الأغنية دي قصتها معاي قصة عجيبة جدا مليانة حنين ما معقول كله كله .. السر شنو ما عارف غايتو بكون سمعتها زي مليون مرة وفي كل مره حنين يقتلع الضلوع
Post: #2 Title: Re: عقد الجلاد وحميد بينهما andquot;نعمةandquot; وحنين Author: عبدالعظيم عثمان Date: 03-03-2018, 07:20 PM Parent: #1
Quote: هي .. أقيفن .. نورة فيكن نورة نقاحة الجروف .. نورة حلابة اللبيني .. للصغيرين والضيوف نورة ساعة الحر يولع .. تنقلب نسمة وتطوف تدي للجيعان لقيمة وتدي للعطشان جغيمة والمخلي الحال مصنقر .. في تقاة الليل تندقر .. تدي لي باكر بسيمة تكسي للماشين عرايا وفوقا إنقطع هديما ما عرفتن نورة إنتن .. قولن إنتن شن عرفتن نورة بت الواطة أخيتي .. نورة اخت كل الغلابة نورة حاحاية الشقاوة .. نورة هداية الضهابة الاراضي الياما أدت .. نورة بقت من ترابا وماشي في الأعماق سحابا مشتهنها .. والله جابا للجنوب طبلاً يهدهد .. لي مشاعر ناس تعابة وللشمال طنبور يسكت .. دمعة الميتين كآبة ما عرفتن نورة إنتن .. قولن إنتن شن عرفتن نورة عايز تقرأ قالت فوقا حيطة الدنيا مالت ختت الكراس وشالت منجلاً صالتبو جالت لامن إنجرحتبو شالت للتراب فوق إيدا كالت ومرة يوم في الدونكا لدغت جاء الفقير بالليل حواها ويوم ملاها الهم قطايع .. جاء البصير بالنار كواها ونورة ما قدرت تمانع .. تقنع الناس المعاها ومرة شافت في رؤاها طيرة تاكل في جناها حيطة تنمغى وتفلع .. في قفا الزول البناها في جنينة سيدي سمعت .. تمرة تصقع للوراها الأرض لابد ترجع للتعب فوقا ورعاها شافت النيل موجو لاها الخليقة بقت إلاها الشمس طبقت ضحاها نار عقاب إنساب مكسر .. فوق تكليات متاهة وضو من الله .. رهاب مكتف في وتيد الليل معاها بين حضر بلدا وخلاها فسرت للناس رؤاها وقالوا جنت ومو براها ونورة زادت فوق شقاها وصدت الأيام تخش تبني لي عصفورة عش في السواقي تشوف عزاها لما شوقا يسوي .. وش تسقي تزرع تسعى تصنع للنهار في الليل تخش عرفت الشقا والشقاوة إلا ما عرفت تغش شايلة طولة البال من الله .. ومن أراضينا الإثارة وماشي تكدح طول نهارا وترجى لما الليل يفلل .. تسرق ألمي عشان خدارا عشان صغارا ولما ترجع لي ديارا تنزف أحلام الفقارى من عويناتا الحيارى لي غبار الحال تقش فوقو للآمال ترش نورة تقعد صاحي تحلم .. بي بيوت بي نور ودش وبالمحبة تشق دروبا .. ولي قلوب الكل تخش نورة تحلم بي وجود ما مشت بينو القيود أفضل أفضل بي كتير .. بي وطن من غير حدود نورة تحلم بي عوالم زي رؤى الأطفال حوالم لا درادر .. لا عساكر .. لا مظاليم لا مظالم نورة تحلم .. ولما تحلم نورة ترجف ولما ترجف نورة تحلم .. ولما ريح الواقع المر .. لي عشيش أحلاما ينسف نورة تنزف ولما تنزف بالا يهتف .. يوم حا تنصف يوم حاتنصف وتبدأ تحلم .. ولما تحلم نورة ترجف ولما ترجف نورة تحلم صاحي تحلم.. وصاح بتحلم صاح بتحلم
Post: #3 Title: Re: عقد الجلاد وحميد بينهما andquot;نعمةandquot; وحن Author: عبدالعظيم عثمان Date: 03-03-2018, 07:22 PM Parent: #2
Post: #4 Title: Re: عقد الجلاد وحميد بينهما andquot;نعمةandquot; وحنين Author: باسط المكي Date: 03-03-2018, 07:25 PM Parent: #1
شكرا ياااخ ابداع وحنين
Post: #5 Title: Re: عقد الجلاد وحميد بينهما andquot;نعمةandquot; وحن Author: عبدالعظيم عثمان Date: 03-03-2018, 07:41 PM Parent: #4
شايلة طولة البال من الله ومن أراضينا الإثارة
Post: #6 Title: Re: عقد الجلاد وحميد بينهما andquot;نعمةandquot; وحن Author: عبدالعظيم عثمان Date: 03-03-2018, 07:58 PM Parent: #5
Quote: شكرا ياااخ ابداع وحنين
تسلم يا باسط
بالله شوف كمية الإبداع المدفق من العمل الحنين دا عثمان النو يتجلي ومحمد الحسن سالم حميد يطير في عوالمه الخاصة شمت محمد نور يبدع أنور عبدالرحمن يتجدع
حنين يدخل الوريـد ويقتلع الضلوع
Post: #7 Title: Re: عقد الجلاد وحميد بينهما andquot;نعمةandquot; وحن Author: عبدالعظيم عثمان Date: 03-03-2018, 08:06 PM Parent: #6
Quote: ومرة شافت في رؤاها طيرة تاكل في جناها حيطة تنمغى وتفلع .. في قفا الزول البناها في جنينة سيدي سمعت .. تمرة تصقع للوراها الأرض لابد ترجع للتعب فوقا ورعاها شافت النيل موجو لاها الخليقة بقت إلاها الشمس طبقت ضحاها نار عقاب إنساب مكسر .. فوق تكليات متاهة وضو من الله .. رهاب مكتف في وتيد الليل معاها بين حضر بلدا وخلاها
فسرت للناس رؤاها وقالوا جنت ومو براها
Post: #8 Title: Re: عقد الجلاد وحميد بينهما andquot;نعمةandquot; وحن Author: عبدالعظيم عثمان Date: 03-03-2018, 08:23 PM Parent: #7
محمد جبارة يتجلي بالطمبور وحنين الدليب مع الطمبور (محمد جبارة وحميد)
Post: #9 Title: Re: عقد الجلاد وحميد بينهما andquot;نعمةandquot; وحن Author: Biraima M Adam Date: 03-04-2018, 03:44 AM Parent: #8
شكراً يا عبد العظيم .. حنيت مدفق ..
بريمة
Post: #10 Title: Re: عقد الجلاد وحميد بينهما andquot;نعمةandquot; وحن Author: عبدالحفيظ ابوسن Date: 03-04-2018, 06:12 AM Parent: #9
تشكر عظمة من اجمل ما غنته عقد الجلاد ومن المفارقات ان تكون ذات الاغنية سبب قطيعة بين حميد وعقد الجلاد
Post: #11 Title: Re: عقد الجلاد وحميد بينهما andquot;نعمةandquot; وحن Author: عبدالعظيم عثمان Date: 03-05-2018, 06:51 AM Parent: #9
Quote: شكراً يا عبد العظيم .. حنيت مدفق ..
بريمة
سلام يا بريمة الأغنية مليانة لي ود عينها
Post: #12 Title: Re: عقد الجلاد وحميد بينهما andquot;نعمةandquot; وحن Author: عبدالعظيم عثمان Date: 03-05-2018, 06:55 AM Parent: #11
Quote: تشكر عظمة من اجمل ما غنته عقد الجلاد ومن المفارقات ان تكون ذات الاغنية سبب قطيعة بين حميد وعقد الجلاد
تعرف يا حفيط لسوء حظنا حدثت هذه القطيعة كلام حميد الموغل في الرمزية مع عبقرية عثمان النو كان ممكن تطلع حاجات خرافية لكن في النهاية يظل حميد الرقم الصعب في الكلمة وعقد الجلاد التجربة المتفردة