Post: #1
Title: للبيسافرو كتير.. هل مررتم بهذه التجربة؟
Author: Abureesh
Date: 03-30-2018, 08:29 PM
08:29 PM March, 30 2018 سودانيز اون لاين
Abureesh-أمريكا
مكتبتى
رابط مختصر والطائرة فى الجو وانت متغطى بالبطانية نايم. تصحى ولكن قبل إزاحة
البطانية تمر بفترة قصيرة ما تعرف الطيارة ماشية وين. من مر بالتجربة
يعلم انها ممتعة للغاية.. ولا يريد إزاحة البطانية .
|
Post: #2
Title: Re: للبيسافرو كتير.. هل مررتم بهذه التجربة؟
Author: عبد اللطيف بكري أحمد
Date: 03-30-2018, 10:34 PM
Parent: #1
سافرت اطول رحلات في حياتي كالتالي:
الرياض - غوانزو عن طريق هونج كونج
شنغهاي - لندن نون ستوب حوالي ١٤ ساعة
طوكيو - الدوحة
أمستردام - نيويورك
أقسم بالله العظيم ما غمضت عيني دقيقة
تقول لي نايم ومتغطي بي بطانيتك؟
أبو الريش انت بي صحك؟؟
|
Post: #3
Title: Re: للبيسافرو كتير.. هل مررتم بهذه التجربة؟
Author: Basamat Alsheikh
Date: 03-30-2018, 10:55 PM
Parent: #2
ابو الريش وعبد اللطيف
اعشق السفر بالطائرة وخاصة في السفريات الطويلة والطائرات الضخمة.لكن السفريات القصيرة
وبالطائرات الصغيرة فهي مزعجة للغاية وتحس ان الطائرة ستقع في اي لحظة من كثرة المطبات
الهوائية واهتزاز الطائرة وكانها عصفورة في مهب الرياح،،،اما في السفريات الطويلة مثل نيويورك
الدوحة فاغط في نوم عميق كانني نايمة في البيت .
وبالمناسبة يا ابو الريش صورك في القاعة الفخيمة في ابو ظبي عجبتنا شديد باللبس السوداني
وشعرنا وكانك تفتخر بانك لابس لبس سوداني بالجلابية والسديرية،،good for you..وذكرتنا
استاذ جامعي سوداني وزارنا في الجامعة في نيويورك ويلقي محاضرة وكان لابس زي لبسك
زي ده بالظبط وفرحنا جدا جدا ..لكن في الحقيقة لمن شفناه اول مرة في حوش الجامعة كاد ان
يكون تعليقنا سلبيا في البداية ، وبعد ان عرفنا بنفسه وانه بروفيسور لمنا انفسنا كثيرا وعرفنا جيدا
بعد ذلك ان المظاهر خداعة، واصبح ذلك درسا لنا ان لا نقيس الناس بالمظهر الخارجي .
ودمتم بخير وصحة وعافية
|
Post: #4
Title: Re: للبيسافرو كتير.. هل مررتم بهذه التجربة؟
Author: Abureesh
Date: 03-30-2018, 11:59 PM
Parent: #3
"أقسم بالله العظيم ما غمضت عيني دقيقة"
مصدقك يا ابو عبدة مافى اتنين تلاتة. بس ليه لكن؟
برضو تعتمد على عوامل كتيرة.. يعنى لو محدود بين نفرين
سمان ما حتقدر تنوم.. ودى بالمناسبة انا اضيفها فى دعاء السفر
اللهم احيينى نحيفا واحشرنى فى زمرة النحفاء.
اول امس من جدة لنيويورك الطيارة كانت شبه فاضية والمقاعد التلاتة
انا بس.. رفعت يدين الكراسى ونومة واحدة 6 ساعات. بس بدون قطع
كلامك مطار الملك عبدالعزيز.. ما الاحترام لصاحب الاسم.. إلا توبة نصوحة
تانى لا ترانزيت لا خلافة. تعبان شوية عليه.
|
Post: #5
Title: Re: للبيسافرو كتير.. هل مررتم بهذه التجربة؟
Author: Abureesh
Date: 03-31-2018, 01:18 AM
Parent: #4
بسمات الشيخ.. كيفكم وشكرا على المرور والتعليق"وعرفنا جيدا بعد ذلك ان المظاهر خداعة، واصبح ذلك درسا لنا ان لا نقيس الناس بالمظهر الخارجي ."واتمنى ان تسحبى هذه على المظاهر بتاعة البدل والكرفتات برضوأمانة ما فى كتار لابسين بدل وهم على باب الله من الفهم.
|
Post: #6
Title: Re: للبيسافرو كتير.. هل مررتم بهذه التجربة؟
Author: محمد المسلمي
Date: 03-31-2018, 09:09 AM
Parent: #5
سلام ابو الريش ولعلك بخير
انا حدي مع الطائرة اقول دعاء السفر ووضع علامة عدم الإزعاج تاني مابصحي من النوم الا والطائرة في المدرج عند الهبوط
-----
أحياناً اكثر من 14 ساعة نوم متواصل
|
Post: #7
Title: Re: للبيسافرو كتير.. هل مررتم بهذه التجربة؟
Author: Basamat Alsheikh
Date: 03-31-2018, 11:18 AM
Parent: #6
محمد المسلمي
وتفوت الوجبات الدسمة في الطيارة؟
وحتى لمن استغرق في النوم ما بخت علامة عدم الازعاج وتربيزة الاكل تبقى مفتوحة عشان المضيفة ما تنسى
تضع الوجبة في التربيزة حتى وانا نايمة(وجه ضاحك).
واذا انت تنشد افضل والذ الوجبات فعليك بالخطوط القطرية
ودمت بخير وصحة وعافية
|
Post: #8
Title: Re: للبيسافرو كتير.. هل مررتم بهذه التجربة؟
Author: Osman Musa
Date: 03-31-2018, 11:18 AM
Parent: #6
أبوالريش يا حريف سلامات
المتعة مع طيران الإمارات دبي ريودي جانيرو . مضيفا ت زي الصيد من 9 جنسيات مختلفة .
يتكلمن اكتر من 20 لغة . لما الرحلة كانت مبارية البحر الأبيض المتوسط في اتجاه الغرب المضيفة
القدمت لينا الشاي صومالية أمريكية من ولاية منيسوتا . مقيمة في إمارة أم القيوين . تتكلم عربي تقول
كشفت امتحان النحو . و لغة انجليزية ليها طعم .
عليك ألله بعد ده تاني شن بسوي ب البطانية . ههههها
تحياتي
|
Post: #9
Title: Re: للبيسافرو كتير.. هل مررتم بهذه التجربة؟
Author: Abureesh
Date: 03-31-2018, 03:22 PM
Parent: #8
محمد المسلمى.. سلام وكيفك يا ود الكباشى
شخصيا انوم ولو صاحى اشاهد بعض الافلام العربية والهندية..
|
Post: #10
Title: Re: للبيسافرو كتير.. هل مررتم بهذه التجربة؟
Author: Abureesh
Date: 03-31-2018, 03:26 PM
Parent: #9
اخونا عثمان موسى
انا اسافر كتير جدا فى الخطوط دى.. ولو الصومالية عجبتك وصفها لى.. ممكن اخطبها ليك لو ما مرتبطة.
|
Post: #11
Title: Re: للبيسافرو كتير.. هل مررتم بهذه التجربة؟
Author: عبدالعظيم مكى
Date: 03-31-2018, 04:48 PM
Parent: #10
مررت بهذه التجربة وأنا راكب حمار ببردعة، عندما صحيت من النوم كانو نازل على مدرجات سلم لا نهاية لها.
|
Post: #12
Title: Re: للبيسافرو كتير.. هل مررتم بهذه التجربة؟
Author: Abureesh
Date: 03-31-2018, 07:06 PM
Parent: #11
عبد العظيم.. سلام
لو قريت البوست المسألة ما فى النوم بل الصحيان.
ثم
البردعة عادة تتخت فوق سرج. تقصد لبدة.
|
Post: #13
Title: Re: للبيسافرو كتير.. هل مررتم بهذه التجربة؟
Author: Biraima M Adam
Date: 03-31-2018, 07:08 PM
Parent: #11
أبو الريش
سلام ..
أهم حاجة لي في الرحلة شيئين .. كتاب مترصده لي زمن .. وبختو مخصوص للرحلة .. والثاني الطعام من جميع الأصنام ما عدا الخنزير وحاجات تانية حامياني ..
بريمة
|
Post: #14
Title: Re: للبيسافرو كتير.. هل مررتم بهذه التجربة؟
Author: امير بوب
Date: 03-31-2018, 07:22 PM
Parent: #13
| Quote: مررت بهذه التجربة وأنا راكب حمار ببردعة، |
ههههه
يا عبد العظيم حمار شنو الله يهديك 😂
الجماعة كلامهم كلوا طيارات و مضيفات جميلات و لاس فيغاس و نيويورك
و إنّو الحالة دي بتحصل ليهم لما يصحوا من النوم في الطيارة
زي ال A 380 مثلاً !!
و انت جاي تكلمنا عمّا شعرت به على ظهر حمار !😂😂
ياخوي انت الحصل ليك دا أكيد. أب كبّاس 😂😂
...
تحياتي لسيد البوست و ضيوفه
|
Post: #15
Title: Re: للبيسافرو كتير.. هل مررتم بهذه التجربة؟
Author: امير بوب
Date: 03-31-2018, 08:35 PM
Parent: #14
Quote: والطائرة فى الجو وانت متغطى بالبطانية نايم. تصحى ولكن قبل إزاحة
البطانية تمر بفترة قصيرة ما تعرف الطيارة ماشية وين. من مر بالتجربة
يعلم انها ممتعة للغاية.. ولا يريد إزاحة البطانية . |
سلام اخونا ابو الريش
اعتقد والله اعلم إنّو الحالة دي جزء مما يعرف بال spatial disorientation و هي حالك معروفة في عالم الطيران و قد يصاب بها الطيارين
أحياناً ، خاصة عند إختفاء خط الأفق عن مدى رؤية الطيّار و حينها يدخل الكابتن في حالة من التوهان و عدم القدرة علي ادراك الوضع من حوله
حيث يفقد القدرة علي معرفة ارتفاع الطائرة و سرعتها و حركتها مقارنة بالنقاط المرجعية و اذا لم يتم تدارك الوضع بسرعة فقد يؤدي ذلك لفقد الكابتن القدرة على التحكم في الطائرة
و هذه الظاهرة لها علاقة وثيقة بالإختلاف بين أحهزتنا الداخلية الطبيعية التي تضبط علاقتنا المكانية بالعالم الخارجي الذي يحيط بنا في الظروف الطبيعية و بين آلوضع خلال الطيران !
الإحساس البشري الطبيعي بالمكان يتم عن طريق الإحساس بالحركة وو ضعيتنا الثلاثية الأبعاد و علاقة هذه الوضعية بالعالم الخارجي المحيط بِنا في تلك اللحظة ، و في الظروف الطبيعية يستطيع الشخص ضبط تلك العلاقة عن طريق أجهزته الداخلية و التي تتلقى المعلومات الحسية من عدة مصادر عبر الحواس و الجهاز الدهليزي vestibular system
و لكن بصورة عامة ، الشخص الطبيعي يعتمد بشكل كبير علي البصر في تحديد وضعيته و احساسه بالمكان و لذلك حدوث اَي اضطراب أو فقد للعملية البصرية أثناء الطيران و التعرض لظروف مختلفة عن الظروف العادية
التي يتعامل معها الشخص ( مثل السرعة و الضغط و الارتفاع و غيرها مثل غياب خط الأفق ، كل ذلك قد يؤدي لحدوث نوع من الخداع البصري
و بالتالي ينتج عن ذلك نوع من التوهان المكاني و فقدان الإحساس باللحظة !
النوم أثناء الطيران ، اعتقد بساعد في حدوث هذه الحالة
الحالة دي أحياناً يمر بها الكباتن و لكنها قد تصيب أي شخص متواجد داخل الطائرة و قد تنتج كذلك حالات اخري و أحاسيس غريبة مثل ما يسمّى loss of situational awareness
و غيرها من حالات التوهان اللحظي و كلها في النهاية لها علاقة بال spatial disorientation
...
لاكين حكاية الإحساس بالتوهان على ظهر حمار القال عليها اخونا عبد العظيم دي ، حيّرتني !😂
....
تحياتي للجميع
|
Post: #16
Title: Re: للبيسافرو كتير.. هل مررتم بهذه التجربة؟
Author: جمال ود القوز
Date: 03-31-2018, 09:27 PM
Parent: #15
غايتو انا ما بنوم لا في طيارة ولا في بص سفري وبفصل صاحي لامن اصل المكان الانا قاصدو ونادر جدا ما اغفل ولو لبرهة او افقد تركيزي مهما كنت مرهق او نعسان او مهما طال زمن الرحلة لكن في البيت مرات اصحى ولا بعرف انا وين ولا الدنيا نهار أو ليل وباخذ فترة بعد اصحى عشان اراجع انا نمت متين بالليل ولا بالنهار وفي ياتو مكان يعني الا اعمل استرجاع للنظام من اول وجديد الحركة دي مابتحصل لي في حالات النوم العميق خالص نوم لامن تكون مغبّي لمن اصحى بحس باني اكثر انساطا وراحة عادة انا بقوم من النوم مبسوط مازي بعض الناس يصحى مبوز وراكبه 100 عفريت زي الشفع الصغار  عادة نومي خفيف جدا بل مرات بكون نايم وحاسي اني صاحي وعارف البيدور حولي وسامع كل حاجة مع اني بكون نايم اعتقد الحاجة دي بتجي لي الناس البتساهر كتير وبتفكر كتير الانسان ده مكينة معقدة خالص خالص
|
Post: #17
Title: Re: للبيسافرو كتير.. هل مررتم بهذه التجربة؟
Author: جمال ود القوز
Date: 03-31-2018, 09:31 PM
Parent: #16
سلامي وتحياتي لسيد البوست و ضيوفه
|
Post: #18
Title: Re: للبيسافرو كتير.. هل مررتم بهذه التجربة؟
Author: aosman
Date: 04-01-2018, 08:00 AM
Parent: #1
Quote:
الثاني الطعام من جميع الأصنام ما عدا الخنزير وحاجات تانية حامياني .
|
الأخ بريمة إنت بالله قاعد تاكل أصنام؟ أصنام الجاهلية ولا أصنام تانية؟
|
Post: #19
Title: Re: للبيسافرو كتير.. هل مررتم بهذه التجربة؟
Author: Hassan Makkawi
Date: 04-01-2018, 08:48 AM
Parent: #18
"أبو الريش"
سفرك طلع بالطيارة!!
كنت مفتكرك من البلكونة ولى فوق......
|
Post: #20
Title: Re: للبيسافرو كتير.. هل مررتم بهذه التجربة؟
Author: Abureesh
Date: 04-01-2018, 04:39 PM
Parent: #19
Quote:
"أبو الريش"
سفرك طلع بالطيارة!!
كنت مفتكرك من البلكونة ولى فوق......
|
اخونا حسن مكاوى.. الإنبثاقات دى لما بن؟ ما علينا.. بس اقول ليك
وانا ما عارف عمرك كم سنة.. ولا سافرت قدر شنو.. لكن دا تحدى واقول
ليك ضمان على السكين.
1. انا بدأت السفر محليا قبلك
2. بدأت السفر دوليا قبلك
3. سافرت محليا أكتر منك
4. سافرت دوليا أكتر منك
5. بالطيارات اكتر منك
6. بالحمير اكتر منك
7. بالجمال اكتر منك
8. كدارى اكتر منك
دحين يا خوى خلى ابو الريش فى حاله وشوفلك بلكونة تراقب منها الطيارات.
|
Post: #23
Title: Re: للبيسافرو كتير.. هل مررتم بهذه التجربة؟
Author: Hassan Makkawi
Date: 04-02-2018, 06:46 AM
Parent: #20
Quote:
6. بالحمير اكتر منك
7. بالجمال اكتر منك
8. كدارى اكتر منك
|
صدقت فى ديل....
|
Post: #21
Title: Re: للبيسافرو كتير.. هل مررتم بهذه التجربة؟
Author: Amira Hussien
Date: 04-01-2018, 05:10 PM
Parent: #1
عادى القاهرة بالمصرية وحتى لندن لانى بفتكر شمال افريقيا اقرب ولأنو قبل ١٥ سنة وانا ماشه نيويورك مشيت بالا ماراتية لا حولا لفه طويلة جدا ضيعت على متعة الفخامة والرفاهية وعينى ما غمدت خاصة بعد طفو الأنوار وصارت النجوم فى سقف الطيارة تلمع الجنبى كلهم فتحوا الكراسي واتغطو وناموا بعد جابو ليهم كبيبيات صغار مغطيات بى فوطة كل زول جغم كبايتو وغمد انا من فيلم لى فيلم تجينى المضيفة كل دقيقة مرة ساندوتش مرة فاكهة مرة عصير وصلت منتهية ولاقانى الجيت لاك يعنى أسبوع انا معذبه قلت ياربى ارجع بالبحر خفت الحق ناس تايتنك ، صديق اقترح على انى أخد حبة مهدئة وناس قالو لى ما صاح ، المهم حسمت امرى وبقيت أسافر لى نيويورك بالمصرية وما نسيت الحبة المهدئة الريحتنى من الساعات الطويلة المملة وبقت الرحلة كلها نوم عميق يصحونى قبل الهبوط ومطار القاهرة ظريف و واضح ما زى مطار دبى المتاهة وسخف الهنود والكينيين وكل الأجناس
|
Post: #22
Title: Re: للبيسافرو كتير.. هل مررتم بهذه التجربة؟
Author: Ahmed Yassin
Date: 04-01-2018, 05:31 PM
Parent: #21
والطائرة فى الجو وانت متغطى بالبطانية نايم. تصحى ولكن قبل إزاحة
البطانية تمر بفترة قصيرة ما تعرف الطيارة ماشية وين
-------------------------------
ابوالريش وشركاه
ااحساس (التوهان) لفترة قصيرة ليس في الطائرة فقط برضو ممكن وانت في سريرك
تصحى الصباح تفتح عيونك ما تعرف انت وين ولا اليوم شنو جمعة ولا يوم التلاتاء
ومرات بجيك احساس (انا منو زاتو !!!)
ودا نتاج حاجة اسمها (الصحيان المشوش) او ما يعرف بـ Confusion arousal
وغالبا دا نتيجة عملية استيقاظ غير طبيعية
|
|