Post: #1 Title: بسبب اغتصاب فتاة - الحوثي يهدد بضرب الخرطوم - فيديو Author: ناصر حسين محمد Date: 04-01-2018, 08:22 AM
والسبب كما يقال
اغتصاب فتاة يمنية متزوجة من قبل جندي سوداني في منطقة الخوخة
Post: #2 Title: Re: الحوثي يهدد بضرب الخرطوم - فيديو Author: ناصر حسين محمد Date: 04-01-2018, 08:34 AM Parent: #1
Post: #3 Title: Re: الحوثي يهدد بضرب الخرطوم - فيديو Author: ناصر حسين محمد Date: 04-01-2018, 08:35 AM Parent: #2
Post: #4 Title: Re: الحوثي يهدد بضرب الخرطوم - فيديو Author: ناصر حسين محمد Date: 04-01-2018, 08:42 AM Parent: #3
فواز احمد عياش عضو المكتب السياسي لحركة الحوثي يقود حملة اعلامية مكثفة ضد الخرطوم ويدعو ما (سماهو) القوى الصاروخية اليمنية لوضع الخرطوم ضمن بنك اهدافها
وتوعد بضرب الخرطوم قريبا
Quote:
على القوة الصاروخية اليمنية التعجيل في تفعيل بالستي للعاصمة السودانية الخرطوم لتأديب السفاح عمر البشير
لا تتاخروا يا رجال الله فحصة الخرطوم ضمن الأهداف العسكرية
إشارات قادمة ان شاء الله
Post: #5 Title: Re: الحوثي يهدد بضرب الخرطوم - فيديو Author: ناصر حسين محمد Date: 04-01-2018, 08:44 AM Parent: #4
ليس بعيدا ان تكون دعاية حوثية مغرضة هذا الحوثى لو كان صادقا لدعم تصريحه بتسجيلات محادثاته التلفونية مع السيدة المعتدى عليها فى كل الاحوال مشاركة قوات سودانية فى هذه الحرب لن تجلب لنا غير العار
Post: #7 Title: Re: الحوثي يهدد بضرب الخرطوم - فيديو Author: ناصر حسين محمد Date: 04-01-2018, 09:11 AM Parent: #6
Quote: ليس بعيدا ان تكون دعاية حوثية مغرضة
سلام اخ حسن
اعتقدت انها دعاية ايضا لكن فيديوهات منتشرة ونقاش دقيق في الهاشتاق يذهب الى ان القصة حقيقة
اعتمد من ينفي القصة على قول انه لا توجد قوات سودانية في الخوخة ( لكن اخبار قديمة تتحدث عن قتلى لجنود سودانين في الخوخة )
واما من يؤيد ىالقصة اعتمد على تسجيلات لشباب من الخوخة
Post: #8 Title: Re: الحوثي يهدد بضرب الخرطوم - فيديو Author: MOHAMMED ELSHEIKH Date: 04-01-2018, 09:31 AM Parent: #7
قالوا كمان عبد سوداني يدوس شرف فتاه يمنية
هههههههه
البقت علينا تبقى على كلاب الحلة
Post: #9 Title: Re: الحوثي يهدد بضرب الخرطوم - فيديو Author: محمد المسلمي Date: 04-01-2018, 10:18 AM Parent: #8
التاكيد بعدم وجود قوات سودانية في المنطقة اعتبره صحيح الامر لايخلو من كونه دعاية سوداء ضد الوجود السوداني لاغير
للجندي السوداني الذي فرض عليه القتال وهو كره له نقول: اترضاه لامك، لاختك، لزوجك ، لبنتك؟ اذن كيف ترضاه لنساء الاخرين؟
إلى السيد الرئيس عمر البشير نحن جزء من هذا الجيش الذي اتي ابناءه من اصلابنا ولم يكن الجيش السوداني يوميا مرتزقة كما يسمونه الآن بل هو اعظم ما في بلادي ويكفي رجاله فخراً هم الذين حافظوا على وحدة السودان بدمائهم وعطائهم واستشهادهم من اجل وطن حر موحد ولكنكم نسيتم كل هذه التضحيات وجعلتوا منا دولتين بقرار سياسي فخور بجيش بلادي الذي شارك في حرب العلمين وشارك في كل الحروب ضد اسرائيل وكان جزء من قوات السلام في لبنان وجزء من قوات الام المتحدة التي ارسلتها الامم المتحدة في عهد همرشولد إلى الكنغو ايام احداث اغتيال لوممبا الرئيس اليساري الثائر الذي قتل غدراً بمؤامرة من الغرب بلجيكا وفرنسا أن لجيشنا تاريخ ناصع فمالك تجعله سلعة سياسية ترضي بها ملوك العرب الذي باعوا ارادة الخليج لترامب وعلى شاشات التلفزيون ودفعوا لواهبة الحياة (امريكا) المليارات واعطوك انت الفتات وبالدرب كمان يا اخي استر ما بقى لنا من عورة كشفت واعد الجندي السوداني لحماية ارضه فحلايب احق ان يموت فيها من اليمن واذكرك بقول الله انه من قتل نفس بغير نفس فكانما قتل الناس جميعاً وقول رسول الله صلى الله عليه وآله وسلم : ان نفس المؤمن أشد حرمة عند الله من الكعبة عد لرشدك واتقي الله في اهل اليمن واتقي الله في جنودنا البواسل وللكعبة رب يحميها.
محمد بن سلمان ورط نظام البشير في حرب لا ناقة لهم فيها ولا جمل..
المشكلة ما في كده، عادي النظام مستعد يبيع أي شيء، فهو يعتمد على رزق اليوم باليوم لاستمرارية وجوده في السلطة
المشكلة في " البعض من السودانيين" الذين هللوا لمشاركة جنود سودانيين في الحرب في اليمن، لدوافع ومصالح ذاتية وربما ظن البعض أن نظام السعودية وباقي أنظمة الخليج التي تدور في فلكه يمكن أن تعاملهم معاملة المواطنين
وفي النهاية محمد بن سلمان أدار ظهره للجميع ويمم وجهه شطر السيسي وترامب دون حتى أن يلتفت لهؤلاء ...
أن نظام السعودية وباقي أنظمة الخليج التي تدور في فلكه يمكن أن تعاملهم معاملة المواطنين ..................................................................................................................... اقسم بالله دى اقوى مداخلة للعام اوسكاااار ي مواطن
Post: #16 Title: Re: بسبب اغتصاب فتاة - الحوثي يهدد بضرب الخرطو Author: ناصر حسين محمد Date: 04-01-2018, 02:48 PM Parent: #14
Quote:
التاكيد بعدم وجود قوات سودانية في المنطقة اعتبره صحيح الامر لايخلو من كونه دعاية سوداء ضد الوجود السوداني لاغير
صحيح كيف والاخبار القريبة بتتحدث عن معارك في الخوخة دي بين جيش سوداني وقوات الحوثي .؟؟؟؟؟؟؟
Post: #18 Title: Re: بسبب اغتصاب فتاة - الحوثي يهدد بضرب الخرطو Author: ناصر حسين محمد Date: 04-01-2018, 03:08 PM Parent: #16
أضرار وأذية الكيزان للشعب السوداني تعدت الأن لتصل شعب اليمن الكوز ربنا خلقه منافق لا يهتدي بنصح الناصحين ولا بوعظ الواعظين و الدنيا والجشع والضلال أعمى قلوبهم وعقولهم وأصبحوا يتعاملون كأنه لا موت ولا بعث بعد الموت . وهذا الفكر الضال الدنيوي الذي هدفه فقط التسلط والحكم بأي ثمن هو من نتاج الضال حسن البنا ومن تبعه على الضلال . ولو كان يريد الله بحسن البنا خيرا لما جعل له اتباع يحيون سواءاته وأفكاره الضالة ليأتيه ريع سيئاته في قبره وآخر هذه المأسي جعل الجندي السوداني مرتزق لأل سعود!!!!. .
انا ارجح وقوع حادثة الاغتصاب هذه ثقافة الجنجويد اينما حلوا اغتصبوا الالف فى بلدهم ولم لا فى اليمن هذه مشكلة كبيرة بالنسبة ل الاف السودانيين المقيمين فى اليمن سوف نسمع قريبا عن قتل واهانة واغتصاب السودانيات ربك يستر
العسكري ده مفروض يسلموه لليمنيين عشان يحرقوه في ميدان عام
عالم نجسة، بسبب هذا الذئب البشري ، السودانيين اللي في اليمن حيدفعوا ثمن غالي لأنو حاجات زي دي عند اليمنيين ما بتمر مرور الكرام ، وندعو الله جميعا إنو القصة دي تكون مفبركة
اذا كان عندهم مشكلة مع السودانيين ما اظن كانت ناقصة جريمة اغتصاب ..!
الاخوة اليمنين لازم يفرقوا الكيمان لو كانت مشكلتهم جريمة الاغتصاب دي بس، يفتشوا زولهم، فشنو كلام لو لقيت اي سوداني قدامك وما قدامك دا كلام همجي، وخاصة لو حاولوا الاعتداء على سودانيين عزل، ما حا يكونوا اقل سوء من السوداني الارتكب الجريمة ..
وصلتنى الرسالة التالية من الاخ عبدالمنعم حضيرى عضو موقع سودانيات دكتور حسن مساء الخير من الواتساب انقل لك ما كتبته عن الموضوع
صاحب البقالة التي اتعامل معها يمني نشأت بيني وبينه صداقة ... امس وانا داخل عليه فتح جواله وقال لي تعال اسمع وشوف ... وشفت كيف مرغت قوات المرتزقة الجنجويد شرف وكرامة السودان... انقبض قلبي لما ال اليه حالنا ... ثم تذكرت ما فعلته الكتيبة السودانية المشاركة مع قوات الحلفاء في الحرب العالمية التانية عندما سقطت مدينة طرابلس الليبية في ايدي قوات التحالف وامر القائد البريطاني باستباحة المدينة فما كان من الكتيبة السودانية الا ان اتخذوا مواقع قتالية وعمروا اسلحتهم في مواجهة البريطانيين وقالوا لهم على جثثنا تستباح طرابلس ... فانسحب اليريطانيين واذعنوا للتهديد ونجت اعراض بنات طرابلس بفضل نخوة وبسالة الجندي السوداني ... عمر البشير وزمرته يتحملون وزر هذا الاعتداء الغاشم المذل لكرامتنا بتدميرهم القوات المسلحة ذات الضبط والربط واستبدالها بمرتزقة حروب ليس لهم ضابط ولا رابط ولا حتى وازع من ضمير
الاخ محمد البشرى الخضر لك التحية يا اخى هذا العار علق بنا جميعا ..هذا عار لن تغسله كل مياه محيطات الدنيا.... لقد عملت باليمن فى السبعينات الى بداية الثمانينات من القرن الماضى واعرف جيدا مدى تقديرهم للسودانى واحترامهم له ومدى غيرتهم على شرفهم وكرامتهم وعرضهم ... اسس السودانيون الاوائل وعلى رأسهم الشيخ القدال نظام التعليم فى اليمن وجاء بعدهم الكثير من اساتذة الجامعات والاطباء وموظفى الامم المتحدة واساتذة المدارس الثانوية وقدموا عصيرة خبراتهم بكل امانة لهذا الشعب الذى قدرهم وفضلهم على آلآخرين ليأتى نظام الكيزان الفاسد وجنجويده ليمسحوا كل ذلك المجد ويلطخوا وجه شعبنا بالعار
القضية ليست قضية جندي سوداني طالما صار في بلدنا جيوش غير نظامية داخل السلطة وخارجها وفيهم من هو برتبة فريق . حقو نحمد الله إنو رغم العجائب البسووا فيها الكيزان دي أنو لا زال هناك بلد اسمها السودان.
يا اخى هذا العار علق بنا جميعا . .هذا عار لن تغسله كل مياه محيطات الدنيا.. .. لقد عملت باليمن فى السبعينات الى بداية الثمانينات من القرن الماضى واعرف جيدا مدى تقديرهم للسودانى واحترامهم له ومدى غيرتهم على شرفهم وكرامتهم وعرضهم . .. اسس السودانيون الاوائل وعلى رأسهم الشيخ القدال نظام التعليم فى اليمن وجاء بعدهم الكثير من اساتذة الجامعات والاطباء وموظفى الامم المتحدة واساتذة المدارس الثانوية وقدموا عصيرة خبراتهم بكل امانة لهذا الشعب الذى قدرهم وفضلهم على آلآخرين ليأتى نظام الكيزان الفاسد وجنجويده ليمسحوا كل ذلك المجد ويلطخوا وجه شعبنا بالعار
تحياتى دكتور حسن فرح حتى بعد الازمة هم يحتروموننا وعارفين الحاصل فى السودان شنو
بغض النظر عن مشاركة القوات السودانية في اليمن وبغض النظر إعتراضنا على ذلك وسلوكها,,, هل كلام الشخص الفي فيديو ده وكلام البت كلام موثوق فيه ومؤكد ؟ الضمان شنو يكون كلامه صاح؟ ممكن أي شخص يطلع ويقول كلام زي ده ....
Post: #32 Title: Re: بسبب اغتصاب فتاة - الحوثي يهدد بضرب الخرطو Author: محمد البشرى الخضر Date: 04-02-2018, 08:18 AM Parent: #30
تحياتي دكتور فرح نعم هذا العار لن يغسل و لن ينساه شعب اليمن, بعد اكثر من ثلاثين سنة المتحدث في الفيديو يذكر حادث محمد آدم مسؤول المشرحة بكلية الطب! هذا النوع من الجروح يظل غائرا في شكل العلاقة الطيبة بين الشعوب نسأل الله اللطف و المؤسف أكثر الوثيقة التي عرضت لتبرئة الجندي و تجريم الضحية! تقول الوثيقة على لسان المرأة ادعيت اغتصابي لحرقتي من الجندي لضربي و الاعتداء عليّ طيب السؤال لماذا يضرب الجندي المواطنة من الأساس! وهل في مجتمع قبلي زي اليمن يسهل على امرأة أن تدّعي اغتصابها! وهي تعلم بالعار الذي سيلحق بيها و اسرتها لأجيال
الاخ محمد البشرى الخضر تحليلك صحيح وقد بدأت (البشائر)تلوح فى الافق... اليمنية يارا عبدالله على كتبت: بصراحة اريد بطل يمنى يغتصب سودانية ما يشرفنا الا اذا كذا اخذ ثار بنت اليمن اعرف دكتورة سودانية بمستشفى فى مدينة رداع من كان قدر المسؤولية يراسلنى خاص اعطيه اسم المستشفى https://www.facebook.com/photo.php؟fbid=626511917691705andset=gm.2084374375138939andtype=3andtheaterandifg=1https://www.facebook.com/photo.php؟fbid=626511917691705andset=gm.2084374375138939andtype=3andtheaterandifg=1
الجيش السوداني والدعم السريع لقنوا الحوثي درس قاسي في القتال عشان كده رجعوا للتهديد وإدعاء الإغتصاب, زمان كان بستتهروا بالسودانيين وقالوا حيرجعوهم في توابيت وكلام كتير. الواحد لمن يتعصر برجع للكلام الزي ده.
Post: #36 Title: Re: بسبب اغتصاب فتاة - الحوثي يهدد بضرب الخرطو Author: كمال عباس Date: 04-02-2018, 02:06 PM Parent: #35
كتب السيد عثمان (الجيش السوداني والدعم السريع لقنوا الحوثي درس قاسي في القتال عشان كده رجعوا للتهديد وإدعاء الإغتصاب, زمان كان بستتهروا بالسودانيين وقالوا حيرجعوهم في توابيت وكلام كتير. الواحد لمن يتعصر برجع للكلام الزي ده.)
أهل الجلد والرأس لم يزعموا أنتصار ماسمي بعاصفة الحزم! أو هزيمة الحوثي! عاصفة الحزم فشلت والتحالف تصدع ! قوات الدعم السريع عبارة مليشيا قبلية وجهوية ومرتزقة حتي علي مستوي السودان!أما الجيش السوداني فقد أقحم في حرب لاتعنيه ويقاتل من أجل أجندة الغير - مقابل شوية قروش تعود علي السماسرة والمنتفعيين! ترابنا محتل وسيادتنا مستباحة وأجواء البلد مستباحة! حلايب والفشقة ومجمع اليرموك الذي يقع علي بعد بضعةكيلومترات من القيادة العامة تضربه إسرائيل! وشرق السودان يضرب للمرة الخامسة ووزير الدفاع يبشرنا بإستراتيجية الدفاع بالنظر! والجيش السوداني مغلوب علي أمره أضعف وقصت أجنحته لصالح حميدتي! وأموال الخليج تضخ بسخاء علي مصر الرافضة لعاصفة الحزم ويحرم شعبنا منها~! وبعد. دا يهتف البعض هزمنا الحوثي !هزمنا الحوثي! كدي أول حاجة حرر ترابك المغتصب الحوثي ملحوق!
Quote: الجيش السوداني والدعم السريع لقنوا الحوثي درس قاسي في القتال عشان كده رجعوا للتهديد وإدعاء الإغتصاب, زمان كان بستتهروا بالسودانيين وقالوا حيرجعوهم في توابيت وكلام كتير. الواحد لمن يتعصر برجع للكلام الزي ده.
عليك الله استحي وما تملانا فقر السودان مالو ومال الحوثيين ! هذه قضية سعودية وهابية طائفية ما دخل السودان بها وبجرائم آل سعود ؟!... ما فضل لينا إلا نتمسح بفضلاتهم.
شيء مقزز ومقرف ..عملت مدرساً في اليمن في الفترة من 1992 وحتى العام 1995 والله ما رأيت إلا الاحترام والتقدير والمحبة من أهل اليمن ولا زلت على ارتباط بهذا البلد وأهله فما قام به هذا النظام الحقير أضر بسمعتنا كثيراً وبسمعة السودانين وهم الشعب الأقرب لنا في الجزيرة العربية .
Post: #39 Title: Re: بسبب اغتصاب فتاة - الحوثي يهدد بضرب الخرطو Author: ناصر حسين محمد Date: 04-02-2018, 02:24 PM Parent: #37
التحية لكل من مر بهذا البوست
الامر جد مؤسف خصوصا ان محاولات نفي الحادثة اضحت واهية وضعيفة حسبما اتابع في تويتر
والمؤسف اكثر فتح ملفات قديمة مثل ملف عباس السفاح وظهور اصوات نشاذ لبعض اليمنين تنادي بالانتقام الجمعي من السودان
................................
هذا الدرك السحيق دفعنا اليه المدعو بشة ورهطه تجار الدين
وفي اعتقادي ان اعظم ما سلب منا بواسطة الانقاذ شيئين اثنين هما اخلاقنا السمحة وسمعتنا الكانت زي الدهب
Post: #42 Title: Re: بسبب اغتصاب فتاة - الحوثي يهدد بضرب الخرطو Author: محمد بدرالدين Date: 04-03-2018, 08:49 AM Parent: #41
التحايا و التقدير للجميع و لصاحب البوست الود و الاحترام هناك ايضا بوست للحبيب ود الصائم و نشر فيه الاقرار الذى بصمت فيه اختنا اليمنية .. و هنا الفيديو .. ايا كان الحال ....اذا صحت الواقعة او لم تصح هناك شى ضرورى جدا لابد ان نطالب به الحكومة بل يجب على الحكومة من تلقاء نفسها ان تبينه للناس اجمع تحقيق رسمى للواقعة و الحادثة بشفافية و اظهاره للعالم اجمع الخطا موجود ف كل مكان و لكن اخفائه هو المشكلة .. و خصوصا اذا كانت مثل هذه الحالة التى طالت دولة شقيقة .. و اصلحت عابرة للقارات ...................................... انا عن نفسى اصدق ما قاله اليمنى و الفتاة .. لان الشوهد عندنا كثيرة .. و من شب على شى شاب عليه تحرش الدبولماسى ف بلاد الحرية .. و هو كان بامكانه ان ياخذ ما يريد بشوية دبلوماسية .. الماياردير الذى كان يغتصب الفتيات .. ثم مئات و ربما الالاف الحالات فى غربنا الحبيب و الطامة الكبرى حديث الترابى عن كلام البشير و رايه ف اغتصاب بنات الغرب !!! و الفساد المتعدد و المتنوع و المتجدد .. و ربما اخره هدهد الامتحانات بعد نمل السكر ... .....لهذا لا استبعد اغتصاب الجندى لاختنا اليمنية ... شاب و حيوية و محروم من غريزته الجنسية و لهم سوابق ف الاغتصاب حتى لو هو لم يفعلها و لكنه سمعها كما سمعها الجميع عن اغتصاب الحروب .. و ثم تانيا هل هو فعلا جندى نظامى ينتمى للجيش السودانى ( و تاريخه الناصع ف مثل هذه الحالات ينبئنا به ما حدث لقوة دفاع السودان ف ليبيا ) هل هو فعلا ينتمى للجيش ؟ ام للمليشيات .. و التى سمعنا عنها انها تضم ايضا افراد غير سودانيين .. .... نطلع من مصيبة نقع ف مصيبة اكبر ..و مصائب البلد ف ازدياد و الكلام للفيل و ليس للضل استقيل و ارحل .. مودتى و تقديرى
Post: #44 Title: Re: بسبب اغتصاب فتاة - الحوثي يهدد بضرب الخرطو Author: Osama Mohammed Date: 04-03-2018, 10:59 AM Parent: #42
حقيقة أعجبت جدا بطريقة تعبيرك عن رأيك والنوع ده من النقاش الهادئ والمنطقي أقدره جدا, يعني ما زي الناس الواحد لمن تختلف معه في الرأي على طول يحوله إلي أساءات شخصية وعدم إحترام للرأي الآخر. بعدين الناس مفروض تفهم بأنه أي شخص حر في آراءه, أكتب رأي الشخصي كما أشاء ما لم يكن هنالك أساءة موجهة لي شخص أو فيه أساءات شخصية. أول شيئ على حسب علمي القوات النظامية للجيش السوداني تواجدهم في جيزان ونجران يعني في الحدود والقوات التي بداخل اليمن تتبع لقوات الدعم السريع. ثانيا: أنا لا أصدق ما جاء في الفيديو,, لأنه حتى رد عبدالملك الحوثي على الحادثة لم يكن قويا على حسب فظاعة جريمة الإغتصاب, يعني لو فعلا تم الإغتصاب كان من المفروض رده يكون قوي جدا. وعلى حسب علمي الجيش السوداني النظامي قدم ضربات موجعة لمليشيات الحوثي قبل نشر الفيديو, وعلى حسب ملاحظاتي الشخصية أي جهة تتعرض لي هزائم بتلجأ إلي سلاح الإشاعات. ثالثا: الشخص المسجل الفيديو قال البت بصموها على إقرار بواسطة القوات الإماراتية وبعد داك إغتصبها الجندي السوداني,,, يعني يكتبوها إقرار بأنه ما إغتصبوها وبعد داك يغتصبوها, ده كلام ما بدخل العقل خالص.
في تقديري الشخصي عندنا ناس كتار معارضين للنظام في السودان والمؤسف لمن يلاقوا أي كلام ضد الحكومة على طول بصدقوه وما بتحروا حقيقة الموضوع. أديك مثال بسيط قبل كده هنا نشروا موضوع بأنه الحكومة السودانية إستخدمت سلاح كيميائي في دارفور, أنا شخصيا قلت بأنه الكلام ده ما صاح, أنا من دارفور وقاعد أمشي دارفور وما حصل سمعت شخص في دارفور بتكلم عن إستخدام السلاح الكيميائي في دارفور, وفي الأخير الخبر مات. هل تفتكر لو كان صاح كان ممكن الموضوع ممكن يتم إخفاءه؟
وأيضا أرى بأنه في أشاعات بفكوها ناس الحكومة نفسهم وبعض المعارضين بصدقوا الموضوع ويكبروا الموضوع وبعد داك الموضوع بموت عادي وممكن الحكومة تمشي أجندات كثيرة تحت الإشاعة وانحن ما جايبين خبر.
في النهاية من المفروض أن نتحرى صدق الأخبار التي ترد إلينا حتى لو كانت ضد الحكومة وشكرا
Post: #46 Title: Re: بسبب اغتصاب فتاة - الحوثي يهدد بضرب الخرطو Author: محمد بدرالدين Date: 04-04-2018, 09:16 AM Parent: #45
حبيبنا aosman كل التقدير و الاحترام و عبرك التحية و الاحترام للجميع كلامك جميل و منطقى و هذه المسالة او القضية طالت الجميع .. كل من يحمل اسم السودان .. بغض النظر عن صحتها لان الكثيرين جدا ياخذون الخبر دون ( ان يتبينوا ) من صحتها و مآلات اتجاهها .. و خصوصا مثل هذا الذى يضر الوطن كله و شعب باسره .. ز صراحة نحن ف السعودية تضررنا جدا و تعرضنا لحرج و خدش ( و دخلنا فى اضافرينا ) و قدح بنا ... و ما عارفين نقول شنو و نرد بشنو .....و كل واحد فينا يرد بما فتح الله عليه .. و اليمنين شعب عجيب ...و معظمهم و جلهم عندما يوجه الحوثيون صواريخهم للملكة يتحدثون عنه باعجاب و فخر ...( تاخذهم هاشمية الوطنية ) زى ديل ترد عليهم بشنو و لا كيف.. لان الكثيرين منهم ياخذ السودان كله بجريرة ذاك الجندى .. و الحروب ماسيها كتيرة .. كما تجاوزاتها و ربنا يستر مودتى و تقديرى
Post: #47 Title: Re: بسبب اغتصاب فتاة - الحوثي يهدد بضرب الخرطو Author: aosman Date: 04-04-2018, 11:43 AM Parent: #1
الأخ محمد بدرالدين بالنسبة لليمنيين, أنا في نجران وعندي زملاء كثر من اليمن وكانوا دائما يشعرون بغض شديد تجاه مشاركة الجيش السوداني في اليمن وفي الأخير تكلمت معهم بالمنطق, قلت ليهم طيب نثبت الحقائق أولا, أنا شخصيا بقول ليكم مشاركة الجيش السوداني في حرب اليمن خطأ, لكن الخطأ الكبير منكم إنتو اليمنيين, قالوا لي كيف؟ قلت ليهم: لو إنتو أصلا متحدين وقلبكم على بلدكم وكلمتك واحدة ما كان في دولة في العالم حتتجرء أن تدخل بلدكم وشوفوا التاريخ, المصريين ليه فشلوا في اليمن وإذقتوهم درس حتى الآن ما قادرين ينسوه؟ لأنكم كنتم متحدين وكلمتكم واحدة عشان كده إنتصرتو عليهم. في الأخير إعترفوا قالوا لي فعلا المشكلة الرئيسية فينا أنحن.
بعدين المشاكل الدولية مشاكل مقعدة جدا والمؤسف الآن العالم كله بحكمه المصالح, كل الدول تبني علاقاتها على حسب مصالحها وما يهمها حقوق الإنسان ولا الحرية ولا الديمقراطية وخاصة الدولة لو فيها فساد بكون الوضع فيها صعب جدا.
الاعتراف الصوتي ليس له حجية اذا لم يكن موثقا من اطراف اخرى وكشف طبي اذ من الممكن لاى مستفيد كن هذه الفبركة ااستخدام اي امراة حوثية او غيرها بالمال او اغيره لتاليب الشغب اليمني على الشعب السوداني الارجح ان صاحب الفيديو كاذب اذ كيف لملتحي بهذا الشكل الذي يبدو فيه يستخدم الفاظا غاية في العنصرية يشتم مستخدما لفظ العبد مستعديا في عنصرية ينهى عنها الدين قبول هذه التهمة الغليظة يعرض الشعب السوداني بصفة عامة والمراة السودانية بصفة خاصة للثار في المقابل يتوجب علينا في كل منصات التواصل الاجتماعي ضحد هذه الفرية والاحتجا على الوصم العنصري جني
Post: #49 Title: Re: بسبب اغتصاب فتاة - الحوثي يهدد بضرب الخرطو Author: aosman Date: 04-05-2018, 03:33 AM Parent: #1
الأخ جني, لا فض الله فاك ... ده الكلام الصاح ... من المفروض الواحد ما يخي كراهيته للحكومة السوداني يخليهو زي الأعمى يصدق اي كلام مهما كان كذب أو كلام ملفق ... السبب الرئيسي في نشر هذا المقطع هو الوضع العسكري الراهن للحوثيين, تلقوا ضربات موجعة من الجيش السوداني دي حقيقة, عشان كده زعلانين شديد فعشان كده حاولوا يكلبوا الرأي العام اليمني ويدغدغوا عواطف السودانيين بنشر هذ الفيديو... وزي ما قلت نشر مثل هذا الفيديو دون التحقق والإثبات يضر كثيرا بنا كسودانيين بصورة عامة....
للاسف هذا الخبر مفبرك و الشخص الذى قام بانتاج هذا الفيديو مقيم فى نيويورك واحد الناشطين السودانيين وصديق عزيز لي تواصل معه وهو مقدم طلب لجؤ سياسي وتم ابلاغ سلطات البوليس الفدرالية الامريكية واي سوداني يتعرض لاي مخاطر جرا هذا الفيديو هذالرجل موضوعة ح يكون مستحمي ونؤكد بكل ثقة وخبر مؤكد هذا الشريط مفبرك
Post: #51 Title: Re: بسبب اغتصاب فتاة - الحوثي يهدد بضرب الخرطو Author: aosman Date: 04-05-2018, 08:02 AM Parent: #1
Quote: للاسف هذا الخبر مفبرك و الشخص الذى قام بانتاج هذا الفيديو مقيم فى نيويورك واحد الناشطين السودانيين وصديق عزيز لي تواصل معه وهو مقدم طلب لجؤ سياسي وتم ابلاغ سلطات البوليس الفدرالية الامريكية واي سوداني يتعرض لاي مخاطر جرا هذا الفيديو هذالرجل موضوعة ح يكون مستحمي ونؤكد بكل ثقة وخبر مؤكد هذا الشريط مفبرك
الأخ سيف الدين جبريل,هذه معلومة مهمة جدا, ومنذ البداية أنا كنت مقتنع بأن الفيديو مفبرك, هسي الناس المسكوهم ضنب الكوكو ديل حيعملوا شنو؟