Post: #1
Title: مساعدة من اهل التجربة والاطباء
Author: عبدالحفيظ ابوسن
Date: 03-27-2018, 10:32 AM
10:32 AM March, 27 2018 سودانيز اون لاين
عبدالحفيظ ابوسن-no where
مكتبتى
رابط مختصر صحبي بعاني من الغضروف الشهير بي عرق النساء
بياخد حبوب وحقن بشكل مستديم
بتكفيهو 24 ساعة
الامر مزعج
هل في علاج آخر ومضمون ؟
امكانية العملية ودرجة نجاحها ؟
أي نصايح
واكون شاكر
|
Post: #2
Title: Re: مساعدة من اهل التجربة والاطباء
Author: عبدالحفيظ ابوسن
Date: 03-27-2018, 11:52 AM
Parent: #1
☝☝☝☝☝
|
Post: #3
Title: Re: مساعدة من اهل التجربة والاطباء
Author: Abu Baker Ahmed Abdel Rahman
Date: 03-27-2018, 11:52 AM
Parent: #1
نعمنّك طيب
السباحة
|
Post: #4
Title: Re: مساعدة من اهل التجربة والاطباء
Author: mohamed osman bakry
Date: 03-27-2018, 03:15 PM
Parent: #3
أبو سن
سلامات
إنت عارف في ناس كتيرين بفتكرو المرض او الحالة دي
ليها علاقة بالنساء فبينطقوها أو يكتبوها زي ما إنت كتبتها
لكن الصاح عرق النسَا بفتح النون لأنو قالوا الألم الناتج بينسي
الزول إسمو
يطلق عليه طبيا باسم ألم العصب الوركي
المهم
العلاج بتوقف علي مسائل كتيرة ممكن يكون بالعقاقير
و أدوية مسكنة للألم ممكن يكون علاج طبيعي و ممكن برضو الأدوية البلدية تشتغل زي زيت السمسم و الزنجبيل ونبات الصفصاف
و حتي العلاج النفسي ففي ناس ادوهم دواء و أقنعوهم ده علاجك ما في غيرو
placebo وإهامهم أنه لعلاج المرض وقد تم شفائهم تماما من المرض دون أي تدخل علاجي
الرياضة برضو مهمة زي السباحة
أخيراَ
الجراحة و ده الحل الناجح لكن يتطلب إنفستقيشن جاده لمعرفة السبب
وراء أعراض عرق النسَا اللي بيعاني منها صاحبك - الألم -
الألم سببو الضغط الواقع علي العصب الساياتكا اسفل الضهر بين الفقرتين L4 and L5
أو
S1.S2 or S3
صاحبك عمرو كم وليهو كم بيعاني
|
Post: #5
Title: Re: مساعدة من اهل التجربة والاطباء
Author: عبدالحفيظ ابوسن
Date: 03-27-2018, 08:29 PM
Parent: #4
تشكر ابوبكر
تشكر جدا
تشكر محمد عثمان
صحبي في الخمسينات وعندو سكري
كنت فاهم البلاسيبو لعلاج الهيستريا مثلا وليس لمرض عضوي . هل الجسم قادر علي حث نفسو بتقبل الالم ولا معالجة ضغط العصب؟
|
Post: #6
Title: Re: مساعدة من اهل التجربة والاطباء
Author: امتثال عبدالله
Date: 03-27-2018, 09:08 PM
Parent: #5
في طبيب هنا في نيويورك ومشهور وهو عربي ويعالج الغضروف وعرق النسا بطريقتين والطريقة الأولى بالحجامة والثانية بالنحل...يعني قرصات النحل السخنة البتخليك تصبح
وتكورك من الإلم الشديد ...لكن العلاج مضمون ...وضروري يكون في طبيب عندكم ويعالج
بالطرق البلدية دي...والطبيب ده هنا مصري وكاتب يافطة كبيرة ومكتوب عليها العلاج بالطب
النبوي والأعشاب...
واحتمال كبير يكون في طبيب عندكم بيعالج بنفس الطريقة
مع وافر التقدير
|
Post: #14
Title: Re: مساعدة من اهل التجربة والاطباء
Author: محمد عبدالله محمود
Date: 03-28-2018, 10:59 AM
Parent: #6
عفوا، تم نقل المداخلة للاسفل.
|
Post: #7
Title: Re: مساعدة من اهل التجربة والاطباء
Author: Osman Awoda
Date: 03-28-2018, 01:51 AM
Parent: #1
ياخ صاحبك وصاحبي غالبا
سيلجأ للجرامة علي يد بروف
شاطر،،،دعواتنا له بالتعافي
فهو جميل وحبوب ولا يشبه الالم
|
Post: #8
Title: Re: مساعدة من اهل التجربة والاطباء
Author: معاوية الزبير
Date: 03-28-2018, 03:15 AM
Parent: #7
| Quote: قالوا الألم الناتج بينسي الزول إسمو |
اي والله يا mohamed osman bakry
لكنه ما بنسيهو أصحابو
شكرا حفيظو يا صاحب
Quote: ياخ صاحبك وصاحبي غالبا
سيلجأ للجرامة علي يد بروف
شاطر،،،دعواتنا |
جرامة شنو يا ابو جرامة انت
قال ليك: Quote: الجَرْمُ : القَطْعُ .
جَرَمَه يَجْرِمُه جَرْماً : قطعه .
وشجرة جَرِيمَةٌ : مقطوعة .
وجَرَمَ النَّخْلَ والتَّمْرَ يَجْرِمه جَرْماً وجِراماً وجَراماً واجْتَرَمه : صَرَمَه
وتمر جَرِيم : مَجْرُوم .
وأَجْرَمَ : حان جِرامُه |
أها فعلا قلنا أحسن نجرم الغضروف ده
جرمو الجريم إن شاء الله 
|
Post: #9
Title: Re: مساعدة من اهل التجربة والاطباء
Author: يحي قباني
Date: 03-28-2018, 03:29 AM
Parent: #8
أمكن قاصد جزّامة يا ود الزبير؟
عووضة ألجن انت عارف ...
|
Post: #10
Title: Re: مساعدة من اهل التجربة والاطباء
Author: معاوية الزبير
Date: 03-28-2018, 04:32 AM
Parent: #9
بالله كبير كده و ألجم
|
Post: #11
Title: Re: مساعدة من اهل التجربة والاطباء
Author: Osman Awoda
Date: 03-28-2018, 05:18 AM
Parent: #1
ايوا،،كبير كدا والجم
قال الجم قال
يلجمكم بلعام بن باعوراء
|
Post: #12
Title: Re: مساعدة من اهل التجربة والاطباء
Author: عبدالحفيظ ابوسن
Date: 03-28-2018, 06:23 AM
Parent: #11
تحياتي ليكم
تسلم معاوية
ليس اسوأ من ألم الضرس و الغضروف وليس اسوأ من ألم من يحبك ويعلم انك تتألم مقدرا عذابك وعاجزا عن تقديم المساعدة
بي الله عووضة ألجن !!
انا من زمان شاكي فيهو
بس ما يكون ألجن وعندو غضروف
|
Post: #13
Title: Re: مساعدة من اهل التجربة والاطباء
Author: Awad Omer
Date: 03-28-2018, 10:02 AM
Parent: #12
ودة ( عصب ضاغط الفقرتين L4 and L5 )غالب في معظم الحالات ويظهر في ال MRI..وينتج عنه herniated disc...الغضروف يتخشن وينسهك والسائل اللزج ينبعج ويعمل bluging ويكون cyst بالونة .. والبالونة يخرج بالخرم الفي الفقارات و الفرقة بين الفقارات ويزاحم ويضغط العصب الطالع من النخاع الشوكي للارجل ...
العلاج طريقتين : عادي او جراحي
عادي : مكمدات باردة وحارة. للعضلات ..ادوية مسكنة..استيرويد يتحقن داخل الفرقة بين الفاقارات ليقلل الالتهاب ....علاج طبيعي ...تخفيف الوزن ... شوية رياضة كالمشي ...
العلاج الجراحي : نوعين:
invasive surgery ودة بيفتحو فتحة في الضهر ويشيلو شوية من الفقارات والحويصلة والديسك ويعملو مسامير ...في الضهر. لتثبيت الفقارتينن مع بعض.
او
Minimally Invasive laser surgery .
ودة بدخلو حفارات وينكتو ال cyst من جوة .. بواسطة متابعة لصيقة من جهاز الاشغة بالفلوروسكوبي ..يعني بيكون شايفين راس الحفارة ماشي وين وبيعمل شنو ...ودة ما فيه مسامير ..وممكن المريض يمشي البيت من اول يوم
|
Post: #15
Title: Re: مساعدة من اهل التجربة والاطباء
Author: محمد عبدالله محمود
Date: 03-28-2018, 11:29 AM
Parent: #13
سلام عزيزي عبدالحفيظ و اتمني ان تكون بخير
يوجد في السودان مستر احمد شاكر و ايضا مستر ياسر اوشي اخصائي جراحة العظام مع تخصص دقيق في جراحة السلسلة الفقرية .
يمكن لصديقك مقابلة اي منهما. شخصيا اعرف عيادة مستر شاكر.
اتمني من صديقك ان يحذر التعامل بالعلاج البلدي، لانو الآم القضروف ان لم يتم التعامل معها بشكل طبي صحيح قد تؤدي الي مضاعفات اخري مثل حبس البول و عدم القدرة علي الحركة مع الالم المستمر.
تمنياتي لصديقك بالعافية.
|
Post: #16
Title: Re: مساعدة من اهل التجربة والاطباء
Author: Osman Awoda
Date: 03-28-2018, 01:12 PM
Parent: #1
حبيبنا معاوية سيخضع لجراحة يوم السبت
على يد بروف الفاتح الملك
دعواتكم
اهل الذمة والمؤلفة قلوبهم يمتنعون
|
Post: #17
Title: Re: مساعدة من اهل التجربة والاطباء
Author: Hassan Makkawi
Date: 03-28-2018, 01:57 PM
Parent: #16
Quote:
حبيبنا معاوية سيخضع لجراحة يوم السبت
على يد بروف الفاتح الملك
|
دعواتى بعاجل الشفاء
لوغيرت رايك تعال المستشفى الآلمانى حدانا
سمكرة ولحام وتطلع البيت نفس اليوم
عملية بسيطة....
|
Post: #18
Title: Re: مساعدة من اهل التجربة والاطباء
Author: معاوية الزبير
Date: 03-28-2018, 07:54 PM
Parent: #17
شكرا عبد الحفيظ للاهتمام الما مشحود عليهو
------
عزيزي عوض عمر عاشت الأسامي (عوض عمر الإمام من أشهر المقرئين في السودان)
غالبا العملية من النوع التاني الذي ذكرته لكن باستخدام المايكروسكوب
لإزالة الغضروف الضاغط على العصب وتنظيف "scar tissues"
تكونت إثر عملية غضروف سابقة جرت منذ سنوات طويلة
أشكرك جزيلا للاهتمام
------
أهلا محمد عبد الله
كما ذكر الخال عووضة ستجرى العملية في الدوحة السبت القادم
لكن معلوماتك ستكون مفيدة للناس في السودان
أشكرك جدا
-----
اوووه حسن مكاوي أبو صنارة
كتر خيرك، دائما صاحب واجب
الحقيقة شدة الألم لا تسمح بالسفر إلى أي مكان بالخارج
|
Post: #19
Title: Re: مساعدة من اهل التجربة والاطباء
Author: Rami Abdelkareem
Date: 03-28-2018, 08:02 PM
Parent: #18
نسأل الله العلي القدير بعاجل الشفاء اخونا معاويه الزبير
|
Post: #20
Title: Re: مساعدة من اهل التجربة والاطباء
Author: عبدالحفيظ ابوسن
Date: 03-28-2018, 08:26 PM
Parent: #19
تسلمو
وربنا يصلحك فيها يا معاوية
لكن يا جماعة لاحظت حاجة غريبة . الغضروف انتشر وبشكل مزعج ولي شباب صغار . غير الشكية بلاحظو في بيوت البكيات والمساجد اثناء الصلاة . زمان نادر جدا تشوف زول بصلي في كرسي او جالس . هسة بقت ملاحظة . بعض الجوامع فيها كراسي . او بتشاهد الناس ماشة الجامع بي كرسي
السبب شنو ياربي ؟
وانتشرت برضو قصة خشونة الركبة ولي شباب صغار كمان
معاوية الزبير دعواتنا معك وقلوبنا صوبك عسي ان يستجيب ربنا لتخفيف آلامك
|
|