Post: #1
Title: مسرحية إفتتاح شيخ الكباري بعد ١١٠ سنه
Author: بشير حسـن بشـير
Date: 04-15-2018, 07:35 AM
07:35 AM April, 15 2018 سودانيز اون لاين
بشير حسـن بشـير-
مكتبتى
رابط مختصر
أهي إنعدام الإنجازات
أم هو ذلنا وهواننا
الكوبري أنشئه الإنجليز وتم إفتتاحه في العام ١٩١٠ م
عمره أكثر من مائه وعشره سنين الآن
زملاءه وأقرانه في الإمبراطوريه التي لا تغيب عنها الشمس
تمت إحالتهم للمعاش وتم التفكيك وبناء جسور جديده
بأحدث المواصفات العالميه
جسور لا تأكلها الجقور
مسرحية إفتتاح شيخ الكباري بالسودان و الذي يربط بين
بحري والخرطوم علي نهر النيل الأزرق وبعد أن تم إغلاقه
أمام حركة المرور إغلاقاً كليا ولمدة عشره أشهر كامله
يتم الآن إفتتاحه بشكل جزئ
سبحان الله بشكل جزئ وليس بشكل كامل
فأعمال الصيانه لم تنتهي بعد
وهات يا هيلمانه وزيطه وعربات النجده والمسؤولين
من الشر في مقدمة المفتتحون لشيخ الكباري
أمد الله في عمره حتي يخدم هذا الشعب الغلبان والمغلوب علي
أمره
مسرحيه بايخه وسمجه
فقد مللنا وهرمنا
وعلي قدر أهل العزم تأتي العزائم
شعب عملاق يتزعمه أقزام
|
Post: #2
Title: Re: مسرحية إفتتاح شيخ الكباري بعد ١١٠ سنه
Author: Mohd Ibrahim
Date: 04-15-2018, 08:08 AM
Parent: #1
جسور لا تأكلها الجقور....
|
Post: #3
Title: Re: مسرحية إفتتاح شيخ الكباري بعد ١١٠ سنه
Author: بشير حسـن بشـير
Date: 04-15-2018, 08:22 AM
Parent: #2
الأخ mohd ibrahim.
كوبري بحري القديم هو من شاكلة
الجسور التي لا تأكلها الجقور فعلاً
عمره اكثر من مائة عام ولا زال بخير
وجسور لم تكمل ال ١٠ أعوام
تهالكت وتصدعت وأصبحت بينها
وبين الإنهيار سويعات
لولا لطف الله ورحمته بهذا الشعب المكلوم
|
Post: #4
Title: Re: مسرحية إفتتاح شيخ الكباري بعد ١١٠ سنه
Author: Abdelrahim Mohmed Salih
Date: 04-15-2018, 11:36 AM
Parent: #3
السلام عليكم بشير
قديما قيل شر البليه ما يضحك وإن كان شر الإنقاذ طال امده (المفارقه فى الاسم والفعل مضحكه/مبكيه) بلدياتنا ادروب اصاب كبد وكليه الحقيقه حين قال فى سخريه جافه وساطعه كما الحقيقه (محل ما انقذتونا رجعونا)
البحث عن إنجاز باى ثمن حتى لو تعرضوا للسخريه والاستهزاء لن يتوقفوا عن عبثهم وكذبهم ففيهم من تبلد الحس وغلاظه الشعور ما يعينهم على الاستمرار
عطفا على افتتاح الكبرى المفتتح اصلا من زمن الإنجليز
هناك خبر متداول منذ فتره ومعه صور مرفقه تمنيت ان يكون الخبر كاذب او دعايه تلفيق من (المعارضه الشريره )
الخبر يقول ان معتمد بربر فلان الفلانى(لا اذكر الاسم ) افتتح لافته مروريه
وجمع حوله جوقه من الناس تشاركه الفرحه بابتسامات عريضه وثقتها كاميرات محايده
|
Post: #5
Title: Re: مسرحية إفتتاح شيخ الكباري بعد ١١٠ سنه
Author: بشير حسـن بشـير
Date: 04-15-2018, 03:25 PM
Parent: #4
وعليكم السلام أخونا / عبد الرحيم
فعلاً شر البليه ما يضحك وقد صدق أدروب
في طلبه العادل ولكن لا حياه لمن ننادي
اما لافتة معتمد بربر فقد رأيت الصور هنا في
هذا المنبر قبل سنه او يزيد حتي ان الصوره
لفت كتير وأصبحت أيقونه للضحك والتندر
للعلم اللافته هي STOP
شاكر للمرور ودمت أخي
شعب عملاق يتزعمه أقزام
|
Post: #6
Title: Re: مسرحية إفتتاح شيخ الكباري بعد ١١٠ سنه
Author: Mohd Ibrahim
Date: 04-15-2018, 03:35 PM
Parent: #5
https://www.0zz0.com
|
Post: #7
Title: Re: مسرحية إفتتاح شيخ الكباري بعد ١١٠ سنه
Author: بشير حسـن بشـير
Date: 04-15-2018, 03:47 PM
Parent: #6
تشكر كثير أخونا mohd ibrahim علي الصوره
اها شفت كيف الغير مسؤول بيطفر الضبيحه
لي في السعوديه أكثر من عشرين سنه وحضرت
انشاء مشاريع عملاقه من طرق وكباري
والله ما شفت لي مسؤول واحد أتعب نفسه
وجاء وقص شريط الإفتتاح
دايما الإفتتاح بيكون من نصيب العامل
الهندي او البنغالي
كل الموضوع مخروط ممنوع المرور وبيشيله ويبعده
من مدخل الطريق أو الكوبري وبكده بكون الإفتتاح
لمشاريع عملاقه
اما ناسنا ناس قريعتي راحت فعملوا الما بيتعمل
كوبري عمره اكثر من ١٠٠ سنه يجوا يفتتحوه من اول وجديد
وبضبيحه ونجدات وهيلمانه كمان
تشكر علي المرور ورفد البوست بالصور
|
Post: #8
Title: Re: مسرحية إفتتاح شيخ الكباري بعد ١١٠ سنه
Author: بلدى يا حبوب
Date: 04-15-2018, 03:50 PM
Parent: #4
المشكلة انو افتتاح الكبرى الذى لم يجد الراحه يومت خلال فترة الصيانة بسبب مرور اكثر من قطار بضاعه وتانكر بجانب قطار الجزيرة المتحرك من محطة بحرى وقطار عطبرة الذى يتم نجهيزه بورش محطة الخرطوم
طيب الناس ديل عملوا شنو الا كان رقيع الزلط المصيره يرجع تالنى والبوهية الدامسه وشكلها وش واحد بنفس اللون القديم
واليوم وانا معدى الكبرى شاهدته مكنات اللحام تعمل
ده نقول عليه شنو
عالم ما بتختشي
|
Post: #9
Title: Re: مسرحية إفتتاح شيخ الكباري بعد ١١٠ سنه
Author: بشير حسـن بشـير
Date: 04-15-2018, 04:00 PM
Parent: #8
والله يا بلدينا
الحكومه ده خلت امخاخنا تتحجر عديل كده
|
Post: #10
Title: Re: مسرحية إفتتاح شيخ الكباري بعد ١١٠ سنه
Author: Elhadi
Date: 04-15-2018, 05:33 PM
Parent: #9
حوض فيهو مواسير لو اتلموا كم نفر من أولاد الحلة ممكن يخلصوا منو قبل الفطور
الشغلانة ما عاوزة ليها لافتة قدر دي (وأكيد اللافتة بقروش) ورعاية وزير
غايتو الناس دي بس ما عندها شغلة
|
Post: #11
Title: Re: مسرحية إفتتاح شيخ الكباري بعد ١١٠ سنه
Author: عبدالحفيظ ابوسن
Date: 04-15-2018, 05:44 PM
Parent: #10
تحياتي بشير
وضيوفه
الافتتاح دة موضة ونثرية وميزانية !!
في منشآت افتتحت اكتر من مرة تصدق
غايتو يا الهادي سبقتني
مش مهزلة دي ؟ وضاية يعني ماسورة للوضوء
|
Post: #12
Title: Re: مسرحية إفتتاح شيخ الكباري بعد ١١٠ سنه
Author: muntasir
Date: 04-15-2018, 05:51 PM
Parent: #11
واللوح البنط في الخروف ده عامل حفيد كتشنر العمل الكبري
|
Post: #13
Title: Re: مسرحية إفتتاح شيخ الكباري بعد ١١٠ سنه
Author: Elhadi
Date: 04-15-2018, 06:07 PM
Parent: #11
| Quote: مش مهزلة دي ؟ وضاية يعني ماسورة للوضوء |
انت عارف يا عبد الحفيظ ويجيهم عمك بشة في واحد من الاحتفالات :
وجات ثورة الإنقاذ ، وعملنا ليكم الوضاية... الله أكبر الله أكبر
زي ما بتذكر في واحد من الخطابات في إحدى المدن في جنوب السودان قبل الانفصال عندما ذكر في واحدة من تجلياته :
وجات ثورة الانقاذ وجبنا ليكم البيبسي.. ثم أردف بصوته المشروخ والمنكر : البيبسي كولا :) الله أكبر ـ الله أكبر
|
Post: #14
Title: Re: مسرحية إفتتاح شيخ الكباري بعد ١١٠ سنه
Author: Elhadi
Date: 04-15-2018, 06:36 PM
Parent: #13
هذا هو الكوبري الذي تم " افتتاحه اليوم " خخخخخ
هم قائلين الناس بلا ذاكرة ولا شنو ؟؟
أو : هم جداد على المكان ككل وما عارفين تاريخه أصلاً :) وده الاحتمال الأرجح
|
Post: #15
Title: Re: مسرحية إفتتاح شيخ الكباري بعد ١١٠ سنه
Author: Elhadi
Date: 04-15-2018, 06:38 PM
Parent: #14
Quote:
صورة لكبرى بحرى سنة ١٩٣٠م ..الذى تم افتتاحة امام حركة المرور أمس ١٣\٤\٢٠١٨ ..
و كبري بحري او جسر النيل الازرق كان يفتح بحركة ميكانيكية ضخمه تحت الكبرى .. ويفتح الي اعلي ..للسماح للسفن بالمرور ..وكان له صندل خشبي ضخم يدير عملية الفتح وكان هذا الصندل موجود به حتي مطلع السبعينات.. وهومصمم لعبور القطارات
|
|
Post: #16
Title: Re: مسرحية إفتتاح شيخ الكباري بعد ١١٠ سنه
Author: بشير حسـن بشـير
Date: 04-15-2018, 07:14 PM
Parent: #15
الأخوان
الهادي
أبسن
منتصر
شاكرين للمرور والإضافه
وشكراً أخونا الهادي علي الصوره أيام كان الكوبري بيفتح
ويقفل عشان المراكب تمر
ولا نندهش بعد ان جلبت صورة لافتة نفير الوضايه
يعني المفروض عمر البشير يجيء ويحضر إفتتاح الكوبري
ده ويرقصه القيقم
بلد ماشيه بسرعة الصاروخ
بس سرعه للوراء
الناس بتمشي ليقدام
ونحن ماشين لوراء
|
|