Post: #2
Title: Re: كوز نيويورك حسن حماد محمد ... وقرع الحركة ا�
Author: muntasir
Date: 04-03-2018, 03:32 PM
Parent: #1
سلام محمد بالله المقولة بتاعت البحر دين انا كنت سامع إنها بتاعت حسن البنّا هيمسلف ما قايلها حقت الترابي اما بالنسبة متين بقت شتيمة شوف بس ناس هي لله ألفي حيكومة الفقر دي ديل كم طلع منهم عشرة نضاف اما بالنسبة لي قرع ود العباس ما سمعت زول نبذوه قال ليه أمشي يا حركة رغم الحاصل في الجنوب حتى بتاع الحركة البكون حرامي بقولوا عليه كوز أو ربيب كيزان
|
Post: #3
Title: Re: كوز نيويورك حسن حماد محمد ... وقرع الحركة ا�
Author: السيد المسلمي
Date: 04-04-2018, 00:14 AM
Parent: #2
قرع ود العباس عشرة بي قرش وعشرين بلاش 😂
...
الف تحية لصاحب البوست وللاخ حسن حماد .
متابعين .
|
Post: #4
Title: Re: كوز نيويورك حسن حماد محمد ... وقرع الحركة ا�
Author: محمد حمزة الحسين
Date: 04-04-2018, 12:00 PM
Parent: #3
تحضرني النكته الزائعة الصيت علي لسان الكومديان فخرالدين
لمن قال زمان ما كان في كيزان ...
الناس بي تشرب بالقرع ...
:
:
فعطفاً علي كيزان بحر الدين الترابيه ...
اي واحد ينهل من ادبيات الحركة الشعبيه يكون قرع أو (فاكه) كما يطلق عليه اهلنا في الشمال
وهي كلمة تطلق علي الحاجه خفيفة الوزن ...
حقيقة الاسم مناسب بس احتمال ما يلقي قبول او إنتشار لانو جاء من زول مغمور زيي كدا...
التحيه للأخ المحتفي به في هذا البوست حسن حماد محمد ...
وما دام صاقعي الكي بورد خِفاف الوزن فلا بأس ان نطلق عليهم قرع الحركة الشعبيه او قرع فاكه...
:
:
:
مع التحيات لله الزاكيات
|
Post: #5
Title: Re: كوز نيويورك حسن حماد محمد ... وقرع الحركة ا�
Author: محمد حمزة الحسين
Date: 04-04-2018, 01:12 PM
Parent: #4
Quote: سلام محمد بالله المقولة بتاعت البحر دين انا كنت سامع إنها بتاعت حسن البنّا هيمسلف ما قايلها حقت الترابي
اما بالنسبة متين بقت شتيمة شوف بس ناس هي لله ألفي حيكومة الفقر دي ديل كم طلع منهم عشرة نضاف
اما بالنسبة لي قرع ود العباس ما سمعت زول نبذوه قال ليه أمشي يا حركة رغم الحاصل في الجنوب حتى بتاع الحركة البكون حرامي بقولوا عليه كوز أو ربيب كيزان |
الاخ منتصر تسلم يا حبيب علي المرور
انا محمد حمزة وليس محمد عبد الله اما المقوله فهي حقتنا والا لاخذ اخوات ولاد بمبا نصيبهم منها (آي اخوات بالتاء )
اما قولك شوف حكومة الفقر دي كم طلع منهم عشرة نضاف اقول إذن المشكله في الأفراد وليس في المنهج والفكرهـ
بعدين ناس الحركة الشعبيه محنم اكبر من سرقة عشان كدا لو سرقوا وخلو بقية الاثنيات في حالا كان خير وبركة من البسو فيهو دا
أما قول كل حرامي يشبة بالكيزان
تعال قيس من يُطلق عليهم كيزان بهذا المنبر خذ مثال
اخونا حسن حماد
انا القدامك دا
الشيخ محمد المسلمي
ولد ابا بريمة
وفي رواية ولد ابا كبر
ووابو الحسين بالانجليزي
واخرين كُثر يكلق عليهم هذا اللقب كشتيمة
يبقي الامر اكبر واعقد من ذلك بهذا البورد
فتك عافية
:
:
اخي السيد المسلمي بوركت يا رجل
فعلاً قرع ود العباس واحدهـ بي قرش وعشره هوادهـ لكنه اقيم من قرع فاكه
تسلم علي المرور
:
:
:
:
مع التحيات لله الزاكيات
|
Post: #6
Title: Re: كوز نيويورك حسن حماد محمد ... وقرع الحركة ا�
Author: muntasir
Date: 04-04-2018, 04:41 PM
Parent: #5
سلام محمد حمزة محمد عبدالله ده منو
|
Post: #7
Title: Re: كوز نيويورك حسن حماد محمد ... وقرع الحركة ا�
Author: حسن حماد محمد
Date: 04-04-2018, 07:08 PM
Parent: #1
أذكر عندما كنا صغار تكثر الالقاب المحببه والغير محببه لبعضنا البعض وقد يسير بين اصحابك اللقب وانت كارهـ ،
الأخ الحبيب محمد حمزة الف مرحب بيك
متابع لخيطك هنا باهتمام وأرجو أن يكون هذا البوست مدخل وايضاح لاستخدام بعض افراد البورد اكليشيهات ومفردات جاهزة وغير ملائمة ضد بعضهم البعض
وفى اعتقادى وصف أى أنسان بماليس فيه دون دراية أو عن قصد امر ليس بالسهل
يجمعنا حوش بكرى وقد لا نعلم كثيرا عن خلفيات بعضنا البعض
وفى معظم الاوقات نكتب ليس لبعضنا البعض ولكن عن قناعة أن هناك الاف القراء السودانيين الذين يلجأوون للبورد بحثا عن خبر او تحليل للواقع او فقط لمجرد الترويح عن النفس والاستراحة
ولو لاحت معظم المهاجمين بنوا صورة ذهنية معينة من خلال كتابات دينق وتفسيره لمواقف حسن حماد
وايضا تلاحظ البعض ذهب ابعد من استخدام عبارات مثل كوز وعميل ومرتزق
هذه المفردات ربما نجد لها تفسير وتبرير (حسب فهمهم )
وذلك لقناعتهم أن الشخص الذى يدعم نظام شموالى قمعى استشرى فيه الفساد لابد ان يكون منتفع وعميل للنظام
ولكن من بين هؤلاء المتنوضلين ومن اسميهم صاقعى الكيبور من يذهبون أبعد من ذلك
كأستخدامهم لمفردات مثل ساقظ ومنحظ وأحيانا يذهبون أبعد من ذلك فى التنابذ والعنف اللفظى
ومنهم من يحاول طمصك مرة واحدة ووضع مكانك حزمة هواء ( كمن يقول من هذا الحسن ذوالفقار ، او من هذا الحسن ابن فرناس )
كأنما هذا البورد حصرى لحملة الدكتوراة والمرموقين المميزين من المرضى عنهم والبقية هباء منثورا
التقليل من شأن الاخرين نوع من الغرور وعدم التواضع وطعن فى ادمية الاخرين ولا يصدر من شخص سوى
اذ القاعدة التواضع واحترام كل الناس حتى ولو اختلفنا معهم - نحن هنا من المفترض أن نكون من أجل تعلية قيم يحتاجها الناس والمجتمع وليس اغتيال بعضنا البعض
من ناحيتى مثل هذه المفردات لا تخيفنى واوافقك الرأى فى معظم الاوقات أقراها وأنا مبتسم
ليس لشئ الا اننى فقط اتعجب من شخص لم يقابلنى فى حياته ولم يعرفنى الا عبر ما يكتبه دينق عنى
وقد قرأنا أكثر من مرة من يذهب بعيدا جدأ ويطعن فى رجولة البعض ويفتخر بكبر ( خ ص ي ت ي ه)
معليش زى ما بتقول اختنا تراجى الله يطراها بالخير ( وجه ضاحك )
لا يساورنى شك بأن معظم اعضاء المنبر مخلصين فى حبهم للسودان ورجاءهم أن يعمه الاستقرار والامن والرفاهية
وهم على قناعة بضرورة ممارسة الديموقراطية والعدالة
واختلافنا مع البعض فى الحتة دى - كيف نثق فى هؤلاء وهم يمارسون عكس مايدعون اليه -
الديموقراطية لا تعنى انكار حق الاخرين ان يكونوا ما يشاءوون - ولا تعنى وصم الناس بالخيانة والعمالة دون دليل
من لا يمارسها فى نفسه لا يمكن أن يرجى منه توطينها عند الاخرين - وهذه مصيبتنا كسودانيين - حتى من يسمون بالمثقفين المستنيرين
لا يقدمون مثلا يتطلع الناس اليه - وهم خارج اسوار البلد ويمارسون الهرجلة واثارة الغبار ومنخرطين فى محاربة طواحين الهواء
واقولها بكل قناعة البعض هنا اسوأ من النظام
يحملون عقلية متسلطة ونخبوية استعلائيية ويارسون ورجغة وغوغائية وتشنج ويتسم بعضهم بسذاجة قاتلة
هناك من ينصبون من انفسهم قضاة فى المنبر -
وهناك تشرذم ضار وشللية تفقد البورد الفرصة للتلاقح وتبادل الافكار الايجابى
دعك من التباغض والكراهية لدرجة جرح المشاعر والطعن فى سمعة الناس
الى عودة قريبة بإذن الله
|
Post: #8
Title: Re: كوز نيويورك حسن حماد محمد ... وقرع الحركة ا�
Author: محمد حمزة الحسين
Date: 04-05-2018, 10:35 AM
Parent: #7
| Quote: واقولها بكل قناعة البعض هنا اسوأ من النظاميحملون عقلية متسلطة ونخبوية استعلائيية ويارسون ورجغة وغوغائية وتشنج ويتسم بعضهم بسذاجة قاتلة |
صراحة الشلليات (cantons) والتنابذ بداء يفرغ البورد من محتواهـ ويفقدهـ البوصله
لدرجة تشرد منه الرواد او قل ضلوا الطريق إليه لوعورته والتضاريس الحادهـ التي تعيق الرأي والرأي الآخر الحر .
المنبر يا عزيزي حسن حماد دخلناهـ لأانه كان حلم ان تزامل الكبار والمبدعين ومنية ان تداخل مع المشاهير حتي صرنا نقرأ لهم ونتابع اخبارهم وابداعاتهم خارج البورد ...
ما يؤسفني بمجرد مجيئنا قد اختفوا أو قُــــلْ قَــــلّ حماسهم ...
السؤال الذي يراودني ما هو الهدف الذي يبتقيه صاقعي الكي بورد من إنتهاج هكذا شتم وتنابذ بالالقاب ؟!!!
| Quote: لا يساورنى شك بأن معظم اعضاء المنبر مخلصين فى حبهم للسودان ورجاءهم أن يعمه الاستقرار والامن والرفاهيةوهم على قناعة بضرورة ممارسة الديموقراطية والعدالةواختلافنا مع البعض فى الحتة دى - كيف نثق فى هؤلاء وهم يمارسون عكس مايدعون اليه -الديموقراطية لا تعنى انكار حق الاخرين ان يكونوا ما يشاءوون - ولا تعنى وصم الناس بالخيانة والعمالة دون دليلمن لا يمارسها فى نفسه لا يمكن أن يرجى منه توطينها عند الاخرين - وهذه مصيبتنا كسودانيين |
ما لونته لك بالأزرق هذا مؤشر قوي لتأخير الثورهـ وإنتظام ألية التغير التي يعرفها الشعب السوداني لان الشعب يعرف مدونة امثاله الشعبيه الحكيمة
كحال المستجير من الرمضاء بالنار ...ويعرف كيف يتعايش مع الجن البي يعرفوا ويخشي الجن الما معروف ...
شكراً أخي حسن لتداخلك الثر ولي عودة لمحدودية المداخلات والفرص .
:
:
:
:
:
الاخ منتصر لك العتبي حتي ترضي كبرنا والعوينات طششن
مع التحيات لله الزاكيات
التعديل فقط للتنسيق وبعض التصحيحات الإملائية .
|
Post: #9
Title: Re: كوز نيويورك حسن حماد محمد ... وقرع الحركة ا�
Author: محمد حمزة الحسين
Date: 04-09-2018, 10:54 AM
Parent: #8
Quote: وفى اعتقادى وصف أى أنسان بماليس فيه دون دراية أو عن قصد امر ليس بالسهل
يجمعنا حوش بكرى وقد لا نعلم كثيرا عن خلفيات بعضنا البعض |
للأسف الشديد صار المنبر بؤرة للتنابذ باللقاب المسيئه والشتائم المرتجله
وكمان جابت ليها سب دين والعياذة بالله ...
أغرب حاجة الناس البي تسب الدين دي كولها مرتاحه وتطق في الكي بورد وتصرف بالعمله الحرهـ
ونحن هنا الدين نقابض فيهو بي سنونا ويتفلت مننا ...
والي حين عودهـ لمزيد من تسليط الضوء علي قرع الحركة الشعبيه .
:
:
:
:
مع التحيات لله الزاكيات
|
Post: #10
Title: Re: كوز نيويورك حسن حماد محمد ... وقرع الحركة ا�
Author: محمد حمزة الحسين
Date: 04-24-2018, 01:02 PM
Parent: #9
فوووووووق
|
|
