Post: #1 Title: منشور بنك السودان الخاص بالتمويل العقاري للمغتربين (صورة المنشور) Author: محمد جبره Date: 03-12-2018, 01:37 AM Parent: #0
01:37 AM March, 11 2018 سودانيز اون لاين محمد جبره- UK مكتبتى رابط مختصرسم الله الرحمن الرحيممنشور التمويل العقاري للمغتربينبتوجيه من السيد/ رئيس الجمهورية خلال إجتماعات متابعة وضبط سعر الصرف فقد أصدر بنك السودان المركزي منشوراً يسمح بموجبه للمصارف بتقديم خدمات التمويل العقاري للسودانيين العاملين بالخارج .تجدر الإشارة إلى أن هذا القرار تم اتخاذه بعد التشاور مع جهاز تنظيم شئون السودانيين العاملين بالخارج واتحاد المصارف السوداني وصندوق الاسكان ، حيث يسمح المنشور للمغتربين بالحصول على تمويل شراء أرض سكنيه أو عقارات جاهزة أو تمويل تشييد مباني وذلك بكل ولايات السودان حسب رغبة طالب التمويل .وقال السيد/حازم عبدالقادر محافظ بنك السودان المركزي إن أهمية المنشور تأتي باعتباره استجابة من الدولة لمطالب المغتربين في مؤتمرهم الأخير الذي عقده جهاز تنظيم شئون السودانيين العاملين بالخارج كواحد من أهم المشاريع التي سعي لها الجهاز في ظل المتغيرات بالمنطقة والاقليم، بالإضافة إلى أن توفير سكن للمغتربين يعني جذب مدخراتهم ومواردهم إلى داخل البلاد وضخها في شرايين الاقتصاد الوطني، مما يمنحهم فرصة للعب دور أكبر في التنمية والاستقرار الاقتصادي اضافة لأدوارهم السابقة .اعلام البنك المركزى11 مارس 2018م
Post: #2 Title: Re: التمويل العقاري للمغتربين (صورة المنشور) Author: محمد جبره Date: 03-12-2018, 01:45 AM Parent: #1
دي يا ها طريقة جذب مدخرات المغتربين ؟؟؟؟
Post: #3 Title: Re: التمويل العقاري للمغتربين (صورة المنشور) Author: Mohd Ibrahim Date: 03-12-2018, 05:01 AM Parent: #2
في واحد تاني عندو ثقة في القطاع المصرفي ......................بنوك تحدد ليك سقف ضئيل جدا لسحب اموالك الخاصة ..دي تاني في زول بمشي عليها !!!!!!!!!!!!!!!!!!!!!!!!!!!
Post: #4 Title: Re: منشور بنك السودان الخاص بالتمويل العقاري Author: محمد الأمين موسى Date: 03-12-2018, 05:09 AM Parent: #1
النقطة الرابعة: "يتم سداد متبقي أقساط التمويل بالعملة الأجنبية وبسعر شراء المصرف عند وقت السداد"، تجعل الحصول على تمويل من الخارج - في بلد الإقامة - أفضل من خيار التمويل من الداخل، لأن نسبة الربح ستكون أقل من النسب التي تطلبها البنوك السودانية. وحتى النقطة الثانية المتعلقة بالمقدم، لن تغري على طلب التمويل، لأن بعض المغتربين لهم مصادر دخل من داخل السودان بعد أن استثمروا مدخراتهم في السودان.
Post: #5 Title: Re: منشور بنك السودان الخاص بالتمويل العقاري Author: الطيب عباس Date: 03-12-2018, 05:12 AM Parent: #1
سلامات جبرة والضيوف الكرام
القرار في تقديري الخاص جاء متاخراً جدا .. كان ما اخف الكضب الناس ديل حيعملو نسبة ربح خيالية وحينزلو الصرف شديد وحيحجم المغترب عن هذا العبث .. انت عارف البطاقة بتاعات المغترب زاتا حتكون بمبلغ وقدرة وهنا بلفو الحبل في رقبتك من الاول .. ننتظر الايام بتورينا المخفي ..
Post: #6 Title: Re: منشور بنك السودان الخاص بالتمويل العقاري Author: Abdullah Idrees Date: 03-12-2018, 06:39 AM Parent: #5
شوفو السيناريو الحقير ده: لو واحد طلب تمويل ب 100 الف دولار ، يدفع مقدما حوالي 20 الف دولار بسعر البنك حتساوي تقريبا 600 الف جنيه ، فيما سعر السوق 800 الف جنيه يعني فرق 200 الف جنيه (200 مليون) ، من صباح الرحمن ! لو استمرت الاسعار زي ماهي حيسدد الباقي (80 الف دولار ) بسعر 2.400.000 جنيه بسعر البنك ، فيما سعر السوق 3.200.000 جنيه ، فرق 800 الف جنيه ، يبقى اجمالي فرق سعر التحويل مليون جنيه (مليار ) مليار جنيه ولسة ما عارفين كم الرسوم وكم الفواائد وكيف شروط السداد وقيمة القسط وعواقب التأخير او الاخلال الجزئي ... وما عارف لسة حيخسر كم في السوق نتيجة تقلب اسعار مواد البناء والتشطيب من يوم لي يوم .. انت تسدد بسعر البنك وتشتري المواد بسوق اسود محافظ بنك السودان عامل مفتح وعايز يضمن تدفق عملة صعبة بشكل مستمر ومستقر وبسعر البنك كمان بالمنشور التافه ده ؟ ده متخلف عقليا
Post: #7 Title: Re: منشور بنك السودان الخاص بالتمويل العقاري Author: نصر الدين عثمان Date: 03-12-2018, 07:35 AM Parent: #6
حياك الله أخي محمد وضيوفك الكرام،
دي شروط مجحفة بحق
ولا أظنها تحقق تطلعات المغتربين
---
أظن أن بلها وشرب مويتها سيكون أرحم
Post: #8 Title: Re: منشور بنك السودان الخاص بالتمويل العقاري Author: هشام المجمر Date: 03-12-2018, 08:32 AM Parent: #7
الحرامية عايزين يتشطروا على المغتربين
الذين لهم ذكريات اسود من الفحم مع الحرامية
هههههههههههههههههه
والله تختو المقدم تشمو قدحة تاني
Post: #9 Title: Re: منشور بنك السودان الخاص بالتمويل العقاري Author: أحمد الشايقي Date: 03-12-2018, 10:52 AM Parent: #8
شكرا للبوست المفيـد
Post: #10 Title: Re: منشور بنك السودان الخاص بالتمويل العقاري Author: aosman Date: 03-12-2018, 12:00 PM Parent: #1
هم بدوا قرض بالجنيه السوداني وبي سعر البنك ويخلصوه بالدولار!!!!! ده كلام شنو ده؟ ده حيستفيدوا منهم ناسهم براهم,,,, يقوموا ياخدوا القرض ويبنوا بيهو ويأجروا المباني لي جماعتهم من المستثمرين الأ<انب بالدولار ويخلصوه منهم.
Post: #11 Title: Re: منشور بنك السودان الخاص بالتمويل العقاري Author: aosman Date: 03-12-2018, 12:06 PM Parent: #1
Post: #12 Title: Re: منشور بنك السودان الخاص بالتمويل العقاري Author: Nasser Amin Date: 03-12-2018, 01:26 PM Parent: #11
سلامات جبرة و ضيوفك الكرام
معقول في زول يمشي للشرك بكرعينو
Post: #13 Title: Re: منشور بنك السودان الخاص بالتمويل العقاري Author: محمد جبره Date: 03-14-2018, 00:50 AM Parent: #12
في واحد تاني عندو ثقة في القطاع المصرفي ......................بنوك تحدد ليك سقف ضئيل جدا لسحب اموالك الخاصة ..دي تاني في زول بمشي عليها
سلام ود ابراهيم
اخطر ما في المنشور دا انه بنك السودان ذاتو فقد الثقة في نفسه و في عملته ..
بقى زينا واحد خايف من الدولار و ما واثق في الجنيه
كونه يربط سداد قرض مستلم بالجنية بقيمة الجنية مقابل الدولار وقت سداد القسط دي معنها العملة الرسمية للدولة هي الدولار ولا عزاء للجنية
تقبل تحياتي
Post: #14 Title: Re: منشور بنك السودان الخاص بالتمويل العقاري Author: محمد جبره Date: 03-14-2018, 00:57 AM Parent: #13
النقطة الرابعة: "يتم سداد متبقي أقساط التمويل بالعملة الأجنبية وبسعر شراء المصرف عند وقت السداد"، تجعل الحصول على تمويل من الخارج - في بلد الإقامة - أفضل من خيار التمويل من الداخل، لأن نسبة الربح ستكون أقل من النسب التي تطلبها البنوك السودانية. وحتى النقطة الثانية المتعلقة بالمقدم، لن تغري على طلب التمويل، لأن بعض المغتربين لهم مصادر دخل من داخل السودان بعد أن استثمروا مدخراتهم في السودان.
اخونا محمد الامين سلام
بالضبط خيار التمويل من الخارج افضل ...على الاقل قروشك عندك تفكها بالسعر البيعجبك
تحياتي
Post: #15 Title: Re: منشور بنك السودان الخاص بالتمويل العقاري Author: محمد البشرى الخضر Date: 03-14-2018, 07:05 AM Parent: #14
تحياتي جبرة و الضيوف
هذا النقاش دار امس في برنامج حال البلد على S24
Post: #16 Title: Re: منشور بنك السودان الخاص بالتمويل العقاري Author: Al Sunda Date: 03-14-2018, 07:42 AM Parent: #15
سياسات في توقيت خاطيء عديمة الفائدة من هم المستهدفون بهكذا سياسات كم نسبة المستفدين من هكذا سياسات في ظل الظروف الحالية كانت الشريحة الاعلى من المغتربين في السعودية أين مغتربو السعودية الآن في ظل ظروفهم المعلومة أذكر تجربة لي مع بنك الخرطوم في بدايات الالفية في ذذات السياق( تمويل المغتربين ) إجراءات وشروط غريبة وعجيبة (على قولة خليف) واحتد جدالي مع الموظف في شروطه التعجيزية ليتهم رجعو لبنك الخرطوم لتقييم تجربتهم في هذا الأمر بصراحة سياسة فارغة واوهام كرار التهامي وكأن جهاز المغتربين يصرخ ويقول دعوني أعيش
Post: #17 Title: Re: منشور بنك السودان الخاص بالتمويل العقاري Author: Al Sunda Date: 03-14-2018, 07:52 AM Parent: #15
سياسات في توقيت خاطيء عديمة الفائدة من هم المستهدفون بهكذا سياسات كم نسبة المستفدين من هكذا سياسات في ظل الظروف الحالية كانت الشريحة الاعلى من المغتربين في السعودية أين مغتربو السعودية الآن في ظل ظروفهم المعلومة أذكر تجربة لي مع بنك الخرطوم في بدايات الالفية في ذذات السياق( تمويل المغتربين ) إجراءات وشروط غريبة وعجيبة (على قولة خليف) واحتد جدالي مع الموظف في شروطه التعجيزية ليتهم رجعو لبنك الخرطوم لتقييم تجربتهم في هذا الأمر بصراحة سياسة فارغة واوهام كرار التهامي وكأن جهاز المغتربين يصرخ ويقول دعوني أعيش
Post: #18 Title: Re: منشور بنك السودان الخاص بالتمويل العقاري Author: Nasser Amin Date: 03-14-2018, 08:11 AM Parent: #17
Quote: رساله مهمه للمغترب السوداني *حول قرار بنك السودان المركزي بالتمويل العقاري للمغتربين*. البيشوف القرار ده لأول وهله قد يفرح ليهو أو يقول إنو أخيراً طلع قرار يحفظ إمتياز للمغترب مقابل ما قدمه من رسوم باهظه و ضرائب و زكاة و مساهمه و جمارك و غيرو ... لكن بالتمعن في تفاصيل القرار حتلقي *الفخ و المقلب* و الشرك المنصوب ليك ، كيف ؟ * المطلوب انك تدفع *قسط أول 25%* لقيمة العقار ( يعني ربع المبلغ ) كمقدم ...نفرض انك عايز عقار بناء أو شراء بقيمة 2 مليار _ و ده بيت عادي جداً خليك متذكر في الحسابات الجايه تحت . يله ال 2 مليار دي بي سعر سوق العمله اليوم بتساوي 58800 دولار = 250000 ريال ( 250 الف ريال ) . 25% منها قسط أول بتطلع 14700 دولار = 62500 ريال . ده *بي سعر سوق العمله*. * تعال نشوف ال 25% *بسعر بنك السودان* اليوم . الدولار 17000 بتسعيرة البنك الإرتجاليه ( قلع عديل ) و الريال بي 4000 . بالتقريب كده و لتسهيل التضريبات ، نصف سعر السوق بالضبط في كل العملات . يعني انت حتدفع قسط أول 29400 دولار = 125000 ريال .( يله عاين لي تضريبة القسط الأول فوق بسعر السوق ، حتلقاهو نص المبلغ ده .) اذن القروش الحتدفعها كقسط أول دي تطلع بسعر السوق 1 مليار ، يعني نصف قيمة العقار البي 2 مليار ، و البنك حيحسبها ليك ربع قيمة العقار ( 500 مليون _ نص مليار ) .. دي كده اللبعه الأولي من قولة تيت . * طيب ال 125000 ريال و اللي هي تساوي 29400 دولار = واحد مليار ، دي انت اذا دفعتها الان في سوق الاراضي بتشتري قطعه بقيمة مليار جنيه . . النقطه دي خليها في بالك كده بنرجع ليها بعدين . * يله نجي لباقي الأقساط .. المتبقي هو ثلاثه أرباع قيمة العقار ( 75% ) ، طبعا دي بنك السودان عايز يلعب فيها في تغيير السعر علي كيفو و ما بتقدر تحتج لاسباب كتيره منها ، انك دفعت مبلغ كبير و اتورطت ، و الشئ التاني البنك حكومه و بيتك مرهون عندو ، يا تواصل تدفع بمزاج البنك في السعر يا بيتك راح عليك . طيب الاقساط دي نفرض بحسن نيه كده انها حتكون بنفس سعر البنك اليوم 17000 للدولار و 4000 للريال . اذن انت مطالب بسداد المتبقي مليار و نص كأقساط و ده بيطلع ليك 88235 دولار = 375000 ريال !!!!! تعال ضرب المبلغ ده بي سعر السوق للعملات ، بيطلع ليك 3 مليار جنيه سوداني . * يعني انت اشتريت عقار عن طريق بنك السودان قيمته الأساسيه 2 مليار ، و دفعت فيهو لبنك السودان مليار مقدم و 3 مليار اقساط ، يعني اشتريتو بي 4 مليار و اللي هي 500000 ريال ( نصف مليون ريال ) = 117400 دولار ! قمة الإجرام الحكومي !! * نرجع للقطعه الانت اشتريتها قبيل بي مليار بدلا من تدفعها كقسط اول ، و خت عليها ال 3 مليار قيمة باقي الاقساط و قوم أبني بيها ،، حتعمل ليك عماره 3 طوابق مكمّله .. و تفرشها ليك و تشغل شاشاتك كمان و ريموتك في يدك و راقد قفا . بدلاً من انو سماسرة الكيزان يكونوا ركبوك ماسوره في بيت عادي جداً قيمتو 2 مليار و دفعوك فيهو 4 مليار تمن بيت طوابق . و تقعد انت تندم و تتحسر .. و هم يقولوا ليك هي لله تعال صوت للشجره تم الناقصه * التضريبات دي خاليه من باقي السرقات _ رسوم حكوميه _ ضرائب _ فرق أسعار عمله _ سمسره _ و كل باقي الإستهبال الكيزاني . *أوعك تدقس يا مغترب*
Post: #19 Title: Re: منشور بنك السودان الخاص بالتمويل العقاري Author: عمر سعيد علي Date: 03-14-2018, 08:38 AM Parent: #15
الضيف (المسئول) ضرب مثل بانو لو كان القسط بتاعك 30000 جنيه يعني ما يعادل الف دولار الآن (بسعر الدولار 30 جنيه). . واتغير سعر الصرف مستقبلاً واصبح 60 جنيه للدولار في الحالة دي حتدفع 500 دولار يعني البنك هو الخسران . . وده كلام صاح لكن برضو لو بنك السودان قال الدولار 15 جنية يبقى حتدفع الفين دولار . .
Post: #20 Title: Re: منشور بنك السودان الخاص بالتمويل العقاري Author: Abdullah Idrees Date: 03-14-2018, 08:54 AM Parent: #19
"الضيف (المسئول) ضرب مثل بانو لو كان القسط بتاعك 30000 جنيه يعني ما يعادل الف دولار الآن (بسعر الدولار 30 جنيه). . واتغير سعر الصرف مستقبلاً واصبح 60 جنيه للدولار في الحالة دي حتدفع 500 دولار يعني البنك هو الخسران . . وده كلام صاح لكن برضو لو بنك السودان قال الدولار 15 جنية يبقى حتدفع الفين دولار . . "
برضو بمارس الاحتيال المشكلة الاساسية هي الفرق بين سعر البنك وسعر السوق يعني انت خسران خسران لانك استلمت عملة محلية بسعر البنك وده بيعني عملة محلية بسيطة مقابل مبلغ كبير عملة اجنبية لما تجي تسدد الاقساط حتسدد بالاجنبي السعرو في السوق اكبر بكتير من سعر البنك ، الضربة الكبيرة طبعا حتكون في المبلغ المقدم الحكومة دي ما عندها ليكم شيء وتفكيرا كلو تقلع منك عشان تفك ضيقتها مش عشان تساعدك وانت تروح في 60 داهية ده اسلوبا من زمان ومصرة عليهو وما ح تغيروا
