في القريب العاجل ربما، ستستغني نهائيا عن جهاز الواي فاي ، وكل ما تحتاجه للحصول على الإنترنت هو المصباح الضوئي.
تقنية جديدة تسمى لاي فاي، LiFi، اسرع بعشرة آلاف مرة من الواي فاي الحالي.
رائد هذه الابحاث هو البروفيسور هارلد هاس(1) من جامعة إيدنبيرج، وقد تبنت شركة فيلبس لتقنيات الإضاءة هذه التقنية وتسعى لاضافتها لمنتجاتها، وفي مؤتمرها الصحفي الأمس بتاريخ 19 مارس 2018 أعلنت شركة فيلبس انها ستغير اسم “فيلبس للإضاءة” إلى شركة (سيجنيفاي)(2) والتي تعني (المعنى)، حيث اصبح للاضاءة معنىً آخر، مع الحفاظ على اسم الشركة الأم “فيلبس” ويأتي تغير اسم شركة فيلبس للإضاءة، بعد تبنيها للرؤية الجديدة وهي تحويل الضوء الى معلومات ووسيط لنقل الانترنت.
تقنيا وعبر هذه الوسيلة الجديدة ستستطيع مشاهدة افلام بدقة عالية جداً بدون أي انقطاع أو الحصول على الافلام والملفات بثواني معدودة والتي كانت تحتاج في الوقت العادي إلى ساعات.
حيث تصل سرعة هذه التقنية في الوقت الحالي إلى 240 جيجا بايت بالثانية نظريا ، وعمليا تم الوصول لسرعة 1 جيجا بايت بالثانية بينما الانترنت المنزلي بالمتوسط حاليا يصل إلى 1 ميجا بايت بالثانية في احسن المشغلات.
وتسعى مدينة دبي في دولة الامارات العربية المتحدة لتكون الدولة الأولى في العالم لتطبيق هذه التقنية(3)
Post: #2 Title: Re: الضوء بديلا للواي فاي قربيا !؟ Author: صبري طه Date: 03-22-2018, 11:28 AM Parent: #1
Post: #3 Title: Re: الضوء بديلا للواي فاي قربيا !؟ Author: دفع الله ود الأصيل Date: 03-22-2018, 12:22 PM Parent: #1
سامحني يا زهير و أنت كاتب جاد، ما قصدي أفتل لك بوستك الدثم. فقط لأنو ذكرني بأخبار عن حبوباتنا في الأزمنة الغابرة مقارنةً ب(بوبار) حبوبات نهايات ألفيتنا الحالية بعد أن تلفظ أنفاسها. فتعالو هذه المرة نخترق جدار الزمن باتجاه المستقبل. إذ ، لك أن نتخيل حياة حبوبات الأزمنة القادمة بعد سنين ضوئية إلى أن يرث الأاله الأرض ومن عليها . كحبوبات الرابعة مثلاً ثم التي سوف تليها، ثم التي تليها يعني، حبوبات آخر زمن، كلام عجيب!!
@ ففي ذلك الزمان حتماً سوف يتغير كل شيء.. ستبلغ حبوباتنا درجة عالية من التشرب بمعطيات التكنولوجيا .. فهيا لندخل في عالم حبوبات الألفية الرابعة..قالت حبوبة (نانسي) مخاطبة حاجة "شاهيناز"التي كانت منهمكة في فرك البامية المحورة جينياً!!!!! - والله يا شاهيناز ياختي أنا ما عارفاك بتفركي كيف بي (مفراكة الليزر) دي الناس بقو يفركو بي (المفراكة الكهرومغناطيسية . فقام ردت عليها حبوبة (نانسي) وهي تطفئ البوتجاز الذي يعمل بنظرية الأوتار الفائقة: - نسوي شنو يا بت أمي نحنا لسه ما دخلنا في عصر الصرخة العلمية لكن أسكتي ساي ما وريتك أمس حاجة هيام بت هيثم ود لؤي عملت شنو؟! .. نططت حاجة شاهيناز عيونها تهيؤاً لاستقبال الشمار وقالت: - مالا ؟! .. أنا عارفاها دي زولة عندها (ضلالات عدمية) تلقاها سوت ليها عملة كبيرة!! أجابتها حبوبة نانسي: - أمس مشيت ليها البيت كنت دايرة لي (ثالث كرومات السايكوبالتيك) عشان ألون الخبيز .. لقيتا ليكي ماسكة (اللا بتوب) بتاعا وعاملة (شات) مع واحد عجوز من (هضبة التبت) .. تصوريالمرا الما بتخجل دي! .ثم إمعاناً في هذه عشرة (النميمة الإلكترونية) قالت حاجة شاهيناز: أنا زاتي المره دي) بقيت مكجناها) مما سوت لينا القهوة في الجبنة الصانعنها من (معدن التيتانوم) ، يعني المتخلفة ما سمعت بي (جبنة الألياف الضوئية؟ ) ولا شنو يعني؟! أضافت حاجة نانسي في استهجان بعد أن صعرت خدها الأيسر:- والله صحي (الماوس ما بزيل بلم) .. العالم بتقدم و ديل لسة في التخلف، لكن إنتي أمس مالك ما مشيتي معانا لي الاحتفال بالذكرى السنوية لـ (جولدن جلاشو) عالم الفيزياء المشهور؟أجابتها حاجة شاهيناز: أمس بعيد عنك مشيت غشيت طبيب أسرتنا أفحص (الجينات) بتاعتي .. أصلو عندي زي ما تقولي طفيرة (جينية) كدا مغلباني بلحيل قلت أقلعا أرتاح منها مرة واحدة .. وبالمرة غشيت الصائغ بتاعي غيرت غوايشي بي معدن نفيس جديد إسمو (الزرانكلينيوم) جابوه من كوكب ما متذكراهو لكن بدور حول نجم اسمو (لالاند) مننا زي تمانية سنين ضوئية بس.! هزت حبوبة نانسي رأسها وقالت:والله بقيتي خطيرة عديييل كدا .. غوايش البتاع القلتيهو ده أنا زاتي ما سمعت بيها .. كدي وريني واحدة!!!!قالت لها حبوبة نانسي: ديل يابت أمي للمناسبات بس ما بطلعو بيهن ساي ثم رفعت حاجبها الأيمن بنوع من الغنج ودهاء مصطنع أصلو لمان موبالة ثم أضافت: وبعدين إنت الظاهر عليكي برضو ما سمعتي بي شنطة اليد الجديدة العاملنها من (رقائق السيلكون)؟اتنشقت حاجة شاهيناز نفساً عميقاً وهي تجهز عبارات مناسبة لترد بها هذه الهجمة الشرسة لترد لها البوبار بمثله بوبارين ثم قالت: حاجاتك القلتيها دي أنا صاح ما نقشتها .. لكن إنتي برضو ما سمعتي بي الكفتيرات الجديدة البتعمل بي (ألترا ساوند) و (موجات ألفا)و لا بـ (الكمشة الاستقطابية) .. ودي كمشة بتغرف الملاح براها وبتكبو في الصحن ..وعندك كمان (الحلة الفوتونية) ودي بتنجض الملاح بـ (الطاقة القمرية.....) في هذه اللحظة دخل عليهن (حاج رامي) عمك جلكين كدا ، زوج حبوبة نانسي وهو يناهز في الثمانمائة و نيف من عمره.. و توقف موارباً للباب وركب مجسات السونار ليتنصت على هذا (البوباريشن) المعتق، سمع حاجة شاهيناز تستطرد في حديثها لزوجته حبوبة نانسي وهي تقول: وبعدين أنا ولدي المغترب في (كوكب نبتون) جاب ليهو (شويفع آلي) صغيروني يساعد مرتو في تقطيع السلطة وغسيل العـدة .. وفي هذه اللحظة دخل حاج رامي وقال: قومن يا نسوان سون لينا الغدا وخلن (الفشخرة) الفاضية دي .. وأضاف في سره بغضب وان شاء الله تقوم بيكن قنبلة (بوزوترونية). تريحنا من نقتكن الكتيرة دي. تعيش كتير تشوف كتير إن شاء الله عمرا طويل يحضرنا زمن حبوبة نانسي وشاهيناز وجدو رامي وعمو هيثم وحاجة تغريد وعماتو ناس غريتا و سندريلا!!! إلى القاء ودمتم سالمين،،،، «« توقيع ود الأصيل »»
«« قف.. تأمل !!!»» ¶ هل شَاهَدْتُمْ يَوْمَاً كَلْبَاً يلهث عَضَّ يَدَاً تَرْعَاهْ؟ ¶ أَمْ هَلْ قابلتُمْ يوما ذِئْبَاً فِي الْبَرِّيَّةِ أَكَلَ أَخَاهْ؟ ¶ لَا، بَلْ هَلْ عِاشِرْتُمْ فِيلَاً يَكْذِب، ينهب، يَسْرِقُ, ¶ يَزْنِي ، يَشْهَدُ زُوْرَاً ، يُنْكِرُ حَقَّاً، يُفْشِي سِرَّاً، ¶ يَمْشِيْ مَغْرُوْرَاً بَيْنَ يَدَيْ مَوْلَاهْ؟!.. فَهَذَا ¶ لَعَمْرِيْ أَقْرَبُ مَا يَنْطَبِقُ عَلَىْ مَأْسَاةِ ¶ {مشروع اخْتِطَافِ بَلَدٍ بِحَالِهَا) ¶ .. ثُمَّ مَاذَا بَعْدُ؟!!!!! ¶ ود الحيشان التلاتة. من مواضيع ود الأصيل ( تحت الطبع): • خُمْـــسُو ضَــــكَرْ • (كَمَا السَّماءُ بَدَتْ لنا و اسْتَعْصَمَتْ... • في خَاطِري أشياءٌ عالقةٌ من حتَّى!! • إذا كان رب البيت بالدف لاعب فشيمةُ أهل البيت... • ® حب عذري، و لگن... إنما ينجب أطفالا π√
Post: #4 Title: Re: الضوء بديلا للواي فاي قربيا !؟ Author: زهير عثمان حمد Date: 03-22-2018, 07:24 PM Parent: #3
أخي دفع الله ود الاصيل تحياتي لك ما تريد وأكتب ما تود مع كل الامتنان