Post: #1
Title: شكرا للحرامي ومن هنا نبدأ
Author: فرح الطاهر ابو روضة
Date: 03-12-2018, 10:52 AM
Parent: #0
10:52 AM March, 12 2018 سودانيز اون لاين
فرح الطاهر ابو روضة-...................
مكتبتى
رابط مختصر شكرا للحرامي
كيف اخباركم أعضاء سودانيز اون لاين جميعا عساكم بخير بعافية ومتعافين
غياب امتد لظروف بعضها خاص وجلها فنية فهمت اخيرا أسبابه متعلقة بالجهاز الخاص بدخولي للمنبر علما بأن الجهاز تمت سرقته وانا بعاين في الحرامي يعني كما يسرق الكيزان السودان
المهم بعد سرقة الجهاز وامتلاك جهاز جديد أدركت بأن الخلل في الفترة السابقة متعلق بالجهاز نفسه
من هنا كان شكري للحرامي أن أتاح لي فرصة التواصل معكم بعد غياب واي حرامي لابد يعلمك الانتباه وضروري انك تستفيد من تجاربك معه وتطور أدواتك لاسترداد حقوقك والحرامية مع انهم أنواع حرامي في رأسه ريشة وحرامي عينه قوية وحرامي عبيط بس كلهم بلتقوا في أنهم بلا أخلاق أو ضمير وبلا مقومات تمكنهم من العيش بشرف وأمانة ومسؤولية فاحذروا الحرامية وأعدوا لهم وسائل بترهم
كتير من الاحداث الاجتماعية مرت من هنا فمني فرح الطاهر ابو روضة لمن فقدوا عزيزا احر التعازي ونسأل الله لموتاهم الرحمة والمغفرة
ومن ابتسمت لهم الحياة بمناسبة سعيدة زواج مولود نجاح الف مبروك وأخص هنا الصديق مجيدو قطر بمناسبة زواج ابنته بيت مال وعيال
مر العام 2017 لازال السلطان دينق متربعا على عرش كاتبي المفضل همة ونشاط وسحقا لخلايا شواطين الإخوان المتاسلمين كيزان وأمنجية وانتهازيين ورماديين
مؤسف جدا ما حدث لشقة مصر وكل تداعيات تلك الأحداث اتمنى إلا تثبط الخير في أعضاء المنبر وان يتم تقييم للتجربة بعيد من الانفعال بكل ما فيها واكيد الناس بتطلع منها بما هو مفيد
الفنان عمر دفع الله
لازال أنيق في ريشته حريف في تعليقاته يتش عين الضلام بالضوء إلى الأمام يا همام
بوست زميل المنبر أحمد طراوة حيث لا مناشفة حيث لا بلاشفة من أكثر البوستات استمرارية وبنفس الحضور الجميل ومرتب و ضمن بوستات اتابعها بصورة شبه يومية تعظيم سلام
وبعد أحمد طراوه مافي كلام
من أكثر البوستات اختفاء وبسرعة
بوست الصديق زميل المنبر ناصر حسين وعد بالحضور يوم 16 يناير عصرا وكان شعبنا عند وعده وعهده وغاب ناصر حسين شكرا لمن أثروا ذاك البوست رغم غياب صاحب العدة دون عذر واضح هههه
بوست الفحص
بوست حلو مر حلو بكم المرح الكان فيه ومر في الهروب من مواجهة الحقيقة عضو المنبر بريمة في البوست المعنى وصورته بهندامه العربي الكامل والهروب من الفحص شابه لي محاولة إثبات عروبته على نهج جماعة التدين الشكلي
يعني يا بريمة بدل الزرزرة دي ما كان يكفينا نحن سودانين أفارقة الانتماء نجيد العربية ويتدين معظمنا بالإسلام الصوفي السمح المتسامح بس نعمل شنو في كراهية الذات والأستلاب الحاصل عيلنا ده
على هامش أهل كبر اليهود هههههه أنحنا طبعا غني لينا الأفارقة بدون استثناء صوماليين احباش ارتيريين غني لينا ملك الغنا المصري محمد منير والان توجد فرقة موسيقية مصرية تتغنى باغنيات النور الجيلاني بطريقة رائعة يبقى أنحنا عندنا ما يجبر الآخرين على الانتباه إليه ويبقى في خلل في حكاية اننا كيف نوصل فننا للآخرين ومسالة الفن والإبداع وتذوق الفنون ما مرتبطة بدين يهودي أو إسلامي ومسيحي وهندوسي يبقى بوست أهل كبر اليهود من محن هذا المنبر كما محنة أعضاء سودانيز في ود الباوقة ورهطه
وعلى سيرة المحن ونحن نتابع محاولات توطين البدون في السودان بين تصريحات برلمانيون كويتيين ونفى حكومي سوداني لابد أن نتذكر محنة أهالي حلفا وذكريات حلفا وبوست عضو المنبر الجميل فيصل خليل
تحياتي لكم مجددا وشكرا لمن سأل عن شخصي الضعيف أخص بالشكر الزميلة الكنداكة مني عمسيب عارف مع امنياتي له بشفاء عاجل وكل من سأل عني وتحية خاصة جدا أصدقائي من أعضاء المنبر في قروب اصحاب بلا حدود
دمتم سالمين ومن هنا نبدأ أن كان المولى هون
|
Post: #2
Title: Re: شكرا للحرامي ومن هنا نبدأ
Author: معاوية عبيد الصائم
Date: 03-12-2018, 11:30 AM
Parent: #1
عودا جميلا ي صاحب
الجابك يجييب بت زينب
والباقين
|
Post: #3
Title: Re: شكرا للحرامي ومن هنا نبدأ
Author: زهير عثمان حمد
Date: 03-12-2018, 11:33 AM
Parent: #2
عودا حميد يا أنبل الرفاق
وأهلابك في دارك وبين أهلك
متعك ربي بالعافية
لك كل الود
|
Post: #4
Title: Re: شكرا للحرامي ومن هنا نبدأ
Author: علي دفع الله
Date: 03-12-2018, 11:43 AM
Parent: #3
عودا جميلا
بالجد فاقدنك
اتوهط وسط الدارة
واحكي لينا عن حكاوي الوطن البقت ما بتعجب عدو ولا صليح
واخرها كما قال كبيرهم حين خطاءا وادركه صواب
(كنتم خير امة اخرجت للنار)
والنار متعلبة فينا 28 عاما عجاف
وثقاب النار ماسكو بي ايدك يا كبيرهم
----------
حبابك ابو روضة
يلا انداح
|
Post: #5
Title: Re: شكرا للحرامي ومن هنا نبدأ
Author: محمد علي البصير
Date: 03-12-2018, 11:46 AM
Parent: #4
أوووو حبيبنا أبو روضة
ياخ مشتاقين والله
ها زول طولت الغيبة
|
Post: #6
Title: Re: شكرا للحرامي ومن هنا نبدأ
Author: معاوية الزبير
Date: 03-12-2018, 11:54 AM
Parent: #5
اوووو ابو الروض الظليل، حمدا لله على سلامة العودة
تلخيص جميل ووافي لأهم البوستات الحدثت في غيابك
ما خليت شاردة ولا واردة، ما شاء الله حس أمني رفيع
قبل أن تنداح هناك طلبان مهمان:
- شهادة خلو من سب الدين
- فحص الـDNA
و.. تاني مرة خلي بالك من "جهازك" 
|
Post: #7
Title: Re: شكرا للحرامي ومن هنا نبدأ
Author: احمد حمودى
Date: 03-12-2018, 12:35 PM
Parent: #6
حمدلله على سلامة العودة ابوالروض الظليل
|
Post: #8
Title: Re: شكرا للحرامي ومن هنا نبدأ
Author: متوكل حسن
Date: 03-12-2018, 03:45 PM
Parent: #7
عود حميدا ابو روضةوتحياتي للمشاركين وخاصا ود دفع الله زميل الراكوبة
|
Post: #9
Title: Re: شكرا للحرامي ومن هنا نبدأ
Author: عبدالحفيظ ابوسن
Date: 03-12-2018, 03:50 PM
|
Post: #10
Title: Re: شكرا للحرامي ومن هنا نبدأ
Author: Nasser Amin
Date: 03-12-2018, 03:54 PM
Parent: #9
|
Post: #11
Title: Re: شكرا للحرامي ومن هنا نبدأ
Author: جلالدونا
Date: 03-12-2018, 04:05 PM
Parent: #10
مرحب ابو الروضة و ابارك ليك سرقة الجهاز
|
Post: #12
Title: Re: شكرا للحرامي ومن هنا نبدأ
Author: فرح الطاهر ابو روضة
Date: 03-13-2018, 08:48 AM
Parent: #11
معاوية عبيد ود الزبير ابو الزهور أحمد حمودي ود ابو سن على دفع الله جلال محمد على البصير متوكل
الواحد بالجد فرحان بيكم جدا وبحفاوة الاستقبال وما بقدر اقول ليكم هنا اكتر من
يوم شكركم يا رب ما يجي
ويا ود اب سن انت عارف كم هي الاشواق
وعارف انك رقم في وجدان كوستي كلها ومش ابو روضة براهو حتى لو بفهم انكم نسابه واخوال محجوب شريف فمستحيل انا اكون جيت وما طليتك دم بالف خير وسلم لي عليهم حتى اللسه قبل الخلق والتكوين ولو حيين فبها الزايلة
حتما لنا لقا قريبا
الصديق الودود معاوية الزبير
البوست وانت سيد العارفين محاولة لقراية سريعة للمنبر واحداته وابدا رأي وعلى قول أهلنا العنده بليلة بعاشي بيها
ومر علينا الكثير 16 يناير وما بعدها وروعة التغطية والمتابعة الدقيقة للأحداث
غياب لبعض الأقلام المؤثرة وإطلالة لأعضاء جدد مشاركين بفعالية وعودة آخرين ويبقى ده حال كل المنابر وسوانيز مش استثناء
وبرضه ملاحظ انه شهور وعلى الكنزي لم يفصح عن ماذا كان يفعل الأستاذ الشهيد محمود محمد طه داخل غرفته عند صلاة المغرب ويا رب اننا ما نفقدوا بس شكلها حتظل الساقية مدورة وانا شخصيا جاتني شحتافة روح هههه
على كل حال اختلفنا أو اتفقنا مع الكنزي يظل عضو له حضوره ويجيد تدوير وتدويل المنبر
من الاحداث برضه المهمة في تاريخ هذا المنبر وفد المنافع الناس ديل وين
وعملوا شنو
ما فيهم غير قريمان حايم ليه بقرع مغتا ويابس
وانا من هنا بهديهم اغنية على ابراهيم تواه انا
موضوع الفحص ابشرك انا ملتزم بيه بعد بريمة على طول بس بريمة لو تقدم للفحص بحسب الجته الجوه العقال دي حيستضيفوه بكباية ليمون ويكتبوا ليه افرقانيتو بدون فحص
مع برقية شكر للملامح التي لاتخون ولو تاهت العقول
أجمل مافي بوست الجميل قباني يا ود الزبير تعليق صديقي جلال قرأت المداخلة وطافت بذاكراتي حكاية تستحق التوثيق ايام حل الحزب الشيوعي السوداني وندوة الخرتوم تحدث الشهيد عبدالخالق عن مناهضة طلاب الأزهر لسلطة الملك فاروق وخروجهم بمظاهرة طافت الشوارع بهتافات
يسقط يسقط الذي تعرفونه
دون التطرق لاسم الملك فاروق
بعد هذه المقدمه استهل الشهيد عبدالخالق الندوة قائلا بسم الذي تعرفونه اخاطبكم اليوم
فكانت استهلالية صفق لها حتى رجالات الأمن المكلفين بمتابعة واعتقال الشهيد عبدالخالق إذا لزم الأمر مشاركة جلال المن هناك ذكرتني الحكاية دي وتعظيم سلام ود قباني
الصديق على دفع الله
تحياتي ليك وأشواق كميات
وصحيح الحال بقى ما بيسر والوطن مستف بالجراح وفساد ودمار وخراب ولكن في يقين كل شرفاء شعبنا دوام الحال من المحال
سيخرج الوطن من بين ظلماتهم قبس منير فليزدوا باب السجن ترباس
بشوف العالم التحتاني
هيلاهوب وقف ناهض
وهد عمايد الفوقاني
وجوه الجب رمي العارض
بشوفو بعيد بعد نجمي
وبشوفو قريب قرب نضمي
دمت كما أنت رحيبا كما نيلينا الدفاق
وسلام واحترامي لكم كلكم عبر هذا البوست جميعا
|
Post: #13
Title: Re: شكرا للحرامي ومن هنا نبدأ
Author: مني عمسيب
Date: 03-13-2018, 09:08 AM
Parent: #12
عودآ حميدآ مستطاب .
وليك وحشاااااااااااااااات .
قلت لي حرامي ؟ ههههههههههه
|
Post: #14
Title: Re: شكرا للحرامي ومن هنا نبدأ
Author: فرح الطاهر ابو روضة
Date: 03-13-2018, 09:39 AM
Parent: #13
الكنداكة بت عمسيب
وما تنسي في حرامية سقطوا من البوست خوف النجاسة
حرامي متحلل
وحرامي ببارك فقه التحلل
واللهم اني اعوذ بك من الخبث والخبايث
داخل السطر
كيف حالك واخبار الدنيا معاك والأولاد
عساكم طيبين
ويا ام ضفاير قودي الرسن
واهتفي فليحي الوطن
|
Post: #15
Title: Re: شكرا للحرامي ومن هنا نبدأ
Author: معاوية عبيد الصائم
Date: 03-13-2018, 04:45 PM
Parent: #1
احترامى للحرامى
|
Post: #16
Title: Re: شكرا للحرامي ومن هنا نبدأ
Author: عمر أبوعاقلة
Date: 03-13-2018, 05:22 PM
Parent: #15
جيداً جيت يا المحبوب .. حباااابك
سعيد يوماً على منبرنا جااااااببك
حباب الطلة .. حار بالحيل غياااااابك
دم بخير أبو روضة وزي ما قال ليك ود الزبير
خلي بالك من جهازك (وتقرأ أيضاً لغاليغك)
|
Post: #17
Title: Re: شكرا للحرامي ومن هنا نبدأ
Author: osama elkhawad
Date: 03-13-2018, 07:34 PM
Parent: #16
مرحب بفرح
العنوان إوحى إلي في البداية انك تشكر "حاتم ابراهيم"....
|
Post: #18
Title: Re: شكرا للحرامي ومن هنا نبدأ
Author: محمد نور عودو
Date: 03-13-2018, 07:38 PM
Parent: #17
سلامات
ابو روضة وعودا حميدا
|
Post: #21
Title: Re: شكرا للحرامي ومن هنا نبدأ
Author: فرح الطاهر ابو روضة
Date: 03-14-2018, 09:23 AM
Parent: #18
الزول الواضح محمد نور عودو
من وجودك مع كوكبة من الأعضاء بهذا المنبر ملهم للكثير
تقبل تحياتي
|
Post: #19
Title: Re: شكرا للحرامي ومن هنا نبدأ
Author: Deng
Date: 03-13-2018, 07:43 PM
Parent: #17
الاخ أبو روضة.
مرحب بك في المنبر.
مكانك شاغر.
وأكيد الكيزان والامنجية جاتهم رجفة بحضورك.
|
Post: #20
Title: Re: شكرا للحرامي ومن هنا نبدأ
Author: فرح الطاهر ابو روضة
Date: 03-14-2018, 09:03 AM
Parent: #19
حبابك معاوية عبيد في البوست للمره الثانية وثالثة ورابعة وبالمناسبة طالما أنك جيت
شايف ياخ لسه مسلسل المستنير مستمر مسلسل تركي عديل فياخ المستنير ده عليك الله جليه ولا هو يجليك إذا ما قادرين تستحملوا بعض
تعرف انا قبل الانقطاع من المنبر عملت بالنظرية دي ونجحت بنسبة كبيرة رغم أنه مرة مرة كان بتشعبطني
المره دي انا قررت شي تاني اديه حقه في الإنارة والاستنارة 240 فولت مادام هو عايز كده ويارب الإنارة تضوي ليه في النهاية انا ما خسران حاجة
حاجتين ما ممكن أقيف معاهو فيها عشان يكون عارف من هسي لو دخل معاي في المصالحة دي ههههه
دعوة بكرى لإيقاف عضويتك أو عضوية اي عضو في المنبر ودي شطحة منبرية لا تأتي إلا من مستنير سودانيز بكور
والشي التاني الوداع والتهديد بالوداع وكرنفالات المطالبة بالعودة وعلى فترات ولو سألني ليه لأنه والله في رايي الشخصي أكثر سوداني تلاعب بالفراق والرحيل لدرجة انه الوداع ذاتو بقى ما ليه قيمة ولا معنى هو مستنير سودانيز
وابشرك فعلا انا بديت تدشين للمرحلة دي ايام موضوع شقة مصر على ما اذكر كتبت مشاركة من خلال الفيس تكرم يارفاقها للموضوع المعني زميل المنبر ود البشري مشكورا كان للمستنير فبها نصيب على أي حال رد على رغم انو رد لا حكى لا بقى ولكنني اعتبرته مقبول في إطار التدشين لمرحلة جديدة من العلاقات مع المستنير الان اذا بصم المستنير على ما جا بعاليه انا مستعد تماما فجرب معاي في النهاية على اسوا الفروض بكون ليك أجر المحاولة
الجزئية التانية
ام شعيفة شايفة رايقة وما متضايقة وربنا يديم الحال ان لم يقلب الطبع التطبع
ومرحبا بالرايقة ست الجيل هههه
دم بالف خير ووصبتي دي ابقى عليها عشرة
الاديب الكبير أسامة الخواض
شكرا على المرور وعلى ذكر حاتم وين الزول ده
نتمني أن بكون المانع خير
وحاتم يا استاذنا الخواص قلم لا يمكن اختزاله في بوست ولا الحكم عليه عبر بوستات الملاحقات والمسكاكات والشلليلات حاتم يظل عضو صاحب بصمة مميزه في هذا المنبر له الكثير من المتابعين والمعحبين
لا أخفيك سرا العبد لله واحد منهم
وهذا لا يعني بأن حاتم ليس لديه أخطأ مثله وبقية الأعضاء يخطي ويصيب
موضوع سرقة حاتم بالتحديد تابعت تداعياته وأفادات الكثير من الأعضاء مقابل صمت لحاتم رغم أنه مدافع ممتاز عن آرائه ومهاجم شرس هذا الصمت مع وجود حاتم الكثيف في تلك الفترة يجعل الحكم على حاتم منقوصا
قبل توقفي من المنبر يا الخواض قمت بجهد متواضع محاولة للتوفيق بين حاتم والأستاذ الكبير الموصلي تكللت بالنجاح رغم محاولات بعض الأعضاء التشويش على مقاصد البوست وفي النهاية الامور مشت انا والله بتمنى انكم تصفوا خلافاتكم مع بعض وانت قلم صاحب فكرة ورؤية مؤهل للقيام بهذا الدور ليس على مستوى الاختلاف والاتفاق بينك وحاتم أو إي عضو آخر بل إلى رحاب الوطن السودان الذي يسع الجميع فما تختزل نفسك يا الخواض في محطات صغيرة
لك كل الود
الصديق عمر ابو عاقلة
تسلم كتير على المرور وروح المجاملة الطيبة
السلطان دينق شخصيا
وكفى
دمت وفيا لسودان حدادي مدادي
مليون ميل مربع بالكمال والتمام رغم أنف الكائدين
|
Post: #22
Title: Re: شكرا للحرامي ومن هنا نبدأ
Author: Arif Nashed
Date: 03-14-2018, 09:33 AM
Parent: #20
حبيبنا ابو الرور حمدا لله علي عودتك للمنبر بعد غياب وربنا يعوض عليك..
لقد افتقدنا حضورك مشاركاتك في الفترة السابقة التي حفلت بالعديد من الأحداث والمتغيرات في الساحة السودانية والمنبرية
|
Post: #23
Title: Re: شكرا للحرامي ومن هنا نبدأ
Author: فرح الطاهر ابو روضة
Date: 03-15-2018, 07:33 AM
Parent: #22
عارف
الف حمد على السلام وما تشوف شر
وكنتم قدر الشيلة
ما ناقصين ولا تموت جرتق حتى
|
Post: #24
Title: Re: شكرا للحرامي ومن هنا نبدأ
Author: معاوية عبيد الصائم
Date: 03-15-2018, 10:00 AM
Parent: #23
.
|
Post: #25
Title: Re: شكرا للحرامي ومن هنا نبدأ
Author: فرح الطاهر ابو روضة
Date: 03-16-2018, 07:32 AM
Parent: #24
15 مارس 2018
اطفا الابن محجوب شريف شمعته الأولى
كل عام وانت بالف خير
|
Post: #26
Title: Re: شكرا للحرامي ومن هنا نبدأ
Author: محمد مجيدو
Date: 03-16-2018, 09:43 PM
Parent: #25
الحبيب ابوروضة... سلام
مرحب بعودتك .. وشكرا على تهنئتك لي في زفاف بنتنا منى ...
واطيب التهاني والتبريكات للابن محجوب شريف بعيد ميلاده الاول
ونتمنى ان يكون من رجال المستقبل الواعد .. ويعمل انقلاب احمر ..(مايطلع زي ابوه ).
الله يديك العافية وتشوفو عريس باذن الله ..
ولو في العمر بقية بنحضر معاك العرس .. قادر يا كريم ..
تحياتي ,,
عاالم بطاالـــــــــــــــــة ,,
|
Post: #27
Title: Re: شكرا للحرامي ومن هنا نبدأ
Author: عمر دهب
Date: 03-17-2018, 02:56 AM
Parent: #26
سلام اباروضه
والف حمدلله على السلامه
|
Post: #29
Title: Re: شكرا للحرامي ومن هنا نبدأ
Author: فرح الطاهر ابو روضة
Date: 03-17-2018, 07:10 AM
Parent: #27
حبابك مليون عمر دهب
وتسلم يا راقي
|
Post: #28
Title: Re: شكرا للحرامي ومن هنا نبدأ
Author: فرح الطاهر ابو روضة
Date: 03-17-2018, 07:07 AM
Parent: #26
مجيدو ازيك ومشتاقون
وهي جات على التهنئة يا مجيدو ياخ والله تستاهل
يبدو ليك الرحال عديل
وان نكون حضورا
وكل عام وانت طيب ولو سيد الاسم
ادانا الربع منو على قول أهلنا أنحنا كسبانين
وابشرك
محجوب حتى الآن لفتاوي كامل الدسم
حتى لما يجي يكج عينه بكج عينو الشمال
هههههه يعني زي ما ابو روضة متلحكم انتو مرنو أولادكم بس هههههه
امنياتي لك بإجازة سعيد بعيد من صواني السمك هههه
|
Post: #30
Title: Re: شكرا للحرامي ومن هنا نبدأ
Author: عبدالحفيظ ابوسن
Date: 03-17-2018, 08:10 AM
Parent: #28
العزيز جدا فرح
اعتذر جدا عن سحب المداخلة
اعتذار غير مبرر ولا له ما يسنده
فقط ثق
انك لك معزة خاصة
ومبروك ل محجوب لا زال طعم خروف سمايته في فمي
|
Post: #31
Title: Re: شكرا للحرامي ومن هنا نبدأ
Author: فرح الطاهر ابو روضة
Date: 03-17-2018, 08:43 AM
Parent: #30
يا ود اب سن
انت زول ليك في القلب مودة وبينا اعتذارات
دم بالف خير يا عزيزي
وانا والله من هنا بعتذر لزميل المنبر ناصر أمين
وبكل أمانة لم تتجاوزك حروفي المتواضعة لا استخفافا
ولا تجاهلا
لعدم مشاهدة والاطلاع على المداخلة فلك العتبي حتى ترضى
يا عزيزي
|
Post: #32
Title: Re: شكرا للحرامي ومن هنا نبدأ
Author: Nasser Amin
Date: 03-17-2018, 11:38 AM
Parent: #31
سلامات الاخ ابو روضة
و لا يهمك , في الحقيقة تحسست شوية
و مرحب بعودتك مجددا
وتمنياتي بالصحة و التوفيق للابن محجوب
تحياتي
|
Post: #33
Title: Re: شكرا للحرامي ومن هنا نبدأ
Author: فرح الطاهر ابو روضة
Date: 03-17-2018, 04:39 PM
Parent: #32
يبقى الحق علينا
وايه الدنيا غير لمة ناس في خير أو في ساعة حزن
مرحبا بك دوما
|
Post: #34
Title: Re: شكرا للحرامي ومن هنا نبدأ
Author: nour tawir
Date: 03-18-2018, 00:23 AM
Parent: #33
ألف حمد الله على السلامة..
كنت ممن أفتقدك..
ثم سألت عنك..
ثم اقتنعت بأن أمرا فوق العادة قد عطل دخولك الى المنبر..
و أحيانا كنت أفكر فى ان الحزب الشيوعى قد كلفك بمهمة أخذت كل وقتك..
و على العموم و كما قال دينق...
مكانك شاغر...
أدخل برجلك اليمين...
|
Post: #35
Title: Re: شكرا للحرامي ومن هنا نبدأ
Author: أبوبكر عباس
Date: 03-18-2018, 03:15 AM
Parent: #34
كتب فرح:
"ابشرك فعلا انا بديت تدشين للمرحلة دي ايام موضوع شقة مصر على ما اذكر كتبت مشاركة من خلال الفيس تكرم يارفاقها للموضوع المعني زميل المنبر ود البشري مشكورا كان للمستنير فبها نصيب على أي حال رد على رغم انو رد لا حكى لا بقى ولكنني اعتبرته مقبول في إطار التدشين لمرحلة جديدة من العلاقات مع المستنير الان اذا بصم المستنير على ما جا بعاليه انا مستعد تماما فجرب معاي في النهاية على اسوا الفروض بكون ليك أجر المحاولة "
أرجو توضيح يا أستاذ، دايرني أبصم على شنو بما جاء بعاليه؟
حتى تكون المرحلة التي قمت بالتدشين عليها واضحة معي
|
Post: #36
Title: Re: شكرا للحرامي ومن هنا نبدأ
Author: فرح الطاهر ابو روضة
Date: 03-18-2018, 09:42 AM
Parent: #34
نور تاور
ليك شوقنا
لا تكليف ولا شي
والحرامي زي ما قلت هو الحابني ليكم
كنت اكتب البوست أو المشاركة ولا أستطيع الإرسال مع اني مسجل دخول
ورب ضارة نافعة
وشكرا لعودة التواصل مع السلطان ودي من الحاجات الجميلة
الحصلت في المنبر
وكم تمنيت أن لا يكون هناك اختلاف بين شرفا هذا المنبر
ولا صوت يعلو فوق وحدتهم خلف
إسقاط هذا النظام
لكما احترامي انتي والسلطان
|
Post: #37
Title: Re: شكرا للحرامي ومن هنا نبدأ
Author: nour tawir
Date: 03-18-2018, 04:52 PM
Parent: #36
وكم تمنيت أن لا يكون هناك اختلاف بين شرفا هذا المنبر
ولا صوت يعلو فوق وحدتهم خلف
إسقاط هذا النظام
لكما احترامي انتي والسلطان
....
الاخ الفاضل أبو روضة..
مافى أى خلاف مع السلطان خارج الشأن العام..
و هذا أمر طبيعى جدا..
يعنى مافى خلاف..
ألا ترى التقاطعات و التفاهمات ثم التقاطعات فى هذا المنبر ؟
|
Post: #38
Title: Re: شكرا للحرامي ومن هنا نبدأ
Author: فرح الطاهر ابو روضة
Date: 03-18-2018, 06:11 PM
Parent: #37
بلحيل
يا نور تور
|
Post: #39
Title: Re: شكرا للحرامي ومن هنا نبدأ
Author: فرح الطاهر ابو روضة
Date: 03-20-2018, 04:03 PM
Parent: #38
الحريه المعتقلين داخل بيوت اشباح النظام
الحريه للوطن
|
Post: #40
Title: Re: شكرا للحرامي ومن هنا نبدأ
Author: السيد المسلمي
Date: 03-20-2018, 08:02 PM
Parent: #39
الف مرحبا بك يا أباروضة ..
نرحب بك وإن سبقناك بآيام قليلة ..
نختلف معك في الراي والمواقف لكن يبقي الود والإحترام
تحياتي و وأمنياتي الطيبة
|
Post: #41
Title: Re: شكرا للحرامي ومن هنا نبدأ
Author: محمد أبوالعزائم أبوالريش
Date: 03-20-2018, 08:22 PM
Parent: #40
حبابك 1000
|
Post: #42
Title: Re: شكرا للحرامي ومن هنا نبدأ
Author: السيد المسلمي
Date: 03-20-2018, 08:28 PM
Parent: #41
يا ابوريش .. أصبحت كيف من الفلايت والقطايع 😁😁
|
Post: #43
Title: Re: شكرا للحرامي ومن هنا نبدأ
Author: امجد الجميعابى
Date: 03-20-2018, 08:29 PM
Parent: #41
مليح الحرامي السرق جوالك
عقبال جوال
الدسيس
طارق نقد
ايمن دياب
حمد عبد الغفار
عمرابي
مجيدو
الخال
عادل الباهي
امين البشاري
مليجي
سيف المكي
الارباب
جنابو
و بقية العقد النضيد في ذاك القروب
موضوعك دا دايرلو احتفال
|
Post: #46
Title: Re: شكرا للحرامي ومن هنا نبدأ
Author: فرح الطاهر ابو روضة
Date: 03-21-2018, 07:23 AM
Parent: #43
وموبايل ادريس ابو - هههه نسيتو
بعدين يا جميعابي موبايل عادل الباهي ده خط احمر
يعني انا تاني انشف ريق انت عارف الزول ده فرماتلي
غير انو لو ضاع الموبايل منو جاميكا بتحصل فيها هزات فرفقا
بشعب جامايكا
هههههههه
|
Post: #45
Title: Re: شكرا للحرامي ومن هنا نبدأ
Author: فرح الطاهر ابو روضة
Date: 03-21-2018, 07:14 AM
Parent: #41
ابو الريش
والله ليك شوقنا يا حبيب
|
Post: #44
Title: Re: شكرا للحرامي ومن هنا نبدأ
Author: فرح الطاهر ابو روضة
Date: 03-21-2018, 07:09 AM
Parent: #40
السيد المسلمي زارتنا البركة شاكر لك المرور الجميل ومرحب بك وحقيقة تواصلت معك عبر بوست زيارة تراجي السيد المسلمي صبور رحيب صديق للكلمة الطيبة وده بدينا دافع اننا سنلتقي ثالث ورابع وخامس
تقبل تحياتي
|
|