Post: #2 Title: Re: حفل ساهر بمدينة إدمونتون الكندية Author: مني عمسيب Date: 03-28-2018, 11:41 AM Parent: #1
صباح الجمال والابداع ... وصباح الشوق .
سلام يغشاك يا حبيبو .. وطلب صغيروني ..
تسلم لي علي الفنان الخلوق مبيوع .. وتطلب لي اغنية الشاغلين فؤادي .. وبهديها لابو نضارات .
Post: #3 Title: Re: حفل ساهر بمدينة إدمونتون الكندية Author: rani Date: 03-31-2018, 03:13 AM Parent: #2
Quote: صباح الجمال والابداع ... وصباح الشوق .
سلام يغشاك يا حبيبو .. وطلب صغيروني ..
تسلم لي علي الفنان الخلوق مبيوع .. وتطلب لي اغنية الشاغلين فؤادي .. وبهديها لابو نضارات .
سلامات مني جدا، يصل سلامك والطلب. كل الود
Post: #4 Title: Re: حفل ساهر بمدينة إدمونتون الكندية Author: معاوية المدير Date: 04-04-2018, 00:35 AM Parent: #3
نرحب بلأخ الفنان مبيوع في إدمنتون ...
Post: #5 Title: Re: حفل ساهر بمدينة إدمونتون الكندية Author: ابو القاسم عبد الرحمن بشير Date: 04-04-2018, 03:56 AM Parent: #1
up
Post: #6 Title: Re: حفل ساهر بمدينة إدمونتون الكندية Author: Kabar Date: 04-04-2018, 10:00 AM Parent: #5
سؤال: هل هي جالية السودانين والسوداينات بادمنتون ، ام جسم اخر؟
جالية ادمنتون لها حساب في هذا المنبر (يوزر نيم وباسويرد)..وديدنها ان تعلن انشطتها باسمها هنا..!!
هناك تعاون وتفاهم بين جاليات السودانيين في مدينة كالقري ومدينة ادمنتون...!!
تعاون ليس فقط في مجال الحفلات والطرب ، وانما تعاون في مستوى القضايا السياسية والأجندة المشتركة..!!
ماهي الجهة التي تشرف على حفل صديقنا دكتور ياسر مبيوع في ادمنتون؟؟
كبر
Post: #7 Title: Re: حفل ساهر بمدينة إدمونتون الكندية Author: Kabar Date: 04-04-2018, 10:14 AM Parent: #6
ماهي علاقة حزب النياصة الحزب الشيوعي السوداني بغرب كندا بهذا الحفل؟..
وهل هذه المنظمة واجهة لحزب النياصة؟
كبر
Post: #8 Title: Re: حفل ساهر بمدينة إدمونتون الكندية Author: Kabar Date: 04-04-2018, 10:17 AM Parent: #7
الى اين سيذهب دخل الحفل؟
وكم سيكون نصيب قطيع الشمال بتاع ياسر عرمان؟
كبر
Post: #9 Title: Re: حفل ساهر بمدينة إدمونتون الكندية Author: Kabar Date: 04-04-2018, 10:50 AM Parent: #8
نرجو من ناس الجالية السودانية بادمنتون توضيح علاقتهم بهذه المنظمة المشبوهة حتى لا ينخدع البسطاء..ويكون مجرد مغفلين نافعين لحزب النياصة الحزب الشيوعي السوداني سواءا بغرب كندا او مخالبه القــــذرة في قطيع الشمال..
كبر يا صديقىلم احب هذه المطاعنه منك.. وانت تعزف على نفس الوتر الذى يفرق سودانى الشتات الحفل تقيمه الجمعيه الكندية السودانية للثقافة والفنون كما هو مكتوب فى الاعلان واشكرهم جدا واشكر صديقى رانى لاتصاله وتنسيقه معى قبل حضورى الى كندا..انا يا كبر فنان ولست تاجر مخدرات... فلا تقحمونى فى صراعاتكم القميئه وتذكر ان تعدد المنابر هو مكسب كبير للجمهور...التحية للصديقة منى عمسيب ولرانى السمانى ولكل اهلى فى المنافى وهذا الحفل وتلك الاغنيات اهديها لاصدقائى واحبابى الغائبين وراء الشمس عبد الغنى كرم الله و عبد اللطيف عبد الغنى... على امل ان نراهم بيننا قريبا..اتمنى ان اراك فى الحفل لتبتهج معنا و اصدقاءك ....
Post: #11 Title: Re: حفل ساهر بمدينة إدمونتون الكندية Author: Kabar Date: 04-05-2018, 06:58 AM Parent: #10
ياسر مبيوع..حبابك يا صديق
اول بالتبادي مرحب بيك في كندا ونتمنى ليك اوقات طيبة في هذا البلد الطيب.. وبعد..
مافي مطاعنة يا ياسر وانما سؤال واضح لتبيان هوية منظمة مشبوهة..لا يعرف احد عن هويتها ومؤسسيها..
ثانيا..تاجر المخدرات مهنته قتل الناس ببطء ولوردات الحرب مهمتهم قتل الناس بطريقة اسرع ، يعني الإتنين كتالين كتلة..
صحيح انت فنان كما تقول ، ولكن حينما تضع نفسك في موضع استغلال بواسطة منظمة مشبوهة هنا بتكون دخلت روحك في ورطــــة كبيرة..
سوداني الشتات بخير يا صديقي ، ولو هناك مخالب لتفريق الناس فهي عضوية حزب النياصة الحزب الشيوعي السوداني الفرتقوا تحالف المعارضة بتآمرهم..واصرارهم على ان يكونوا الكل في الكل..
شكرا للدعوة لحضور الحفل ، ولكن يا صديقي اقولها لك بكل صراحة: لن نحضر فعالية تقيمها منظمة مشبوهة وما معروفة وكمان دايرة تجمع دعم..فهل تعرف الى اين سيذهب دخل الحفل؟..
الجماعة ديّل عندهم بوستر فوق بيقول الدعوة موجهة من الجهة المنظِمة وهي المنظَمة (الكندية السودانية) للثقافة والفنون، الجآب الأحزاب والسياسة هنا شنو !؟!!...
Post: #13 Title: Re: حفل ساهر بمدينة إدمونتون الكندية Author: Kabar Date: 04-06-2018, 07:41 AM Parent: #12
كتب معاوية المدير:
Quote: سلآمات يا كبر .
الجماعة ديّل عندهم بوستر فوق بيقول الدعوة موجهة من الجهة المنظِمة وهي المنظَمة (الكندية السودانية) للثقافة والفنون، الجآب الأحزاب والسياسة هنا شنو !؟!!...
معاوية المدير..حبابك يا صديقي الجاب الأحزاب السياسية ، هو في الحقيقة حزب واحد ما يسمى بحزب النياصة الحزب الشيوعي السوداني :
اول بالتبادي: من قام بالتنسيق مع الفنان المذكور هو عضو في حزب النياصة الحزب الشيوعي السوداني تاني التبادي: من قام بعمل البوستر هو عضو في حزب النياصة الحزب الشيوعي السوداني تالت التبادي: من قام بحجز القاعة في مدينة ادمنتون هو عضو في حزب النياصة الحزب الشيوعي السوداني رابع التبادي: من قام بنشر اعلان الحفل في هذا المنبر هو عضو في حزب النياصة الحزب الشيوعي السوداني
هذه هي الأسباب التي جابت سيرة هذا الحزب..وطالما الأمر فيهو كل المكونات السياسية دي يبقى من حق الجماهير ان تسأل وتسأل..لمن يعود دخل هذا الحفل؟
كبر
Post: #14 Title: Re: حفل ساهر بمدينة إدمونتون الكندية Author: Kabar Date: 04-06-2018, 07:43 AM Parent: #13
لعناية الشعب السوداني..
المنظمات في كندا بتكون معروفة الهوية: عنوان وتلفون وشخص مسئول عن اجابة استفسارات المواطن والحيكومة..عشان كده كل منظمة بتكون حريصة على وضع معلوماتها وتحديد شخص او اشخاص مسئولين..
في كل كندا لا توجد منظمة اسمها (المنظمة الكندية السودانية للثقافة والفنون) ولاحتى في سجل المعلومات عن المنظمات والجمعيات الموجودة في مدينة ادمنتون بغرب كندا سواءا كانت منظمات سودانية او افريقية او غيرها..
هذه المنظمة موجودة فقط في هذا الإعلان الملصق هنا في سودانيز اونلاين..وحتى اللحظة لم يأتي فرد مسئول عنها ليوضح هويتها..!
يعني منظمة.. Scam بالبلدي (مااااااااااااســـــــورة)..!!
لمصلحة من يتم صنع هذا الغطاء والزيف والكذب؟..
لمصلحة من سيعود دخل هذا الحفل الذي يتم باسم السودانيين والسودانيات دون تحديد جهة مسئولة تتحمل المسئولية بصورة كاملة؟..
كبر
Post: #15 Title: Re: حفل ساهر بمدينة إدمونتون الكندية Author: Deng Date: 04-06-2018, 08:21 AM Parent: #14
محمد النور كبر.
عيب عليك أن تأتي وتحاول أن تصفي حساباتك القديمة والوهمية في موضوع حفل غنائي.
ولافنان ياسر مبيوع لا ذنب له في خزعبلاتك وأوهامك.
بعدين لو زول بقى شيوعي مثلا، هل يحرم عليه تنظيم، إقامة أو الدعوة الى حفل؟؟
أحترم عقول الناس يا كبر؟؟
Post: #16 Title: Re: حفل ساهر بمدينة إدمونتون الكندية Author: علي دفع الله Date: 04-06-2018, 08:37 AM Parent: #15
حفل موفق الفنان مبيوع شكرا راني السماني على البوستر الجميل يا فنان
اطلب من بكري ابو بكر حزف مداخلات كبر.
كبر احفظ مداخلاتك وافتح بوست مقدرة الكتابة المترية متوفرة لحضرتك يا صديقي والعن سلسفيل الحزب الشيوعي .وسيب المساحة دي للناس العاوزة تشارك الفنان مبيوع فنو وروعتو
غايتو يا كبر تحير الما بتحير تفترض فرضية وتصدقها وتعمل على ترويجها
Post: #17 Title: Re: حفل ساهر بمدينة إدمونتون الكندية Author: rani Date: 04-06-2018, 09:16 AM Parent: #16
التحية لذاكرة احتلت مساحات من تكنلوجيا الوعي والرصد، تسمي الاسكرين شوط.. طيب هو الواحد فينا لو ما قدر البيكتبو، بيكتب ليه من الاساس عشان يجي بعداك، (في الصباح) يمسح ويعدل ويتبشتن نوع البشتنة الفوق دي؟ 😝😜🤪 مجرد سوعال ديكي لا أكثر.
تشتغلوا بلطجة وتفتحوا بوستات باسماء الناس وتجوا العميان شايل المكسر وتردحوا في الناس (اخر حاجة البوست في حق حسن حماد) ..وهنا بتوعظوا عن تصفيات الحسابات؟
الأفراد ما عندها حاجة بتخسرها ، وحزب النياصة الحزب الشيوعي السوداني عندو الكتير الممكن يخسروا بسلوك الأوباش من عضويتو..!
المنظمة ماسورة ووهمية ولا وجود لها الإ في هذا البوست..لمصلحة من يتم هذا؟..
ماعندنا مشكلة زول يبقى شيوعي ، لأن الشيوعية التزام واحترام مش انتهازية وكذب وتلفيق وغش للجماهير..
وانت يا دينق مش قاعدين يثرثروا ليك ويملكوك معلومات خاطئة عن محمد النور كبر وتجي تردح بيها هنا..ليه المرة دي سكتوا وما ادوك معلومات المنظمة دي؟..
منظرك شين يا دينق..لو عندك معلومات المنظمة تعال اكتبها هنا..بخلاف ذلك دي انتهازية وكذب وغش..
لمن سيذهب دخل الحفل؟..
والأهم ليه مافي زول دق سدروا وجا دافع عن المنظمة الوهمية دي؟
ما عندك مشكلة يا دينق ، الحفلة بتنتهي..وح تجي راجع تلف صينية سبع مرات..وما عندنا مشكلة لكن قول للحزب الشيوعي :طوالي الجايات اكتر من الرايحات..!
ليه يعني الجماهير ما تسأل وتستفسر عن المنظمات الوهمية التي تجمع الدعم باسم السودانيين والسودانيات؟
انت الشيوعية دي اتعلمتها من وين يا على دفع الله؟
العالم اتقدم وشيوعية الأهالي والحلال والقرى والفرقان ما بتأكلك عيش في عالم متطور يا قريبي..
طيب انت وكت عارف انو كبر كضاب وبيفترض افتراض ساكت (زي ما غشوك ومسكوك العصاية وبتداقش) مالك ما قادر تدافع عن المنظمة؟
نعيد ليك تاني وتالت: المنظمة وهمية وموجودة فقط في البوستر بتاع الإعلان ده..وكندا مش زي السودان عشان الناس تقول بنخفي المعلومات لأننا بنخاف الخطر على سلامات الأفراد والمنظمة..هنا يا علي في دولة مؤسسات وقانون..ومن يكذب على الناس والقانون ح يشرب وما يروى..!..وخليهم يكونوا شجعان ويكتبوا معلومات المنظمة هنا عشان الناس العندها رغبة تدعم بتكون عارفة قاعدة تتعامل مع جهة رسمية ومحترمة مش جهة مشبوهة..!
الكتابات المترية دي يا علي دفع الله لناس امسودان الفيهم رقشة مش اليافعين بتاعين تعليم الإنقاذ المجوبك ده..!
زمان هاشم صديق هجا التقدمين واليسارين بانو الواحد يقرالو كتاب ويجي يعمل فيها ابو العريف..هسع امثالكم الواحد يقرا ليهو سطر وما يكون عارف تلات ارباع الكلمات فيهو ويجي يضجر ويتريق على الأخرين..!
لمن يذهب دخل الحفل؟..
ولمصلحة من يكذب هؤلاء الأوباش وبدون خجلة بيسألوا الجماهير تدعمهم؟..
مالك فجأة بقيت مؤدب كده؟..ولا دي انتهازية مفضوحة عشان عندك حفلة جاية؟
المداخلات اتسحبت مش لأنو فيها حاجة بنخاف منها ، وانما احتراما لياسر مبيوع القال ما يدخلوهو في الصراعات القميــئة..ولا انت ما بتعرف تقرا؟..والأهم فيها كلام جميل للغاية ما بيستاهل الخيط ده..!!
ارصد ساكت واستعين بمليون صديق (زي ما بيت الأشباح دينق اخوان شغال)، وجيب الصور واشتغل فيها فوتو شوب وتحريف وتزوير..واي نقة حايمة او ونسة ارصدها واعمل فيها تحريف وتزوير زي الترتيب..ولكن..!
مالك ما قادر تدافع عن المنظمة الوهمية دي؟..ولمصلحة من يتم الكذب وخداع السودانيين والسودانيات وبتطلبوا منهم يدعموا؟..
يدعموا منو بالضبط؟..
تغش روحك وتوهمها بحكاية المنظمة وممارسة الإنتهازية المفضوحة مافي مشكلة..
تغش الحزب الشيوعي السوداني بطريقتك ، لكن الحزب لو انتهي بيهو المقام جمعية تعاونية لعضوية تلم الرجرجة والدهماء وبغاث الطير من كل جنس والحرامية والإنتهازيين ، برضك مافي مشكلة فقط يشطب الشعب السوداني من دماغو..
تغش الجماهير..فنحن بعض من الجماهير وما بنتغش يا راني..!
ماهي هذه المنظمة؟..بصريح العبارة المنظمة ماسورة وغير موجودة غير وجودها في هذا البوست..وعليك ان تثبت العكس..ولا انت مزنوق في الحفلة؟
مافي مشكلة نحجز ليك انت وراني وعلي دفع الله وبيت الأشباح دينق اخوان وفرح الطاهر ابو روضة وأي من يأنس في نفسه او نفسها مؤهلات الأوباش..والقاعدة الذهبية قاعدة: الأفراد ما عندها حاجة بتخسرها لكن الحزب الشيوعي عندو حاجات كتيرة بيخسرها..!!
ماهي هذه المنظمة يا منى عمسيب؟..ولا الجماهير لا تستحق التنوير والتوضيح؟..اما انو الحزب الشيوعي بلغ بيهو اليأس لدرجة انو يسمح للناس تغش باسمو وتجمع قروش بمنظمات وهمية يقوم عليها اعضاء الحزب؟
ثم ليه فرعية الحزب في غرب كندا عاملة نايمة ؟
ولمن يذهب دخل الحفل؟..
اضراب عن الطعام تزوغوا..لملمة قروش تجوا جاريين؟..عاش النضال يااااااااخ..!
Quote: حفل موفق الفنان مبيوع شكرا راني السماني على البوستر الجميل يا فنان
اطلب من بكري ابو بكر حزف مداخلات كبر.
كبر احفظ مداخلاتك وافتح بوست مقدرة الكتابة المترية متوفرة لحضرتك يا صديقي والعن سلسفيل الحزب الشيوعي .وسيب المساحة دي للناس العاوزة تشارك الفنان مبيوع فنو وروعتو
غايتو يا كبر تحير الما بتحير تفترض فرضية وتصدقها وتعمل على ترويجها
مرحب بالدكتور الفنان ياسر في مقاطعة البرتا و أعتذر عن انو الترحيب جاء متأخراً لا أخفي عليك متابعتي لمسيرتك الفنية من علي البعد فهي مسيرة فرضت نفسها علي الواقع الفني لما قدمته من ألق و إبداع و جمال وفقك الله عزيزنا ياسر. البوست طبعاً للدعاية و الإعلان لحفل و اتنهاز هذه المساحة لتصفية خلافات و إثارة فِتن شئ غير جميل و لن يكون إلا خصم من رصيد من قام بها. أكتفي حتي اللحظة بردك الجميل للصديق كبر و أرجو منه أن لا يفسد بوست الاعلان و يدير مثل هذه المَعَارِك في مساحة أُخري. مع علمي بأن كبر يملك المقدرة علي نشر كثير من الجمال علي مداخلات البوست إن أراد ذلك. لك ياسر و لصاحب البوست و للمتداخلين كل الشكر و الشكر ايضا للمنظمة الكندية السودانية للثقافة و الفنون بادمنتون.
ياترى.. لماذا سكت حناكيش حزب النياصة الحزب الشيوعي السوداني الدفاع و تقديم معلومات واضحة عن هذه المنظمة المشبوهة التي تدعو السودانيين والسودانيات لدعم العطاء؟..وتعلن عن حفلات كمان وبالقروش (بالدولار)؟..
فهل الحزب الشيوعي السوداني يشجع على الكذب والفساد والفهلوة؟..
ياترى هل يستطيع الحزب الشيوعي السوداني الحديث عن الفساد في السودان وعضويته في غرب كندا بتغش الناس بمنظمة ماسورة موجودة فقط في اعلان؟..
منظمة تتفاوض وتنسق مع الفنانين في ام طرقا عراض وتجيبهم ومافي زول قادر يقدم معلوماتها شنو؟..ومافي شيوعي ولا شيوعية قادر يتبناها ويتحمل المسئولية عنها ويجاوب على اسئلة الجماهير؟..
كبر افتح بوست تاني لادارة هذه المعارك البوست ده عندو غرض معين. ما بوست سين و جيم ارحمنا شوية عليك الله
Post: #33 Title: Re: حفل ساهر بمدينة إدمونتون الكندية Author: Kabar Date: 04-07-2018, 00:35 AM Parent: #32
حامد..حبابك ياصديق
بالمناسبة انا الزول الوحيد الداخل في الخيط ده وقاعد يتكلم في غرض البوست الأساسي..
حكاية معارك وصراعات وفتن ومطاردة لو كنا من اهلها يا حامد..في السنة الماضية في نفس المواعيد دي تقريبا راني فتح بوست اعلان لندوة جماهيرية للحزب الشيوعي يتحدث فيها دكتور علي الكنين من مركزية الحزب ومعاهو معرض يخص راني..حصل جينا اتدخلنا او سألنا؟..ولو فعلا كنا نقصد الفتن والصراعات والمطاردات..مش كان ممكن نجي ونقول الدايرين نقولوا؟..تفتكر ليه سكتنا: هل كنا خايفين من زول مثلا؟..
اتعزمنا في جلسة اخوية ، اتصورنا صور تذكارية..بعد اقل من اربعة ساعات الصور وصلت راني السماني وجا جاري بيها في سودانيز اونلاين..مش دي كانت فرصة كويسة لتصفية الخصومات والمعارك ان كنا فعلنا نفعل ذلك؟
الندوة بتاعة كالقري في السنة الفاتت مكتوب عديل (الحزب الشيوعي السوداني – غرب كندا)..واذا كان عندنا استفسار وعجز ناس كالقري او غرب كندا في اجابتو..على الأقل هناك جهة معروفة اسمها الحزب الشيوعي السوداني..ممكن نسألو وممكن يفيدنا..لأن حسب علمنا الحزب يهتم بالجماهير واسئلتها واستفساراتها لأنو حزب جماهير..!
اليوم لو مشيت الخرطوم ، رغم القمع المزعوم ، بتلقى مبنى مكتوب فيهو (مركز الحزب الشيوعي) ولو دقيت الباب بتلقى ناس بتقول نعم نحن شيوعيين ومسئولين عن الحزب..وممكن تجاوب على سؤالك زي الترتيب..!
هنا يا حامد ، انت جيت وبتحي المنظمة المشبوهة الموهومة..وممكن كل السودانيين يجوا يعملوا نفس الحركة لكن يظل السؤال: ماهي هوية هذه المنظمة؟ من المسئول عنها؟.
المنظمة عاملة حفل وبتطلب من الناس دعم مسيرة العطاء..يعني بتجمع قروش باسم السودانيين والسودانيات..فهل من حق الناس تسأل وتستفسر ام لأ؟
وهل نفهم من كلامك هنا ، وانت شيوعي ملتزم ، بان الحزب الشيوعي لا يحتمل اسئلة الجماهير؟..ام يستأفف منها ويتعالى عليها؟..
مافي مشكلة فليقولها الحزب الشيوعي صراحة انه لا يتحمل الأسئلة ولا يقبل باثارتها (على دفع الله فوق بطالب بسحب مداخلات كبر ، وانت هنا بتقول لكبر اسكت وانطم ، وبيت الأشباح دينق بيقول ده ما محل صراعات)..فعلى من يحسب هذا السلوك؟..غايتو نحن عندنا ديل شيوعيين واي سلوك يصدر منهم الحزب يتحمل مسئوليتو..!
ماهي هوية المنظمة ؟ ولمن يعود دخل الحفل؟
كبر
Post: #34 Title: Re: حفل ساهر بمدينة إدمونتون الكندية Author: Hamid Elsawi Date: 04-07-2018, 03:53 AM Parent: #33
الصديق كبر كتبت
ماهي هوية المنظمة ؟ ولمن يعود دخل الحفل؟
و ليتك اكتفيت بالسؤال حتي تعرف الاجابة هكذا يكون الحوار و النقاش الهادف حتي يعلم الجميع الاجابة. و لكنك دخلت في تفاصيل كثيرة و مُمِله. والغريب انك وصفت المنظمة بانها مشبوهه و أصدرت حكمك عليها فإذا انت عارف المنظمة و عارف انها مشبوهه السؤال سببو شنو؟
Post: #35 Title: Re: حفل ساهر بمدينة إدمونتون الكندية Author: Hamid Elsawi Date: 04-07-2018, 03:54 AM Parent: #34
ما علينا اعتقد ان السبب هو التشكيك في المنظمة و خلق رأي عام سلبي عنها. لكن الثقافة السمعية لم يعد لها سوق خاصة في هذا المنبر الذي تتمتع عضويته بمستوي راقي من الفهم و المقدرة علي التحليل. ما دفعني للرد هو احترامي للمتداخلين و المتصفحين و حقهم في المعرفة
Post: #36 Title: Re: حفل ساهر بمدينة إدمونتون الكندية Author: Hamid Elsawi Date: 04-07-2018, 04:07 AM Parent: #35
المنظمة الكندية السودانية للثقافة و الفنون بمدينة ادمنتون هي منظمة غير ربحية تأسست و تم تسجيلها بمقاطعة البرتا في 18 يناير 2016 و لا أعتقد اختيار اليوم كان صدفة فهو تاريخ مميز. السبب الذي دفع عدد كبير من السودانيين الكنديين في ادمنتون لإبتكار هذا العمل هو ببساطة إن دستور الجالية و جميع الجاليات يمنع العضوية من ممارسة اي نشاط سياسي باسم الجالية. فالجالية لا يمكن ان تصدر بيان للمطالبة بإطلاق سراح المعتقلين السياسيين بينما هناك اعداد كبيرة من السودانيين عاوزة تصدر مثل هذا البيان للتعبير عن رأيها. ده واحد من الاسباب التي دفعت بكثير من السودانيين في المهجر لإبتداع اشكال تنظيمية جديدة تسمح لهم بالتعبير عن آراءهم
دون المساس و خرق دساتير و لوائح الجاليات
و المنظمة الكندية السودانية للثقافة و الفنون بمدينة ادمنتون هي أحد هذه الإبتداعات. ما تجي تقول لي المنظمات بدعة و كل بدعة ضلالة و كل ضلالة في النار.
Post: #37 Title: Re: حفل ساهر بمدينة إدمونتون الكندية Author: Hamid Elsawi Date: 04-07-2018, 04:17 AM Parent: #36
لا أجد هناك داعي للرد علي اتهامات اخري فيما ذهبت لتسميته ب حزب ال شنو ما عارف غلبني أكتب الكلمة لاني لا احب استخدام هذه التعابير في اللغة التي يعرفها بي زملائي في المنبر و لن تخذلني اللغة في الرد عليها بالتأكيد و لكن تخذلني الأخلاق.
Post: #38 Title: Re: حفل ساهر بمدينة إدمونتون الكندية Author: Kabar Date: 04-07-2018, 06:14 AM Parent: #37
حامد الصاوي..حبابك يا صديقي
حتي اللحظة يا قريبي ، انت وغيرك ، عاجزين عن الدفاع عن هذه المنظمة المشبوهة..!!..ولو كنت مكان مركزية الحزب الشيوعي السوداني ، اعمل ليكم استدعاء ومطالبة بتوضيح ..لأن الشغل ده زبانية جهاز امن الجبهة الإسلامية ما بتقدر تسويهو..!!
رجاءا ، يا حامد ، مراجعة الخيط بتاع صديقنا واستاذنا الباقر موسى وحكاية المواطنات والمواطنين السودانيات والسودانيين ، من كندا ، ، ممن تضامن ، اضرابا عن الطعام ، مع اسر المعتقلات والمعتقلين في امسودان..وخط تلاطاشر خط تحت اسر المعتقلين دي..!..وياريت كنا شفنا فيهو الحناكيش بتاعين حزب النياصة الحزب الشيوعي السوداني ، من شاكلة : حامد الصاوي ، بيت الأشباح دينق اخوان (خصوصا ناس مدينة كالقري الفجأة صحوا مع بوست راني السماني عن حفل ساهر..وجايين بيقدموا مواعظ عن فرز الصراع وشنو كده ما عارف..!!)..علي دفع الله ، فرح الطاهر ابو روضة (الشهير بانو الشيوعي ، ذات نصية قام باع صديق الموج زي الترتيب)..
ثم ، يا حامد ، راجع خيط صديقنا صلاح ابوزيد الذي جلب فيديو احاديث التضامن مع اسر المعتقلين في يوم 6 ابريل 2018 ، والمرة دي خط ست وعشرين خط تحت اسر المعتقلين..!! ثم اتذكر الحفل الساهر في ادمنتون ، بتاع ياسر مبيوع أو أي كان اسمه ممن تتاح لهم فرص الظهور في قنوات نظام القمع أكتر من أي مواطن شريف..ياخي محجوب شريف وحميد رضي الله عنهما لم يظهرا في قنوات امسودان بتاعة الجبهة الإسلامية كما يظهر ياسر مبيوع.. وخط ما تستطيع من خطوط (وانت مهندس شغلانتك الحسابات والفلك والنجوم والخطوط ..الخ)..!!
السؤال سببو يا حامد الصاوي: انو الحزب الشيوعي بيقول انو ضد فساد دولة الجبهة الإسلامية في امسودان ، وفي نفس الوكت عضوية الحزب في غرب كندا بتغش الحزب والشعب السوداني وبتقول منظمة تطلب دعم العطاء وبتجمع قروش باسم الحزب وباسم السودانيات والسودانيين..!!.ومافي ود مقنعة ولا بت مقنعة يقول ليك انا المسئول من المنظمة ، ودي المعلومات..!!
زولة من الحزب الشيوعي السوداني يا حامد ، اسمها عديلة ، بتقول ليك كسرنا سجن كوبر يوم 7 ابريل 1985 عشان نمرق المعتقلات(النسوان/الحريم بلغة ناس امدرمان)..والبرجوازية الصغيرة الصايعة المتعفنة..بتعمل حفل ساهر يوم 7 ابريل 2018 في مدينة ادمنتون بغرب كندا ( المتحدث باسم اسر المعتقلين في يوم 6 ابريل 2018 اشرف من كل شيوعي وشيوعية متطنقعة وحايمة في دول الغرب والديموقراطية واحترام حقوق الإنسان) ، ورجب الماسك كتف ابريل؟؟؟؟
دي كتيرة شديد يا حامد..كتيرة شديد..وصلاح قوش بكل جبروتو العائد ما بيقدر يعملها..!!
شفت ناس كبر انبياء قدر شنو؟؟.الحظ /القدر بيخدم فيهم زي الترتيب..وانتا لسع ساكي الشغلانة..!!
ليه يا حامد عجزت ، كشيوعي ملتزم ، انك تجيب معلومات المسئول او المسئولين عن المنظمة المشبوهة دي ، وانت بتعيش في مجتمع فيهو دولة مؤسسات وقانون ، يعني مش زي دولة عمر البشير بتاع سب الدين (صرف البركاوي اياه)..؟؟؟؟
ولا انت خايف انك تكون في سرج واحد مع ناس الإنقاذ؟..
اي سكوت عن تقديم اسم مسئول واحد عن المنظمة دي ح يخطك يا حامد ومعاك الحزب الشيوعي في خانة واحدة مع نظام عمر البشير الفاسد..!!
ولمن الحزب الشيوعي في غرب كندا يسكت عن منظمات غسيل الأموال متل المنظمة المشبوهة دي ، بيكون زي ناس الجبهة الإسلامية في فقه التحلل..الفرق..كندا بلد قانون يا حامد..ودي الحتة المابتقدر تقولها انت وغيرك لناس الحزب الشيوعي السوداني ، الشغالين بايدينهم وكرعينهم عشان يقنعوا الشعب السوداني بانهم ناس كويسين..!! بدل اللف والدوران ، ياحامد الصاوي ، اكتب معلومات المنظمة المشبوهة: عنوانها ، تلفونها ، المسئول عنها منو..!!..بخلاف ذلك انت بتدعم في فساد اظرط من فساد الجبهة الإسلامية التي تدعي مناهضتها..!!
والسؤال قايم: ماهي تلك المنظمة المشبوهة؟ من المسئول عنها (كندا دولة مؤسسات وقانون يعني انت محمي بأي طريقة كانت ، مدعي أو مدعى عليك)..والمنظمة المذكورة غير ظاهرة في سجل المنظمات المدنية والسياسية والعسكرية في سجل مقاطعة ألبرتا بغرب كندا..وأي من يدعي خلاف ذلك يجيب المعلومات هنا..!!
منظمة ماسورة يا حامد الصاوي ، ليه بتطلب من السودانيين والسودانيات يشاركوها في حفل ساهر ويدفعوا ليها بالدولار كمان؟؟؟
كبر
Post: #39 Title: Re: حفل ساهر بمدينة إدمونتون الكندية Author: Kabar Date: 04-07-2018, 06:53 AM Parent: #38
جيب رقم التسجيل يا حامد ، جيب اسم مسئول واحد بيتحدث باسمها.. عشان نعرف البينا والعلينا..!
الدغمسة والتخفي ليست في صالحك ولا في صالح المنظمة..!!
حتى اللحظة الإتهام قائم يا حامد: منظمة مشبوهة وغير ظاهرة في نظام السجل بتاع مقاطعة البرتا..لا عنوان ولا تلفون ولا اسم زول أو زولة..ليهو او ليها تلفون او عنوان في مقاطعة ألبرتا..!!,,ما تنسى الحزب الشيوعي السوداني البيعمل منظمات في بريطانيا العظمى ، وفي السودان ، وبيخط معلومات كاملة زي الترتيب..!!
منظمة شغالة كيري ، زي فساد نظام الجبهة الإسلامية في امسودان ، ولو داير تدافع عنها يا حامد اكتب معلوماتها هنا ، عشان أي سوداني أو سودانية يرغب في التحقق عنها يلقى اجابة واضحة..!!..ناهيك عن الناس العندها رغبة تدعم الحزب الشيوعي السوداني ، مش منظمة التحلل (بالعربي الفصيح غسيل الأموال)..!!
من الأخر يا حامد المنظمة دي غير موجودة في سجل مقاطعة ألبرتا البتعزم فيها ياسر مبيوع ، وهوالآخر يا مؤمن يا مصدق يقول ليك عزمتني منظمة شنو كده ما عارف..!!
جيب المعلومات يا حامد الصاوي ، بفهم كندي عديل كده..عشان الحزب الشيوعي السوداني يعرف كيف ركب ماسورة ..!!
كبر
Post: #40 Title: Re: حفل ساهر بمدينة إدمونتون الكندية Author: حيدر حسن ميرغني Date: 04-07-2018, 07:25 AM Parent: #39
كل مطلب الاخ كبر يتمثل في معرفة المنظمة .. هل هي مسجلة ام لا الاخ الصاوي اكد ان مسجلة المنظمة الكندية السودانية للثقافة و الفنون بمدينة ادمنتون هي منظمة غير ربحية تأسست و تم تسجيلها بمقاطعة البرتا في 18 يناير 2016 ياريت عشان تحسم النقاش والسؤال المشروع ده يالصاوي تنشر شهادة التسجيل لو لم يكن هناك ما يمنع ذلك .
Post: #41 Title: Re: حفل ساهر بمدينة إدمونتون الكندية Author: أبوبكر عباس Date: 04-07-2018, 07:38 AM Parent: #40
الجميل مبيوع لك التحايا عليك الله ما تقصر مع ناس كندا ديل قفلة البرد الطويلة دي صعبة خلاص
Post: #42 Title: Re: حفل ساهر بمدينة إدمونتون الكندية Author: Hamid Elsawi Date: 04-07-2018, 07:41 AM Parent: #38
كتب كبر .والمنظمة المذكورة غير ظاهرة في سجل المنظمات المدنية والسياسية والعسكرية في سجل مقاطعة ألبرتا بغرب كندا.
المنظمة مسجلة في البرتا و تمارس عملها بصورة علنية و هذا الإحتفال جزء من انشطتها كفاية تضليل للرأي العام يا كبر........ غسيل الأموال في السودان حيث نتمني أن يتناول قلمك و فكرك تناوله انتهاك حقوق الانسان في السودان حيث نتمني أن يتناول قلمك و إحساسك المهني ك قانوني تناوله
البوست ده ما عشان تصرف فيهو بركاوى ده بوست إعلان لإحتفال اكرر اعتذاري للمبدع ياسر و كنت أتمني أن نكون معاً كبر و منصور و معاوية و النصري و شخصي و آخرون من زملاء المنبر في مقدمة المحتفلين بزيارتك لنا. و لكن ما زالت ثقافاتنا عاجزة عن إدراك ذلك.
كبر يا أخوي ألعن الشيطان و يلاآك معانا بعدين أو بكرة معانا أدمنتون شخصي و معاوية ماشييييين و بنكون سعيدين جداً لو إنت معانا واللآي صحي .... فكر في الموضوع و أديني كول منتظر تلفونك يا صديقي.
Quote: كل مطلب الاخ كبر يتمثل في معرفة المنظمة .. هل هي مسجلة ام لا الاخ الصاوي اكد ان مسجلة المنظمة الكندية السودانية للثقافة و الفنون بمدينة ادمنتون هي منظمة غير ربحية تأسست و تم تسجيلها بمقاطعة البرتا في 18 يناير 2016 ياريت عشان تحسم النقاش والسؤال المشروع ده يالصاوي تنشر شهادة التسجيل لو لم يكن هناك ما يمنع ذلك .
سلامات الاخ حيدر حسن ميرغني. حا انزل ليك صورة من شهادة تسجيل المنظمة وهذا اكيد ما كي ارضي المعتوه كبر ولكن احتراما ليك وباقي الزملاء هنا بالبورد وجميع القراء. واكد تماما لو لا طلبك لما فعلتها، كبر انسان معروف باطلاقة للاتهامات ومحاولاته المتكررة لتشويه سمعة الاخرين والتشكية في مصداقيتهم لاسباب يعلمها وحده . اسم المنظمة: المنظمة الكندية-السودانية للثقافة والفنون بمدينة، (كاساك) CANADIAN- SUDANESE ASSOCIATION FOR ARTS AND CULTURE تم تسجيلها بمدينة ادمونتون ولاية البيرتا بتاريخ ١٨ يناير ٢٠١٦م. مرفق صورة من تسجيل المنظمة:
Post: #47 Title: Re: حفل ساهر بمدينة إدمونتون الكندية Author: حيدر حسن ميرغني Date: 04-09-2018, 05:37 AM Parent: #46
مشكور يا راني وربنا يديم المحبة بينكم جميعا
Post: #48 Title: Re: حفل ساهر بمدينة إدمونتون الكندية Author: معاوية المدير Date: 04-09-2018, 05:46 AM Parent: #47
Post: #49 Title: Re: حفل ساهر بمدينة إدمونتون الكندية Author: محمد بدرالدين Date: 04-09-2018, 06:06 AM Parent: #48
كل التحية و التقدير و الود المرهف الرقيق ياسر .. ربنا يسعدك دنيا و اخرة .. و ان شاءالله ملمومين ف الخير دائما .. ود المدير حبيب الجميع لك المودة و الاحترام ومودة ف القربى يا ريت تعرفنا بهؤلاء الشباب الرجال لنتشرف بهم .. غايتو توقعتك الاول من اليمين و جوالك ف يدك دة لو ما كنت الجنبو ابقميص احمر منورين والله كلكم
Post: #50 Title: Re: حفل ساهر بمدينة إدمونتون الكندية Author: معاوية المدير Date: 04-09-2018, 06:28 AM Parent: #49
حياك الغمام الأخ الحبيب محمد بدر الدين . مرّة تانية الصورة، من اليمين للشمال، الأخ زميل المنبر حامد الصاوي، معاوية المدير، الأخ عبد الحليم محمد عازف الأورغن، الفنان الدكتور ياسر مبيوع، زميل المنبر وعازف الكمان الذي رافق العملآق وردي في مسيرته الفنية الرجل الجميل عمر منصور، واخيراً زميل المنبر الأخ راني السماني ...
Post: #51 Title: Re: حفل ساهر بمدينة إدمونتون الكندية Author: مبيوع Date: 04-09-2018, 11:26 AM Parent: #50
ايام لا تنسى قضيتها فى ادمنون فى زيارتى الاولى.. وستعقبها زيارة اخرى فى عيد الاضحى اذا ربنا حيانا.. الاصالة وكرم الضيافة والمحبة الصادقة رايتها فى كل من قابلت.. سكنت ورانى فى غرفة واحدة .. وعرفته عن قرب... وعرفت انه فنان حقيقى قبل ان يهدينى احدى لوحاته...وكان من اكبر المكاسب فلى هذه الزيارة... كما اننى تعرفت على انسان فريد هو الباشمهندس عبد الرحيم... رجل من معدن نفيس.. واسرته الصغيرة الجميلة...وشرفنى جدا فى الحفل اخوة اعزاء من زملاء المنبر. معاوية المدير و ثروت سوار الذهب واسرته وحامد الذى اصطجب معه بجانب اسرته عودا راقى الصناعة فتغنيت به فى ختام الحفل... وكان الحل انيقا وبهيجا... والله اتمنيت لو انى اتعرفت عليكم من زمان يا معاويه ويا ثروت ويا حامد ويا رانى... لكن الجايات اكتر ان شاء الله... عدت الى تورونتو منتصف الليله الماضية ولسانى يلهج بالشكر لكم اراكم قريبا يا احبتى
الف شكر للمبدع الدكتور ياسر الشكر لكل الاعزاء بادمنتون لقد كانت فعلا لحظات جميلة التحية لكل الذين عملوا خلف الكواليس لجعل هذه الفرحة ممكنه و هم كُثر شاهدتهم في الصالة يضعون لمساتهم بابداع. التحية لهم في المطبح و هم يعدون أشهي المأكولات لم يسمح الوقت للتعرف عليهم جميها و في شخص العزيزة رباب ... (قائدة الكواليس) و عبرها اقدم الشكر لجميع اهل ادمنتون علي حُسن الاستقبال و التنظيم لي عودة ان سمح الزمن شكرا عبد الرحيم شكرا راني شكرا للفرقة الموسيقية شكرا زميلة البورد مني علي المتابعة و التشجيع و الزهور من مدينة الزهور و شكر كثير للفنان المبدع ياسر
Post: #55 Title: Re: حفل ساهر بمدينة إدمونتون الكندية Author: محمد بدرالدين Date: 04-09-2018, 09:27 PM Parent: #54
والله اتشرفنا بكم جدا و بهذا الجمال السوداني المتعدد .. و الطيبة و نقاء السريرة التي تظهر علي محياكم و ترجمتها كلماتكم و تلكم الابتسامة الي سويداء قلوبنا .. كاخوة اعزاء .. و اضدقاء ... شكرا الغالي معاوية ع التعريف و تلبية طلبي ... و والله مضيع نفسك بصورة بروفايلك ههههه...دمت بجمالياتك المتعددة .. و متعكم جميعا بالصحة و العافية .. و ملمومين ف الخير دائما ... مودتي و تقديري لكم فردا فردا ... بدران
Post: #56 Title: Re: حفل ساهر بمدينة إدمونتون الكندية Author: rani Date: 04-10-2018, 10:06 AM Parent: #55
Quote: التحية للجميع ..
تفتكر تاني عنده وش يرجع بيهو ؟ مسيلمة النور كبر، ما رجع لسه؟
يا راني الزول دا حاولوا عالجوه .
فعلاً الحالة دي محتاجة التعامل معاها بشكل جادي ويجب ان لا نستهتر بيها، كبر في حوجة الي مساعدة حقاً.
Post: #57 Title: Re: حفل ساهر بمدينة إدمونتون الكندية Author: Biraima M Adam Date: 04-10-2018, 12:00 PM Parent: #56
معقولة الصورة الفوق شهادة تسجيل .. ؟؟
نزلوا لينا سجل ال Tax id .. أو حتى الأعفاء الضريبي ..
أنتم مازلتم كما قال كبر، تغشوا في خلق الله ..
يا أخوانا الحزب الشيوعي دا .. كان علي رأسه المرحوم أبراهيم نقد .. عرف بنظافة اليد ونقاء السريرة .. خلاص عايزين تحولوه إلي حزب شفتنه ومكاوشات ..
ما يحدث في لندن .. ما بين دكتور البندر وناس صدقي كبلو .. وناس مينو ما عارف .. أظنه حقائق ..!
التحية لول أبا كبر .. مارس سلطة رابعة بأمتياز .. وبدل الناس تشكره .. يتم الإساءة إليه .. لو كان هذا الأمر متعلق بجهة أخري .. كان الشيوعيين فعلوا فاعول باسم الفساد .. وسرقة أموال الشعب ..
النهب أموال الشعب السوداني معروف للشعب أطفال و نساء و رجال. أقلامكم و ضمائركم وشجاعتكم أقصر قامة من أن تشير لهم و تتحدث عنهم (ديماً حاشية السلطان بتنفخ في قربة مقدودة و بِتفتَعِل مَعارك وهمية) و انت يا أبو عٌقَال أقعد لي جِنِسْ ده و صحيح المتل البقول (( شَكَارتها دَلَاكَتها)) ممكن معاوية المدير يشرح ليك المعني بالتأكيد لن أرجع لك مرة أُخري
