ديكتاتورية المواطن

07:06 AM April, 12 2018

سودانيز اون لاين
عبدالحفيظ ابوسن-no where
مكتبتى
رابط مختصر

من الملاحظ كل احزابنا الزعامة عندهم وظيفة مدي الحياة . يكنكش فيها كدة لامن يخرف ويموت . ويستلم البعدو ويكنكش فيها قرادة بس . مع انو المثل ماصحيح .. القرادة لامن تشبع تب وتتنفخ بتقع براها . وسبحان الله الغنم مافيهن قراد لذات سبب انتشار مثل الوضوح 😂😂😷😷
حتي ال ما عندو حزب لامن يمسك الحكومة بعمل حزب ويكنكش فوقو

زين

خلي السياسة
ياح حتي الرياضة يكنكش ويعصب فيها
يقول ليك الفريق دة زي اولادي .. اصلو ما بقولو زي ام عيالي امكن عشان محللات ليهو اربعة
وانا بنيتو
ولقيتو واقع
ومهردم
وحيطة الشارع جالوص كسرتها وبنيتها مسلح
وادبخانتو لو خشيتها الا زي الداير ترفع كورنر
وهسة لو خشيت حماماتو لو ملحو ليك فيها تاكل
ورررر
ورررر

المفتاح الاساسي في نظري

اولادي .... الوالد

اوووو معاوية
حرم مبسوط اشوفك هنا
طقع معاي
ساعدنا بي لم الفكرة ياخ

ياخ أنا متابع كتاباتك، لكن ما عندي جديد أضيفو
كل ما أنوي أكتب.. ألقى زول كتب الكلام الداير اقولو
(شوف ليك بداية قصيدة باللهي)

القصة بتجر لي جوة البيوت
تلقا في زول كدة جوة الاسرة هو البكون منسق المناسبات والاحتفالات الاجتماعية .
طهور ولا عرس ولا بكا
من تكون في حاجة زي دي طوالي بتحرك . الحركة عندو معروفة ومرتبة . يضرب لبتاع الصيوان ويتفق معاهو وبتاع الصيوان زاتو بعرفو
والتلج الخضار ال ال ال
بكون متسنتر في البيت يصرف الاوامر للشغيلة
وهو البحدد مكان الصيوان
مواعيد الدفن
مواعيد العقد
نوع الاكرام
المعازيم
ناسك كل الخيوط في يده
ومريح ناس كتار بالذات اندادو !!
شايل الشيلة تب ومتحزم ليها بل في واحدين بتحزمو فعلا . يرفع جلابيتو من نصها التحتها ويعمل العمة زي الحزام
من تشوفو ساي تعرفو انو دة الكل في الكل
صارم
كلمتو واحدة وواضحة
ورايو واحد !!
متفردا ومنفردا بالراي والقرار والتنفيذ

سلام اب سن..

الموضوع دا ليهو علاقة بتربتنا و ثقافتنا, تبدا من العمدة ,ناظر القبيلة
كبير العيلة , رب الاسرة الخ...
اي موضوع يخص فرد او مجموعة تجد من يقرر و بدون معقًب ولا يخشي العواقب
و زي ما زكرت, تجد في المناسبات او السفر , تجد شخص يقرر وينفذ نيابة عن الناس بدون
تفويض و الناس منقادة له و مبسوطة و تشكًر فيهو.
الدكتاتورية مغروسة , مارسوها الكبار فينا و نمارسها في الصغار

اها دي العقدة ناصر
داخل الاسرة ضررها اخف
ووسائل القمع كثيرة للثوار اليفع
يا ود عمك وكبير
خالك
جدك
خلي عندك ادب
والضرر اصلا ما بكون مؤثر بشكل عميق
اياهو خلاف علي موقع الصيوان والشباب هم المعتضرين لأسباب يوردونها ومنطقية وبرضو هم البدقو الصيوان !
ولا يدو صينية رجال وصينية نسوان
ولا ولا
ويبدا التذمر من الشباب . مش الشباب كلهم بل الشباب العليهم الرك والقلبهم حار
وتبدا الصراعات
صراعات لا تعصف بالتناغم الاسري إلا تعليقات
اها خلاس جانا عمك المنظراتي دة يقوم يبرمج بينا

بعد داك تعال للعمل الطوعي الشعبي
يقوم واحد يفكر في كيف يساعد الفقراء مرضي الكلي مثلا . تدفعه مشاعر تآزر حقيقي واهتمام . ورغبة أكيدة في تقديم الدعم
يكلم صاحب صاحبين سبعة . وديل يكلمو تمنية تسعة من اصحابهم
وتبدأ جمعية صغيرة الرابط الاساسي فيها المعرفة الشخصية وخدمة المرضي
التبرعات زاتا في حدود المعارف
اها الشغلة تكبر والناس تعرفها ويمشو يسجلوها . وتتسجل وتبقا جمعية معترف بها وليها دستور ولايحة وجمعية عمومية ومكتب تنفيذي .عندها ختم وورق مروس وتمشي اكتر لي قدام وتكبر
وتبقا جمعية ليها ضل بعد كم سنة
ويخشو فيها ناس جداد . نشطاء . والشغل يتنوع
اها بتحصل نقاشات من اجل تطوير العمل . ولازمن انتخابات ولجنة تنفيذية جديدة ويبدا العك
الريس يعصلج
الجمعية دي زي جناهو الرباهو

هو بفتكر انو الجمعية والجمعية هو
انا الدولة!
لو زح منها بتخرب . بتوه منو الهدف الاساسي
ويتحول لديكتاتور مستعد ان يضحي بالهدف من اجل ان يظل هو الريس

نحتاج جدا لتغيير نمط تفكيرنا
تفكيرنا كلو .. ونبدأ من جوة البيوت
عقلية الديكتاتور واستسلام الرعاية
العقلية الاذعانية
عقلية الخضوع لواقع الحال
عقلية الخضوع للبديهيات

عشان تبقا ديكتاتور لازم تلقا زول تدكتر عليهو . ويكون هو مستعد ذهنيا ونفسيا لذلك
بمعني يتربي بشكل يجعله يتقبل ان يكون خانعا مستكينا
وفي نفس الوقت ممكن ان تجعله ثوريا بمعرفة ووعي وفهم .
السلطة الابوية
دة مربط القضية كلها
الاسرة كنواة مصغرة جدا للمجتمع .. للسلطة نفسها
واهو شفنا في قضية جامعة الاحفاد واستعداد الفتاة الجامعية المثقفة المنفتحة التي تقبل ذلك السلوك تحت مسمي بابا
اذا نحن نربي اولادنا لقبول الظلم .
وكنا سببا في بقاء هذه السلطة حتي الآن

1st up