إنت فهِمتني ؟!...

08:21 AM March, 12 2018

سودانيز اون لاين
معاوية المدير-بكندا محافظة البرتا
مكتبتى
رابط مختصر

عاطر التحايا للمبدع محمد جلواك، ؤ بقدم ليهو إعتذار
صارخ لأنو البتاع دا منبزع من البتاعات البقدما هو في
بتاع البتاع بتاعو .

إنت فهمتني ...

اضافة للانانية
بيختلفو الناس من انانية لى انانية
انت فهمتنى

Quote: انا مع الجماعة الذكرتهم ديل يا كاتب المداخلة دي .. ؟؟؟؟

حبوبتي حفصة بِت أُمحد اللمين كانت مِتلقية حِجج ووصل بيها
تلِقِي الحِجج إنها كانت تكحِل عين ؤ تخلي التانية وكان زول سعلآ
تشاكلو .

إنت فهمتني ...

Quote: فعلى كل ثعبان يحمل سماً على رأسهم الدعي الشقي قباني ان يأوى لجحره طالما الكنزي هنا والا سالقمه حجراً عند رأسه يذهب بسمومه عنا فمتوا ايتها الثعابين السامة بغيظكم وسمومكم وولوا مدبرين خيراً لكم فالكنزي لا يخشى احداً غير الله

وَمُدَّجِـجٍ كَرِهَ الكُمَاةُ نِزَالَـهُ لا مُمْعِنٍ هَرَبَاً وَلاَ مُسْتَسْلِـمِ
جَادَتْ لَـهُ كَفِّي بِعَاجِلِ طَعْنَـةٍ بِمُثَقَّفٍ صَدْقِ الكُعُوبِ مُقَـوَّمِ
بِرَحِيبَةِ الفَرْغَيْنِ يَهْدِي جَرْسُهَـا باللَّيْلِ مُعْتَسَّ الذِّئَـابِ الضُّـرَّمِ
فَشَكَكْتُ بِالرُّمْحِ الأَصَمِّ ثِيَابَـهُ لَيْسَ الكَرِيمُ عَلَى القَنَا بِمُحَـرَّمِ
فَتَرَكْتُـهُ جَزَرَ السِّبَاعِ يَنُشْنَـهُ يَقْضِمْنَ حُسْنَ بَنَانِـهِ وَالمِعْصَـمِ

إنت فهمتني ...

/


إنت فهمتني ...

Quote: وقال بتعني باللاتينية قمة الابداع الالهي

و برضو قال
كل زول غيرك نمله
امنتوووووووووو بالله
اها ده ابداع براهو
انت فهمتنى

Quote: جاتني نومة حلمت مباشرة أشوف في عين النائم شجار بين الله والملاك مالك الوكت بقى لي يوم قيامة المكان صحراء فيها صخور ترابية أنا سحلية عيونها كبار ومطلع راسي من حفرة أراقب في الشجار

أها، هو براهو إعترف إنّو سحلية عيونا كباااار .

إنت فهمتني ...

لكين يا ود المدير ما رهيب لحدي ما جايب مويه بالعادم

مع تحياتي
إنت فهمتني ...

لا و كمان لما الجلم جاب ليهو جيب
الجيب داك بتاع الديش الالمانى
السحلية جرت و اندست جوه جحر
و جحرت معاها ضب
بعد ما اندست استدركت
شيل حالا الراجيها
بى انفرادا بالضب بدون قسيمة
قامت سوتو قيامة
هو فى موت يوم القيامة
جنس جهجهه هى
انت فهمتنى

Quote: اذن فقد تم الدق في السودان .. وكان الدق معتبر .. ولذلك كان الكوراك في لندن وكمان باعلا صوت

الغريب شنو يعني !، في حاجات كتيرة في السودان بيدقوها علي سبيل
المثال، الويكة بيدقوها، والريحة بيدقوها، والدلوكة بيدقوها، والحلاوة
شوف عيني دِي بيدقوها، أهلنا الكُبار الفقدو سِنُوُنُن وكِت يشتهو حلاوة
المولد بيدقوها في الفُندُك ؤ يسفوها، أها عشان تصدقوني إنو الحلاوة
بيدقوها، لكن الشي الغريب البِنيّة الجديدة الجماعة كتلوها بريحة أباطاتُن،

إنت فهمتني ...

Quote: مريم فضيل

يا كافي البلا لا موية ليمون لا هزّة كانون
بس كتلوها بريحة الأباطات،

إنت فهمتني ...

الزول دا ودوهو معهد سكينة،

إنت فهمتني ...

Quote: إنت فهمتني ... ...

Up

ود البشرى
البوست ده اكو مع شنو داك
شاكرين مرورك مقدما
انت فهمتنى

سكينة ستولى الدبر
انت فهمتنى

يا جلجل أنا ذاتي جاري لانو بياته معي
واليوم ثقيل وبداية أسبوع
لا أم فتفت ولا شطه زي الناس
قوموا لفوا كدا ولاكدا
أحب الجمكسين أنا
باااي

يا جلجل أنا ذاتي جاري لانو بياته معي
واليوم ثقيل وبداية أسبوع
لا أم فتفت ولا شطه زي الناس
قوموا لفوا كدا ولاكدا
أحب الجمكسين أنا
باااي

يا جلجل أنا ذاتي جاري لانو بياته معي
واليوم ثقيل وبداية أسبوع
لا أم فتفت ولا شطه زي الناس
قوموا لفوا كدا ولاكدا
أحب الجمكسين أنا
باااي

أول مرة اشوف لي زهير بحب الجمكسين تلات مرات في دقيقة واحدة
يعني في الساعة بخب الجمكسين 180 مرة.

دي " كرامة" عدييييييل كدى

ايوة يخب انتو مافاهمين

Quote: الكلام ده وين يا شباب اجدعوا لينا لينك بالله الواحد بقى زي الاطرش في الزفه

حاجة خدرا كِدا عندها نكهة ؤ بيضرضِرُوها في الفول،

إنت فهمتني ...

Quote: الكنزي لو تريد ان تعلم قارئ نهم املك مكتبه من ٦٠٠٠ كتاب ستة ألف كتاب من ثلاث لغات والرابعة قليل من الكتب وقد جلبتها من جنيف ووصلت وهي الان على الارفف في منزلي في مكان متسع خصص لها

زي ما قال المثل، زي البِتاع المعتِل البتاعات فوق ضهرو
ؤ بتاعو ما شغال،

إنت فهمتني ...

Quote: اخ حافظ بشير يا اخوي ما سمعتا بكرامة الكنزي في طرح قباني اقروا انه اقوى بوست مفتول منذ انشاء سودانيزاولاين ولسا ياما كرامات ستأتي بعد حين والكرامة الكبرى هي هدم الرسالة الثانية

إنت فهمتني ...

Quote: انت يا كنزي ردي علىك فوقو شطّة ولاّ ملحه زايد؟ مالك مطنّشو وانت ما شاء الله البجي بي خشم باب البوست كلّه بتستلمه و تضيفه وتقدّمه وكان واحد عطس ساي قبل يحمد الله بلقاك مادي ليه المنديل تشمّته! أفا يا مجندلهم !! لكن إحسانا للظن بقول ما شفتها, فا شنو: هاكا ليها معادة - بي ضبّانتها

إنت فهمتني ...

/
/

إنت فهمتني ...

جـ...ك
ان شا الله فهمتني :)

أنا غايتو ما عجبني لي صاحبي البقول سلاماً سلاما
كنت عاوز الأكشن يكون حامض أكتر من كدا
إن شاء الله تكون فهمتني

يا عمر ابو عاقلة ازيييييك ياخ
كده فهمتنى

جـ...ك
ان شا الله فهمتني :)
النقط ... النقط يا باش ....
النقط الفي نص ديل علي حسب عدد الحروف
الناقصه ... ولا ابليس بيغش فيني ...

لا النقاط زايدة

استغفر الله ما زايدات ياهن قدرهن
معليش غلطت في الإسبلنغ
😁

سلام يافاهمين

فهمتكو فهمتكو

صلااح الزبير الرحول .. عز .. العرب
اقعد بارى لى ابليس ده لامن يطبلوك
انت فهمتنى

تصدق يا جلة الواحد لازم يعرف موطئ قدمه في المنبر
وحذار من عفص الألغام وسب الدين
وفي رواية أخرى الغناء زاتو حرام ياخ

نباري بوستات أبوالزهور دا بس .. بهجة سااااي
بتكون فهمتني غايتو

سلام ود المدير والضيوف الاكارم ..

صراحة ما فهمتك ..

يا دوب جيت انا ..


فهمني حاول حس بي !!!

الليلة الحيشاكل اب سن منو ؟
الدور واقف وين !

انت فهمتني !

Quote: جـ...ك ان شا الله فهمتني :)

يا جلالدونا فيديو اللآمة العِكلِيتة شايفو أكل مع
صاحبك جنبة،

إنت فهمتني ...

Quote: لكين يا ود المدير ما رهيب لحدي ما جايب مويه بالعادم مع تحياتي

حياك الغمام يا ابو الزهرا .
بنحاول نصطاد قراقير من الموية العكرانة،

إنت فهمتني ...

Quote: أنا غايتو ما عجبني لي صاحبي البقول سلاماً سلاما كنت عاوز الأكشن يكون حامض أكتر من كدا إن شاء الله تكون فهمتني

هو شلِيّق بيجي تاني واللطرش بيرصع
من طرف،

إنت فهمتني ...

Quote: جـ...ك ان شا الله فهمتني :) النقط ... النقط يا باش .... النقط الفي نص ديل علي حسب عدد الحروف الناقصه ... ولا ابليس بيغش فيني ...

غَرّاءُ فَرْعَاءُ مَصْقُولٌ عَوَارِضُها، تَمشِي الهُوَينا كما يَمشِي الوَجي الوَحِلُ
كَأنّ مِشْيَتَهَا مِنْ بَيْتِ جارَتِهَا مرّ السّحابة ِ، لا ريثٌ ولا عجلُ
وفي قول آخر،
ومَتْنَى لَدِنَةٍ سَمَقَتْ وطَالَـتْ
رَوَادِفُهَـا تَنـوءُ بِمَا وَلِيْنَـا
وَمأْكَمَةً يَضِيـقُ البَابُ عَنْهَـا
وكَشْحاً قَد جُنِنْتُ بِهِ جُنُونَـا،

إنت فهمتني ...

انا ما فهمت زول فيكم
انتوا اوعا تكونوا فهمتوني

Quote: يا دكتور مشرف قال ليكًًً لا خير في قوم لا سفيه فيهمًًً (حدیث مضروب)

و احد من القاعدين فى القطّية قال لى قول ليهو
يضربك الضريب ال بكسّر العناقريب
اكيد فهمتنى

Quote: سألني بدوي اماراتي عن سبب إحباطي؟ قلت ليهو: عندي صاحبي قال هو نبي وح يطير قال لي: صاحبك دا يبي نيج

.


إنت فهمتني ...

Quote: حاجة خدرا كِدا عندها نكهة ؤ بيضرضِرُوها في الفول،

مصداقا" لكلامك يا ود المدير
لما كنت شغال في وكالة ناسا مديرا للمشاريع الصناعية في كوكب زحل الوقت داك الناس
مابتعرف زحل ده واقع في ياتو مجموعة شمسية عرض على مدير ناسا الجواز الأمريكي
وكان ساكيني سك شديد لكن انا رفضت وقلت ليهو يازول انا جوازي الأخدر الزي الحاجة البضرضروها
في الفول دي ما بتخلى عنو لكن لو بتدوني 3 فدان في زحل اعملم مزرعة للمحتاجين تكونوا ما قصرتو معاي :)


إنت فهمتني ؟!

ماطار طير وارتفع إلا كما طار وقع،


إنت فهمتني ...

Quote: شعر الشواهد في اصطلاح الرواة على ضربين: شواهد القرآن، وشواهد النحو؛ أما الأولى فكثيرة، وقد تقدم ما رووه من حفظ ابن الأنباري فيها، ولا يبالي الرواة في هذه الشواهد إلا باللفظ، فيستشهدون بكثير من كلام سفهاء العرب وأجلافهم، ولا يأنفون أن يعدوا من ذلك أشعارهم التي فيها ذكر الخنى والفحش؛ لأنهم يريدون منها الألفاظ وهي حروف طاهرة؛ وقد روى أبو حاتم عن الجرمي أنه أتاه أبو عبيد معمر بن المثنى الراوية بشيء من كتابه في تفسير غريب القرآن الكريم، قال الجرمي: فقلت له: عمن أخذت هذا يا أبا عبيدة، فإن هذا تفسير خلاف تفسير الفقهاء؟ فقال: هذا تفسير الأعراب البوالين على أعقابهم، فإن شئت فخذ وإن شئت فذر!

إنت فهمتني ...

Quote: بوست دخلته أول مرة لقيتوا بتاع سفاهة البدخلك ليه تاني شنو عشان تشوف شتارتي 😂

قِيّل في المثل الشعبي،
الخبار كتلّوُ مرا،

إنت فهمتني ...

ابو حسين لى ودّو

Quote: انت ياتو يوم كنت فاهم حاجة ... ؟؟؟ و لو فهمت حاجة يعني شنو ...؟؟؟ و اذا فهمت حا تقعد تغالط في الفهموك ....

شوف اللامة الما زى لامتك
كده فهمتنى

Quote: سلام يافاهمين فهمتكو فهمتكو

ولد ناس تور الجر معاهو حق،


إنت فهمتني ...

Quote: سلام ود المدير والضيوف الاكارم .. صراحة ما فهمتك .. يا دوب جيت انا .. فهمني حاول حس بي !!!

سلآمات يا ناذر ؤ بركة الشفناك طيّب، أفو يا زول
كباية الليمون ما تكملآ ؤ تغتس تاني !،

إنت فهمتني ...

Quote: أما ثانياً: فالفعل الذي يقوم به الاستاذ فعل مشين ولا يتماشى مع من يدعو بالرسالة الثانية ، ولكن لو فعلته انا أو غير من الناس فلا تثيريب علينا

التكنيز فى شغل التهميز و التلميز
انت فهمتنى

UP
إن شاء الله تتعلآ ما تِدلآ .
نرحب بالمبدع دفع الله ود الأصيّل، لكن يا
أخوي بعد دا الخُلآل عِلآ تخُتو في جيبك،

إنت فهمتني ...

Quote: إنت فهمتني ...

آآآى ,, خابْزَك:)

Quote: ظني فيك وبي عمتك دي ماكنت ح تسكت .. شكلك ولد بلد بس الصحوبية غلبت عليك ..

غايتو تاني من الليلة اب عِمّة ؤ صاحبو هادي طرفي منهم، هم
السفهاء فأحذرهم،

إنت فهمتني ...

يسِل روحك تتسلا بي أنا يا جقة ...
حبوبتنا حفصه بت امحد اللمين بتكحل عين واحده ...
هههههههه
انت يا داب زعلتا ....
قريبي سلام ....

Quote: حبوبتنا حفصه بت امحد اللمين بتكحل عين واحده ... هههههههه انت يا داب زعلتا .... قريبي سلام ....

الموضوع موضوع قنزب يا قريبي،
خليّك متابع،

إنت فهمتني .

سلام يا قريبي ...

والحلاوة
شوف عين بدقوها
قصدت بيعملوا ليه جلدونا

سلام عمر

فهمتك
واصل يا حبوب
مع تحياتي

سلام ابوجهينة
جلدونا head and shoulders

والله يا عمر نملة مداخلتك دي فيها حلاة تعليق
بس خايف يلحقوني بزمرة ابوسن
فهمتني!

سلام معاوية الزبير...اول لك ود خاص لعدة اسباب بس جدنا بعبر عن ذلك بافتعال المناكفات..مهم البوست دا اصلوا مقنطر..وخاصة مستر شامبو...عن سرعة البديهة اول سميها اللداحة...واقف في محل شاورما...واحد بدوي بدون مقدمات قال لي ازيك يا ابراهيم...قلت ليه اهلا يا موسى..حلف يمين الا يذبحني...دحين البوست دا احسن يسحب

هههههههه
لقى ليهو متنفس و مشجع
انت فهمتنى

Rustig

كنت عايز اقول
الظاهر عليك داير تطير ود المدير من البوست ده

ياخي أي زول فيهو ريحة بابكر عباس ده، نحن بنديهو المودة أول حاجة.
لغاية ما يثبت العكس

الله يستر صاحب البوست ما يجي يطردنا اللتنين
وما أظنك تفهمني

يا معاوية معرفتي بيك قبل بابكر بكتير...ود المدير ما سالني..وما بخطا عليهوا لكن جلدوبا..شفت كيف الباء شعللت الحلاوة

يا زول معقوله!!
معرفتي بباكر تعود للعام 99 ، يعني قبل إنشاء المنبر ده

دة بوستي ليك هسة
اخير نحن بنختها واضحة دبر عنزايا
اها بنسلها منك سلة قرادة من دبر عنزايا
فاهمني
ما ضنيتك

انت قاصد منو يا اب سن
ما فهمتك

ناقرين طاري مالكم
اريتكم بي خال الجنا

هههه الآن فهمتكم

شفتنا واضحين كيف يا ودالزبير
طزززز كدة
لا لولوة لا مدسة
ولا
محاولات تجميلية مشوهة

يا معاوية 99 دي انا في اوربا. ..الان فهم حلبونا....عشان كدا كنت بتخاشن معاك كتير قايلك عارفني...اقرب ليك اكتر..اسال عبد الدائم رابح محمد علي جمعة وعبد المجيد عيسى..ونزار عثمان...وحسن طبلة...يا اخ جلدونا فاهم

ديل كلهم دفعتي في الزقازيق
معقول بس افتكرهم كلهم وأنسى الـ في النص
ياها بس حكاية شفيئ يا راقل

اوعى تكون انت الزول النحيفوني المسكين داك!!
ممكن تنزل صورتك لو ما فيها ثقالة؟

فوق و كده
انت فهمتنى

الإحتلال لم يخرج بعد،

إنت فهمتني ...

فهمتك تماما با نمله
واصل و بكل وضوح
و فى انتظارك

في دي فهمتك يا معاوية
الاستعمار بانواعه

دمتم

فهمتك تماما با نملهواصل و بكل وضوح و فى انتظاركسالتك ليش جايب الاقتباس بتاعي من بوست قباني ليش حاولت تتمسخر...ما تمشي بعيد خلافاتك مع اي شخص اخر وان كان ذو قربى لي لاتعنيني..ما تلدغ وتنزوي وتمثل دور الحمل الوديع...

صباح الخير يا ابو الزمل
ياخ الشبكك في المونساتية ديل شنو
صاحب البوست من شدة ونسانيتو كايس زول يحفظ ليهو
البوست مسخن لغاية ما يرجع امريكا
يا النبي نوح! لا حِكَتْ لا بِقَتْ يا قول المرحومة

جلالدونا يستاااااهل

Quote: فهمتك تماما با نملهواصل و بكل وضوح و فى انتظاركسالتك ليش جايب الاقتباس بتاعي من بوست قباني ليش حاولت تتمسخر...ما تمشي بعيد خلافاتك مع اي شخص اخر وان كان ذو قربى لي لاتعنيني..ما تلدغ وتنزوي وتمثل دور الحمل الوديع...

وين انت سألتنى عن مداخلتى
انت جيت داخل بى الحلاوة الدقوها و شافوها شوف العين
و جلدونا و حلبونا و جلدوبا و النون البقت باء و شعللت الحلاوة
خليك واضح و صريح و قول الفى نفسك و لو قصرت معاك فى الرد يبقى اللوم راكبنى
من الهد ثرو الشلولدرزو لى حد اللقز
و لو دايرو بالالمانى ... الدوتشبز لاند ... و بى هدوء برضو معاك
---
يا ودّو رغم انى ما عارف استاهل شنو لكن للضمان كدهبقول ليك يستاهلك الخير

: وقال بتعني باللاتينية قمة الابداع الالهي
و برضو قال
كل زول غيرك نمله
امنتوووووووووو بالله
اها ده ابداع براهو
انت فهمتنى

يا سيد جلادونا...دي مداخلتك في اول البوست ..ودا اثبات ليك ولغيرك انو ما بداء العداء مع شخص الا يتعدى حدود الادب..ربعدها بكمل الادب معاه
شوف زي بشرى. كل مشكلتي معاه انو بيدخل في مشكلة بين اتنين ويحاول نصر من تربطه علاقة شخصية ضارب بالمبدأ عرض الحائط...
اما السنير معاوية الزبير اخشوشنت معه اكتر من مرة بسبب قال( تعالوا شوفوا اخو المستنير قال شنو)...
اقول تاني ما لي دخل في خلافاتك ما يهمني عدم المسخرة ...
بمناسبة الاحتلال..اي بوست يفتح ما بدخل في ورثة صاحبه ومرات من الافضل يعمل نائم خاصة اذا البوست هدفه الهمز واللمز

يا عمر نمله
ياخى انا آسف لو استثقلت مداخلتى
و ليك و لى اخوك مساحة من الود
و ما عندى مشكله لا معاك و لا مع اخوك
ف شنو
اعتذر عن المداخله دى و لو طلبت منى تعديلا
انا جاهز يا حبيب

شكرا وانا اسف لخشونتي ورد الفعلي الجلف..وتقبل الاسف مفروض يقفل كل باب يرجع لوراء بس ليش مداخلتك دي قلبنها وما قدرت افهم القصد..وخاصة ما متابع المنبر

Quote: يا عمر نمله ياخى انا آسف لو استثقلت مداخلتى و ليك و لى اخوك مساحة من الود و ما عندى مشكله لا معاك و لا مع اخوك ف شنو اعتذر عن المداخله دى و لو طلبت منى تعديلا انا جاهز يا حبيب

Quote: شكرا وانا اسف لخشونتي ورد الفعلي الجلف..وتقبل الاسف مفروض يقفل كل باب يرجع لوراء بس ليش مداخلتك دي قلبنها وما قدرت افهم القصد..وخاصة ما متابع المنبر

يمين دموعي جرت ..

يا جماعة انا زول قلبي رهيف ... كده كتير علينا ...

نملة و جلالدونا ...

كده صعبتوها ... او كما قال الموصلي ...

سِنيَركُم عديل يا عمر نملة!
خلاص خليني أسأل عنك برالمتنا أعضاء المنبر
ناس عبد الدايم سيد أحمد وطارق جبريل
أنا حدود ذاكرتي الطلابية اتوقفت في الوسطى
عموما أعتذر عن أي خشونة معاك رغم أني ما متذكرها

تعرف مرة هاشم الحسن قبل عودته الأخيرة للمنبر قال لي بالتلفون حرفيا:
"شايفك تعبان مع بابكر تشيل وتضاير ليهو.. انساهو ياخ خليهو ياكل نارو"
أها شقيقك ده أتعبني شديد وخرّب علاقاتي حتى معاك انت

يا قُبة قلت لي قليبك رهيف وما بقدر على الهبباي في عز الصيف
إنا لله ياخ من سماعين ود حد الزين

يا هندسة ما مستاهل المنبر والحياة قصيرة
يا سنير اه عب د الدائم النضيف دا انا برلومو..
واقول شي...حاولت التواصل معاك تلاتة مرات في وفاة والدتك عليها الرحمة...وعند الحادث..وفترة تواجدك في ألمانيا وجندت اصاحبي يصلوك..بس زي ما قلت الكلمة ما بتعبر عن كل ما تحب بل بالعكس ممكن تتفهم غلط زي مداخلة جلدونا بان انه مجرد مزاح وانا اختها تصفية حساب لخلافه من بابكر...خلاص باقي صالحوني مع بشرى

بشرى ده الله أعلم
قلبو أبيض لكن بطنو غرييييقة

بشرى دة ودو ؟
اذا كان هو ما بتصالح يدو بتاكلو لو لقا كورة مقنطرة بشوتا بشوتا لو يدخلا في قونو
رأي في ودو منذ دخولي المنبر زول موضوعي لكن مرضان بالاثارة

مش مقنطرة بس، أحيانا بهندس اللعبة منننن خط الدفاع بتاعو

Quote: شوف زي بشرى. كل مشكلتي معاه انو بيدخل في مشكلة بين اتنين ويحاول نصر من تربطه علاقة شخصية ضارب بالمبدأ عرض الحائط...

يا سيدي ما مشكلة دا رايك و انطباعك من حقك تاخدو و أنا احترم الحتة دي
لو كنت ممن يهموني كنت سعيت لتصحيح الإنطباع بتاعك لكن للأسف لأ, فا شنو.. أخد راحتك في رايك وهذا لن يغمطك حقا لك عندي
لكن اعترض على تسمية رأيك بالمشكلة معاي, يا حبة انا ما عندي مشكلة مع أحد, ممكن مشكلة مع سلوك مع اسلوب مع طريقة تناول لكن مشكلة مع فلان كدا بالإسم لا يا خوي ولا الاسافير هي المكان الممكن ندي زول قيمة لدرجة انو يكون عندك مشكلة معاه
الانطباعات و الآراء أوكي مقبولة طالما لم تتعدى على حقوق الآخر, انا مثلا رأيي فيك إنّك معقد بالإضافة لتحرجّك من المقارنة الدائمة بينك واخوك و التي نتيجتها ليست في صالحك بالطبع و مستثقل دمّك كمان!
عادي طالما هذا الرأي و الاسنثقال ظل في حدود الرأي و استثقال الدم لا أكثر.

دم بخير

.. ولئيم برضو يا عبد الحفيظ

لئيم دي عشان دم بخير ولاّ الوجه الضاحك التلاها يا ود الزبير :)

ودو ممكن تروق شوية
اقسم بالله سيد البوست نايم جمبى
خلينا نشوف فكرة الاحتلال دى
بكرة ان شاء الله ح اقلع السروال و العراقى
و اشتريت الفل سوت
و فى حفل التكريم ح امسك المايك
و وراى الخلفية الما خمج
ثم اصدح ب
هاتى هاتى يا نخلاتى
و هاك يا تصوير
و احسن صورة بنزلا صورة بروفايل
تقول لى صورة قبانى انت شنو
و الحاسبو لعب
بنوريهو اللعب
_____
عمر نملة شكرا للروح المتسامحة لكن من حقى برضو اسأل

و اتمنى تحفظ لى الحق ده

Quote: شوف زي بشرى. كل مشكلتي معاه انو بيدخل في مشكلة بين اتنين ويحاول نصر من تربطه علاقة شخصية ضارب بالمبدأ عرض الحائط...

النصيحة حرقتك ياود البشري .. وطوالي ركبت ليهو الشريحة التانية وشبكتو دمك تقيل وكدا . 😁

.....
الظاهر ابوجهل الجواك علي الهبشة يابتاع الإتساق إنت 😁😁

مشكلتك يا ابو السيد جيت في نص الفلم وخجلان تسأل عن الفاتك و عايز تبشّر كمان
كدي راحع بوست بعنوان "الزول دا معقّد"
و بديك فرصة تعدّل المداخلة دي برّاحة بدون لخ, أو لخ على خفيف كدا ما بغلّت عليك

Quote: خلينا نشوف فكرة الاحتلال دى

احتلال شنو يا اخينا؟ هو وينو البوست اللامن يحتلوه كمان :)

Quote: ا ابو السيد جيت في نص الفلم وخجلان تسأل عن الفاتك و عايز تبشّر كمان كدي راحع بوست بعنوان "الزول دا معقّد" و بديك فرصة تعدّل المداخلة دي برّاحة بدون لخ, أو لخ على خفيف كدا ما بغلّت عليك

لقيت قصتكم بايظة كلو كلو 😁😁

Quote: الانطباعات و الآراء أوكي مقبولة طالما لم تتعدى على حقوق الآخر, انا مثلا رأيي فيك إنّك معقد بالإضافة لتحرجّك من المقارنة الدائمة بينك واخوك و التي نتيجتها ليست في صالحك بالطبع و مستثقل دمّك كمان!

دا كلو عشان قال ليك أنت بتقيف مع أصحابك .. أبرد ابرد ياعمك مابتستاهل قومة النفس دي 😁

دي قومة نفس!!
دقيييييقة يا المسلمي ياخ, انت فعلا طوّلت
الله لا جاب البقوّم النفس بالجد :)

Quote: Quote: ا ابو السيد جيت في نص الفلم وخجلان تسأل عن الفاتك و عايز تبشّر كمان كدي راحع بوست بعنوان "الزول دا معقّد" و بديك فرصة تعدّل المداخلة دي برّاحة بدون لخ, أو لخ على خفيف كدا ما بغلّت عليك لقيت قصتكم بايظة كلو كلو 😁😁

إنت فهمتني

Quote: لئيم دي عشان دم بخير ولاّ الوجه الضاحك التلاها يا ود الزبير :)

المداخلة كلها.
لكن أصلا اللئامة دايما حاضرة عند اللزوم

لو كنت ممن يهموني كنت سعيت لتصحيح الإنطباع بتاعك
تاني اوضح لك بهدوء ما هدف صداقة واكون صاحبك...بس متورط ..وعايز اطلع من دوامة سودانيز وما في شخص يكون شايل في خاطروا...
حاولت البداية في بوست لقباني ان امد وافتح طريقة جديدة..لكن قبقبوني...مهم...يا سيدي ما بتستاهل..
بالنسبة لشقيقي فعلا صعب ان يقارن...

عمر نملة
اعجبتني مداخلتك من يمد يده مصافحا لن يخسر ابدا
رحم الله والدتي فاطنة بت حليمة بتقول طوالي
الناس قابلها بالبيضا .. البيضا ما بتخيب

الارباب ابوسن..فعلا المسامحة بتريحك..بس بيني وبينك اغلظت عليه وضغطت كتير..مهم اجيك انت زي معاوية قائل معرفتي بيه عن طريق اخوي..اجيك انت ود اهلك سمؤال ابوسن من اعز أصحابي..ولو مسكت ليك ناس كوستي بتحتار...من ناس الرزم..واستاذ عوض جغرافيا واولادة طارق وياسر..ولستاذ يس الدومة ..مهم اقنع لي بشرى...واذا اقتنع بينا عمل خيري..واذا ما اقتنع برضو بينا عمل خيري...

يا عمر ولو مسكت انت قريبي عديل كدة
ناس ابوقناية وناس العريباب وقريبتك بمدني امل المحامي متزوجها ود عمي
واعرف قصص ابوقناية حول تنظيره في الدين قبل النت .. من الشرق
وناس ضبعة
من كوستي عرفت ناس الرزم
ودو دة ارخيهو هسة
الزمن كفيل بحل مشاكل كتيرة صدقني
الزمن بختبر قناعات كتيرة يا غيرها يا ثبتها
المهم
ان نكون نحن يانا زاتنا
ان نقتنع تماما ان الجميع عدا الكيزان في دواخلهم اماكن مضيئة .. مضيئة حد الابهار

ياسلام يا عمر نملة يأخ ..
والله كمية التسامح الجواك دي تحير ..
نسأل الله يقسم لينا ثلثها حتى ..
عارف انا متابعك كويس انت مشكلتك ..
إنك متسرع جدا في أحكامك ..
فلو خليت الخصلة دي حتكون زول مبالغة ..
ربنا يصلح حالك يأخ لكن وحاة الله عجبتني ..
مع إني مش متسامح خالص خالص ..
وافضل شايل جواي الكلام والمواقف بالسنين ..
فربما غجبني فيك الحاجة البفتقدها ..
ياود البشرى خصمتك بكل عزيز ..
والنبي فيك أكان تصافي عمر نملة ده ..
حتقول انك ما شايل من شخصه ..
وشايل من مواقفه أوكي عرفنا وفهمنا ..
عليك الله سامح لينا مواقفه دي يأخ ..
وفهمه انك مسامحه ..

يا نملة ذكرتني صاحبي زيك كده ..
فرقتنا السنين ولا اعرف مشي وين ذاتو ..
كنا نتشاكل وانا افضل شايل منه ..
لمن يزهج يجيني جوه بيتنا ..
يقول لي وحاة الله ما بمش اخليك ..
وحأبيت هنا معاك كان اتعابطت علي ..
الا تسامحنى وترجع زي اول ..
سبحان الله الزول الوحيد ..
الكان بيقدر ينتزع مني السماح ..
ويجبرني على الضحك بعد الزعل ..

الله يصلح حالك وحال الجميع ..
دمت ياخ ...

يا قوز يا اخوي ما بتستاهل...بس كمان اغلظت عليه كتير..والنفس دا طبعها...قريب 3 سنوات بعد انضمامي للمنبر ما حصل شاركت في المنبر العام..كل مشاركاتي مع ناس الزقازيق..مهم شلاقة مني دخلت بوست ل طة جعفر عن جلد المرحوم محمود عبد العزيز..مهم طة انفعل وقال لو جاء الرسول عليه السلام ما يجلد محمود...لحظتها الساعة 4 صباحا وانا مستعد اخرج للشغل..قلت ليه عكرت صباحي..مهم رجعت من الشغل لقيت تبارك ما خلى لي جنبه انوم عليها..حتى صورتي في البروفايل اتمسخر عليها..ومن هنا بدأت المشاحنات ووصلت اماكن بعيدة...مهمم دي فرصة للتصافي مع تبارك...اما بشرى اثار حفيظتي بعد مشاحناتي مع المهندس عاطف عمر..الذي حاول تصفية حسابات في بوست عزاء..واعترضت عليه..مهم بشرى حاول تبرير موقف عاطف..وبدأت اترصده..مهم بعد مراجعات قررت أصفى وللخلف دور..ودي فرص للتصافي قبل الرحيل

يا نملة يا خوي يبدو إنّك فاهم المسالة غلط, لكن ما مشكلة خلّيني اوضّح ليك
أولا زي ما قلت الهدف ما الصداقة, صداقة الاسافير بالطلع, حقة الواقع ديك اصلوا ما حد جاب سيرتها فا للصداقة - حتى الاسفيرية - شروطها ومحنها وما ها طلقيتي ساي :)
الشي التاني أنا ماشايل في نفسي شيئ نحوك فا من الناحية دي اطمئن, المسالة عندي درجات ادناها الشمومة و اقصاها الإحتقار و هذا التصنيف ماهو ساكت, و عوارتك واستثقال دمّك خارج هذا التصنيف - بختك :)
تقول اغلظت علي, عاد اكذّب عليك إن كان جنس العوارة السوّيتها دي ياها غلظتك يازول اغلظ ساي الحبّة دي ما عليك
ما قدرت اتذكّر موضوع عاطف عمر و محاولتي تبرير موقف - بالمناسبة أنا بصفة عامة لا ابرر لأحد بقدر ما اقول وجهة نظري حسب قناعاتي - لكن متذكّر بوست الزول دا معقّد و "غلظتك" الكنت بتتغالظها فيه :)
عموما يا زول زي ما قلت ليك ما في شي اصلا يحتاج للتصافي - من ناحيتي على الأقل, رايي في العوارة وثقل الدم سيظل كما هو تصافينا ام لا, وهي أمور لا تعيب و في النهاية هي نسبية كذلك و مسندة على انطباع شخصي لا يد لك فيه.

جمال ود (الكوز) ههه...
اللهم صلّي على الحبيب الغالي, مالك آزول مخسّمني بالنبي!
مافي شي قلناك ولا حتّى مواقف ولا شيئ يستحق المسامحة ولا شيئ سيتغير