مَلْطَشَاتٌ مع دُورِ الرِّعَايَة اللَّاصِحِّيَّةِ

07:00 AM April, 01 2018 سودانيز اون لاين
دفع الله ود الأصيل-
مكتبتى
رابط مختصر
(1)
... والذمة على الراوية خالتو حنان بت التقر، حيثُ قالتْ:
ذاتَ يومٍ مشينا المستشفى عندنا زول مريض حكوا لينا الناس قالوا لينا:
لو جيتوا قبل شوية كان حضرتوا الشكله ، سألناهم شكله شنو؟!!كمان قالوا
جات سيدة قبل مواعيد الزيارة وقالت لرجل الامن حق المستشفى دخلنى أنا
جيت من مكان بعيد من سفر عليك الله دخلنى اشوف أخوى واطلع طوالى قال
ليها لسة مواعيد الزيارة قدر ما اترجتوا عشان يدخلها رفض قالليك: كلمة منه
و كلمة منها طوالى دفرها على باب الشارع وقعت فى العتبةوطلع الحزام القاش
وكان داير يجلدها بيه لغاية ما الرجال مسكوة؛ و الدنياصيام ومواعيد الزيارة
مزعجة؛ تكون المرا دى راجعة البيت تحضرفطور راجلها و بيتها بعيد
وا لناس ظروفها بتختلف والمفروض بتاع الامن يكون صبور شوية
و يتعامل مع الزوار بكل أدبوأخلاق واحترام الدين المعاملة؛
ولا شنو ياجماعة؟!! التوقيع / حنان النقر

(2)
قلنا لخالتو: و إنتي شفتي حاجة يا حاجَّة بت النقر؟!
!طيب تعالوا إنتي و عمنا علي الكنزي الما داير يفصح،
نديكم شوية ملطشات (فاغة) تدونا جهجهات (مقدوة)

@ ذات مرة ، كان معاي مصاب في حوادث مستشفى خاص طبعن
يعني شعبي و ليس رسمياً عشان ما تشتحوا لي إضنيناتكم.الشاهد: فضلنا
لايصين و مطوطحين قدام البوابة مع حراس الأمنو كان للإجزخانة الشاش
دا بي حقك ، و علا بواسطة . ثم تعال لناسأشعة و إسعافات اولية و ثانوية؛
(الليـــــلة ، كنا ح ننسى وكر الأسعافات) المهجور !!دي عاد خليها ساكت
حيث اختلاط حابل عتة الوطاويط بنابل ريحة ( الزبيتو)، مع مزيج بين
فرثٍ و دمٍ وعرق أباطات و الذي منو دا كمان ب رضوخلو ساه!!

# ودا كلو كان في عز صَنَّانَة تفور المخيخ و تقوم لك كتاحة عصار
الهبباي دي من نص راسك. و الأدهى لامن فقدنا الكاشير ، عشان ندفع دم قلبنا.
قالو دا من قبيلكفرتق و شتت. و لكن الأدهى و أمر بقى ، لامن مشينا نشكيه لسعادتو/
مدير طبي المستشفىلقيناه دا كمان شويفع حنكوشة، شكلو كدا غايتو شهادة (طب وراثي)
منجعص جوة مكتبهالمنيف:حيث لا يقربه زوار و لا مرضى لا من بين يديه و لا من خلفه .
فهيهات هيهات لا جن و لا سحرة بقادرين على أن يجدوا له أثراً. كان عبارة عن حجرة
مكندشة خمسة نجوم . واليوم كان ليلة خميس و صبحانة الجمعة و اللِمَّة مِجْتَمْهَة: شكلو
كدا كان ود ذات الزمن العلينا دا ، حيث كان مُحَاطاً بهيلمانة من الأصحاب ونازلين
ضحك و قرقراب ، و في مَعِيَّتِهِ نخبة منتقاة من الغيد الحسان يلاطفنه و يلاطفهن؛
و يضعن له ( اللُّقَيْمَات و الخصل) بين شفتيه ، على إيقاع آخر وقائع و أحداث
ساخنة لمسلسل (مهند و نور). فلما طرقنا له الباب طرقن خفيفن خجولاُ،
يا زول قامت قيامة أرطغرل ؛ و ثارت حفيظته. ثم عبس في وجوهنا
و بسر ، ثم أدبر و استكبر، حين فتح ليطرنا ليك
شراً من (طَرْدَتْ الكلب داك الأكل الدريش ).

***)))3(((***

لا من جات خالتو حنان النقر تاني تبحت و تسو
في شَغْل المديدة حرقتني قالت:
بكدا ذكرتني ياود الأصيل مسدار النصيحه كتبو
فيهاو برضو كلام كتير عن الدكاترة والممرضات أنا
ما صدقتوا لكن بعد كلامك ده معناها كل شىء موجود.
+++++((((3))))+++++
قلنالا نعلو بس مسدار(النثيحة) داك اللخبتو بو لود أبنعوف معالم
وشو الصبوح و منّنِّور . و ما بركة برضو الما خلاه راقد(كسيحة؟!!).
++ هو يا ريتو ود أبنعوف ظاطو لو سمع نصيحة تنا ليهو. كان يعمل رايح
متل عمك أبو الحُصّين (الثعيلب) داك اللي لامن جاء يخاطب صاحب السمو
و الجلالة و الفخامة/ ملك الغابة، يوم قعد يملحس ليه و يقول: هذه الفريسة لفطور
سموكم؛ و تلك لغداء جلالتكم؛ و أما الهنوووك ديك ، فطبعن لعشاء فخامتكم. فتبسم
الأسد و جعل يبرم شنبه؛ و سأله:" من علمك هذا ؟! فنظر الثعلب إلىصاحبه اللدود/
المرفعين ، و هو مُثْخَنٌ بجراحه و مضرج بدمائه ،ثم قال:" تعلمته من ذاك
الحيوان و قسمته الضيزى الرعناء". هذا، و ما أكثر الثعالب
في زماننا هذا، و في بلدنا الحبوب هذا.

(4)
® جهجهة في قسم الحوادث π√
الجهجهة الجاية المرة دي حصلت للأسف، في أكبر مستوصف 5 نجوم في البلد؛
من الطراز اللي يشار ليه بالبنان. بس أجلناها بعد ضحوة العيد ، مراعاة لأصحاب القلوب الرهيفة ،
لما فيها من مشاهد مقززة للغاية.
# حكي لي صديق قال:" أبونا شيخ كبير ، و مضروب سكري. مرة أضايق علينا أسعفناه جرينا
بيه هناك. دخلوه طوالي عناية مكثفة. و فضلنا مرزوعين في قاعة الانتظار نزرعها جيئتن و ذهابن بخطانا الضائعة.

#في الأثناء خرج علينا أحد التمرجية شايل كراع أبونا ملفوفة بفوطة، تراها متل فسحة الديك/ تور و يصيح:
يا أولاد فلان الفلاني، هاكم امشو أدفنو دي سريع!

# فشلناها و مرقنا نشوف لينا أقرب فاروق و لا أحمد شرفي . و قبل ما نلقى لينا أمجاد ولا ركشة ساهلة.
تاني جاء نفس التمرجي، يكورك: الجماعة ديل نعلهم أبعدو . رجعونا ليه ، قال: تعالو لحقو الحاج لموه على
بعضوو استروه معاكم مرة واحدة.

++++++(((5)))++++++
تحين يا مصطفى بدوي قوت لي: ود (المنشار)
هي قصدي :المستشار طالع سمسار زي ود الفار
الحفار طالع جقر و(فسيان) كمان هههه و الله درر
.يا جماعة ما تبحتو تجيب, لينا تباريح الهوا .
دي حاجات قاعد مرات بتجيبا القافية براها.

@ عمومن و كت الحديث جاب لينا العريس،
خلونا نعمل سندة استراحة بعنوان // ورني بولك
بوريك كوعك من بوعكو بشخص ليك عائلتك وعائلة
أبو أهلك ظاطوعن بكرة أبيها ، فردن فردن)

# فا دا واحد عمك ، كان ماشي مطلش في الملجة، قام عتر وِطَالُو قشرة
موزة و لا بُجَّانَة (قرفة) بتيخة، يلا، غايتو لوما ربك لطف،و سند في شباك
محكمة العمد، و كان توشك يا‎ البحر جاك زول. بس كسر كوعو قام جاري
للحكيم في أقرب شفخانة‎.. و قال للتمرجية: داير أقابل الدكتور! التمرجية من
آخر شلاضيمها: قالتلو:عايزين عيّنة من البول لو سمحت! - الراجل دخل في
حيص بيص ظاطولامن لونو انختف و قال ليها: عشان شنو عينة بول يعني؟!
و شنو الدَّخَّل البول بكوع إيدي، ثم التفت يحدث نفسه دي الظاهر دي
خميرة عكننة و لداحة (كيزان ) من صباح الرحمن)!!؟

@ لكن التمرجية مصرة و بعصبية موبااالغة: بكيفك يا خوي، لازم عينة بول
عشان تدخل على الدكتور.. دا النظام كدا، هن عجبك . مافي بول ..يعني عاد أكان
شنو داك و كاان رويحتك مرقت هق مافي علاج. الراجل سلّم أمرو لله و قال: يلا
مافي مشكلة؛ على الأقل نلقى حتة نشر فيها؟ بدل ما ندفقو فوق كريعاتنا ساه.

# يلا،ن مشى دنقر في أقربكوشة. قضى غردو. و جاب ليهم عينة البول
سلموها للدكتور. و بعد شوية ندهوه و لما الدكتور شاف المريض ابتسم و قاللو:
و اضح الضربه جات قويه. بس اتطمن كوعك سليم و ما في عوجة طب! المريض
مستغرب : لاكين كيف عرفت يا دكتور دا كوع: أكيد البنية القاعدة برة دي قايلا لك !! ‎
- الدكتور: لا أبداً، ياخي بسيطة.. كل ما في الأمر، إنو تحليل البول هو اللي يبين كل شي.
عندنا جهاز حديث كداً؛ ياخي دا عامل صيحة في عالم التحاليل،؛ كدي خد المهم دا خليه
معاك تدهن منو محل الأذى و بعد اسبوع تراجعني ( و ليك علي،ح أوريك المكشن
برا بصل) و أ ووووعك تقوم تنسى تجيب لينا عيّنة البول معاك.

++++++(((6)))++++++
الحاج رجع بيتو و في راسه خرتمية سعال محتار في الاختراع الشيطاني دا،
و قال لأهلوعن الموضوع و قعدو يضحكو عليه وقالو لو دا نصبدكاترة و مافيش
حاجة اسمها تحليل بول بالكمبيوتر ظاطو.بعد اسبوع الزول الكوع طاب مية مية و
قرر يرجع للحرامية ديل. يلا واحد من شفعو اقترح عليه انو ينصبو فخ لكشف شبكة
الاحتيال دي يلقنوها درساً.قام الولد كب ليك عينة من بوله على رشة من بول البنية
أختوشويفعة روضة، على شوية من بول أبوه و عليها قدحة من زيت فرامل العربية:

.@ عمك شال (كوكتيل البول) و يلا فللي على الممرضه جاكعصار،
قام سلمها العينة الموقوتة!و قعد منتظر يطقطق في أصابعينو مراقب الموقف،
و كشمة مكبوتة تدافر في كناكينو متل بحر الدميرة. بعد نص ساعه كدا تقريباً
طلع الدكتورعرقو دا لمان سايل من سداغاتو و ماسك ورقة نيتجة الفحص
طويلة ليها بداية ما ليها نهاية ‎.. قام المريض وسأل الحكيم بنوع من التهكم:
ها بشر يا دكتور شن لقيت في التحليل سبع و لا ضبع!!؟؟

++++++(((7)))++++++ @
لكن الدكتور ردالو التحية بأسوأ منها، ثم قاللو ببرود إنجليزي:
يا خلف الله ، واضح ياخي إنو كوعك شفي و برا تمام التمام بس في
شوية نتائج غريبة هنا!!؟الحاج نفسو قام فجأة: يعني شنو غريبة؟؟؟
يا حاج كدي أهدأ شويةو روق نفهمك: أول هام لقينا في دمك دعكة صبغة
(نظام موت بطيء) من ا ستنتاجاتنا، بنرجح سببها يكون (غاز ثاني أوكسيد
اللعوتيك). الظاهر يا إمتن إنك بتاكل سواس(علف حمير) و لا تكون بترمرم
في الكوش . تاني هامو لدك طلع بشم بلاوي .تالت هام و دا ظاطو الأهم ، فا
طبعنبالنسبة للأمورة الحلوة بنتكم المصون نقولألف ألف مبروك في شهرا
الخامس، يعني تاني ممنوع جري و لا طلوع سلالم بسياريت نعمل ليها
ألترا ساوند و إن شاء الله يا رب ذكر و لو بت، برضو من المستورات
.ثم بعدينما تنسى يا حاج عربيتك مدي عايزة شنابر!

# أها من حيسك دا أكان لاقاك زولن حاقب عصايتو
و طابق بوقجتو و(شايل رفاة قلبو الحرق) و حايم يلقط قزاز
عينات البول من الكوش طوالي تعرفو دا صاحبنا ياهو أكيد بكون
شغال لصالح العصابة إياها!!!..و قالو كمان ناويين يفتحو بزنس
في مجال همبتة و بيع الأعضـــاءالبشرية.يلا عايزين
نشوف السنون يا جماعة و دام الكل عزيزاًعلى قلبنا.
فنسالك اللهم أن تفك تكشيرة أمتي بأسرها،،،
// فلا تنكء الجرح القديم ، فإنني ودعت ليلا مظلما و ثقيلاً؛
و حملت روحي في فــــؤادٍ نــــازفٍ ما زال نصفهو مشلولاً!!
،

الحبيب الاصيل ود الاصيل
طبعاً قصص المرضى في المشافي الخاصة والحكومية مسلسل الف ليلة وليلة
واطمنك انني سافصح عن المعايب والنواقص التي وجدتها في مستشفى ٥ نجوم
اليوم ان شاء الله
مودتي

Quote: و قالو كمان ناويين يفتحو بزنس في مجال سرقة و بيع الأعضاء البشرية.

بس دي بتخوف ..

متابع .. ومتابع مع ول أبا الكنزي

تسلم ..

بريمة

(6)
لله درك أخوي بريمة آدم . و إنك لسهم لا يغادر كنانته
إلا نحو هَدَفٍ بعينه ؛ إذ تقف دوماً على نواصي أحرفي
المُهملةِ على عواهنها بلا نقْطِ إعجامٍ ؛ لتحيط بمقاصد خربشاتي
الرامية إلى أبعد من أرانب أنوف الكثيرين مِنَّا ، تماما كما يحيط
سوار الدهب المجمر بمعاصم بنات أفكاري. بل إنك لتقف قبالتي
لنتحاذى بالمناكب و الأقدام ، فنتجاثى بالرُّكَب كفرسي رهانٍ ،
و كمرآتين صادقتين؛ لا بل هي مرآةٍ واحدةٍ، شُطِرَتْ لنصفين،
لتتصفحني فتعكس لي دواخلي بأقرب و أشف ما توهمني به
بعض ظنوني و ترفرف به جنحة أضغاث
أحلامي الفضفاضة، لتطرب أذني.
*********(((((+++)))))*******
فبشيءٍ من الإمعان و التحليل، لمقالتي الموغلة في اللبس
و الغموض أتمنى لمن أخذ عواهن كلامي على أنها نكتة
(سمجة) أن يعيد تصفح قرطاسي ليقرأ قُصاصاتي المبعثرة
مراراُ و تكراراً ؛ فلعل الله يفتح عليه بشيء من بقايا حتى.

¶ و أما من من الناس من قلنا لهم: "أن الأمر ليس للفهم أصلاُ ،
و إنما فقط للاطلاع و حفظ الملف"، فقد كنا نعني ما نقول فعلا.
لأن قضايا بكل هذه الفداحة . لا مجال لمعالجتها سوى بأسلوب
(كوميديا أرضية) حالكة السواد . لصاحبها العم / ديكارت،
حينما اكتفى بقوله ( أنا أفكر ، إذن أنا موجود). إذن ،
فلتصبر أخوي بريمة و لتحتسب؛ ثم تحسس راحات
قدميك، فأنت على مشارف واحدة من أكبر
جمهوريات الموز الكاذب.
*******(((((+++)))))********
………….
بالله موش حكاية فعلن عجيبة
لامن ظاطو تضحك الغنماية ؟!
ربما تكون دي أحدث تقنيات التشخيس
الطبي في الألفية الرابعة !!!طيب لو رجعنا
لناس المافياديل لو الزول عندو حبس بول مسلن،
يا ربي يجيب ليهم شنو عشان (يَخَلِّلُوه)؟؟؟!!!
طبعن ، برضو لازم ح يشيل عينة بول ،علا عاد كمان
المرة دي أوعة من الحكيم و تمرجيتو أم شلاضيم!
و لا عشان ما يلخبت اللختساسات، أحسن المرة دي
يوديها لي أقرب معراقي راسو عديييل كدا !عشان
كمان بالمرة يتم الناقصة دجل و شعوذة و بكدي
تتحقق لينا مقولة إ،و: ( لكل فولة مختستكة
كيالٌ أعور و لكل ساقطةٍ ، فلابد من لاقطةٍ).
هذا و دمتم .. دمتم .. دمتم سالمين!!!

(7)
سلمت أخوي الگلس/ بريمة،،،
أولن ، تجدني عاجزا تمامن ، أمام فيضٍ
من فضلگ بغيض من بالغ امتناني و عاطر ثنائي
مرفوعاً مثنى فثلاثَ و رباعَ إلى صاحب السمو و النبل العاطفي/
حبيبو / ود الگنزي ، أقال الله عثرته و رد عافيته./موصولا طبعن إلى
سيدناالباشمهندس / بگري. رضي الله عنه و أرضاه. و سدد الله مسعاگم ،
حتى نحفظ ودنا و نمير أهلنا و نزداد كيل بعير.من (گوتة) التموين.

©¶ بس في هنا مسمار قلاووظ:
فعلى رأي المثل: (جات الحزينة تفرح
و لكن ما لقتشي مطرح).عمومن ، ما علينا
و أنتثو ما قصرتو سويتو العليكم و أكتر كمان.

∆ ولو ما أخاف الكضب، أقولك:الرسالة وصللت.
و تذكرني هذه بفتي الأخدود حين فشل جلاده النَيْلَ منه،
حتى اضْطُرَّ الفتي لإعطائه الوصفة بنفسه بأن عليك لِتَتَخَلَّصَ
مني "بأن تجمعَ الناسَ ملَّ الناّس على صعيدٍ واحِدٍ، و تصلِبَني على
جِذعٍ نخلةٍ، ثُم تأخُذُ سَهماً مِن كُناَنتي، و تضَعُ السَهم في القَوسِ ، ثُمَّ
تدعو "بِسمِ الله َربِّ الغُلاَمِ" ثُم ارمِني ، فإن فعلتَ قتلتني و استرحتَ"

∆ فَنفّذَ الملِكُ كُلّ تعليمات الغُلام بحذفيرها حتى تسنى
له قَتْلَهُ، فصاحَ النّاسُ: " آمنّا بِرَبِّ الغُلامِ"، و قدْ وقَعَ أخشى
ما كان يخشاه و هو أن عرف الكل أن (للغلام ربٌّ يحميه).

¶ مسمار تاني : والعبرة هنا أنه كما سبق و قالها سعيدٌ ابن ُجبير
للحجاج بن يوسف الثَّقَفَي"ما ذل ذو حقٍّ و لو تضافرَ عليه من
بأقطارها ؛ و لا عزَّ ذو باطِلٍّ و لو سَطَعَ من على جبينه القمر"

اقتباس : المشاركة الأصلية كتبت
بواسطة /أشرف الجعلي مشاهدة المشاركة ]
هههههههههههههههههههههههههههههههههههههه
والله إبداعاتك ود الأصيل.. يا ود العزتين ياو عابر
السبيلين ،الله يديك العافية ويديم عليك الفرح يا رب.
**************8****************
لك احتراماتي و أثلج الله صدرك أخي مشرفنا الأشرف
يا حامل الأوسمة و النجوم المتلألئة إنه ليوم سعدي و من حسن
طالعي أنك تشرفني بمرور موكبك الأنيق.. طبعاً دي كانت نكتة
سخيفة عشان تورونا سنونكم في رمضان (قالو شر البليلة ما يضحك)
و لكنها لا تبعد كثيراً عن واقع حالنا الأخلاقي ، حيث يعطىالخبز في
حقل الطب وباقسي االحقول لغير خبازيه بعد تعليق مصارين
الحقيقة على مشلعيب ظروفنا الاقتصاديه
........................
و هذه شهادتي على عصري منذ جيلي حيث كان يا ما كان
الطب يدرس في كلية واحدة فقط على نطاق الوطن و المذاكرة
من الكراس في سرير داخلية(حسيب)؛ فلا تجريب عملي و لا تشريح
جثث و لا هم يحزنون.. اللهم إلا أرنباية ولا كديسة واحدة بس في السنة
كانو يضبحوها قدام 60 نفر من طلاب سنة ساتة طب ، يشوفوها بس نظرة
يال السمحة أم عجن و بعدين فني المعمل يشيلا ليك معاه يتشلغم بيها في الغداء
و يلا انتهينا. طيب أاسمع دي و الله حصلت لزميلي شخصياً كان معظم امتحاناته
يؤديها و هو طريح فراش المرض في مستشفى المناطق الحارة ؛يعاني من مرض
باطني غامض كان الموت أهون عليه منه لاستعصائة على التشخيص محلياً. لحد
ما ربك رب الخير أكرمنا برحلة لفرنسا فنصحوه بأن يسبقنا بأسبوع على القاهرة؛
يشخصثم يتنظرنا ترانزيت في المطار نسوقو معانا يستكمل علاجه في فرنسا.
# في مصراكتشفو لقو أخونا عندو( زائدة) كان يعاني من مجرد زائدة دودية
تصدق ، بس متحجرة بالعناية الإلهية؟ و فعلاً أول ما نزلونا هناك في مطار
أورلي أو شارل ديغول ماوش فاكر اسعفو لينا صاحبنا هوا من المطارعلى
مستشفى المدينة الجامعية الواقعة فيإحدى البلدات و الضوحي المغمورة
النائية( بوتاتييه) في جنوبيغرب فرنسا و بعد العلاج خصصت له
ممرضة لملازمتة اثناء النقاهة في سكنه الجامعى. ثم لك
أن تتخيل ، فقط إنو ذاك المستشفىالطلابي الريفي
كان يرتفتع شاهقاً إلى عنانات
السماء الدنيا بعدد 60 طابقاً!!
………………..

مشاكسة امن Abdelazim :
والله ياخوي الطب اتطور قالو تطور
شديد .
@ لا طبعن ياعظمة هو من تالا تِطِوَّر موهو تِطِوَّر
نصاح ، علا بس أفقي، أو بالأحرى تارِّ ي لي للخلف.
فقد سمعنا بطب بشري و طب بيطري، طب شعبي و آخر
رسمي و ثالث للأعشاب. و مع الطب النبوي ظهر واحد نووي
و آخر شرعي، و طب للمناطق الحارة و أيضاً الباردة ، و أما
"طبيب بالوراثة" فلأول مرة حسب علمي المتواضع جدن.

# و بالمحصلة : تلقى كولو من هب ودب في تلك المرافق
الحيوية موش استشاري ولا عمومي ،ياخي موش تمرجي ،
حتى لو عربجي سيد لبن و معاهو قرشين حلوين وعندو شافع
إن شاء الله ساقط أساس، بس جري يلحق بيه أقرب كلية طبابة إن
شاء الله مبينة
(كرنك) كان في (أم صفقاً عراض) و لا في (أم دم حاج أحمد)
و لا حتى (غزالة جاوزت) و طوالي يجيبوه يدعالو بالطوبيوت
الأشباح الأبيض عليه سماعة، بس سماحة جمل الطين و لو جيت
بعد داك مديتلوروشيتة، يدنقر ليك فيها لامن يريل و يتساءل بك
ل براءة: يا حاج إتا تحين دي مي الواو الضكر؟!

# و هي ظاهرةٌ فاشيةٌ في كل المهن تقريباً و لنبدأ بالأمثل فالأمثل،
أمسك عندك مسلن خطباء المنابر وعينك على الإعلام من أوسع شاشاته،
تجد أن رؤوساً لهم قد أينعت. والله عالم متى سيحين قطافها حتى يرث الله
الأرض و من عليها. و كذا جاز لابن العطار أن يطلع لينا مطار(تمباك)،
و صبيالطبال يمرق طمبار و بت الحكامة تعمل حجامة. و ما بعيد شافع
المحامى يطلعأشفت شرامي، عشان لازم ود الثعلب يشرب أكبر مقلب.
كمان حلاة الواحديقول ليك: أنا أصلي متحدر من أسرة فنية و كما
ن مخضرمة،حيث إنو أمي حكامة و خالي طبال. والله فيك
الخير , خلاس والله يا ود محمود سليم الحصري).
………………

والله حيرونا ذاتو وبقينا ما عارفين
الدكتور منو والامباشي منو
ي زول ماك طالبني حليفة ،
علا مرة نزلت لميت شُفَّع فريقنا
زي عشرين درفون كدي؛ جبت ليهم الطهار
(أصلن تمرجي متقاعد بالما عاش اللي يزعلك) .
المهم جانا ليك راكب حمارو جاهز بي عدتو عبارة عن:
سكين ميتة و بوبينة حجر بطارية قديمة لاقطا من الكوشة.
يلا و لما ليك في شنابير الوليدات ديل تكطعهعبارة عن مجزرة
فيها نوعمن السادية. يعني هن مو قلبلك قوي ما تقدر تعاين
لها ظاطو. وبعد داك يبدأ الدم يبتِّر و الضحية يرقص
مذبوحاً من فرطة الألم، و يلا عمك يفتح ليك
البوبينة و يحتحتليك سواد بدرة الدُك
السامة ديك من فوق للجروح
حارة لامن يشلوِط.
شايف كيييف ؟!!