سُغلآ المِنبر ...

سُغلآ المِنبر ...


04-12-2018, 08:50 AM


  » http://sudaneseonline.com/cgi-bin/sdb/2bb.cgi?seq=msg&board=499&msg=1523519459&rn=30


Post: #1
Title: سُغلآ المِنبر ...
Author: معاوية المدير
Date: 04-12-2018, 08:50 AM
Parent: #0

08:50 AM April, 12 2018

سودانيز اون لاين
معاوية المدير-بكندا محافظة البرتا
مكتبتى
رابط مختصر

من فضلكم ما تِتحسسو،
في ناس كُتّار قالو أنا ظريف وبما أني عارف نفسي زول ظريف في المنبر
برضو بقولهم كتّر خيّركُم ؤ بارك الله فيكم، لكن الشخص قد يكون ظريف
هنا في المنبر ؤ سغيّل برا المنبر زيِّ كِدا، وأضيّف فِّي لحمة رُباطاب يعني
سغالتي معاها مساخة .
مثلما قابلنا ناس ظرفاء هنا ؤ لقيناهم سغلاء لآمِن قابلناهم برّا، برضو قابلنا
ناس سغلاء هِنا ؤ لآمِن قابلناهم برّا لقيناهم ظرفاء جداً .
عادي ABUHUSSEIN السغيل دا ممكن تلاقيهو برّا المنبر دا تلقاهو اظرف زوّل
وهكذا ...

Post: #2
Title: Re: سُغلآ المِنبر ...
Author: معاوية المدير
Date: 04-12-2018, 08:51 AM
Parent: #1

مُنبسق مُنبسق يا سغيّل ...

Post: #3
Title: Re: سُغلآ المِنبر ...
Author: معاوية المدير
Date: 04-12-2018, 08:56 AM
Parent: #2

القائمة كالأتي،
ابراهيم عبد الوهاب
ابراهيم عبد الوهاب
ابراهيم عبد الوهاب
ابراهيم عبد الوهاب ...... إلخ
.

Post: #4
Title: Re: سُغلآ المِنبر ...
Author: Nasser Amin
Date: 04-12-2018, 09:09 AM
Parent: #3




الصورة ما واضحة

Post: #5
Title: Re: سُغلآ المِنبر ...
Author: معاوية المدير
Date: 04-12-2018, 09:12 AM
Parent: #3

الإمام ابو حنيفة كان بيستسغل ليهو وآحد، يعني شايفو زول سغيّل
ؤ مكجِنو، أها ابو حنيفة قام مِرِض والزول دا مشى يزورو، فلآمِن جا
مارق قال لأبو حنيفة، لو ما خايف أبقى عليك سغيّل كنت زُرتك كل
يوم !. ابو حنيفو قالو، يا زول والله إنت في بيتك سغيّل عليّ كمان
داير تزورني كل يوم !...

Post: #6
Title: Re: سُغلآ المِنبر ...
Author: معاوية المدير
Date: 04-12-2018, 09:19 AM
Parent: #5

والله يا ناصر كتّر خيّرك الجيّت مديّت راسك ؤ شُفت الصورة
طشاش طشاش، لكن الكلام الجماعة السوو الدرب ساساقا
علي بوست ود اب سِن ؤ بِقو كل مرّة داخلين ؤ مارقين فِلآن
ظريف ؤ فرتكان ظريف وكِت الحكاية جابتلها سغالة كووولهم
عملو ساتر، غايتو بس نقول، يا ساتِر ...

Post: #7
Title: Re: سُغلآ المِنبر ...
Author: معاوية المدير
Date: 04-12-2018, 09:29 AM
Parent: #6

معقولة المنبر دا ما فيهو سغلا !!!،
كدي اللقوم إتروّش واجي أشوّف المسعلة دي !...

Post: #8
Title: Re: سُغلآ المِنبر ...
Author: محمد بدرالدين
Date: 04-12-2018, 09:30 AM
Parent: #6

سغالة شنو يا ود المدير ..
خليك من ظرافتك ... ع الاقل اتبرا الحلوة ما طلعت ليها سغيل
حتى الشغيل ظريف و لذيذ .. تقديرنا ليه ..
... انت الغنوا ليك : على شاطى نهر عطبرة الجميلة الداخلة بلد ما رايت مثيلا
الداخلة و السيالة و جمال الانسان و ود نواوى المشيخة و التسبيح
جمالياتكم متعددة ..,,,
مودتى و تقديرى

Post: #10
Title: Re: سُغلآ المِنبر ...
Author: معاوية المدير
Date: 04-12-2018, 09:37 AM
Parent: #8

Quote: سغالة شنو يا ود المدير ..
خليك من ظرافتك ... ع الاقل اتبرا الحلوة ما طلعت ليها سغيل
حتى الشغيل ظريف و لذيذ .. تقديرنا ليه ..


والله يا محمد بدر الدين نحن اتبرا كان قالوننا شيلوها معاكم الجنّة
نشيلآ، عِلآ النصيحة أنا بقولآ والزِمّة بمرُقا عطبرة أنتجت أسغل
زوّل علي وجه الأرض وبقية الكواكب الدوآرة ألآ وهو أميّن حسن عُمر
زول بايخ بوّخ، يا ساتِر .

كامل المودة لك ...

Post: #9
Title: Re: سُغلآ المِنبر ...
Author: ابراهيم عبد الوهاب
Date: 04-12-2018, 09:36 AM
Parent: #1

فعلن فعلن

Post: #11
Title: Re: سُغلآ المِنبر ...
Author: علي عبدالوهاب عثمان
Date: 04-12-2018, 09:50 AM
Parent: #9

حبيبنا المدير ..
السغالة من الاشياء المحببة في الونسات السودانية الجلسات الاخوانية ما تكتمل إلا بوجود السغيل
في قهوة كسلا في جدة كان اخونا موسى ( سغيل بجدارة )سافر السودان نهائي ..
الجلسات بقت سغيلة وبايخة كمان
بالمناسبة السغيل ركن مهم من أركان الجلسات الاخوانية
وبدونه لا تكتمل حلاوة الونسة والاخوانيات مودتي الحبيب المدير

ملحوظة : تعريف السغيل : لازم يكون سغيل بالفطرة ولا يمثل دور السغيل ..

Post: #13
Title: Re: سُغلآ المِنبر ...
Author: عبدالحفيظ ابوسن
Date: 04-12-2018, 09:56 AM
Parent: #11

اياهو كلامي
شرطن يكون زيدان
وشرطن يكون زيدان برضو 😆
مش قلت ود المدير وشرطن منبزغ
هسة اتا اضفت للانبساقة سرقة كمان
سارق البوست من حساس محمد حساس
قبال اجي كدة اربعين سنة

Post: #12
Title: Re: سُغلآ المِنبر ...
Author: Hassan Makkawi
Date: 04-12-2018, 09:54 AM
Parent: #9


ود المدير... عليك الله اسمعنى
واحد فتح بوست مع فيديو قال طبيب سودانى يتعرض للطعن:
جو الجماعة اثبتو ليهو إنو الموضوع تدريب وهمى... قام استغفر ومشى ولمينا الكراسى مشينا

أها:
جا واحد تانى من "ابوظبط"
فتح مناحة تانية بنفس الفيديو...جوهو نفس ناس العزا الأوليين وكل ما يقوقوا ليهو هناى!
يقوليهم بتاع! وبنات خاتو اكدوا ليهو....وقلبو اتقطع....وجابلينا شلل "خماسى"

عليك الله ضيفو

Post: #14
Title: Re: سُغلآ المِنبر ...
Author: عبدالحفيظ ابوسن
Date: 04-12-2018, 10:11 AM
Parent: #12

والله يا حسن مكاوي وماك طالبني حليفة كنت خاتيك في اللستة علا عاك وعيك مرقت البوست من الظرافة زاتا
اها
تأكيدا لسرقة ود المدير فتشت مقال حساس محمد حساس ما لقيتو
لكن لقيت ليهو مقال اشار فيهو للمقال الاصلي
وسغالة مني بنشرو هنا
👇👇👇👇👇

Post: #15
Title: Re: سُغلآ المِنبر ...
Author: عبدالحفيظ ابوسن
Date: 04-12-2018, 10:12 AM
Parent: #14

اناً نحتاج إلى نظرة داخلية ناقدة لكي نرى عيوبنا في مرآة أنفسنا. صحيح نحنا أحسن ناس وأجدع ناس كما يقول عنّا إخوتنا المصريون «أجدع بمعنى أننا يمكن أن نجدع بحجارة «القطيعة» أي شخص في أي مكان».. وإيد على إيد تجدع بعيد.. يعني ممكن أقول ليك فلان دا راجل فاسد.. تقوم إنت تضيف لها وفاسق كمان.. ويقوم صاحبكم يضيف لها ومغرور.. ويضيف آخر وحاقد.. وتستمر تلك الأيادي تجدع بعيداً إلى أن يختفي الشخص المذكور تحت كومة من النفايات اللفظية أو كما قال المتنبئ:
أ مَيْناً وإخلافاً وغدراً وخسةً
أشخصاً لحت لي أم مخازيا؟
وصحيح أيضاً أننا يمكن أن نسلخ جلد النملة ونعري الناموسة من المحيط والمخيط وأن نقوم بتخصية الدجاج.. وغيرها من خوارق الأعمال.. ولكننا نحتاج من وقت لآخر لتعرية أنفسنا ونتبصر في عيوبنا. وعندما توصلت إلى صيغة كتبت بها عشرة أنواع من الثقالة وأتبعتها بسيوبر ثقالة وكان ذلك في منتصف سبعينيات القرن الماضي كان القراء يشاركونني في إضافة ثقالاتهم إلى السجل القومي للثقالة الذي فتحته وكان من بين تلك الثقالات ما بعث به قارئ لم أعثر على اسمه على ثقالة يقول فيها:
أستاذننا الجليل، حساس محمد حساس:
لاشك أن باب الثقالة له معجبون كثيرون يتابعونه الشيء الذي جعل بعضهم يكتب إليك ثقالاته مشاركاً ولما كنت أحد المعجبين ببابك وأحد قرائه المواظبين أبعث إليك بوصفك أميراً للثقلاء هذا الساندوتش من الثقالة عسى ولعل تهضمه مطاحنكم «معدتكم» كما أرجو أن تسميه كما تشاء « سيوبر ثقالة، ميني ثقالة وأنت الخبير وأنت الثقيل وأنت الأمير».
كثير من ذوي القربى وخاصة النوع الذي يقيس الأمور بمعايير ومقاييس ثابتة وكأنها هرم الجيزة لا تتبدل ولا تتغير وينظر إليها من زوايا ضيقة ويقول برأيه غير عابئ بما يقول وليس مكترثاً بما يحدثه كلامه من صدى وثقالة، مثل هذا والذين داروا في فلكه ولفوا لفه من الثقلاء لا حصر لهم ولا عدد في مجتمعنا وإليك أحدهم في حوار مع قريبه الموظف:
الساعة الواحدة ظهراً والشمس انحرفت قليلاً عن كبد السماء يأتي أحد المراسلات إلى الموظف الذي اكتظ مكتبه بالأوراق التي تتطلب التنفيذ الفوري ليقول له:
(-) في واحد عاوزك؟
اسمك منو؟
قال عمك
قول ليه خش
( يدخل العم وقد ارتسمت على شفتيه ابتسامة عريضة حتى كاد يلتصق فمه بأذنه..
إزيك يا ود عضاض الجلود وكيف حالك؟
«اسم المزاح الذي كان يطلق على والد الموظف «الإسكافي» .. وهنا بدأت علامات عدم
الارتياح على الموظف.
(-) أهلاً أهلاً عم علي.. كيف حالك وأحوالك؟
بخير والحمد لله
(-) سلم علي زملاي أحمد والصادق وإبراهيم وسيدة ونادية..إن شاء الله الجماعة هناك رايقين وما في عوجة؟
والله يا خوى شديدين إلا خالتك أم عملاً شين ديك طلقوها وعلي الإيمان دي الطلقة التالتة.
«يغير الموظف تيار الحديث ويحمد الله على عدم ذكر اسمها».
تشرب شنو يا عم علي شاي ولا حاجة باردة؟
شوف ياود عضاض الجلود أنحنا غير الشاي دا في حاجة نشفت دمنا؟ جيب لينا المثلجات يا ود أخوى زي المنقا والجوافة..
«ويستمر عمه علي»
بالله يا ود عضاض الجلود «وهنا يقاطعه الموظف هامساً :يا عم علي، المكتب فيه زملا وزميلات ودا اسم أخوك البتمازحو بيهو قول لي اسمي وبس».
-يعني عشان اشتغلت مدير ولا شنو ما عارف داير تغير اسم أبوك؟ «ويستشهد بعجز البيت»:
«الكلب كلب ولو ترك النبيح» بهذا لقد بذر عمه بذرة الثقالة الفعلية، وقد قرأ على وجه الموظف السخط والزعل ... وقد سرق النظر واختلسه ليرى تعابير الزملاء والزميلات فيقدح العم زناد الثقالة مرة أخرى:
قلت لي يا ود عضاض الجلود بتعرس متين؟
الحكاية دي بكلمك بيها بعدين.
طيب هسع الحكومة دي بتديك مرتب كم؟
«يأتي المراسلة بمشروب وينقذ الموظف من الإجابة إلا أن عمه يسأل مرة أخرى»:
وهسع البنوت المعاكم ديل بدوهن قروش قدركم ولا أقل «يتضايق ويتململ الموظف من هذا السؤال وقبل أن يرد يزيد عمه سؤالاً آخر:
وقلت ليك يا ود عضاض الجلود البنات ديل متجوزات ولا فتوات؟
«تبقت عشر دقائق على انتهاء المواعيد الرسمية إلا أن الموظف خرج بعمه قائلاً:
خلاص يلاك البيت العمل انتهى
هي لكن البنات قاعدات.. إنتو ساعاتكم في العمل مش واحدة؟
واحدة لكين خلينا نمشي البيت..
وعندما يركب الاثنان الحافلة وبصوت مرتفع يسأل العم:
قلت لي يا ود عضاض الجلود بتعرس متين؟
« وقد التفت كثير من الركاب إلى مصدر الصوت ومعظمهم موظفون وموظفات»
«يهمس الموظف» براحه يا عم علي... حأحدثك لمان أصل البيت والله الأولاد في دورك والأصغر منك الماعندو مرة عنده مرتين وحرّم لو أنحنا الواحد فينا موظف يعرس عشرة
وبأعلي صوت» طيب هسع قالوا أنت بتصرف ليك ألف جنيه الجزمة اللابسة دي بكم؟
بي سبعين جنيه.
طيب ياود الرماد أبوك هناك يموت يعضعض نهاره كله في الجلود والمركوب كله بي عشرة جنيهات.
«وهنا يتبرّم الموظف ويبدو عليه عدم الرضا ويتململ مدندناً بكلام غير مفهوم وصمت وترك المقعد لأحد الركاب ووقف».
«لم يكترث عمه الثقيل بل واصل في أسئلته»:
قلت لي ساكن عزابي البسوي ليك الأكل منو؟
«ويسأل سؤالاً آخر غير عابئ ولا يريد رداً على سؤاله السابق»
خلي قصة الأكل أنت لو ما داير تعرس من هناك شايف معاكم بنوت شغالات داير تعرس فيهن؟.
«همس إلى عمه أن البص به موظفون وموظفات ورجاه ألا يتحدث حتى يصل إلى المنزل».
يا خي أنا أسكت من شنو أنا خايف من منو... طيب يعني كونك داير ليك واحدة من بنات المكاتب ديل... دي حاجة بدسوها؟.
«ولقد أشعل العم نار الثقالة مما جعل الموظف لا يستطيع أن يتحكم على أعصابه وصاح»:
ما عاوز أنا أعرس بالمرة
«وقد أتاح بحديثه فرصة العمر لعمه الثقيل ليكمل صرح الثقالة الذي شيده»:
ما عاوز تعرس اشهدوا يا رجال. إنت كلامي دا زعلك وأنا دايرني أمشي مع زول ما رضيان بي كلامي. إنت فاكر نفسك شنو واحد #################### وبس!
« ولولا أن تدخل أولاد الحلال وحسموا الأمر وهدأوهما لحدث ما لا يحمد عقباه الأمر الذي جعل الموظف ينزل مع عمه قبل أن يصلا إلى المحطة التي كان يجب أن ينزلا فيها » انتهت.
هكذا كانت تردنا ثقالات القراء.. لم نفعل سوى أن نغير مرتب الموظف ليلائم الوضع الحالي.. لكن الثقالة هي هي.. أليس اليوم أشبه بالأمس.. ويا خوفي من غد.
آخر

Post: #16
Title: Re: سُغلآ المِنبر ...
Author: Haytham Ghaly
Date: 04-12-2018, 10:21 AM
Parent: #15

Quote: حتى الشغيل ظريف و لذيذ

Post: #17
Title: Re: سُغلآ المِنبر ...
Author: زهير عثمان حمد
Date: 04-12-2018, 10:25 AM
Parent: #16

ودالمدير وضيفه الكرام
انا عارف نفسي علي أعلي القائمة بس خلاص البقت بقت

Post: #18
Title: Re: سُغلآ المِنبر ...
Author: معاوية المدير
Date: 04-12-2018, 11:49 AM
Parent: #17

غايتو Mustafa Mahmoud يبقالي برّا المنبر
دا أظرف زوّل، حدي يغالِت ...

Post: #19
Title: Re: سُغلآ المِنبر ...
Author: معاوية المدير
Date: 04-12-2018, 11:51 AM
Parent: #18

يا جماعة مسعولين من الخير،
بمناسبة السغالة والسغلآ عادل أمين وين ؟...

Post: #20
Title: Re: سُغلآ المِنبر ...
Author: اسامه العريفي
Date: 04-12-2018, 11:55 AM
Parent: #19

سمعة نسيتو مالك

Post: #22
Title: Re: سُغلآ المِنبر ...
Author: عادل الباهي عبدالرازق
Date: 04-12-2018, 12:05 PM
Parent: #20


تالله من قريت العنوان عرفتك اول اسم حتكتبو أبراهيم عبد الوهاب
عاوز تشتغل معاهو بالضرب تحت الحزام تبأ لك يا ابوصلعة

Post: #23
Title: Re: سُغلآ المِنبر ...
Author: ABUHUSSEIN
Date: 04-12-2018, 12:10 PM
Parent: #20

Quote: عادي ABUHUSSEIN السغيل دا ممكن تلاقيهو برّا المنبر دا تلقاهو اظرف زوّل
وهكذا ...

😂😂😂😂😂😂😂😂
توم كروز دا لازم تحشروهو في اي بوست حتى يكتب النجاح للبوست ...
غيرك بخجلوا بخلوه في المداخلة التالتة او الرابعة عشان ما تكون ظااااهرة ....
انت ما بتخجل تخ رميتني من قولة تيت ...
غايتو المنبر دا لو فيه تقييم للاعضاء زي لعيبة الكورة العالميين كان سعري وصل 200 مليون دولار .... 😂😂😂😂
هناك ظريف و هنا ثقيل ...
غايتو لو لا اني زول مسكين و متواضع جدا لكان عملتو لي الف حساب ... لكن اهو ما بنحب نحرج المساكين و المتطلعين للشهرة ...


Post: #21
Title: Re: سُغلآ المِنبر ...
Author: دفع الله ود الأصيل
Date: 04-12-2018, 12:03 PM
Parent: #19

تسمح لينا بمداخلة يا (مدير) آملين أن نكون خِفَافاً لا ثقالاً عليك و ضيوفك الكرام.
و أما الثُّقَلاء[} فهولاء القوم ليس لهم منبت معين أو نقطة تجمُـــع معروفة. فالثقيل ي
وجد في كل فئه من فئات المجتمع ... وأكبر مشكله أنه لايدري أو لايدرون أنهم ثقلاء و
بالطبع فأن الثقيل هوالذي لا يشعر بثقل ظله على الآخرين , و لو شعر بذلك , لما كان ثقيلاً.
[} و مما قرأت عن الثقلاء .. قول الشاعر العربي :
سقط الثقيل من السفينةِ في الدُجى ** فبكى علــيهِ رفــاقهُ وترحّمــوا
حتى إذا قـــدِم الصــباح أتت بـــه ِ ** نحو السفينةِ مــوجــةٌ تتقـــــدم ُ
قالت خذوه كما أتـــاني ســـالمـــــاً ** لم أبتلعـــهُ لأنـــهُ لا يُـــهـــضمُ

Post: #24
Title: Re: سُغلآ المِنبر ...
Author: امتثال عبدالله
Date: 04-12-2018, 12:25 PM
Parent: #21

وداك نسيتو مالك !!؟؟
والله السغلا قليلين جدا جدا في المنبر العام ..لكن داك على رأسهم.
مع وافر التقدير والاحترام

Post: #25
Title: Re: سُغلآ المِنبر ...
Author: جلالدونا
Date: 04-12-2018, 12:27 PM
Parent: #24

Quote: الصورة ما واضحة


Post: #26
Title: Re: سُغلآ المِنبر ...
Author: دفع الله ود الأصيل
Date: 04-12-2018, 12:28 PM
Parent: #21

(76) و دا كمان ممكن تعتبرو أحلى مطب سغالة عجايز النوع داك البرمي الكلام دونما مراعاة لمشاعر الآخرين

@ في قاعة المحكمة نده الحاجب على الشاهدة فلانة الفلتكاتية مرقتلو امرأة عجوز تتكعكع، شكلها دلالية خبرة و لسانا فاكي لامن متبري منها. قرب منها محامي ملقوف و سألها{ كمدخل و تهيئة لبدء المرافعة}.- يا حاجة بتعرفيني؟!
- عاينت بحرت فيه شديييد و قالت ليه: كيفن عاد ما بعرفك يالسجمان إتا تحين ماك عليوة الكنتا زمن سِغير تتهلع ، تقع و تقوم تجري ورا قطر كريمي؛ يرمولك القراصة تشيلا بترابا تمسحها و تاكلا. و أمك عوضية الحرامية درك گمان خلها ساي؛ تشيل مني العدة بالجرورة و تكب مني الزوغة. الزول خجل منها ، و حب رعمل خساسة و مگبدة يسلطا على زملاه التانيين؛ قال لها :
- طيب بتعرفي ده و أشر على وكيل النيابة ..- قربت لحلفت فوقو شافتو و قالت: كيفن ما بعرفو، تحين مو سعد ود فتحية ؛ أمو الكانت بتسرق جنا جداد الحلة و هو يبيعو ليها في سوق المحطة القدامية بعد شندي؟!.

@ هنا القاضي خاف من رأس سوط الأفعى دي يوصلو؛ طوالي صفر لك في المحامي قاللو :- اسمع و الله يا معفن، و الله المرة أم لساناً فلقة دي تقوم لامن تسألها من اسمي علا هسي ادخلك مكلبش يبيتوك حراسة!!
😂😂😂😂😂😂😂😂😂😂😂😂😂😂😂😂😂😂😂

Post: #27
Title: Re: سُغلآ المِنبر ...
Author: امتثال عبدالله
Date: 04-12-2018, 12:41 PM
Parent: #26

شكرا كتير ود الأصيل رسمت البسمة في وجوهنا من اول الصباح قبل ما ندخل زحمة قطارات انفاق نيويورك من قصة المرة ام لسانا فلقة ..لكن القاضي ذكي والله مرق من الشتيمة...
والله انت أظرف زول ..بس ود ابو سن ظلمك ظلم الحسن والحسين ..
مع وافر التقدير والاحترام

Post: #28
Title: Re: سُغلآ المِنبر ...
Author: علي محمد الفكي
Date: 04-12-2018, 12:58 PM
Parent: #27

يا جماعة مسعولين من الخير،
بمناسبة السغالة والسغلآ عادل أمين وين ؟...
ـــــــــ

انت دحين الزول دا ما اتبراوي برضو

Post: #29
Title: Re: سُغلآ المِنبر ...
Author: علي عبدالوهاب عثمان
Date: 04-12-2018, 02:13 PM
Parent: #28

أحلى سغيل في الدنيا
الخبير الاعلامي ومتخصص السياحة المهندس صلاح غريبة
ليه وحشة .. لعله بخير ..

مودتي المدير

Post: #30
Title: Re: سُغلآ المِنبر ...
Author: دفع الله ود الأصيل
Date: 04-12-2018, 02:45 PM
Parent: #29

Quote: شكرا كتير ود الأصيل رسمت البسمة في وجوهنا من اول الصباح قبل ما ندخل زحمة قطارات انفاق نيويورك من قصة المرة ام لسانا فلقة ..لكن القاضي ذكي والله مرق من الشتيمة...والله انت أظرف زول ..بس ود ابو سن ظلمك ظلم الحسن والحسين ..مع وافر التقدير والاحترام.
شگرنا مردود لك الصاع صاعين الغالية امتثال، و الفضل أنتم الأحق به و أهله ، فگم هو دأبگ على إثلاج صدورنا حد الاندهاش ، بعطر ثناگم الجميل. و ما تنسي تطمنينا على بت الشيخ .
∆ و أما كان لناس سيدنا / ود أبو سن رضي الله عنهم و أرضاهم ، فمانا عشمانين حتى في نادي سغلاء ود المدير دا، ناهيگ عن الظرفاء فذاك ترف يشتهى. و دي دوائر محكمة القفل ، بحيث لا يأتيها االبرالمة (الغبش أبان مسوحن موية) متلبين ، لا من بين يديها و لا من خلفها. و برضو نقول غايتو: ( الريد قسم)

Post: #31
Title: Re: سُغلآ المِنبر ...
Author: عبدالحفيظ ابوسن
Date: 04-12-2018, 02:48 PM

يا ود الاصيل تشكر وكتر خيرك
امتثال دي دايرة تجيب لي الكتاحة
ياخ الظرافة زاتا طيروها لي في راسي
باقي اللستة خليتو

Post: #32
Title: Re: سُغلآ المِنبر ...
Author: دفع الله ود الأصيل
Date: 04-12-2018, 04:41 PM
Parent: #31

حيا الله ود أب سن ، شيخ ظرفاء قاع المدينة.
ثمح خلاس و گتين براگ جيت نازل ساحتنا
بموگبگ ، الننتهزا فرصة نوسطگ لصاحبگ دا
يعيرنا نظرة بعين الاعتبار. حتين بعدينگ
نمش نتشابى نجازفگ إتا بهناگ.

Post: #33
Title: Re: سُغلآ المِنبر ...
Author: امتثال عبدالله
Date: 04-13-2018, 06:02 PM
Parent: #32

ما تخلي باقي اللستة يا ود ابو سن ...انت اكتب ٧ وانا بتمهم ليك عشرة يعني ثلاثة من عندي..
اما سغلا المنبر لود المدير اذا هو كتب ثلاثة انا بتم اللستة أربعة...
مع وافر التقدير والاحترام

Post: #34
Title: Re: سُغلآ المِنبر ...
Author: ABUHUSSEIN
Date: 04-13-2018, 06:17 PM
Parent: #33

غايتو اسغل السغيلين في هذا المنبر ...
انا عارفو و انتو عارفنو .....
لكن واحد فيكم ما بقدر يجيب اسمو ....
قومو لفو ...


Post: #35
Title: Re: سُغلآ المِنبر ...
Author: معاوية المدير
Date: 04-13-2018, 07:49 PM
Parent: #34

الباشمهندس أيمن محمود لاشكّ أن فيهِ مسحة سغالة طفيفة،
لكن البعض يقولون هو السغالة تمشي علي آدِيّم الأرض .


غايتو يا ود المدير بِتِدقآآآآآآ ...

Post: #36
Title: Re: سُغلآ المِنبر ...
Author: جلالدونا
Date: 04-13-2018, 08:03 PM
Parent: #35


يقولوا الظرفاء:
المستنير
الحلوين:
المستنير
الوجهاء:
المستنير
النصيحة:
المستنير
أخجلتم تواضعنا
_____
يا مدير يا سغيل
عشان تستمر عملية اخحال التواضع ومسيرتها الظافرة دى المفروض تكمّل الرصة دى
بس شكلك سغيل و حاقد
----
الباشمهندس محمود ده منو
يكون عثمان عووضة يا ربى

Post: #37
Title: Re: سُغلآ المِنبر ...
Author: معاوية المدير
Date: 04-13-2018, 10:37 PM
Parent: #36

Quote: الباشمهندس محمود ده منو
يكون عثمان عووضة يا ربى


تمّ تعديل اللِسِم يا سغيل يا بايخ .
تصدق المستنير دا أنا ما كتبتو لأنو سغيّل بالفطرة
يعني دا المفروض الناس يكونوا عارفينو سغيّل من
دون أن ندرجه في قايمة السغلآ، هو وآحد من الذين
جُبِلو علي السغالة فأصبحت مُلآزمة له .

حمانا الله ...

Post: #38
Title: Re: سُغلآ المِنبر ...
Author: ABUHUSSEIN
Date: 04-13-2018, 11:41 PM
Parent: #37

Quote: تمّ تعديل اللِسِم

و بهذه المناسبة التي لا ادري ان كانت سعيدة ام تعيسة اهدي الجميع اغنية سييييييد اللسم للفنان احمد الجابري و خاصة لكل معجبي و محبي هذا الفنان الراقي ...
و اطلب من الخال ابو الياء تنفيذ هذا الطلب عاجلا و ليس آجلا ....
و اطلب من صاحب البوست ان يضم نفسه لقائمة سغلاء هذا المنبر الذي يعج و يمتلئ بكمية مهولة من السغلاء من شاكلة صاحب البوست الغير الموقر بتاتا ....
😂😂😂😂😂😂😂😂😂😂😂😂😂😂😂

Post: #39
Title: Re: سُغلآ المِنبر ...
Author: معاوية المدير
Date: 04-14-2018, 10:18 AM
Parent: #38

Quote: وحاة الله يا عووضة كنت شيخ يزوروا فوقي عديل بس من عرفت درب النت دي خربت
بمناسب شياطين النت النحكي ليك دي :)
في الحج كنت حريص حرص مبالغة على الانقطاع عن أي شأن دنيوي عشان اسلمو نضيف ..
ومشيت كويس لحدي يوم رمي الجمار ماشي على العقبة كدة وشايل الحجار وارفع في الاحرام في
الكتف وينملص تاني بس ذكرتني حركة التوب عند النسوان :) .. المهم الشيطان من كل ضلالات
الدنيا دي ما جاب لي إلا بوست معاوية المدير عن الحج اتذكرت النكتة الحكاها واحد من رواد البوست
عن رمي الجمار قال ما مجانين كيفن! عرايا وبطقعوا بالحجار .. قعدت أضحك والناس بتبكي
لحدي ما لعنت معاوية المدير أقصد الشيطان حتى استعدلت


بالله عليكُن الله شوفو الزول السغيّل دا !، مُنتهى السغالة،
يعني في اللحظات دِيّك ؤ في المكان المقدس دا ما لقيت غير تلعن
الشيطان !، ما كان تدعي لي انا، الشيطان دا لعنو رب العِباد . لعنك
إنت للشيطان ملحوّق يعني ممكن تلعنو في ايّ ملف بس الدعاء لي أنا
تاني يتلقي ويّن يا سغيّل ...

Post: #40
Title: Re: سُغلآ المِنبر ...
Author: معاوية المدير
Date: 04-14-2018, 10:21 AM
Parent: #39

Quote: الداخلة و السيالة و جمال الانسان و ود نواوى المشيخة و التسبيح
جمالياتكم متعددة ..,,,


والله يا محمد بدر الدين حيرتني !،
يا زول إنت بالحيّل نفراً ليّنا ...

Post: #41
Title: Re: سُغلآ المِنبر ...
Author: معاوية المدير
Date: 04-14-2018, 10:29 AM
Parent: #40

Quote: حبيبنا المدير ..
السغالة من الاشياء المحببة في الونسات السودانية الجلسات الاخوانية ما تكتمل إلا بوجود السغيل
في قهوة كسلا في جدة كان اخونا موسى ( سغيل بجدارة )سافر السودان نهائي ..
الجلسات بقت سغيلة وبايخة كمان
بالمناسبة السغيل ركن مهم من أركان الجلسات الاخوانية
وبدونه لا تكتمل حلاوة الونسة والاخوانيات مودتي الحبيب المدير

ملحوظة : تعريف السغيل : لازم يكون سغيل بالفطرة ولا يمثل دور السغيل ..


أُستاذنا علي، كلآمك في محلّو، فالسغالة ضرب من الطُرفة فالسغيل سغالته
إن لم تجبرك علي الضحك في لحظتها فهي حتماً سوف تضحكك بعد مرور
زمن عليها والو أغضبتك في حينها .زي ما الناس بتبسُطُن ظرافة الظرفاء
برضو سغالة السغلآ بيكون لها نفس المفعوّل عليهم ...

Post: #42
Title: Re: سُغلآ المِنبر ...
Author: معاوية المدير
Date: 04-14-2018, 10:33 AM
Parent: #41

Quote: اياهو كلامي
شرطن يكون زيدان
وشرطن يكون زيدان برضو 😆
مش قلت ود المدير وشرطن منبزغ
هسة اتا اضفت للانبساقة سرقة كمان
سارق البوست من حساس محمد حساس
قبال اجي كدة اربعين سنة


يعني إنت أسغل من ود البشرى عشان تجي تقول منبزغ ؟،
ثمّ يأخي البروف عندو باصويرد هنا أديهو فرصة يجي يثبت
حقو بدل تتساغل ...


Post: #43
Title: Re: سُغلآ المِنبر ...
Author: معاوية المدير
Date: 04-14-2018, 10:40 AM
Parent: #42

Quote: ود المدير... عليك الله اسمعنى
واحد فتح بوست مع فيديو قال طبيب سودانى يتعرض للطعن:
جو الجماعة اثبتو ليهو إنو الموضوع تدريب وهمى... قام استغفر ومشى ولمينا الكراسى مشينا

أها:
جا واحد تانى من "ابوظبط"
فتح مناحة تانية بنفس الفيديو...جوهو نفس ناس العزا الأوليين وكل ما يقوقوا ليهو هناى!
يقوليهم بتاع! وبنات خاتو اكدوا ليهو....وقلبو اتقطع....وجابلينا شلل "خماسى"

عليك الله ضيفو


يا مكاوي سبقتني عليهو بمداخلتك دي ؤ ماك طالبني حليفة، بعدين إنتو
بتلملمو الكراسي ساكت !، ماكُن عارفين السغلآ زي الشي الكعب في الحوش
دا !، هسّع عليك الله في داعي تتورو نفسكم .

حقو الواحد يكتبلك إسمو هنا
وموطنه خلف بحر الظُلمات ...

Post: #44
Title: Re: سُغلآ المِنبر ...
Author: معاوية المدير
Date: 04-16-2018, 04:38 AM
Parent: #43

Quote: ودالمدير وضيفه الكرام
انا عارف نفسي علي أعلي القائمة بس خلاص البقت بقت


بارك الله في رجل عرف سقف سغالته،
إنت تبرأ يا ابو الزهرا ...

Post: #45
Title: Re: سُغلآ المِنبر ...
Author: جلالدونا
Date: 04-17-2018, 01:46 AM
Parent: #44

و هاك اللستة الشحمانة دى
المسلمى اخوان
المتشوبر قبانى بتاع الدكان
المدعو عبدالله ود البوش
الهالك عثمان عووضة
المتصابى ود اب سن
و حيث ان اللستة تخلو من الزميلات ف بسعدنى و يشرفنى
ان اقترح بت عمسيب
ثم لا تنسى كوز نيويورك و سيد العبابير
وصاحبهما دينق

Post: #46
Title: Re: سُغلآ المِنبر ...
Author: امتثال عبدالله
Date: 04-17-2018, 01:52 AM
Parent: #45

جلالدونا
يعني انت جبت اللستة بالعكس تماما...
واذا كان المذكورين في اللستة بتاعتك دي من السغلا ، فعلى المنبر السلام
لانك ذكرت اظرف ناس في المنبر، ومن دونهم المنبر خلا وارض قاحلة،،،
مع وافر التقدير والاحترام

Post: #47
Title: Re: سُغلآ المِنبر ...
Author: عمر عثمان عبد الوهاب
Date: 04-17-2018, 06:08 AM
Parent: #46


Quote:


القائمة كالأتي،
ابراهيم عبد الوهاب
ابراهيم عبد الوهاب
ابراهيم عبد الوهاب
ابراهيم عبد الوهاب .


ياخ حرام عليك ياود المدير

ابراهيم ده انا متاكد اتا لا شفتو لابتعرفو
انسان ظريف فايت الحد ومهذب ومثقف
ولا تحلو جلسة الا يكون هو فيها موجود

الدور والباقي عليك اتا ياموية الترمس

من سغالتك وطولة لسانك ناس امريكا
ضبحولك عجل يكافو خيرك شرك

العجل الماضبحوهو لي سيدي محمد عثمان الميرغني

بعدين في المنبر ده اليرفع اصبعو ساي يقول يالبشير فورا
يكتبوهو سغيل وحرامي وارزقي ونفعي وووووووو

والسغاله تفوتنا وين نحنه؟؟؟ تلقي الواحد مبوذ بسبب وبدون سبب
تسالو في شنو يقوليك مافي شي انا خلقتي كده.
العريس وفي ليلة فرحو وهو في الكوشة تلاقيهو مادي بوزو مترين تقول قاعد في كوشة الجبل.

مالت عليكوم وعلي خلغكم

حفظ الله سيدي قائد الامه ورعاه في حله وترحاله بعد ان حضر
مؤتمر قمة الظهران وقد ازدانت الشرقيه باعلام بلادي الحبيبه

Post: #48
Title: Re: سُغلآ المِنبر ...
Author: معتصم الطاهر
Date: 04-17-2018, 06:50 AM
Parent: #47



لحد النهاية ( لحدى اسع) ما لقيت اسمي

لكن فى ناس فى كل القوائم ..


دا معناهو شنو ؟

ما بقصد ود الحسين و المسنتير .. ديل دربهم براهم ؟

هل السغالة المحببة تدخل فى وصف سغيل .. عشان اللستة كدا بنزيد و المرشحين بكتروا ..

Post: #49
Title: Re: سُغلآ المِنبر ...
Author: درديري كباشي
Date: 04-17-2018, 06:58 AM
Parent: #47

سلام يا ظرفاء المنبر بقيادة سقيل أركان حرب ود المدير ههههههههه
ود المدير سقيل حتى على المناخ في زول عايش في كندا يلبس سفنجة؟ يكون برد كندا تف ليه ههههههههههه.
لي زمن حايم في المنبر عايز لي بوست أدخل أعلق لقيتها كلها ملقمة وثقيلة جدا.
أعتقد أن الانسان الثقيل بالفطرة هو كذلك ظريف بالفطرة.
لأنه حتى لا يفهم النكتة والطرفة والهزار عادة يأخذها جد ويبدأ يرد ويحلل فيها.
كان عندنا قريب من هذا النوع نتوق لزيارته حتى نستمتع نحن بالنكات التي نحكيها له.
ومن النكات القديمة مرة أخونا الأكبر حكي نكتة قديمة وبايخة قال (مرأة قالت لولدها يا ولد اطلع الشارع شوف الكهرباء برضها قاطعة ولا عندنا هنا بس جا راجع قال لها يا امي ما قاطعة العربات منورة.)
عمك سرح شوية كدة صر وشه وبدأ ينفعل (بالله شوف الولد البليد دا ؟.. العربات علاقتها شنو بالكهرباء؟؟ .. واستمر يشتم وينتقد في الولد البليد. لا يسكت الا تلحقه بنكته ثانية وهكذا)
لذلك الثقيل بالفطرة عامل زي اللالوب لا تعرف طعمه مر ولا حلو لكن مستساق ولذيذ.
ولا رأيكم شنو ؟

Post: #50
Title: Re: سُغلآ المِنبر ...
Author: عبدالحفيظ ابوسن
Date: 04-17-2018, 07:12 AM
Parent: #49

سغيل اتا دة يا ودالمدير
قالوا المرة عاينت لي نفسها في المراية . لقت نفسها شينة حنضل بس . وكان غصبو ود عمها يعرسها وهو وجيه
نظر لنفسها ورأتها قردة .. فضحكت وقالت مخاطبة ابن عمها في سرها
يستاهل السغيل

Post: #86
Title: Re: سُغلآ المِنبر ...
Author: adil amin
Date: 04-21-2018, 03:20 AM
Parent: #28

الضرب علي الميت حرام
https://up.top4top.net/

Post: #51
Title: Re: سُغلآ المِنبر ...
Author: almulaomar
Date: 04-17-2018, 08:39 AM
Parent: #1

ود المدير أمرق لسانك برا في حرف الثاء ففي المنبر ثقلاء ومن بين المتداخلين في المقال ثقلاء وأنا من الثقلاء وبارك الله في الثقيل الفات الحد جرياً بالكرعين
عليه أقترح أن يقوم بكري أبو بكر (وتصنيفي له أنه من كبار ثقلاء المنبر حتي لو كان صاحب الكورة ومحل رهيفة التنقد) بوضع لون فوشي أو تركوازي علي أسماء الثقلاء في ملفاتهم حتي يتبين الخيط الأبيض من حبل السفينة

Post: #52
Title: Re: سُغلآ المِنبر ...
Author: أيمن محمود
Date: 04-17-2018, 09:09 AM
Parent: #51

Quote: الباشمهندس أيمن محمود لاشكّ أن فيهِ مسحة سغالة طفيفة،
لكن البعض يقولون هو السغالة تمشي علي آدِيّم الأرض .

ويل للمطفيين ياخ!

Post: #53
Title: Re: سُغلآ المِنبر ...
Author: معاوية المدير
Date: 04-17-2018, 09:56 AM
Parent: #52

Quote: سمعة نسيتو مالك


يا العريفي سُمعة دا شِدّة ما سغيّل لآمن أنا ناسيهو
رغم إنو سغالتو فيها حموضة كمان ...

Post: #54
Title: Re: سُغلآ المِنبر ...
Author: معاوية المدير
Date: 04-17-2018, 10:01 AM
Parent: #53

Quote: تالله من قريت العنوان عرفتك اول اسم حتكتبو أبراهيم عبد الوهاب
عاوز تشتغل معاهو بالضرب تحت الحزام تبأ لك يا ابوصلعة

ههههههههههههههه،

يا دايش ياخ هِيما دا شِدّة ما سغيل عمر عثمان
جا قال عنّو زول ظريف، فتأمّل يا قول السغيل
ملاسي أمسينا بالله ...

Post: #55
Title: Re: سُغلآ المِنبر ...
Author: معاوية المدير
Date: 04-17-2018, 10:05 AM
Parent: #54

Quote: تسمح لينا بمداخلة يا (مدير) آملين أن نكون
خِفَافاً لا ثقالاً عليك و ضيوفك الكرام.

!!!،

عليكُن الله شوفو سغالة الزول دا،
قال مداخلة وآحدة وِإستلم البوست !...

Post: #56
Title: Re: سُغلآ المِنبر ...
Author: معاوية المدير
Date: 04-17-2018, 10:15 AM
Parent: #55

Quote: و اطلب من الخال ابو الياء تنفيذ هذا الطلب عاجلا و ليس آجلا ....


دا كان ما إساغل عليك ؤ جا قالك الدكان قافل،
وأأكِد ليك شايف طلبك دا ؤ ما داير يجي سغالة مِنّو بس ...

Post: #57
Title: Re: سُغلآ المِنبر ...
Author: علي الكرار هاشم
Date: 04-17-2018, 11:08 AM
Parent: #56

اخونا ود المدير
سلامات
يا اخ حماك الله من السغلاء والثقلاء
لا حولااا
حاجه صعبه

لنا اخ كريم زول سمح وودود
ولانو انسان طيب لا يعرف يشتم ولا يقول كلام كعب
لكن
تعرف الزول دا لو قال ليك ( يا اخي فلان دا سغيييل ) تاكدوا انو زول منتهي رسمي

Post: #58
Title: Re: سُغلآ المِنبر ...
Author: MOHAMMED ELSHEIKH
Date: 04-17-2018, 11:48 AM
Parent: #57

انا شخسيا بحب سغالت " دابي التكل"

ههههههههههههههحح

"الحاء" دي عندي مبادي انتهاب

Post: #59
Title: Re: سُغلآ المِنبر ...
Author: عزالدين عباس الفحل
Date: 04-17-2018, 11:52 AM
Parent: #57








Post: #60
Title: Re: سُغلآ المِنبر ...
Author: محمد حمزة الحسين
Date: 04-17-2018, 12:14 PM
Parent: #56

Quote: عليه أقترح أن يقوم بكري أبو بكر (وتصنيفي له أنه من كبار ثقلاء المنبر حتي لو كان صاحب الكورة ومحل رهيفة التنقد)


عجبني لي بكري لانو بــــي تثاغل عليّــــا قدر ما قلت ليهو ارفع لي مداخلاتي لي 5بث عامل فيها تقيل .
:
:
:
:
:
:
:
مع التحيات لله الزاكيات

Post: #61
Title: Re: سُغلآ المِنبر ...
Author: MOHAMMED ELSHEIKH
Date: 04-17-2018, 12:19 PM
Parent: #60

انت يا سغيل عملت شنو نامن نقصو لك؟

Post: #62
Title: Re: سُغلآ المِنبر ...
Author: Nasser Amin
Date: 04-17-2018, 03:08 PM
Parent: #61


يا مدير , عندي رأي في المركز الاول , قتا بدل انبسق
احسن استأذن و أرشو ليك هنا و بالمستندات.

الأول مشترك سغالة : دكتور التجاهل التجاهل التجاهل
أعفص اللينك التحت دا... زي ما عفص لي الاول مشترك
يا شباب لو سمحتو واحد يشرح لينا كيف نرفع الصور في المنبر و شكرا

وانا مسكين اعتّل في الصوّر وحاتك و لا عبّرني ليك لحدي ما البوست غِطس..ملك السغالة

وبهديهو اللحن دا.. بس عشان خاطر وردي




Post: #63
Title: Re: سُغلآ المِنبر ...
Author: Hamid Elsawi
Date: 04-17-2018, 07:53 PM
Parent: #62

ود المدير أمرق لسانك برا في حرف الثاء ففي المنبر ثقلاء ومن بين المتداخلين في المقال ثقلاء
وأنا من الثقلاء وبارك الله في الثقيل الفات الحد جرياً بالكرعين



almulaomar
كده وقعت في الشرك

طبعا انا منتظر دوري لمن يجي
بوست المهذبين الذي تتصدر قائمته
الصديقة إمتثال


Post: #64
Title: Re: سُغلآ المِنبر ...
Author: امتثال عبدالله
Date: 04-17-2018, 11:39 PM
Parent: #63

عزيزي الفاضل حامد الصاوي
والله انت الأكثر تهذيبا في المنبر ..ولا أنسى أن نسيت ان لك الفضل،بعد الله سبحانه وتعالى، في عودتي المنبر باسمي ، فلك الشكر أجزله والتحية اطيبها والشكر الباشمهندس صاحب الحوش الكبير في موافقته للعضوية ...
واظن ان ود المدير بيهظر ببوست السغلا لأنه يعرف بأنه ما في شغلا في المنبر العام
مع وافر التقدير والاحترام والامتنان

Post: #65
Title: Re: سُغلآ المِنبر ...
Author: معاوية المدير
Date: 04-18-2018, 02:57 AM
Parent: #64

Quote: هناك ظريف و هنا ثقيل ...

هههههههههههههههه،

إنت كِدا زي الكبسولة بتاعت الحبوب نُص ابيض ؤ نُص
احمر، الزول يبلعا بي صمتا لكن لو فرتكا ؤ كشح محتواها
في خشمو بيلقاهو طعمو مُر ؤ سغيّل ...


Post: #66
Title: Re: سُغلآ المِنبر ...
Author: ولياب
Date: 04-18-2018, 05:20 AM
Parent: #65


على وزن ( التقل صنعة) .

السُغل برضو صنعة وما شرطن يكون ابوصلعة .

Post: #67
Title: Re: سُغلآ المِنبر ...
Author: Hamid Elsawi
Date: 04-18-2018, 05:32 AM
Parent: #66

السغالة هينة يا معاوية
انا بتزهجني العكلته و العكلتة المركبة
يعني تعمل بوست واحد يجي يتعكلت عليك
و يجي واحد تاني يطبل للعكلته و يتحول البوست
ل حولية عكلتة. و يستلموا البوست.
عشان كدة انا بميل للقراية اكتر من الكتابة
العكاليت ديل عاوزين بوست خاص.
و آسف اذا جابت ليك مداخلتي عِكْليت
و المشكلة عكليت واحد بِجُر اتنين تلاته معاهو
...........

Post: #68
Title: Re: سُغلآ المِنبر ...
Author: معاوية المدير
Date: 04-18-2018, 11:19 AM
Parent: #67

Quote: وداك نسيتو مالك !!؟؟
والله السغلا قليلين جدا جدا في المنبر العام ..لكن داك على رأسهم.
مع وافر التقدير والاحترام

.

دآك أنا عارفو سغيّل داير أجيبو
لكن الناس سبقوني عليهو ...

Post: #69
Title: Re: سُغلآ المِنبر ...
Author: معتصم الطاهر
Date: 04-18-2018, 04:01 PM
Parent: #68



لما يتداخل واحد فى بوست ليك و تفطو ( نسميك شنو) ؟

Post: #70
Title: Re: سُغلآ المِنبر ...
Author: معاوية المدير
Date: 04-18-2018, 04:25 PM
Parent: #69

Quote: لما يتداخل واحد فى بوست ليك و تفطو ( نسميك شنو) ؟

ههههههههههههه،

جاييك يا سغيّل،


ثم أسعدتنا الطلّة شديّد بعد غيبة ...

Post: #71
Title: Re: سُغلآ المِنبر ...
Author: Osman Musa
Date: 04-18-2018, 04:26 PM
Parent: #69

عان يا معاوية الاسبوع الفات في دردشة عطبراوية جات سيرتك .
نط واحد زهجان قال لي ياخ ود المدير ده قبل سنتين تلاتة شفتو في البنطون
دفع لي ناس البنطون كلهم إلا أنا عمل فيها ما شايفني . زول سغيل .
قولو يا سغيل بجي الخريف و البنطون بقيف .

Post: #72
Title: Re: سُغلآ المِنبر ...
Author: معتصم الطاهر
Date: 04-18-2018, 05:44 PM
Parent: #71



سؤال ..

هل ملاسي
أظرف الثقلاء

أم أسغل الظرفاء ..

Post: #73
Title: Re: سُغلآ المِنبر ...
Author: امتثال عبدالله
Date: 04-18-2018, 06:06 PM
Parent: #72

معتصم الطاهر
أظرف السغلا ...ام اسغل الظرفاء
سؤال اوسكار...
مع وافر التقدير

Post: #74
Title: Re: سُغلآ المِنبر ...
Author: معاوية المدير
Date: 04-19-2018, 00:42 AM
Parent: #73

توفيق عيسى مكي بتاع الضهاري .



مالو ؟.




سغيّل ...

Post: #75
Title: Re: سُغلآ المِنبر ...
Author: معاوية المدير
Date: 04-19-2018, 00:46 AM
Parent: #74

Quote:
انت دحين الزول دا ما اتبراوي برضو


بالحيّل يا ود الفكي
لكنه من شاكِلة أمين حسن عمر ...

Post: #76
Title: Re: سُغلآ المِنبر ...
Author: معاوية المدير
Date: 04-19-2018, 00:50 AM
Parent: #75

Quote: أحلى سغيل في الدنيا
الخبير الاعلامي ومتخصص السياحة المهندس صلاح غريبة
ليه وحشة .. لعله بخير ..


يا سلآلآلآم ياخ، نفتقد بِشدّة مستنير السغالة
في هذه الليام الضُلُمّة ...

Post: #77
Title: Re: سُغلآ المِنبر ...
Author: معاوية المدير
Date: 04-19-2018, 05:10 AM
Parent: #76

Quote: غايتو اسغل السغيلين في هذا المنبر ...
انا عارفو و انتو عارفنو .....
لكن واحد فيكم ما بقدر يجيب اسمو ....
قومو لفو ...


نلِف شنو ؟.

غايتو لو ربنا ما خلق أمين حسن عمر
كان حاتم ابراهيم حا يكون أسغل زول في الدنيا ...

Post: #78
Title: Re: سُغلآ المِنبر ...
Author: معاوية المدير
Date: 04-19-2018, 09:49 AM
Parent: #77

Quote: و حيث ان اللستة تخلو من الزميلات ف بسعدنى و يشرفنى
ان اقترح بت عمسيب
ثم لا تنسى كوز نيويورك و سيد العبابير
وصاحبهما دينق


بِت عمسيب لا تخلو من سغالة، أما كوز نيويورك فإن كنت تعني الفاضلابي
فهو سغيّل، أما إذا عنيت حسن حماد فهو اكثرهم سغالة قبل عبد الرحيم منصور،
دينق أسغل أفريقي بينما بريمة أسغل العرب العاربة والمستعربة، ؤ بس ...

Post: #79
Title: Re: سُغلآ المِنبر ...
Author: معاوية المدير
Date: 04-19-2018, 09:57 AM
Parent: #78

Quote: ياخ حرام عليك ياود المدير

ابراهيم ده انا متاكد اتا لا شفتو لابتعرفو
انسان ظريف فايت الحد ومهذب ومثقف
ولا تحلو جلسة الا يكون هو فيها موجود

الدور والباقي عليك اتا ياموية الترمس

من سغالتك وطولة لسانك ناس امريكا
ضبحولك عجل يكافو خيرك شرك


غايتو يا عمر لولا يقيني أن سغالتك ليس لها سقف لنعتُك
بالسغالة وأكتفيتُ بذلك ...

Post: #80
Title: Re: سُغلآ المِنبر ...
Author: معاوية المدير
Date: 04-19-2018, 10:04 AM
Parent: #79

Quote: هل السغالة المحببة تدخل فى وصف سغيل ..
عشان اللستة كدا بنزيد و المرشحين بكتروا ..


يا معتصم السغالة في وكتها بتغيّظك
لكن لو إتذكرتها بعد فترة براك تلقى نفسك ضحكتَ،
يعني بتتعتق ...

Post: #81
Title: Re: سُغلآ المِنبر ...
Author: معاوية المدير
Date: 04-19-2018, 10:10 AM
Parent: #80

شايف نعمات عماد حايمة في البورد،

Post: #82
Title: Re: سُغلآ المِنبر ...
Author: معاوية المدير
Date: 04-20-2018, 00:16 AM
Parent: #81

Quote: سلام يا ظرفاء المنبر بقيادة سقيل أركان حرب ود المدير ههههههههه
ود المدير سقيل حتى على المناخ في زول عايش في كندا يلبس سفنجة؟ يكون برد كندا تف ليه ههههههههههه.
لي زمن حايم في المنبر عايز لي بوست أدخل أعلق لقيتها كلها ملقمة وثقيلة جدا.
أعتقد أن الانسان الثقيل بالفطرة هو كذلك ظريف بالفطرة.
لأنه حتى لا يفهم النكتة والطرفة والهزار عادة يأخذها جد ويبدأ يرد ويحلل فيها.
كان عندنا قريب من هذا النوع نتوق لزيارته حتى نستمتع نحن بالنكات التي نحكيها له.
ومن النكات القديمة مرة أخونا الأكبر حكي نكتة قديمة وبايخة قال (مرأة قالت لولدها يا ولد اطلع الشارع
شوف الكهرباء برضها قاطعة ولا عندنا هنا بس جا راجع قال لها يا امي ما قاطعة العربات منورة.)
عمك سرح شوية كدة صر وشه وبدأ ينفعل (بالله شوف الولد البليد دا ؟.. العربات علاقتها شنو بالكهرباء؟؟ ..
واستمر يشتم وينتقد في الولد البليد. لا يسكت الا تلحقه بنكته ثانية وهكذا)
لذلك الثقيل بالفطرة عامل زي اللالوب لا تعرف طعمه مر ولا حلو لكن مستساق ولذيذ.
ولا رأيكم شنو ؟

ههههههههههههه،
والله يا درديري إنت تشهي الزول السغالة بسغالتك دي .
تشبيه السغيل باللآلوب من صميم البيئة لكنو في محلو ظط،
فعلاً ما يفضُلّك إلا تعضيهو لكن يضحِكك في الداخل ؤ يغيظك
في الخارج .
تسلم يا سغيل ...

Post: #83
Title: Re: سُغلآ المِنبر ...
Author: معاوية المدير
Date: 04-20-2018, 00:20 AM
Parent: #82

Quote: سغيل اتا دة يا ودالمدير


سغيّل ناصر محمد حسين ...

Post: #84
Title: Re: سُغلآ المِنبر ...
Author: معاوية المدير
Date: 04-21-2018, 00:41 AM
Parent: #83

Quote: ود المدير أمرق لسانك برا في حرف الثاء ففي المنبر ثقلاء ومن بين
المتداخلين في المقال ثقلاء وأنا من الثقلاء وبارك الله في الثقيل الفات الحد جرياً بالكرعين
عليه أقترح أن يقوم بكري أبو بكر (وتصنيفي له أنه من كبار ثقلاء المنبر حتي لو كان
صاحب الكورة ومحل رهيفة التنقد) بوضع لون فوشي أو تركوازي علي أسماء الثقلاء
في ملفاتهم حتي يتبين الخيط الأبيض من حبل السفينة


يا مولانا يا عمرنا ليك وحشة يا سغيّل .
نؤيد وضع اللون الفوشي لو سمع السغيل النداء بينما ننتقد وندين مد
اللِسان وحرف الثاء مع الهمزة علي السطر وذلك لمزيد من السغالة ...

Post: #85
Title: Re: سُغلآ المِنبر ...
Author: Abureesh
Date: 04-21-2018, 01:54 AM
Parent: #84

.

Post: #87
Title: Re: سُغلآ المِنبر ...
Author: أبوبكر عباس
Date: 04-21-2018, 03:31 AM
Parent: #85

اسغل كتابة هي كتابة ود القوز ونعمات عماد

دفع الله ود الأصيل دا بذكرني أصحاب الكهف
وتحديداً الزول القام شايل القروش القديمة
ومشى المدينة يجيب الفول.

Post: #88
Title: Re: سُغلآ المِنبر ...
Author: نعمات عماد
Date: 04-21-2018, 05:23 AM
Parent: #87


أعوذ بالله من همزات الشياطين

ابوبكر عباس السغالة فضلة خيرك.

Post: #89
Title: Re: سُغلآ المِنبر ...
Author: عبدالحفيظ ابوسن
Date: 04-21-2018, 05:49 AM
Parent: #88

هههه
نعومة طولي بالك
فضلك خيرك ضحكتني جدا
تعبير سوداني قح موغل في البلاغة
بكري دة ما بعرفو ليك

Post: #90
Title: Re: سُغلآ المِنبر ...
Author: نعمات عماد
Date: 04-21-2018, 06:00 AM
Parent: #89



ابسن سلامات

الله يرحم الحبوبات، كان كلامهن حكم.

يا ود المدير

أصبر امن تمرق لستة حامد الصاوي 😃

Post: #91
Title: Re: سُغلآ المِنبر ...
Author: أبوبكر عباس
Date: 04-21-2018, 01:18 PM
Parent: #90

الكتابة الأكثر سغالة من كتابات القوز وعماد
هي كتابات عز الدين عباس الفحل أبوظبي

مرّة رسلت لبكري أبوبكر طلبت منه إيقاف كتاباتهم الثلاث
فهي كتابات ليس بها حس
بالإنجليزي
Senseless
وأن يتركهم للقراءة فقط

Post: #92
Title: Re: سُغلآ المِنبر ...
Author: أبوبكر عباس
Date: 04-21-2018, 01:41 PM
Parent: #91

يقولوا ليك في أمثال الحبوبات
لو لا اختلاف الأذواق لبارت السلع
وكل فولة ولها كيال

استغرب كيف مع أناناس كتاباتنا
أن يكون هناك ذواقة وكيالين لهذا الدوم!!!

Post: #93
Title: Re: سُغلآ المِنبر ...
Author: نعمات عماد
Date: 04-21-2018, 01:49 PM
Parent: #92

Quote: لكتابة الأكثر سغالة من كتابات القوز وعماد
هي كتابات عز الدين عباس الفحل أبوظبي

كبيرة دي جاية من self-centered زيك.

شن الكتابة الكلها انا و انا و كمان انا... لا لا لا أكيد أنا

شوف يا زول ما عندي مزاج اخد و ادي شوف ليك زول تاني دورو .

Post: #94
Title: Re: سُغلآ المِنبر ...
Author: adil amin
Date: 04-22-2018, 03:44 AM
Parent: #93

https://up.top4top.net/

يالله تاني برطع مع العبقريات الفذة هنا اوعك تجيب سيرتي

Post: #95
Title: Re: سُغلآ المِنبر ...
Author: معاوية المدير
Date: 04-22-2018, 03:48 AM
Parent: #94

يا سغيّل في داعي تكتب مداخلة تانية في البوست دا !،
كِدي خلينا نرُد علي مداخلتك اللُوّلآ في اللوّل ...

Post: #96
Title: Re: سُغلآ المِنبر ...
Author: adil amin
Date: 04-22-2018, 04:00 AM
Parent: #95

عدم الشغلة علم الشيوعي المشاط
دي كده احسن بدون لاريكس

Post: #97
Title: Re: سُغلآ المِنبر ...
Author: معاوية المدير
Date: 04-23-2018, 01:03 AM
Parent: #96

يا سلآم يأخ يعجبني السغيّل الذي يعتز ويفتخر بسغالته فالسغالة هبة
من الله سبحانه وتعالى إلي السغلا تستوجب الشكر.
الحقيقة وصلني طلب خاس من السغيّل عبد العزيز الفاضلابي لضمه
لقائمة السغلا، وأنا شاكر له ثقته في نفسه ويسعدني أن أضمه لقائمة
السغلا، وإكراماً له سوف أضيف حسن حمّاد فهو سغيّل جداً.
شكراً يا عزنا يا سغيّل ...

Post: #98
Title: Re: سُغلآ المِنبر ...
Author: Hassan Makkawi
Date: 04-23-2018, 07:19 AM
Parent: #97


فى 2 "مريشين"
ابو نجمة فيهم.....ثغيييييل
قبل شوية جه مارى
اكتبو..

Post: #99
Title: Re: سُغلآ المِنبر ...
Author: معاوية المدير
Date: 04-23-2018, 10:36 AM
Parent: #98

Quote: سؤال ..

هل ملاسي
أظرف الثقلاء

أم أسغل الظرفاء ..


سغالة ملاسي دا زي لآمِن تقرطِعلك
كُباية خل بنفس وآحد ...


Post: #100
Title: Re: سُغلآ المِنبر ...
Author: معاوية المدير
Date: 05-01-2018, 12:47 PM
Parent: #99


Post: #101
Title: Re: سُغلآ المِنبر ...
Author: معاوية المدير
Date: 05-02-2018, 04:17 AM
Parent: #100

Quote: (عدل بواسطة Abureesh on 21-04-2018, 03:38 AM)


يا ابو الرِيّش مشكور علي المرور، قرينا مداخلتك
لكن سغالتك إتعرفت ...



Post: #102
Title: Re: سُغلآ المِنبر ...
Author: جلالدونا
Date: 05-02-2018, 04:20 AM
Parent: #101

و امسك جوز اللوز ديل
قبانى و هاشم الحسن
مع السغالة توجد لياقه و عكلتة
اخير منها لياقة ود البشرى
و فيدوهات كوستاوى

Post: #103
Title: Re: سُغلآ المِنبر ...
Author: معاوية المدير
Date: 05-02-2018, 04:31 AM
Parent: #102