الصديق الشاهق بكري أبوبكر مؤسس سودانيزاونلاين.كوم

04:03 PM March, 20 2018

سودانيز اون لاين
ودقاسم-
مكتبتى
رابط مختصر

التحية لك ولكل من رافقك المسيرة الطويلة لهذا الموقع ولهذا المنبر . التحية لك وأنت تبدع وتبتكر هذا العمل الكبير خدمة لأبناء وطنك في العالم كله .
التحية لك وأنت تفتح للجميع قنوات التواصل الإليكتروني والتي نتجت عنها قنوات تواصل طبيعية أنتجت علاقات بناءة رائعة .
كان الناس في تلك الفترة في حاجة كبيرة لموقع يجمعهم ، يتواصون فيه بالصبر والحق . يتحاورون ويتثاقفون ، ويصنعون عالما افتراضيا يليق بالسودان والسودانيين.
والتحية لك ولمرافقيك الذين تجاوزوا البدايات الصعبة .. إنتاج النظام نفسه وتطويره وإنتاج لوائحه المنظمة . ثم انطلاقته للسير على المثل والقيم المرعية في المجتمع الأصيل
حتى سار على خط الأدب والذوق السوداني النبيل لا يحيد عنه ..
وجاءت فترة البورداب ، وكانت تجربة رائدة ، تلاقى فيها أصدقاء الأسافير عيانا بيانا ، وجها لوجه . فقويت الصلات ، واجتمع الناس على الإلفة والمحبة ، وتقاسموا نسمتها العليلة ، وتمددت العلاقات
وحدث التصاهر والتزاوج والتآخي والصداقة وتبادل الناس المودة والتواصل في الأفراح والأتراح . وما تزال علاقاتنا ممتدة مع من حافظ عليها ، وقد حفظ الود كل صاحب ود وجمال .
لقد انقطعت من المنبر فترة طويلة ، وغبت غيابا مبرر وغير مبرر .. ومن أسباب الغياب كبر السن وقلة الحيلة في الوطن . ومنها انبثاق فجر الأسافير المتسع والذي بدأتم شعاعه ، خاصة
المدعو الفيس بوك وأنداده . فأصبح كل شخص يدير صفحته أو صفحاته الخاصة والتي تأكل وقته كله . وأنا أقول لو تطورت فكرة المكتبات في سودانيزاونلاين لتصبح صفحات خاصة
لكنّا سبقنا الفيس بوك وفكرته .
كانت تجربة سودانيزاونلاين تجربة مفيدة وكبيرة الأثر في حياتنا ، تطورنا معها واندفعنا ساعين في دروب الفكر والحوار والأنس الجميل .. وأتيحت فرصة الالتقاء ببعض من باعدت بيننا وبينهم المسافات
وفرقتهم الأزمنة وأصابهم الشتات . ولا أنسى أبدا لقاءاتنا في دارك بشمبات وفي مواقع أخرى داخل الخرطوم ، أديرت فيها حوارات شيقة ، وتعرفنا فيها عن قرب .
آمل أن أجد الفرصة للتواصل مع الاخوة والأخوات كتاب سودانيزاونلاين ، وأتمنى عودة قوية لفكرة البورداب حول العالم . وليتكم تهتمون بتطوير فكرة المكتبات وتحويلها إلى صفحات خاصة ،
تدار بواسطة الموقع ، دفعا بالنشر الإليكتروني وفتح آفاق جديدة لتطوير مواقع سودانية رائدة ..
أكرر شكري وتقديري وتحياتي لك ولكل الذين واصلوا المسيرة أو ساندوها في أي مرحلة من مراحل استمراريتها وتطورها .

شكرا أخ ود قاسم

يستــاهل الريس بكري أبو بكــر

أحمـد الشايقي

الأستاذ أحمد الشايقي
لك التحية ..
منذ فترة وأنا عايز ألاقيك عشان نعزي بغض في أشقائنا أولاد الخليفة .. البركة في الجميع ، وربنا يتقبلهم بواسع رحمته .
وهذه واحدة من أفضال المنبر العام ..
نستغله صيوانا للأفراح والأتراح

مرحب ودقاسم

بوست رائع

بكرى سلامتو من ابوالشهيق

الله يستر دينق مايكون سقاهو حاجة كدا ولا كدا

تحياتى ياباشمهندس

اووو خمنا ود قاسم
شنو ياخ من قصة المزرعة ديك و عيييييك
اول حاجة مرحباّ بى عودتك
و تانى حاجةمقترح بنّاء يا ريت اخونا بكرى يختّو فى الاعتبار
__--
حسن حماد ... براحة شوية عشان البوست ده ما ينطبل

مرجبتين حبابك جلالدونا
ما شاء الله عليك ، لسة متذكر قصة المزرعة
نسعى حاليا لنشرها في كتاب إن شاء الله
يعطيك ألف عافية

حسن حماد .. حبابك .
تسلم لينا إنت ، ويسلموا لينا بكري ودينق
كلكم حبايبنا

( حسن حماد ... براحة شوية عشان البوست ده ما ينطبل )

مرحب حبيبنا جلال

ابدا والله الاستاذ ودقاسم فعلا فتح بوست رائع جدا

واتمنى أن يكون هذا البوست سبب فى عودة الكثيرين من أعضاء البورد القدامى

ودقاسم عودا حميدا مستطاب

اوكى ياجلال برسل لبكرى باقة عصير عرديب

اخونا ود قاسم حمدا لله على سلامة العودة
الموقع له تأثير كبير على الشأن السودانى ووسيلة مهمة من وسائل التواصل بين الاعضاء
شكراً ل بكرى وشكرا لك على اتاحة هذه الفرصة للبوح .

لا فض فوك يا ابا طلال
والتحية لك ولقلمك
والتحية للاخ بكري صاحب هذا الحوش الماهل الذي ضم اقلاما اثرت الساحة بكل صنوف الادب

لك التحية

شكرا ود قاسم على كلماتك الروعة بحق صاحب الحوش الكبير الواسع..
وشكرا لاقتراحاتك المفيدة بلا شك...
وشكرا الباشمهندس بكري الذي عرفنا على الكثيرين من الناس الروعة فعلا...
وجعل التواصل ممكنا وسهلا....
مع وافر التقدير والاحترام

حبيبنا ود قاسم
مشتاقين يا راجل يا عمدة بورداب الرياض

الملك العظيم جدنا ترهاقا
لك التحيات النواضر ..
وأيام الرياض لا تنمحي من الذاكرة
والله مشتاق ليك ، ومشتاق لجلسة استماع لفنك الرايق
الله يسلمك أبوحميد

تحيات طيبات امتثال
بكري يستحق الشكر ، ويستحق أن نقول عليه أنه مبدع سوداني استطاع في وقت مبكر جدا أن يقيم موقعا للتواصل الاجتماعي
وكان سابقا لكثير ممن ولجوا إلى هذا المجال .
آمل أن يسعى بكري لتطوير الموقع حتى يصبح موقعا متكاملا يجذب رواد مواقع التواصل الاجتماعي

شيخنا وأستاذنا الأديب الكبير أبوجهينة
لك تحياتي وتقديري
كيف أخبار الناس الحلوين في رياض الخير
فترة طويلة لم أشهد نشاطا لبورداب الرياض .. وهم من قبل أنشط البورداب

ربنا يسلمك يا علاء
عشان كده قلنا نذكر البعض بأفضال المنبر
ونوجه دعوة لكل من انقطع أن يعود ويواصل العطاء

شكرا نبيلا للباشمهندس بكري ابوبكر الذي جعل من هذا المنبر سودانا مصغرا
شكرا ليك انت كمان ياود قاسم لافتراعك هذا البوست
متمنيا ان يعود لهذا المنبر القه القديم

شكرا ودقاسم
شكرا بكري ابوبكر
شكرا للبورداب الذين تعلمنا منهم الكثير ...
وتعرفنا علي الكثير منهم فكانوا خير الزاد وخير الصحبه
:
:
:
:
:
:
:
مع التحيات لله الزاكيات

تحياتنا ياريس .. وربنا يوفقك كمان وكمان .

..
شكرا ياودقاسم لإتاحة الفرصة