نعم الزعماء (المريخاب) والملوك ( الريالاب ) والذين أعتقد أن جيناتم واحدة ما بعرفوا يسوقوا لمنتجاتم وانجازاتم كما يفعل مهرجو أبو الهل وفريق الراجل الواحد الذين يزعجون الكرة الأرضية باطن وظاهر لمجرد أن لاعب بالفريقين الضعيفين سجل هدفا في تمرين.. قد يقول قايل من هنا أو هناك أن الزعماء والملوك أنصار المريخ والريال اعتادوا على الانتصارات والابداعات ولذلك ففوز أي من الفريقين ببطولة قارية كانت أو دولية أمر لا يستحق عندهم سوى يوم أو يومين من الاحتفالات، على عكس المستجدين المخلوعين .. دا قد يكون منطق لكن لا يمنع من وصف الزعماء والملوك بالبرود المستفز بيد أنه ينبغي الحديث عن هذه النعم التي انعم بها ربهم عليهم من باب ( أما بنعمة ربك فحدث). أقول هذا وفي البال ثلاثية الريال الحارقة في معقل السيدة العجوز بالياز ستاديوم (تورينو) أمس، بما فيها الهدف المستحيل الذي سجله قاهر المستحيل وصانع المعجزات الدون رونالدو بحركة تحتاج لعلماء تشريح الهرمونات والخلايا والعضلات لتفسيرها وما أظنهم بقادرين .. خخخخخخخخخ
Post: #2 Title: Re: هرجلة أنصار أبو الهل وفريق الرجل الواحد و� Author: صبري طه Date: 04-04-2018, 11:59 AM Parent: #1
عليك الله .. حصل شفت واحد فينا (كبرشلوناب يعني) فتح ليهو بوست بي هدف لي ميسي ؟!
Post: #3 Title: Re: هرجلة أنصار أبو الهل وفريق الرجل الواحد و� Author: طلحة عبدالله Date: 04-04-2018, 12:02 PM Parent: #2
وماذا عن ( كهلالابي يعني) يا صبري طه ؟ خخخخخخخخ
Post: #4 Title: Re: هرجلة أنصار أبو الهل وفريق الرجل الواحد و� Author: صبري طه Date: 04-04-2018, 12:14 PM Parent: #3
الهلال سبتو للكاردينال .. إن شاء الله يعملو حلّة كمونية !!
Post: #5 Title: Re: هرجلة أنصار أبو الهل وفريق الرجل الواحد و� Author: محمد البشرى الخضر Date: 04-04-2018, 12:17 PM Parent: #4
Quote: وفي البال ثلاثية الريال الحارقة في معقل السيدة العجوز
وما في حاجة في البال كدا عن القرادة الجابت العيش مع الجمل من القضارف
Post: #6 Title: Re: هرجلة أنصار أبو الهل وفريق الرجل الواحد و� Author: Ali Alkanzi Date: 04-04-2018, 01:38 PM Parent: #5
مع تحياتي للاخ الاستاذ طلحة
Post: #7 Title: Re: هرجلة أنصار أبو الهل وفريق الرجل الواحد و� Author: طلحة عبدالله Date: 04-05-2018, 11:49 AM Parent: #6
والله يا صبري كدا أنت كفاءة وبقيت زولي .. كدا نت خليت الهرجلة والتهريج لناس جرجير وما شابه من مخلوقات مزعجة عايزين يكاووا على حساب المنطق والقيم والحاجات دي .. على بركة الله يا حبيب .
يا جرجير قلنا المريخاب مقابل الهلالاب والبرشلوناب مقابل الريالاب .. قرادة منو وجمل بتاع الساعة كم؟.. أيوة الرشاشات قاعدين يزعجوا الدنيا والعالمين حتى لو فريقهم المهلهل فاز على فريق درجة عاشرة وهو ما ينطبق على البرشلوناب، والعكس تماما بالنسبة للمريخاب والريالاب.. جرجرتك دي ما علي أنا .
عزيزي العزيز الكنزي شكرا وتقديرا مفعمان بالود يا حبيب ما عدمناك أبدا .
Post: #8 Title: Re: هرجلة أنصار أبو الهل وفريق الرجل الواحد و� Author: علي عبدالوهاب عثمان Date: 04-05-2018, 12:19 PM Parent: #7
عليك الله .. حصل شفت واحد فينا (كبرشلوناب يعني) فتح ليهو بوست بي هدف لي ميسي ؟!
أذكر في مباراة مصر والسودان في أواخر الستينيات كنا طلبة في الثانوي أذكر مبارة مصر والسودان .. لقطة جكسا وهو طاير في الهواء باكويرد ولكن الكورة طلعب آوت .. وعلى ما أذكر كان حارس مصر إسمه ( الرومي ) ... أبو زهايمر يا شيخ .. وتعليق طه حمدتو المشهور .. أنا لقيت صورة للقطة ولكن لا أعرف كيف أنزلها .. زول تربال .. حليل زمان ناس جكسا وماجد .. يمكنكم نقل الصورة من القوقل .. حركة جكسا أجمل من كورة رونالدو
Post: #9 Title: Re: هرجلة أنصار أبو الهل وفريق الرجل الواحد و� Author: صبري طه Date: 04-05-2018, 12:46 PM Parent: #8
تحياتي أخي علي ...
Quote: أذكر في مباراة مصر والسودان في أواخر الستينيات كنا طلبة في الثانوي أذكر مبارة مصر والسودان .. لقطة جكسا وهو طاير في الهواء باكويرد ولكن الكورة طلعب آوت .. وعلى ما أذكر كان حارس مصر إسمه ( الرومي ) ... أبو زهايمر يا شيخ .. وتعليق طه حمدتو المشهور .. أنا لقيت صورة للقطة ولكن لا أعرف كيف أنزلها .. زول تربال .. حليل زمان ناس جكسا وماجد .. يمكنكم نقل الصورة من القوقل .. حركة جكسا أجمل من كورة رونالدو
أعتقد ياها دي اللقطة المقصودة:-
Post: #10 Title: Re: هرجلة أنصار أبو الهل وفريق الرجل الواحد و� Author: علي عبدالوهاب عثمان Date: 04-05-2018, 12:52 PM Parent: #9
حبيبنا صبري طه .. يا سلام .. الصورة رجعتنا أكثر من نصف قرن من الزمان شوف رشاقة اللاعب السوداني كانت كيف .. تلك الايام كنا في ضواحي الدنيا في الشمال ما في تلفزيونات الراديو بالحجز .. شكراً كثير صبري الحبيب
Post: #11 Title: Re: هرجلة أنصار أبو الهل وفريق الرجل الواحد و� Author: نصر الدين عثمان Date: 04-05-2018, 01:52 PM Parent: #10
حياك الله أخي طلحة وضيوفك الأكارم،
Quote: هرجلة أنصار أبو الهل وفريق الرجل الواحد وبرود الزعماء والملوك
ما كنت كويس يا شفيف... وتدرك جيداً بأن الحال من بعضو فالهرجلة ياها ذات الهرجلة!؟ أراك تعود إلى ضلالك القديم كدي شوف الهدف دة.. ما قبل عصر الديجتال...
Post: #12 Title: Re: هرجلة أنصار أبو الهل وفريق الرجل الواحد و� Author: نصر الدين عثمان Date: 04-05-2018, 01:55 PM Parent: #11
تقول (رونالدو)...
حقوق الملكية الإبداعية في الهدف دة مسجلة باسم الوالي (رحمه الله) ومن زمان كمان
Post: #13 Title: Re: هرجلة أنصار أبو الهل وفريق الرجل الواحد و� Author: نصر الدين عثمان Date: 04-05-2018, 01:59 PM Parent: #12
وما بيفرق كتير طعم (الهدف) لو يبقى جا في (بيفون)
Post: #14 Title: Re: هرجلة أنصار أبو الهل وفريق الرجل الواحد و� Author: Ali Alkanzi Date: 04-06-2018, 07:52 PM Parent: #13
انا مريخابي علي السكين لكن لمن جكسا يمسك الكورة حتى ضد المريخ بتكيف يا اخي هذا ساحر عجيب سوء حظهم انهم كانوا في السودان بالله حامد بريمة دا في العالم في حارس زيو؟
