Post: #2 Title: Re: التحكيم الاوروبي لا يختلف عن التحكيم الاف Author: علي محمد الفكي Date: 04-11-2018, 09:50 PM Parent: #1
عندما تنعدم العدالة لا يكون للفوز طعم
Post: #3 Title: Re: التحكيم الاوروبي لا يختلف عن التحكيم الاف Author: علي محمد الفكي Date: 04-11-2018, 09:52 PM Parent: #2
التحكيم يصعد بالريال الى الدور نصف النهائي هاردلك اليوفي
Post: #4 Title: Re: التحكيم الاوروبي لا يختلف عن التحكيم الاف Author: علي محمد الفكي Date: 04-11-2018, 09:54 PM Parent: #3
ضربة جزاء لا وجود لها الا في خيال الحكم وطرد للاسطوره بوفون كفل للريال التأهل رغم خسارته 3/1
Post: #5 Title: Re: التحكيم الاوروبي لا يختلف عن التحكيم الاف Author: Elamin Medani Date: 04-11-2018, 09:55 PM Parent: #3
هلا مدريد
Post: #6 Title: Re: التحكيم الاوروبي لا يختلف عن التحكيم الاف Author: عبد اللطيف بكري أحمد Date: 04-11-2018, 09:57 PM Parent: #5
ضربة جزاء لا غبار عليها
أكثر ما أحزننا النهاية المأساوية ليوفون
علي ياحبيب ازيك وأعصابك ،،
Post: #7 Title: Re: التحكيم الاوروبي لا يختلف عن التحكيم الاف Author: علي محمد الفكي Date: 04-11-2018, 10:02 PM Parent: #6
الامين هلا بالتحكيم النادي المدلل لازم يصل
Post: #8 Title: Re: التحكيم الاوروبي لا يختلف عن التحكيم الاف Author: كمال عباس Date: 04-11-2018, 10:02 PM Parent: #6
ضربة صحيحة تماما ،، ارتكب المدافع محالفة واضحة ،)ادا لم تحتسب هذه العرقلة فهذا يعني انو بجب إلغاء فكرة ضربة الجزاء من اساسو
Post: #9 Title: Re: التحكيم الاوروبي لا يختلف عن التحكيم الاف Author: Deng Date: 04-11-2018, 10:05 PM Parent: #8
ضربة الجزاء صجيجة.
جوفنتوس لعب مبارة كبيرة، ولكنهم أكثرو في أرتكاب المخالفات، مما أدى ذلك الى حصولهم على 6 كروت صفراء وفي النهاية طرد للحارس العملاق بوفان.
ريال مدريد يعتبر محظوظ جدا، لأن لعبيه كانو بعيدين عن مستواهم المعروف.
Post: #10 Title: Re: التحكيم الاوروبي لا يختلف عن التحكيم الاف Author: علي محمد الفكي Date: 04-11-2018, 10:05 PM Parent: #8
الاعزاء عبد اللطيف وكمال بن عطيه وصل للكره قبل لاعب الريال فكيف يكون في دفع
Post: #11 Title: Re: التحكيم الاوروبي لا يختلف عن التحكيم الاف Author: حمد عبد الغفار عمر Date: 04-11-2018, 10:09 PM Parent: #10
كيفك يا علي
ما وصل الكورة رجلو احتكت بجسم ويد المهاجم حتى رفع يد المهاجم ضربة جزاء صحيحة
ياخ لو لا سوء الحظ الريال مفروض يحسمها من الشوط الأول
انتو بس خليكم بره
Post: #12 Title: Re: التحكيم الاوروبي لا يختلف عن التحكيم الاف Author: علي محمد الفكي Date: 04-11-2018, 10:12 PM Parent: #11
يا دينق دا حظ ورزق مدعوم ومتعوب عليهو باليورو او كما اشار كيليني
Post: #13 Title: Re: التحكيم الاوروبي لا يختلف عن التحكيم الاف Author: عبد اللطيف بكري أحمد Date: 04-11-2018, 10:16 PM Parent: #12
علي كيف بن عطية وصل للكورة قبل فاسكيز؟
بن عطية دا مفرو ينطرد 4 مرات
الحكم ألغى هدف صحيح لإيسكو كان غير مجرى المباراة
الحكم كان حاسماً والله وعادلاً لأبعد درجة
Post: #20 Title: Re: التحكيم الاوروبي لا يختلف عن التحكيم الاف Author: علي محمد الفكي Date: 04-12-2018, 07:55 AM Parent: #13
يا عبد اللطيف يا حبيب عليك الله في مباراه زي دي في حكم بحسب بلنتي في الزمن الضائع دا حقد منو
Post: #14 Title: Re: التحكيم الاوروبي لا يختلف عن التحكيم الاف Author: علي محمد الفكي Date: 04-11-2018, 10:16 PM Parent: #12
يا حمد فالفريدي شكينا علي الله كان ضيع فريق كبير واداكم الفرصه كلو منو لكن عملتكم البي تحكيم دي عيال كتلونيا ما بعملوها يا جابوها حمرة عين يا خلوها حمرة عين
Post: #15 Title: Re: التحكيم الاوروبي لا يختلف عن التحكيم الاف Author: كمال عباس Date: 04-11-2018, 10:34 PM Parent: #14
فريق مدريد لم يستسلم وقاتل للنهاية علي الرغم من الأهداف المتوالية في شباكه ؟!!اي فريق تاني ممكن ان يخرج من جو المباراة ويحبط ويستسلم !! ولو تمالك بوفون أعصابه كان ممكن يصد الضربة ويغير مجري المباراة نفسيا !! عموما حتي. لو انتهي الوقت الأصلي بالتعادل فكان بمكن ان يحسمها الريال في الزمن الاضافي !! لعيبة اليوفينتوس مالو للعنف والشلاليت !!
Post: #16 Title: Re: التحكيم الاوروبي لا يختلف عن التحكيم الاف Author: عبدالله محمد أحمد Date: 04-12-2018, 06:16 AM Parent: #1
الحكم اراد الفوز لريال مدريد. لا يعقل و في الوقت الضايع ان يحتسب الحكم ضربة جزاء مشكوك في امرها ثم يتبعها بطرد حارس المرمى المشهود له بالتصدي لاخطر الكرات. باختصار اىحكم قال للريال جيب قونك فالمرمى خالي.
Post: #17 Title: Re: التحكيم الاوروبي لا يختلف عن التحكيم الاف Author: محمد بدرالدين Date: 04-12-2018, 06:54 AM Parent: #16
اول امس عندما خرج البرشا .. تضامنا معهم و خففنا عليهم بروح المودة و المحبة .. لاصدقائنا الذين تالموا .. زملاء العمل و الاصدقاء من مشجعى البرشا ... اذ لا فرح مع الم الصديق و وجعهه ههههههه .. حسع انتو يا كاف البلا و لا كلمة مبروك و لاحظ انكم بتتكلموا عن ضربة ( مشكوك) يعنى يحتمل الاتنين .. ياخى قولو مبروك ف الاول و بعد داك قولو زى ما عايزين مبروك لاسبانيا و ما زلت ف راى ان مدربى الريال و البرشا ليسوا على مستوى الفريقين قوموا الى التهانى يرحمكم الله .. هههههههه مودتى و تقديرى
Post: #18 Title: Re: التحكيم الاوروبي لا يختلف عن التحكيم الاف Author: صبري طه Date: 04-12-2018, 07:26 AM Parent: #17
سؤال لأخينا كمال عباس .. ماذا تسمي ارتقاء مهاجم مرتكزاً على ظهر المدافع ؟
سألتك إنت من دون البقية !!
ـــــــ
Post: #19 Title: Re: التحكيم الاوروبي لا يختلف عن التحكيم الاف Author: حامد بدري Date: 04-12-2018, 07:44 AM Parent: #18
صبري صغر الصورة او اقوليك
اها ياللطفي وباقي المداريد القتلة
بعدين كرت احمر بوفون ازرت من ضربة الجزاء
Post: #21 Title: Re: التحكيم الاوروبي لا يختلف عن التحكيم الاف Author: علي محمد الفكي Date: 04-12-2018, 07:56 AM Parent: #16
عبد الله محمد احمد الحكم زي ما اشار كليني قابض ودبيب في فمو جرادايه ولا بعضي
Post: #22 Title: Re: التحكيم الاوروبي لا يختلف عن التحكيم الاف Author: صبري طه Date: 04-12-2018, 08:01 AM Parent: #21
بالمناسبة يا علي .. ممكن الحكم يكون نزيه وما أخذ الحالة ..
الحالة ممكن تكون جاتو من الحكم المساعد الواقف جنب المرمى وهو أقرب لرونالدو عندما قفز ...
السؤال: كيف يرى البلنتي ولا يرى مخالفة رونالدو الأقرب له ؟!
ربما ستعرف الأجيال القادمة حقيقة هذا الفساد .. كما عرفنا نحن حقيقة الفساد القديم !!!
صورة للتذكير:-
Post: #23 Title: Re: التحكيم الاوروبي لا يختلف عن التحكيم الاف Author: عبد اللطيف بكري أحمد Date: 04-12-2018, 08:08 AM Parent: #22
https://www.0zz0.com
Post: #25 Title: Re: التحكيم الاوروبي لا يختلف عن التحكيم الاف Author: صبري طه Date: 04-12-2018, 08:14 AM Parent: #23
يا عبداللطيف لو أيّ احتكاك بيتم احتسابو ركلة جزاء أي مباراة لن تخرج عن أقل من عشرين ركلة جزاء .. ولسجلت فقط على راموس 19 ركلة جزاء :)
لو بتعتبرها ركلة جزاء أمشي شاهد لقطة كوادرادو في لقاء الذهاب بتورينو !! (جاري البحث عن اللقطة) !!
وعايز رأيك في ارتكاز رونالدو بيده على ظهر مدافع اليوفي لأنو المخالفة دي أتت قبل قرار ركلة الجزاء !!!!!!!!!!!
Post: #24 Title: Re: التحكيم الاوروبي لا يختلف عن التحكيم الاف Author: علي عبدالوهاب عثمان Date: 04-12-2018, 08:09 AM Parent: #22
حبيبنا ودالفكي .. مودتي .. بدون برشلونا ما في طعم .. حبيبنا صبري جاب الثوابت .. زول كورة صاح شكرا صبري ..
حبيبنا علي .. أنا مع بيرن ميونخ بطولة بدون البرغوث ميسي ( بايخه وبدو طعم )
مودتي الحبيب علي ..
Post: #26 Title: Re: التحكيم الاوروبي لا يختلف عن التحكيم الاف Author: طارق زروق Date: 04-12-2018, 08:31 AM Parent: #24
ضربة جزاء صحيحة واليوفي لعبهم خشن
Post: #27 Title: Re: التحكيم الاوروبي لا يختلف عن التحكيم الاف Author: جمال ود القوز Date: 04-12-2018, 09:01 AM Parent: #26
ضربة الجزاء صحيحة .. العبرة في انه الكرة على مستوى الرأس والصدر .. فلا يصح المشاركة بالقدم .. فيها خطورة على المهاجم .. ودي من الحالات البتستوجب ركلة جزاء .. قول التوقيت يا علي كان سيء .. لكن ما بتتفوت .. بالنسبة للحالة بتاعة ارتكاز المدافع على ظهر المهاجم .. دي برضو ضربة جزاء .. لكن المساعد ما شافها يمكن .. بالمناسبة من احتسب ضربة الجزاء ليس الحكم ... بل المساعد .. حظ أوفر لليوفي في المرات القادمة .. فقد كان يستحق الفوز .. رغم لعب الطليان الخشن والضرب المتعمد .. غايتو بن عطيه جاب العيد .. وأهدر كل حظوظ اليوفي .. بوفون يستحق الكرت الاحمر .. اعتراضه كان فيه سخف وتعدي على الحكم .. بعدين ما معروف قال ليهو شنو ؟ .. ممكن يكون صرف ليهو بركاوي ... خخخخخخ
Post: #28 Title: Re: التحكيم الاوروبي لا يختلف عن التحكيم الاف Author: عبد اللطيف بكري أحمد Date: 04-12-2018, 09:11 AM Parent: #26
والله ياطارق أخوي لو جبت ليهم بن عطية زات نفسو قال عملت بلنتي ماحيصدقوك،،
الآن كل كتلونيا ومشجعيها نفضوا يدينهم من اي شي وبقو على البلنتي دا ،،
الدنيا كلها انقسمت ، وفي حكم أقرب زول للحدث ، وأوضح زاوية رؤية عنده قال ضربة جزاء،،
كل الفشل الذي لازم الكتلان في روما سيغيل في هذا البلنتي ههههههههه،،
ياصبري طه : رونالدو غير محتاج للصعود على كتف مدافع، لقطة رونالدو هي أجمل مافي المباراة
رونالدو معروف بقفزات هوائية خيالية، ويقف في الهواء ، أمشي جيب الصور من مباراة نهائي كاس الملك مع برشلونة ودروي الابطال مع مان يونايتد ،، مباراة روما وبرشلونة بيكيه مرتكب تلاتة ضربات جزاء لم تحتسب الا واحدة ،،
روما نتادا حارة ، اصبروا واحتسبو واتفرجو في دوري الأربعة الكبار،،
فريق برشلونة هو أخر من يتحدث عن نزاهة التحكيم ففي جعبتهم أشهر فضيحتين تحكيميتين في التاريخ ورمنتادا مشوهة مسروقة ضد باريس سلن جيرمان،،
لا تبخسوا الناس أشياءهم ، ريال مدريد حسم التأهل من تورينو بأداء يفوق الوصف صفق له اهل البلدة ،، بوفون والعارضة والقائمان أنقذوا يوفي من ثلاثة اهداف على الأقل والحكم ألغى هدفاً صحيحاً لإيسكو، ريال مدريد لم يكن متفرجاً مثل المتمشي ورقاقه في باحة روما،، اليوفي قدم اداءاً بطولياً وكانت مباواة روعة ولوحة رياضية انتهت بتأهل المستحق ، موش عشان ضربة جزاء مختلف عليها يفسد ريال مدريد ومشجعوه ،،
بعدين ياخ تنفيذ ضربة الجزاء من رونالدو دا بالله مىش لوحة تعلق على جدران تاريخ الرياضة؟
صبري استهدا بالله وركز على بطولاتك المحلية وهداف الليغا واحرزو البطولة ٢٥ التي احرزها الريال قبل ٣٠ سنة
Post: #29 Title: Re: التحكيم الاوروبي لا يختلف عن التحكيم الاف Author: عثمان الأمام Date: 04-12-2018, 09:33 AM Parent: #28
الحكم مفروض يحتسب ضربة جزاء ويطرد اللاعب بكرت أحمر ويديهو كفين
معقولة كورة في صدر اللاعب المدافع رافع رجلو فوق ودافرو بيدو ورجلو عافصاهو وبرضو ما ضربة جزاء ! هههههه
مفروض الكورة دي تكون محسومة من بدري بي هدف ايسكو وبطرد كم لاعب من اليوفي
اليوفي قدم كورة قوية وكان شجاع لكن لم يظلم
Post: #30 Title: Re: التحكيم الاوروبي لا يختلف عن التحكيم الاف Author: صبري طه Date: 04-12-2018, 09:38 AM Parent: #28
يا عبداللطيف كدي أوّل حاجة الأحسم معاك حتّة عدم وجود تسلل على إيسكو دي .. عشان ما تركب الوهمة وتخارج الحكم كدا ساي !!
Post: #31 Title: Re: التحكيم الاوروبي لا يختلف عن التحكيم الاف Author: عبد اللطيف بكري أحمد Date: 04-12-2018, 09:42 AM Parent: #30
صبري ورينا رأيك هنا :
Post: #32 Title: Re: التحكيم الاوروبي لا يختلف عن التحكيم الاف Author: عبد اللطيف بكري أحمد Date: 04-12-2018, 09:46 AM Parent: #31
ضربة جزاء ريال مدريد ضربة مختلف عليها ،،
لكن ورينا رأيك ههنا بعدين نناقشك
Post: #33 Title: Re: التحكيم الاوروبي لا يختلف عن التحكيم الاف Author: صبري طه Date: 04-12-2018, 09:47 AM Parent: #31
ذكرتني نكتة الشافع الكسر الكباية أبوهو قال ليهو ليه كسرتها قال ليهو محمد اخوي برضو كسر كباية :)
وهسي لو كان رأيي مثلاً إنّو الحكم ظلم باريس سان جريمان رأيي دا حيكون علاقتو شنو بي ظلم أمس !!
يعني نعتبرو مبرّر لظلم اليوفي أم ماذا ؟
ممكن تقول لي أخطاء تحكيمية عادية .. ولكن بقول ليك الأخطاء التحكيمية لما تكون بمتوالية طوالي كدا كل موسم وكما مصيرية يعني بتحسم نتيجة ألقاب وتأهل مباشر حتقول عليها شنو يا عبداللطيف !!
ــــــــ
Post: #34 Title: Re: التحكيم الاوروبي لا يختلف عن التحكيم الاف Author: عثمان الأمام Date: 04-12-2018, 09:48 AM Parent: #31
صبري شكلك بتحضر الكورة في الالبوم :)
جايب صورة بعد الكورة طلعت من الدون على اساس الدون استند على اللاعب هههههه
يازول الدون ده لما نط اللاعب كان راجع حركة ورا جيب الفيديو وتعال .
Post: #35 Title: Re: التحكيم الاوروبي لا يختلف عن التحكيم الاف Author: صبري طه Date: 04-12-2018, 09:52 AM Parent: #34
Quote: يازول الدون ده لما نط اللاعب كان راجع حركة ورا جيب الفيديو وتعال .
يعني راجع لي ورا عشان يعمل شنو مثلاً .. عشان يبرما مثلاً .. مش عشان يقفز ويحاول يطلع الكرة برأسه !!
أها قوم يا رونالدو نط وارتكز عليهو عشان يلعب الكورة بارتياح ...
لو ما شجعنا كورة لعبناها يا عثمان أخوي !!
تابع من الثانية 0:45
ــــــــــ
Post: #36 Title: Re: التحكيم الاوروبي لا يختلف عن التحكيم الاف Author: عبد اللطيف بكري أحمد Date: 04-12-2018, 10:05 AM Parent: #35
Quote: ذكرتني نكتة الشافع الكسر الكباية أبوهو قال ليهو ليه كسرتها قال ليهو محمد اخوي برضو كسر كباية :)
وهسي لو كان رأيي مثلاً إنّو الحكم ظلم باريس سان جريمان رأيي دا حيكون علاقتو شنو بي ظلم أمس !!
بتفرق كتير ياصبري
معناها انو الخطأ في التحكيم وارد وممكن يحصل لريال مدريد زي مابيحصل وتستفيد برشلونة
Post: #37 Title: Re: التحكيم الاوروبي لا يختلف عن التحكيم الاف Author: علي محمد الفكي Date: 04-12-2018, 01:07 PM Parent: #36
ردود الافعال ..ترجمة لبعض الصحف والتصريحات : عربيا : - جمال الشريف الحكم السوري ومحلل قناة البى ان سبورت التحكيمى : هناك ركلة جزاء صحيحة لريال مدريد بن عطية لم يدفع فاسكيز لكن قدمه اليسري وصلت الى كتف فاسكيز قبل ان تصل للكرة . - أبو تريكة : لا توجد ركلة جزاء - طارق ذياب : ركلة جزاء ظالمة - الاخضر بريش : ركلة جزاء خيالية عالميا : المحلل التحكيمى لصحيفة اس المدريدية : انها خيالية ,,فى كرة القدم هذه لا تحتسب ممكن فى كرة السلة . محلل الميدياسيت التحكيمي : مثل هذه لا تحتسب ولا حتي الاسوء منها صحيفة سبورت الكاتلونية : سرقة القرن ليكيب الفرنسية : فضيحة
الكوريري الايطالية : نعم تمت السرقه توتوسبورت الايطالية : اليوفي يخرج بقذاره الحكم بوفون حارس مرمى اليوفى : البشر لا يفعلون هذا هذه صفة الحيوانات ,, اذا كان الحكم ضعيف الشخصية عليه ترك الصافرة واكل الشبس مع زوجته فى المدرجات . كليني مدافع اليوفي : لم ارى مثل هذا فى حياتي ,, الان فقط شعرت بما شعر به لاعبو البايرن الموسم الماضى . بيانيتش لاعب اليوفى : عاااااااااااااااااااااار رونالدو لاعب الريال : انها ركلة جزاء صحيحة لقد دفع فاسكيز بكلتا يديه لماذا يحتجون مارسيلو مدافع الريال : ركلة جزاء صحيحة لن يحدث لنا ما حدث لبرشلونة باتستوتا اسطورة الارجنتين : لن اهنئ لفوز بهذه الطريقة اخلاقي الرياضية تجعلنى اتعاطف مع اليوفي وادافع عنه ضد هذه الكارثة الاسطورة تشيلافيرت : مافيا كرة القدم طردت اليوفي من البطولة جون كروس (صحفي أنجليزي) : لا يتفاجئ الناس بعدم وجود حكام أنجليز في كاس العالم . منقول
Post: #38 Title: Re: التحكيم الاوروبي لا يختلف عن التحكيم الاف Author: محمد بدرالدين Date: 04-12-2018, 01:34 PM Parent: #37
اتمنى ان يلاقى الريال روما و نشوف
Post: #39 Title: Re: التحكيم الاوروبي لا يختلف عن التحكيم الاف Author: عثمان الأمام Date: 04-12-2018, 05:32 PM Parent: #38
Post: #40 Title: Re: التحكيم الاوروبي لا يختلف عن التحكيم الاف Author: كمال عباس Date: 04-12-2018, 08:38 PM Parent: #39
جماهير إيطاليا تعترف بصحة ركلة جزاء ريال مدريد 11 أبريل 2018 كووورة شاركغرّد+1ارسل
لحظة تسديد رونالدو لركلة الجزاء اعترفت الجماهير الإيطالية، بصحة ركلة جزاء ريال مدريد، التي احتسبها حكم مباراة الفريقين (3-1)، أمس الأربعاء، في إياب ربع نهائي دوري أبطال أوروبا.
وقالت صحيفة "ماركا" المدريدية، إن الاستفتاء الذي أجرته حول صحة ركلة الجزاء، شارك فيه نحو 311 ألف شخص، أجمع حوالي 57% منهم، على صحة قرار الحكم.
كما أشارت إلى أن صحيفة "لاجازيتا ديللو سبورت" الإيطالية، أجرت نفس الاستفتاء، وشارك فيه 19 ألف شخص،
