😡 حدث اليوم بمطار الخرطوم- معقول!!!#

06:53 AM March, 14 2018

سودانيز اون لاين
زهير عثمان حمد-السودان الخرطوم
مكتبتى
رابط مختصر

نا جمال عبد اللطيف محمد سوداني الجنسية
حصل لي هذا الموقف عصر الْيَوْمَ ١٣ مارس ٢٠١٨م وفي تمام الساعة 16:00 .. كان عندي معاملة بإدارة الجوازات في مكتب مطار الخرطوم بصالة المغادرة .!!. وبينما أنا في إنتظار معاملتي وأمام شباك السيد الملازم أول شرطة / أحمد عبد الحكيم الصديق جاء شخص ذو ملامح عربية يحمل حوالي ٧ جوازات سودانية ، ومن بينها جواز سوداني تجاري بغرض تأشيرة الخروج ..
وكان من بين هذه الجوازات جواز بإسم : ( أحمد عليان ) ..
وعندما قال له الملازم أول إذهب إليّ الشباك الأول لعمل تصوير للجوازات قال هذا الشاب بهذا اللفظ البذئ للأسف : ( شو هاي الملوطة ؟)
عندها لم أتمالك نفسي فسألته أنت سوداني ؟
قال : لا أنا عراقي ولكننا نحمل جوازات سودانية ..
فقلت للسيد الملازم أول/ أحمد عبدالحكيم هل سمعت ما قال هذا الشاب ؟
قال لي نعم سمعت .!!.
قلت للشاب إنت في مكتب من مكاتب وزارة الداخلية ويجب ان تحترم القانون والبلد التي تحمل جنسيتها !!
وإذا بالشاب يقول لي من انت ؟
وأمشي لعمر البشير بتاعكم اللي باع لينا الجوازات !!
شهدت السيد الملازم لكلام هذا الشاب الوقح وكذلك شهدت كل من كان حولي من السودانيين ، ومن بينهم عريف شرطة اسمه جمال .. وأستمر الشاب يشتم لفترة طويلة ولم يتصدى له أحد من العسكريين المناوبين بالمطار ولا حياة لمن تنادي .!!.
أنا شخصي الضعيف الوحيد الذي تصديت له ، ولَم يقف معي ولا شخص واحد !! حتي معاملته أنجزت له قبل معاملتي !! وأخذ الجوازات ونظر إليّ محتقراً بنظرات كلها بغيضة مريضة ..

والله هذا السلوك جعلني مستاء جداً جداً 😡
إلي متي يتم إذلالنا
نحن السودانين ؟؟؟

هذا ما حدث لي الْيَوْمَ الثلاثاء ١٣ مارس ٢٠١٨م 🤚🏽 والله علي ما أقول شهيد ..

جمال الدين عبداللطيف محمد

من يهن يسهل الهوان عليه
و البفقع المرارة انو و لا واحد من الموجودين وقف معاهو و لا حتى الشرطة

طبعا اشك فى هذه (القصة) لاسباب كتيرة واضحة فى النص.
لكن اقول لكاتب القصة.. ان كانت حقيقية فدعنى اقول لك انك لم تتصدى للرجل كما زعمت .. وحكاية قلت له وقال لى هذه وتفرح الضابط على هذا السيناريو الضعيف.
لكن اقول لك لو حصل هذا الموقف امامى فان ردى الفورى هو إعطاءه علقه تفقده التوازن وترميه على الارض.. العدالة الناجزة. حتعيش كم مرة حتى تجبن من أجبن خلق الله .

على رسلك يا بو الريش ياخي الراجل تحين ما عصرت عليهو شديد!!
ياخي هو ناقص فقع مرارة ياخ عشان تنزل فيهو تأنيب وكمان تشكيك في
صحة روايتو من أولا لآخرا مرة واحدة كدي؟!!الزول دا سوا قدرتو الله قدرو
عليها، انطلاقاً من مبدأ إنَّ ( ... و إن لم يستطع فبلسانه). و هدا جا يشكي ليكم
يا مظاليم الهوى و أصلو مجروح مرتين ؛ عسى و لعل يلقى من يشاطرو
وجدانياً.دا رغم إنيي متلك تماماً ،أخذتني الحمية حمية الجاهلة الأولى.
و لكن الظاهر طبعن العين بصيرة و الإيد قصيرة و مغلولة إلى عنقنا،
طالما سعادت ملازم الحيرة داك كما قال الأخ: كان سامع تب
و لا حرك ساكن؛ عامل أضان الحمل طرشا.

ابعد من الواتس شويه
احتراماتي لك

عارف يا ابوالزهور
جاتني الرسالة دي بالواتس
ومعها رسالة اخرى مرفق بها فيديو
بعنوان انتحار الامير بندر بن خالد بن عبدالعزيز آل سعود
في مطار لندن
وعندما دخلت النت وبحثت عن الامير بندر بن خالد وجدته توفى بالمملكة عليه رحمة الله وهو رجل في سن الجد أي متقدم في السن والمنتحر شاب
عشان كدا يا ابوالزهور اياك والواتسب
مع مودتي لك

المشكلة اي شيء عند الناس بخصوص الوجود السورى/العروبي الخ قابل للتكذيب وعدم التصديق!!!! علما ان الشخص الذي حدث له الموقف ختم كلامه بعبارة والله علي ما اقول شهيد....!!!

يا شباب شكرا لكنى لا يمكن ان اصدق هذه القصة.
لا يمكن هذا كذب الواتساب.
ما ممكن زول اجنبى يتبجح انه اشترى جنسيتك بقروشه ثم يشتمك بهذه الالفاظ السوقية ويشتم الضابط.. اغلب الظن ان الاخ زهير عارف هذه من خزعبلات الواتساب لكن جابها هنا لتجربة إجتماعية عشان يدرس ردود أفعال الناس.
والموضوع الزى دا ما فيه هاشمية ولا حاجة. خليه بس يقول الكلام ذا قدامى عشان يعرف حاجة.. بل قدام اى سودانى. واتحدى الاخ زهير ان يكون رد فعله غير ما قلته. إلا فى حالة ياخذ الرجل للشرطة ويشتكيه.. اما انا اخليه هو يمشى يشتكى لو فضلت فيه مروة عشان يتحرك.

وإذا بالشاب يقول لي من انت ؟
وأمشي لعمر البشير بتاعكم اللي باع لينا الجوازات !!
شهدت السيد الملازم لكلام هذا الشاب الوقح وكذلك شهدت كل من كان حولي من السودانيين ، ومن بينهم عريف شرطة
اسمه جمال .. وأستمر الشاب يشتم لفترة طويلة ولم يتصدى له أحد من العسكريين المناوبين بالمطار ولا حياة لمن تنادي .!!.
_____________________________



الحتة دي واسعة شديد .. لو جلينا الملازم وبقية العسكريين المناوبين بالمطار .. كل
من كان حوله من المواطنين سكتوا ومشوها للعراقي!!!.

دي الآثار النفسية لجملة البدون الجايين.

كمان في أخبار بـ تقول فتحت الحكومة السودانية باب التجنيس لمواطني 6 دول منها
سوريا .. العراق .. اليمن .. فلسطين وبورما!!!.

غايتو الله كريم.

.
إن صَحَّت الرواية !!
يبقى الموجودين كوووووولهم ما فيهم ( سوداني ) !!!!

بيييييي ظابطهم!!!!

.
إن صَحَّت الرواية !!
يبقى الموجودين كوووووولهم ما فيهم ( سوداني ) !!!!

بيييييي ظابطهم!!!!