كيف نسوا بتتعلم من الأيام ؟ هاتوا لي لحن واحد ... يشبه هذه التحفة ؟ زمن الإنقاذ ... رأينا فيه كل شيء ... حتى التصغير لكبارنا .. _____________________________________ بتتعلم من الأيام مصيرك بكرة تتعلم وتعرف كيف يكون الريد وليه الناس بتتألم متين عرف الهوى قلبك متين صابك بآهاتو متين سهّر عيونك ليل طويلة طويلة ساعاتو وحاتك لسة مابتقدر تقاسم قلبي دقاتو
. يحى ود قباني نعم والف نعم بنردد معاك شكرا شكرا ود الامين،،، فقد علمنا ود الامين الحروف المموسقة واللحن الذي يدغدغ المشاعر سواء كانت كلمات الاغنية تعبر عن مشاعر الحب والود الدفاقة او تعبر عن حب الوطن والثورة على الطغاة،،، مع وافر التقدير والاحترام والامتنان ود قباني ...وما قصرت وما عدمناك وربنا يديك الصحة والعافية
كل الحاصل يعتبر محاولات بائسة لإيجاد مخرج للأستاذ لكن هيهات، يجب عليه أن يعتذر ؤ يبطل المسوغات الفطيرة كمثل قوله دي غنوة دي غنوة كبيرة ؤ دي غنوة ربع رطل . لسنا بصدد إنتاجه ولا ننكره لكنه تصرف تصرف لا يخلو من نفخة كبرياء وحاول يبرر لها باقبح منها، ما تحاولو تستدروا عطف الناس بما انتجه، اسداء النصح ليهو بيكون افيد لو هو قبل ذلك ولا اخاله .
الحقيقة من متابعتي وحضور لبعض تسجيلات ود الأمين باستوديو آل حاكم بدبي، الرجل حساس حساسية لا يمكن تخيلها لأي خروج عن الأداء، يوقف التسجيل عشرات المرات ويظل يعيد المقاطع، ظل الفني يحاول أن يقنعه أن يستمر دون توقف أن تكنولوجيا التسجيل تستطع إصلاح الأخطاء لاحقاً، لكنه ظل يرفض ذلك.
ملاحظة يا قباني، أنت في بوستاتك غير منفتح للرأي الذي يعاكس رؤيتك، أنظر لضيقك من مداخلة المدير، حتى الآن هي مداخلة أساسية في البوست، لا يصلح منك تجاوزها ومحاولة تجاهلها
أهدي ليك أغنية: داير يسمع روحو بس غناء: نادية محنّة من الحنين وليس المحن اللهم أكفنا شر المحن ما ظهر منها وما بطن
عزيزنا قباني ، تعرف اختلف كثير من الاصدقاء في الحكم على الموقف بين متفق مع الاستاذ محمد الامين ومختلف بحكم معرفتي بالاستاذ ومشاركتي له في بعض الحفلات ، في بعض الاغاني محمد الامين بينفصل تماماً عن المستمع وبيكون مندمج مع غناهو، ومرات كتيرة بيعمل إضافات جديدة مسترجلة في اللحن بدون قصد وبتكون جميلة جداًا، عندي بعض من اللوم لاستاذ ، لأنو كان كان ممكن يمرر المسالة وبعد داك كطان ممكن يطلب منهم يعني إنو الاغنية دي بالذات ما دايرة مشاركة ، يعني أغنية زي بشوفك بكرة في الموعد ، الاغنية دي لا تكتمل إلا بالجمهور ، ما عايز اطول في الموضوع وما بيني وبين الاستاذ محمد الامين علاقة لها جذور ، وكل اللي بقدر اقوله ، محمد الامين لمن يطرب نفسه ، تلقائيا بيطرب الجمهور ولك ولضيوفك الود
عزيزنا قباني ، تعرف اختلف كثير من الاصدقاء في الحكم على الموقف بين متفق مع الاستاذ محمد الامين ومختلف بحكم معرفتي بالاستاذ ومشاركتي له في بعض الحفلات ، في بعض الاغاني محمد الامين بينفصل تماماً عن المستمع وبيكون مندمج مع غناهو، ومرات كتيرة بيعمل إضافات جديدة مسترجلة في اللحن بدون قصد وبتكون جميلة جداًا، عندي بعض من اللوم لاستاذ ، لأنو كان كان ممكن يمرر المسالة وبعد داك كطان ممكن يطلب منهم يعني إنو الاغنية دي بالذات ما دايرة مشاركة ، يعني أغنية زي بشوفك بكرة في الموعد ، الاغنية دي لا تكتمل إلا بالجمهور ، ما عايز اطول في الموضوع وما بيني وبين الاستاذ محمد الامين علاقة لها جذور ، وكل اللي بقدر اقوله ، محمد الامين لمن يطرب نفسه ، تلقائيا بيطرب الجمهور ولك ولضيوفك الود
استاذي الرجل الفنان ترهاقا ...
لا احد يقبل ان يوبخه احد حتى ولو عملاق مثل محمد الامين ...
لكن النقد وصل حد الاسفاف في مبدع قدم للوطن الكثير ...
انا اعلم تماماً ما تقوله و لذلك التمست له العذر ...
و حتى لو اخطأ ... ليس هكذا نعامل كبارنا ...
اصبح الناس في السودان لا يهمهم كبير او صغير كل يعطي نفسه الحق في النقد و الشتم ...
موقف كبير جدا من الأستاذ الموسيقار محمد الأمين ونقطة مميزة في مسيرته الفنية
هكذا أنظر لها شخصيا: يظل المبدع العبقري في أي مجال، مبدعا طوال مسيرته ويعتاد الناس إبداعه حتى يصبح هذا الإبداع سمة طبيعية متوقعة لكنه ذات مرة.. في لحظة ما من مسيرته الإبداعية يفعل شيئا مثل هذا يذكّر الناس بعظمته وأنه حقا يستحق الألقاب التي منحوها له باستحقاق منه
موقف كبير جدا من الأستاذ الموسيقار محمد الأمين ونقطة مميزة في مسيرته الفنية هكذا أنظر لها شخصيا: يظل المبدع العبقري في أي مجال، مبدعا طوال مسيرته ويعتاد الناس إبداعه حتى يصبح هذا الإبداع سمة طبيعية متوقعة لكنه ذات مرة.. في لحظة ما من مسيرته الإبداعية يفعل شيئا مثل هذا يذكّر الناس بعظمته وأنه حقا يستحق الألقاب التي منحوها له باستحقاق منه رددنا معك سراً يا أستاذ قباني
لم يتبقى من هم مثلك يا صديقي في ذلك البلد الأمين ...
Quote: و ( يا ريت ) لو كان الجمهور مثل هذا الجمهور ...
الجمهور دا البيميزو شنو عن جمهور نادي الضباط غير القاعة !، نفس الجمهور بتاع نادي الضباط لو جابوهو للصالة دي ممكن يكون في مستوى جمهور الصالة والعكس جمهور الصالة لو وديتو نادي الضباط تفاعلو حا يتغيّر، حفلات بوب مارلي وما يكل جاكسون الفي الأستادات بتختلف عن حفلات الصالآت محمد الأمين لو ما قادر يعرف الحِتة دي تبقى مصيبة، أما إذا عايزين نقول إنو الجمهور الفي نادي الضباط الإتعامل معاهو محمد الأمين بالطريقة التي لا تخلو من عجرفة جمهور متخلف فجمهور حفلات نادي الضباط هو الجمهور الحقيقي لمحمد الأمين . تربيتنا الصوفية أثّرت علينا شديد، فأبونا الشيخ مهما كانت غلطته كبيرة وعظيمة ببساطة شديدة جداً نقول عليهو غرقان وهذا الغراق يغفر له الذنب مهما عظُم، فأبونا الشيخ محمد الأمين برر موقفه بأنه غرقان لدرجة إنو ما بيعرف بيعمل في شنو ولا يعي صنيعه إلا بعد ما يعيد الشريط اليوم التاني، وعلي هذا وضع هو العذر لنفسه لكل تصرف يصدر منه في المستقبل . المجتمعات المتطورة دي تطورت لأنها عرفت قيّمة الإعتذار وأن الغلطات الفادحة يُمكن أن تؤدي للإستقالة من أعتى المناصب، وأنّ الإعتذار حق يُجبر عليه المخطئ ؤ مافي حاجة إسمها باركوها يا جماعة ولا في حاجة إسمها إفعل ما شئت ما ضرك بعد اليوم ما قدمت يا محمد الإمين واللآ يا نيكسون ...
التحايا و التقدير للجميع مرة ف لقاء مع استاذنا الكبير خضر بشير ردا على سؤال قال الواحد يطلع الشجرة .. و ينط و يضرب الواطة لغاية ما مركوبه يقطع المهم كان بيعبر عن درجة السلطنة ... كلامه كان جميل و لو انا ما قدرت استحضره بالتفصيل .. و عندنا بلدياتناا فنان قامة بمعنى الكلمة ...كان موجود بالرياض و سافر لجدة .. وصل جدة بالسلامة و ما اتصل بالناس قال ليهم شكرا ليكم و انا وصلت بالسلامة بعض الشباب زعلو .. بالله شوف .. نحن كمان تحت خدمته 24 ساعة و وصلناه المطار بالله ما اتصل علينا و قال انه وصل .. واحد رد ليهم .. هو لو كان زينا كان اتصل و شكرنا .. لكن ديل ناس مبدعين راسهم ما زى راسنا .. انهم يهيمون ف وادى عبقر.. و قالو مرة عبدالحليم حافظ انفعل ف جمهوره و قال ( بس بقى ) منهم من غفره له و منهم من يلوكه حتى الان ... و وردى مرة قال لو لقيت ف الحفلة واحد بس بيسمعنى و مركز معاى بتكيف و ممكن اغنى ليه لغاية الصباح الفن و الفنانين و الشعراء و المبدعين عالمهم تانى و احاسيسهم غير ..و تفكيرهم و رؤيتهم كذلك و تقديرى و احترامى لرؤى الجميع
انا شخصياً من اشد المعجبين بود اللمين واهتم كثيراً بادق تفاصيل الحانه ووصلاته الموسيقية
ومع هذا رايي الشخصي ان التصرف الحصل خطأ غير متوقع من فنان في قامة ود اللمين
والخطأ والكبوة كما تفضلت واردة في حياتنا جميعنا بلا استثناء .
وما فعله ود اللمين فعلاً خطأ ولكنه لا ينقص تاريخه ولا حاضره ولا مستقبله شيئاً
لانو رصيده يغطي كلفة هذه الهفوة ونحنا كسودانيين دائماً نغفر اسوأ الهفوات والاخطاء ناهيك عن هذا الخطأ البسيط
ياخي نحنا استقبلنا نميري استقبال الابطال لمن جا راجع .. اها تاني شنو عليك الله
بعدين كونو ود اللمين غلط فهو غير منزه عن الخطأ يجب علينا ان نقول انه اخطأ ودا شي عادي
هي الدنيا دي كلها جات بالغلط البمنع انو ود اللمين يغلط شنو ..
الحفلات العامة هي لابهاج الجمهور .. والجمهور يبتهج بطريقته دون املاء من احد وهي طريقة عفوية يجب على الفنان ان يقدرها ويحترمها كيفما كانت
ارجو انك تكون فهمتني
Post: #27 Title: Re: ردد معاي .. شكراً كتير شكراً كتير ود الأمين Author: عبدالله محمد أحمد Date: 03-21-2018, 09:53 AM Parent: #1
معظم الذين انتقدوا محمد الامين في توقفه عن الغناء و الذي طلب فيه جمهوره ان يتوقف عن الغناء معه، لم يحضروا لود الامين حفلة في نادي الضباط. اهم شئ في الاغنية هو ضبط الزمن و الايقاع. و لا شئ يقبح الغناء اكثر من (الشترة). الكثير من الذين يغنون مع محمد الامين يغنون خارج زمن الاغنية و لقرب المسرح من الجمهور فان ذلك يربك الفنان و العازفين. و الاهم من ذلك كله، الجمهور يغني باللحن المحفوظ عنده مسبقا، و الفنان قد تكون لديه فكرة تغيير الاداء لشكل افضل. ود الامين يعرف كيف كان يؤدي اغنية زاد الشجون سابقا و كيف يريد ان يؤديها الان، اما الجمهور سيغنيها بالشكل الاول لا الثاني و هنا الجمهور يمنع الفنان من الابداع و ياسره في القالب القديم. محمد الامين معاهو حق و الف حق و الجمهور غلطان.
و وردى مرة قال لو لقيت ف الحفلة واحد بس بيسمعنى و مركز معاى بتكيف و ممكن اغنى ليه لغاية الصباح الفن و الفنانين و الشعراء و المبدعين عالمهم تانى و احاسيسهم غير ..و تفكيرهم و رؤيتهم كذلك و تقديرى و احترامى لرؤى الجميع
