مشكلتنا في الـ Packaging !!!!!

08:52 AM March, 04 2018

سودانيز اون لاين
walid taha-الرياض ، السعودية
مكتبتى
رابط مختصر

القنقليز ودُقته ، الدكوة ، العرديب ، القضيم ، كركدي ، الصمغ العربي ، الدخن ...ألخ
كلها منتجات بنكهة سوادنية خالصة غنية بمكوناتها لم تلق راوج لأننا لم نسطع تسويقها و تقديمها بشكل لائق ومن اهم الأسباب واولها فى إعتقادي عدم الإهتمام بـ "التغليف والتعبئة ".
نعم هنالك بعض المحاولات بيد أنها لم تفلح فى تقديم أى من المنتجات المذكورة بشكل جذاب يحقق نقلة نوعية فى تسويق المنتجات السودانية فى أسواق عالمية !!
الغريبة القصة ما مكلفة !!!

وبعدين ياخي معانا؟ !!!!!

سلامات وليد
في شركة اسمها النصر بتعبأ الصمغ العربي و الكركديه و العرديب و القنقليز في شكل باودر و في عبوات راقية و بتصدر للخليج
كمان ناس دال عندهم منتجات باسم "زادنا" فيها دقيق ذرة وعجين طعمية و عصيدة ومديدة برضو في عبوات راقية لكنها للاستهلاك المحلي لأنها تناسب الذوق السوداني فقط

ود البشرى أقول ليك نقلة نوعية تقول لى الخليج !!
يا سيدي لولا إنو الخليج مليان سودانيين لما صدرت "النصر" إليه !! هسه بالله القنقليز ده غير السودانيين فى الخليج البشربو منو ؟ غايتو هنا فى السعودية مافى وزول بعرفو من ناس البلد ديل !
نحن دايرين "التغليف والتعبئة" المتميزة هو الليسوق وفى حتة مافيها سودانيين . والسودانى لعلمك لو جبتو ليهو فى كيسي نايلون ما عندو مشكلة !

وبعدين معاك إتا ذاتك يا ود البشرى ؟
تحياتي ياخ

و اظنك يا وليد تقصد الpacking

يا وليد نحن مشكلتنا في الرسوم والضرائب المتنوعة المفروضة علي المنتجات التي تمنعها من المنافسة مع اي اسواق.
مشكلتنا في وسائل الترحيل المتخلفة والتي لاتناسب مختلف المنتجات.
مشكلتنا في الطرق النقل السيئة ان وجدت
والمشكلة الكبرى الفساد المستشري في دهاليز الدولة.
مشكلتنا مشكلة يا اخوي

تحياتي

محمد الشيخ إزيك
quoteو اظنك يا وليد تقصد الpacking
والله يا محمد ما بقصد بس التعبئة ، بقصدهم الإتنين التعبئة والتغليف

تحياتى الاستاذ وليد طه ..

القنقليز على وجه التحديد فى عبوات مميزة .. صحية و ممتازة و يسوق و يباع فى بريطانيا و عليه اقبال كبير من البريطانيين انفسهم ..

و اعتقد انه من بلاد غير السودان ..

Difference Between Packing and Packaging

• Packing and packaging are closely related concepts though being totally different

• Packing refers to wrapping up of a single item into a casing so that it arrives in the market in a beautiful manner such as toothpaste and crèmes arriving in their packets

• Packaging is mostly done by factory owner who have to send products in bulk. Packaging refers to placing inside individual products into a carton using wrapping materials to protect products from any damage.