الخدمات حق أصيل للمواطن وليس منة منكـ لماذا تضع المواطن أمام خيار مقابلة الرئيس أو ما في شارع أسفلت (ظلط) وهي من أوجب واجباتك خدمة المنطقة وانسانها بغض النظر عن أي شيئ آخر
Post: #2 Title: Re: ليس هكذا تحشد الجماهير يا كاشــا ... Author: علي دفع الله Date: 04-05-2018, 09:26 PM
لعناية ود الباوقة اشهر مطبل في الدنيا
شوف الابتزاز للحشد ما اظنك تقدر تشوف
Post: #3 Title: Re: ليس هكذا تحشد الجماهير يا كاشــا ... Author: Dr. Ahmed Amin Date: 04-05-2018, 10:28 PM Parent: #2
مبالغة يا علي ..
معقول نصل لمستوى زي ده .. انت داير مني حاجة وأنا داير منكـ حاجة
قضيت لي غرضي بقضي ليك غرضكـ
ما قلت ليكم كتـــمت
Post: #4 Title: Re: ليس هكذا تحشد الجماهير يا كاشــا ... Author: Ali Alkanzi Date: 04-06-2018, 09:24 AM Parent: #3
عارف يا دكتور الامة السودانية امة عاطفية وهذا ما خبره الانقاذيون فجعلوه مدخلاً لمخاطبة الوجدان السوداني مع تكبير وتهليل ولن نركع لغير الله اتقول في زول طلبهم بالركوع لغير الله خطبة الرئيس ليس لها علاقة بالتنمية واكبر مشروع يؤثر في حياة الناس مباشرة ونموذج لمشاريع آخرى في الخطة المستقبلية هو مشروع تجميع مشاريع الملاحة لم ير النور إلى يومنا هذا مع ان تنفيذه بدأ في عام ٢٠٠٣ وجعله الرئيس في برنامجة الاساسي في ولايته الثانية القصة كلام يا عوض دكام هي الوعود بقروش؟
Post: #5 Title: Re: ليس هكذا تحشد الجماهير يا كاشــا ... Author: Dr. Ahmed Amin Date: 04-06-2018, 03:13 PM Parent: #4
تعرف ي شيخ علي العاطفية فينا هي سبب كل البلاء بع ين لا توجد تنمية في السودان بالمعني الوطني وان وجدت فهي تنمية طفيلية تفقر الناس وتغني مالكها هذه والله ام المصائب اما محاربة الفساد والنغمة التي نسمعها هذه الايام لا احد يصدقها.
كن بخير
Post: #6 Title: Re: ليس هكذا تحشد الجماهير يا كاشــا ... Author: Ali Alkanzi Date: 04-06-2018, 06:08 PM Parent: #5
الرئيس قال لناس النيل الابيض
"اولادكم لمن تدخلوهم الخلوة ولا المدرسة بتقولو للشيخ أو الاستاذ ليك اللحم ولينا العضم. اما انا بقول ليكم في كاشا دا ليكم اللحم والعضم!!!!!!"
لغة رفيعة على قدر عواطفنا ومشاعرنا فتهزها هزاً وترزاً رزاً والرزاز هو المطر المتساقط بحبات صغيره دون توقف واهلنا يخافون مطر الرزاز لانو بسقي حيط الطين فتتهدم المباني كلام في كلام يا عوض دكام
