صلاة الله الباعثنا على محمد ريسنا بصوت المادح علي المبارك يا أحمد عمر بصفتك خبير كبير نزل لينا الفيديو دا هنا
Post: #2 Title: Re: صلاة الله الباعثنا، إهداء للكور محسن خالد Author: عبدالحفيظ ابوسن Date: 03-13-2018, 03:45 PM Parent: #1
وانا بهديهو مدحة جدنا حياتي
مولاي سويني ضو والحقني بي من مضوا الرؤساء العضدوا والدينهم حضضوا *************
لا اكون ولادة سو أو أكو في الإنسوا في قلبي التقوى سو فيك ارسى كما الرسوا ***************
اللي وجهك عنوا وادنيني كما دنوا بالخير ثمرو الجنوا اجنيه كما جنوا ************
في امداح شافع العصوا اخلص كالاخلصوا في ملاء او في ضو احي الدنوا والقصوا ************************
ميلادو حجا الحجوا قالت بو الرحمة جو الكفر اتعجعجوا ماجو واتلجلجوا *********************
شاء النبي ما شاءوا اجدادو ولا رأوا احيا الضرعو كو والماتو اتغبروا *******************
في المرعى استقبلوا خدام ربو العلوا شقو صدرو وجلوا حكما وانوار ملو ****************** من ايو اليوم حكو والبير الخاليه كو والغيث لمن اشتكوا والعود بكى كالبكوا ********************
اصحابو الواددوا في الله كم جاهدوا شمل العدا بددوا والدين حيو ولدو *********************
اللاح كب دمعي جو نساني المهدو لي ضريح هادي الهدوا رب احدى كما الحدوا ********************
علي ملجأ الاذنبوا يوت صلى حياتي بو يحباها كما الحبوا يحبا والحاببوا
Post: #3 Title: Re: صلاة الله الباعثنا، إهداء للكور محسن خالد Author: الصادق اسماعيل Date: 03-13-2018, 05:12 PM Parent: #2
Post: #4 Title: Re: صلاة الله الباعثنا، إهداء للكور محسن خالد Author: أبوبكر عباس Date: 03-13-2018, 05:12 PM Parent: #2
قبل سنين طلب مني محسن خالد مدائح بصوت المادح علي المبارك فعلا ذهب لتلفزيون أم درمان وتحصلت على بعض المدائح بصوت المادح علي المبارك، صلاة الله الباعثنا الموجودة في اليو تيوب نزلت بواسطة صديق من التسجيل الذي تحصلت من التلفزيون
اثناء النقاش بالتلفون مع محسن قال لي: علي المبارك ومحمد وردي أحسن أصوات سودانية علي الاطلاق يا ريت الغوث محسن يجينا يونسنا بعلي المبارك مرّة تانية
شكراً العود ابسن على الهدية
Post: #5 Title: Re: صلاة الله الباعثنا، إهداء للكور محسن خالد Author: أبوبكر عباس Date: 03-13-2018, 05:15 PM Parent: #4
يا الصادق، شكرا تم جميلك ووريني كيف تنزل يوتيوب بواسطة الآي فون
Post: #6 Title: Re: صلاة الله الباعثنا، إهداء للكور محسن خالد Author: أبوبكر عباس Date: 03-13-2018, 05:19 PM Parent: #5
المبر محمود من المثقفين المجانين قال لي: علي المبارك لمان يكون بمدح في الحضرات، الشيخ بقول ليهو ما تعبر، لأنو لو عبر، الحيران بدردقوا في الواطة ولو ما أخاف الكضب قال لي: كإجراء وقائي بربطوا ليهو عمة حول الحنجرة
Post: #7 Title: Re: صلاة الله الباعثنا، إهداء للكور محسن خالد Author: أبوبكر عباس Date: 03-13-2018, 05:20 PM Parent: #6
تأملوا الزول دا موش ملاك أسود؟ صحي الما عندو محبّة ما عندو الحبّة
Post: #8 Title: Re: صلاة الله الباعثنا، إهداء للكور محسن خالد Author: السيد المسلمي Date: 03-20-2018, 01:38 PM Parent: #7
Quote: الغوث محسن
ومتي تدحرج محسن خالد ونزل الي مرتبة الغوثية ؟ !
Post: #9 Title: Re: صلاة الله الباعثنا، إهداء للكور محسن خالد Author: علي عبدالوهاب عثمان Date: 03-20-2018, 03:42 PM Parent: #8
حبيبنا أبوبكر .. بوستاتك جاذبة .. بالجد مستنير .. راجع العنوان (( إهداء للكور محسن خالد )) (( الكور )) بلغة أهل الخليج معناه ( العبد ) والجمع ( كيران ) سمعتها مليون مرة مع قليل من التهذيب يقولوا (( الخال ))
أنا أحد رواد بوستاتك .. مع التحية يا الحبيب أبوبكر