاظ
|
Post: #31
Title: Re: ابادة خمور توجد صورة
Author: عبدالحفيظ ابوسن
Date: 04-15-2018, 02:32 PM
Parent: #30
حسب معرفتي انو العرقي بتعمل من الجاو .. اقلاها هنا في كوستي مثلا
وزي ما قال نميري في اول لقاء جماهيري ليهو
يا ناس كوستي قالوا عرقيكم بدور العربية
الجاو هو بلح رخيص ومسيخ . لكنه الافضل في صناعة العرقي . ناس الشمالية قالوا الجاو بتاكلو البهايم عندهم
اما الشربوت الافضل فيهو البركاوي
بجيكم للردود
قلنا نديكم المسحة دي
|
Post: #32
Title: Re: ابادة خمور توجد صورة
Author: عبدالحفيظ ابوسن
Date: 04-15-2018, 02:38 PM
Parent: #31
زيت المسوح دة براهو ياخ زيت سمسم بدوهو قرنفل يزكي الرايحة
والكركار للشعر .. زيت وودك وشمع نحل يا صلاح
بعدينك حاشر مداخلتك دي متين قدام الناس
مش قالوا ليك بالصف
|
Post: #33
Title: Re: ابادة خمور توجد صورة
Author: معاوية الزبير
Date: 04-15-2018, 02:44 PM
Parent: #32
يا زول بعد ده حقو تجيب العشا
وشوف ليك تاكسي يوصل ناس عمك ع ع ع
|
Post: #34
Title: Re: ابادة خمور توجد صورة
Author: عبدالحفيظ ابوسن
Date: 04-15-2018, 02:48 PM
Parent: #32
ههه ابوالريش زمن نميري حصل تشجيع للانتاج المحلي . غايتو في كوستي ماشفنا قزاز مكسر ولا مدفق .
هوي يا هيثم انا تبع الفاضي ما تجيب لي تهمة ساي
واجعاني الفتايل المهدرة دي
خبر يا طوكر يا مدير
غايتو يا حسن مكاوي في افلام الامريكان البطل لامن ينضرب رصاص بدوهو قزازة يجغم منها ويكبو ليهو فوق الجرح وبالسكين ينخسو الجرح لامن فت تجي الطلقة نابلة ويجدعوها في صحن الصيني تعمل كرراررش
الطاقة ما بعرفها صحبي قرا في روسيا قال لي مع البرد لامن نفلس وحق الفودكا ما عندنا بنخت مكعبات السكر في السبيرتو ونمص
|
Post: #35
Title: Re: ابادة خمور توجد صورة
Author: Salah Zubeir
Date: 04-15-2018, 02:58 PM
Parent: #32
Quote: بعدينك حاشر مداخلتك دي متين قدام الناس
مش قالوا ليك بالصف |
ههههههه والله انا زاتو احترتا ... لكن عارف
السبب ... قريت مداخلة احمد وفتحت الرد
قنا نكتب حاجه ... الجماعه قالو الغدا ...
بس ... ياهو دي ...
|
Post: #36
Title: Re: ابادة خمور توجد صورة
Author: بشير حسـن بشـير
Date: 04-15-2018, 03:36 PM
Parent: #35
سلام ود أبسن وضيوفك
المصيبه يا عبد الحفيظ أخوي مافي الشراب والخساره بتاعته
المصيبه يجيبوا فاتوره بمبلغ عشرات الملايين ويقولوا : -
مصاريف إباده
شعب عملاق يتزعمه أقزام
|
Post: #37
Title: Re: ابادة خمور توجد صورة
Author: عمر دهب
Date: 04-15-2018, 03:59 PM
Parent: #36
بتكسر ذى عشره عشرين كرتونه
مع الهيلمانه والباقى بيخزن ويتباع
فى اجازه عام ٩٤ كان فى بورتسودان موضوع ذى ده حصل ذى ماقلت
|
Post: #38
Title: Re: ابادة خمور توجد صورة
Author: Nasser Amin
Date: 04-15-2018, 04:14 PM
Parent: #36
Quote: يا زول بعد ده حقو تجيب العشا
وشوف ليك تاكسي يوصل ناس عمك ع ع ع |
العشاء كوارع
قالوا زمان التكًاسة بكونوا منتظرين الجماعة الفي البارات
و المراقص , الواحد يجيهم ِيحبي يعتلوهو و بكونوا عارفين ساكن وين
و بحاسبوهو تاني يوم...
|
Post: #39
Title: Re: ابادة خمور توجد صورة
Author: عبدالحفيظ ابوسن
Date: 04-15-2018, 05:38 PM
Parent: #38
سأعود
|
Post: #40
Title: Re: ابادة خمور توجد صورة
Author: حمد عبد الغفار عمر
Date: 04-15-2018, 09:12 PM
Parent: #39
يدفقوا عسل قيسان دا
والمخدرات تدخل توووشك وتتباع
|
|
